##أختناق_الندم
الحلقه21
مروي: اولي ثانوي كانت سنه بشعه بكل منحبش نذكرها
ايام خوها يجي متوحش قدام المدرسه ويقول طلعوها اختي قاعده
وهيا اختفت هلها ومدرسه وناس كلهم دروروها
بس اختفت سبحان الله بعد كانت ساره وساره ساره
في نهايه هربت محد عرف ليش هربت او كيف؟؟؟
محد عرف محد عطا مبرر اللي هيا دراته
انت تعرفها؟
ياسر: عطيني عنوان وعد ؟؟؟
مروي: استنا انجيب قلم
كتبتله العوان هل وعد في ورقه.
مروي: ونبي كان تعرف مكان ساره سلملي عليها وااااجد
ياسر: مشكوره ع عنوان
طلع وسيبها؟؟
عدا لحوش هل وعد...
فتحت امها:
امها: السلام عليكم؟
ياسر: امم وعليكم السلام ياحويجه كيف حالك؟
امها: الحمدلله من تبي ياوليدي؟
ياسر: نبي عنوان نسيبكم؟
امها: نسيبنا من؟؟؟ مجوزين 3 نحنا؟ ههههه
ياسر:..........
امها؟؟؟؟
ياسر: زوج وعد؟؟؟
امها: وشنو تبي فيه؟
ياسر: بيني وبينه مواضيع شغل ؟؟؟
امها: اها انت تاجر سيارات كيفه؟
ياسر: اها تاجر سيارات حتي نا
امها: نعطيك عنوان المكتب متاعه؟
ياسر: عطيني عنوان حوشه لان نا منفضش اوو
امها: باهي سجل عندك
عطاته العنوان علي نيتها ...
وعدا علي طول طبعا دااخ علي ماوصل في شقة وعد
برم 100 برمه وسال كم حد ..
دق عليها الباب وكان راجلها في شغل..
شافت وعد من عين السحريه طبعا لقت راجل مافتحتش
ياسر قعد يدق يدق يدق
وعد: ايواه منو حضرتك؟
ياسر: فرج قاعد؟
وعد: لا قاعد فلمكتب
ياسر: باهي تمام معناها افتحي؟
وعد: منو انت لو سمحت عدي من هنا راجلي مش قاعد
ياسر: افتحي نبيك في موضووع؟
وعد: انت شكلك قليل الادب تو نرن علي راجلي يجي يصرف معاك
ياسر: تمام كلميه خلينا انهدرزو ع شاليه 1 ثانوي ورحله مدرسيه
متاعك كلميه اهم شي بالله عليه طاسة شاهي بنعناع..
وعد: (قلبها قعد يدق وخاافت)
ياسر: ها تصلتي بيه ؟؟
وعد:؟؟؟؟
ياسر: كنه انقطع حسك ؟؟؟
وعد: انت شنو تحكي شنو تخرط
ياسر: كلمي راجلك وهوا تو يفهمك
وعد: الله يربحك عدي من هنا عدي تو يشوفوك الجيران يفهمو غلط؟
ياسر: معناها خششيني؟؟
وعد: منقدرش راجلي يروح في أي لحظه؟؟
ياسر: خلاص تو نرجاه لوطه قدام باب العماره
وعد: انت شنو تبي؟
ياسر: ايوواه توا قعدتي شاطره وفاهمه الجووو
وعد: عدي من هنا؟
ياسر: امتي انشوفك؟
وعد: منقدرش نطلع؟
ياسر: خلاص تو ننزل نرجي راجلك وتوا يطلع جنازتك
وعد: ياربي ياربي
ياسر: تشااو
وعد: نتلقي معاك في مطعم #@$ بكره
ياسر: تواا؟
وعد: والله مانقدر انا مجووزه الله يربحك الله يرحم ولديك ماتخربلي حوشي
ياسر: مانفهمش توا يعني توا؟
وعد: ياربي شنو هضا شنو اللي قاعد يصير؟
ياسر: ........
وعد: فلعشيه والله نجيك
ياسر: تواااااا
وعد: منقدرش؟
ياسر: تقدري
وعد: فلعشيه والله نجيك وين ماتبي بس توا عدي من هنا؟
ياسر: نفس المطعم اللي قلتي عليه الساعه 5 منلقاقش قدام وجي
بيني وبينك راجلك ؟؟؟ ونهارك متجيش تي والله حي عليك وحي
نعيشك في جهنم
