Legendary Slime Tamer (2025 Currently Revising)

Prologue (Revised 2025)

[ City of the Free, Freedonia Nation. ]

"Ohh wahh~"

Gulp.

Kapansin-pansin ang dalawang player na nag-iinuman sa loob ng isang sikat na tavern—paboritong tambayan ng mga High-Level Players at mga NPC alike. Dinadagsa ito ng mga mayayamang nobles at rich kid players na magarbo kung gumasta.

Tulad ng pangalan ng Nation na ito, Freedonia, kilala ang main city bilang City of the Free—isang lugar na walang racism at punô ng kapayapaan. Kahit anong lahi o tribo, sabay-sabay nag-iinuman, nagtatawanan, at nagbubulyawan dito na parang magkakaibigan. Pero bawal ang anumang uri ng labanan o PK (Player Kill) sa loob ng teritoryo ng Freedonia. Kung ayaw mong makasuhan ng [Knights Order], dapat marunong kang mag-ceasefire.

Isa sa mga customer ay ang Human Race [Holy Knight Raider] na si Rondal, abala sa paglunok ng malamig na [Brax Beer].
"Ahhh~ perfect combo ng pait at sarap. The best!" Napangiti siya, halatang satisfy na satisfy.

Sino bang mag-aakalang Virtual Game lang 'to? Kaya naman, ang saya ng mga lasenggo sa larong ito—walwal hanggang umaga!

[Status Ailments Applied - Intoxicated]
= Evasion decreased 5%
= Accuracy decreased 5%
= Magic Def decreased 5%
= Physical Def decreased 5%
= Attack Boost 10%

Kasabay ng paglitaw ng semi-transparent System Box na may mga debuff, hindi alintana ni Rondal ang lahat. Tuloy lang siya sa pagtagay, kasabay ng apprentice niyang si Gibel. Special celebration daw kasi ngayon. Puno ng mamahaling pagkain ang mesa, at sa ngiti ni Rondal, halatang may malaking nangyari.

Tahimik lang si Gibel, pero di mapigilang magtaka.
"Hoy Rondal," panimula niya. "Anong nakain mo't nanlilibre ka ngayon? Pumuti na ba ang uwak?"

"Hmmp! Chill ka lang, ma-friend!" sabay tagay ni Rondal.

"Pero dito pa talaga sa high-class tavern? Edi wow!" dagdag ni Gibel, napataas kilay habang ngumunguya ng fried Rainbow Beast Chicken.

Ngumiti si Rondal nang misteryoso. "This is my day, parekoy. May maganda kasi akong balita."

Lumapit siya, nag-scan muna ng paligid. Sinigurado niyang walang nakikinig. Pagkatapos ay bumulong.
"Gibel, kilala mo ba ang Mythical Darksmith?"

"Hmm... parang familiar," sagot ni Gibel. "Ah! Yung pervert na mukhang pera? Yung magnanakaw ng last hit? Siya ba yun?"

"Tsk!" Umiling si Rondal. "Yan ang problema sa mga newbie! Chismoso lang, walang research!"

Nagpatuloy siya, parang proud na nanay. "Hindi mo ba alam? Siya ang allegedly pinakamalakas sa buong mundo!"

"Weh? Eh bakit wala siya sa World Rankers list?" pang-aasar ni Gibel.

"Stop! Pakinggan mo muna!"
Tumaas ang energy ni Rondal. "Si Darksmith ang tanging player na kayang gumawa ng SSS+ Rated Items nang walang kahirap-hirap! Kaya niyang mag-upgrade ng mga Artifact gears with 100% success rate! Lahat ng gawa niya—Godly Treasures!"

Sa sobrang emosyon, muntik nang tumumba ang mesa.
"Bro, legit? Fanboy much?"
"Hindi fanboy—believer!" sagot ni Rondal na may ningning sa mata.

Napa-shake na lang ng ulo si Gibel. "Grabe ka. Craft lang ng weapon, malakas na agad?"

"Hindi mo gets!" sigaw ni Rondal. "Hindi lang siya Darksmith—isa rin siyang Godly Beast Tamer! May mga pets siyang puro SSS+! Mga Dragon, Phoenix, Summon Angels—lahat!"

"Sa isang kindat lang niya, kaya niyang pumatay ng Level 500 Player!"
Huminto siya sandali. "At alam mo bang nung nabulunan siya habang naka-riding sa Floodwing Dragon, nahulog yung hammer niya sa isang city... at na-pulbos ang buong lugar?"

"What the—OA mo!" sabay tawa ni Gibel, di alam kung matatawa o maaawa.
"Teka, ano bang magandang balita mo talaga? Umaga pa pasok ko, bilisan mo!"

Napakamot si Rondal. "Ah, yun pala. Nakakuha ako ng slot reservation kay Master Darksmith para gumawa ng weapon para sakin!"

"What!?" halos malaglag si Gibel sa upuan. "Siya mismo gagawa ng weapon mo!?"

"Yep! Si Master Darksmith! Wahahaha! Time to shine, baby!"
Sumabog ang halakhak ni Rondal sa buong Tavern.

Habang iniimagine ang sarili sa World Rankings, nakangiti siya na parang nanalo sa lotto. "Magiging sikat ako sa Tuktok, MeTube, lahat! Soon, ako na ang magiging World's Strongest!"

Napa-facepalm na lang si Gibel. "Congrats, future celebrity... pero teka—"

Naputol siya nang mapansin—wala na si Rondal.

"Rondal? ...Holy sh—"
Nakatitig siya sa waiter na may hawak ng bill.
"RONDAL!!!!!!"

Sa kabilang mesa...

May isang player na naka-hood na tahimik lang na nagmamasid, kasabay ang ilang slime na kumakain sa tabi. Tahimik silang nakikinig sa kwentuhan ng dalawang lasing.

Ang naka-hood ay si Anvart. Balot ng cloak, nakamask, tanging mga mata lang ang makikita.
"Grabe naman yung Rondal na 'yon. Nabulunan lang, na-wipe out buong city? OA much! Haha—urk!" muntik na siyang mabilaukan sa tawa.

"Bawal tawa habang kumakain, Master!" saway ng slime. "Baka hulihin ka ng [Knights Order]!"

Napakamot si Anvart. "Pero wait... yung part ng hammer na nahulog sa city..."
Napatingin siya sa malayo, biglang nanikip ang dibdib. "Oh crap... yun nga yun! Nine million gold ko!"

Napailing siya, naalala ang trauma. Dahil sa isang babaeng gorilla na si Azaliet, nawalan siya ng milyon-milyong gold bilang kabayaran sa pinsala sa isang city. Pero kahit gano'n, napangiti pa rin siya.

"Ang layo na pala ng nalakbay ko," sabi niya sa sarili. "From newbie to myth..."

Pero bago pa siya mag-senti, nagsigawan ang mga slime:
"Master! Dito na si Lilley! Takas tayo!"

"Tsk. Hindi talaga ako tinatantanan ng babaeng 'yon."
Biglang may bilog na aninong lumitaw sa harap niya—isang teleportation circle. Mula roon, lumabas ang isang babae.

Si Lilley—isang Battle Maid na parang cosplayer. Blonde, short-haired, may matutulis na tenga, at suot ang maid outfit na may armor plating. May dalang dalawang battle axes.

"My lord," sabi niya habang nagbo-bow. "Pinauuwi ka na po ni Miss Azaliet. Hindi na raw siya galit."

Napakunot-noo si Anvart. "Uwi my ass! Gusto ko ng peace of mind!"

"Tama! Si Master lang ang boss, walang iba!" sabat ng slime na tila nanay. "Walang galang si Lilley!"

Pero imbes na mahiya, biglang ngumiti si Lilley—at naghubad.
"Wait—WHAT THE—ba't ka nag huhubad!?" sigaw ni Anvart.

Agad niyang naramdaman ang life-threatening aura sa paligid. Lahat ng mga player at NPC ay nakatingin sa kanya ng may halong pagkadiri at galit. Lalo na ang mga babae—naglabas pa ng armas!

"My lord! Parusahan mo na ako! Please!" sigaw ni Lilley, nakapuwesto na ang pwet niya.
"NAHIHIMBANG KA NA!" sigaw ni Anvart sabay activate ng <<Blink Step>>.

Biglang naglaho siya sa ere. Sa taas ng Tavern, humahangin ang kanyang cloak habang lumilipad gamit ang Selluca Boots—isang custom item na siya mismo ang gumawa.

"Takas mode activated!" sigaw niya. "Kailangan kong makalayo rito!"

Lumipad siya na parang shooting star, iniwan ang Tavern sa kaguluhan. Sa ibaba, maririnig pa rin ang sigaw ng Battle Maid:

"MASTER, HINTAYIN MO KO! WALA NA AKONG UNDIES!"

"Oh god... please, tantanan nyo muna ako!" sigaw ni Anvart habang lumilipad papalayo.

~Itutuloy