أعتقد من أكبر المشاكل اللي ممكن تواجه اي كاتب، أيًا كان، هي الوحي، أو بالأدق الإلهام.
اللي هو عندكم موهبة جبّارة، أسلوب عظيم، بس الفكرة، الجوهر، أين هو؟
و يظل الكاتب مزنوق في هذه النقطة، يروح فين و ييجي منين، و يلف حول نفسه، و يبدأ بالتدريج يستسلم، بطريقة سريعة أو بعد مقاومة، النتيجة واحدة يا رفاق.
و الحقيقة مش بقول الكلام دا من فراغ، شخصيًا بعد ما انقطعت عن الكتابة و كبستني الإمتحانات، حاسة إني مش عارفة ألتهي بأي فكرة، أو حتى ارتجل أي ارتجال أحمق أقدر من خلاله أكون راضية إن الهواية دي لسه مستنياني، بس لأ، كأنها طارت، دا غير أسلوب سردي اللي تراجع.
الوظائف طريقة فعّالة جدًا لو بتكتبوا رواية أو قصة، مش فاهمين؟ هفهمكم.
كان من فترة، فيه كتاب واتبادي لطيف لبنت لطيفة برضو، الكتاب دا كان عبارة عن وظائف استثنائية، للخروج عن الوظائف المملة و الدارجة في روايات الواتباد، الكتاب دا كان رهيببب، حقيقي.
أشكرك حقًا يا فتاة، أرجو إنك تعودي و تكتبي كتاب مشابه لذلك، عشان عندي وظائف و كدا. -قلوب-
ها هو كتابها. -أيوا بكتب الفصل ٤ الفجر- ؛-؛
Rất tiếc! Hình ảnh này không tuân theo hướng dẫn nội dung. Để tiếp tục đăng tải, vui lòng xóa hoặc tải lên một hình ảnh khác.
-تهمس- أيوا انا البنت اللي استأذنت منك وظيفة عامل البريد و كتبت رواية بنفس الإسم عشان أخفي الحقيقة. :""""D و آسفة على تشويه الوظيفة. :"(
احمم، المهم، الكتاب فيه كمية وظائف بمجرد ما تقرأوا المسمى الوظيفي تقفز لذهنكم أفكار عظيمة، من كل التصنيفات.
مثلًا عامل في كواليس الحفلات زي مصفف شعر المغني أو المغنية، ممكن تطلعوا بأفكار كثيرة و كبيرة من الوظيفة دي، تقدر تكون الرواية أكشن أو رعب أو رومانسية، أو حتى بوليسية، أي فكرة تقدروا تطوعوها عشان تتمحور حول الوظيفة بشكل مثالي.
