فتاة ابكاها القدر

البارت الثاني😍

مريم : دخلت للغرفة واخذت موبايلي لكيت رقم غريب متصل علية .. ضليت حايرة اخابر لو لا صدك والله دقايق ودك الرقم نفسه ضليت صافنة اجاوب لو لا شو خلي اجاوب الووووووو... منو حضرتك
المتصل: عفوا بس مو هذا رقم علي ..
مريم :لا اخي غلطان بالرقم 🙂
المتصل: اسف ع الازعاج 😌
مريم : لا عادي ما صار شي ....سديته منه
بس لحد الان ممصدكة غلط بالرقم ..اهوووو هسة عليمن مدوخة راسي يجوز صدك غلطان ..
تمددت شوية تعبانة كلش لزمت موبايلي دخلت ع اليوتيوب نغس الشي كله ملل تقريب ساعة وغفيت
سديت موبايلي .. ودخلت سمسمة هاا ولج شبيج كالبة
وجهج..🤨
سما : مبيه شي 😏
مريم : اهاا صدكتج اكول طفي الضوة خلي انام نعست
سما : ايي عيني نامي شعندج قابل مثل حظي طايحة بالعشك ومفلسة 🙄
مريم : عوذة منج والله حبي مكلتلج روحي عشكي انتي جبتيه لروحج ههههههه اكلي هسة 😂
سما: عابت غير اختج وتفكرين وياي شنسوي وي امج 🤨مو صوجج نامي 😠
مريم :تصبحين ع خير دلبوشة ههههه
سما : وانتي بخير 😒
ام مريم : يلا بنات كعدو تأخرتو الساعة ب٧ الصبح وانتي عيني اخذتج النومة اليوم اكعدي مريم 🙂
مريم : صدك تحجين ماما ليش مكعدتيني من وكت
ام مريم : بعد اخذيلج راجدي الناس تكول صباح الخير وانتي كالبة الخلقة 😕وانتي يالمسعدة كعدي كافي نوم
سما : صباح الخير شبيجن من الصبح تتعاركن ..
مريم : صباح النور .... ام مريم : صباح النور ماما يلا حبيباتي اكعدن اتريكن .... البنات ماشي ماما ...
صدك كعدنة تريكنة امي مسوي مخلمة طماطة وبيض وجبن ومربى وجاي حار خير من الله دقايق وتريكت ورحت بدلت وطلعت مستعجلة رأسا وكفت سيارة وي ما ردت اصعد اجة نفس الشاب راد يصعد بنفس اللحظة ...😒 راسا رجع هو وكال اسف اصعدي انتي صدك صعدت اني وجان ماكو بس كراسي ٢ يعني مجبورة يكعد يمي ....😕
صدك والله وصلت ردت انطي الكروة واصلة الكرة صفنت
اباوعلة لا عيني شكرا ميحتاج اني ادفع ..
.... بكيفج بعد ...
نزلت يا ربي شنو معقولة صدفة او يجوز ساكن بنفس منطقتي وما اعرفة اصلا لبسة راقي يلا اني شكو افكر بي...😌
اول موصلت تلكاني حجي علي ...
حجي علي : هاي مريومة اليوم متأخرة ...
مريم :والله حجي اخذتني النومة ..
حجي علي : يلا بنتي مصار شي بس بعد لاتتأخرين 🙂
مريم : صار حجي تدلل 🙄
همزين مترزلت ههه اصلا هو يحترمني
خلي اروح البس صدريتي
المهم بدت الزباين تجي بكثرة يعني تعب 😕
السلام عليكم...
مريم : رفعت راسي وعليكم...!!
شنو السالفة ردي السلام ....
وعليكم السلام تفضل اخي ...😏
بس ردت اقطع وصل للغراضرالي اشتريتهن
مريم : مو يمي يم هذاك الولد ...
اهاا شكرا ..
اهلا .... معقولة صدفة والله مدري 😕
مريم : كمل اليوم عادي نفس كل يوم ماكو جديد
اجتي هدى تمشي باتجاهي ..
هدى : هاا حياتي نطلع نتغدة شتكولين
مريم : اسفة بس اني ما احب اكل برة بس من ايد امي
هدى : براحتج يلا اني رايحة وهاا نسيت اكلج باجر نهاية الشهر الرواتب 😃
مريم : هههه خوش،بااي
هدى : بااي
مريم : طلعو كل العمال بقيت اخير وحدة اخذت غراضي وطلعت ... الساعة بالاربعة اباوع اشو السيارات كلهه مقبطة ضليت واكفة ماكو اخر شي كلت خلي ارجع للبيت مشي صدك والله مشيت والشارع فارغ صادف علينة صيف والجو حار كلش وما احس الا اثنين شباب يمشون وراي ويذبون حجي ... غلست ما جاوبت خفت كلش ... كاموو يتحارشون بالفاظ بذيئة خفت .. ضليت ادعي ياربي ساعدني  المهم راد واحد يجاوز مد ايدة عليه 
راد يلزمني ... وراسا نضرب بوكس ..... ضليت فاتحة حلكي ...😮منو ......
لزمهم كتلهم كتلة تسوة عمرهم ..شردو .. تقدم عليهه
وسألني خو مااذوج ..
مريم : لا مأذوني وشكرا لان ساعدتني لو ما انت جان شسوو بيه 🙄
ههه لا شحدهم ..اكول معرفتيني عن نفسج
ههه اسمي مريم🙂وانت
عمار ..
مريم : اتشرفت بيك وهاا شكرا مرةثانية
عمار : ليش تطلعين وحدج ميجي واحد من اخوانج وياج
مريم:😔 الصراحة معندي اخوان
عمار :ولايهمج اني موجود وشتحتاجين اني حاضر
مريم : لا اراديا كلتله يعني تصير اخوي 🙂
عمار: الي يعجبج انتي ترديني اصير اخوج عادي وصديق هم عادي اصلا 😂
مريم :😒خجلني خرة بليسك
عمار : يلا امشي  اوصلج
مريم :  هاا ايي يلا امشي
صدك وصلني للبيت كلتله تفضل خلي اعرفك على امي
عمار: يلا امشي
دخلنة للبيت تلكتني امي هاا ماما اشو تأخرتي خفنة عليج كلش
... ضلت صافنة امي على عمار .. معرفتينة منو حضرتة
مريم : ماما على كيفج وحدة وحدة اول شي خلي اعرفج هذا عمار ..
ماما: تشرفنة
عمار : واني اكثر خالة
مريم : ماما عمار ساعدني بالطريق تعدو علية شباب اثنين وهو ساعدني منهم
ام مريم : يا خالة صدك مشكور يمة مانعرف شلون نرد معروفك علينة لان لو ما انت جان الناس اكلوو بينة لحم فاطس
عمار : افااا عليج خالة اني موجود و وا يمسكم بحجاية
ام مريم : بعد كللبي يمة والله اني ارتاحيتلك هواي يلا تعالوو اكلوو خاف جوعانين
عمار : لا خالة مستعجل عندي شغل انشالله غير مرة
ام مريم : هلا بيك يمة يمتة ما تحب تعال
نزلت سما : من غرفتنة ضلت صافنة بعمار ...السلام عليكم
عمار: وعليكم السلام..
مريم : هاي اختي سمسمة .. وهذا عمار
عمار : تشرفنة خيتي ...سما : زادني الشرف
طلع  عمار ... واستلمتني سما