دخلوا الغرفه كانت نوره بس موجوده وواضح عليها التوتر .
فارس لاحظ توتر نوره : فيك شيء ؟ .
نوره تهز راسها بالايجاب .
فهد : نوره شصاير مسويه شيء وخايف من سامي يعرف ؟ .
نوره : لا شفيك .
فارس : عيل .
نوره تنهدت : رائد .
فارس رفع حاجب : شفيه رائد ؟ .
نوره بزعل وبسرعه : رائد مريض واهو بالمستشفى ومسوي عمليه ومحد يعرف غيري .
فهد بعدم فهم : لحظة لحظة شتقولين ، شنو رائد مريض ، ومستشفى ، وعمليه ، ماني فاهم شيء .
نوره تتنهد : الحين افهمكم .
فهمتهم نوره كل السالفه من البدايه الى الحين .
نوره تاخذ نفس : بس هذي السالفه كامله .
فارس قعد بصدمه وحط يده على رأس : الله وأكبر كل هذا يصير بدون ما احنا نعرف ، واحنا عبالنا انه بشاليه ومع ربعه واخر شيء .
فهد قعد جنبه وبنبره عتاب : ليش ما قلتي لنا ؟ ليش تونا نعرف ؟ مو احنا اخوانك يا نوره ليش ؟ .
نوره قعدت قدامهم : والله العظيم غصب عني ، رائد بالموت قالي كان خايف .
فارس بشويه صراخ : خايف ؟ ، خايف من شنو ؟ ، منا احنا اخوانه ؟ .
نوره ودموعها مجتمعه : انا كنت شايله الهم بروحي وخايفه ، كنت بكل لحظه اتردد اقولكم او لا .
فهد : بس ابداً ما كان لازم يخش عنا ، على الاقل لو بس ما خش عن واحد منا ، احنا الثلاثه قراب من بعض لدرجة في اشياء ابوي ما يعرفها ، ليش يخش عنا ، ليش .
نوره توها بتتكلم حست بحركه عند الباب ، قامت وفتحت الباب وانصدمت .
نوره بصدمه : يبه .
فارس وفهد وقفوا بصدمه اكثر : يبه .
ابو رائد دخل وسكر الباب وراه نوره راحت له بسرعه ومسكته .
نوره بتوتر : يبه لا تفهم غلط اللي سمعته غلط مو صج .
ابو رائد بصوت مبوح : ادري ان رائد مريض قلبي كان حاس .
رفع راسه وطالع فهد وفارس وبنبره عتاب : عفيه عليكم ، عفيه عليكم يا عيالي ، والله برافوا اهنيكم .
نوره نزلت راسها : يبه .
ابو رائد سكتها وكمل بنبره : شنو يبه ؟ ، اخوكم يطيح ولا واحد فيكم يوقف يمه ، ما قلت كلكم بس على الاقل واحد ، افااا ، هذا اللي ربيتكم عليه ، وانتوا الاربع كنتوا قراب من بعض اكثر مني ، ليش ؟ ، ليش كلكم عيالي صار فيكم كذا ؟ ، ليش تشتتوا ؟ ، كنتوا كلكم تحت جناحي ، اغطيكم من كل شيء ليش سمحتوا للعاصفه تبعدكم عني ، ليش ؟ .
أنت تقرأ
رواية زوجتي طفلة (مكتملة)
Romanceجمعتنا ظروف غامضه .. في يوم وليلة اصبح مصيرونا واحد .. هي تلك الفتاة البريئة التي يشغلها الضحك والعب والاحلام ، واهو الرجل الهادي الذي يبحث عن الاستقرار والجد ، كيف يمكن لمصيرين لا يشتركنا بشيء يجتمعان ويصبحان مصير واحد .. يتشاركنا فيه كل شيء ، حزن...
