#يا_بخت🖤🙆
#الحلقه الخامسه✨
خذيت هاتفي بنرن وقبل مايضرب الخط شفت البدله قاعده مكانها ع الأريكه!!
انا: شنو هذا ..اووف بالك ماشفتهش انا ...خذيت البدله ورديت رنيت
سماح"بصوت نعس": خير يا موني شنو في؟
انا: خير بس نبيك ضروري لازم تجيني!
سماح: صاير شي لا بس بعد تشوفي سيارت علاء مش قاعده تعالي ونحكيلك
سماح: تمام
انا: سلام ....سكرت عليها وقعدت نفكر في البذله هي صح اختفيت ولا انا عميه ماشفتهش!
صبيت قعدت نلم في الحوش وندير في الفطور ...بعد شوي وعى علاء
انا:صباح الخير
علاء: صباح الخير..عطيني قهوتي نبي نطلع
انا: باه .. مشيت جبت القهوه وعطيتها له
علاء: شفتي بذلتي امتع العمل؟
انا"بـ توتر":اء لا ماشفتهش يمكن نسيها في المستشفى
علاء: تمام ..طالع انا
انا: مربوحه
طلع علاء وسكر الباب ...خشيت لميت مكان الفطور ورنيت ع سماح
انا: هيا تعالي
سماح: قدام الباب افتحي
انا: هب جيتك
مشيت فتحتلها الباب
سماح: كنك رايحه منسوده وناقصه😳
انا"بلا مباله": مش مهم في شي اهم تعالي نقعدو نحكيلك
سماح: باه هيا
قعدت سماح وقعدت انا حذها
سماح"بـفضول": باه احكي هيا؟
انا: علاء فيه شي مش طبيعي له ثلاث شهور هكي من يوم اللي حملت مش طايقني ..مفروض انا اللي نتوحم عليه مش هو اللي يتوحم عليا!
سماح"ضحكت": باه كملي
انا: شكيت في امره وتصرفاته غريبات يطلع برا الحوش يقعد يقولي انا نبيك بس مش قادر نقرب منك!!..بديت انشك هذا غير الأحلام اللي تخوف بعد تفكير جى في بالي انفتش الدار يمكن نلقى شي ..دورت في كل مكان لفتت نظري البدله امتع العمليات ليها فتره مختفيه اساساً وبعد لقيتها القيتها مخيطه بسلك اسود !! ..نبيك ادوريلي حل معش نقدر انا ماحكيتش الحد غيرك راه
سماح"بـرتباك": نعرف شيخه تقدر اتعالجه لك في يوم بس هيا يعني مش شيخه شيخه
انا"بستغراب": قصدك حتى هيا سحاره...لا نبي حد يفك السحر اللي في البدله انا لازم
سماح: انا سيارتي قاعده شنو رئيك تلبسي ونمشو العمتي رباب معروفه تفك في سحر بس يخذ وقت مرات حتى سنين
انا"بعد تفكير": باه نقول العلاء نبي نطلع ونمشو!
سماح: تمام هي نستنى فيك
خشيت عشان بنطلع عبايتي وانا نطلع القيت المقوله اللي هداها ليا علاء من قبل ورديت للذكريات من جديد
________________/في الماضي/____________________
مهى: شنو قالك عشان جرحك هكي قولي؟
انا"بصوت مخنوق": بعثلي *انا في غرفة العمليات ارجو عدم الإزعاج*
بعد ماكنا يموت يوم اللي مايحكيش امعي قعدت ازعاج بنسبه له ولاعشان قتله انت قد كلمتك انسحب ولا
مهى"بـ ستغراب": ولا شنو!
انا: نفس لقبهم ...خطيب مهى نفس لقبهم
مهى: وكان يعني؟
انا: خايفه يكون هو
مهى"بـقسوه": وكان هو لا واكل لا اكسجين هو ..انسيه وامسحي ادموعك
انا: مش ساهله يا مهى مش ساهله كيف ننسه بس احكيلي
مهى: الوقت ينسيك كل شي
انا: كل ثانيه كل دقيقه نتذكر فيه
مهى"بـشفقه": جرحك مزال جديد بس ...توا ارقدي وانا بنمشي للخطبه
انا"بـ صدمه": قصدك قالوك تمشي عادي!!
مهى: اي انتِ بس مش مسموحلك
انا: معقوله ليش
مهى"ضحكت": حتى ودموعك ع خدك السانك طويل
انا: نبي نرقد سلمي عليها💔
مهى: تمام ...طلعت مهى تلبس وقعدت انا نبكي ادموعي زي الجمر ع خدي 🔥....نقنع في روحي ونقول ماحد يستهل دمعه مني بس ماقدرتش نمسك ادموعي ماقدرتش كان بنسبه ليا كل شي وفجأه مشى وخلاني!!
YOU ARE READING
#يا_بخت🖤🙆♀️
Fantasyروايا عباره عن بين الحاضر والماضي.... طبيعة سرد مختلفه تماما عما سبق... انصح القراء الفضوليين بالبتعاد لانه على لأرجح سيقتلكم فضولكم هذه المره😂💔
