خائنه غيرت حياتي .. للكاتبة ياسمين عادل

الحلقه (21و22)

الحلقه (21و22) 

مـن روايه #خائنة_غيرت_حياتى

- كان الشعور بالفرحه العارمه يسيطر عليها وترقرت دموع الفرحه من عينيها .. بينما صعد يحيي وبسرعه .....

صفوان : هو انت عاقل ؟

يحيي : لا طبعا ياعمي

صفوان : كويس اوي .. طب انت يرضيك اجوز بنتي لواحد مجنون ومعترف

يحيي محدقا عينيه : لا مش قصدي يعني ياعمي

اكيد .. بس قصدي اني ساعات ببقي متهور مش متهور بالضبط بس قصدي ممكن اكون مجنون بس مش قوي .. يعني مش مجنون ممكن اكون بتصرف بسرعه .....

صفوان : خلاااااااااص انا فاهم قصدك

يحيي : بص ياعمي انا جاهز وكل حاجه جاهزة و...

صفوان : لا حول ولا قوة الا بالله يابني ف العجلة الندامه ولو انت جاهز انا مش جاهز

يحيي : ياعمي انا ...

صفوان : انت مش واخد بالك اننا بنتكلم الساعه 1 بعد نص الليل

يحيي بااحراج : احم .. ااه اسف جدا طب حددلي معاد وانا اجي فيه ومش هابقي لوحدي كمان

صفوان : كده انت قصرت عليا الطريق ... الاسبوع الجاي يناسبك

يحيي : بصراحه لا ميناسبش .. انا مسافر بعد يومين وعايز حياة تبقي معايا قبل ما اسافر

صفوان بدهشه : معاك ازاي يعني ؟؟

يحيي : اقصد يعني تبقي خطيبتي .. وان شاء الله لما ارجع هنحضر للفرح

صفوان : مممم طيب بعد بكرة الساعه 7 مساءا وده اخر كلام

يحيي بابتسامه : شكرا ياعمي ان شاء الله هابقي موجود ف المعاد عن اذنك

صفوان : ان شاء الله يابني مع السلامه

( غرفة حياة )

- كانت حياة جالسه ع فراشها تلعب بأحدي خصلات شعرها ويعلو صغرها ابتسامه عفويه حتي قطع شرودها طرقات صفوان ع الباب ..

حياة : اتفضل يابابا

صفوان : حبيبة بابا سرحانه ومش ف الدنيا اصلا

حياة بخجل : يعني مش بالضبط ياصفصف .. بس الحركه اللي عملها عجباني بس مش اكتر

صفوان : طب وايه رأيك .. لسه رافضه

حياة : .....

صفوان : انا شايف ان الشاب كويس ومفيهوش حاجه تتعايب .. وهو عايز الخطوبه تبقي بعد يومين عشان مسافر بعد كده

حياة : هه بس ده بسرعه قوي كده

صفوان : هاتبقي حاجه صغيرة كده عائليه يعني

حياة بتفكير : مش عارفه يابابا.. خلاص اللي تشوفه

صفوان بابتسامه : انا حاسس من نحيتك بالرضا .. يبقي سيبيني اتصرف