ابوع عالجهال وجهم اصفر وعيونهم خطيه مدمعه
ومختنكين
كلت التوب انطيهم منوم بعد لو اعرف يكعدون يم اكرم
كمت للمطبخ فتحت الثلاجه طلعت الشيشه مال المنوم توني داذبها وتذكرت اكرم شلون اذا اجه والجهال كاعدين
ماعرف شلون عدت هاي الليله ع خير واني اشوف نضرات حميد اليه معصب ودم
صارت ب5الفجر واني منايمه
والمصيبه الجهال رجعو نامو الضاهر المنوم بعده براسهم
وحميد هم نام وراهم بقيت اني اتكلب بفراشي
اخر شي
لفيت شال ع جتفي وطلعت بلكراج حطيت الكرسي وكعدت صافنه عل سماء
احس صدري مختنك والتفكير كتلني
مرت ساعه واني ع هالحال
لحدما طلع حميد وشافني
حميد:سويلي ريوك داروح
عذاري:شعجب هسه من وكت
حميد:مو موصي غراض للمحل وحيجون
عذاري:كمت بدون ماجاوبه سويتله الريوم وكعدت اكل ويا
طلع وهوه مثكل عليه كلت بكلبي زعلت الجلب
لملمت البيت واني اي واهس مابيه
صارت ب9 كعدت الجهال وريكتهم
عاد غسلو وبدلو
هناك وندك بابنه
لفيت شال وفتحته ونصدمت بهمام جاي
عذاري:اهلا همام
همام:شلونج
عذاري:بخير
همام:حضل واكف بالباب
عذاري:بس رجلي ماموجود شلون افوتك
همام:وانه غريب
عذاري:لا العفو تفضل
طب جوه وركض علي سامر
همام:لككك هله. ب ذيبي
سامر:مشتاااكلك عمو
همام:حبيبي انته
شلونك
سامر:زين وانته
همام:هااي ليشش مصخن
عذاري:البارحه نام وكعد هيج
همام:لعد رقه وينها
عذاري:هياتها هسه اجيبها
رحت جبت رقيه ومشت باسته تستحي منه جتي كعدت بحضني
همام:ابوك شلونه
سامر:زين الحمدلله
همام:شوو متجي عليه كول عمي مشتاكله اروح اشوفه هااا
سامر:هههه
همام:هههه ملعوون
كوم يله نروح
سامر:وين
همام:لبيت جده
سامر:ااااايييييي مشتاك البيبي
همام:حضري رقيه اخذهم لبيت جدهم بيبيتهم تريد اتشوفهم
عذاري:متجي جا ليش ددز عليهم
همام:شنو متجي احجي عدل
عذاري:محاجيه شي انه والجهال ميروحون يجي ابوهم واستأذن منه
همام:نعم؟ عيدي ابوي شكلتي
عذاري:ميروحون يجي ابوهم واستأذن منه
همام:هاي المره عدتيها مره ثانيه تشوفين شي مني ميعجبج
عذاري:شنو يعني تضربني؟
همام:واكسر راسج همات
عذاري:لهناا وبس اذا تمد ايدك علي وعلي اكسرها
مشالله ياهوو اليجي كام يمد ايده ...دمدها وشوف
همام:سامررر اخذ اختك وروح بسرعه
عذاري:استغربت من كاللهم هيج هذا بس لاصدك يضربني
اول مطلعو تقرب علي لحدما لزكت بلحايط لزم ايدي قوي ولواها
ووخر شبيييك
همام:شدسوين بنفسج انتي
عذاري:ششنو شداسوي بس عوف ايديي
همام:وذا ماعفتها
عذاري:اباوعله ضل صافن بعيوني رخت ايده من ايدي وابتعد فرك وجهه وكعد يستغفر
احلف بداله مخبل ومو عاقل هلزلمه
همام:لبسي الجهال يله داروح
عذاري:استغفرلله ياربي
رحت حضرت الجهال وجبتهم اله لكيته ديلعب بلتلفون
من شافني ذبه
عذاري:شوكت تجيبهم
همام:لو العصر لو بليل
عذاري:ماشي الله وياكم
همام:وشكرا ع الچاي كلش طيب
عذاري:يبوو عذرني والله نسيت اقدملك
همام:لا عادي يلا مع السلامه
عذاري:الله وياكم
سديت الباب وراهم وركضت ع تلفوني
توني شغلته ودك عليه اكرم كمت ارجف
عذاري:الو
اكرم:هذا الكلب اشعنده يمج
عذاري:منوو
اكرم:همام
عذاري:اي اجه اخذ الجهال تريدهم جديتهم
اكرم:وشلووون تفوتي يمج
عذاري:شنو متثق بيه اكرم يعني قابل شعندي ويا
بس لحضه انته شلون عرفت همام اجه
اكرم:اعرف اعرف
عذاري:شلون عرفت
اكرم:جنت مار بالصدفه وشفته طب لبيتكم
عذاري:لا بس اخذ الجهال
اكرم:مشتاقلج
عذاري:واني هم
اكرم: شلون حتتطلكين من رجلج
عذاري:ماادري والله
اكرم:اووف الله يسهللنا
عذاري:نشالله
اكرم:محتاج احضنج البارحه كلشي مافتهمت منج
عذاري:غير انته كضيتها بس تصيح عليه
اكرم:غير انتي عصبتيني
بس يله علجايات نشالله
عذاري:بقينه نحجي وره مخلصنه سدينا
.
.
.
.
.
ماعرف نهايتها شنو وشحيصير وهل يا ترى راح اكدر اتزوج اكرم واطلك بسهوله من العندي
عده شهر كامل واني مستقره نوعا ما بس جان همام يجينا بكثره ونضراته عليه
اما حميد فعادي ويا
واهلي اجوني مره هم بس بنين جانت تدري بكلشي اسوي وجانت تكولي هذا غلط بس ماقتنع ماعرف انه احب اكرم ومستحيل اعوفه
بيوم من الايام فاجئني اكرم بطلب انو يريد ينام ويايه
بلبدايه رفضت لكن كالعاده استسلمت اله ومافكرت شنو عاقبتي
جانت ب5 العصر
الجهال بوقتها جانو بيت جدهم راحو من الصبح وعساس يباتون
وحميد بلشغل
كاعده وندك الباب اول مافتحته حضني
ووولحد ماتقرب الي بس ماحسيت غير همام فايتلي للغرفه ورقيه بيده
حسيت الدنيه داارت بيه وبروده سرت بجسمي وكلبي يخفق بسرعه
هذذا اشجابه ياارب استر
همام:لكككك يااااكلب سااقط شعندك هنااا
عذاري:هجم ع اكرم ودك بوكسيات ورقيه تبجي خايفه
اباوع ع جسمي يرجف رجف
لحدما اكرم دفع همام ووكع بلكاع
اكرم:لككك حيووان اذاااا تحاول تأذييننيي لو تأذذذيها هسه افضحك وانشر صورها
عاااار اجيت تستشرف يمي
همام:لك شجااااابك عليها شنووو تههدني اطيح حضكم بالله
عذاري: شفت همام سحب مسدس من صفحته ووجهه عليه محسيت غير بسوواد غوااش بعيونه ونطبيت ع راسي تأذيت
..
.
..
.
.
.ماحسيت غير بس فتحت عيني واني اشوف ضلامه داير مدايري وراسي دايخ
اتلمست جسمي لابسه دشداشه وفوكاهه متغطيه بعبايه
احس حرگه بكصتي تلمستها مثل الجرح يابس بصفحة كصتي ووجع ذبحني
ضليت اون واصيح وين اني
ولج يمه لحكيلي دخيلج
اريد اشيل روحي ما اكدر ....
للحكايه بقيه
َ
برأيكم شنو الراح يصير بعذاري وهيه وين؟
