ظليت اشهگ بالبچي ومصدومه ليش معقوله لساني الحاد يسيء لكبريائه ويجرح ابهتهُ ويهين رجولته .. تزحزحت ثقتي بنفسي والعتمه دخلت بأعماقي !! ماسويت شي بس اريد زوجي نفسه القديم مااريد هـٰذا مااعرفه !
إلحاح ساره على الموضوع وتسأؤلاتهه المريبه دخلت الاصوات الصاخبه بإذني ..
ساره.. غير تحجين شبيج يختي
كلت بنبره مرتعشه ،متردده، باهته
- طردني !
شهگت وضمت صدمتهه بنظرات عيونهه الدمرنّي وقتلن كل كرامه بداخلي !
سحبت إيدي منهه ونزلت هاربه من نظراتهه بسرعه فائقه مثل غزال مرعوب في البراري .
نزلت لجوه وبسرعه ركضت للحمام .. فرغت كل البچي البداخلي ..
يسوي بيه هيج لان رفضت الانحناء اله ..وبقيت صامده بدون إنخراط بالنقاش ..وماقبلت بأي شي يگوله يريدني أسايره بألاعيبه وحججه السفيهه حتى يخليني مُغفله عنه !!
شويه واندك الباب مال الحمام وصوت ساره تصيحني اتريگ ! هـه ظلت عندي نفس لريوگ لصخام .
غسلت وجهي المُبتل بالدموع وطلعت بعد ما خفيت آثار أي دمعه نزلت على وجنتي الطرَّيه .
گعدت ع السفره بهدوء وصافنه برجل الكرسي .. لحظات والكل تجمع ومن ضمنهم هوَ !
سحب كرسيه البصفي وگعد .. كلساع اشوفه بطرف عيني يلتفت عليه ويصفن بملامحي ونظرات الندم تتخذ مجراها بعيونه !
سمينا بِسم الله وأكلنا ..
بقيت آكل بدون شهيه وهادئه تقريباً همه خلصوا نص المواعين وآني يادوب مخلصه لگمتين .
ام محمد.. اگلكم قبل شويه سمعت صياح محمد شكو شصاير؟
حسيت طلقت سهم وغرسته بوسط گلبي ! عصرت عيوني حيل والجو هادئ محد جاوبهه
ام محمد.. يـاا شبيكم ماتحچون
كرار.. ماندري يوم سدي الموضوع غير دنتريگ
ونّت بعدم رضا وعوجت بحلگهه
- ممم
ثواني واختنگت دفعت الكرسي بسرعه وطلعت من الطاوله مخنوگه من قربه ! اول ماوگفت رفع راسه عليه ويباوعلي بنظرات ماعرفت تفسيرها شنو!
زهراء.. اني ترخص
ساره.. شأكلتي هوَ انتِ
زهراء.. شبعت الحمد لله
طلعت من المكان هاربه من نظرات الكل الفاحصه لملامح وجهي
رحت للمطبخ..ظليت اسحب انفاسي بقهر ومختنگه.
دخلت ساره بإيديهه صينية مواعين الريوگ اخذتهن منهه وظليت أغسل وبالي مشغول إيديه وعيوني بالمواعين بس بالي ابد مو يمهم ..
CZYTASZ
طاقة تحمل
Tajemnica / Thrillerقصة عراقيه حقيقيه تتحدث عن فتيات وتحملهن المسؤلية والتعب من عمرهن الصغير مشهد للبطله الاولى صحت وراه (كرار) بقى واگف بمكانه جامد ،، وبدون ميلتفت گال (هـاا) سارة : اريد اشوف علوش كرار : ممنوع خلاني ومشى ! بقيت اهز برجلي من الحرگه شلون هيچ يتجاهلني...
3 ج2
Zacznij od początku
