شـيـنـة لـكـن النصيب قال كـلـمـته 💓

الجزء ال 29

رواد : اهلين احمد اطلعلي البرا بالله
احمد : طلعله البرا تي خش ياراجل
رواد : لا مستعجل هلباااا و عندي هلبا حاجات بنديرهم انا جيتك في موضوع وياريت ماتردنيش
احمد : ان شاء الله خير احكي
رواد : اني خذيت رأي خالدة و نبي رايك 😔 اني و خالدة بنعقدوا الاربعاء
احمد : حكتلي خالدة القصة كلها ؛ اني معنديش مانع تمام و الكلمة الاولي و الاخيرة لخالدة بس اني بنقولك من توا اختي راح تعيش في مشاكل طول عمرك اختي و نعرفها الله الله علي لسانها بس بصراحة متظلمش الا اللي وصل فيها و امك و اختك مش راح يسكتوا عارف جو البنات
رواد : صح كلامك بسس اني نحبها خالدة و مستحيل نخلي حد يوصل فيها و راح نصونها و نرعاها منبيكش تفكر في الموضع بكل اختك مدام حوشي ماتلقي الا المعامله الطيبه صدقني
احمد : علي بركة الله 😊😇
رواد : 😳 موافق ؟!
احمد : ان شاء الله ؛ بس علي حد كلام خالدة مش راح تقولوا لحد ولا ؟
رواد : ناسي في بالهم ماشي نخطب خطبة عاديه ؛ بس اني وياك نمشوا للجامع ونتموا الموضوع ولما نرجعوا نخبروهم
احمد : اها فهمت تم يا نسيبي
رواد : احلا احمد والله و حضنه 🥺 اني وقفتك هذي مش راح ننساها لك بگل صدقني 😔
احمد : شن تقول انت 🤨 تي انت صاحبي قبل ماتكون نسيبي و ان شاء الله خالدة متحشمناش معك 🤣
رواد : هههههه خليها اعليا متوصي شي توا
احمد : سلامتك ودير بالك تمام
رواد : تمام .. رواد ركب سيارته و طلع طووول لحوشهم معز
*******************
رواد اتصل بـمعـز ...
معز : هلا وينك انت ؟!
رواد : اطلع ياراجل اني البرا خلي نمشوا المحلات قبل لا يسكروا
معز : تم
رواد : فاتحين توا زعما
معز : حتي مش فاتحين كلهم نزبطهم نتصل بيهم و نخليهم يفتحوا ؛ حاجات الخطوبه ساهلات
رواد : بنعقد 😊
معز : 😳😨تحكي بجديات
رواد : ايـه معز يخططوا من وراي امي و ريناد يبوا يفرقونا 😏
معز : حي اعليهم 🤨 كنت متوقع من اول
معز : قصدي عاد الله زواج توا غير بتقعد في حوش ناسها ؟! ولا ؟
رواد : بنرفعها
معز : 😱😱😱😱😱
رواد : تعرف صالة راقيه ؟!
معز : بتأجرلها في صالة ؟ ايه نعرف ثلاته كويسات تعالا نشوفوهم
رواد : ايه كويس خالدة متعرفش بموضوع الصاله نخليه مفاجأة
معز : لي هدرجة تحبها رواد 😊
رواد شافله : نموت اعليها 😍
معز : قليل الترباية 😒
رواد : خالدة تقول صايع الادب 🤣
معز : هههههه فكني منها لسانها يجلط وجاه اتصال 😻 الماما
برنية ام معز : مرحبا معززز وينك
معز : مع رواد يا غاليه
برنيه : 😡 اعطيني نكلمه ها اللي مايتحشم
معز : حي اعليك رواد واعطاه التليفون
رواد : هلا عمتي برنيه بيش توتي روحك عاد
برنيه : مش مسامحتك اعليها والله 😡 بتخطب و ماتقوليش لعند نسمع من معززز ياوليدي
رواد : خيرك يا اعميمة ؛ كنت ناوي نقولك بسس انشغلت
برنيه : مش ماشية علي الحركة هذي 😤
رواد : وراسك انتي لما تمشي معايا 🥺 بجد معنديش غيرك و خالتي اللي بتجي غدوا 😔 امي اللي جابتني موقفتش معايا هيا وبوي وسافروا مانبي منكم شي غير توقفوا معاي المرة هذي بس
برنيه وجعها كلام رواد : هههه نبصر اعليك ياوليدي نمشي ونفرح انت بحسبة ولدي
معز : 😔😔😔
رواد : ولدك اميمتي معش تقولي بحسبة ولدي 🥺 نزعل منك
برنيه : خيرك بس 🥺😔 تعالا مر اعليا في الحوش نبيك
رواد : ان شاء الله نتم اموري و نجيك رد بالك ارقدي عاد
برنيه : انراجي فيك سلم وليدي
رواد : حاضر يا غاليه وصكر الخط ...
معز شاف لرواد ولقاه يبكي بعبرته بس بدون مايطلع صوت 😨😱
معز : خيرك يا راجل وقف السيارة بسس
رواد : يغطي في وجهه ووقف السيارة
معز : انزل خليني نسوق اني بجد جووو الزعل هذا مش ليك منحبش نشوفك هكي ضعييف خيرك عاد
رواد : تـعـبـت و حق ربي 😔
معز : 🥺
******************
معز و رواد قعدوا الليل كله ادوروا في المحلات خذوا البتات و غلفوه و حطوه في حوش رواد
رواد : خليه هنا احسن
معز : غدوا الثلاثاء تعالا عندي من الصبح و نتموا اللي قعد
رواد : عندك توكة غدوا
معز : تي طزز في العمل
رواد : 😍اصــلــي
*****************
خالدة : اووووف انحرقت جبهتي و اني نحاول انزل الشعر هذا خيره هكي 😤 خش اعليها احمد
احمد : من اهمالك 😒
خالدة : شن بندير توا
احمد : ليش اتعبي في روحك من اليوم اني حجزتلك في المزين
خالدة : نبي ندير انزله من توا تقعد تجبد المزينه
احمد : تستاهلي خلي تشحورك ؛ وقلها تكترلك مكياج
خالدة : نبي simple
احمد : سينبون في عينك
خالدة : simple 😒
*****************************************
رواد : عمتي برنيه 😍
برنيه : هلا ولدي ضرباته علي كتفه هكي يا كلب ادير فيا اخر من يعلم وبعدين مش ع اساس اني نخطبلك علي ذوقي
رواد : كل شي صار بسرعة و مالحقتش نقولك
رياض خو معز مواليد 96 : هاهاها صار بسرعة قتلي
عماد مواليد 87 : العبها بعيد 😒
معز : خلوا الولد في حاله
برنيه : متعدلش اعليهم كان فيهم فايده راه متزوجين و بصغارهم
رياض : لالا نتزوج وحده بيش تقعدوا تكيدولها و تعاركوا فيها 😒
عماد : واللهي صدقت
برنيه جت بتضربه : تجوزها و سكنها بعيذ اعليا كان هذا تفكيرك من توا 😡🔥
رياض : ااااه كتفي 😩
رواد : تستاهل
برنيه خشت المطبخ توتي العشي : يا رواد تعالا
رواد : انعم جايك هي
رياض : اعليك اذب 😒
عماد : مش منه بيش اتمله موضوع زواج
رواد : ضربهم بالمخدة تعرفوا انتم الزوز كان متخلونيش في حالي نوريكم
رياض : يا برنيه يضرب فينا اللي تقولي اعليه ولدي الوحيد
برنيه بصوت عالي : زيدهم يا رواد بالك يتربوا 😡