أنا أسف على غلطتي ﴿روايه سعوديه مكتمله﴾

(الجزء الخامس عشر)

طلال: وش دريك عن اسم ابوي
نجلاء كانت بتروح لسيارتها الي واقف عندها اسواق كانت عـ الجهه الثانيه من الشارع: في حد ما يعرف اسم خاله
طلال: ليكون انتي جوهره
نجلال مشت وخلته وراها ولا عبرته بس هي بالاصل خايفه منه بس ما تبي تبين له خوفها.. بس صدمها لما حست بشخص مسك يدها ولفها: سمعيني زين يا جوهره اذا ما تبطلين حركاتك وتبطلي دقين علي والله لقول لعمتي عندك صدق انك ما تستحين
ريماس كانت منصدمه مو قادره تتكلم كلمه ما حست الا بدموعها
طلال شاف دموعها وبكل جرئه رفع النقاب عنها انصدم انها مو جوهره: مـ مين انتي
نجلاء عطته كف عـ تصرفه الي يدل عـ قلت اخلاقه وتربيته..وبصوت باكي: صدق انك كذاب وما تستحي جوهره طالبه جامعه
وراحت ودموعها ينزلن وطلال واقف مكانه «مين هذي وابوي يكون خالها»
وخطر باله فجأه نجلاء «معقوله نجلاء لا ما اصدق اكيد هي»

.ंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंंं

بيت ام فيصل
وصلت نجلاء البيت وشافت اخوها وانفال جالسين مع امها واحت ل انفال وضمتها: الفف الحمدلله ع سلامتك والله مشتاقه لك
انفال: وانا اكثر مشتاقه لك مررره
فيصل: لا نسيتيني
نجلاء ضمت اخوها: وانت بعد مشتاقه لك
فيصل: والله وانا بعد
نجلاء بعدت عن اخوها: كيفك وكيف السفره
فيصل: رووعه..الا وشفيها عباتك كلها تراب
نجلاء: طحت عـ الارض
فيصل: هههههههه ونشالله تكون كل طالبات المدرسه شافنك
نجلاء ضربته عـ كتفه: نذل..يمه شوفي ولدك
انفال وام فيصل يضحكون عـليهم
نجلاء: هه بروح غرفتي يكون احسن
راحت وفيصل: ما تغيرت تزعل بسرعه وترضا لحالها
انفال: يحليها مطيب قلبها
نجلاء راحت غسلت وبدلت ملابسها «صدق انه ما يستحي كيف يرفع النقاب عني بس مفكرني جوهره بس كذاب جوهره بالجامعه..طب شو بينه وبين جوهره..طزز اخر همي»
.....
ام فيصل كانت بالمطبخ تبي تشوف الغدا جهز وتذكرت موضوع ريماس وراحت تنادي فيصل الي جا لها للمطبخ
فيصل: وشفيك يمه في شي صاير
ام فيصل بتردد: والله يا ولدي مدري وش اقول
فيصل: يمه قول وريحيني
ام فيصل: ريماس لها ثلاث ايام بالمستشفى
فيصل بخوف: ليش وشفيها
ام فيصل بضيق: يبو يسو لها عمليه براسها مشان يطلعو الورم الي بيها
فيصل: لا اله الا الله..متى صارت السالفه
جت لهم نجلاء: يمه
ام فيصل: نعم
نجلاء: يمه انا بروح تبين شي
ام فيصل: وين
نجلاء: ودها سؤال عند ريماس عمي قال بيجبني هسا
ام فيصل: طب خلها بعد الغدا
نجلاء: لا يمه بروح هسا لان عمي جاي عـ طريق
ام فيصل: عـ راحتك
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः

بالمستشفى

وصلت نجلاء مع عمها
نجلاء جلست عـ طرف سرير: كيفك اليوم
ريماس: الحمدلله احسن
ابو بدر: انا بخليكم في لي واحد بالمستشفى ابي اروح اسلم عليه وتحمدلله بسلامه ورد
ريماس:خذ راحت يبه
طلع ابو بدر وريماس: شفتي انفال
نجلاء: إيه جت تتغدا عندنا
ريماس بضيق: دريت اني هنا
نجلاء حست ان الضيقه رجعت لها: اتوقع لا..الا ما قلت لك اليوم صار معي موقف الله يلعنه
ريماس: هههه وشفيك