#يا_بخت🖤🙆
#الحلقه السادسه✨
انا"نبكي": خلاص كل شي انتهى😭💔
علاء"بصوت حنون": لا كل شي بدا مافيش شي انتهى...وبنجيب هلي يخطبوك
انا"بــصدمه": كيف ...شنو ؟
علاء: زي ماقتلك...سامحيني ع رساله بس كنت فعلاً وقتها مضطر ندير هكي انا حكيلك من قبل اني نشتغل في صيدليه ومزالت نقرا وراتبي كله ماشي ع اهلي ...
انا"بحسره": ياريتك قلتلي من قبل توا معش ينفع شي...يكون فعلمك أختي الها 8 اسنين مخطوبه!!
علاء"بعصبيه": لا انتِ ليا وقتلك ح نخطبك فكيني من العناد!
انا: ياريت الموضوع في يدي ...بعد نص ساعه بندير نظره شرعيه وبنكون الغيرك💔...الله يسامحك عشمتني ...كسرت قلبي وعذبتني✨
علاء"بصوت عالي": كان ماخذيتك نقتلك ونقتلا
انا: في أمـان الله....سكرت وطحت ع الأرض نبكي معش نقدر خلاص تعذبت من الحب واجد معش نقدر نتحمل اكثر من هكي نصيبي بنرضى بيه شن ما كان يكون!!
صبيت غسلت وجهي بالقوه ودموعي في عيوني ..طلعت لبسه اسود ×اسود ماحطيتش ولا نقطة ميك اب بالمختصر المفيد كأني مشيه الجنازه🖤🔥
جتني مهى قعدت مصبيه تتفرج عليها
مهى"تنهدت": اللي يحبك هو اللي يجيك من باب الحلال طول
انا"تنفست بعمق": الزمن اللي كان ضدي المره مش هو..قال بيجيب اهله لكن بعد شنو ..بعد فات الوقت !
مهى: خلاص هي سلم خيتي حطي حتى طشت روج ماتقعديش هكي!
انا"ضحكت بهزوه": كنتي ديما تهزبي فيا ع المكياج جيه اليوم تقولي حطي ...مانبيش ماعنديش نيه
مهى"تغير فـجو": تعالي نديرك مكياج سمح ونعطيك طرحه من بتاتي هي من قدك عد اضحكي😂😒
انا: طيري يامهى ما نبيش ...اهو صوت سالم ينادي بنمشي
مهى: اعقلي قدام اراجل !
خذيت هاتفي و طلعت وخليتها تحكي وقتها كنت مستسلمه وضعيفه سمعت صوت رساله ...ردت فيا الحياة فجأه كأني كنت نستنى فيها نبي حد يدفني بس عشان نتجرء وندير شي ...
قريت المسج
*- يليق بكِ ان تكونِ ضوءاً لاينطفي ♥️ ...جربي حاربي ع خاطري ولو لمره واحده بس ..عطيني فرصه*
قريت المسج ودموعي طاحن ..اادموع اللي دستهم بدون اي اراده من نزلن .. مسحت دموعي حسيت روحي انسانه ثانيه من بعد المسج ..من انسانه ضعيفه ...لأنسانه مش خايفه انها توجه العالم كله ع خطره🖤✨
سالم: سنه نعيطلك؟
انا: كنت نلبس اهو جيت
سالم: هي خشي قديمي وربي تحشمينا مع راجل نقتلك قتل فاهمه!
انا: خلاص ليا ثلاث ايام نسمع في نفس دسكه غيرها😒
سالم: سدك سهوكا هي خشي
خشيت وعيوني في الأرض ..يحرمو عليا الرجاله من بعده!
قعدت ساكته حتى السلام عليكم ماقلتهش ..حسيتها خيانه في حق علاء عشان هكي ماسلمتش💔..
سالم"معصب": أماني ..بنطلع نجيب القوه انا
فنص فيا بمعنى احكي ديري لقطه ...هزيت براسي طلع سالم ..وعيوني فالأرض ماشلتهنش😂
YOU ARE READING
#يا_بخت🖤🙆♀️
Fantasyروايا عباره عن بين الحاضر والماضي.... طبيعة سرد مختلفه تماما عما سبق... انصح القراء الفضوليين بالبتعاد لانه على لأرجح سيقتلكم فضولكم هذه المره😂💔
