#أختناق_الندم
الحلقه32
سفيان:حتي الغريب ميديرش اللي انت درته فمابالك هذي بنت خالتك
وشبه متربيات عندنا تخايل الموقف هضا يصير لجنات ؟؟ او رانيه؟
ياسر: ..........
سفيان: امك بصدق شايله عليك
ياسر: والله مرايف عليها وع صوتها منحبش انزعلها لعند اخر لحظه نبي رضاها
بس
سفيان: اجل الموضوع شويه
ياسر: بنشوفها اليوم ونبيك تعدي معايه تبي اوك متبش تو نعدي بروحي
سفيان: اقل حاجه نحكي معاها قبل جيتك؟
ياسر: مفش داعي تو نخشلهاا نا ونحكي معاها
سفيان: اصبر نغير دبشي
غير وطلعوو
وصلو للحوش:
ياسر:؟؟؟؟؟
سفيان: ربك يستر كان متلزني ن اوياك
ياسر: جيبلها هديه من تركيا
سفيان: متجيبش سيرة مراتك ومهما قالت متردش عليها
ياسر: ......
نزلو
رن سفيان علي جنات؟؟
جنات: الوو (اخت ياسر)
سفيان: جوجو شنج ياصقع؟
جنات: تمام ويتكل لا تجي لا تسال
سفيان: جيت يومتها قالولي مش قاعده انزلي افتحيلي
جنات: اوووه هيا هي دقيقه ونززل نفتحلك
سفيان: بسرعه
صكر منها
ياسر: مرايف عليها بنت اللذينه
سفيان: هبله
فتحت جنات
ياسر: بعي؟؟
جنات: ووووووووووووووووه
سفيان: راسي ؟؟
حضنت ياسر
ياسر: كنك مشينه؟؟
جنات: صقع عليك شن اخبارك رايفت عليك شنجو تركيا شخبار ساره
ياسر: تو نحكيلك امي وين؟؟
جنات: قاعده تصلي في مغرب فوق بتحكي معاها؟
ياسر: احم
سفيان: ربك يستر
جنات: والله مش عارفه شنو نقولك بس نا مش حنركب معاكم
ركب سفيان
ركب وراه ياسر
خش سفيان لدار نوم امه لقاها مكمله صلاتها
سفيان: اهلين
امه: اهلا مراتك جت معاك؟
سفيان: امم لالا تقبل الله
امه: منه ومنك ضبح لجناتديرلنا قهوه؟
سفيان:
خش ياسر
ياسر: السلام عليكم
امه: (انصدمت)
سفيان: (بحت في ياسر)
خش ياسر وباس راس امه
كانت متعقده منه ومبتش ترد عليها
دموعها نزلن
ياسر ضعف وقمعز ع سرير امه
سفيان: خلاص اللي صار صار يعني واي عيله تصير فيها مشاكل كبار
واكبر من هكي
ياسر: ........
سفيان: ياسر لاه فتره والله كل مايكلمني يسال فيا عليك وع بنات
ياسر: مش عارف اذا كان تصرفي صاح او غلط بس انتي اكثر وحده تعرفيني
منحبش نصرف في مواضيع نا مش مقتنع بيهن
امه: (تبكي) يهون عليك تبيع هلك علي وحده الله اعلم شن ماضيها ؟؟؟
تعزق بنت خالتك وتكسر بخاطرها وذلها قدام الي يسوا واللي مايسواا
تذل امك قام الناس وتحرج خالتك قدام الناس وتبيع امك وهلك
وتجي تقولي مقتنع مامقتنع؟؟؟
وباي وجه جاي بتشوفني وتسال عليااا
ياسر: .......
سفيان:امي وسعي بالك وفي نهايه هذا ولدك؟؟
امه: ولدي؟؟؟ قعدت انشك تان هذا اللي ربيتي اخر شي يفضل وحده
عليا وعلي خالته نا بس ينعرف نا فيشنو عمري قصرت معاكم
سفيان: ماعمرك قصرتي انتي امنا وفوق روسنا طول عمرك وربي يطولنا
في عمرك وياسر جايك ونادم ويبيك تسامحيه ع خاطر عيلتنا
