فزيت ع صوت المنبه بلخمسه ونص كمت عسريع غسلت ونزلت لكيت عمتي كاعده تشرب جاي بلمطبخ
صبحت عليها وفتت كعدت
عذاري:عمه شلون اخاف اخبز واحترك
عمتي:جا احنا شلون تعلمنا شو مكلنا نحترك
عذاري:ضليت صافنه عليها بقينه كاعدين صارت بلسته
جان تكلي جيبي العجين والمي ولحكيني
رحت جبيت انجانه العجين وطاسه مي ورحت وراها
وره البيت مسااحه جبيره بيها تنور غاز وگن مال دجاج كومه.
بدت تگطع بلعجين اشوفها تسوي كريات صغيره وتحطهن بلصينيه بيها طحين سويت وحده بلگوه
بعد ماحمه التنور خبزت هيه اول وحده
وطلعتها جبيره وحلوه
عمتي:مثل ماعلمتج سوي يله
عذاري:اي عمه
بديت اخبز بلعجينه اوديها منا اجيبها منا شفتها اندارت تنصي بلغاز وجان الزكها بلمخبازه ومطيتها شو صارت جبيره هيه شافتني سويتها كالت عفيه بسرعه تتعلمين
بديت اخبز وكولما اشوفها تندار الزكها بلمخبازه وامطها حته تكبر
وكلساع انچوي
وره شويه عافتني ومشت
الحراره مال التنور تلفح بوجهي والچويات زادن
والشمس تصكع
لحد مخلصت خبز اني منتهيه
طبيت الخبز بلمطبخ وبديت احضر الريوك لحدما كلهم كعدو واجو
باوعت الساعه ب6 و40 دقيقه
اوويلي والله بيها نومه هسه
خلصو الريوك وغسلت المواعين وبدت نور تنضف البيت
وهناء نايمه طبيت للغرفه مالتها داطلع ملابس للجهال داسبحهم شفتها نايمه بلكاع وايدها اممدده ردت اطلع قهرت البارحه من اتبلت عليه
دامشي وتقصدت ادوس ع ايدها
رأسا عاطت
هناء:اااااخ هااي شبيج جا متشووفين
عذاري:ياااعيني والله مادري بيج
صدت وجهه بصفحه وضلت تنافخ وتفرك بيدها
بكلبي طبج مرض
طلعت الملابس وطببتهم سبحتهم
توني كعدت وصاحتني نسرين
نسرين:عفيه عذاري انه وراي غده بس نضفي مكان الحيوانات
عذاري:شنو بس اني ماعرف وتلعب نفسي منهن شلون اسويهن
نسرين:هسه قابل شنو
والله اني حروح بعد معليه اذا عمتي حجت
عذاري:عافتني ومشت بقيت اباوع هاي شلون حنضفهم تكرمون فضلات الحيوانات شجابني لهاي السالفه انه شدعيلك يابويه
سلمت امري لله وكعدت انضف وبلكوه روحي تكش
النوب اخاف منهن والشمس تصكع بيه
شفت حميد طلع وسد الباب
خلصت وطبيت اسبح وطلعت شفت الساعه صارت ب 10
سئلت عمتي وين حميد
عمتي:جا اكو وحده ماتعرف رجلها وين
عذاري:لا عمه بس جنت بره اشتغل
عمتي:راح للمحل ماله ديفتح
عذاري:وشوكت يرجع من شغله
عمتي: يجي ب1يتغده ويرتاح ويرجع يفتح ب4 ولليل ساعه 10
عذاري:هاا ماشي
كمت من يمها بقيت اركض وره الجهال وكحين حيل شلعو كلبي. صارت الساعه ب12 صبو غده كعدنا كلنا ناكل ومحمد وعمي يحجون ويضحكون وسوالف الجناين
والجهال وهوستهم
اكلت شويه وكعدت اوكل رقيه
احس رجليه بعد متشيلني
صارت ب12ونص الضهر نضفت المطبخ توني داصعد انوم الجهال وانام جان تصيحني عمتي
عذاري:ها عمه
عمتي:فتحي الماطور وغسلي الطرمه كلها تراب
عذاري:حاره عمه دنيه الضهر عود العصر اغسلها
عمتي:حيجوون خطار غسليها هسه
عذاري:عفتها ومشيت استغفر
فتحت باب المطبخ باوعت الطرمه شكبرها والتراب والوصخ البيها باوعت ليفوك الشمس تصكع
دنيا صيف وب12 ونص الضهر شيصير بيه واني عندي تيفو
رحت فتحت البوري وبديت اغسل ضهري راح
لحدما كملت اني منتهيه
غسلت من الصونده وكعدت بلكاع
جان يطب حميد سلم وراد غده
يااربي والله انتهيت من التعب
كمت سويتله الغده وخلصت شفته نام يلا نمت
ماحسيت غير ع سامر يكعدني
جايين خطار
باوعت الساعه ب4
نزلت سلمت عرفت انو بيت عمهم جايين
بنات عمهم يباوعلي من جوه لجوه من غير البسامير الذبنها هيه وهناء حته بلمواعين مال عشه كوومه ماساعدني وحته الهدايه مال العرس اخذتهن هناء عاد وره اشويه اخذن هناء وطبن بلغرفه
من رادو يروحون يلا طلعن وحده تبسبس للثانيه
بعد مكملت شغلي بليل دافوت لغرفه هناء لان هناك ملابس الجهال وسمعت صوت تبسبس
فتحت الباب ع كيفي
لكيت هناء مغطيه نفسها بلبطانيه وتضحك وتبسبس
بصوت ناصي
باوعت ستغليتها فرصه الكفها حته كلما تشد وياي بعد اهددها
تقدمت عليها ع كيفي وجريت البطانيه
كبل فزت ووخرت التلفون
هناء:هاا ها هاي شبيج مو نايمه
عذاري:سمعت كلشي حجيتي
هناء: ها شش شنو شسمعتي
عذاري:ويامن جنتي تحجين
هناء:ممداحجي ويه احد ويلااا كومي منا انتي شعليج
عذاري:اذا مدكوليلي ويامن جنتي تحجين هسه افضحج فضيحه واخليهم ياخذون تلفونج
باوعت عليها شفتها تررجف من الخوف بهل لحضه جان اطب عمتي ....وللحكايه بقيه
اعذروني مكدرت انزل بارت اطول لانو مريضه انشالله البارت الجاي اطرل ويرضيكم ❤قرائه ممتعه
