رواية تؤام الزين
--------------------
الفصل التاسع
-----------------
زهرة : ايه اللي في رقبتك دا يا كريم
كريم : دا دا سلسلة يا ماما عادي
زهرة : مش هي دي السلسلة اللي فيها صورتك انت ومروان اللي كنتو لبسينها لما كنتو اصحاب
كريم : ماما انا ومروان صحاب لحد دلوقتي
زهرة : انت ومين اللي صحاب
كريم : انا ومروان
زهرة : كريم هو انت كنت فين
كريم : كنت مع مروان
زهرة : يالهوي مع مروان اللي كان عايز يقتلك
كريم باستغراب : يقتلني!! مين قالك كدا
زهرة : مش انت قولت انك لما كنت قاعد معاه جاب سكينة وحطها قدامكوا
كريم : وده معناه انو كان عايز يقتلني
حسام : كريم اقعد كدا وفهمنا براحة
كريم : يا بابا مفيش حاجة تتفهم انا كنت مع مروان كنا عايزين نعرف هنفضل كدا لحد امتي
زهرة : تفضلوا كدا ازاي يعني
كريم : كنا عايزين نعرف انا خالي ومرات خالي وعيالهم هيفضلوا يعاملوا مروان كدا لحد امتي انا مش احسن من مروان ولا مروان احسن مني احنا صحاب وقبل الاصحاب احنا اخوات وهو ابن خالي ومفيش فرق طبقات بينا اصلا ولا فرق طموح حتي هما مش هيفضلوا بقي يقولولو خليك زي كريم احنا بينا شهرين بس كل واحد فينا له طموح ومحدش طموحه احسن من التاني ماما كلميهم خالو بيحبك وطنط امال كمان بتحبك وخلي كمان خالتو ليلي تكلمهم هما مش هيفضلوا كدا طول عمرهم مروان جالو عقدة نفسية بسبب كدا وانا مش هسمح لكدا ابدا ثم تركهم ودخل الي غرفته
كارما فرحانة بكلام اخوها انو بيحب مروان بالشكل دا
حسام : كريم عنده حق في كل اللي قاله مش هينفع اللي اخوكي بيعمله دا لو انتي هتسكتي انا مش هسكت وتركها ونزل
كارما : ماما انا هكلم مليكة
زهرة : هتقوليلها ايه
كارما : ماما مليكة صحبتي واكيد هتفهمني
زهرة : اعملي اللي عايزاه
--------------------------------------------------------
في فيلا الالفي
-------------------
زينة : زين انت مش ملاحظ حاجة
زين : حاجة ايه
زينب : تالا متصلتش بيك بقالها يومين
زين : طب و فيها ايه يعني
زينة : لا فيها يا زين فيها انها عرفت انك بتقولها كدا عشان توصل لحاجة
تليفون زين رن وكان المتصل تالا
زين : شوفتي دي بنت حلال والله
زينب بسخرية : اه هي فعلا بنت حلال
زينة : والله شكلك حبتها
زين : ههههه عشان يبقي الدكتور زين الالفي وعروسة المولد هههه
زينب : ههههه انا مش عارفة انت لما تسيبها هي هتعمل ايه دي بتحبك بغباء
زينة : ههههه حرام عليك يا زين هتكسر قلبها ههه
زينب : اسكتوا بقي و رد عليها يا بني دي بقالها ساعة بتتصل
زين : سيبيها كدا شوية
زينة : زين بطل غلاسة و رد عليها
زين : بغض النظر عن غلاسة دي بس هفتح عليها
زينب : ليه يا بني ما انت معاك رصيد كتيير اوي
زين : لا هفتح عليها
زين : الو
تالا : الو ازيك يا حبيبي معلش والله انا اسفة بس كنت بصيف مع العيلة
زين بعدم اقتناع : اممم بتصيفي مع العيلة
تالا بارتباك : اه انت مش مصدقني ولا ايه
زين : لا مصدقك هكلمك بعدين عشان ورايا شغل سلام
تالا : سلام
زينب : ايه يابني الطريقة دي
زينة : يا بني كدا هتشك انك مش بتحبها
زين : اهدي بقي انتي وهي انا اصلا مش مطمنلها
زين : علي فكرة كريم رجع ومكانش ادهم اللي خطفه
زينة :طب عايزين نروح نطمن عليه
زين :لا مفيش خروج من البيت لوحدكوا
زينب: طيب ما تيجي انت معانا
زين : والله مليش مزاج دلوقتي بصوا هنروح بكرة كلنا
زينة وزينب : اوك
--------------------------------------------------------
عند مالك وشروق
----------------------
مالك : شوشو
شروق : امم اخلص عايز ايه
مالك : فعلا اللي ليه عند الكلب حاجة يقولوا يا سيدي
شروق : خلاص شوف بقي مين اللي هيعملك اللي انت عاوزه
مالك : لا خلاص علي ايه بقولك هي تمارا صاحبتك دي تعرفيها من امتي
شروق بخبث : وانت عايز تعرف ليه
مالك : عادي يعني
شروق : طيب تمارا اعرفها من تالتة ثانوي وزينب وزينة اعرفهم من الكلية ها حاجة تانية
مالك : لا غوري بقي
شروق : بقي كدا ماشي يا ميكو بعد ما اخدت غرضك مااشي
مالك : شروق روحي اوضتك بقي ومتصدعنيش
شروق : لا هو انا قاعدة في ملكك انا قاعدة في ملك امي وابويا
--------------------------------------------------------
في فيلا الشرقاوي
-----------------------
تمارا : يووه بقي ايه الملل ده انا هروح اغلس علي يوسف شوية
تمارا راحت عند يوسف
يوسف : خير ايه اللي رماكي عليا
تمارا : بذمتك دي طريقة تكلم بيها اختك حبيبتك
يوسف : تمارا انتي عايزة ايه
تمارا : هو انت ليه مش في شغلك
يوسف : انتي مش لاقية حاجة تعمليها صح
تمارا : اه
يوسف : طيب ايه رايك اجيب شاورما وشوية اكل كدا وشكولاتة وشيبسي وكل اللي انتي عايزاه وناكله مع بعض عشان انا كمان مش لاقي حاجة اعملها
تمارا : ماشي ربنا يخليك ليا يا احسن اخ في الدنيا
يوسف : ويخليكي ليا يا تيمو
--------------------------------------------------------
زينة كانت ماسكة الفون بتاعها لكن شافت خبر خلاها تتصدم
--------------------------------------------------------
زينة شافت ايه ؟
معلش والله انا متاسفة جدا علي الفصل القصير و التاخير والله كنت بنضف مع ماما وكل سنة وانتوا طيبين❤
