#يا_بخت🖤🙆‍♀️

#الحلقه_الرابعه

#يا_بخت🖤🙆

#الحلقه الرابعه✨

مشيت بتجاه علاء وكنت خـايـفـه بـ صدق!!

انا"بـصوت يرجف": ءء علاء
علاء:"ساكت"
انا"بخوف": علاء فيك شي شوفلي حط عينك فــ عيني!!

لف علاء وحط عينه فــعيني انصدمت 😳💔...
كانــن يديه دم وجها وأحمد كله دم
انا"نصرخ": ولدي شنن درت الولدي الصدمه كانت رهيبه بنسبه ليا منظر شنيع من شدت الموقف.....

__________________/في الماضي/_______________________

انا .... جيت بنرد عليه وحسيت بكف قوي ع وجهي😳

مهى: معقوله ديري هكي بابا واثق فيك تخوني ثقته😠...نهايتها تكلمي عقاب ليل ...والله الا لما نقولها السالم يعرف يتصرف امعك
انا"نبكي": لا وراس مهى لا ..ناويني بالحلال وبيجب اهله ..والله يحرموني من القرايه يا مهى ماديريش فيا هكي
مهى"حنت": عندك مهله شهر ماجبش اهله بنخبر امي وبويا والحوش كله..وشرطي ماعش تحكي امعه وياويلك نشوفك تحكي!
انا٫بصوت مخنوق": ت.تتمام

طلعت مهى وقعدت نبكي لان كلامها صح ..هلي مأمنين فيا وانا نخون فيهم وع شان من عشان شخص مانعرفش اذا كان صادق امعي ولا!!

خذيت الهاتف وسكرته وقلبي يوجع فيا ...من جها ءءأنــا متعلقه بيه ..ومن جها أهلي اللي تعبو عليا
مسحت دموعي
انا: معش بنحكي امعه وأحسن شي نسكر هـاتـفي ..حتى انا الأخرا شنو يجيب فيا للحب وطياح السعد😭💔

رقدت ودموعي في عيوني وعندي أمل في شي انا مش عارفه شنو بس عندي أمل ✨

"ثاني يوم صبح"

وعيت ونتفدا في مهى عشان مانبيش نتسبب الروحي فــ مشكله امعاها

مهى: يا أماني تعالي
انا"بـخوف": نعم؟
مهى: تمشي امعانا العمتي ناديه؟
انا: ليش مشيات؟
مهى:ع خاطر بنتها يمامه انخطبت ..بنباركو
انا"بـ صدمه" يمامه
مهى: قصدك ماعندكش علم ...صارت عندهم فضيحه هذا كبرها ..ربي يستر عليهم
انا"بنفذ صبر ": هيا نبي نمشي
مهى: مزال صبح ..بعدين في العشيه مشين
انا:مهى ..بنطلع توا ..يرحم ولديك حيلي عليهم لازم نمشي
مهى"بـحيره": مانقدرش البنت شبها
انا٫بصوت عالي": مهى راه صحبتي ماتحكيش عليها قدامي!
مهى"برفعت حاجب": مانسيتلكش شنو درتي راه ..خطيني

طلعت من دار مهى وشيطه فيا نار نبي نعرف من اللي مشارك يمامه في المصيبه غير هكي كنت بجد محتاجه يمامه💔...قطع تفكيري صوت
أميرة تناديلي

أميره" : يا موني تعالي شوفي شنو شريت
انا"بستغراب": أميره وين ليك وحشه😍
أميره: الحمل متعبني وهذا وين رديت شقتي و مؤيد بيروح قريب ع خاطر عرس مهى
انا: شنو شريتي؟
أميره شوفي الفستان هذا ...شنو رئيك فيه؟
انا"بذهول": حي ولونه دمي عرفتني ماعنديش روح مع اللون هذا🤤🖤
أميره: عجبك
انا: يهبل يطلع عليك خيال...تبيديه بالهنى
أميره: ياهبله جيبته لك مش جيبته روحي💜😂
أنا"شهقت": سلمها مرات خيي😭🖤
اميره: تستاهلي كل خير ياعيوني...امشيي قيسيه
انا: القني كسلانه😂💔
اميره : من يوم يومك كسلانه✨
انا: فـ شهر الكم؟
اميره: السادس
انا: ربي يتمم ع خير
اميره: ان شاءالله