فتاة ابكاها القدر

البارت الاول ❤

مريم : كعدت من النوم ٦ الصبح طبعا اني موقتة المنبه علمود شغلي بالسوبرماركت سويت ريوك وبدلت ملابسي وكعدت اختي سما للدوام بعدين طلعت من البيت صعدت عبرية جان يصعد شاب ويانة عينة زايغة كلش بس يباوعلي ضجت حيل تقريب ربع ساعة وصلت راسا كلت للسايق عمو نازل . 😏 هفف خلصت منك* ادري شنو مضيع شي بوجهي ههههه اكيد لان صاكة هههه لا عيني هسة تكولون مغرورة هههه بس لا والله اني حلوة طبعا لبسي سافرة والبس بنطرون وبديات قصيرة هههه 😉 حقا يباوع .... كافي خلي نرجع 
المهم وصلت للمحل بوجهي لبست الصدرية مالت العمل هاي خاصة لان هواي عمال وياي مو بس اني شباب وبنات المهم رحت لبنية وياي صباح الخير هدى .
هدى: صباح النور مريومة شلونج

مريم: بخير شكو ماكو 😁 ههه علاساس جنت مسافرة لو ما يومية اشوفهه ههه يلا هو سؤال عادي 😎
اكلج هدهد : شخبارج اخوج خطبتولة بعد
هدى: اهلهه ميقبلون يكولون بعدهه صغيرة بس جذب يدورون فلوس يردون واحد غني لان اخوي يشتغل عمال بس هو يحبه للبنية وهي هم تحبة بس اهلهه يلا خليهه ع الله 😥
اكول مريومة شعجب منخطبتي انتي حلوة والف واحد يتمناج 😊
مريم : يمعودة مالي خلك اصلا ما احب واحد يتحكم بيه لبسي هيج ولا تلبسين هيج خليني مرتاحة وراسي بارد يلا ولج خلي نرتب البضاعة قبل لا يجي صاحب المح **نسيت اكلكم عن صاحب المحل هو رجال جبير بالعمر عايش هو مرتة ما عندة اولاد وهو مريض ميكدر يشتغل فيشغل عمال ☺ يصيحولة حجي علي  درة مالت الله يطلع عمرة بالخمسين سنة 😁
خلي ارجع لشغلي احسن 😉
مريم : بلشنة بالشغل ورتبنة البضاعة الزباين بلشت تجي لان هذا المحل مشهور بمنطقة ....بغداد
خلص اليوم عادي مثل كل يوم صارت الساعة ب ٤ العصر طلعة للبيت وكف ااشر لسيارة توكفلي 😮 نصدمت ....نفس الشاب الي صعد الصبح ويانة صعد هسة المهم مهتميت اصلا وسويت نفسي مشفت وصلت للفرع مالتنة كلتلة نازل نيت الكروة ونزلت
وصلت للبيت تعبانة كلش،😶 سلمت على امي وبوسته رحت سبحت وحميت الاكل جوعانة كلش طبعا طبخ ماما يجنن اكلت وغسلت وبعدين صعدت نمت
..... دخلت للغرفة لكيت سمسمة كاعدة ولازمة الكتاب وضايجة هلاوووو..
سما : هلاوو شلونج
مريم :زينة وانتي ليش ضايجة بالله 🤨
سما :مريومة تعبت كلش، امج متقبل اتزوج حسين وهو يلح يريد يدز اهله وامي قافلة حاجيتة بس ابد قافلة تكلي فكر ابن فكر وامه شلون تعيشين وياهه كلتله قابلة اني ..
بس ادري بيه تكره امه ومتقبل 😑
مريم: والله شكلج اصبري يمعودة بين متتخرجين الله كريم بعد سنتين كلشي توقعي يجوز امي تقبل 😉
سما :   اووووووف 😕 يلا نامي انتي اني طالعة ادرس برة
مريم : حببتي طفي الضوة وياج 🙂
طلعت سما ونمت ما ادري بروحي كعدت ب٨ بالليل لكيت امي بالمطبخ وسما وياهه رحت سويت عشا النة وكعدنة ناكل اباوع لسما متاكل وامي ضايجة من ورة سما اوووف هسة بلله هم محسوبين عائلة الواحد يجي للبيت يرتاح يسولف وانتن ابد بس الوجوه مكلبة ضحكن شوي
صدك والله نفكت العقدة ورجعنة ضحك وسوالف ..كملنة عشة سمسمة غسلت الاماعين وراحت تسوي جاي
مريم : ماما هلله هللة بسمسمة ليش تضوجيهه بعدين اذا تكرهين ام حسين همة شنو ذنبهم ..
ام مريم :ولج يمة والله رايدة مصلحتجن ليش اني المن عايشة غير حتة ترتاحن وتعيشن مثل البنات متشوفين ظهري مكسور من الخياطة بس حتى اامن عيشة حلوة واطلعجن من هاي البيئة بس اختج ملعوب بعقله من هذا حسين شافة حلوة ودارسة وخلاهه تتعلق بي بس لو يموت ما اقبل تاخذة هي شلونهه عيشتهم متكليلي وانتي قنعيهه تنسى خوش كافي عليه هم العيشة وشلون ابني بيت بمنطقة راقية حتى تخلصن من الوسخ والخيسة الي هنا 😌
مريم : والله مدري ماما انتي اعرف بمصلحتنة 🙄
المهم اجتي سمسمة وشربنة الجاي ونسينة السالفة او بالاحرى نحاول نسوي نفسنة نسينة وحتة سمسمة بس حتة منضوج ماما لان هي تتعب هواي علينة 😃
مريم : صعدت لغرفتنة ....
نسيت اسولف عن بيتنة صح بيتنة طابقين بس صغير كلش وهو مو ملك ايجار بمنطقة .... بغداد منطقة تعبانة بس امي دتجمع فلوس حتة نبني بيت ونستقر تكول حتة الي يريد يجي يخطبكم يتراجع من يشوف هذا بيتنة وعيشتنة ..... اما عن اهلنة فاحنة ماعدنة عمام امي تكول ابوجن يتيم والخوال بس واحد وبغير محافظة ميتواصل ويانة صار سنين فيعني ما عدنة احد بس احنة ماالنة سند بس رب العالمين والنعم منه .....😔
خلي نرجع عيوني ضوجتكم مووو
..
مريم : صعدت ولكيت موبايلي يدك رقم غريب ......😕
توقعاتكم منوو ؟؟؟؟؟