رشفه عشق

27

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
ﺭﺷﻔﺔ ﻋﺸﻖ
ﺍﻟـﻌـﺒـﺎﺩﻳـــﻪ
ﺍﻟﺒﺎﺭﺕ _27_
ﻣﺘﻰ ﺳـﺘــﻐـﺮﺏُ ﺃﺣــﺰﺍﻧﻲ ﻛـﻤﺎ ﻏﺮَﺑـﺖْ
ﺷـﻤـﺲُ ﺍﻟﻨـﻬـﺎﺭِ ﻭﻳـﺄﺗﻲ ﺑﻌـﺪَﻫـﺎ ﺍﻟـﻔﺮﺡُ
ﻻ ﻳُـﺬﻫـﺐُ ﺍﻟﺤـﺰﻥَ ﺇﻟّﺎ ﺃﻥ ﺃﺭﻯ ﺑـﻠــﺪﻱ
ﺗﺤـﻴﺎ ﺍﻟﺴﻼﻡَ ﻭﻛﻞَّ ﺍﻟﻨﺎﺱِ ﻗﺪ ﻓﺮﺣُـﻮﺍ
~~~~~~~~~~~~~~~~~~~~~~~~~~~~~
ﺣـﻮﺭﺍﺀ
ﻃﻠﻊ ﻋﺒﺎﺱ ﻣﻦ ﺍﻟﺒﻴﺖ ﻭﻫﺎﺩﺉ ﻛﻠﺸﺶ ﺑﺲ ﻭﺟﻬﻪ ﻣﻴﺘﻔﺴﺮ ،، ﺍﻟﻌﻴﻮﻥ ﺣﻤﺮ ﺩﻡ ﻭﺍﻟﻮﺟﻪ ﻣﺒﻴﻨﻪ ﻋﺮﻭﻗﻪ ﻭﺷﺮﺍﻳﻴﻨﻪ !!
ﺑﻘﻴﺖ ﻣﺘﺼﻨﻤﻪ ﺑﻤﻜﺎﻧﻲ ﻭﺃﺧﺬﺕ ﻋﻠﻰ ﻧﻔﺴﻲ ﺷﻠﻮﻥ ﻫﻴﭻ ﺣﭽﻴﺖ !!
ﻣﺎﺍﺩﺭﻱ ﺷﻨـﻮ ﺍﻟﺸﻌﻮﺭ ﺍﻻﺟﺘﺎﺣﻨﻲ !!
ﻣﻦ ﺷﻔﺖ ﻧﻈﺮﺍﺗﻪ ﻭﺧﺰﺭﺗﻪ ﺑﻠﺤﻈﻪ ﺗﻨﺪﻣﺖ ﻋﻠﻰ ﻛﻼﻣﻲ ﻭﺗﻤﻨﻴﺖ ﺃﻣﺤﻴﻪ !!
ﺃﻣﻲ ﺑﻘﺖ ﺗﻠﻮﻡ ﺑﻴﻪ ﻭﺯﻋﻠﺖ ﻋﻠﻴﻪ !!
ﻣﺮ ﺍﺳﺒﻮﻉ ﺑﻘﻴﺖ ﻳﻮﻣﻴﻪ ﺍﺻﺎﻟﺤﻬﻪ ﻣﺘﻘﺒﻞ ﻭﺗﮕﻠﻲ ﻣﺎﺭﺍﺿﻴﻪ ﻋﻠﻴﭻ ..
- ﻣﺎﻣﺎ ﻓـﺪﻭﻩ ﻭﺍﻟﻠﻪ ﭼﻨﺖ ﺑﺤﺎﻟﺔ ﻋﺼﺒﻴﻪ ﻭﺍﻧﺖِ ﺗﻀﻐﻄﻴﻦ ﻋﻠﻴﻪ ﺗﺮﻳﺪﻳﻨﻲ ﺍﺭﺟﻊ
- ﻭﻟﭻ ﻋﺒﺎﺱ ﻣﺎﺗﻠﻜﻴﻦ ﻣﺜﻠﻪ ﻓﻄﻴﻴﺮﺭ ﺗﻌﺮﻓﻴﻦ ﺷـﻨﻮ ﻓﻄﻄﻴﺮﺭﺭﺭ
- ﻟﻮ ﻓﻄﻴﺮ ﻣﺎﺳﻮﻩ ﺑﻴﻪ ﻫﻴﭻ !!
- ﻣﻦ ﻟﺴﺎﻧﭻ ﻫـٰﺬﺍ ﺍﻟﻤﺸﺮﺷﺮﺏ ﻣﻦ ﺗﺰﻭﺟﺘﻲ ﻟﻬﺴﻪ ﻃﻠﻌﻠﭻ ﻟﺴﺎﻥ ﺑﻄﻮﻟﻲ ﻭﻟﭻ ﻣﺎﭼﺎﻥ ﻫﻴﺞ ﻟﺴﺎﻧﭻ ﻣﺎﺭﺑﻴﺘﭻ ﻫﻴﭻ ﺁﻧﻲ
- ﻭﺍﻟﻠﻪ ﻫﻮَ ﻳﺠﺒﺮﻧﻲ ﺍﺣﭽﻲ ﺑﻜﻼﻣﻪ
- ﻣﺎﻛﻮ ﻣﺎﺍﺭﺿﻰ ﻋﻠﻴﭻ
- ﺍﻭﻭﻑ ﭼـﺎ ﺷﻠﻮﻥ ﺗﺮﺿﻴﻦ ﻋﻠﻴﻪ؟؟
- ﺭﻭﺣﻲ ﺧﺎﺑﺮﻳﻪ ﻭﺍﺧﺬﻱ ﺑﺨﺎﻃﺮﻩ
- ﻳــﺎﺍﺍ ..
- ﻭﻭﺟﻌﺎ ﺑﻜﻴﻔﭻ ﺧﻴﺮﺗﭻ ﻭﺍﺧﺘﺎﺭﻱ
- ﺍﻭﻭﻑ ﺭﺍﻳﺤﻪ ﻫﺴﻪ ﺍﺗﺼﻞ ﺑﻴﻪ
- ﻳﻼ ﺭﻭﺣـﻲ ﻭﻻﺗﺠﻴﻨﻲ ﺍﻻ ﺑﺄﻳﺪﭺ ﺧﺒﺮ ﻳﻔﺮﺡ
ﺗﻨﻬﺪﺕ ﺑﻐﻀﺐ ﻭﻃﻠﻌﺖ ﻟﻐﺮﻓﺘﻲ ..
ﻟﺰﻣﺖ ﺍﻟﻤﻮﺑﺎﻳﻞ ﻭﺑﻘﻴﺖ ﻣﺘﺮﺩﺩﻩ ﺍﺗﺼﻞ ﻟﻮ ﻻ؟؟
ﺍﺧﺮ ﺷﻲ ﻋﺼﺮﺕ ﻋﻴﻮﻧﻲ ﺣﻴﻞ ﻭﺳﺤﺒﺖ ﻧﻔﺲ ﺑﺘﻮﺗﺮ ﻭﺩﮔﻴﺖ ..
ﻭﻳﻪ ﻛﻞ ﺩﮔﻪ ﮔﻠﺒﻲ ﺩﮔﺎﺗﻪ ﻳﺰﻳﺪﻥ ﻣﺎﻋﺒﺎﻟﻚ ﺭﺟﻠﻲ ﻋﺒﺎﻟﻚ ﻣﺨﺎﺑﺮﻩ ﺻﺎﺣﺒﻲ ﻭﺑﺎﻟﺨﺘﻠﻪ ﻋﻦ ﺍﻫﻠﻲ ﻭﺧﺎﻳﻔﻪ ﻫﻴﭻ !!..
ﺑﻘﻰ ﻳﺘﺼﻞ ﻭﻫﻮَ ﻣﻴﺠﺎﻭﺏ !!
ﺁﺧﺮ ﺷﻲ ﺍﻧﻐﻠﻖ ﺍﻟﻤﻮﺑﺎﻳﻞ !!
ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ !
ﻃﻠﻌﺖ ﻻﺍﻣﻲ ﻛﺘﻠﻪ ﺑﻨﺘﺮ ﻣﺎﻳﺮﺩ .. ﻟﺤﺖ ﻋﻠﻴﻪ ﺍﻻ ﺍﻋﻴﺪ ﺍﻻﺗﺼﺎﻝ ﻟﻤﺎ ﮔﺘﻠﻬﻪ ﻏﻠﻘﻪ ﻳﻼ ﻓﻜﺖ ﻣﻨﻲ ..
ﺑﻘﻴﺖ ﺭﺍﻳﺤﻪ ﺭﺍﺟﻌﻪ ﺍﺗﺼﻞ ﺑﻴﻪ ﻭﻫﻢ ﻣﻐﻠﻖ .. ﺍﺗﺼﻠﺖ ﻋﻠﻰ ﺧﻄﻪ ﺍﻟﺜﺎﻧﻲ ﺟﺎﻭﺏ ﺑﺲ ﻣﺎﻛﻮ ﺻﻮﺕ !!
- ﺍﻟـﻮﻭﻭ ..
- .........
- ﻋﺒﺎﺱ ﺗﺴﻤﻌﻨﻲ ؟؟
- ......
- ﺁﺳﻔﻪ
ﺗﻨﻬﺪ ﻭﺳﺤﺐ ﺍﻧﻔﺎﺳﻪ ﻭﻏﻠﻘﻪ ﺑﻮﺟﻬﻲ !!
ﺑﻬﺎﻟﻠﺤﻈﻪ ﺍﻧﻬﺎﺭﻳﺖ ﻭﺷﺒﻌﺖ ﺑﭽﻲ ﺗﻌﺒﺖ ﺷﻬﺎﻟﺤﻆ ﻫـٰﺬﺍ ﻟﻮ ﺍﻧﻲ ﺍﭼﻔﺺ ﻟﻮ ﻫﻮَ ﻭﺗﻌﺒﻨﺎ ﺍﺛﻨﻴﻨﻪ
بيج قصص عراقيه حقيقيه من واقعنا.روعه الطائي
ﺑﻘﻴﺖ ﺍﺭﺍﻗﺐ ﺑﺤﺴﺎﺑﺎﺗﻪ ﻭﻣﻴﺘﻪ ﻋﻠﻴﻪ ﻭﺍﺷﻮﻓﻪ ﻣﺘﺼﻞ ﻭﺭﻭﺣـﻲ ﺗﻔﺮﻓﺢ ..
ﺁﺧﺮ ﺷﻲ ﺗﻌﺒﺖ ﺩﺧﻠﺘﻠﻪ ﺩﺯﻳﺘﻠﻪ ..
- ﻋﺒﺎﺱ ﻛﺎﻓﻲ ﻧﺎﻡ ﻭﺭﺍﻙ ﺷﻐﻞ
ﺗﻨﺪﻣﺖ ﺑﮕﺪ ﺷﻌﺮ ﺭﺍﺳﻲ ﻻﻥ ﺩﺯﻳﺘﻬﻪ ..
ﻣﺒﺎﺷﺮﺓً ﺣﻈﺮﻧﻲ !!
ﺑﻘﻴﺖ ﺍﻏﻢ ﺑﺮﻭﺣـﻲ ﻭﺍﻛﻞ ﺑﺄﻇﺎﻓﻴﺮﻱ ﺇﻟﻤﻦ ﺩﺯﻳﺘﻠﻪ ﺷﻌﻠﻴﻪ ﺑﻴﻪ ﻳﺮﺑﻲ ﺷﻌﻠﻠﻴﻴﻴﻪ ﺍﻧﺴﺤﻠﺖ ﻛﺮﺍﻣﺘﻲ ﺻﺢ ﻏﻠﻄﺖ ﺑﺲ ﻫﻮَ ﻫﻢ ﻏﻠﻂ .
ﻣﺮﺕ ﻓﺘﺮﻩ ﻭﻫﻮَ ﻻﺳﺆﺍﻝ ﻭﻻﺟﻮﺍﺏ ﻭﻫﺎﺩﺉ ﺣﺴﻴﺖ ﻫـٰﺬﺍ ﺍﻟﻬﺪﻭﺀ ﺍﻟﻴﺴﺒﻖ ﺍﻟﻌﺎﺻﻔﻪ !!
ﺑﻮﻗﺘﻬﻪ ﻋﻠﻨﻮﺍ ﻧﺘﺎﺋﺞ ﺍﻟﺴﺎﺩﺱ ﺍﻋﺪﺍﺩﻱ ﺍﻟﻨﺖ ﺻﺎﺭ ﻋﺒﺎﺭﻩ ﻋﻦ ﺍﻓﺘﺢ ﺍﻟﺮﺍﺑﻂ ﻟﺘﺤﻤﻴﻞ ﻧﺘﺎﺋﺞ ﺍﻟﺴﺎﺩﺱ ﻭﻳﻦ ﻣﺎﺍﺭﻭﺡ ﺍﻟﮕﺎﻩ ﻣﻠﻴﺖ ﻭﺷﻤﺮﺕ ﺍﻟﻤﻮﺑﺎﻳﻞ .
ﺷﻮﻳﻪ ﻭﺭﻥ ﻣﻮﺑﺎﻳﻠﻲ ﺻﻮﺕ ﺭﺳﺎﺋﻞ ﻉ ﺍﻟﻤﺎﺳﻨﺠﺮ !! ﺭﻛﻀﺖ ﺑﺴﺮﻋﻪ ﻓﺘﺤﺘﻬﻪ ﻋﺒﺎﻟﻲ ﻫﻮَ ﺑﺲ ﺗﻔﺎﺟﺌﺖ ﺣﺴﺎﺏ ﺑﻨﻴﻪ ﺩﺍﺯﺗﻠﻲ ﻧﺘﺎﺋﺞ ﻣﺪﺭﺳﺘﻨﻪ !!
ﮔﻠﺘﻠﻬﻪ
- ﻣﻨـﻮﻭ؟؟؟
- ﻫﺎﻱ ﻣﻮ ﻣﺪﺭﺳﺘﭻ ﻣﻦ ﭼﻨﺘﻲ ﻗﺒﻞ؟؟
- ﺍﻱ ﻋﻴﻮﻧﻲ ﻟﻴـﺶ؟؟؟
- ﺑﺲ ﺑﺎﻋﻲ ﺛﺎﻟﺚ ﺍﺳﻢ
ﺷﻔﺖ ﺛﺎﻟﺚ ﺍﺳﻢ ﻃﻠﻊ ﺍﺳﻢ ﺑﻨﻴﻦ ﺻﺪﻳﻘﺘﻲ !!
ﺍﻧﺼﺪﻣﺖ ﺑﻤﻌﺪﻟﻬﻪ ﻣﻄﻠﻌﻪ 94 ﻭﻫﻲُ ﻗﺒﻞ ﭼﺎﻧﺖ ﻛﻠﻤﻪ ﻣﺎﺗﻨﻄﻖ !!
ﮔﺘﻠﻬﻪ
- ﺍﻧﺖِ ﺑﻨﻴﻦ ؟؟
- ﺍﻱ ﺍﻧﻲ ﺑﻨﻴﻦ ﻃﻠﻌﺖ 94 ﻭﺍﻧﺖِ ﺑﻘﻴﺘﻲ ﻫﻴﭻ ﻭﺳﻤﻌﺖ ﺯﻋﻼﻧﻪ ﻋﻨﺪ ﺍﻫﻠﺞ ﺍﻟﺰﻭﺍﺝ ﻓﺎﺩﺝ؟؟ ﻫﻬﻬﻬـﻪ ﮔﺘﻠﭻ ﻋﻠﻰ ﻋﺒﺪ ﺍﻟﻠﻪ ﺑﺲ ﺗﻜﻤﻠﻴﻦ ﻳﺘﺰﻭﺟﺞ ﻣﺎﺭﺿﻴﺘﻲ ﺑﺲ ﺗﺴﺘﺎﻫﻠﻴﻦ ﺍﺯﻳﺪ ﻣﻦ ﻫﻴﭻ ﺍﻥ ﺷﺎﺀ ﺍﻟﻠﻪ
ﻣﺘﺖ ﻣﻦ ﺍﻟﺤﺮﮔﻪ ﻭﺭﺍﺳﻲ ﺍﻧﻜﺒﺲ ﻭﻋﻴﻮﻧﻲ ﻏﻮﺷﺖ ﻣﻦ ﺍﻟﺪﻣﻮﻉ ﺻﺮﺕ ﺷﻤﺎﺗﻪ ﺭﺯﻟﺘﻬﻪ ﻭﺣﻈﺮﺗﻬﻪ ﻭﻟﻐﻴﺖ ﺍﻟﻤﺎﺳﻨﺠﺮ ﻛﻠﻪ ﻭﺑﻘﻴﺖ ﻳﻮﻣﻴﻦ ﻣﺘﻜﺄﺑﻪ ..
ﻛﻼﻣﻬﻪ ﺻﺢ ﻟﻴـﺶ ﺑﻄﻠﺖ ﻟﻴـﺶ ﺍﻫﻢ ﺷﻲ ﺷﻬﺎﺩﺗﻲ ﺑﻴﺶ ﻓﺎﺩﻧﻲ ﺍﻟﺰﻭﺍﺝ ﻫﺴﻪ ؟؟ !!
ﺑﺲ ﻃﻴﺎﺡ ﺣﻆ ﻭﻣﺸﺎﻛﻞ ﻭﺗﻌﺐ ﺍﺭﻳﺪ ﺍﻣﻮﺕ ﻣﻦ ﻭﺭﺍﻩ ﺑﻌﺪ ﻫﺎﻱ ﻫﻲَ ﻗﺮﺭﺕ ﻟﻮ ﺍﺭﺟﻊ ﻟﻠﺪﺭﺍﺳﻪ ﻟﻮ ﻳﻄﻠﮕﻨﻲ ﻭﺁﻧﻲ ﺭﺍﺡ ﻳﺼﻴﺮﻟﻲ 6 ﺍﺷﻬﺮ ﺑﺒﻴﺖ ﺍﻫﻠﻲ ..
ﺩﺯﻳﺘﻠﻪ ﺭﺳﺎﻟﻪ ﻉ ﺍﻟﺴﻴﻢ ﻛﺎﺭﺕ
- ﺑﺎﻭﻉ ﻋﺒﺎﺱ ﺍﻧﻲ ﺍﻋﺘﺬﺭﺕ ﻣﻨﻚ ﺑﺲ ﺍﻧﺖَ ﻣﻌﺎﻧﺪ ﻑ ﻟﻮ ﺗﺠﻲ ﻧﺘﻔﺎﻫﻢ ﻟﻮ ﺗﻄﻠﮕﻨﻲ ﻭﻛﻠﻤﻦ ﻳﺮﻭﺡ ﺑﺤﺎﻝ ﺳﺒﻴﻠﻪ ﺗﻌﺒﺖ ﺗﺮﻩ
ﺑﻘﻴﺖ ﺍﻟﻨﻬﺎﺭ ﻛﻠﻪ ﻣﻜﺘﺄﺑﻪ ﻭﺍﺑﭽﻲ ..
ﺍﻟﻌﺼﺮ ﺩﺧﻠﺖ ﺍﻣﻲ ﮔﺎﻟﺖ ‏( ﺍﻧﺰﻟﻲ ﺭﺟﻠﺞ ﺟﻮﻩ ﻳﺮﻳﺪ ﻳﺤﺠﻲ ﻭﻳﺎﺝ ‏)
ﺭﻛﻀﺖ ﺑﺪﻟﺖ ﻭﺣﻄﻴﺖ ﻣﻜﻴﺎﺝ ﺧﻔﻴﻒ ﻭﻣﺮﻃﺐ ﺷﻔﻪ ﺍﺟﺎﻧﻲ ﻭﺍﻫﺲ ﻓﻀﻴﻊ ﺍﻛﻴﺪ ﻫﺴﻪ ﻣﻴﻜﺪﺭ ﻳﺮﺩ ﺷﺮﻭﻃﻲ ﻭﻳﺮﺟﻌﻨﻲ ﻟﻠﻤﺪﺭﺳﻪ ﻻﻥ ﻋﻨﺪﻩ ﻛﻠﻤﺔ ﻃﻼﮒ ﺧﻂ ﺍﺣﻤﺮ ..
ﻭﺍﻟﻠﻪ ﻭﺍﻟﻈﺎﻫﺮ ﺍﻟﺘﻬﺪﻳﺪ ﻓﺎﺩ ﻭﻳﺎﻩ .
ﻧﺰﻟﺖ ﻛﺎﻟﺖ ﺍﻣﻲ ﺑﺎﻻﺳﺘﻘﺒﺎﻝ .. ﺭﺣﺖ ﺩﻛﻴﺘﻪ ﺍﻟﺒﺎﺏ ﻭﻓﺘﺤﺘﻪ .. ﺩﺧﻠﺖ ﻟﮕﻴﺘﻪ ﻫﻮَ ﻭﺭﺍﺋﺪ ﻭﺑﺎﺑﺎ ..
ﺳﻠﻤﺖ ﻭﮔﻌﺪﺕ ﻳﻢ ﺑﺎﺑﺎ .. ﺷﻜﻠﻪ ﻣﺘﻐﻴﺮ ﺣﻴﻞ ﺿﻌﻔﺎﻥ ﻭﻟﺤﻴﺘﻪ ﻛﺜﻴﻔﻪ ﻭﻣﺎﻣﺰﻳﻦ ..
ﻣﺎﺑﺎﻭﻉ ﻋﻠﻰ ﺟﻬﺘﻲ ﺍﺑﺪﺩ
بيج قصص عراقيه حقيقيه من واقعنا.روعه الطائي
ﻃﻠﺐ ﻣﻦ ﺑﺎﺑﺎ ﻭﺭﺍﺋﺪ ﻳﻄﻠﻌﻮﻥ ﻛﺎﻟﻠﻬﻢ
- ﻋﻤﻲ ﻣﻦ ﺭﺧﺼﺘﻚ ﺑﺲ ﺍﺣﺠﻲ ﻭﻳﺎﻫﻪ ﻛﻠﻤﺘﻴﻦ ﻋﻠﻰ ﺍﻧﻔﺮﺍﺩ
- ﺑﺮﺍﺣﺘﻜﻢ
ﻃﻠﻊ ﺑﺎﺑﺎ ﻭﺁﻧﻲ ﺑﻘﻴﺖ ﻣﺪﻧﮕﻪ ﻭﻣﺸﺎﻋﺮﻱ ﻣﺘﻠﺨﺒﻄﻪ ﻭﻣﻀﻄﺮﺑﻪ .
ﻃﻠﻊ ﻣﻦ ﺟﻴﺒﻪ ﻭﺭﻗﻪ ﻣﻄﺒﮕﻪ ﻓﺘﺤﻬﻪ ﻭﺷﻤﺮﻫﻪ ﻋﻠﻴﻪ ..
ﺭﻓﻌﺖ ﺭﺍﺳﻲ ﺍﺟﺖ ﻋﻴﻨﻲ ﺑﻌﻴﻨﻪ .. ﺑﺎﻭﻋﻠﻲ ﺑﺸﻤﻮﺥ .. ﻭﮔﺎﻝ
- ﻫﺎﻱ ﺳﺒﺐ ﺗﺄﺧﻴﺮﻱ ﻟﻨﺼﺎﺹ ﺍﻟﻠﻴﺎﻟﻲ
ﻋﻜﺪﺕ ﺣﺎﺟﺒﻲ ﻣﺴﺘﻐﺮﺑﻪ
- ﺷـﻨﻮﻭ؟؟
- ﺍﻓﺘﺤﻴﻬﻪ
ﻓﺘﺤﺖ ﺍﻟﻮﺭﻗﻪ ﻟﮕﻴﺘﻬﻪ ﺩﺭﺍﺳﺔ ﺍﻻﻋﺪﺍﺩﻱ ﺷﻬﺎﺩﺓ ﺳﺎﺩﺱ ﺍﻋﺪﺍﺩﻱ !
ﺑﺎﻭﻋﺖ ﻟﻠﺸﻬﺎﺩﻩ ﺩﺭﺟﺎﺕ ﻛﻠﻬﻪ ﺗﺴﻌﻴﻨﺎﺕ ﻣﻴﺎﻳﻪ !! ﻭﺍﺳﻤﻪ ﻳﻌﺘﻠﻲ ﺍﻟﺸﻬﺎﺩﻩ .. ﮔﺎﻝ
- ﻫﺎﻱ ﺍﻟﺠﺮﺣﺘﻲ ﻛﺮﺍﻣﺘﻲ ﻭﻫﻨﺘﻴﻨﻲ ﻋﻠﻤﻮﺩﻫﻪ ﺗﺘﺬﻛﺮﻳﻦ ﻟﻮ ﺍﺫﻛﺮﺝ؟؟
ﺗﺬﻛﺮﺕ ﻗﺒﻞ ﻻﺍﺯﻋﻞ ﻣﻦ ﻋﻴﺮﺗﻪ ﺑﺸﻬﺎﺩﺗﻪ ﻭﺑﻌﺪﻡ ﻣﻌﺮﻓﺘﻪ ﺑﺎﻵﻳﻔﻮﻥ !!
ﻋﺒﺎﺱ .. ﻫﺴﻪ ﺇﻧﺖِ ﺍﻟﺼﻔﻴﺘﻲ ﺑﺪﻭﻥ ﺷﻬﺎﺩﻩ ﻣﻮ ﺁﻧﻲ ﻭﺻﺎﺭﺕ ﻋﻨﺪﻱ ﺷﻬﺎﺩﺓ ﺍﻋﺪﺍﺩﻳﻪ ﻭﺇﻧﺖِ ﻳﺎﺩﻭﺏ ﺷﻬﺎﺩﺓ ﻣﺘﻮﺳﻄﻪ ﻭﻫﺎﻱ ﺍﻟـ 6 ﺳﺎﻋﺎﺕ ﺍﻻﻏﻴﺐ ﺑﻴﻬﻦ ﻓﺎﺩﻧﻲ
- ﺍﻱ ﻫﺴﻪ ﺍﺩﺭﺱ ﻭﺍﺧﺬ ﺷﻬﺎﺩﺓ ﺍﻋﺪﺍﺩﻱ
- ﺍﺧﺬﻱ
ﺑﺎﻭﻋﺘﻠﻪ ﻣﺼﺪﻭﻣﻪ
- ﻳﻌﻨﻲ ﻣﻮﺍﻓﻖ ﺍﺩﺭﺱ ؟؟
- ﻭﺁﻧﻲ ﺷﻌﻠﻴﻪ؟؟
- ﺷﻨـﻮ ﺷﻌﻠﻴﻚ ﻏﻴﺮ ﺭﺟﻠﻲ !!
- ﺍﻧﻲ ﺍﺟﻴﺖ ﺍﺷﻮﻓﺞ ﺍﻟﺸﻬﺎﺩﻩ ﻭﻋﻦ ﻗﺮﻳﺐ ﻗﺒﻮﻟﻲ ﺑﺎﻟﻤﻌﻬﺪ ﺍﻟﻄﺒﻲ ﻭﺑﻌﺪ ﻛﻠﺸﻲ ﻳﻨﺘﻬﻲ ﺑﻴﻨﺎﺗﻨﻪ !!!!
- ﻋﺒﺎﺱ ﺍﻧﺖَ ﺷﺘﺤﭽﻲ ؟؟
- ﺍﻱ ﻫـٰﺬﺍ ﺁﺧﺮ ﻛﻼﻡ ﻋﻨﺪﻱ ﺑﻌﺪ ﻣﻌﻠﻴﻪ ﺑﻴﺞ ﺁﻧﻲ ﺍﻟﻤﺮﻩ ﺍﻟﻬﺎﻧﺘﻨﻲ ﻭﺗﻬﻤﺘﻨﻲ ﺯﻭﺭ ﻣﺎﺗﺼﻴﺮﻟﻲ ﺑﻌﺪ ﻣﺮﻩ ﻟﻮ ﺍﻟﺪﻧﻴﺎ ﺗﻨﮕﻠﺐ !!
- ﺁﻧﻲ ﺍﻋﺘﺬﺭﺕ ﻣﻨﻚ ﻭﺗﻨﺪﻣﺖ ﻋﻠﻰ ﻛﻼﻣﻲ
- ﻛﻼﻣﺞ ﺭﺟﻊ ﺷﻲ ؟؟
ﻣﺎﻛﻮ ﺷﻲ ﺗﻐﻴﻴﺮ ﺑﺈﻋﺘﺬﺍﺭﺝ ﻑ ﺍﺣﺴﻦ ﺣﻞ ﻧﻨﻬﻲ ﻛﻠﺸﻲ ﻣﺜﻞ ﻣﺎﮔﻠﺘﻲ !!..
- ﻭﺷﻨـﻮ ﺍﺑﻘﻰ ﻣﻄﻠﮕﻪ؟؟
- ﺍﻱ ﻋﺎﺩﻱ ﻗﺎﺑﻞ ﺍﻭﻝ ﻭﺣﺪﻩ ﺗﺘﻄﻠﮓ ؟؟
- ﻭﺍﻧﺖَ ؟؟؟
ﺑﻘﻴﺖ ﺍﺑﺎﻭﻋﻠﻪ ﺑﻨﻈﺮﺍﺕ ﺧﻮﻑ ﻣﻦ ﻛﻠﻤﺘﻪ ﺍﻟﺮﺍﺡ ﺍﺳﻤﻌﻬﻪ
- ﺍﺷﻮﻑ ﺍﻟﻤﺮﻩ ﺍﻟﺘﻨﺎﺳﺒﻨﻲ ﻭﺍﺗﺰﻭﺟﻬﻪ ﻭﺃﺳﺲ ﺣﻴﺎﺗﻲ ﻭﻳﺎﻫﻪ !!!
ﺍﻟﻌﺼﺒﻴﻪ ﺻﻌﺪﺕ ﺑﺮﺍﺳﻲ ﻭﻋﻴﻮﻧﻲ ﻏﻮﺷﺖ ﻣﻦ ﺍﻟﺤﺮﮔﻪ ﻭﺍﻟﻘﻬﺮ ﻋﻄﺖ ﻋﻠﻴﻪ
- ﻭﺁﻧﻲ ﺷﻨـﻮ ﺣﺎﻳﻂ ﻧﺼﻴﺺ ﺍﺧﺬﺗﻨﻲ ﻭﺷﺒﻌﺖ ﻣﻨﻲ ﻭﻫﺴﻪ ﺷﺎﻣﺮﻧﻲ ﻋﻠﻰ ﺍﻫﻠﻲ ﻣﺜﻞ ﺍﻟﺴﻠﻌﻪ ﺍﻟﻘﺪﻳﻤﻪ !!
- ﻣﻦ ﺇﻳﺪﭺ ﻣﻮ ﻣﻦ ﺍﺣﺪ
ﺑﻘﻴﺖ ﺍﺑﭽﻲ ﻣﻜﺮﻓﺼﻪ ﺑﺎﻟﮕﺎﻉ ﻭﺩﻣﻮﻋﻲ ﺗﺼﺐ ﺑﻐﺰﺍﺭﻩ ﻭﺍﻧﺎﺷﻎ ﻃﺎﻟﻘﻪ ﺍﻟﻌﺒﺮﺍﺕ ﺍﻟﻤﺘﻜﺴﺮﻉ ﺑﺼﺪﺭﻱ
- ﻟﻴـﺶ ﻫﻴﭻ ﺗﺴﻮﻱ ﻭﺇﻧﺖَ ﻣﺎﻛﻠﻔﺖ ﻧﻔﺴﻚ ﺗﺸﺮﺣﻠﻲ ﻭﻻﻛﻠﻔﺖ ﻧﻔﺴﻚ ﺗﻔﻬﻤﻨﻲ ﻭﻛﻞ ﺍﻟﺴﻮﻳﺘﻪ ﺍﻧﻚ ﺗﺜﻴﺮ ﺑﻐﻴﺮﺗﻲ ﻭﺗﺤﺮﮒ ﺑﮕﻠﺒﻲ ﻭﻋﺎﻣﻠﺘﻨﻲ ﺑﺄﺑﺸﻊ ﺇﺳﻠﻮﺏ
بيج قصص عراقيه حقيقيه من واقعنا.روعه الطائي
- ﻣﻴﻔﻴﺪ ﺍﻟﻌﺘﺎﺏ ﺑﻌﺪ ﻛﻠﺸﻲ ﺍﻧﺘﻬﻰ
ﻭﮔﻔﺖ ﻋﻠﻰ ﺣﻴﻠﻲ ﻭﻣﺴﺤﺖ ﺩﻣﻮﻋﻲ
- ﻻ ﻭﺍﻟﻠﻪ ﻟﻮ ﺗﻤﻮﺕ ﻣﺎﺍﺧﻠﻴﻚ ﺗﺘﻬﻨﻰ ﻭﻻﺍﺧﻠﻴﻚ ﺗﺘﺰﻭﺝ ﻭﻣﺎﺍﺗﻄﻠﮓ ﺍﺻﻼً ﻭﻫﺴﻪ ﺭﺍﻳﺤﻪ ﺍﺟﻴﺐ ﻏﺮﺍﺿﻲ ﻭﺍﺭﺟﻊ
ﺿﺤﻚ ﺑﺈﺳﺘﻬﺰﺍﺀ
- ﻫــﻪ !!!
ﻟﺘﺘﻌﺒﻴﻦ ﻧﻔﺴﺞ ﺭﻭﺣﻲ ﭼﺰﺕ ﻣﻨﭻ
- ﻭﺍﻧﻲ ﻫﻢ ﺑﺲ ﺍﻟﻤﻬﻢ ﻣﺎﺍﺧﻠﻴﻚ ﺗﺘﻬﻨﻰ
ﺭﺣﺖ ﻟﻤﻴﺖ ﻏﺮﺍﺿﻲ ﻭﺍﻣﻲ ﺑﺲ ﺻﺎﻓﻨﻪ ﺑﻴﻪ ﻭﺗﺴﺄﻟﻨﻲ
- ﺣﻠﻴﺘﻮﺍ ﺍﻣﻮﺭﻛﻢ
- ﺍﻱ ﻳﻮﻡ ﺣﻠﻴﻨﻪ ﻛﻠﺸﻲ
- ﺍﻟﻠﻪ ﻳﻬﺪﻳﻜﻢ
ﺷﻠﺖ ﺟﻨﻄﺘﻲ ﻭﻃﻠﻌﺖ ﺍﺳﺤﻞ ﺑﻴﻬﻪ ﺷﺜﮕﻠﻬﻪ ﺑﺎﺑﺎ ﺑﺎﻭﻉ ﺑﻴﻪ ﺑﻨﻈﺮﺍﺕ ﺧﻮﻑ ﻭﻗﻠﻖ ﻭﻃﻮﻝ ﻫﺎﻟﻔﺘﺮﻩ ﻣﺘﻮﺗﺮ ﻭﻗﻠﻖ ﺑﺲ ﮔﺘﻠﻪ ﺍﻧﻮ ﺑﺲ ﺍﺭﺗﺎﺡ ﺍﺭﺟﻊ ﻭﻳﺪﺭﻱ ﻣﺸﻜﻠﻪ ﺑﻴﻨﺎﺗﻨﻪ ﻭﺍﻧﻲ ﻫﻢ ﻣﺎﺣﺒﻴﺖ ﺍﻃﻠﻊ ﺳﺮﻱ ﻭﻛﺘﻠﻬﻢ ﻭﻣﺎﺳﺄﻟﻮ ﺑﺲ ﺑﺎﺑﺎ ﺍﺫﺍ ﺣﺲ ﻣﺸﻜﻠﻪ ﻗﻮﻳﻪ ﻳﺘﺪﺧﻞ ﻏﺼﺒﺎً ﻋﻨﻲ ﺑﺲ ﺗﺮﺩﺩ ﻋﺒﺎﺱ ﺍﺧﺮ ﻓﺘﺮﻩ ﻋﻠﻴﻪ ﻣﻄﻤﻨﻪ ..
ﻇﻠﻴﺖ ﺍﺳﺤﻞ ﺑﺎﻟﺠﻨﻄﻪ ﻣﻘﺎﺑﻴﻠﻪ ﻭﻫﻮَ ﻣﻜﺘﻒ ﻭﻳﺒﺎﻭﻋﻠﻲ ﺑﺠﻤﻮﺩ ﺑﺎﻭﻋﺖ ﻋﻠﻴﻪ ﻭﺍﺷﺮﺗﻠﻪ ﻉ ﺍﻟﺠﻨﻄﻪ ﻋﻮﺩ ﺳﺎﻋﺪﻧﻲ .. ﺿﺤﻚ ﺑﺄﺳﺘﻬﺰﺍﺀ ﻭﺩﺍﺭ ﻭﺟﻬﻪ ﻋﻨﻲ ﻭﺭﺍﺡ ﻟﻠﺴﻴﺎﺭﻩ ﻳﻨﺘﻈﺮﻧﻲ !!!..
ﺭﺍﺋﺪ ﺭﻛﺾ ﻋﻠﻴﻪ ﺍﺧﺬ ﺍﻟﺠﻨﻄﻪ ﻣﻨﻲ ﻭﺣﻄﻬﻪ ﺑﺎﻟﺴﻴﺎﺭﻩ ..
ﻭﺩﻋﺖ ﺍﻫﻠﻲ ﻭﺣﺒﻴﺖ ﺍﺣﺮﻙ ﻏﻴﺮﺗﻪ ﺻﻌﺪﺕ ﻭﺭﻩ .. ﻛﻠﺖ ﺑﻠﻜﻲ ﻳﻜﻠﻲ ﺳﺎﻳﻖ ﻋﻨﺪﺝ ﻣﺜﻞ ﺍﻟﻘﺼﺺ .
ﺑﺲ ﻭﺍﻗﻌﻲ ﺍﺳﻮﺩ ﻣﺸﻰ ﻭﻻﺣﭽﻪ ﻛﻠﻤﻪ ..
ﻭﺻﻠﻨﺎ ﻟﺒﻴﺘﻬﻢ ﺭﻓﺖ ﮔﻠﺒﻲ ﺻﺎﺭ ﺷﻜﺪ ﻣﺎﺷﺎﻳﻔﻪ ﻫﺎﻟﺒﻴﺖ ﻫﻨﺎ ﺣﺴﻴﺖ ﺑﺎﻟﺮﺍﺣﻪ ﺭﻏﻢ ﺍﻫﻠﻲ ﻣﻤﻘﺼﺮﻳﻦ ﺑﺲ ﻫـٰﺬﺍ ﺑﻴﺘﻲ ﺍﻟﻨﻬﺎﺋﻲ ..
ﻓﺘﺢ ﺍﻟﺠﻨﻄﻪ ﻭﺭﺣﺖ ﺍﺷﻴﻞ ﺍﻟﺠﻨﻄﻪ ﻭﻫﻮَ ﻳﺘﻔﺮﺝ !!
ﺻﺤﺖ ﺑﻴﻪ
- ﻋﺒﺎﺱ ﺳﺎﻋﺪﻧﻲ ﻧﻔﺴﻲ ﺍﻧﮕﻄﻊ !
ﺣﺮﻙ ﺧﺪﻩ ﺟﺎﻧﺒﻲ ﻣﺴﺘﻬﺰﺃ !!..
ﺍﺧﺬ ﻣﻨﻲ ﺍﻟﺠﻨﻄﻪ ﻭﺷﺎﻟﻬﻪ ﻋﺒﺎﻟﻚ ﺭﻳﺸﻪ ﺑﺈﻳﺪﻩ ﺗﻔﺎﺟﺌﺖ ﻫﺎﻱ ﺗﻮﻧﻲ ﻣﺎﺟﻨﺖ ﺍﻛﺪﺭ ﺍﺷﻴﻠﻬﻪ !!
ﻋﺎﻓﻬﻪ ﺑﺎﻟﺼﺎﻟﻪ ﻭﺩﺧﻞ ﻟﻠﻐﺮﻓﻪ ﻭﺳﺪ ﺍﻟﺒﺎﺏ !
ﺩﺧﻠﺖ ﻟﻠﺒﻴﺖ ﺧﺎﻟﺘﻲ ﺭﻛﻀﺖ ﻋﻠﻴﻪ ﺣﻀﻨﺘﻨﻲ ﻭﺗﺒﻮﺱ ﺑﻴﻪ ﻣﺸﺘﺎﻗﺘﻠﻲ ﻭﺍﻧﻲ ﻫﻢ ﻣﺸﺘﺎﻗﺘﻠﻬﻪ ﻭﺟﺪﻭ ﻭﺑﻴﺒﻲ ﻧﻔﺲ ﺍﻟﺸﻲ ﻻﻥ ﺟﺎﻧﺖ ﺍﻫﺘﻤﺎﻣﺎﺗﻲ ﻛﻠﻬﻪ ﺑﻴﻬﻢ ﻫﺴﻪ ﺍﻟﻠﻪ ﺍﻋﻠﻢ ﺑﺤﺎﻟﻲ ﺷﺼﺎﺭ ﺑﻴﻬﻢ
ﺑﻮﺳﺘﻬﻢ ﻭﺑﻘﻴﻨﺎ ﻧﺴﻮﻟﻒ ﻭﻧﻀﺤﻚ ﻭﻋﺒﺎﺱ ﺍﺑﺪ ﻣﺎﻃﻠﻊ ﻣﻦ ﺍﻟﻐﺮﻓﻪ !!.
ﮔﺎﻟﺖ ﺧﺎﻟﺘﻲ ﺭﻭﺣﻲ ﺍﺭﺗﺎﺣﻲ ﻳﻢ ﺭﺟﻠﺞ
ﺩﺧﻠﺖ ﻟﻠﻐﺮﻓﻪ ﻟﮕﻴﺘﻪ ﻣﺘﻤﺪﺩ ﻉ ﺍﻟﭽﺮﺑﺎﻳﻪ ﻭﺑﺲ ﺑﺎﻟﺸﻮﺭﺕ ﻭﻻﺯﻡ ﺍﻟﻤﻮﺑﺎﻳﻞ ﻳﺘﺼﻔﺢ ..
ﺑﻘﻴﺖ ﺍﻓﺘﺮ ﺑﺎﻟﻐﺮﻓﻪ ﻧﺰﻋﺖ ﺍﻟﺸﺎﻝ ﻭﺍﺷﻮﻑ ﺷﺘﻐﻴﺮ ﻭﻫﻮَ ﻭﻻﻛﺄﻧﻮ ﻳﺸﻮﻓﻨﻲ ﻋﺒﺎﻟﻚ ﺧﻴﺎﻝ ﻣﻮ ﺑﺸﺮ ..
ﺍﺧﺬﺕ ﺭﺍﺣﺘﻲ ﻫﻤﺰﻳﻦ ﻣﺎﻳﺸﻮﻓﻨﻲ ﮔﻌﺪﺕ ﺟﻮﻩ ﻳﻢ ﺍﻟﭽﺮﺑﺎﻳﻪ ﻣﻐﻄﻴﻪ ﻧﺺ ﺟﺴﻤﻲ ﻭﺑﺪﻟﺖ ﺛﻮﺑﻲ ﻧﺰﻋﺘﻪ ﺑﺲ ﻣﻨﻄﻴﺘﻪ ﻇﻬﺮﻱ ..
ﺑﺪﻟﺖ ﺑﺘﺮﺍﻙ ﻭﻛﻤﻠﺖ ﺍﺧﺬﺕ ﺍﻟﺜﻮﺏ ﺑﺈﻳﺪﻱ ﻭﺍﻟﺘﻔﺘﺖ ﺑﺴﺮﻋﻪ ﻟﻜﻴﺘﻪ ﻣﺎﺩ ﺭﺍﺳﻪ ﻋﻠﻴﻪ ﻭﻳﺒﺎﻭﻉ !! ﺍﻭﻝ ﻣﺎﺷﺎﻓﻨﻲ ﺭﺟﻊ ﻭﺟﻬﻪ ﺑﻤﻮﺑﺎﻳﻠﻪ .
بيج قصص عراقيه حقيقيه من واقعنا.روعه الطائي
ﺇﺑﺘﺴﻤﺖ ﻋﻠﻰ ﺗﺼﺮﻓﻪ ﻭﺍﺧﺬﺕ ﻣﻼﺑﺴﻲ ﻭﻟﻤﻴﺖ ﻣﻼﺑﺴﻪ ﺍﻟﻮﺻﺨﻪ ﻛﻠﻬﻪ ﻭﺣﻀﺮﺕ ﺍﻟﻐﺴﺎﻟﻪ ﺍﺭﻳﺪ ﺍﻏﺴﻞ ..
ﺍﺧﺬﺗﻬﻦ ﻭﺭﺣﺖ ﺍﻏﺴﻞ ﺑﺎﻟﺤﻤﺎﻡ ﻭﺍﺩﻧﺪﻥ ﻭﻳﻪ ﻧﻔﺴﻲ ..
ﺧﻠﺼﺖ ﻣﻼﺑﺲ ﻭﺭﺣﺖ ﺍﺣﻀﺮ ﻋﺸﺎ ﻭﺳﻮﻳﺖ ﻛﺐ ﻛﻴﻚ ﻻﻥ ﻫﻮَ ﻳﺤﺒﻪ ..
ﺗﻌﺸﻴﻨﻪ ﻭﻫﻮَ ﺍﺑﺘﻌﺪ ﻋﻨﻲ ﻣﺎﮔﻌﺪ ﻳﻤﻲ ﺍﺑﺪﺩ ﻭﻻﺗﻘﺮﺑﻠﻲ
ﻃﻮﻝ ﺍﻟﻜﻌﺪﻩ ﺳﺎﻛﺘﻴﻦ ﻭﻣﺤﺪ ﻳﺤﭽﻲ ﻭﺍﻟﻨﻘﺎﺵ ﺍﻧﻌﺪﻡ ﺑﺲ ﺻﻮﺕ ﻃﻜﻄﺔ ﺍﻟﺼﺤﻮﻥ ﻣﺴﻤﻮﻋﻪ ..
ﺧﻠﺼﻨﺎ ﻭﻟﻤﻴﺖ ﺍﻟﻤﻮﺍﻋﻴﻦ ﻏﺴﻠﺘﻬﻪ ﻭﺟﺒﺖ ﺍﻟﻜﺐ ﻛﻴﻚ ..
ﻗﺪﻣﺘﻪ ﻭﻫﻮَ ﻣﻦ ﺣﻄﻴﺖ ﮔﺪﺍﻣﻪ ﺩﻓﻊ ﺍﻟﻤﺎﻋﻮﻥ ﻣﻦ ﮔﺪﺍﻣﻪ ﻭﮔﺎﻝ ﺑﺎﺷﻤﺌﺰﺍﺯ ‏( ﻣﺎﺍﺭﻳﺪ ‏)
- ﺍﻧﺖَ ﺗﺤﺒﻪ ﻟﻴـﺶ ﻣﺘﺎﻛﻞ
ﻧﺘﺮ ﺑﻴﻪ
- ﻣﺎﺍﺭﻳﺪ ﻫﻴﻪ ﮔﻮﻩ
ﺍﺧﺬﺗﻪ ﻣﻦ ﻛﺪﺍﻣﻪ ﻓﺸﻼﻧﻪ ﻭﻏﺎﻃﺴﻪ ﺑﻤﻼﺑﺴﻲ ﻣﻦ ﺍﻟﻔﺸﻠﻪ
ﺑﻘﻰ ﻳﻜﻨﻚ ﻭﺍﻧﻲ ﺍﺳﻮﻟﻒ ﻭﻳﻪ ﺟﺪﻭ ﻭﺧﺎﻟﺘﻲ ﻭﺑﻴﺒﻲ ﻭﻋﻴﻨﻲ ﻋﻠﻴﻪ ﻳﺮﺍﺳﻞ ﻭﻳﺒﺘﺴﻢ ﻭﺁﻧﻲ ﺍﻏﻠﻲ ﻧﺎﺭ ﺍﻟﻐﻴﺮﻩ ﺗﺤﺮﮒ ﺑﻴﻪ ﺣﺮﮒ ..
ﺑﺎﻟـ 10 ﮔﺎﻣﻮﺍ ﻧﺎﻣﻮﺍ ﻭﺁﻧﻲ ﻟﻤﻴﺖ ﺍﻻﺳﺘﻜﺎﻳﻦ ﻏﺴﻠﺘﻬﻦ ﻭﻟﮕﻴﺘﻪ ﺑﻌﺪﻩ ﺑﺎﻟﺼﺎﻟﻪ ﻋﻠﻰ ﻧﻔﺲ ﻛﻌﺪﺗﻪ ﻭﻣﺮﺍﺳﻠﺘﻪ ﻭﻧﻔﺲ ﺍﻟﻀﺤﻜﻪ ﺩﺧﺰﺭﺗﻪ ﻭﺩﺧﻠﺖ ﻟﻠﻐﺮﻓﻪ ..
ﺑﺪﻟﺖ ﺑﺘﺮﺍﻙ ﺿﻴﻖ ﺣﻴﻞ ﻭﺑﺎﺭﺯ ﻣﻔﺎﺗﻨﻲ ﻭﺟﺴﻤﻲ ﻭﻧﻤﺖ ﻉ ﺍﻟﭽﺮﺑﺎﻳﻪ ..
ﺷﻮﻳﻪ ﻭﺣﺴﻴﺖ ﺑﻴﻪ ﺩﺧﻞ ﻭﺭﺍﻱ .. ﻧﺰﻉ ﻣﻼﺑﺴﻪ ﻭﻫﺎﻱ ﻋﺎﺩﺗﻪ ﺍﻛﻴﺪ ﻣﻴﻨﺎﻡ ﺑﺲ ﺑﺎﻟﺸﻮﺭﺕ ..
ﺣﺴﻴﺖ ﺑﻠﻤﺴﺘﻪ ﻋﻠﻰ ﺧﺪﻱ ﻭﻃﺒﻄﺐ ﺧﻔﻴﻒ ﻋﻠﻰ ﺧﺪﻱ
- ﺃﮔﻌﺪﻱ ﺃﮔﻌﺪﻱ
ﺗﺤﺮﻛﺖ ﻭﺿﻠﻴﺖ ﺍﺣﻮﺱ ﮔﺎﻝ
- ﺍﮔﻌﺪﻱ ﺍﻧﺰﻟﻲ ﻧﺎﻣﻲ ﺟﻮﻩ ﺑﺎﻟﮕﺎﻉ !!
- ﺷﻨـﻮﻭ؟؟
- ﻧﺎﻣﻲ ﺟﻮﻩ
ﻛﻌﺪﺕ ﺗﻤﻐﻄﺖ ﻭﺻﺤﺼﺤﺖ ﺷﻮﻳﻪ ﻳﺮﻳﺪﻧﻲ ﺍﻧﺎﻡ ﺑﺎﻟﮕﺎﻉ !!
ﺳﺤﺒﺖ ﻧﻔﺲ ﺑﻐﻀﺐ ﻣﻜﺘﻮﻡ ﻭﮔﺘﻠﻪ ﺑﻨﺘﺮ
- ﺗﺪﻟﻞ
ﺍﺧﺬﺕ ﻣﺨﺪﺗﻲ ﻭﻃﻠﻌﺖ ﺩﻳﺒﺎﺝ ﻭﻧﻤﺖ ﺑﺎﻟﮕﺎﻉ
ﺍﻟﻨﻮﻣﻪ ﻃﺎﺭﺕ ﻣﻦ ﻋﻴﻨﻲ ﻭﻫﻮَ ﻫﻢ ﺑﺲ ﻳﺤﻮﺱ ﻭﺻﻮﺕ ﺍﻟﭽﺮﺑﺎﻳﻪ ﻛﻠﺴﺎﻉ ﻳﻈﻬﺮ ﺩﻻﻟﻪ ﻋﻠﻰ ﺗﻘﻠﺒﺎﺗﻪ ..
ﻛﺎﻡ ﻳﺰﻓﺮ ﺍﻻﻧﻔﺎﺱ ﺑﻌﺼﺒﻴﻪ ﻭﻳﺘﻨﻬﺪ ﻛﻠﺴﺎﻉ ﻭﻭﺟﻬﻪ ﻋﻠﻰ ﺟﻬﺘﻲ ..
ﺍﺧﺮ ﺷﻲ ﺷﻤﺮ ﺍﻟﻐﻄﻰ ﻭﺍﺧﺬ ﻣﻮﺑﺎﻳﻠﻪ ﻭﻃﻠﻊ !
ﺗﺨﺒﻠﺖ ﻭﺑﻘﻴﺖ ﺍﺣﻮﺱ ﻟﻴـﺶ ﻃﻠﻊ ! ؟؟
ﻣﻌﻘﻮﻟﻪ ﻳﺨﺎﺑﺮ ؟؟ !!!
ﻣﺎﺍﺟﺎﻧﻲ ﺍﻟﻨﻮﻡ ﻭﻗﺮﺭﺕ ﺍﻃﻠﻊ ﻭﺭﺍﻩ ..
ﻓﺘﺤﺖ ﺍﻟﺒﺎﺏ ﺑﻬﺪﻭﻭﻭﺀ ﻭﺗﻘﻨﺼﺖ ﻋﻠﻴﻪ ﻭﻃﻠﻌﺖ ﺍﻣﺸﻲ ﻋﻠﻰ ﺍﻃﺮﺍﻑ ﺍﺻﺎﺑﻴﻌﻲ ﺑﻬﺪﻭﺀ ﻭﺩﻗﻪ ..
ﻟﮕﻴﺘﻪ ﻭﺍﮔﻒ ﺑﺎﻟﺼﺎﻟﻪ ﻭﺭﺍﺳﻪ ﺑﺎﻟﺜﻼﺟﻪ !
ﺑﻘﻴﺖ ﺍﺭﺍﻗﺒﻪ ﻃﻠﻊ ﺍﻟﻜﺐ ﻛﻴﻚ ﻭﺿﻞ ﻳﺎﻛﻞ ..
ﺇﺑﺘﺴﻤﺖ ﺑﺄﺭﻳﺤﻴﻪ ﻭﺿﻠﻴﺖ ﺍﺭﺍﻗﺒﻪ .. ﺍﻟﺘﻔﺘﺖ ﻭﺑﺄﻳﺪﻩ ﺍﻟﻤﺎﻋﻮﻥ ﺷﺎﻓﻨﻲ ﻭﻛﻊ ﺍﻟﻤﺎﻋﻮﻥ ﻣﻦ ﺇﻳﺪﻩ ﻭﺍﻧﻜﺴﺮ
ﺷﻜﻠﻪ ﺍﺧﺘﺮﻉ ﻋﺎﻁ ﺑﻴﻪ
- ﺍﻧﺖِ ﻣﺎﺗﻌﺮﻓﻴﻦ ﺗﺤﻤﺤﻤﻴﻦ ﺧﻠﺴﺘﻴﻨﻲ ﺗﺮﻩ
ﺣﻜﻴﺖ ﺭﺍﺳﻲ ﺑﺄﺭﺗﺒﺎﻙ
- ﺃﺃ ﻣﺎﺍﺩﺭﻱ
- ﺍﺷﺘﻌﻞ ﺟﺪﺝ
ﺧﺰﺭﺗﻪ
- ﻋﺒﺎﺱ ﻟﺘﻐﻠﻂ ﺟﺪﻱ ﻣﻴﺖ ﺗﺪﺭﻱ ﺑﻴﻪ
ﻫﻤﺲ
- ﺟﺪﺝ ﺍﺑﻮ ﺍﻣﺞ
ﺿﺤﻜﺖ ﻭﻛﺘﻠﻪ ﺑﺘﻠﻄﻒ
- ﻫـﺎ ﺍﺻﻌﺪ ﺍﻛﻮﻝ ﻟﺠﺪﻭ
- ﺣﺘﻰ ﺍﺩﻓﻨﺞ
- ﻫﻬﻬﻬـﻪ
- ﻓﻮﺗﻲ ﺩﺧﻠﻲ ﻣﺎﺍﺭﻳﺪ ﺍﺷﻮﻑ ﻭﺟﻬﺞ ﻃﻠﻌﺖ ﻣﻦ ﺍﻟﻐﺮﻓﻪ ﻻﻥ ﺍﻧﺖِ ﺑﻴﻬﻪ ﺍﻟﻨﻮﺏ ﻟﺤﻜﺘﻴﻨﻲ !!
ﻏﺎﺑﺖ ﺍﺑﺘﺴﺎﻣﺘﻲ ﻭﺿﻠﻴﺖ ﺻﺎﻓﻨﻪ ﺑﻮﺟﻬﻪ ﻣﺘﻔﺎﺟﺌﻪ !!
ﻧﺘﺮ ﺑﻴﻪ
- ﺷﺒﻴﺞ ﺻﺎﻓﻨﻪ ﻭﻟﻲ ﻣﻦ ﻭﺟﻬﻲ ﻣﺎﻃﺎﻳﻘﺞ
ﺣﺼﺮﺕ ﺩﻣﻌﺘﻲ ﻭﻭﻟﻴﺖ ﻫﺎﺭﺑﻪ ﻣﻦ ﺗﺠﺮﻳﺢ ﻛﻼﻣﻪ ﺭﺣﺖ ﺍﺭﻛﺾ ﺍﺭﻳﺪ ﺍﺩﺧﻞ ﻭﺻﺎﺡ ﻭﺭﺍﻱ
- ﺗﻌﺎﻱ ﺍﻛﻮ ﻛﺐ ﻛﻴﻚ ﺑﻌﺪ؟؟
ﺟﺎﻭﺑﺘﻪ ﻭﺍﻟﻌﺒﺮﻩ ﺧﺎﻧﮕﻪ ﺻﻮﺗﻲ
- ﺑﺎﻟﻔﺮﻳﺰﺭ ﻣﻮﺟﻮﺩ
ﺻﺪﻙ ﺑﺪﻭﻥ ﺍﺣﺴﺎﺱ ﻭﺿﻤﻴﺮ .
~~~~~~~~~~~~~~~~~~~~~~~~~~~~
ﺇﻳﭭﺎﻥ
ﻋﺰﻟﺖ ﺍﻟﺸﻘﻪ ﻭﻃﺒﺨﺖ ﻭﻧﺎﺭ ﺗﻐﻠﻲ ﺟﻮﺍﻱ ﺍﺭﻳﺪ ﺍﻣﻮﺕ ..
ﺍﺳﺘﺴﻠﻤﺖ ﻭﻛﻌﺪﺕ ﻉ ﺍﻟﻜﺮﺳﻲ ﺑﺎﻟﺼﺎﻟﻪ ﻛﻞ ﺣﻴﻞ ﻭﻗﻮﻯ ﻣﺎﺑﻘﻪ ﻋﻨﺪﻱ ﺣﻴﻞ ﺍﻧﻬﺪﻡ ..
ﻭﻛﻔﺖ ﺑﺎﻭﻋﺖ ﻟﺮﻭﺣﻲ ﺑﺎﻟﻤﺮﺍﻳﻪ ﺻﺎﻳﺮﻩ ﺭﻣﺎﺩ !!
ﺟﻮﻩ ﻋﻴﻮﻧﻲ ﺍﺳﻮﺩ ﻭﻫﺎﻻﺕ ﺗﺤﻴﻂ ﺑﻌﻈﻢ ﺍﻟﻌﻴﻦ ﻭﺍﺿﺤﻪ ﻭﻛﺒﻴﺮﻩ ..
ﻭﺧﺪﻭﺩ ﻣﺎﻛﻮ ﻭﻧﻈﺎﺭﻩ ﻣﺎﻛﻮ !!
ﻋﻴﻮﻧﻲ ﺩﺍﺧﻼﺕ ﺑﻨﮕﺮﻩ ﻭﺷﻔﺘﻲ ﻣﻴﺒﺴﻪ ﺻﺎﻳﻠﻪ ﺻﺤﺮﺍﺀ ﻗﺎﺣﻠﻪ !!
ﺟﺴﻤﻲ ﻧﺤﻔﺎﻥ ﺣﻴﻞ ﻭﺯﻧﻮﺩﻱ ﻣﺎﻫﻦَ ﻭﺷﻌﺮﻱ ﺍﻫﻢ ﻛﻠﺸﻲ ﺑﻴﻪ ﻣﺎﻛﻮ ﻣﺒﺘﻮﺭ ﺑﺘﺮ !!
ﺍﻟﮕﺼﻴﺒﻪ ﻟﺤﺪ ﺍﻵﻥ ﻣﺤﺘﻔﻈﻪ ﺑﻴﻬﻪ ﺑﺎﻟﻜﻨﺘﻮﺭ ﺷﺪﻳﺘﻬﻪ ﺑﻘﺮﺍﺻﺘﻴﻦ ﺧﺎﻑ ﺗﻨﻔﺘﺢ ﻭﺿﻤﻴﺘﻬﻪ ﻛﻠﻤﺎ ﻳﺤﺘﺮﮒ ﮔﻠﺒﻲ ﻋﻠﻰ ﺷﻌﺮﻱ ﺍﻃﻠﻌﻬﻪ ﺍﺷﻜﻠﻬﻪ ﻭﺍﺑﻘﻰ ﺍﺑﺎﻭﻉ ﺑﺮﻭﺣﻲ ﻭﺍﺷﺘﻐﻞ ﻭﻫﻲَ ﺗﺪﻧﺪﻥ ﻋﻠﻰ ﺧﺼﺮﻱ ﻭﻧﻬﺎﻳﺎﻥ ﺍﻓﺨﺎﺫﻱ ﺑﺲ ﺍﺭﻳﺪ ﺍﺣﺲ ﺑﻴﻬﻪ ﻣﺜﻞ ﻗﺒﻞ ﺑﺲ ﺗﻌﺬﺑﻨﻲ ﻛﻠﺴﺎﻉ ﺗﻔﻠﺖ ﻭﺍﺭﺟﻊ ﺍﭼﻠﺒﻬﻪ ﺑﺎﻟﻘﺮﺍﺻﻪ !!..
ﺗﻌﺬﺑﺖ ﺣﻴﻞ ﻭﺗﺄﻟﻤﺖ !!..
ﺣﺴﻴﺖ ﺍﻟﺒﺎﺏ ﺍﻧﻔﺘﺢ ﻣﺎﻝ ﺍﻟﺸﻘﻪ ﻃﻔﺮﺕ ﻣﺒﺎﺷﺮﺓً ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ ﻭﮔﻌﺪﺕ ﻋﻠﻴﻪ ﺧﺎﻑ ﻳﺪﺧﻞ ..
ﺳﻤﻌﺖ ﻣﻔﺘﺎﺣﻪ ﺩﺧﻞ ﺑﺎﻟﺒﺎﺏ ﻭﻳﺪﻓﻊ ﺑﻴﻪ ﻳﺮﻳﺪ ﻳﺪﺧﻞ ﻣﺎﻝ ﺍﻟﻐﺮﻓﻪ ﻋﻄﺖ ﺑﺴﺮﻋﻪ
- ﻻﺗﺪﺩﺩﺩﺧﻠﻠﻞ ﻣﺎﻃﺎﻳﻘﺘﻚ ﻻﺍﺗﺘﺪﺩﺩﺧﻞ
- ﺇﻳﭭﺎﻥ ﺧﻞ ﺍﺩﺧﻞ ﺍﻓﻬﻤﺞ
- ﻣﺎﺍﺗﺤﻤﻞ ﺷﻮﻓﺘﻚ ﻻﺗﺪﺩﺩﺧﻠﻠﻠﻠﻠﻞ
- ﻣﺎﺍﺩﺧﻞ ﻣﺎﺍﺩﺧﻞ ﻫﺎﻱ ﺭﺍﺡ ﺍﮔﻌﺪ ﻫﻨﺎ
ﮔﻌﺪ ﻭﺭﻩ ﺍﻟﺒﺎﺏ ﻭﻇﻞ ﻳﺴﻮﻟﻒ ﻭﻳﺒﭽﻲ !!
- ﺇﻳﭭﺎﻥ ﺷﻔﺘﻲ ﺑﺎﻳﺎﻡ ﺍﻟﺴﺤﺮ ﺷﺼﺎﺭ ﺑﻴﻪ ﻗﺼﻴﺖ ﺷﻌﺮﺝ ﻭﻣﺎﺍﺩﺭﻱ ﺑﻨﻔﺴﻲ ﻳﻌﻨﻲ ﺍﻛﺜﺮ ﺷﻲ ﺑﻴﺞ ﺍﺣﺒﻪ ﻗﺼﻴﺘﻪ ﺑﺈﻳﺪﻱ ﺍﻟﻨﺬﻟﻪ ﻭﺍﻟﻠﻪ ﻭﻣﻮ ﻭﺍﻋﻲ ﺍﺑﺪﺩ ﻭﻫﺎﻱ ﺍﻟﺤﻘﻴﺮﻩ ﺟﺎﻧﺖ ﻳﻮﻣﻴﻪ ﺗﺪﺯ ﺭﺳﺎﺋﻞ ﻭﺻﻮﺭﻫﻪ ﺑﺪﻭﻥ ﻣﻼﺑﺲ ﻣﺜﻞ ﻗﺒﻞ ﻭﺑﻴﻮﻡ ﺧﺎﺑﺮﺗﻨﻲ ﮔﺎﻟﺖ ﺍﻛﺘﺸﻔﺖ ﺯﻭﺟﺘﻚ ﺗﺨﻮﻧﻚ ﺍﻧﻲ ﺗﺨﺒﻠﺖ ﺩﺯﺗﻠﻲ ﻣﺤﺎﺩﺛﺎﺕ ﻣﻔﺮﻛﺸﻪ ﻭﻳﻪ ﻭﻟﺪ ﻉ ﺍﻻﺳﺎﺱ ﺍﻧﺖُ ﻭﺁﻧﻲ ﻣﺎﺍﻋﺮﻑ ﺷﻠﻮﻥ ﺻﺪﮔﺖ ﺑﺲ ﻭﻫﻤﺘﻨﻲ ﻣﻦ ﺭﺍﻭﺗﻨﻲ ﻧﻔﺲ ﺭﻗﻤﺞ ﺑﺲ ﻃﻠﻌﺖ ﻣﺎﺳﺤﻪ ﺍﻻﺭﻗﺎﻡ ﻭﺿﺎﻳﻔﻪ ﻧﻔﺲ ﺭﻗﻤﺞ ﺑﺒﺮﻧﺎﻣﺞ ﺗﺼﻤﻴﻢ .. ﺍﻟﻤﻬﻢ ﻛﺎﻟﺖ ﺗﺠﻴﻨﻲ ﻟﻠﺒﻴﺖ ﻭﺍﻧﻲ ﺍﻟﻐﺒﻲ ﺭﺣﺘﻠﻬﻪ ﻭﻫﻲَ ﺗﻠﮕﺘﻨﻲ ﺑﻤﻼﺑﺲ ﻭﺍﻟﻠﻪ ﺣﺘﻰ ﺍﻧﺖِ ﻣﺎﺷﺎﻳﻔﺞ ﺑﻴﻬﻦ ﺭﻏﻢ ﺍﻧﺖِ ﺯﻭﺟﺘﻲ !!
ﺑﻘﻰ ﻳﺴﻮﻟﻒ ﻭﺁﻧﻲ ﺳﭽﺎﺟﻴﻦ ﻭﺗﻘﻄﻊ ﺑﺎﺣﺸﺎﺋﻲ ﻭﻛﻠﺒﻲ ﻣﻌﺼﻮﺭ ..
ﻋﻄﺖ ﺑﻴﻪ ﺑﺼﻮﺕ ﻋﺎﻟﻲ ﻣﻦ ﺑﻴﻦ ﺷﻬﻘﺎﺗﻲ ﻭﺩﻣﻮﻋﻲ
- ﻛﻜﺎﺍﺍﻓﻲ ﻻﺗﻜﻤﻠﻠﻞ ﺍﺩﺭﻱ ﺑﺴﻮﺍﻟﻔﻚ ﻭﺍﻧﻲ ﺍﻛﻤﻠﻠﻚ ﻫﺴﻪ ﺩﺧﻠﺖ ﻟﻠﺒﻴﺖ ﻭﻏﺮﺍﻙ ﺟﺴﻤﻬﻪ ﻭﺍﻛﻴﺪ ﺟﺎﻧﺖ ﻻﺑﺴﻪ ﺳﻴﺖ ﺍﺣﻤﺮ ﻭﺟﺎﺑﺘﻠﻚ ﻋﺼﻴﺮ ﻭﺣﺎﻃﺘﻠﻚ ﺣﺒﺎﻳﻪ ﺑﺎﻟﻌﺼﻴﺮ ﻭﻧﻮﻣﺘﻚ ﻉ ﺍﻟﺴﺮﻳﺮ ﻭﺍﺧﺬﺗﻠﻚ ﺻﻮﺭ ﻭﺩﺯﺗﻠﻴﺎﻫﻦ ﻫﺎﻱ ﻫﻲَ ﻓﻬﻤﺖ
- ﺇﻳﭭﺎﻥ ﺧﻞ ﺍﻛﻤﻞ
- ﻛﺎﺍﻓﻲ ﻟﺘﻜﻤﻞ ﺍﻋﺮﻑ ﺳﻮﺍﻟﻔﻜﻢ ﻛﻠﻠﻬﻬﻬﻬﻪ ﻭﻣﺎﻳﻤﺸﻦ ﻋﻠﻴﻪ
- ﺇﻳﭭﺎﻥ ﻭﺍﻟﻠﻪ ﻣﻦ ﺭﺍﻭﺗﻨﻲ ﺍﻟﻤﺤﺎﺩﺛﺎﺕ ﻭﺷﻠﻮﻥ ﺍﻟﺮﻗﻢ ﻣﻔﺮﻛﺸﺘﻪ ﺟﻨﺰﺗﻬﻪ ﺗﺠﻨﺰ ﻭﻫﻲَ ﺷﺴﻮﺕ ﻛﺎﻣﺖ ﻭﺗﺮﻳﺪ ﺗﺼﺮﺥ ﺗﻔﻀﺤﻨﻲ ﻭﺗﻜﻠﻬﻢ ﺩﻳﻌﺘﺪﻱ ﻋﻠﻴﻪ !!
ﺁﻧﻲ ﺳﺪﻳﺖ ﺣﻠﮕﻬﻪ ﺑﺎﻟﻘﻮﻩ ﻭﺿﺮﺑﺘﻬﻪ ﺭﺍﺷﺪﻱ ﻋﻠﻢ ﺑﻮﺟﻬﻪ ﻭﺿﻠﺖ ﺗﻀﻐﻂ ﻋﻠﻰ ﺍﻋﺼﺎﺑﻲ ﻭﺗﻌﻴﻂ ﻟﻤﺎ ﻓﻘﺪﺕ ﺑﻌﺪ ﻣﺎﺩﺭﻳﺖ ﺑﺸﻲ ﻭﺍﺟﺘﻨﻲ ﺍﻟﺤﺎﻟﻪ ﻳﻤﻬﻪ ﻻﻥ ﺍﻧﺖِ ﺟﻨﺘﻲ ﻣﺎﺗﻌﺼﺒﻴﻨﻲ ﺑﺤﺎﻟﺘﻲ ﻭﺗﺘﺠﻨﺒﻴﻨﻲ ﺑﺲ ﻫﻲَ ﻋﺼﺒﺘﻨﻲ ﻭﺍﺳﺘﻔﺰﺗﻨﻲ ﺑﻄﺮﻳﻘﻪ ﺑﺸﻌﻪ ﻭﻣﺎﺍﺩﺭﻱ ﺷﺼﺎﺭ ﻗﺴﻢ ﺑﺎﻟﻠﻪ ﻣﺎﻋﻨﺪﻱ ﺍﺩﻧﻰ ﻓﻜﺮﻩ ﺷﺼﺎﺭ ﻭﻣﻦ ﺳﺄﻟﺘﻬﻪ ﮔﺎﻟﺖ ﺍﺧﺬﺗﻨﻲ !!!
ﺣﻄﻴﺖ ﺇﻳﺪﻱ ﻋﻠﻰ ﻭﺟﻬﻲ ﺑﺤﺮﻛﺘﻲ ﺍﻟﻤﻌﺘﺎﺩﻩ ﻭﺑﻘﻴﺖ ﺍﺷﻬﮓ ﻭﺍﺑﭽﻲ ﻭﺍﺻﻴﺢ ﺁﺁﺁﻩ ﺑﺼﻮﺕ ﻋﺎﻟﻲ ﻭﻫﻮَ ﻳﺘﺨﺒﻞ ﻭﻛﻠﺴﺎﻉ ﻳﺮﻳﺪ ﻳﺪﻓﺮ ﺍﻟﺒﺎﺏ ﻭﻳﺪﺧﻞ
ﻳﺄﺳﺖ ﻭﺗﻜﻴﺖ ﺭﺍﺳﻲ ﻉ ﺍﻟﺒﺎﺏ
- ﻟﻚ ﺗﻮﻗﻌﺖ ﻗﺒﻞ ﺯﻭﺍﺟﻨﺎ ﻫﺎﻱ ﺍﻟﺼﻮﺭ ﻣﺎﺗﻮﻗﻌﺖ ﻫﻴﭻ ﺗﺨﻮﻧﻲ ﻭﺍﻧﻲ ﻋﻠﻰ ﺫﻣﺘﻚ ﻛﻠﺖ ﺍﻛﻴﺪ ﻗﺒﻞ ﻣﻦ ﺟﺎﻧﺖ ﺗﺪﺯﻟﻪ ﺻﻮﺭﻫﻪ ﻭﻫﻮَ ﺷﺎﺏ ﻭﻣﻤﺘﺰﻭﺝ ﻑ ﺍﻛﻴﺪ ﻗﺒﻞ ﺍﻟﺰﻭﺍﺝ ﻭﮔﻠﺖ ﺍﺫﺍ ﻗﺒﻠﻪ ﺷﻮﻳﻪ ﺍﻫﻮﻥ ﺑﺲ ﺷﻄﻠﻌﺘﺘﺘﺖ ﺻﻔﻔﺎﺍﺍﺀﺀ ﺷﻄﻠﻌﺘﺘﺘﺖ ﺧﻨﺘﻨﻴﻴﻲ ﻟﻴـﺸﺸﺸﺶ ﺍﺧﺦ ﻳﺎﺍﻟﻠﻪ ﻣﻮﺗﻨﻴﻴﻴﻲ
ﺑﻘﻴﺖ ﺍﺩﮒ ﻋﻠﻰ ﺻﺪﺭﻱ ﻭﺷﮕﻴﺖ ﺩﺷﺪﺍﺷﺘﻲ ﻭﺍﺷﻬﻚ ﻭﺍﻋﻴﻂ ﻭﺍﺣﺲ ﺍﻟﻨﺎﺭ ﺗﻄﻠﻊ ﻣﻦ ﺍﺫﺍﻧﻲ ﻭﺭﺍﺳﻲ
- ﺭﺑﻴﻴﻲ ﺍﺧﺬﺫﺫ ﺭﻭﺣـﻲ ﻭﺧﻠﺼﻨﻨﻨﻴﻴﻲ ﺍﺧﺬﻫﻬﻬﻬﻬﻪ
ﺑﻘﻰ ﻳﺒﭽﻲ ﻭﻳﺘﻮﺳﻞ ﻭﺻﻮﺗﻪ ﺍﺭﺗﻔﻊ
- ﭐﻳﭭﺎﻥ ﺍﻓﺘﺤﻲ ﺍﻟﺒﺎﺏ ﻻﺍﻛﺴﺮﻫﻪ
- ﺍﺑﺘﻌﺪ ﻋﻤﻲ ﺍﺑﺘﻌﺪ ﺗﻌﺮﻑ ﺷﻨـﻮﻭ ﺍﺑﺘﻌﺪ ﺧﻠﻴﻚ ﺑﻌﻴﺪ ﻣﺎﺍﺭﻳﺪﻙ ﻣﺎﺍﺭﻳﺪ ﺍﺷﻮﻑ ﻭﺟﻬﻜﻚ ﺭﻭﻭﺡ ﻋﻨﻲ ﺭﻭﻭﻭﺣﺢ ﺍﻛﺮﺭﺭﺭﺭﻫﻜﻜﻜﻚ
- ﺟﺬﺍﺍﺑﻪ ﺟﺬﺫﺫﺍﺑﻪ ﻭﺍﻟﻠﻪ ﻣﺴﺘﺤﻴﻞ ﺗﻜﺮﻫﻴﻨﻲ ﻻﻥ ﻗﺒﻠﻬﻪ ﺣﺒﻴﺘﻴﻨﻲ ﻭﺟﻨﺘﻲ ﺗﺘﻨﻔﺴﻴﻨﻲ
- ﺍﻱ ﻭﻫﺴﻪ ﻣﻔﺘﺨﺮ ﺑﺨﺴﺎﻧﺘﻚ ؟؟ ﮔﻮﻝ ﻣﻔﺘﺨﺮﺭﺭ
- ﺍﺭﻳﺪ ﺍﻃﻢ ﺭﻭﺣﻲ
- ﺍﻱ ﺭﻭﺡ ﻃﻤﻬﻪ ﻋﺴﺎﻙ
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﻟﻨﻮﺏ ﺭﺑﻲ ﻳﺴﺘﺠﺎﺏ ﺩﻋﺎﺋﻲ ﻋﺰﺯﺍ
- ﺁﻣﻴﻦ ﺍﻥ ﺷﺎﺀ ﺍﻟﻠﻪ ﺍﻣﻮﺕ
- ﺍﻧﻲ ﺍﻣﻮﺕ ﺍﺍﺍﺍﻧﻨﻴﻴﻴﻴﻴﻴﻲ
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌻🌼
ﺍﺫﺍ ﺍﺷﻮﻑ ﺗﻔﺎﻋﻠﻜﻢ ﺍﻧﺰﻝ ﺗﺼﺒﻴﺮﻩ