انا وبنت قيسمنا

الجزء الثالت : حنكة #برلين

الجزء الثالت :

يوم جديد والحرب يالله بدات ولابد من منتصر وخاسر ، دار الأسبوع ودخلنا عند الأستاذ صاحبي لي دخلت عندو أول حصة ، بقيت شاد أنا وياه الهدرة برا القسم وهوما كاملين لداخل وكيسمعونا مفركعين بالضحك...

دخلنا هو مشا البيرو و أنا مشيت لبلاصتي وبدات الحصة وكلشي منتابه إلا خوكم كيهندس فشكوناهيا الضحية اللولة وممسوقش الدرس حيت الأستاذ صاحبي وكنجلس أنا وياه فالقهوة يعني شي اي حاجة ديالي منخافش ...

حتى سمعتو كيقولهم غنديرو كروبات وغتخدمو مجموعين بشرط أنه كل جروب يكون فيه تلاتة وضروري متخلطو دراري ودريات باش تكون الكفة متوازنة، بدأ الهرج وشي كيعزل فشي وخوكم تاواحد ما قدر يعزلني حيت تاحد مزاعم عليا وبقا خوكم عشور ملي عطاوه الأسماء قاليا فينك نتا معامن... قلت ليه معرفتش راه تاواحد مقاليا شي حاجة ، وهو يلقا كاع الكروبات فيهم 3 وانا خرج فيا البلان أنني بقيت بوحدي وهو يقولهم أما يزيدو شي جروب معاهم و توليو اربعة ولا غنقص من شي غروب واحد ويوليو جوج جروبات فيهم زوج و وماتبقا تلاتة!!

تاواحد ما تحرك وانا نقوليه استاذ نقدر نعزل معامن نخدم !؟ قاليا مرحبا آسي #برلين عارفك آش كتسوى فالقراية... قلت ليه بغيت نخدم معا مولات الماساج آلى عقلتو عليها قلت ليه فلانة وهو يسولها اش بان ليك هي مفهماتنيش علاش ختاريتها ومقداتش تقول الأستاذ لا !! ديما كنقوليكم توقيت الصدمة مهم من القصة الأولى راه هو مفتاح كلشي فالحياة

صافي عطانا المواضيع علاش غادي نخدمو وعندنا أسبوع كامل باش نقادو كلشي ، صونات خرجت أنا الأول وغبرت ... دخلنا الحصة لي موراها وهي تقوليا فين مشيتي بغيت غانعرف آش غنديرو وانا نقولها زربانة!؟ ومشيت جلست اللور

خرجنا وهاد المرة الطاكتيك غيتبدل مع صونات مخرجتش بزربة ولكن بقيت كنكتب معطل وكنجمع بشوية زخرجت معا اللخرين لقيتها واقفة هي وشي بنات كيدويو غير شافتني وهي تقوليا موحال واش باغي تخدم نتا!! وانا نقوليها براسي أجي وهي تم جاية قربات وانا نقوليها مالك عزيز عليك تهضري قدام بنادم!! عزيز عليك شوهة؟؟

بقات غاكتشوفيا وانا نقوليها عرفتي علاش ختاريتك من دون دريات لاخرين!! كملت راه هادا هو السؤال لي مخلاكش مركزة طول الحصة لي موراها وهانا غنجاوبك ولكن كيبان ليا غلطت!!

ختنا تخلطو عليها العرارم ومفهماتش البلان بحال صرفقتها!! قلت لها واش نكمل الهدرة ولا نمشي شتك سكتي!! قالت لا غير كمل راني كنحاول نستوعب هدرتك، قلت لها راه مدة وحنا جامعنا قسم واحد وانا من نوع لي كيحلل عاد كيدير خطوة ، و وسط عشرين درية بنتي ليا نتي الوحيدة لي مفيكش قوة الهدرة و قال قلتي وتعاويد ... قلت هادي لي نقدر نخدم معاها وانا مرتاح ولكن ملي دويتي قدامهم بديك الطريقة تبدلات النظرة ديالي !! ( قبل متدوي عرفتها غادة تبغي تبرر ليا وهنا ختنا دخل معاها القالب )