الحلقه (7و8)
من روايه #خائنه_غيرت_حياتى.
- باتت الاوضاع مشحونه للغايه والاطباء يفعلون ما بوسعهم واكثر لانقاذ انفاس يحيي الاخيرة حتي شعرو بتوقف القلب ....
الطبيب 1 : القلب هايقف
الممرضه : الصاعق 1 2 3
الطبيب 2 : مفيش اي استجابه .. .. النبض مش موجود ...
- توقف القلب عن العمل للحظات ثم دبت فيه الحياة مرة اخري وكأنه يعافر مع الموت ويتحداه ليبدأ العمل من جديد .....
الطبيب : هاتيلي حقنه ( .... ) بسرعه
الطبيب 3 : النبض لسه منتظمش ..
الطبيب 2 : بس القلب اشتغل تاني
الطبيب 1 : دي اخر محاولاتنا وربنا يستر
.................
( الوضع ف الخارج )
شريفه ببكاء : هما رايحين جايين كده ليه .. اكيد في حاجه جوه ومخبين علينا
بيبرس : ياطنط اهدي شويه ارجوكي ادعيله وهو هيقوم بالسلامه ان شاء الله
شريفه : مهيب .. انت لازم تنقله من المستشفي دي.. احنا ممكن نسفره بره
مهيب : تفتكري اني محاولتش اعمل كده ؟
بس الدكاترة اكدوا ان مفيش ازيد من اللي هما بيعملوا وحالته الصحيه مستحيل تسمح انه يتنقل من المستشفي دلوقتي
شريفه ناظرة لصافي : قومي يالوح تلج من قدامي
صافي : في ايه ياطنط هو انا كلمتك
شريفه ممسكه معصمها : وهو انتي تقدري تتكلمي معايا ولا تفتحي بوقك .. يابارده ياعديمة الاحساس .. ابني بين الحيا والموت وانتي وجودك زي عدمه
مهيب : ميصحش كده ياشريفه سيبي البنت
شريفه : البت دي تمشي من هنا .. مشوها من هناااااااا
بيبرس : حاضر حاضر .. بس ممكن تهدي طيب احنا ف مستشفي
الممرضه : ياجماعه الصوت العالي ميصحش هنا .. والدكاترة جوه بيشتكوا
شريفه بلهفه : ابني عامل ايه لو سمحتي
الممرضه : واللهي يافندم الاوضاع مش مستقره ربنا يعديه من الازمه دي
شريفه ناظره للاعلي : يااارب نجي ابني وقومه بالسلامه
- انسحب بيبرس بهدوء واصطحب معه صافي لمنع المشاحنات والتصادمات بين شريفه وبينها ...........
بيبرس : صافي .. انتي بتحبي يحيي ؟
صافي : اه طبعا يابيبرس .. انت عندك شك ف ده ؟
بيبرس : انا معنديش شك .. بس حبيت اتاكد
اصل شيرين اللي اسمها بنت عمه كانت هتموت نفسها عليه . بس انتي مش عارف جايبه الهدوء ده منين
JE LEEST
خائنه غيرت حياتي .. للكاتبة ياسمين عادل
Romantiekجميع الحقوق محفوظة للكاتبة أحبها بشده فكان الخذلان بحجم الحب , أحتاج يدها تعاونه للنهوض من جديد .. ولكنها لم تفعل أبدا , رحلت عن حياته بدون سابق أنذار , فقرر العيش بدونها أفضل مما كان ... صادف الأخرى بطريقة لكي تدعمه وتكون له العضد , فأكمل حياته مع...
