انا وبنت قيسمنا

الجزء الأول من القصة : بنت قيسمنا

الجزء الأول من القصة  لي بعنوان : بنت قيسمنا

المهم كنا فالباك وجات بداية الدخول المدرسي وراك عارف كان داكشي بحلاوتو المهم حنا ف سنة 2007 بدا التقياد وكلشي كيجمع فالوراق باش يتقيد ويعرف إينا قسم جا باش ياخد التوقيت ويعرف معامن جا واش معا عشرانو ولا لاحوه فالثلث الخالي بوحدو وخاصو ماهي وما لونها باش يدير صحاب جداد ... المهم برلين ديما معطل فكلشي ناس تقيدات وبدات كتقرا وهو عاد جاي كيجر فرجليه دخلت للإدارة وقاليا الحارس العام على سلامة آسي المدير راه شوية كنا غنشطبو عليك هههه قلبتها معاه ضحك وعطاني ورقة فيها التزام بشي قوانين داخلية مقريتهاش غاسينيت وخلصت وقاليا سير للقاعة الفلانية راهم بداو...

خرجت وهاز معايا كتاب وستيلو حرفيين ههههه دقيت ( زعما الأدب وصواب) سمعت دخل حليت الباب وهوما يقولو دراري وشي دريات كانو قراو معايا هاهو جا ههههه ( كان كلشي تقريبا كيعرفني )  كنلقاهم داخلين عند واحد الأستاذ لي قريت عندو سانكيام وسيزيام وكان صاحبي ديال بصح قاليا زيد دخل ديما معطل  ... سلمت عليه وقاليا ريح قدامي بلاما ترجع اللور دير ليا الفتنة قلت ليه متخافش راني جاي نقرا هاد العام واخ نجلس ورا الحيط غتلقاني منتابه وساكت

صافي مشيت جلست اللور فالصف لي حدا الباب فطاويلة اللخرة بوحدي وكندير الهندسة المعمارية لبنادم لي جا معايا المهم كاع دراري كنعرفهم تقريبا إلا الدريات كلهم جداد عليا إلا شي تلاته!!

ومنكذبش عليكم تيتيز زايد ركلة وأول مرة نلقا ولا نطيح فشي قيسم فيه أكتر من 15 درية واعرة موالف إلى كان كيكونو تلاته ولا ربعة !

دازت ديك ساعة ديالو بزربة خرجنا وحنا ندخلو عند العربية واحد الأستاذة جديدة وفشكل من اول حصة ضحك ونشاط معاها صافي ، برلين جالس كيخطط ويفصل فتيتيز والخطة المسونية لي غيطبق باش يدوز لأكبر عدد ممكن منهم بلاما يشك شي واحد فيه ...

المهم طاكتيك غيبدا من هاد الحصة بقيت ساكت غير صونات أنا أول واحد خرج وغبرت الغد ليه داخلين فالعشرة دصباح جيت و ومقوفت معا تاواحد كنقول سلام وكنبعد على البشار ودراري مجمعين مع دريات وكيطيرو وينقزو باش يبانو فصورة ويطيحو ماتيسر ،.. جا خونا لي غيقرينا دخل تبعو بنادم دخلت أنا اللخر وجلست بوحدي لور وساكت... لقيتهم باديين درس الأول قاليا : كتبتي داكشي لي فاتك قلت ليه أول حصة ليا وي الله غنشوف اش فاتني قاليا باينة فيك مبغيش تقرا خرج تاتكتب وجي دخل !!

مجوبتوش خرجت ومشيت للدار بحال مطاري والو منكت داك نهار ... الغد ليه وكملت سيمانه هاكاك حتى للتنين جيت موجد ناضي شفت دريات ودراري فاقسام خرا كتبت منعدهم وجيت نهار تنين معطل دخلو! خديت ورقة السماح باش بلاما يتصور عليا الأستاذ ... دقيت سمعت دخل مع حليت الباب كلشي شافيا وهو يقوليا آش حب الخاطر آولدي قلت ليه جاي طالب راغب فإيد المادة ديالك باش نقرا وننجح ... ههههه ضحك بنادم و هو يبتاسم ابتسامة حادة وشريرة وقاليا باينة فيك كوميدي آولدي ولكن هنا جينا نقراو سير جيب ورقة سماح!!

مع كما كلمة سماح لقاها محطوطة فوق البيرو عندو و هو يقوليا واخ جبتيها نقدر منقبلكش بقيت كنشوفيه وانا كنجاوبو : غتضلمني والا جريتي عليا وانا مداير والو والورقة هاهي غضيعني ومنسمحش ليك أمام الله وهو يتصدم تزيزن !! دراري ودريات تصدمو كيفاش واحد كيجاوب بهاد الكلمات فديك الوقت الي كانت فيها ديكتاتورية الأساتذة مازالت حاكمة الوقت !!

قاليا كتعرف دوي ولكن غنخرجك بالقانون ... قاليا راه حنا فايتينك وخاصك مادخل تتكتب دروسك يالله آولدي خرج تتكتب... قبل مايكمل هدرتو صدمتو بالكتاب  محلول وكلشي مكتوب وهو يقول ليا ودفتر تمارين فين هو ؟؟
قلت ليه لا نتا عينك فيا باغي تخرجني صحة قاليا : خرج حتى تجيبو وتكتب دوك تمارين عاد تجيب ورقة وتدخل!!

يتبع ميعادنا غدا إن شاء الله فنفس الوقت أحبكم <3

#برلين