رواية تؤام الزين
--------------------
الفصل الثاني
----------------
دخل أسر ويوسف إلى الدكتورة تالا وفوجئ بفتاة تضع الكثير من مساحيق التجميل وشعر ذات اللون الاسود والخصلات الملونة أحمر و أخضر و أزرق و أصفر
يوسف:أعوذ بالله هي دي دكتورة ولا عروسة مولد
أسر: إنت بتقول فيها طيب أسألها كدا ممكن تكون مش هي دي الدكتورة
يوسف: أحم لو سمحتي هي فين الدكتورة تالا
تالا: أنا الدكتورة تالا
يوسف : طب واضح انك مشغوله اجيلك وقت تاني
تالا: لا مش مشغولة اتفضل
يوسف : لا هيجيلك وقت تاني
تالا بحدة : اتفضل يا استاذ انا مش مشغولة
يوسف : ما هو دا مش شكل دكتورة دا شكل عروسة مولد
تالا بعصبية : عروسة مولد ايه يا استاذ ما تحترم نفسك
يوسف :انتي ازاي تكلميني كدا انتي متعرفش انا مين
تالا : مش عايزة اعرف واتفضل برا
يوسف : طيب انتي مش نافع معاكي الذوق انا هجبلك عمو علاء
تالا باستغراب : عمو علاء!!!! عمو علاء مين؟
يوسف : عمو علاء مدير المستشفى
تالا بضيق : لا خلاص بلاش الدكتور علاء
يوسف : جبتي ورا يعني
تالا بغيظ مكتوم : اتفضل يا استاذ اشوف أسنانك خلصني
يوسف : لا خلاص مستغنين عن خدماتك
ثم اتجه إلى زين
زين: ايه دا ايه اللي حصل يا يوسف
يوسف : مش وقته يا زين ابقى اقولك بعدين انت وأسر
زين : ازيك يا اسر
أسر : تمام يا كبيرنا
يوسف : زين شوفلي دكتورة أسنان كويسة بدل اللي شفناه من شوية دول
زين باستغراب : شوفت ايه
يوسف : دكتورة بعين زرقاء بس ايه مقولكيش كمية غرور فيها والتانية عاملة زي عروسة المولد
زين: هههه ام عين زرقاء دي زينب اختي بس هي مش مغرورة دي ثقة بالنفس
أسر : طيب بالنسبة للعروسة المولد
زين : دي الدكتورة تالا مفكرة ان مفيش حد في شياكتها ولا في جمالها
أسر : اه منا لاحظت كدا
يوسف: طيب شوفلي دكتورة تكون كويسة
زين : تعالي معايا هوديك لزينب
يوسف : لا طبعا دعلي جثتي
___________________________________
في عيادة الأسنان
زينب : اهلا اهلا دكتور زين هنا بنفسه
زين بغرور مصطنع : لاداعي للتصقيف اخجلتم تواضعنا
زينب: اخلص يازين عايز ايه
زين: طب احترمني قدام صحابي
زينب : ااه طبعا ثم لاحظت من يقفون خلفه : انتو تاني هما دول صحابك يا زين
زين: اه هما دول واتفضلي اكشفي على يوسف
زينب : اتفضلو اطلعو عشان اكشف على صاحبكوا
يوسف: هما مش هيطلعوا برا
زينب وهي تجلس على كرسي مكتبها بأريحة:خلاص يبقى مش هكشف عليه نورت يا دكتور زين طلبك مرفوض
زين بنفاذ صبر : ما تخلصي يا زينب بقي
زينب بعصبية : زين أنا مبعرفش اكشف وحد معايا في نفس المكان اذا كان انا أو زينة وانت عارف كدا يا زين ف متجبش بقى اللوم عليا صاحبك هو اللي مش راضي يكشف
زين: يلا أسر نطلع برا عقبال ما تكشف على يوسف
يوسف : انتو هتطلعو وتسبني معاها لوحدي
زينب : متقلقش انا مش من نوع اكلي لحوم البشر عشان حرام
يوسف : يعني لو مكانش حرام كنتي اكلتيها
زينب بهمس : يارب مقتلش حد النهاردة
صوت من ورائهم : متجمعين عالخير انشاء الله
زينب: زوزو جيتي في وقتك
زينة: كنت حاسة انك عاملة مصيبه
زينب ببراءة: تعرفي عني كدا
زينة: وابو كدا كمان
يوسف بضيق : طيب بالنسبة للبني ادم اللي صف سنانه واقع
زينة: ماله ده
كان يوسف سيتكلم
زين: بسسس انتو ايه أطفال اسكتو شوية يلا يا أسر يلا يا زينة
زينب:لا سيب زينة
يوسف: اشمعني بقي
زين : هو انا مقولتلكش
يوسف: لا مقولتليش
زين:ممكن زينب تكشف وزينة قاعدة عادي إنما حد تاني لا وزينة نفس الشئ قولي ليه بقي
يوسف :ليه
زين: عشان هما تؤام
أسر: ما انت تؤامهم بردو
زين: ما انا بردو كدا نفس الشيء
أسر : طيب
وغادر زين و أسر مرحبا وتم الكشف علي يوسف ولم تخلو زينة من مناقرتهم واعطته زينب الأدوية اللازمة وغادر كلا من يوسف و أسر ثم وقف أسر أمام عيادة الأطفال
أسر : بص يا يوسف زينة دي طيبة ازاي وبتعامل الأطفال بحنية ازاي
يوسف:طيب يلا يا حنين عشان توصلني
أسر:يلا يا فصيل اصل أنا خلفتك ونسيتك
تجاهل يوسف كلامه ثم غادرو المستشفي
___________________________________
في المساء
-------------
في الشات الجماعي بين البنات
--------------------------------------
زينة : السلام عليكم ورحمة الله وبركاته
شروق: واللي في جيبك هاته
زينب: يا مساء الفل على ملوك الاشباح
تمارا: بقول ايه انا زهقانة ايه رايكو نخرج
زينة: ماشي اناموافقة
شروق:تمام بس امتي
زينب: بعد بكرة ايه رايكو
تمارا:تمام و نروح المول
زينب وزينة وشروق : تمام
___________________________________
ايه رايكو فصل طويل اهو قولولي رايكم وشكرا جداا على التعليقات اللي فرحتني 💜💜
