رشفه عشق

22

ﺭﺷﻔﺔ ﻋﺸﻖ
ﺍﻟـﻌـﺒـﺎﺩﻳـــﻪ
ﺍﻟﺒﺎﺭﺕ _22_
ﺃﻋـﻄـﻴُـﺘـﻬﺎ ﻛـﻔـﻲ ﻟـﺘـﻘــﺮﺃ ﻃـﺎﻟﻌـﻲ
ﻣـﺎ ﻫﻤـﻨﻲ ﻣـﺎ ﻗـﺪ ﻳـﻘﺎﻝ ﻟﻤﺴـﻤـﻌﻲ
ﺃﺣـﺒﺒـﺖُ ﻛـﻔـﻲ ﺃﻥّ ﻳُـﻼﻣـﺲ ﻛـﻔـﻬـﺎ
ﻟﻴﻜـﻮﻥ ﺣﻈـﻲ ﺃﻥْ ﺗﺤﺲ ﺃﺻـﺎﺑﻌـﻲ
.................................................................
ﺣـﻮﺭﺍﺀ
ﻟﻤﻴﺖ ﻣﻼﺑﺴﻲ ﺑﺠﻨﻄﻪ ﻭﻋﻴﻮﻧﻲ ﺗﺮﺵ ﻭﺍﻟﺪﻧﻴﺎ ﻧﺺ ﺍﻟﻠﻴﻞ .. ﻫﻮَ ﮔﻌﺪ ﻉ ﺍﻟﭽﺮﺑﺎﻳﻪ ﻭﺣﻂ ﺇﻳﺪﻳﻪ ﻋﻠﻰ ﺭﺍﺳﻪ ﻭﻳﺴﺤﺐ ﺃﻧﻔﺎﺳﻪ ﺑﻌﺼﺒﻴﻪ ﮔﺎﻝ
- ﺣـﻮﺭﺍﺀ ﺍﻟﺪﻧﻴﺎ ﻟﻴﻞ ﺍﺑﻘﻲ ﻟﻠﺼﺒﺢ ﻭﺍﻧﻲ ﺍﻭﺩﻳﺞ ﺑﺈﻳﺪﻱ
- ﺩﺍﮔﻮﻟﻠﻚ ﻟﺤﻈﻪ ﻣﺎﺍﺑﻘﻰ
ﻋﺎﻁ ﺑﻜﻞ ﺻﻮﺗﻪ
- ﻟﭻ ﺃﻧﺖِ ﺗﺮﺩﻳﻦ ﺗﺨﺒﻠﻠﻠﻴﻴﻴﻨﻨﻨﻨﻴﻴﻲ
- ﻣﺎﺍﺧﺒﻠﻚ ﻫﺴﺘﻮﻙ ﮔﻠﺖ ﺍﺧﻠﺺ ﻣﻨﭻ ﻳﻼ ﻳﻼ ﺍﺧﻠﺺ ﻣﻨﻲ ﺩﺯﻧﻲ ﻫﺴﻪ ﻟﻴـﺶ ﻣﭽﻠﺐ ﺑﻴﻪ
- ﺷﻮ ﺩﻃﻴﺮﻱ ﺧﻞ ﺍﻫﻠﭻ ﻳﻨﺨﻠﺴﻮﻥ ﺷﻮ ﺷﻴﺼﻴﺮ ﺑﻴﻬﻢ ﺑﻨﺺ ﺍﻟﻠﻴﻞ
- ﺧﻠﻴﻬﻢ ﻣﻌﻠﻴﻚ ﺑﺲ ﺩﺯﻧﻲ
- ﻋﺎﻧﺪﺗﻲ ﺑﻌﺪ .. ﺑﺲ ﻣﺎﺩﺍﻡ ﻫﻴﭻ ﺑﻌﺪ ﺭﺟﻌﻪ ﻣﺎﻛﻮﻭﻭ ﺗﺨﻄﻮﻳﻦ ﺧﻄﻮﻩ ﻣﻦ ﺍﻟﻐﺮﻓﻪ ﺑﻌﺪ ﻣﺎﺗﺪﺧﻠﻴﻬﻪ
- ﺍﻱ ﻣﻴﺨﺎﻟﻒ ﻋﻮﺩ
- ﺗﺪﻟﻠﻴﻦ ﺍﻣﺸﻴﻴﻴﻲ
ﺳﺤﺐ ﺇﻳﺪﻱ ﺑﻜﻞ ﻗﻮﺗﻪ ﻭﺷﻤﺮﻧﻲ ﺑﺎﻟﺴﻴﺎﺭﻩ ﺩﺧﻞ ﻳﺮﮔﻊ ﺑﻴﻬﻪ ﺗﺮﮔﻊ .. ﻭﺁﻧﻲ ﺑﺲ ﺍﺑﭽﻲ ﻋﺎﻁ ﺑﻜﻞ ﺻﻮﺗﻪ
- ﻻﺗﺘﺘﺒﺒﺒﭽﻴﻴﻦ
ﺯﺩﺕ ﺑﺎﺫﺭﺍﻑ ﺍﻟﺪﻣﻮﻉ ﻭﺍﺷﻬﮓ
- ﻋﻠﻴﻤﻦ ﺗﺒﭽﻴﻴﻴﻴﻨﻦ ﺧﻴﻴﺮ ﺷﻜﻮ ﺷﺮﺍﻳﺢ ﻣﻨﺞ ﺭﺩﺗﻲ ﺍﻫﻠﭻ ﻭﻫﺎﻱ ﻣﺎﺧﺬﭺ ﺇﻟﻬﻢ ﺑﻌﺪ ﺍﻟﻤﻦ ﺗﺘﻨﻐﻮﺻﻴﻦ ؟
ﺳﻜﺘﺖ //..
ﺳﺎﻕ ﺑﻌﺼﺒﻴﻪ ﻭﺻﻠﻨﻲ ﻟﺒﺎﺏ ﺑﺒﺘﻨﺎ ﻭﻧﺘﺮ ﺑﻴﻪ
- ﺍﻧﺰﻟﻲ
ﻧﺰﻟﺖ ﻫﺎﺭﺑﻪ ﻭﺩﻣﻮﻋﻲ ﺗﺘﻄﺎﻳﺮ ﺑﻘﻴﺖ ﻭﺍﮔﻔﻪ ﺑﺎﻟﺒﺎﺏ ﺷﺄﮔﻮﻝ ﻫﺴﻪ !!
ﺇﺫﺍ ﺍﺧﺎﺑﺮ ﺳﺤﺮ ﺍﻛﻴﺪ ﺭﺍﺋﺪ ﻳﻤﻬﻪ !!
ﺷﻠﻮﻥ ﻳﺎﺍﻟﻠﻪ !!
ﻋﺒﺎﺱ ﻭﺍﮔﻒ ﻭﻳﺨﻮﺯﺭ ﺑﻴﻪ ﻳﺮﻳﺪ ﻳﺸﻮﻓﻨﻲ ﺍﺭﺟﻊ ﻟﻮ ﻻ ؟؟ !
ﻛﻠﺴﺎﻉ ﺍﻟﺘﻔﺖ ﻋﻠﻴﻪ ﻣﺮﻛﺰ ﻧﻈﺮﻩ ﻋﻠﻴﻪ ﻭﺭﺍﻓﻊ ﺣﺎﺟﺒﻪ ﺑﻮﻋﻴﺪ ..
ﺧﺎﺑﺮﺕ ﺳﺤﺮ ﻃﻮﻟﺖ ﻳﻼ ﺭﺩﺕ ﻣﺴﺘﻐﺮﺑﻪ ﻭﺻﻮﺗﻬﻪ ﻣﺘﻔﺎﺟﺊ ﮔﻠﺘﻠﻬﻪ ﻓﺘﺤﻲ ﺍﻟﺒﺎﺏ ..
ﺍﻧﻔﺘﺢ ﺍﻟﺒﺎﺏ ﻭﺭﺍﺋﺪ ﻃﻠﻊ ﺳﻠﻢ ﻋﻠﻰ ﻋﺒﺎﺱ ﻭﻭﺟﻬﻪ ﻣﻴﺔ ﻋﻼﻣﺔ ﺇﺳﺘﻔﻬﺎﻡ ؟؟ !
ﻋﺒﺎﺱ ﺳﻠﻢ ﺑﺪﻭﻥ ﻣﻴﺤﭽﻲ ﻛﻠﻤﻪ ﻭﺣﺘﻰ ﺭﺍﺋﺪ ﻣﺎﺳﺄﻝ .. ﺩﺧﻠﻨﺎ ﻟﻠﺒﻴﺖ ﺁﻧﻲ ﻭﺭﺍﺋﺪ ﻭﺩﻣﻮﻋﻲ ﺗﻜﺖ ..
ﺭﺍﺋﺪ .. ﺷﻨـﻮ ﺷﺒﻴﭻ ﺷﺼﺎﻳﺮ ؟؟
- ﻣﺎﻛﻮ ﺷﻲ !!
- ﺷﻨـﻮ ﻣﺎﻛﻮ ﺷﻲ ﻫﺎﻱ ﺍﻟﺪﻣﻮﻉ ﻛﻠﻬﻪ؟؟؟
- ﺭﺍﺋﺪ ﻭﺍﻟﻠﻪ ﺗﻌﺒﺎﻧﻪ ﻋﻮﻓﻨﻲ ﻓـﺪﻭﻩ
- ﻫﻲَ ﺷﺄﻋﻮﻓﭻ ﻏﻴﺮ ﺗﮕﻠﻴﻠﻲ ﺷﺒﻴﻴﻴﻴﭻ
ﺷﺒﻴﻪ ﻳﻌﻨﻲ ﺗﻌﺎﺭﻛﻨﻪ ﺁﻧﻲ ﻭﻋﺒﺎﺱ ﻭﺟﻴﺖ ﺍﺳﺘﺮﺍﺡ ﺑﺒﻴﺖ ﺍﻫﻠﻲ ﺍﻛﻮ ﻣﺎﻧﻊ؟؟
- ﻣﺎﺧﺠﻠﺘﻲ ﻣﻦ ﻃﻠﻌﺘﻲ ﺑﻨﺺ ﺍﻟﻠﻴﻞ ﻟﻮ ﻣﻨﺘﻈﺮﻩ ﻟﻠﺼﺒﺢ ﻳﻄﻴﺮ ﻧﺼﺞ؟
- ﺷﻨـﻮ ﺗﻄﺮﺩﻧﻲ؟؟
- ﻭﻟﺞ ﺷﻨﻮ ﺍﻃﺮﺩﭺ ﺍﻧﻲ ﻣﻴﺖ ﻉ ﺍﻟﺒﻴﺖ ﻟﻮ ﻋﻠﻰ ﺭﺟﻠﭻ ﻫﺴﻪ ﺻﻐﺮﺗﻲ ﺑﻌﻴﻨﻪ ﻋﻠﻰ ﻋﻴﺎﻟﭻ ﻣﻦ ﻳﮕﻌﺪﻭﻥ ﻳﮕﻠﻬﻢ ﻣﺮﺗﻲ ﺯﻋﻠﺖ ﺑﺎﻟـ 1 ﺑﺎﻟﻠﻴﻞ؟؟ ﺍﺷﻮ ﺍﻧﺖِ ﻣﺎﻋﻨﺪﭺ ﺗﻔﻜﻴﺮ !!
ﺿﺮﺑﭻ؟؟
ﺩﻧﮕﺖ ﺭﺍﺳﻲ ﺳﺎﻛﺘﻪ
- ﺍﺣﭽﻲ ﺿﺮﺑﭻ ؟؟
- ﻻ
- ﻫﺎﻧﭻ؟
- ﻻ
- ﭼـﺎﺍ ﺑﻌﺪ ﺷﺒﺒﺒﺒﻴﻴﻴﭻ
ﺑﻘﻴﺖ ﺍﺗﻮﺳﻞ ﺑﻴﻪ ﻳﻘﻠﻞ ﺻﻮﺗﻪ
- ﺑﺎﺑﺎ ﺭﺍﺡ ﻳﮕﻌﺪ ﺍﺳﻜﺖ
- ﺧﻠﻲ ﻳﮕﻌﺪ ﺧﻠﻲ ﻳﺴﻮﻑ ﺍﺳﺘﻬﺘﺎﺭ ﺑﻨﺘﻪ ﻭﻳﻦ ﻭﺻﻞ !
- ﻫﺴﻪ ﺍﻧﺖَ ﺷﻌﻠﻴﻚ ﺁﻧﻲ ﻭﺭﺟﻠﻲ ﺇﻧﺖَ ﺷﻜﻮ؟
ﺭﻛﺾ ﻋﻠﻴﻪ ﻳﺮﻳﺪ ﻳﻠﺰﻣﻨﻲ ﻭﺁﻧﻲ ﺣﺘﻠﺖ ﺑﻈﻬﺮ ﺳﺤﺮ
- ﻭﻟﭻ ﺇﻧﺖِ ﺻﺎﻳﺮﻩ ﻛﻠﺸﺶ ﻳﺮﺍﺩﻟﭻ ﺗﺮﺑﻴﻪ ﻣﻦ ﺟﺪﻳﺪ
ﺳﺤﺮ ... ﺭﺍﺋﺪ ﻋﻮﻓﻬﺎ ﺑﺎﭼﺮ ﻳﮕﻌﺪ ﻋﻤﻮ ﻭﻳﺘﺼﺮﻑ ﻭﻳﺎﻫﻪ ﺗﻌﺎﻝ ﻣﻌﻠﻴﻚ ﺑﻴﻬﻪ
ﺳﺤﺒﺘﻪ ﻭﻫﻮَ ﻳﺘﻬﺪﺩ ﻛﻠﺴﺎﻉ ﻳﺮﻳﺪ ﻳﻠﺰﻣﻨﻲ ..
ﺩﺧﻠﻮﺍ ﺑﻐﺮﻓﺘﻬﻢ ﻭﺁﻧﻲ ﺭﺟﻌﺖ ﻟﻐﺮﻓﺘﻲ ﺍﻟﻘﺪﻳﻤﻪ .. ﺗﻤﺪﺩﺕ ﻋﻠﻰ ﺳﺮﻳﺮﻱ ﺃﺑﻮ ﺍﻟﻨﻔﺮ ﻭﻛﻨﺘﻮﺭﻱ ﺍﻟﻮﺭﺩﻱ ﻭﺍﻟﻠﺼﻘﺎﺕ ﻣﺎﻝ ﺳﻨﺪﺭﻳﻼ ﻭﻟﻌﺎﺑﺎﺕ ﺑﺎﻟﺤﺎﻳﻂ ﺍﻟﻮﺭﺩﻱ ﻭﻣﺮﺍﻳﺘﻲ ﺍﻟﺼﻐﻴﺮﻩ ﻳﻢ ﺭﺍﺳﻲ ﭼﻨﺖ ﻳﻮﻣﻴﻪ ﺍﺑﺎﻭﻉ ﺑﻴﻬﻪ ﻭﺍﺧﺬ ﺑﻴﻬﻪ ﺻﻮﺭ .
ﺍﻭﻭﻑ ﺍﺷﺘﻘﺖ ﻟﺤﻴﺎﺗﻲ ﺍﻟﻘﺪﻳﻤﻪ ﭼﺎﻥ ﻛﻞ ﻫﻤﻲ ﺗﺤﻀﻴﺮ ﺩﺭﻭﺳﻲ ﻭﻣﻦ ﺍﺭﺟﻊ ﺷﺄﺗﻐﺪﻩ ﻭﻣﻦ ﺍﺭﻭﺡ ﻟﻠﻤﺪﺭﺳﻪ ﺷﺄﺳﻮﻟﻒ ﻭﻳﻪ ﺻﺪﻳﻘﺎﺗﻲ !!
ﺻﺪﻳﻘﺎﺗﻲ ﺭﺍﺡ ﻳﺼﻴﺮﻥ ﺑﺎﻟﻜﻠﻴﻪ ﺑﺲ ﻳﻤﺘﺤﻨﻦ ﺳﺴﺎﺩﺱ ﻭﺁﻧﻲ !! ﺑﻘﻴﺖ ﻻﺷﻬﺎﺩﻩ ﻭﻻﺩﺭﺍﺳﻪ ! ﺍﻛﺜﺮ ﺷﻲ ﻏﻠﻄﺖ ﺑﻴﻪ ﺑﺤﻴﺎﺗﻲ ﺗﺮﻛﺖ ﺩﺭﺍﺳﺘﻲ !
ﻣﻨﻴﻦ ﻃﻠﻌﻠﻲ ﻋﺒﺎﺱ ﮔﻠﺐ ﺣﻴﺎﺗﻲ ﺭﺃﺳﺎً ﻋﻠﻰ ﻋﻘﺐ !!
ﻟﻮ ﻣﺎﻫﻮَ ﺁﻧﻲ ﻫﺴﻪ ﺳﻌﻴﺪﻩ ﻭﻻﺑﺎﻟﻲ ﻣﺸﻐﻮﻝ ﻭﻻﻣﺘﻮﺗﺮﻩ ﻭﻻﺳﻬﺮﺍﻧﻪ ﻭﻻﺑﭽﻴﺖ !!
ﺑﻘﻴﺖ ﻟﻠﺼﺒﺢ ﮔﺎﻋﺪﻩ ﻣﺎﻛﻮ ﻧﻮﻡ ﺑﻌﻴﻮﻧﻲ ..
~~~~~~~~~~~~~~~~~~~~~~~~~~~~~
ﺇﻳﭭﺎﻥ
ﺛﺎﻧﻲ ﻳﻮﻡ ﺇﺗﺼﻠﺖ ﺑﺄﻣﻲ ﺍﺧﺬﺗﻠﻲ ﺧﻴﺮﻩ ﻋﻨﺪ ﺍﻟﺒﻨﻴﻪ ﮔﺎﻟﺖ
ﺍﻡ ﺇﻳﭭﺎﻥ .. ﻟﭻ ﺻﻔﺎﺀ ﻋﻨﺪﻩ ﺩﻭﺳﻪ !!
- ﺷﻠﻮﻥ ﻳﻌﻨﻲ ؟؟ !
- ﻳﻌﻨﻲ ﺩﻭﺳﻪ ﻣﻦ ﺟـﻦ ﻫﺎﻱ ﺍﻻﻋﺮﺍﺽ ﻛﻠﻬﻪ ﻣﻦ ﺍﻟﺪﻭﺳﻪ ﻇﻬﺮﻩ ﻭﺑﻄﻨﻪ ﻭﺷﻌﺮﻩ ﻭﻳﺨﺘﻨﮓ
- ﺍﻱ ﻣﻦ ﺍﻟﺒﺰﻭﻧﻪ ﻛﻠﻪ ﻣﻦ ﻭﺭﺍﻩ ﮔﺘﻠﻪ ﺍﻧﺰﻝ ﻣﺎﻗﺒﻞ
- ﻋﻮﻓﻲ ﺍﻟﻤﻼﻣﻪ ﻻﺯﻡ ﻳﻌﺎﻟﺞ
- ﺑﺸـﻨﻮ ﺍﻛﺪﺭ ﺍﻋﺎﻟﺠﻪ؟
- ﻻﺯﻡ ﻳﺴﻮﻱ ﺟﻠﺴﻪ ﻭﺗﻘﺮﻯ ﻋﻠﻴﻪ ﻋﺰﻳﻤﻪ
- ﻫﻬﻬﻬـﻪ ﻟﻮ ﻫﺴﻪ ﻳﺬﺑﺤﻮﻩ ﻣﺎﻳﺄﻣﻦ ﺑﻬﺎﻟﺴﻮﺍﻟﻒ
- ﻟﻴـﺶ ﻣﺎﻣﻮﺟﻮﺩ ﺑﺎﻟﻘﺮﺁﻥ ؟
بيج قصص عراقيه حقيقيه من واقعنا.روعه الطائي
- ﻣﺎﻣﺎ ﻫﺎﻱ ﻋﻘﻠﻴﺘﻪ ﺑﻌﺪ
- ﺧﻮﺵ ﭼـﺎ ﺑﺨﺮﻳﻠﻪ ﻭﺍﺩﻋﻲ ﻭﺻﻠﻲ ﻛﺜﺮﻱ ﻣﻦ ﻗﺮﺍﺀﺓ ﺍﻟﻘﺮﺁﻥ ﻭﺷﻐﻠﻲ ﺳﻮﺭﺓ ﺍﻟﺒﻘﺮﻩ ﺑﺎﻟﺒﻴﺖ ﻭﺩﻳﺮﺑﺎﻟﺞ ﺗﻮﮔﻔﻴﻦ ﻉ ﺍﻟﻤﺮﺍﻳﻪ ﺑﺎﻟﻤﻐﺮﺏ ﻭﻻﺗﺴﻤﻌﻴﻦ ﺍﻏﺎﻧﻲ ﺑﺎﻟﻤﻐﺮﺏ ﻭﻻﺗﺪﺧﻠﻴﻦ ﺣﻤﺎﻡ ﻫـٰﺬﺍ ﺍﻟﻮﻗﺖ ﺍﺗﺤﺬﺭﻱ ﻣﻨﻪ ﻻﻥ ﺍﻭﻗﺎﺗﻬﻦ
- ﺧﻮﺵ ﺭﺍﺡ ﺍﺻﻠﻲ ﻭﺍﺩﻋﻲ ﻭﺑﻌﺪ ﻋﻠﻰ ﺍﻟﻠﻪ ﻣﺎﻛﻮ ﻗﻮﻩ ﺍﻛﺒﺮ ﻣﻦ ﻗﻮﺓ ﺭﺏ ﺍﻟﻌﺎﻟﻤﻴﻦ
- ﺍﻥ ﺷﺎﺀ ﺍﻟﻠﻪ ﺍﻋﺘﻤﺪﻱ ﻋﻠﻰ ﺭﺑﭻ ﻭﻣﺎﻳﺨﻴﺐ ﻇﻨﺞ
- ﺁﻣﻴﻦ
ﺳﺪﻳﺘﻪ ﻣﻦ ﺃﻣﻲ ﻭﺑﻘﻴﺖ ﺍﺷﺘﻐﻞ ﻭﺷﻐﻠﺖ ﺍﻟﻘﺮﺁﻥ ﺑﺎﻻﻣﺒﻴﺜﺮﻱ ..
ﺍﻟﻴﻮﻡ ﻣﺎﺻﻌﺪﺕ ﺃﺳﺮﺍﺀ ﻫﻤﺰﻳﻦ ﺍﻟﻠﻪ ﻓﻜﻨﻲ ﻭﻻﺍﻧﻲ ﻧﺰﻟﺖ ﺍﻧﻄﻴﺘﻬﻪ ﺗﻐﻠﻴﺴﻪ ..
ﻛﻤﻠﺖ ﺷﻐﻠﻲ ﻭﺑﻘﻴﺖ ﺍﺗﺼﻔﺢ ﺑﺎﻻﻧﺘﺮﻧﺖ ﻭﺍﻃﻠﻊ ﺍﻛﻼﺕ ﻭﺍﻃﺒﻖ ﻋﻠﻴﻬﻦ ..
ﺻﺎﺭﺕ ﺑـ 12 ﺭﺟﻊ ﺻﻔﺎﺀ ﮔﻤﺖ ﺗﻠﮕﻴﺘﻪ ﺍﺧﺬﺕ ﻣﻨﻪ ﺍﻟﻤﺴﻮﺍﮒ ﻭﺭﺩﺕ ﺍﺑﻮﺳﻪ ﻣﺜﻞ ﻛﻞ ﻣﺮﻩ ﺑﺲ ﻓﺎﺟﺌﻨﻲ ﻣﻦ ﺩﺍﺭ ﻭﺟﻬﻪ ﻭﻋﺎﮔﺪ ﺣﺎﺟﺒﻪ ﻭﻭﺟﻬﻪ ﻣﺎﻳﮕﺼﻪ ﺍﻟﻄﺒﺮ !!
ﺇﺑﺘﺴﻤﺖ ﺑﻔﺸﻠﻪ ﻭﺭﺣﺖ ﺣﻀﺮﺗﻪ ﺍﻟﻤـﻲ ﺍﻟﺤﺎﺭ ﺍﻧﺘﻈﺮﺗﻪ ﻟﻤﺎ ﻳﺤﻤﻰ ﻭﺣﻀﺮﺗﻠﻪ ﺍﻟﻐﺪﺍ ﻫﻮَ ﮔﻌﺪ ﻉ ﺍﻟﻘﻨﻔﺎﺕ ﺑﺎﻟﺼﺎﻟﻪ ﻭﻳﻬﺰ ﺑﺮﺟﻠﻪ ﺑﺴﺮﻋﻪ ..
ﺟﺒﺖ ﺍﻟﻤﻲ ﺍﻟﺤﺎﺭ ﺧﻠﻴﺘﻪ ﻳﻢ ﺭﺟﻠﻴﻪ ﻭﻧﺰﻋﺘﻪ ﺍﻟﺠﻮﺍﺭﻳﺐ ﺑﻘﻴﺖ ﺍﻧﺘﻈﺮﻩ ﻳﺤﻂ ﺭﺟﻠﻴﻪ ﻣﺎﻛﻮ ﻣﺎﺣﻄﻬﻪ
- ﺻﻔﺎﺀ ﺣﻂ ﺭﺟﻠﻴﻚ ﺧﻞ ﻳﺴﺘﺮﺧﻦ
ﻋﺎﮔﺪ ﺣﺎﺟﺒﻪ ﻭﮔﺎﻝ ﺑﻨﺘﺮ ﺑﺪﻭﻥ ﻣﻴﺒﺎﻭﻉ ﺑﻮﺟﻬﻲ
- ﺷﻴﻠﻲ !!
ﺟﺎﻭﺑﺖ ﻣﺴﺘﻐﺮﺑﻪ
- ﺷـﻨﻮ؟؟؟؟
ﻋﺎﻁ ﺑﺼﻮﺕ ﻋﺎﻟﻲ ‏( ﺩﺩﺩﺷﻴﻴﻠﻠﻠﻠﻠﻠﻴﻴﻴﻲ ‏) ﻭﺭﻓﺴﻪ ﺑﺮﺟﻠﻪ ﻃﻔﺮ ﺍﻟﻤـﻲ ﺍﻟﺤﺎﺭ ﻋﻠﻰ ﺭﺟﻠﻲ ﺍﺣﺲ ﺭﻭﺣﻲ ﻓﺮﻓﺤﺖ ﻋﻄﺖ ﺑﺼﻮﺕ ﻋﺎﻟﻲ ﻭﺭﻛﻀﺖ ﻟﻠﺤﻤﺎﻡ ..
ﺣﻄﻴﺖ ﺭﺟﻠﻲ ﺟﻮﻩ ﺍﻟﻤـﻲ ﺍﻟﺒﺎﺭﺩ ﻭﺍﻋﻴﻂ ﻣﻦ ﺍﻷﻟﻢ ﻭﺭﻭﺣﻲ ﺷﺎﻳﻐﻪ ..
ﻏﺴﻠﺖ ﺭﺟﻠﻲ ﻭﺩﻣﻮﻋﻲ ﺗﺼﺐ .. ﻃﻠﻌﺖ ﻟﮕﻴﺘﻪ ﻣﺪﻧﮓ ﻭﺣﺎﻁ ﺇﻳﺪﻳﻪ ﻋﻠﻰ ﺭﺍﺳﻪ ﺍﻭﻝ ﻣﺎﺩﺧﻠﺖ ﺭﻓﻊ ﺭﺍﺳﻪ ﻭﻋﻴﻮﻧﻪ ﺣﻤﺮﺭﺭ .. ﺩﻧﮓ ﺭﺍﺳﻪ ﻭﻣﺸﻰ ﻣﻦ ﻳﻤﻲ ﮔﺘﻠﻪ ﺑﺼﻮﺕ ﻋﺎﻟﻲ
- ﺷﺒﺒﺒﻴﻴﻴﻜﻜﻚ؟؟؟؟
ﺯﻣﺦ ﺑﻴﻪ
- ﺻﻮﻭﻭﻭﻭﺗﺘﺠﺠﺠﺞ
ﺍﺫﺭﻓﺖ ﺩﻣﻮﻋﻲ ﻭﺷﻬﮕﺖ ﻣﻦ ﺃﻟﻢ ﺭﺟﻠﻲ ﻭﺃﻟﻢ ﮔﻠﺒﻲ !
- ﻟﻴـﺸﺶ ﺳﻮﻳﺖ ﻫﻴﭻ ﻓﻮﮒ ﻣﺎﺍﮔﻮﻝ ﺧﻄﻴﻪ ﻳﺠﻲ ﺗﻌﺒﺎﻥ ﻣﻦ ﺍﻟﺸﻐﻞ ﺍﺭﻳﺪﻙ ﺗﻠﮕﻪ ﺭﺍﺣﺘﻚ ﺑﺒﻴﺘﻚ ﻫﻴﭻ ﺗﻌﺎﻣﻠﻨﻲ ؟؟ ﻫﺎﻱ ﺟﺰﺍﺗﻲ ؟؟
- ﻏﺼﺒﺎً ﻋﻠﻴﭻ ﻫـٰﺬﺍ ﻭﺍﺟﺒﭻ !!
ﺭﻓﻌﺖ ﺻﻮﺗﻲ ﻭﺑﻘﻴﺖ ﺍﺷﻴﻞ ﺭﻭﺣﻲ ﻭﺍﺭﮔﻌﻬﻪ ﻣﻔﺮﻓﺤﻪ ﻣﻦ ﺍﻟﺤﺮﮔﻪ
- ﺷﻨـﻮ ﻭﺍﺟﺒﻴﻴﻴﻲ ﻣﻨﻴﻪ ﻫﻴﭻ ﺗﺴﻮﻱ ﻟﺮﺟﻠﻬﺎ ؟؟ ﺁﻧﻲ ﺍﻟﻤﺪﻟﻠﻪ ﺍﻟﻌﻮﺩ ﻣﺎﺍﺟﻴﺴﻪ ﺗﻌﻠﻤﺘﻪ ﻛﻠﻪ ﻋﻠﻤﻮﺩﻙ ﻋﻠﻤﻮﺩ ﺗﺮﺗﺎﺡ ﻭﻧﻌﻴﺶ ﺑﻬﻨﻰ ﺗﺎﻟﻲ ﺗﺤﺴﺐ ﻫـٰﺬﺍ ﻏﺼﺒﺎً ﻋﻨﻲ ؟؟ ﻻ ﻣﻮ ﻏﺼﺒﺎً ﻋﻨﻲ ﺑﻜﻴﻔﻲ ﺁﻧﻲ ﻟﻮ ﺍﺭﻳﺪ ﺑﺲ ﺍﻃﺒﺦ ﻭﺍﺣﻀﺮ ﻣﻼﺑﺴﻚ ﻭﺍﻏﺴﻠﻬﻦ ﻭﻫﺎﻱ ﻫﻲَ ﻣﻤﺠﺒﻮﺭﻩ ﺍﺩﻟﻞ ﺑﻴﻚ !! ﻭﻫـﺎﻱ ﺍﻟﻌﺮﻛﻪ ﻭﺍﻟﻌﻴﺎﻁ ﺷﻨـﻮ ﺍﻟﺴﺒﺐ؟؟ ﺍﺭﻳﺪ ﺍﻓﺘﻬﻢ ؟؟
ﺗﻘﺮﺏ ﻋﺘﻨﻲ ﻣﻦ ﺯﻧﺪﻱ ﺣﻴﻞ ﻭﺷﺪﺩ ﻗﺒﻀﺘﻪ ﻋﻠﻴﻪ ﻭﺻﻠﻨﻲ ﻟﻤﺴﺘﻮﺍﻩ ﻭﻋﻴﻮﻧﻪ ﺑﻌﻴﻮﻧﻲ ﮔﺎﻝ
- ﺑﺎﻋﻲ ﻟﭻ ﻟﺴﺎﻧﺞ ﻣﻴﻄﻮﻝ ﻭﻣﺎﻝ ﻣﻮ ﻏﺼﺒﺎً ﻋﻨﺞ ﺍﻧﺴﻴﻬﺎ ﻓﻬﻤﺘﻲ ﻭﻋﻮﺩ ﺗﺮﻳﺪﻳﻦ ﺗﺘﻤﺮﺩﻳﻦ ﻋﻠﻴﻪ ﻭﺗﺮﺍﺩﺩﻳﻦ ﻭﺍﻟﻠﻪ ﺑﺲ ﺍﺣﺴﭻ ﺗﺘﺼﺮﻓﻴﻦ ﺗﺼﺮﻑ ﻳﺰﻋﺠﻨﻲ ﺍﻓﺮﻙ ﺣﻠﮕﭻ ﻓﻬﻤﺘﻲ ؟؟؟؟؟
‏( ﻫﺰﻧﻲ ﻣﻦ ﺇﻳﺪﻱ ﺣﻴﻞ ‏)
ﻭﻫـﺎ ﺑﻌﺪ ﻣﻨﺎ ﻭﻫﻴﭻ ﻳﻮﻣﻴﻪ ﺗﻨﺰﻟﻴﻦ ﺟﻮﻩ ﺗﻨﻈﻔﻴﻦ ﻭﺗﻄﺒﺨﻴﻦ ﻭﺗﺸﺘﻐﻠﻴﻦ ﻭﻛﻠﻤﻪ ﺯﺍﻳﺪﻩ ﻣﺎﺍﺳﻤﻊ !!
ﺗﺨﺒﻠﺖ ﻭﻋﺮﻓﺖ ﺍﻟﺴﺒﺐ ﺍﻟﺮﺋﻴﺴﻲ ﻻﻥ ﻣﺎﺭﺣﺖ ﻫﻴﭻ ﮔﻠﺒﻨﻪ ﻋﻠﻴﻪ !!
ﺿﺤﻜﺖ ﺑﺈﺳﺘﻬﺰﺍﺀ ﻭﻗﻮﺳﺖ ﺣﻮﺍﺟﺒﻲ
- ﻫــﻪ !!
ﻻﺯﻡ ﺧﺪﺍﻣﺔ ﺍﻟﺨﻠﻔﻮﻙ ؟؟
ﺑﻌﺪﻧﻲ ﻣﺎﻣﻜﻤﻠﻪ ﺟﻤﻠﺘﻲ ﻭﺍﺟﺎﻧﻲ ﺭﺍﺷﺪﻱ ﻳﻔﺮ !! ﺣﺴﻴﺖ ﺇﺫﻧﻲ ﺇﻧﻄﻤﺖ ﻭﮔﻤﺖ ﻣﺎﺍﺳﻤﻊ ﺑﻴﻬﻪ !!
ﺗﻤﺎﻟﻜﺖ ﺩﻣﻮﻋﻲ ﻭﻣﺎﺿﻌﻔﺖ ﻣﻘﺎﺑﻴﻠﻪ ﻭﺿﻠﻴﺖ ﺷﺎﻣﺨﻪ ﻭﺍﺿﺤﻚ ﺑﺈﺳﺘﻬﺰﺍﺀ ﻫﻮَ ﺗﺨﺒﻞ ﺭﻛﺾ ﻋﻠﻴﻪ ﺿﺮﺑﻨﻲ ﺍﻟﺮﺍﺷﺪﻱ ﺍﻟﺜﺎﻧﻲ ﺑﻜﻞ ﻗﻮﺗﻪ ﺍﻗﻮﻯ ﻣﻦ ﺍﻻﻭﻝ ..
ﺑﻌﺪ ﻣﺎﺗﺤﻤﻠﺖ ﺧﺸﻮﻧﺔ ﺇﻳﺪﻩ ﻭﻗﻮﺗﻪ ﻛﻠﻬﻪ ﺇﺟﺖ ﻋﻠﻰ ﻭﺟﻬﻲ ﺍﻟﻬﺶ ..
ﻣﺒﺎﺷﺮﺓً ﺑﭽﻴﺖ ﻭﻋﻴﻄﺖ ﻭﺁﻧﻲ ﺍﻣﺸﻲ ﺭﺍﻳﺤﻪ ﻟﻠﻐﺮﻓﻪ
- ﻟﻮ ﺍﻣﻮﺕ ﻣﺎﺍﺑﻘﻰ ﻫﺴﻪ ﺭﺍﻳﺤﻪ ﻻﺍﻫﻠﻲ
- ﺍﺩﻓﻨﭻ ﻭﺍﻟﺤُـﺴﻴﻦ
- ﻣﺎﺗﻤﻨﻌﻨﻴﻴﻴﻴﻲ
- ﻟﻮ ﺑﻴﭻ ﺧﻴﺮ ﺍﻃﻠﻌﻲ
- ﺍﻱ ﺍﻃﻠﻠﻠﻠﻌﻌﻌﻊ ﻭﻣﺎﺍﺑﻘﻰ ﻟﺤﻈﻪ
ﮔﻌﺪ ﺑﻬﺪﻭﺀ ﻉ ﺍﻟﻘﻨﻔﻪ ﻭﺣﺠﻰ ﺑﻨﺒﺮﻩ ﻣﺎﺗﺨﻠﻮ ﻣﻦ ﺍﻟﺴﺨﺮﻳﻪ
- ﺍﻃﻠﻌﻲ ﻭﺁﻧﻲ ﮔﺎﻋﺪ ﻫﻨﺎ
ﺑﻘﻴﺖ ﺍﻣﻠﺦ ﺑﺮﻭﺣﻲ ﻣﻔﺮﻓﺤﻪ ﻭﺍﺑﭽﻲ
- ﺷﺘﺮﺭﺭﻳﺪ ﻣﻨﻴﻴﻴﻲ ﺷﺘﺘﺮﺭﺭﻳﺪ ﺧﻞ ﺍﻭﻟﻠﻴﻴﻲ ﻻﺍﻫﻠﻴﻲ ﻣﻌﻠﻴﻜﻚ ﺑﻴﻴﻴﻴﻪ
ﻗﻮﺱ ﻣﺘﻮﻧﻪ ﻭﻋﻮﺝ ﺣﻠﮕﻪ
- ﺍﻃﻠﻌﻲ ﻻﺯﻣﺞ ﺁﻧﻲ؟
ﮔﻌﺪﺕ ﺑﺎﻟﮕﺎﻉ ﻭﺑﻘﻴﺖ ﺍﺑﭽﻲ ..
ﻣﺘﻜﻴﻪ ﻉ ﺍﻟﺤﺎﻳﻂ ﻭﻫﻮَ ﻉ ﺍﻟﻘﻨﻔﻪ ﻭﻳﻬﺰ ﺭﺟﻠﻪ ﻭﻳﺎﻛﻞ ﺑﺸﻔﺘﻪ ﻭﻳﻠﻮﻑ ﺑﻴﻬﻪ ﻛﻠﺴﺎﻉ ﻣﻨﺘﻘﻞ ﻟﺠﻬﻪ ﻳﺎﻛﻞ ﺑﻴﻬﻪ ﺑﺘﻮﺗﺮ ..
ﺑﻘﻴﻨﺎ ﻋﻠﻰ ﻫـٰﺬﺍ ﺍﻟﻮﺿﻊ ﻧﺺ ﺳﺎﻋﻪ ﻭﺁﻧﻲ ﺩﻣﻮﻋﻲ ﻣﺎﺗﻮﻗﻔﺖ ﻛﻠﻤﺎ ﺍﺗﺬﻛﺮ ﺍﻟﻤﻮﻗﻒ ﻭﻳﻨﻌﺎﺩ ﺑﺒﺎﻟﻲ ﺍﺯﻳﺪ ﺑﺎﻟﺒﭽﻲ ﻭﺗﺤﺼﺮﻧﻲ ﺍﻟﺨﻨﮕﻪ ﻫﻴﭻ ﺩﺍﺣﺲ ﻧﻔﺴﻲ ﺍﻣﻮﺕ ﻣﻦ ﺍﺗﺬﻛﺮ ﺿﺮﺑﺘﻪ ﻭﻛﻠﻤﺎﺗﻪ ﻣﺜﻞ ﺍﻟﺴﭽﺎﭼﻴﻦ ﺍﻧﻐﺮﺳﺖ ﺑﻮﺳﻂ ﻛﻠﺒﻲ !!
ﺃﻳﺲ ﻭﮔﺎﻡ ﺃﺧﺬ ﺳﻮﻳﭽﻪ ﻭﻃﻠﻊ !!
ﺣﺴﻴﺘﻪ ﺣﺮﺭﻧﻲ ﻭﮔﻔﺖ ﺑﻘﻴﺖ ﺍﻋﻴﻂ ﻭﺍﺿﺮﺏ ﺑﺈﻳﺪﻱ ﺑﺎﻟﻜﺎﻉ ﻋﺴﻰ ﻭﻟﻌﻞ ﺗﺘﻔﺮﻍ ﺣﺮﮔﺘﻲ ﺑﺎﻟﻜﺎﻉ !!
ﺗﻌﺒﺖ ﻭﺍﻧﻬﺪ ﺣﻴﻠﻲ ﮔﻌﺪﺕ ﺑﻴﺄﺱ ﻭﺩﻣﻮﻋﻲ ﻋﻠﻰ ﻭﺟﻨﺎﺗﻲ ..
ﺗﻌﺒﺖ ﻭﮔﻤﺖ ﻟﻤﻠﻤﺖ ﺍﻟﻬﻮﺳﻪ ﻭﺭﺟﻌﺖ ﺍﻟﺠﺪﺭﻳﻪ ﻣﺎﻝ ﺍﻟﻤﻲ ﺍﻟﺤﺎﺭ ﻣﻦ ﺷﻔﺘﻬﻪ ﻻﺍﺭﺍﺩﻱ ﺩﻣﻮﻋﻲ ﺻﺒﻦ ..
ﻋﻔﺖ ﺍﻟﻐﺪﺍ ﻉ ﺍﻟﻄﺎﻭﻟﻪ ﺣﺘﻰ ﻣﻦ ﻳﺠﻲ ﻳﺘﻐﺪﻩ ..
ﺩﺧﻠﺖ ﻟﻠﻐﺮﻓﻪ ﺑﺪﻟﺖ ﻣﻼﺑﺴﻲ ﻭﻃﻔﻴﺖ ﺍﻟﻀﻮﻩ ﻭﺗﻤﺪﺩﺕ ﺍﺑﺠﻲ ﺟﻮﻩ ﺍﻟﻐﻄﻰ
ﺣﺴﻴﺖ ﺑﻴﻪ ﺩﺧﻞ ﻟﻠﺒﻴﺖ ﺗﺄﺧﺮ ﺷﻮﻳﻪ ﻭﺩﺧﻞ ﻟﻠﻐﺮﻓﻪ ﻓﺘﺢ ﺍﻟﺒﺎﺏ ﺑﻬﺪﻭﺀ ﻭﻓﺘﺢ ﺍﻟﻜﻨﺘﻮﺭ ﺍﺧﺬ ﻣﻼﺑﺲ ﻭﻃﻠﻊ ..
ﺭﺟﻊ ﺩﺧﻞ ﻟﻠﻐﺮﻓﻪ ﻭﺁﻧﻲ ﻣﺴﺘﻤﺮﻩ ﺍﺗﻈﺎﻫﺮ ﺍﻟﻨﻮﻡ .. ﺳﻤﻌﺖ ﺻﻮﺕ ﻧﺰﻟﺔ ﺍﻟﭽﺮﺑﺎﻳﻪ .. ﮔﻌﺪ ﻋﻠﻴﻬﻪ
ﺑﻘﻰ ﻳﺰﻓﺮ ﺍﻧﻔﺎﺳﻪ ﻭﻳﺘﺤﺴﺮ .. ﻓﺘﺢ ﺍﻟﻤﺠﺮ ﻃﻠﻊ ﺟﻜﺎﻳﺮ ﻭﻃﮓ ﺍﻟﺠﺪﺍﺣﻪ ﻭﺑﻘﻰ ﻳﺪﺧﻦ ﻭﻳﺰﻓﺮ ﺩﺧﺎﻥ ﺍﻟﺠﻜﺎﺭﻩ ..
ﺣﺴﻴﺖ ﻧﻔﺴﻲ ﺇﺧﺘﻨﻜﺖ ﻣﻦ ﺭﻳﺤﺔ ﺍﻟﺠﻜﺎﻳﺮ ﺑﻘﻴﺖ ﺍﺳﻌﻞ ﺑﻘﻮﻩ ..
ﺿﺮﺏ ﻋﻠﻰ ﻇﻬﺮﻱ ﻭﻳﺮﺩﺩ ‏( ﺍﺳﻢ ﺍﻟﻠﻪ ‏) ..
ﺇﺑﺘﻌﺪﺕ ﻋﻨﻪ ﻭﺭﺟﻌﺖ ﻟﻮﺭﻩ .
ﺳﺤﺐ ﻧﻔﺲ ﻭﺯﻓﺮﻩ ﺑﻌﺼﺒﻴﻪ .
ﮔﻤﺖ ﺷﺮﺑﺖ ﻣـﻲ ﺍﻋﺮﺝ ﻣﻦ ﺍﻻﻟﻢ ﮔﻮﻩ ﺍﺳﺤﮓ ﻋﻠﻰ ﺭﺟﻠﻲ ﻭﻫﻮَ ﻧﻈﺮﺍﺗﻪ ﺗﺮﻳﺪ ﺗﺨﺘﺮﻗﻨﻲ ﻭﻳﺘﺒﻌﻨﻲ ﺑﻌﻴﻮﻧﻪ ..
ﺭﺟﻌﺖ ﻟﻤﻜﺎﻧﻲ ﺩﺧﻠﺖ ﺟﻮﻩ ﺍﻟﻐﻄﺎ ﻭﻏﻄﻴﺖ ﺭﺍﺳﻲ ﺭﻓﻊ ﺍﻟﻐﻄﺎ ﻋﻦ ﻭﺟﻬﻲ ﻭﺭﺟﻌﺘﻪ ﺑﻌﺼﺒﻴﻪ .
ﻭﺧﺮﻩ ﻋﻦ ﻭﺟﻬﻲ ﻭﻫﻢ ﺭﺟﻌﺘﻪ ..
ﺳﺤﺒﻪ ﻭﻇﻞ ﻻﺯﻣﻪ ﺑﺈﻳﺪﻩ ﻭﺻﺎﻓﻦ ﺑﻮﺟﻬﻲ ﺩﺭﺕ ﻭﺟﻬﻲ ﻋﻨﻪ ﺳﺤﺒﻪ ﻭﻟﺰﻣﻨﻲ ﺑﻬﺪﻭﺀ ﻣﻦ ﻓﻜﻲ ﻭﻳﺒﺎﻭﻉ ﺑﻴﻪ ﻭﻋﻴﻮﻧﻪ ﺗﺘﻮﺳﻞ ﺑﻴﻪ ..
ﻫﻤﺲ ﺑﺼﻮﺕ ﻧﺎﺻﻲ
- ﺇﻳﭭﺎﻥ
ﺇﻧﻌﻘﺪ ﻓﻜﻲ ﻭﺭﺟﻔﺖ ﺷﻔﺘﻲ ﺍﺭﻳﺪ ﺍﺑﭽﻲ ..
ﺍﻟﻌﺒﺮﻩ ﺧﻨﮕﺘﻨﻲ ﻭﺻﻮﺗﻲ ﺇﺧﺘﻔﻰ !!
ﺭﺟﻊ ﻫﻤﺲ
- ﺣﺒﻴﺒﺘﻲ
ﻣﺎﺗﺤﻤﻠﺖ ﻏﻄﻴﺖ ﻭﺟﻬﻲ ﺑﺈﻳﺪﻱ ﻭﺑﭽﻴﺖ ﺳﺤﺒﻨﻲ ﻟﺤﻀﻨﻪ ﻭﺑﻘﻴﺖ ﺍﺑﭽﻲ ﻳﻤﺴﺪ ﻋﻠﻰ ﺭﺍﺳﻲ
- ﺍﺷـﺸﺶ
ﺗﺬﻛﺮﺕ ﺍﻟﺴﻮﺍﻩ ﺑﻴﻪ ﻭﺧﺮﺕ ﻣﻦ ﺻﺪﺭﻩ ﻭﺭﺟﻌﺖ ﻧﻤﺖ ﻭﻏﻄﻴﺖ ﺭﺍﺳﻲ ..
ﺍﺳﻤﻊ ﺻﻮﺗﻪ ﻳﺘﺤﺴﺮ .
ﺭﺟﻊ ﺭﻓﻊ ﺍﻟﻐﻄﺎ ﻭﮔﺎﻝ
- ﮔﻮﻣﻲ ﺇﺩﻫﻨﻲ ﺭﺟﻠﭻ ﺟﺒﺘﻠﺞ ﻣﺮﻫﻢ
ﻧﺘﺮﺕ ﻭﻗﻠـّﺒﺖ ﻋﻴﻮﻧﻲ
- ﻣﺎﺍﺭﻳﺪﺩﺩ
- ﺇﻳﭭﺎﻥ ﮔﻮﻣﻲ ﻻﻳﺒﻘﻰ ﺃﺛﺮ ﺑﺮﺟﻠﭻ
- ﺁﻧﻲ ﺍﺭﻳﺪ ﺍﺛﺮ ﻳﺒﻘﻰ ﺣﺘﻰ ﻛﻠﻤﺎ ﺍﺷﻮﻓﻪ ﺍﺗﺬﻛﺮ ﻫـٰﺬﺍ ﺍﻟﻴﻮﻡ !!
ﺑﻠﻊ ﺭﻳﻖ ﻭﺻﻔﻦ ﻟﺤﻈﺎﺕ
ﮔﺎﻡ ﺟﺎﺏ ﺍﻟﻤﺮﻫﻢ ﻭﺳﺤﺐ ﺭﺟﻠﻲ ﺑﻘﻴﺖ ﺍﺗﻤﻠﺺ ﻣﻨﻪ ﺑﺲ ﺛﺒﺘﻨﻲ ﺑﻘﻮﺗﻪ ﻭﻭﺯﻋﻪ ﺑﺤﺮﻛﻪ ﺩﺍﺋﺮﻳﻪ ﺧﻔﻴﻔﻪ ..
ﻛﻤﻞ ﺩﻫﻦ ﻟﻔﻬﻪ ﺑﺒﻼﺳﺘﺮ ﻭﻏﻄﺎﻧﻲ ﻭﺩﺣﺲ ﺭﻭﺣﻪ ﻭﻳﺎﻱ ﺣﻀﻨﻲ ﻭﺩﻓﻦ ﺭﺍﺳﻪ ﺑﺮﻗﺒﺘﻲ ﺩﻓﻌﺘﻪ ﺑﺲ ﻣﺎﻓﺎﺩ ﻭﻳﺎﻩ ﺇﺫﺍ ﺣﻂ ﺷﻲ ﺑﺒﺎﻟﻪ ﻳﺴﻮﻳﻪ ..
.....
ﺍﻟﻌﺼﺮ ﺣﺴﻴﺖ ﻋﻠﻰ ﻃﮕﻄﮕﻪ ﺑﺎﻟﻜﻨﺘﻮﺭ ﺩﻳﺤﻀﺮ ﻣﻼﺑﺴﻪ ﻣﺒﺎﺷﺮﺓً ﻃﻔﺮﺕ ﻣﺎﺍﺭﻳﺪ ﻳﻠﻤﺲ ﺷﻲ ﻭﻳﺘﻤﻨﻦ ﻋﻠﻴﻪ ﻋﻮﺩ ﺷﮕﻠﻚ ﻫﻮَ ﻳﺤﻀﺮ ﻟﻨﻔﺴﻪ ..
ﺍﺧﺬﺗﻬﻦ ﻣﻦ ﺇﻳﺪﻩ ﻭﻛﺘﻠﻪ ‏( ﺭﻭﺡ ﺍﺳﺒﺢ ‏)
ﺩﺧﻞ ﻟﻠﺤﻤﺎﻡ ﻳﺴﺒﺢ ﻭﺣﻀﺮﺗﻠﻪ ﻣﻼﺑﺴﻪ ﻭﺣﻀﺮﺕ ﺍﻟﻤﻌﺠﻨﺎﺕ ﻭﺧﺪﺭﺕ ﭼﺎﻱ ﺑﻌﺪﻣﺎ ﻟﻤﻠﻤﺖ ﺍﻟﻐﺪﺍ ﻣﺤﺪ ﺃﻛﻞ ..
ﺑﻘﻴﺖ ﺑﺎﻟﺼﺎﻟﻪ ﺇﻧﺘﻈﺮﻩ ﻳﻜﻤﻞ ﺗﺒﺪﻳﻞ ..
ﻛﻤﻞ ﺗﺒﺪﻳﻞ ﻭﺇﺟﻪ ﻛﻌﺪ ﻉ ﺍﻟﻄﺎﻭﻟﻪ ﻳﺮﻳﺪ ﻳﺎﻛﻞ ﻭﺁﻧﻲ ﮔﻤﺖ ﻣﻦ ﻳﻤﻪ
بيج قصص عراقيه حقيقيه من واقعنا.روعه الطائي
ﺳﺤﺒﻨﻲ ﻣﻦ ﺇﻳﺪﻱ ﻭﺳﺒﻞ ﺑﻌﻴﻮﻧﻪ
- ﺗﻌﺎﻱ ﺇﻛﻠﻲ ﻣﻤﺘﻐﺪﻳﺘﻪ
- ﻣﺎﺍﺭﻳﺪ
- ﺇﻳﭭﺎﻥ ﻟﺘﺴﻮﻳﻦ ﻫﻴﭻ ﺑﻨﻔﺴﭻ
- ﻣﻤﺴﻮﻳﻪ ﺷﻲ ﻣﺎﺍﺭﻳﺪ ﺷﻲ ﻣﺎﺍﺷﺘﻬﻲ
- ﺁﻧﻲ ﺭﺍﻳﺢ ﻭﺇﻧﺖِ ﺇﺑﻘﻲ ﺍﻛﻠﻲ
ﺗﺬﻛﺮﺕ ﺣﺘﻰ ﻫﻮَ ﺑﺪﻭﻥ ﻏﺪﺍ ﮔﻌﺪﺕ ﻉ ﺍﻟﻄﺎﻭﻟﻪ ﻭﮔﺘﻠﻪ
- ﺃﮔﻌﺪ ﺇﻛﻞ
ﺇﺑﺘﺴﻤﻠﻲ ﻭﺑﻘﻰ ﻳﺎﻛﻞ ﻭﻋﻴﻮﻧﻪ ﻋﻠﻴﻪ ﻳﺎﻛﻞ ﻭﻣﺒﺘﺴﻢ ﺑﻮﺟﻬﻲ ..
ﻣﺎﻋﺒﺎﻟﻚ ﻣﺴﻮﻱ ﺷﻲ ..
ﺧﻠﺺ ﺃﻛﻞ ﻭﮔﺎﻝ
‏( ﺇﺫﺍ ﺗﻀﻮﺟﻴﻦ ﺍﻧﺰﻟﻲ ﺟﻮﻩ ﻳﻢ ﺃﻣﻲ ‏)
- ﻫﻢ ﺭﺟﺠﻌﻨﻨﻨﻨﺎﺍ
- ﺷﺒﻴﺞ ﺩﺍﻛﻮﻝ ﻣﻦ ﺗﻀﻮﺟﻴﻦ
ﻧﺘﺮﺕ ﺑﻴﻪ
- ﻣﺎﺿﺎﻳﺠﻪ ﻣﺎﺿﺎﻳﺠﻪ
- ﺑﻜﻴﻔﭻ
ﻃﻠﻊ ﻭﺁﻧﻲ ﺣﻄﻴﺖ ﺇﻳﺪﻳﻪ ﻋﻠﻰ ﺭﺍﺳﻲ ﻣﺘﻤﻠﻤﻠﻪ ..
ﻟﻤﻴﺖ ﺍﻻﻛﻞ ﻭﺧﺎﺑﺮﺕ ﺣـﻮﺭﺍﺀ ﺳﻮﻟﻔﺘﻠﻲ ﻋﻠﻰ ﻣﺸﻜﻠﺘﻬﻪ ﻫﻲَ ﻭﻋﺒﺎﺱ ﻭﻟﻤﺘﻬﻪ ﻷﻥ ﻏﻠﻄﺖ ﻣﻦ ﻃﻠﻌﺖ ﺑﺪﻭﻥ ﻣﺎﺗﺘﺄﻛﺪ ﻋﻨﺪﻩ ﺷﻲ ﻭﻣﺒﺎﺷﺮﺓً ﻫﻴﺞ ﺳﻮﺕ ﺑﺪﻭﻥ ﺩﻟﻴﻞ ..
ﺍﺧﺬﺗﻨﺎ ﺍﻟﺴﻮﺍﻟﻒ ﻭﻣﺎﺣﺴﻴﻨﺎ ﺑﺎﻟﻮﻗﺖ ..
ﻏﻠﻘﺘﻪ ﻣﻨﻬﻪ ﻭﻛﻤﺖ ﺍﺣﻀﺮ ﺑﺎﻟﻌﺸﺎ .. ﺍﺳﺘﻐﺮﺑﺖ ﺍﻟﻴﻮﻡ ﺍﺳﺮﺍﺀ ﻣﺎﺍﺟﺘﻲ ﻳﻤﻲ !!
ﺑﻌﺪﻧﻲ ﺃﻓﻜﺮ ﺑﻴﻬﻪ ﻭﺍﻧﺪﮒ ﺍﻟﺒﺎﺏ ..
ﻓﺘﺤﺘﻪ ﻭﻟﮕﻴﺘﻬﻪ ﺿﺤﻜﺖ ﻭﻛﺘﻠﻬﻪ
- ﺇﺫﻛﺮ ﺍﻟﻘﻂ ﮔﺎﻡ ﻧﻂ
- ﻫَﺎﺍ ﺑﺸـﻨﻮ ﺃﺧﺬﺗﻲ ﻏﻴﺒﺘﻲ ؟؟
- ﻫﻬﻬـﻪ ﺷﻤﺴﻮﻳﻪ ﺣﺘﻰ ﺁﺧﺬ ﻏﻴﺒﺘﺞ؟
- ﻓﻘﻴﺮﻩ ﻭﻣﺴﻜﻴﻨﻪ ﺷﻤﺴﻮﻳﻪ ﻗﺎﺑﻞ
- ﻫـﻪ ﻛﻠﺸﻲ ﻣﻤﺴﻮﻳﻪ
ﺑﻘﺖ ﺗﺴﻮﻟﻒ ﻳﻤﻲ ﻭﺗﻠﻐﻲ ﻓﻮﮒ ﺭﺍﺳﻲ ﻟﻤﺎ ﺇﺟﻪ ﺻﻔﺎﺀ ﻭﻧﺰﻟﺖ ..
ﺻﻠﻴﻨﺎ ﻭﮔﻤﺖ ﺍﺣﻀﺮ ﺑﺎﻟﻌﺸﺎ ﺍﻧﺪﻙ ﺍﻟﺒﺎﺏ ﻭﻓﺘﺤﻪ ﺻﻔﺎﺀ ..
ﺁﻧﻲ ﺑﻌﺪﻧﻲ ﻉ ﺍﻟﺴﺠﺎﺩﻩ ﺍﺩﻋﻲ ﻭﺩﺧﻞ ﺑﻴﺪﻩ ﺻﻴﻨﻴﻪ !!
ﺑﺎﻭﻋﺖ ﻋﻠﻴﻪ ﮔﺎﻝ
- ﻫﺎﻱ ﺃﻣﻲ ﺩﺯﺗﻠﻨﺎ ﻋﺸﺎ ﺑﻌﺪ ﻣﺎﻛﻮ ﺩﺍﻋﻲ ﺗﺴﻮﻳﻦ
ﻛﻤﻠﺖ ﺩﻋﺎﺀ ﺑﻮﺳﺖ ﺍﻟﺘﺮﺑﻪ ﻭﺭﺟﻌﺘﻬﻪ ﮔﺘﻠﻪ
- ﻣﺴﻮﻳﻪ ﻋﺸﺎ ﻣﺎﻛﻮ ﺩﺍﻋﻲ
- ﻻ ﻫـٰﺬﺍ ﻧﺎﻛﻠﻪ ﺍﺣﺐ ﻃﺒﺦ ﺃﻣﻲ
- ﻻ ﻣﺴﻮﻳﻪ ﻳﻌﻨﻲ ﻭﻳﻦ ﺍﻭﺩﻳﻪ؟؟
- ﺿﻤﻴﻪ ﻟﺒﺎﺟﺮ ﻭﺣﻤﻴﻪ ﺑﺎﻻﻭﭬﻦ
- ﻻ ﻣﺎﺍﺭﻳﺪ ﺁﻣﻞ ﻣﻦ ﻫـٰﺬﺍ
ﺍﺧﺬ ﺍﻟﺼﻴﻨﻴﻪ ﻭﺭﺍﺡ ﻟﻠﻤﻄﺒﺦ ﮔﺎﻝ ‏( ﺇﻟﺤﮕﻴﻨﻲ ﺑﺴﺮﻋﻪ ‏)
ﺭﺣﺖ ﻭﺭﺍﻩ ..
ﺧﻼﻧﻲ ﻭﺍﮔﻔﻪ ﻭﻛﻌﺪ ﻳﺎﻛﻞ ﺑﻨﻬﻢ ﻋﺒﺎﻟﻚ ﻣﺎﻣﺎﻛﻞ ﻭﻳﺘﻠﺬﺫ ﺑﺎﻻﻛﻞ ﻭﻳﺨﺮﺝ ﺍﺻﻮﺍﺕ ﺍﻟﺘﻠﺬﺫ
- ﺍﻣﻤﻤﻤﻤﻢ
ﺭﻓﻊ ﺭﺍﺳﻪ ﺑﻌﺪﻡ ﺇﻫﺘﻤﺎﻡ ﻛﺎﻝ
- ﻣﺎﺗﮕﻌﺪﻳﻦ؟؟
- ﻣﺎﺍﺭﻳﺪ
- ﺍﻣﻢ ﺑﻜﻴﻔﭻ
ﺑﻘﻰ ﻳﺎﻛﻞ ﻭﺁﻧﻲ ﺟﺒﺖ ﺍﻟﻌﺸﺎ ﺣﻄﻴﺘﻪ ﻧﻘﺸﺖ ﺷﻮﻳﻪ ﻭﻭﻻﻟﻤﺴﻪ . ﺍﻛﻞ ﻣﺎﻝ ﺍﻫﻠﻪ ﻛﻠﻪ !!
ﻟﻤﻴﺖ ﺍﻟﻤﻮﺍﻋﻴﻦ ﻭﺩﺧﻠﺖ ﻟﻠﻐﺮﻓﻪ ﺷﻐﻠﺖ ﺍﻟﺒﻼﺯﻣﺎ ﻭﻃﻠﻌﺖ ﻓﻠﻢ ﺍﺟﻨﺒﻲ ﻭﺣﻀﺮﺕ ﺍﻟﻜﺮﺯﺍﺕ ﻭﺑﻘﻴﺖ ﺍﻛﺮﺯ ﻭﺍﺗﺎﺑﻊ ﻭﻣﺘﺠﺎﻫﻠﺘﻪ ﺗﻤﺎﻣﺎً ..
ﺇﺟﻪ ﮔﻌﺪ ﻳﻤﻲ ﻭﺑﻘﻰ ﻳﻜﺮﺯ ﻭﻳﺎﻱ ﻭﻛﻠﺴﺎﻉ ﻳﺘﻠﻤﺲ ﺑﺈﻳﺪﻱ ﻭﺍﺳﺤﺒﻬﻪ ﺑﺴﺮﻋﻪ ..
ﺁﺧﺮ ﻣﺮﻩ ﺗﻠﻤﺲ ﺇﻳﺪﻱ ﻭﻃﺨﻨﻲ ﺑﻤﺘﻨﻲ ﺳﺤﺒﺖ ﺇﻳﺪﻱ ﻭﻟﺰﻣﻬﻪ ﺑﻜﻞ ﻗﻮﺗﻪ ﻭﻋﺼﺮﻫﻪ ﺣﻴﻞ ﺧﺰﺭﻧﻲ ﻭﮔﺎﻝ
- ﺇﻧﻄﻴﺘﺢ ﻣﺠﺎﻝ ﻫﻮﻭﺍﻱ ﻟﺘﺸﻮﻓﻴﻨﻲ ﺳﺎﻛﺖ !!
- ﺷﻜﻮ؟؟
- ﺻﺎﺭ ﺳﺎﻋﻪ ﺃﻟﻤﺢ ﻭﻣﺎﻛﻮ ﻭﺇﻧﺖِ ﻭﻻﻋﺒﺎﻟﻚ ﺭﺟﻠﺞ ﮔﺎﻋﺪ ﻳﻤﺞ ﻣﻄﻨﺸﺘﻲ ﻭﺿﺎﺭﺑﺘﻨﻲ ﺑﻌﺮﺽ ﺍﻟﺤﺎﻳﻂ !
- ﭼـﺎ ﺷﺄﺳﻮﻳﻠﻚ ﻗﺎﺑﻞ ﺍﮔﻮﻡ ﺍﻫﺰﻟﻚ ﭼﺘﻒ؟
ﺣﻂ ﺇﺻﺒﻌﻪ ﻋﻠﻰ ﻟﺤﻴﺘﻪ ﻭﺭﻓﻊ ﺣﺎﺟﺒﻪ ﻣﻔﻜﺮ ﺑﻜﻴﺪ ﮔﺎﻝ
- ﺻﺪﮒ ﺍﺭﮔﺼﻴﻠﻲ !!!!
ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻦ ﻭﻋﻄﺖ
- ﺷـﻨﻨﻮﻭﻭﻭﻭﻭﻭ؟؟؟؟؟
- ﺷﺒﻴﺞ ﺭﻛﺼﻴﻠﻲ
- ﺷﮕﺎﻟﻮﻟﻚ ﻋﻨﻲ ﺑﻨﺖ ﻟﻴﻞ ؟؟
- ﻻ ﻟﻴـﺶ ﻣﺮﺗﻲ ﻭﺑﻜﻴﻔﻲ
- ﺻﻔﺎﺀ ﺗﺠﺎﻭﺯﺕ ﻫﻮﺍﻱ ﻭﺳﻜﺘﺖ ﻭﺩﺗﺴﺘﻐﻞ ﺍﻟﻔﺮﺻﻪ ﺇﻧﺖَ ﺗﺸﻮﻓﻨﻲ ﺳﺎﻛﺘﻪ ؟؟
- ﺍﺣﺴﻦ ﻣﺎﺍﻟﺘﺠﺄ ﻟﻐﻴﺮ ﻣﻜﺎﻥ ﺍﺭﮔﺼﻴﻠﻲ ﺇﻧﺖِ !!!
ﻓﺘﺤﺖ ﻋﻴﻮﻧﻲ ﺣﺴﻴﺘﻬﻦ ﺣﻴﻄﮕﻦ !!
ﺿﺮﺑﺘﻪ ﻋﻠﻰ ﺻﺪﺭﻩ ﻭﻛﺘﻠﻪ
- ﺭﻭﻭﻭﺡ ﺇﻟﻬﻦ ﺭﺭﺭﻭﻭﻭﺡ ﺇﻟﻤﻦ ﺟﺎﻱ ﺑﻌﺪ ﺭﻭﻭﺡ
ﺗﻬﺴﺘﺮﺕ ﻭﻓﻘﺪﺕ ﺍﻋﺼﺎﺑﻲ ﻭﺍﺿﺮﺏ ﺑﻴﻪ ..
ﻣﺎﺣﺴﻴﺖ ﺍﻻ ﻋﻠﻰ ﺭﺍﺷﺪﻱ ﻗﻮﻱ ﻓﺮ ﺭﺍﺳﻲ . ﻟﺰﻡ ﺷﻌﺮﻱ ﻭﻗﺮﺑﻨﻲ ﻋﻠﻰ ﻭﺟﻬﻲ ﻭﻋﺎﻁ ﺑﻴﻪ
- ﺗﺠﺎﻭﺯﺝ ﺗﻌﺪﻯ ﺍﻟﺤﺪﻭﺩ ﻭﺍﻟﻈﺎﻫﺮ ﻣﺘﻤﺸﻴﻦ ﺍﻻ ﺑﺎﻟﻌﻴﻦ ﺍﻟﺤﻤﺮﻯ !!
ﺑﻘﻴﺖ ﺍﺩﻓﻊ ﺑﻴﻪ ﻣﻴﻨﺪﻓﻊ ﻗﻮﻱ ﺣﻴﻞ ..
- ﻭﺧﺮﺭﺭ
ﺣﺴﻴﺖ ﺷﻌﺮﻱ ﺇﻧﻘﻠﻊ ﻣﻦ ﻣﻜﺎﻧﻪ !!
ﻭﺟﻬﻪ ﺍﻧﮕﻠﺒﺖ ﻣﻼﻣﺤﻪ ﻭﻋﺼﺮ ﻋﻴﻮﻧﻪ ﺣﻴﻞ .. ﻋﺎﻑ ﺷﻌﺮﻱ ﻭﺭﻛﺾ ﻟﻠﺤﻤﺎﻡ !!
ﺳﻤﻌﺖ ﺻﻮﺗﻪ ﻳﺘﻘﻴﺄ !!
ﺻﺎﺡ ﻋﻠﻴﻪ ﻭﻫﻮَ ﺑﺎﻟﺤﻤﺎﻡ ‏( ﺍﻟﻤﻨﺸﺸﺴﻔﻔﻔﻪ ‏)
ﺭﻛﻀﺖ ﺟﺒﺘﻠﻪ ﺍﻟﻤﻨﺸﻔﻪ ﻭﻧﺸﻒ ﻭﺟﻬﻪ ﻭﺇﻳﺪﻳﻪ ..
ﮔﻠﺒﺖ ﻭﺟﻬﻲ ﻋﻠﻴﻪ ﺑﺲ ﻣﻦ ﺷﻔﺖ ﻭﺟﻬﻪ ﺷﻠﻮﻥ ﺍﻧﺴﺤﺒﺖ ﺃﻟﻮﺍﻧﻪ ﻭﺻﺎﺭ ﺍﺻﻔﻔﺮﺭﺭ ﮔﻠﺒﻲ ﻣﺎﺍﻧﻄﺎﻧﻲ ﺳﺄﻟﺘﻪ
- ﺷﺒﻴﻚ؟؟
- ﺑﻄﻨﻲ ﺗﺄﺫﻳﻨﻲ
ﺳﻜﺘﺖ //..
ﺑﻘﻰ ﻳﻌﺼﺮ ﺑﻨﻔﺴﻪ ﻭﻳﺘﺂﻭﻩ ﻣﺘﻮﺟﻊ ﻣﻦ ﺃﻟﻢ ﺑﻄﻨﻪ !!
ﺭﺍﺡ ﻏﻄﻰ ﺭﺍﺳﻪ ﻭﺣﺎﻭﻝ ﻳﻨﺎﻡ ﺑﻘﻴﺖ ﺍﻟﻮﺏ ﺷﺒﻴﻪ ؟ !!
ﺍﻳﻘﻨﺖ ﺇﻧﻮ ﻣﻦ ﺍﻻﻛﻞ ﺍﻟﺠﺎﺑﺘﻪ .. ﺑﺤﺜﺖ ﻉ ﺍﻟﻴﻮﺗﻴﻮﺏ ﺧﺘﻤﺎﺕ ﻭﺍﺩﻋﻴﻪ .. ﻭﻗﺮﻳﺖ ﻋﻠﻰ ﻣـﻲ ﻭﮔﻌﺪﺗﻪ ﻳﺸﺮﺏ ..
- ﺻﻔﺎﺀ ﺍﺷﺮﺏ ﻫـٰﺬﺍ ﺍﻟﻤﻲ
ﺣﭽﻰ ﺑﺘﻌﺐ
- ﻣﺎﺍﺭﻳﺪ
- ﺩﻫﺎﻙ ﻫﺎﻙ
ﺇﻧﻄﻴﺘﻪ ﺇﻟﻪ ﺷﺮﺑﻪ ﻭﺭﺟﻊ ﻧﺎﻡ
ﺗﻤﺪﺩﺕ ﻳﻤﻪ ﻭﻫﻮَ ﺑﺲ ﻳﺘﺄﻟﻢ ﻭﻳﻌﺼﺮ ﺑﻨﻔﺴﻪ ﻭﻳﻬﻤﺲ ﺑـ ‏( ﺁﺁﺁﺧﺨﺦ ‏)
ﮔﻠﺒﻲ ﺇﻧﻌﺼﺮ ﻋﻠﻴﻪ .
ﮔﻌﺪﺕ ﻭﺑﻘﻴﺖ ﺍﻗﺮﻯ ﺑﺴﻮﺭﺓ ﺍﻟﺒﻘﺮﻩ ﻭﺍﺑﭽﻲ ﻋﻠﻴﻪ ﻭﻋﻠﻰ ﺣﺎﻟﺘﻪ ﻭﺃﻟﻤﻪ !!
ﻃﻠﻌﺖ ﺍﺩﻋﻴﻪ ﻭﺍﺳﺘﻤﺮﻳﺖ ﺍﻗﺮﻯ ﻭﻫﻮَ ﻫﺪﺃ ..
ﻧﺴﻴﺖ ﻧﻔﺴﻲ ﺑﺎﻭﻋﺖ ﻟﻠﺴﺎﻋﻪ ﺑـﺎﻟـ 5 ﺍﻟﻔﺠﺮ ..
ﻃﺒﮕﺖ ﺍﻟﺴﺠﺎﺩﻩ ﻭﺑﺴﺖ ﺍﻟﻘﺮﺁﻥ ﻭﻧﻤﺖ ..
..
ﮔﻌﺪ ﺍﻟﺼﺒﺢ ﻣﺎﻳﺘﺤﺮﻙ !!
ﻭﻧﻔﺲ ﺍﻷﻟﻢ
- ﻟﻚ ﺻﻔﺎﺀ ﻟﺘﺨﺒﻠﻨﻲ ﺷﺒﺒﻴﻴﻴﻚ؟؟
- ﺑﻄﻨﻲ ﺣﺘﻤﻮﺗﻨﻲ
- ﺍﺧﺎﺑﺮ ﺭﺍﺋﺪ ﺗﺮﻭﺡ ﻟﻠﻤﺴﺘﺸﻔﻰ؟
- ﻻ ﻣﺎﺍﺭﻳﺪ
- ﭼـﺎ ﺷﻠﻮﻭﻥ؟
- ﻣﺎﺍﺩﺭﻱ ﻣﺎﺍﮔﺪﺭ ﺍﺗﺤﺮﻙ ﻣﻦ ﺍﻟﻮﺟﻊ
- ﺭﺍﺡ ﺍﺧﺎﺑﺮ ﺭﺍﺋﺪ
- ﻻ ﻻ ﺍﻧﻄﻴﻨﻲ ﻣﻮﺑﺎﻳﻞ ﺧﻞ ﺍﺧﺎﺑﺮ ﺣﻴﺪﺭ
- ﺍﻫـﻮﻭ ﺇﻟﻤﻦ ﻣﺨﺎﺑﺮﻩ ﻭﺇﻧﺖَ ﺗﻌﺮﻑ ﻃﻴﻨﺘﻪ ﺷﻨـﻮﻭ؟؟
- ﭼـﺎ ﻣﺤﺪ ﺇﻟﻲ ﻭﻳﺒﻘﻰ ﺇﺧﻮﻱ
- ﺑﻜﻴﻔﻚ
ﺧﺎﺑﺮﻩ ﻭﮔﺎﻟﻪ ﺭﺍﺡ ﺍﻧﺰﻝ ﻣﺎﺧﻼﻩ ﻳﺼﻌﺪ ﻳﺪﺭﻱ ﺑﻴﻪ .. ﻧﺰﻟﻠﻪ ﻭﺭﺍﺣﻮﺍ ﻟﻠﻤﺴﺘﺸﻔﻰ ﺑﺴﻴﺎﺭﺓ ﺻﻔﺎﺀ ﻭﺣﻴﺪﺭ ﺍﻟﻴﺴﻮﻕ .
ﻳﺘﺒﻊ ..
ﺍﻟـﻌـﺒـﺎﺩﻳــﻪ 🌼🌻
ﺑﻨﺎﺕ ﺍﻟﺒﺎﺭﺕ ﺍﻟﻴﻮﻡ ﻗﺼﻴﺮ ﻻﻥ ﺍﺭﻳﺪ ﺍﻧﺰﻟﻠﻜﻢ ﻧﻬﺎﺭ ﺑﺎﭼﺮ ﺑﺎﺭﺕ ﻧﺮﻳﺪ ﻧﺠﺮﺏ ﺷﻌﻮﺭ ﺍﻟﻨﻬﺎﺭ