سوالف شــٰٚـ̷ِْرســـٰۛۛــههةه⁽💀💕₎ْٰ⇣۽ۧ

قصةة💔☹

هيلاو يععسل
هلقصة مؤلمه وبيها عبرة بنفس الوقت
.............

اني فاطمة او نگول فوشة مواليد ٩٩
من النجف طالبة اعدادية "ولو المفروض كلية"
أحب الحياة واحب اعيشها بكل تفاصيلها
طفولية كلش ومخبلة حيل همينة🌚 أبچي حيل هواي هواي واضحك واني ابجي همينة😂💔يعني اني ماعرف شنو اني هعععع
المهم ...
نبلش وين ؟؟
من ٢٠١٢
من چنت بلمتوسطة تحديداً
بلشت عدي اعراض غريبة نوعاً ما
راجعنة اطباء هواي معرفوا شنو الي بية
رحنة لتركيا تم تشخيصي على انو اني بية اورام قلبية حميدة طبعا على غشاء التايمور "القلب"
خضعت لكمية كافية من العلاجات
تاذيت هواي بسببهم بس عادي كملت
كل العلاجات الي مفروض اخذها
ورة فترة بدت تظهر عندي اورام سرطانية بجسمي
خضعت تقريبا ل٣٦ جرعة كيمياوي
وكع شعري من اول جرعة ....

استمريت الى ٢٠١٦ سويت عملية استئصال كلية
لان صار بيها سرطان
بعدها بفترة اصابني فشل كلوي
جربت جحيم غسيل الكلية
بذني السنين :
٢٠١٧ ..٢٠١٨..٢٠١٩
هجم علية السرطان .....
الي باقيلي حسب ماعرفت من الاطباء مو هواي حيل
حالياً فوشة عايشة ع المهدءات الي متفيد هواي

وما انسة بطل الدم الي كل يوم لازم اخلي
والكمامة الي دوم دوووم لازگة بويهي طراطارة🌚💔
والكانيولة الي كولش تحب ايدي وابد متفارگني 😂
هواي اشياء تعيسة عشتها وبعدني دا اعيشها ..
بس مو اتعس من الناس الي ابشع من السرطان
.......
ماعرف شنو الي اريد اگولة بلضبط
واريد اوصلة ...
معندي حروف كافية لهواي امور
معندي حروف توصف شعوري واني اسمع حچاية
الي مثلچ تصلي وتذكر ربها وگاعده ع السجادة لان رح تموت !
لو الي مثلچ تسوي شي بي خير تنذكر بي لان رح تموت
لو الي مثلچ اصلاً تضل تعد ايامها
لان رح تموت !!!
هالحجاية مو بس اني سمعتها كل شخص كل بنية كل ولد كل طفل كل عجوز صار بي سرطان سمعها!!!
لتستغربون بسبب هالحچايات حاولت حته انو انتحر
گد ماجزعت
.....
فقدت ناس چانوا جزء من روحي
ولحد الان دا افقد ناس حيل عزاز علية
تعرفت بلعلاج منهم :ولاء صبيح ..رويدة ..عبد الله ..وجدان النقيب الي هي بسببها صرت احب اكتب هواي واتعلم منها هواي ..

رسالتي هالمرة تختلف ...
ماريد بس اكول حارب وعيش
لا رسالتي انو من تشوف شخص ديعاني
في سبيل يكدر يعيش ويكمل يومة
من تشوف شخص الظلمة احتلت كلشي بحياتة
وانعمة وبعد ميكدر يكمل
وبلگوة ديصبر روحة حته يعيش !!
من تشوف شخص بي سرطان لتكول اسم الله !!
ولا تكول الي مثلك رح يموت
لان الموت شي كلنا رح نجربة !!!!
بدل كل حچاية تأذي
گلة حچاية حلوة : الي مثلك لازم يعيش ويكمل
الي مثلك لابد تجي شمس وتتطرد ليلة
الي مثلك رح ينتصر ويوصل للي يريدة
واذا تگدر تساعدة لتقصر
حته لو بضحكة ؟!!
حته لو بشي بسيط
المهم لتكسر بي
واذا مگدرت فعوفة
لان ورب السما معايز !!!!!

تعرضت لهواي تنمر بحياتي سواء ع صلعتي او شكلي بلكيمياوي وغيرهة من الامور ..
نزف العين الي كولها تخترع من شكلي من اداوم بلمدرسة
وهواي امور هوااااي
بس شنو الي خلاني نوعاً ما اعتاد ع هالامور واحسها شي يمزني عن غيري ؟
قصة لطيفة 💙
بلمدرسة من چنت اداوم اضوج من وضعي دوم كانيولة
عيوني ينزفن ع ساعة اختنگ ما احضر كل الدروس
اخلصهة بساحة المدرسة صافنة
لو اكل چبس 🌚💔
مرات انسحل ومرات لا
استاذ علي نوري الحمداني
صح مچان يدرسني
بس اعتبرة ابوية الروحي
حچاياتة وشون جان فخور بية لان دا احارب واكمل
مدتروح من بالي لحد الان
وطبعاً لحد الان هوَ يطلبني عزيمة بس اني مسوية نفسي ناسية🌚💔
صرت احضر تقريباً كل دروسي
وما ابجي من يكلولي ليش هيج عيونج وليش هيج تعبانة
صرت افتخر كلش بروحي
العبرة شنو هيَ ؟!
خو هي بس حچاية !!!
گدرت تخليني اكمل عادي وانجح بمرحلتي الدراسية
الي المفروض اترك بيها لان صحتي تردت حيل بوكتها
يعني بحچاية !!!!
ممكن تنقذ او تجبر روح انسان
وبحچاية ممكن تطفي وتدمر حياة انسان كاملة

الحچاية الحلوة والله مو صعبة
احنا نخلقنا من نفس الطين
نعبد نفس الرب
مو مهم شنو معتقداتي ومعتقداتك
المهم انو تفهمني !!
متأذيني
ترحم بية واذا مكدرت لتضرني
بية سرطان واذا بية ؟
رجلي مفقودة واذا؟
معوقة واذا؟؟؟
منغولية واذااا؟!!!!!!!
اضل اني بشر
حالي من حالك ما اختلف عنك باي شي
مجرد فقدت شي من صحتي والله اكيد رح يعوضني
هذا اختلافي عنك !!!!
بس هذا
الدنيا حيل گصيرة
وحيل بيها ايام تخوف وتضوج
ماكو داعي واحد ياكل بلثاني ويدمرة
لان والله مرح تستفاد شي من الاذية
شيصير لو الرحمة الي ندعي الله ينزلهة علينا
تصير بينا
شيصير لو نرحم غيرنا
حته الله يرحمنا !!!