سليمه: خلاص بكره تقعد عندك اقل شي نا انتهني عليك ونقدر انروح لراجلي
ام عمر: مليتي مني وانتي تعاني فيا؟؟؟؟؟؟؟ :/
سليمه: والله ماهكي يامي بس عارفه طبع راجلي ومسؤلية اعيالي وانتي متحبش
هرجتهم يعني تقيدت بين هنا وهنك :(
امها: باهي ان شاءالله ربي يكمل علي خيك
~
~
~
~
عائشه: بيجنني خوكم نا فشنو قصرت معاه
سفيان: ياامي خليه براحته
عائشه: مفش حاجه براحته
رانيه: اصلا واخدها راحته
جنات: ؟......
سميه: نفسيتي تعبت من مشاكل حوشكم
جنات: حتي نا تعبت من قصه القصه
رانيه: يعني ع اساس مش انتي سبب القصه
جنات: صكري فمك شنو دخلني نا؟؟؟
رانيه: انتي اللي درتي سريب للبنت وخششتيها حياتنا
تحسابيني منعرفش انك ورا تكليمتها في يوم بيان ابتسام
عشان ياسر يفركش الموضوع
جنات:؟؟؟؟؟؟؟؟؟؟؟؟؟
رانيه: اها انتي اصلا من الاول متبش ياسر ياخد ابتسام
جنات: لااااه يعني مش انتي اللي تكرهيها عشان رافع طايح فيها وعجباته وانتي تجري وراه وهوا مش دايرلك اي اهميه
عائشه: صكري فمك انتي وياها خلااااااص خلاص خلاص خلاص :o
سفيان: عيب الكلام هضا كنكن انتن شنو قلة الاحترام هذي
سميه: هززلت هزلت هزلت
عائشه: اركبن كل وحده لدارها ومنبش نشووف وجوهكن
ركبن هنه الاثنين.........
سفيان: مش دايرتلي أي قيمه قدامهن
عائشه: زادن حرقن دمي نا معش نقدر انتحمل ضروري ماباتك يروح يصرف معاكم انتم تماديتو وقعدو مش دايرين حساب لحد
سميه: خلاص ياماما
سفيان: طالع نا القعده فلحوش تجيب غمة القلب
طلع وطبق الباب بلقوووه
سميه: ماما خلاص مش موضوع
عائشه: كارثه لو جنات تقعد ورا موضوع جيت البنت يوم البياان
سميه: لالا مستحيل جنات اديرها
عائشه: خلاص حراره في جسمي وخوك مانندري عليه وينه توا الساعه12
سميه: تو يروح اكيده مشغول مع اصحابه
عائشه: نا مش عارفه شنو اندير معش عرفت
~
~
~
~
خش ياسر الساعه 2 في الليل........
عائشه: وينك لعند توا وتليفونك قفل انت شنو قصتك
ياسر:.........
عائشه: نحكي معاااك انا
ياسر:........
عائشه: ياسررر كنك يوليدي باكي انت؟؟
ياسر:...........
ركب لداره ومردش عليها ...
وقصاد الفجر
ماما كانت تدعيلي في صلاتها
وعائشه ام ياسر تدعيله ورافعه يديها
جاها ياسر من لورا وباسها علي راسها..
عائشه:.......
ياسر: تقبل الله
عائشه: منك ومنك صالح الاعمال ؟؟؟؟؟؟؟؟؟؟؟
ياسر:؟؟؟؟؟؟
عائشه: عليش الشنطه مسافر انت؟؟
ياسر: حجزت تذكره بنعدي لبريطانيا
عائشه: (دموعها نزلن)
ياسر: ..........(مسحلها دموعها) معش تبكي
عائشه: نبي نفرح بيك مع خوك استكثرت تفرح امك؟
ياسر: ضروري مانسافر مخنووق مضايق مش متريح
عائشه: تعوذ من الشيطان وصلي الفجر توا وادعي ورد شنطك في دارك
ياسر: حجزت واللي صار صار
عائشه: وابتسام؟؟؟؟؟؟؟؟
ياسر: بلكي تلقي واحد خير مني نا معش بنرد هنا
عائشه: (تبكي)
ياسر: امي سامحيني عارف روحي من جيتي هنا مزطك بس والله مضااايق غامه عندي شايل هم الدنيا فوق راسي ضروري من نطلع من بلاد هذي
