واههه، و ها أنا ذا، نزلت واحدة من مسوداتي المنسية، مسكينة. :(
و لأني رغاية، فهدخل في الموضوع مباشرةً رحمةً بك عزيزي القارئ المُطلع.
و لأنك يا عزيزي وصلت للكتاب دا فأنا مش حقيرة لتخرج منه ساخط على وقتك الضائع صح؟!
بدايةً، هتكلم بالعامي، الفصحى منهكة، و أنا كسولة -نعمة وفضل من ربنا-.
ها هو السيناريو المألوف للكاتب، بيحاول يرتب أموره، يرتب الغرفة، و يجهز الموبيل اللي في الغالب ١٠٠٪ عشان ميفصلش منه اثناء قمة حماسه في الكتابة، أو بيرتب الورق.
لكن للاسف الكاتب دا نسي شيء مهم، أين السماعات يا رفيقي؟!
في الحقيقة و لأني شبه كاتبة بحب أضيف طابع المشاعر للقارئ عشان يعيش الأجواء، خاصةً في تصنيف الرعب و اللي بيحتاج جرعة زائدة من الرعب و الرهبة و الخشية. -مش متأكدة إذا قدرت أوفق في الموضوع دا، بس أرجو أكون. -
أغلب الكُتّاب بيواجهوا مشاكل في النقطة دي بالذات، فتلاقي الفكرة خنفشارية و الأسلوب رهيب و جميل، بس الشعور؟ صفر!
أنا مش حاسة بخوف، مش حاسة بالرومانسية و الحشرات و العك دا، مش حاسة بدموعي بتنزل نهائي.
لذا قرأت عن تأثير الموسيقى و الأغاني، و توسعت في البحث شوية -طبعًا نسيت تفاصيل البحث، تبًا-، و في الحقيقة الفكرة دي لقيتها حلوة.
الموسيقى ذات الإيقاع الشبيه بالتصنيف اللي الكاتب بيكتبه، بتعطيه شعور يسكبه اثناء نقره على لوحة المفاتيح أو تحرك القلم في يده، فبالتالي لما القارئ يقرأ، يشعر بالمشاعر الصحيحة.
بمعنى، إذا تكتبوا أكشن، فتسمعوا موسيقى خاصة بشيء محمس، محمس و مثير لضخ الأدرينالين. لو تكتبوا رعب، فتسمعوا موسيقى بيانو بس بطابع قوطي مثلًا، و هكذا، فهمتوا؟ -جائزة أسوأ شخص بيشرح هنا-
فأيًا كان التصنيف اللي بتحبوا تكتبوا فيه، تقدروا تعملوا قائمة موسيقية فيها كل الأغاني و التراكات اللي بتحسسكم بشعور معين، و تحتفظوا فيها لما تيجوا تكتبوا، و هتقدروا تتجاوزا العقبة دي.
زي دي. -تجاهلوا الحشيشة المقدسة-
Oops! This image does not follow our content guidelines. To continue publishing, please remove it or upload a different image.
تقدروا تسموا القوائم بطرق افضل مني طبعًا، بس انا شخص بدائي شوية :""D، و لو عندكم خاصية فرز الاغاني بمعنى فرز انواعها، يبقى افضل بالتأكيد.
مثلا كدا. و دي الافضل، عشان تعرفوا إنتم بتسمعوا موسيقى نوعها إيه.
Oops! This image does not follow our content guidelines. To continue publishing, please remove it or upload a different image.
و شكرًا، هي دي النهاية، نصيحة طويلة شوية اوفف تعبت. :"""D موبيلي LG لو في حد بيسأل. -محدش مهتم أساسًا-
