رشفه عشق

23

#رشفة_عشق
بقلم العباديه
#بارت٢٣
ﺍﻟـﺴـﻼﻡُ ﻋـﻠـﻴـﻜـﻢ 🌼🌻
ﺭﺷﻔﺔ ﻋﺸﻖ
ﺍﻟـﻌـﺒـﺎﺩﻳـــﻪ
ﺍﻟﺒﺎﺭﺕ _23_
" ﻳـﺎ ﺻـﺎﺣـﺒـﻲ ﺧُـﺬْ ﻟﻠﺤـﺒﻴﺐِ ﺭﺳـﺎﻟـﺔً
ﻓﻌـﺴﻰ ﻳـﺮﻯ ﺑﻴـﻦَ ﺍﻟﺴــﻄﻮﺭِ ﺍﻷﺩﻣُـﻌَِـﺎً
ﺑَـﻠِّـﻐْــﻪُ ﺃَﻧِّـﻲ ﻓـﻲ ﺍﻟــﻐـﺮﺍﻡِ ﻣـُــﺘـــﻴّــــﻢٌ
ﻭﺍﻟـﻘــﻠـﺐُ ﻣـﻦ ﺣــﺮِّ ﺍﻟـﻔـﺮﺍﻕِ ﺗَـﺼَـﺪَّﻋَـﺎً ! "
..............................................................
ﺣـﻮﺭﺍﺀ
ﺑﻌﺪ ﺍﻟﻤﺸﻜﻠﻪ ﺛﺎﻧﻲ ﻳﻮﻡ ﺍﻟﺼﺒﺢ ﮔﻌﺪ ﺑﺎﺑﺎ ﻭﺳﻮﻟﻔﻠﻪ ﺭﺍﺋﺪ ﻭﺑﻘﻰ ﻳﻌﻴﻂ ﺑﺲ ﺑﺎﺑﺎ ﺍﺧﺬﻧﻲ ﺑﺎﻻﺳﺘﻘﺒﺎﻝ ﻭﮔﺎﻝ ﻣﺎﻛﻮ ﺷﻲ ﻳﻨﺤﻞ ﺑﺎﻟﻌﻴﺎﻁ ﻓﻬﻤﻴﻨﻲ ﺷﺼﺎﻳﺮ ..
ﺳﻮﻟﻔﺘﻠﻪ ﻛﻠﺸﻲ ﻣﻦ ﻃﺄﻃﺄ ﻟﻠﺴﻼﻡ ﻋﻠﻴﻜﻢ ..
ﻣﻦ ﻳﺘﺄﺧﺮ ﻭﺍﺣﺎﺳﺒﻪ ﻭﻳﮕﻮﻝ ﻣﺎﻛﻮ ﺷﻲ ﻭﻣﻦ ﻳﺠﻲ ﻣﻌﺼﺐ ﻋﻠﻴﻪ ﺑﺲ ﻋﻠﻤﻮﺩ ﻳﺬﺏ ﺍﻟﻠﻮﻡ ﺑﺮﺍﺳﻲ .
ﺳﻮﻟﻔﺘﻠﻪ ﻋﻦ ﺷﻜﻲ ﺑﻴﻪ ﮔﺎﻝ -:
‏( ﺷﻔﺘﻲ ﻋﻼﻣﻪ ﺗﺪﻝ ﻋﻠﻰ ﺧﻴﺎﻧﺘﻪ؟؟ ‏)
ﺁﻧﻲ ﺻﻔﻨﺖ ﻻﻥ ﻣﺎﺷﺎﻳﻔﻪ ﻫﻴﭻ ﺷﻲ ﻭﻻﺷﺎﻣﻪ ﺑﻴﻪ ﻋﻄﺮ ﻧﺴﺎﺋﻲ ﺍﺻﻼً ﻛﻠﺸﻲ ﻣﺎﻛﻮ ﺑﺲ ﺷﻜﻮﻛﻲ ﺩﻣﺮﺗﻨﻲ ﻭﺳﻜﻮﺗﻪ ﺣﺮﻗﻨﻲ ..
ﺟﺎﻭﺑﺘﻪ ﺑـ ‏( ﻻ ‏) ﮔﻞ ﺇﺫﻥ ﺍﻧﺖِ ﺍﻟﻤُﺨﻄﺌﻪ !!
ﺩﻧﻜﺖ ﺭﺍﺳﻲ ﻭﮔﺘﻠﻪ
، - ‏( ﻣﺎﺍﺭﺟﻊ ﻻﻥ ﻫﻮَ ﺍﻟﻐﻠﻄﺎﻥ ﻣﻬﻤﺎ ﻳﻜﻮﻥ ﺍﺑﻘﻰ ﺯﻭﺟﺘﻪ ﻭﻣﻦ ﺍﺳﺌﻠﻪ ﻳﺠﺎﻭﺑﻨﻲ ﻣﻮ ﻳﮕﻮﻟﻲ ﺗﺤﺎﺳﺒﻨﻲ ﻣﺮﻩ؟؟ ‏)
- ﺍﻧﻲ ﺍﻟﻴﻮﻡ ﺍﺩﺯ ﻋﻠﻴﻪ ﻭﺍﺣﺎﭼﻴﻪ
- ﺑﺎﺑﺎ ﻣﺎﺍﺭﺟﻊ ﺧﻠﻴﻨﻲ ﺍﺑﻘﻰ ﻫﻨﺎ ﻓﺘﺮﻩ ﻛﺮﺩ ﺇﻋﺒﺘﺎﺭ ﻟﺬﺍﺗﻲ
- ﺑﻜﻴﻔﭻ ﺑﺲ ﻓﺘﺮﻩ ﻫـﺎ ﻣﻮ ﺃﻛﺜﺮ
- ﻻ ﺑﺲ ﺃﺭﺗﺎﺡ
- ﺧﻮﺵ ﺍﺭﺗﺎﺣﻲ ﻭﺑﻴﺖ ﺍﺑﻮﺝ ﻣﻔﺘﻮﺡ ﺗﺮﻩ ﺧﺎﻑ ﻋﺒﺎﻟﺞ ﺗﺜﻘﻠﻴﻦ ﻋﻠﻴﻨﻪ ﺗﺮﻩ ﺇﻧﺖِ ﺑﻨﺘﻲ ﻭﻫـٰﺬﺍ ﺑﻴﺘﭻ ﻭﻛﻼﻡ ﺭﺍﺋﺪ ﻣﻌﻠﻴﭻ ﺑﻴﻪ ﻭﻻﺗﺎﺧﺬﻳﻦ ﺑﺨﺎﻃﺮﺝ ﻣﻨﻪ ﻻﻥ ﻋﺼﺒﻲ ﻣﻴﺘﺤﻤﻞ
- ﻣﺎﺷﻲ
ﺑﻘﻴﺖ ﻓﺘﺮﻩ ﺑﺒﻴﺖ ﺍﻫﻠﻲ ﻭﻫﻮَ ﻭﻻﺳﺄﻝ ﻭﻻﺍﺗﺼﻞ ﻳﻮﻣﻴﻪ ﺍﮔﻌﺪ ﺍﻟﺼﺒﺢ ﺍﺑﺎﻭﻉ ﺑﻮﺟﻪ ﺑﺎﺑﺎ ﺑﻠﻜﻲ ﻳﮕﻠﻲ ﺍﺗﺼﻞ ﻳﺮﺟﻌﭻ ﺑﺲ ﻣﺎﻛﻮ ﺁﻣﺎﻟﻲ ﻛﻠﻬﻪ ﺭﺍﺣﺖ ﻫﺒﺎﺀً ﻣﻨﺜﻮﺭﺍً .
ﺑﺎﺑﺎ ﻣﻦ ﺍﻧﻈﺮﻩ ﺑﺄﻣﻞ ﻳﺪﻧﮓ ﺭﺍﺳﻪ ﻭﺍﻋﺮﻑ ﺍﻟﻨﺒﺮﻩ ﺷﻨـﻮ !! ؟
ﮔﻞ ﺑﺎﺑﺎ ﺭﺍﺡ ﺍﺩﺯ ﻋﻠﻴﻪ ﻭﺍﺷﻮﻑ ﺷﻨـﻮ ﺗﺎﻟﻴﺘﻪ .. ﺟﺎﺑﻪ ﻭﺇﺟﺘﻤﻌﻮﺍ ﺃﺛﻨﻴﻨﻬﻢ ﺑﺎﻻﺳﺘﻘﺒﺎﻝ ﻭﻣﺎﺍﺳﻤﻊ ﺻﻮﺗﻪ ! ﺣﺴﻴﺘﻪ ﻣﺘﻘﺼﺪ ﻣﺎﻳﺴﻤﻌﻨﻲ ﺻﻮﺗﻪ .
ﺍﺭﻳﺪ ﺍﺳﻤﻊ ﻛﻠﻤﻪ ﻣﺎﻛﻮ ﺃﻳﺴﺖ ﻭﺩﺧﻠﺖ .
ﺍﻭﻝ ﻣﺎﻃﻠﻊ ﺍﺟﻪ ﺑﺎﺑﺎ ﺳﺄﻟﺘﻪ ﮔﺎﻝ ﻳﮕﻮﻝ
‏( ﺧﻠﻴﻬﻪ ﺗﺮﺗﺎﺡ ﻓﺘﺮﻩ (!!
ﻋﺮﻓﺖ ﺷﻨـﻮ ﻗﺼﺪﻩ !
ﺑﻘﻴﺖ ﻟﻠﻴﻞ ﺍﻟﻮﺏ ﺍﻛﻴﺪ ﻫﺴﻪ ﻓﺮﺣﺎﻥ ﻭﻣﺴﺘﻐﻞ ﺍﻟﻔﺮﺻﻪ ﺍﺻﻼً ﻳﻤﻜﻦ ﻛﺎﻡ ﻣﺎﻳﺮﺟﻊ ﻟﻠﺒﻴﺖ !.
ﺗﻤﺪﺩﺕ ﺑﺎﻟﻠﻴﻞ ﻭﺍﻓﻜﺮ ﻛﻠﺴﺎﻉ ﺍﮔﻠﺐ ﺑﺼﻔﺤﻪ ﺍﻟﻨﻮﻡ ﻃﺎﻳﺮ ﻣﻦ ﻋﻴﻨﻲ ﻭﺍﻟﺘﻮﺗﺮ ﻣﺎﻛﻞ ﻋﻘﻠﻲ ..
ﻏﻤﻀﺖ ﻋﻴﻮﻧﻲ ﺑﻠﻜﻲ ﺍﻧﺎﻡ ..
ﻭﻓﺰﺯﻧﻲ ﺻﻮﺭﺕ ﺭﻧﺔ ﺍﻟﻤﻮﺑﺎﻳﻞ .
ﺭﻛﻀﺖ ﺑﺴﺮﻋﻪ ﻟﻠﻤﻮﺑﺎﻳﻞ ﺷﻔﺘﻪ ﺍﺳﻤﻪ .
ﺍﻻﺑﺘﺴﺎﻣﻪ ﺷﻘﺖ ﺛﻐﺮﻱ ﻻﺍﺭﺍﺩﻳﺎً ﻭﺍﺧﺬﺕ ﻧﻔﺲ ﺑﺈﺭﺗﻴﺎﺡ
بيج قصص عراقيه حقيقيه من واقعنا.روعه الطائي
ﺍﻟﻤﻜﺎﻟﻤﻪ ﺭﺍﺩﺕ ﺗﻨﺘﻬﻲ ﻳﻼ ﺭﺩﻳﺖ ﻋﻮﺩ ﺛﮕﻴﻠﻪ ﻭﺯﻋﻼﻧﻪ .
ﺭﺩﻳﺖ
- ﺍﻟـﻮﻭ ..
- ﺍﻟـﻮﻭﻭ ﺁﻧﻲ ﻋﺒﺎﺱ
- ﺍﻱ ﺍﺩﺭﻱ ﻣﺴﺠﻠﻪ ﺇﺳﻤﻚ
- ﺇﻱ ﺍﻟﻤﻬﻢ ﺇﺫﺍ ﺗﺮﻳﺪﻳﻦ ﺗﺮﺟﻌﻴﻦ ﻑ ﺗﺮﺟﻌﻴﻦ ﻭﺣﺪﭺ ﺁﻧﻲ ﻣﺎﺍﺭﺟﻊ ﻭﻻﺍﺟﻲ ﺍﺻﻼً ﻭﺑﻌﺪ ﻟﺘﺪﺯﻳﻦ ﻋﻠﻴﻪ ﺑﺈﻳﺪ ﺍﺑﻮﭺ !!
ﺑﻘﻴﺖ ﻣﺬﻫﻮﻟﻪ ﺑﻜﻼﻣﻪ !!
ﮔﺘﻠﻪ ﺑﻨﺘﺮ ﻭﻋﺼﺒﻴﻪ ﻧﺎﺑﻌﻪ ﻣﻦ ﺃﻋﻤﺎﻗﻲ
- ﻭﻣﻨﻮ ﮔﺎﻟﻠﻚ ﺁﻧﻲ ﺍﺭﻳﺪ ﺍﺭﺟﻊ ؟؟
- ﺍﻱ ﺧﺎﻑ ﺣﺎﻃﻪ ﺑﺒﺎﻟﺞ ﺗﺮﺟﻌﻴﻦ ﺍﻭ ﻓﺪ ﺷﻲ ﺧﻞ ﻳﺼﻴﺮ ﻋﻨﺪﭺ ﻋﻠﻢ ﻣﻦ ﻫﺴﻪ
- ﻻ ﻋﻴﻨﻲ ﺭﻭﺡ ﺣﻂ ﺑﻄﻴﺨﺔ ﺻﻴﻒ ﺑﺒﻄﻨﻚ ﻣﺎﺍﺭﺣﻊ ﻟﻮ ﻳﺬﺑﺤﻮﻧﻲ
- ﺑﻌﺪ ﺍﺣﺴﻦ
ﻭﻏﻠﻘﻪ ﺑﻮﺟﻬﻲ !!
ﺩﻣﻮﻋﻲ ﺑﻘﺖ ﺗﻨﺰﻝ ﻋﻠﻰ ﺍﻟﺸﺎﺷﻪ ﻣﺎﻝ ﺍﻟﻤﻮﺑﺎﻳﻞ ﻫﺎﻱ ﺟﺰﺍﺗﻲ ؟؟ !
ﺑﻌﺪ ﻫـٰﺬﺍ ﻛﻼﻣﻪ ﻟﻮ ﻳﻤﻮﺕ ﻣﺎﺍﺭﺟﻊ ..
~~~~~~~~~~~~~~~~~~~~~~~~~~~~~
ﺇﻳﭭﺎﻥ
ﺭﻭﺣﺔ ﺍﻟﻤﺴﺘﺸﻔﻰ ﻫﻴﭻ ﭼﺎﻧﺖ ﻣﻔﺎﺩﺕ ﺑﺸﻲ ﻭﻛﺎﻟﻮﺍ ﻛﻠﺸﻲ ﻣﺎﺑﻴﻪ ﻭﺭﺟﻌﻨﺎ ﻟﺤﻴﺎﺗﻨﻪ ﺍﻟﻄﺒﻴﻌﻴﻪ ﺑﺲ ﺍﻵﻡ ﺻﻔﺎﺀ ﻣﺴﺘﻤﺮﻩ ﻭﺻﺎﺭ ﻳﺘﺤﻠﻢ ﺃﺣﻼﻡ ﻣﻮ ﺯﻳﻨﻪ ﻭﺁﻧﻲ ﻣﺴﺘﻤﺮﻩ ﺑﺴﻮﺭﺓ ﺍﻟﺒﻘﺮﻩ ﻭﺍﻻﺩﻋﻴﻪ ﻻﻥ ﻻﻗﻮﻩ ﺗﻈﺎﻫﻲ ﻗﻮﺓ ﺭﺏ ﺍﻟﻌﺎﻟﻤﻴﻦ . ﻭﻫﻮَ ﺣﺘﻰ ﺻﻼﺗﻪ ﺗﺮﻛﻬﻬﻪ ﺷﮕﺪ ﺣﺎﻭﻟﺖ ﻭﻳﺎﻩ ﻳﺮﺟﻌﻠﻬﻪ ﻣﻴﻘﺒﻞ !!
...
ﻣﺮﺕ ﻓﺘﺮﻩ ﺻﻔﺎﺀ ﺗﻌﺒﺎﻥ ﻭﻭﺟﻬﻪ ﺷﺎﺣﺐ ﻭﺃﺻﻔﺮ ﻭﺑﺲ ﻳﺘﺼﻔﻦ ﻭﻳﺘﺄﺧﺮ ﻳﻼ ﻳﺮﺟﻊ ﻟﻠﺒﻴﺖ !!
ﻭﻣﻦ ﺍﺗﺼﻞ ﻋﻠﻴﻪ ﻳﻨﻄﻴﻨﻲ ﺭﻓﺾ ﻟﻮ ﺍﺻﻼً ﻣﻴﺠﺎﻭﺏ ..
ﺁﻧﻲ ﺍﺑﻘﻰ ﺃﻧﺘﻈﺮ ﺃﻧﺘﻈﺮ ﻟﻤﺎ ﺍﻏﻔﻰ ﻉ ﺍﻟﻘﻨﻔﺎﺕ ﺍﻟﻲ ﺑﺎﻟﺼﺎﻟﻪ .. ﻭﺻﺎﺭﺕ ﻫﺎﻱ ﻋﺎﺩﻩ ﻳﻮﻣﻴﻪ !! ﺃﺑﻘﻰ ﺍﻧﺘﻈﺮ ﻭﻫﻮَ ﻣﺎﻛﻮ !! ﻭﺍﻟﺼﺒﺢ ﻣﻦ ﺍﺳﺄﻟﻪ ﺑﻴﺶ ﺍﻟﺴﺎﻋﻪ ﺭﺟﻌﺖ ﻳﮕﻮﻝ ﺑﺎﻟـ 1 ﻭﺁﻧﻲ ﺑﺎﻟـ 1 ﻭﻧﺺ ﻧﺎﻳﻤﻪ !!
ﻏﻠﻴﺖ ﻻﻥ ﻣﺎﺑﻴﻪ ﺣﻴﻞ ﻟﻠﻤﺸﺎﻛﻞ ﻭﻻﺑﺪ ﻳﻨﻜﺸﻒ ﻭﻳﻦ ﻳﺮﻭﺡ !!
ﻣﺮﺍﺕ ﺍﺣﺴﻪ ﻓﺎﺻﻞ ﻋﻦ ﺍﻟﺪﻧﻴﺎ ﻭﺍﺣﭽﻲ ﻭﻳﺎﻩ ﻭﻫﻮَ ﺑﺎﻟﻪ ﻣﻮ ﻳﻤﻲ !!
ﺻﻔﻨﻪ ﺗﺠﻴﺒﻪ ﻭﺻﻔﻨﻪ ﺗﺎﺧﺬﻩ !! ﻭﻳﻮﻡ ﻋﻦ ﻳﻮﻡ ﺣﺎﻟﺘﻪ ﺗﺰﻳﺪ !!
ﺷﻌﺮﻩ ﮔﺎﻡ ﻳﻮﮔﻊ ﺍﻛﺜﺮ .. ﻟﻤﺎ ﺯﻳﻨﻪ ﺻﻔﺮ ﺑﻄﻠﺐ ﻣﻨﻲ ﺑﻠﻜﻲ ﻳﺜﺨﻦ .
ﺣﺎﻟﺘﻪ ﺳﺎﺀﺕ ﻛﻠﺸﺶ ﻣﻦ ﺍﮔﻠﻪ ﺭﻭﺡ ﻟﻠﺴﺎﺩﻩ ﻳﻘﺮﻭﻥ ﻋﻠﻴﻚ ﻣﻴﻘﺒﻞ ﻭﻻﻃﺶ ﺑﺎﻟﻤﺴﺘﺸﻔﻰ ﻭﻫﻲَ ﻣﺘﺴﻮﻱ ﺷﻲ ﻻﻥ ﻋﻤﻞ ﺭﻭﺣﺎﻧﻲ !
ﻛﺎﻟﻌﺎﺩﻩ ﮔﻌﺪ ﺍﻟﺼﺒﺢ ﻳﺘﺄﻟﻢ ﻭﻳﺘﻠﻮﻩ ﻣﻦ ﺑﻄﻨﻪ ﻭﺭﻛﺾ ﻳﺘﻘﻴﺄ ﻭﺁﻧﻲ ﻭﺭﺍﻩ ﻻﺯﻣﺘﻠﻪ ﺍﻟﻤﻨﺸﻔﻪ ﻭﺍﺑﭽﻲ ﻭﻣﻦ ﻳﻠﺘﻔﺖ ﻋﻠﻴﻪ ﺍﺭﻣﺶ ﺑﻌﻴﻮﻧﻲ ﻭﺍﻣﺴﺢ ﺍﻟﺪﻣﻮﻉ ﺑﺴﺮﻋﻪ ..
ﺃﺧﺬ ﺍﻟﻤﻨﺸﻔﻪ ﻣﻦ ﺇﻳﺪﻱ ﻭﻋﻴﻮﻧﻪ ﺗﺼﻔﻦ ﺑﻮﺟﻬﻲ ﺑﻘﻠﻖ ﻭﺧﻮﻑ .
ﻧﺸﻒ ﻭﺇﺣﺘﻀﻦ ﻭﺟﻨﺎﺗﻲ ﺑﺈﻳﺪﻳﻪ ﺍﻟﺨﺸﻨﻪ . ﺻﻔﻦ ﺑﻌﻴﻮﻧﻲ ﻭﺗﺤﺴﺮ ﺑﻘﻬﺮ ..
ﮔﺎﻝ
- ﻻﺗﺒﭽﻴﻦ ﻫﺴﻪ ﺃﺻﻴﺮ ﺯﻳﻦ ﺭﺍﺡ ﺍﺭﻭﺡ ﻟﻠﻤﺴﺘﺸﻔﻰ
ﺑﭽﻴﺖ ﺑﻐﺰﺍﺭﻩ ﻭﻛﺄﻥ ﺍﺣﺪ ﺳﻤﺤﻠﻲ ﺑﺈﺫﺭﺍﻑ ﺍﻟﺪﻣﻮﻉ
- ﺻﻔﺎﺀ ﻣﻮ ﺷﻐﻠﺔ ﻣﺴﺘﺸﻔﻰ ﻭﺍﻟﻠﻪ .. ﺭﻭﺡ ﻟﻠﺴﺎﺩﻩ ﻳﻘﺮﻭﻥ ﻋﻠﻴﻚ ﻭﺗﺼﻴﺮ ﺯﻳﻦ
- ﻻ ﻣﺎﺍﺛﻖ
- ﺷﻨـﻮ ﻣﺎﺗﺜﻖ ﺇﻧﺖَ ﺗﺪﺭﻱ ﺫﻭﻟﻪ ﺳﺎﺩﻩ ﻣﻌﺮﻭﻓﻴﻦ ﻭﻛﺒﺎﺭ ﻣﻦ ﻧﺴﻞ ﺍﻟﺮﺳﻮﻝ ‏( ﺹ ‏) ﺧﻞ ﺍﺳﻮﻟﻔﻠﻚ ﻫـٰﺬﺍ ﺍﻟﻤﻮﻗﻒ .. ﺟﺪﻭ ﭼﺎﻧﺖ ﺇﺫﻧﻪ ﻣﻄﻤﻮﻩ ﻭﻣﻴﺴﻤﻊ ﺑﻴﻬﻪ ﻑ ﺭﺍﺡ ﻟﻠﺴﺎﺩﻩ ﺁﻝ ﺳﻴﺪ ﺍﺣﻤـّﺪ ﺑﺎﻟﺸﻄﺮﻩ ﻭﺍﻟﻠﻪ ﻭﺍﻟﻠﻪ ﺍﻭﻝ ﻣﺎﺩﺧﻞ ﻟﻠﺴﻴﺪ ﻭﮔﺎﻟﻪ ﺇﺫﻧﻲ ﺗﺄﺫﻳﻨﻲ ﻗﺮﻩ ﻋﻠﻴﻪ ﻭﻧﻔﺦ ﻫﻮﻯ ﺑﺈﺫﻧﻪ ﻣﺒﺎﺷﺮﺓً ﺇﺫﻧﻪ ﻃﮕﺖ ﻭﺭﺟﻊ ﻳﺴﻤﻊ ﻛﻠﻪ ﺑﻔﻀﻞ ﺍﻟﺴﻴﺪ ﻭﻻﻥ ﺑﺨﺘﻪ ﭼﺒﻴﺮ ﻭﺟﺪﻩ ﺭﺳﻮﻝ ﺍﻟﻠﻪ ‏( ﺹ ‏) ﻭﺫﺍﻙ ﺟﺪﻱ ﻭﺭﻭﺡ ﺍﺳﺌﻠﻪ ..
- ﻣﻮ ﺷﻐﻠﻪ ﺭﻭﺣﺎﻧﻴﻪ ﺍﻧﻲ ﺍﻋﺮﻑ ﺑﻨﻔﺴﻲ ﺗﻌﻠﻤﻴﻨﻲ
- ﻣﻠﻴﺖ ﻣﻦ ﻭﺳﺎﺋﻞ ﺍﻷﻗﻨﺎﻉ ﺷﻮﻛﺖ ﺗﻘﺘﻨﻊ ؟؟
- ﻣﺎﺍﻗﺘﻨﻊ ﻟﻤﺎ ﺃﻣﻮﺕ ﻭﻣﺎﺃﻣﻦ ﺑﻬﺎﻟﺸﻐﻼﺕ ﻭﻻﺍﺛﻖ
- ﻭﺍﻟﻠﻪ ﺍﻧﺘﻢ ﺍﻟﺰﻟﻢ ﻛﻠﻜﻢ ﻣﺘﺜﻘﻮﻥ ﺑﻬﺎﻟﺴﻮﺍﻟﻒ ﺑﻌﺪ ﻋﻠﻴﻤﻦ ﻣﺘﻌﺒﻪ ﻧﻔﺴﻲ ﻭﻳﺎﻙ؟
- ﺍﻱ ﻟﺘﺘﻌﺒﻴﻦ ﻧﻔﺴﺞ ﺣﺒﻲ ﻷﻥ ﻣﺎﺍﺛﻖ ﻭﻭﻻﻋﻨﺪﻱ ﺫﺭﺓ ﺛﻘﻪ ﺑﻬﺎﻟﺴﻮﺍﻟﻒ ﻣﺎﻝ ﺳﺤﺮ ﻣﺎﺳﺤﺮ
- ﻟﻴـﺶ ﻣﻤﻮﺟﻮﺩ ﺑﺎﻟﻘﺮﺁﻥ
- ﻣﺎﺍﺩﺭﻱ
- ﺍﻱ ﺣﻘﻚ ﻣﺎﺗﺪﺭﻱ
- ﻫﺴﻪ ﺭﺍﻳﺢ ﻟﻠﻤﺴﺘﺸﻔﻰ ﺑﻠﻜﻲ ﻳﻨﻄﻮﻧﻲ ﺷﻲ ﺍﺧﺬﻩ ﻭﺍﺭﺗﺎﺡ ﺭﺍﺡ ﺍﻣﻮﺕ ﻣﻦ ﺍﻷﻟﻢ ﺟﺴﻤﻲ ﻛﻠﻪ ﻳﺼﻞ ﻋﻠﻴﻪ
- ﺑﻜﻴﻔﻚ ﻇـﻞ ﺑﻘﻨﺎﻋﺘﻚ ﻭﺇﺫﺍ ﻓﺎﺩ ﺑﻴﻚ ﺍﻟﻌﻼﺝ ﻋﺎﺗﺒﻨﻲ ﻋﻮﺩ
- ﻳﻔﻴﺪ ﻳﻔﻴﺪ ﻟﻴﺶ ﻻ
- ﺑﻜﻴﻔﻚ
ﺑﺪﻝ ﻭﺭﺍﺡ ﻟﻠﻤﺴﺘﺸﻔﻰ ..
ﻧﺺ ﺳﺎﻋﻪ ﻣﺎﻃﻮﻝ ﺭﺟﻊ ﻣﻦ ﺍﻟﻤﺴﺘﺸﻔﻰ ﻭﺑﺈﻳﺪﻩ ﻋﻼﮔﻪ ﻣﺎﻝ ﻋﻼﺝ ..
ﺭﻛﻀﺖ ﻋﻠﻴﻪ ﺍﺭﻳﺪ ﺍﺷﻮﻑ ﺷﺒﻴﻪ
- ﻫـﺎ ﺻﻔﺎﺀ ﺷﮕﺎﻟﻮﻟﻚ؟
- ﻣﺎﻛﻮ ﺷﻲ ﺑﺲ ﻣﺠﺮﺩ ﺃﻟﻢ ﺇﺣﺘﻤﺎﻝ ﻣﻐﺺ ﺇﻧﻄﻮﻧﻲ ﻣﺴﻜﻨﺎﺕ ﻭﺍﺟﻴﺖ
- ﻳــﺎﺍ !! ﻋﻠﻰ ﺃﺳﺎﺱ ﻳﻌﺮﻓﻮﻥ
- ﺍﻳﻲ
ﻣﺜﻞ ﻣﺎﻣﺘﻮﻗﻌﻪ ﻣﺎﺑﻴﻪ ﺷﻲ ﺑﺲ ﻫﺎﻱ ﺳﻮﺍﻟﻔﻬﻦ ﺍﻛﻴﺪ ﺑﻴﻬﻪ ﺇﻥَّ .. ﻟﺒﺴﺖ ﺣﺮﺍﻡ ﺍﻟﺼﻼﻩ ﻭﮔﻌﺪﺕ ﺍﺻﻠﻲ ﻭﺍﻗﺮﻩ ﻗﺮﺁﻥ ..
ﻗﺮﻳﺖ ﺳﻮﺭﺓ ﺍﻟﺒﻘﺮﻩ ﻋﻠﻰ ﻣـﻲ ﻭﻣﻠﺢ ﻭﺭﺷﻴﺖ ﺍﻟﺸﻘﻪ ﻛﻠﻬﻪ ..
ﻭﺷﻐﻠﺖ ﺍﻟﺘﻠﻔﺰﻳﻮﻥ ﻉ ﺍﻟﻘﺮﺁﻥ .
ﻫﻮَ ﺗﻤﺪﺩ ﻭﺑﻘﻰ ﻳﻌﺼﺮ ﺑﻨﻔﺴﻪ ﻭﻳﻐﻤﺾ ﺑﻌﻴﻮﻧﻪ ﺣﻴﻴﻞ ..
- ﺻﻔﺎﺀ ﺇﺷﺮﺏ ﻣﺴﻜﻦ
ﻋﺎﻁ ﺑﺼﻮﺕ ﻋﺎﻟﻲ
- ﺷﺮﺑﺘﺘﺘﺘﺖ ﭼـﺎﺍﺍ ﺑﻌﺪﺩﺩ ﺷﺄﺳﻮﻭﻭﻱ
- ﻳــﺎ ﭼــﺎ ﺷﻌﻠﻴﻪ ﺁﻧﻲ ؟؟
ﺃﻛﻞ ﺃُﻣﻚ ﻫـٰﺬﺍ ﺍﻟﺘﺤﺒﻪ ﺳﻮﻩ ﺑﻴﻚ ﻫﻴﭻ
‏( ﮔﻠﺘﻬﻪ ﺑﺪﺍﺧﻠﻲ ‏)
ﺑﻘﻰ ﻳﺘﺄﻟﻢ ﻭﻳﻌﺼﺮ ﺑﺈﻳﺪﻳﻪ ﺣﺘﻰ ﺷﻌﺮﻩ ﻣﻠﺸﻪ ﺗﻬﺴﺘﺮ ﮔﺎﻡ ﻳﺮﻓﺲ ﺑﺎﻟﻤﻴﺰ ﻭﻳﻜﺴﺮ ﺑﺎﻟﻐﺮﺍﺽ ﺇﺧﺘﻠﺴﺖ ﻭﻛﻔﺖ ﺑﺎﻟﺰﺍﻭﻳﻪ ﻣﺎﻝ ﺍﻟﻐﺮﻓﻪ ﻭﺇﻳﺪﻱ ﻋﻠﻰ ﺣﻠﮕﻲ ﻭﻫﻮَ ﻣﺴﺘﻤﺮ ﻳﻜﺴﺮ ﻭﻳﻌﻴﻂ ﻣﻦ ﺍﻷﻟﻢ !
ﺭﻛﻀﺖ ﻋﻠﻴﻪ ﺃﺭﻳﺪ ﺍﻭﻗﻔﻪ ﻭﺍﻫﺪﺃﻩ .
ﺑﺤﺮﻛﻪ ﺳﺮﻳﻌﻪ ﺷﺎﻝ ﺍﻟﻘﻮﻃﻴﻪ ﻣﺎﻝ ﺍﻟﻤﺮﻃﺐ ﻭﺿﺮﺑﻨﻲ ﺑﻴﻬﻪ ﺇﺟﺘﻲ ﺑﺮﺍﺳﻲ
ﻋﻄﺖ ﺑﺼﻮﺕ ﻋﺎﻟﻲ ﻭﻟﺰﻣﺖ ﻣﻜﺎﻥ ﺍﻟﻀﺮﺑﻪ .. ﺑﻘﻴﺖ ﺍﺑﭽﻲ ﻷﻥ ﺃﺫﺗﻨﻲ ﻭﻫﻮَ ﻓﺎﻗﺪ ..
ﺑﭽﻴﺖ ﻣﻦ ﺍﻷﻟﻢ ﻭﺑﭽﻴﺖ ﻋﻠﻰ ﺣﺎﻟﺘﻪ ﻭﺷﺼﺎﺭ ﺑﻴﻪ !!
ﺁﺧﺮ ﺷﻲ ﺗﻌﺐ ﻭﺇﻧﻬﺪ ﺣﻴﻠﻪ ﻛﺮﻓﺺ ﺑﺎﻟﮕﺎﻉ ﻭﺇﻳﺪﻳﻪ ﻋﻠﻰ ﺭﺍﺳﻪ ﻭﻳﻀﺮﺏ ﺧﻔﻴﻒ ﻋﻠﻰ ﺭﺍﺳﻪ ..
ﻭﺟﻬﻪ ﺃﺣﻤﺮﺭﺭ ﻭﻋﻴﻮﻧﻪ ﺩﻡ !!
ﻻﺣﻈﺖ ﺩﻣﻌﺎﺕ ﻃﻔﻴﻔﻪ ﻋﻠﻰ ﻭﺟﻨﺎﺗﻪ !
ﻟﺰﻡ ﺭﺍﺳﻪ ﻗﻮﻱ ﻭﻳﻌﺼﺮ ﺑﻴﻪ ﻭﻳﻬﻤﺲ
- ﺗﻌﺒﺒﺒﺒﺘﺘﺘﺖ ﺇﻳﭭﺎﻥ ﺗﻌﺒﺒﺘﺘﺖ ﻛﻞ ﺟﺴﻤﻲ ﻳﺄﺫﻳﻨﻲ ﻣﺎﺍﻣﻮﺕ ﻭﺍﺧﻠﺺ
ﺭﻛﻀﺖ ﻋﻠﻴﻪ ﺍﻫﺪﺃ ﺑﻴﻪ ﻭﺍﺑﭽﻲ ﻭﻳﺎﻩ
- ﺻﻔﺎﺀ ﻫـٰﺬﺍ ﺍﻛﻴﺪ ﺳﺤﺮ ﺍﻣﻚ
ﻋﺎﻁ ﺑﻴﻪ ﺑﺼﻮﺕ ﻋﺎﻟﻲ ﻓﺰﺯﻧﻲ ﻭﺧﻼﻧﻲ ﺍﺭﺟﻊ ﻟﻮﺭﻩ ﺧﻄﻮﺗﻴﻦ ﻣﻦ ﺻﻼﺑﺔ ﺻﻮﺗﻪ
- ﻟﺠﺠﺞ ﻳﺎﺍﺍﺳﺴﺤﺤﺮﺭ ﺁﻧﻲ ﺗﻌﺒﺒﺒﺎﺍﺍﻥ ﺗﻌﺮﻓﻴﻦ ﺷﻨﻮﻭﻭ ﺗﻌﺒﺎﺍﺍﻥ
- ﺍﻱ ﻭﻣﻨﻴﻦ ﺗﻌﺒﺎﻥ ﻏﻴﺮ ﻣﻦ ﺍﻟﺴﺤﺮ ﺍﺫﺍ ﺍﻧﺖَ ﺷﻐﻠﻚ ﻛﻠﻪ ﺑﺎﻟﺴﻴﺎﺭﻩ ﻭﻣﻴﺘﻌﺐ ﺑﻌﺪ ﺷـﻨﻮ ﺍﻟﻤﺘﻌﺒﻚ ﻏﻴﺮ ﺳﺤﻮﺭﺗﻬﻦ
- ﻛﺎﺍﺍﻓﻴﻲ ﻭﺍﻟﻠﻪ ﺇﺫﺍ ﻏﻠﻄﺘﻲ ﺑﺤﺮﻑ ﻫﺴﻪ ﺍﺟﻨﺰﺝ ﻫﻨﺎ
- ﻻ ﻭﺍﻟﻠﻪ؟؟
ﺁﻧﻲ ﮔﻠﺖ ﻛﻠﻤﺘﻲ ﻭﻫﻮَ ﺭﻛﺾ ﻋﻠﻴﻪ ﻣﺘﺤﺎﻣﻲ ﻋﺘﻨﻲ ﻣﻦ ﺷﻌﺮﻱ ﺣﻴﻞ ﻭﺿﺮﺑﻨﻲ ﺭﺍﺷﺪﻱ ﻗﻮﻱ ﺻﺎﺭﺕ ﺳﻮﻟﺘﻪ ﺑﺸﻌﺮﻱ ﻛﻞ ﻛﻠﻤﻪ ﻭﻃﻔﺮ ﻟﺰﻣﻨﻲ ﻣﻨﻪ !!
ﺑﻘﻴﺖ ﺍﺑﭽﻲ ﻭﺩﻓﻌﺘﻪ ﻭﻋﻴﻄﺖ ﺑﻜﻞ ﺻﻮﺗﻲ
- ﻭﺧﺮﺭﺭ ﻋﻨﻲ ﻣﺎﺍﺗﺤﻤﻠﻠﻚ ﻋﻮﻭﻓﻨﻲ ﺍﺭﻳﺪ ﺍﺭﻭﺡ ﻻﺍﻫﻠﻲ ﻋﻮﻭﻓﻨﻨﻴﻴﻲ
- ﻣﻮ ﺑﻜﻴﻔﺞ ﺗﻄﻠﻌﻴﻦ
- ﻻ ﻭﺍﻟﻠﻪ ﺑﻜﻴﻴﻴﻔﻴﻴﻲ
ﻟﻤﻴﺖ ﻣﻼﺑﺴﻲ ﺑﺴﺮﻋﻪ ﺣﻄﻴﺘﻬﻦ ﺑﺠﻨﻄﻪ ﺻﻐﻴﺮﻩ ﻭﻟﺒﺴﺖ ﺷﺎﻝ ﻭﻋﺒﺎﻩ ﺍﻭﻝ ﻣﺎﺗﺤﺮﻛﺖ ﺧﻄﻮﻩ ﺭﻛﺾ ﻟﺰﻡ ﺍﻟﺒﺎﺏ ﻧﺘﺮﺕ ﺑﻴﻪ
- ﻭﺧﺮﺭﺭﺭﺭ
- ﻣﺎﺍﻭﺧﺮﺭ ﻣﻮ ﺑﻜﻴﻔﺞ ﺗﻄﻠﻌﻴﻦ
- ﻟﻚ ﻭﻭﺧﺮ ﺧﻞ ﺍﺭﻭﺡ ﻻﺍﻫﻠﻲ ﺍﻧﺖَ ﻣﺘﻨﻄﺎﻕ ﻣﺎﭼﻨﺖ ﻫﻴﺞ ﺍﺑﺪﺩ ﺗﻐﻴﺮﺕ ﻋﻠﻴﻪ ﻣﺎﺍﺭﺭﺭﻳﻴﺪﺩﺩﻙ
- ﻟﻴـﺶ ﻫﻲَ ﺑﻜﻴﻔﺞ ﺷﻮﻛﺖ ﺗﺮﺩﻳﻦ ﻭﺷﻮﻛﺖ ﺗﺮﻓﻀﻴﻦ
- ﺍﻱ ﺑﻜﻴﻔﻴﻴﻴﻲ ﺑﻜﻴﻴﻴﻔﻔﻴﻲ ﺣﻴﺎﺍﺗﻲ ﻭﺍﻧﻲ ﺣﺮﺭﺭﻩ
- ﻣﻮﻭ ﺑﻜﻴﻴﻔﺠﺠﺞ ﻭﻃﻠﻌﻪ ﻣﺎﺍﺍﻛﻮ
ﺑﻘﻴﺖ ﺍﺗﻌﺎﺭﻙ ﻭﻳﺎﻩ ﻭﺍﺩﻓﻊ ﺑﻴﻪ ﺍﻭﺧﺮﻩ ﻋﻦ ﺍﻟﺒﺎﺏ ﻣﺎﻳﻨﺪﻓﻊ ﺑﻘﻴﺖ ﺍﺿﺮﺏ ﺑﻴﻪ ﻋﻠﻰ ﺻﺪﺭﻩ ﻭﺍﻋﻴﻂ
- ﻭﺧﺮﺭﺭ ﻭﻭﺧﺮﺭﺭ
ﻫﻤﺲ ﺑﻘﻬﺮ
- ﺍﺧﺨﺦ ﻟﭻ ﺗﻌﺒﺎﺍﻥ ﻟﺘﻀﺮﺑﺒﻴﻦ
ﻗﻴﺪ ﺣﺮﻛﺔ ﺇﻳﺪﻳﻪ ﻭﺳﺤﺒﻨﻲ ﻟﺤﻀﻨﻪ ﺑﻘﻴﺖ ﺍﺩﻓﻊ ﺑﻴﻪ ﻭﺍﺣﺎﻭﻝ ﺍﺧﻠﺺ ﻧﻔﺴﻲ ﻣﻨﻪ
- ﻟﻚ ﻭﺧﺮﺭﺭﺭ ﻭﺧﺮﺭﺭﺭ ﻣﺎﺍﺭﻳﻴﻴﺪﺩﺩﻙ ﻭﺧﺨﺮﺭ
ﺳﺤﺐ ﻧﻔﺲ ﻭﺣﺮﻛﺘﻪ ﻣﻘﻴﺪﺗﻨﻲ
- ﻟﭻ ﺗﻌﺒﺎﻥ ﺍﺣﺲ ﻧﻔﺴﻲ ﺭﺍﺡ ﺍﻣﻮﺕ ﻟﻴﺶ ﻣﺎﺗﻮﮔﻔﻴﻦ ﻭﻳﺎﻱ ﺩﺍﻓﻘﺪ ﻭﻣﺎﺍﺩﺭﻱ ﺑﺮﻭﺣﻲ ﺷﺄﺳﻮﻱ ﻭﺍﻧﺖِ ﺻﺎﻳﺮﻩ ﺿﺪﻱ !!
ﺍﺻﺒﺮﻱ ﻭﻳﺎﻱ ﺑﺲ ﻫﺎﻟﻔﺘﺮﻩ ﻭﺍﻥ ﺷﺎﺀ ﺍﻟﻠﻪ ﺗﺨﻠﺺ ﺳﻼﻣﺎﺕ ﺑﺲ ﺧﻞ ﺍﮔﻮﻡ ﻋﻠﻰ ﺣﻴﻠﻲ ﺍﺣﺲ ﺟﺴﻤﻲ ﻣﻬﺸﻢ ﻛﻞ ﻋﻈﻢ ﺑﻴﻪ ﺍﺣﺴﻪ ﻣﻜﺴﻮﺭ ﺍﻵﻵﻡ ﺗﻄﺤﻦ ﺑﺠﺴﻤﻲ ﻭﺍﻻﺣﻼﻡ ﺗﺎﻛﻞ ﺑﺮﺍﺳﻲ ﻭﺇﻧﺖِ ﻣﺎﺟﺎﻱ ﺗﺴﺎﻋﺪﻳﻨﻲ .. ﺻﺎﺭ ﻣﺮﺗﻴﻦ ﺍﻓﻘﺪ ﻭﻣﺎﺍﺩﺭﻱ ﺑﻨﻔﺴﻲ ﺷﺄﺳﻮﻱ ﻣﻦ ﺍﺗﺬﻛﺮ ﺷﺼﺎﺭ ﺍﮔﻮﻝ ﻣﻌﻘﻮﻟﻪ ﻫﻴﺞ ﺳﻮﻳﺖ؟؟
ﺭﻓﻌﺖ ﺭﺍﺳﻲ ﻋﻠﻴﻪ ﻭﻋﻴﻮﻧﻲ ﺗﺮﺵ ﻋﻠﻰ ﻛﻼﻣﻪ ﺍﺭﻳﺪ ﺍﺳﻜﺖ ﻣﺎﻛﻮ
ﻫﻤﺲ ﺑﺨﻮﻑ ﻭﻗﻬﺮ
- ﺻﻔﺎﺀ ﺷﺒﻴﻴﻜﻚ؟
- ﺇﻳﭭﺎﻥ ﺩﺍﻣﻮﺕ !!!!
ﻋﺼﺮﺕ ﻗﻤﻴﺼﻪ ﻭﺩﻓﻨﺖ ﺭﺍﺳﻲ ﻋﻠﻰ ﺻﺪﺭﻩ ﻭﺑﭽﻴﺖ ﺑﺼﻮﺕ ﻋﺎﻟﻲ ﻭﺍﺷﻬﮓ
- ﻻ ﺻﻔﺎﺀ ﻓـﺪﻭﻩ ﻟﺘﮕﻮﻝ ﻫﻴﭻ ﺍﻣﻮﺕ ﻭﺭﺍﻙ ﻭﺍﻟﻠﻪ ﻟﺘﻔﺎﻭﻝ ﻋﻠﻰ ﻧﻔﺴﻚ
- ﻫﺎﻱ ﺍﻟﺤﺎﻟﻪ ﻣﻮ ﺍﻭﻝ ﻣﺮﻩ ﺗﺼﻴﺮ ﺑﻴﻪ ﻟﺘﻌﻮﻓﻴﻨﻲ ﺇﻳﭭﺎﻥ ﻣﺤﺘﺎﺟﺞ ﻭﻣﻦ ﺍﻓﻘﺪ ﻻﺗﺘﻘﺮﺑﻴﻦ ﻳﻤﻲ ﺍﺧﺎﻑ ﺃﺃﺫﻳﭻ
- ﻣﺎﺍﻋﻮﻓﻚ ﻟﻮ ﺃﻣﻮﺕ
- ﻭﻋﺪﺩ ؟؟
- ﺍﻱ ﻭﻋﺪ
- ﺍﺧﺨﺦ
ﻋﺼﺮﻧﻲ ﺑﺤﻀﻨﻪ ﺣﻴﻞ ﻭﻳﺘﺤﺴﺮ ﻭﻳﺰﻓﺮ ﺍﻧﻔﺎﺳﻪ ﺑﺤﺮﮔﻪ ﻭﻗﻠﻖ ﻭﺣﻴﺮﻩ ﻭﺃﻟﻢ ﺗﻌﺐ ﻭﺗﻌﺒﻨﻲ ﻭﻳﺎﻩ .
ﻻﺯﻡ ﺍﺗﺤﻤﻞ ﻭﺍﺻﺒﺮ ﻻﻥ ﺍﻟﺼﺒﺮ ﻣﻔﺘﺎﺡ ﺍﻟﻔﺮﺝ .
ﻭﺩﺍﺋﻤﺎً ﺃﺭﺩﺩ ﻋﺒﺎﺭﺓ ‏( ﺍﻟﻤﺆﻣﻦ ﻣُﺒﺘﻠﻰ ‏)
ﺫﻧﻲ ﺍﻟﻌﺒﺎﺭﺗﻴﻦ ﻣﺎﺗﺮﻛﺘﻬﻦ ﻭﺍﺭﺩﺩ ﺑﻴﻬﻦ ﻭﻛﻠﻤﺎ ﺗﺼﻴﺒﻨﻲ ﺣﺎﻟﺔ ﻳﺄﺱ ﺍﺗﺬﻛﺮﻫﻦ ﻭﺍﺗﺬﻛﺮ ﺭﺏ ﺍﻟﻌﺎﻟﻤﻴﻦ ﺍﻗﻮﻯ ﻣﻦ ﺳﺤﻮﺭﺗﻬﻦ ..
ﻭﻋﺪﺕ ﻧﻔﺴﻲ ﻣﺎﺍﺑﭽﻲ ﺑﻌﺪ ﻻﻥ ﺭﺑﻲ ﺍﻗﻮﻯ .
ﻃﺒﺨﺖ ﺍﻻﻛﻞ ﻭﺻﺤﺘﻪ ﮔﻌﺪ ﺃﻛﻞ ﺗﺤﺖ ﺍﻧﻈﺎﺭﻱ ﻭﺍﻟﺨﻮﻑ ﻭﺍﻟﻘﻠﻖ ﻳﻨﻬﺶ ﺑﻴﻪ ﻧﻬﺶ .
ﺍﻛﻞ ﻭﺻﺒﻴﺖ ﺍﻟﭽﺎﻱ ﺷﺮﺑﻪ ﻭﺳﺎﻛﺖ ﻭﻫﺎﺩﺉ .
ﺑﻘﻴﻨﺎ ﻧﺴﻮﻟﻒ ﻉ ﺍﻟﻄﺎﻭﻟﻪ ﻣﺎﻝ ﺍﻟﻄﻌﺎﻡ ﻭﺍﺧﻴﺮﺍً ﻛﺪﺭﺕ ﺍﺳﺘﺮﺟﻊ ﺿﺤﻜﺘﻪ ﻭﺁﻧﻲ ﺍﺫﻛﺮﻩ ﺑﺄﻳﺎﻡ ﻗﺒﻞ ﻭﺿﺤﻜﻨﺎ ﻭﻫﻮَ ﻳﻀﺤﻚ ﻣﻦ ﺃﻋﻤﺎﻗﻪ ..
ﻫﻴﺞ ﺩﻗﺎﻳﻖ ﻣﻌﺪﻭﺩﻩ ﻭﺭﻛﺾ ﻟﻠﺤﻤﺎﻡ ﺫﺏ ﺍﻻﻛﻠﻪ ﻛﻠﻪ ..
ﺻﺤﺖ ﺑﺼﻮﺕ
‏( ﺍﺧﺨﺨﺦ ﻳﺎﻟﻠﻪ ﻓﺪﻭﻩ ﺍﻧﻈﺮﻟﻨﻪ ﺑﻌﻴﻨﻚ ﺍﻟﻤﺎﺗﻨﺎﻡ ‏)
ﮔﻤﺖ ﻗﺮﻳﺖ ﺳﻮﺭﺓ ﺍﻟﻤﻠﻚ ﻟﻠﺤﻔﻆ ﻭﻃﮕﻄﮕﺖ ﻭﺭﻕ ﻏﺎﺭ ﻭﺣﺮﻣﻞ ﻭﻋﻠﭻ ﻣﺮ ‏( ﻟﺒﺎﻥ ﺍﻟﺬﻛﺮ ‏)
ﻭﺑﻘﻴﺖ ﺍﻓﺘﺮ ﺑﺎﻟﺸﻘﻪ ﻫﻮَ ﺷﺎﻓﻨﻲ ﻭﮔﻠﺐ ﺍﻻﻣﻪ ﻋﻠﻰ ﺭﺍﺳﻲ
- ﻟﺞ ﻃﻔﻴﻴﻴﻲ ﻃﻔﻴﻴﻲ
- ﺷﺒﻴﻚ
- ﻃﻔﻔﻴﻴﻴﻲ
ﺍﺧﺬ ﺍﻟﻤﺒﺨﺮﻩ ﻭﺭﮔﻌﻬﺎ ﺑﺎﻟﺤﺎﻳﻂ ﻭﺍﻟﻔﺤﻢ ﺗﻄﺸﺮ ﻛﻠﻪ ﺑﺎﻟﮕﺎﻉ ﺑﺤﻴﺚ ﻭﺻﻞ ﻟﻠﻔﺮﺷﻪ ﺍﻻﺭﺿﻴﻪ ﺍﻟﻴﻢ ﺍﻟﺒﺎﺏ .. ﺇﺣﺘﺮﮔﺖ ﻭﺭﻛﻀﺖ ﻋﻠﻴﻬﻪ ﻃﻔﻴﺘﻬﻪ ﺑﻤﻲ ﻭﻫﻮَ ﺑﻘﻰ ﺑﺲ ﻳﻜﺴﺮ ﺑﺎﻟﻤﺒﺨﺮﻩ !!
ﺑﻘﻴﺖ ﺻﺎﻓﻨﻪ ﻋﻠﻴﻪ ﻭﻣﺎﺍﺗﻘﺮﺏ ﻳﻤﻪ ﻣﺜﻞ ﻣﺎﻧﺼﺤﻨﻲ ﻻﻥ ﺍﺧﺎﻑ ﻳﻜﺴﺮﻫﻪ ﺑﺮﺍﺳﻲ .
ﺑﻘﻰ ﻋﻠﻰ ﻫﺎﻟﺤﺎﻟﻪ ﺩﻗﺎﻳﻖ ﻭﻛﺎﻟﻌﺎﺩﻩ ﻫﻠﻚ ﻭﻛﺮﻓﺺ !!
ﺻﺎﺭ ﺷﻲ ﻋﺎﺩﻱ ﻋﻨﺪﻱ ﺑﺤﻴﺚ ﻣﺎﺑﭽﻴﺖ ﻫﺎﻟﻤﺮﻩ ﺍﺣﺲ ﻧﻔﺴﻲ ﺗﻘﻮﻳﺖ ﺍﻛﺜﺮ ﻗﺮﺍﺀﺓ ﺍﻟﻘﺮﺁﻥ ﻭﺍﻻﺩﻋﻴﻪ ﻗﻮﺗﻨﻲ ..
ﺧﻠﻴﺘﻪ ﻳﻬﺪﺃ ﻭﺟﺒﺘﻠﻪ ﻣـﻲ ﻭﻛﻮﻣﺘﻪ ﻏﺴﻠﺖ ﻭﺟﻬﻪ ﺑﺈﻳﺪﻱ ﻭﻧﺸﻔﺘﻠﻪ ﻭﻫﻮَ ﻓﺎﻗﺪ ﻣﺜﻞ ﺍﻟﺪُﻣﻴﻪ ﺍﺣﺮﻙ ﺑﻴﻪ ﺑﻜﻴﻔﻲ ..
ﻧﻮﻣﺘﻪ ﻉ ﺍﻟﭽﺮﺑﺎﻳﻪ ﻭﻏﻄﻴﺘﻪ .
ﺣﻄﻴﺖ ﺇﻳﺪﻱ ﻋﻠﻰ ﺧﺪﻱ ﻭﺍﻓﻜﺮ ﺇﻟﻰ ﻣﺘﻰٰ؟ ﺇﻟﻰ ﻣﺘﻰ ﻳﺒﻘﻰ ﻫﻴﭻ ﻻﻳﻘﺒﻞ ﻳﻌﺎﻟﺞ ﻭﻻﻳﻘﺒﻞ ﻳﺸﻮﻑ ﻟﺮﻭﺣﻪ ﭼﺎﺭﻩ ﻧﺰﻟﺖ ﺩﻣﻌﺘﻲ ﻋﻠﻰ ﺇﻳﺪﻱ ﻭﺑﻠﻠﺖ ﺭﻣﻮﺷﻲ ﻭﺧﺪﻭﺩﻱ ..
ﺑﺲ ﺗﺬﻛﺮﺕ ﻭﻋﺪﻱ ﻣﺴﺤﺖ ﺩﻣﻮﻋﻲ ﻉ ﺍﻟﺴﺮﻳﻊ ﻭﺟﺒﺖ ﻣﻮﺑﺎﻳﻠﻲ ﻃﻠﻌﺖ ﺑﻴﺞ ﻉ ﺍﻻﻧﺴﺘﺎ ﻳﺒﻴﻌﻮﻥ ﺗﺤﻔﻴﺎﺕ ﻭﺫﻧﻲ ﺍﻟﺴﻮﺍﻟﻒ ..
ﻃﻠﺒﺖ ﺳﻮﺭﻩ ﻗﺮﺁﻧﻴﻪ ﻭﮔﺘﻠﻬﻢ 3 ﺃﺭﻳﺪ .
ﺛﺎﻧﻲ ﻳﻮﻡ ﺍﻟﻌﺼﺮ ﻭﺻﻠﻦ ﺍﻟﻄﻠﺒﻴﺎﺕ
ﺍﺧﺬﺕ ﺍﻟﺴﻮﺭ ﻭﻋﻠﮕﺖ ﻭﺣﺪﻩ ﺑﺎﻟﻐﺮﻓﻪ ﻭﻭﺣﺪﻩ ﺑﺎﻟﺼﺎﻟﻪ ﻭﻭﺣﺪﻩ ﺑﺎﻟﻤﻄﺒﺦ ﺣﺘﻰ ﻭﻳﻦ ﻣﺎﺍﺭﻭﺡ ﺍﺷﻮﻓﻬﻢ ﻭﺍﺻﺒﺮ ﭼﺎﻧﺖ ﺍﻵﻳﺎﺕ
- ‏( ﻭﺇﺻَﺒﺮْ ﻋﻠَﻰ ﻣﺎﺃﺻـﺎﺑﻚَ ‏)
- ‏( ﻭﻟِﺌﻦْ ﺻﺒَﺮﺗﻢ ﻟِﻬﻮ ﺧﻴَﺮٌ ﻟﻠـﺼﺎﺑﺮﻳﻦْ ‏)
- ‏( ﻳﺎﺃﻳﻬـَﺎ ﺍﻟﺬﻳﻦَ ﺀﺁﻣﻨْﻮﺍ ﺇﺳﺘﻌـﻴﻨﻮﺍ ﺑﺎﻟﺼﺒﺮِ ﺇﻥ ﺍﻟﻠﻪ َ ﻣﻊَ ﺍﻟﺼﺎﺑﺮﻳـﻦ ‏)
ﺻﺪﻕ ﺍﻟﻠﻪ ﺍﻟﻌﻈﻴﻢ
ﺑﻘﻴﺖ ﺍﺗﺎﻣﻞ ﺑﺎﻟﺴﻮﺭ ﻭﺃﺑﺘﺴﻢ ﺷﻜﻠﻬﻦ ﻛﻠﺶ ﺣﻠﻮ ﻣﺰﺧﺮﻓﻴﻬﻦ ﺑﻮﺭﺩ ﻧﺎﻋﻢ ﻭﺧﺎﻃﻴﻨﻬﻦ ﺑﺨﻂ ﺫﻫﺒﻲ ﻭﻓﻀﻲ ﻳﻮﺣﻲ ﺟﻤﺎﻝ ﺍﻟﺘﺄﻣﻞ
ﮔﻤﺖ ﻛﻠﻤﺎ ﺗﺼﻴﺒﻨﻲ ﺣﺎﻟﺔ ﻳﺄﺱ ﺍﺭﻛﺾ ﺍﺗﺎﻣﻞ ﺍﻟﺴﻮﺭ ﻭﻳﺠﻴﻨﻲ ﻭﺍﻫﺴﺲ ﭼﺒﻴﺮ ﻭﺻﺒﺮﺭ ﻭﺍﺗﺬﻛﺮ ﻗﻮﺓ ﺭﺏ ﺍﻟﻌﺎﻟﻤﻴﻦ ﺍﻟﺤﻤﺪ ﻟﻠﻪ ﺭﺑﻲ ﻋﻠﻰ ﻛﻞ ﺣﺎﻝ .
....
ﻃﻠﻊ ﺻﻔﺎﺀ ﻟﻠﺸﻐﻞ ﻭﺑﻘﻴﺖ ﺍﻃﺒﺦ ﻭﺍﺣﻀﺮ ﻭﺫﻧﻲ ﺍﻟﺴﺤﺎﺭﺍﺕ ﻣﺎﻭﺻﻠﻦ ﺑﻌﺪ ﻻﻥ ﻳﺪﺭﻥ ﺑﺸﻐﻠﻬﻦ ﺍﺧﺬ ﻣﻔﻌﻮﻟﻪ ﺷﻴﺴﻮﻥ ﺟﺎﻳﺎﺕ ﺳﺤﺮﻫﻦ ﻭﺫﺑﻨﻪ ﻭﺭﺍﺣﻦ ﻭﺁﻧﻲ ﻫﻢ ﻣﺎﺍﻧﺰﻝ ﻻﻥ ﻛﺎﺭﻫﻪ ﺭﻭﺣﻲ ﻭﻛﺎﺭﻫﻪ ﺍﻟﺒﻴﺖ ﻛﻠﻪ .
ﺍﻟﻴﻮﻡ ﺇﺟﻪ ﺻﻔﺎﺀ ﻣﻦ ﻭﻛﺖ ﮔﺎﻝ
- ﺍﺑﻮﻱ ﻋﺎﺯﻣﻨﻪ ﻉ ﺍﻟﻐﺪﺍ
ﻃﻔﺮﺕ ﺑﺴﺮﻋﻪ ﻛﺘﻠﻪ
- ﻣﺎﻧﺮﻭﺡ ﻣﺎﻧﺮﻭﺡ
- ﺷﻨـﻮ ﺑﻜﻴﻔﺞ ﻣﺎﻧﺮﻭﺡ ﻓﻮﺗﻲ ﺑﺪﻟﻲ ﺧﻞ ﻧﻮﺡ ﻧﺘﻐﺪﻩ
- ﺻﻔﺎﺀ ﻃﺎﺑﺨﻪ ﻏﺪﺍ ﺷﻨـﻮ ﻣﺎﻋﺪﻧﻪ ﺣﺘﻰ ﻧﺘﻐﺪﺍ ﻋﺪﻫﻢ
- ﺩﺍﮔﻮﻝ ﻋﺎﺯﻣﻨﻨﻨﻨﻪ ﻭﻫﺴﻪ ﻧﻨﺰﻝ
- ﺍﻧﺰﻝ ﮔﻠﻪ ﻣﺎﻧﻜﺪﺭ ﻧﺠﻲ ﻭﺍﻋﺘﺬﺭ ﻗﺎﺑﻞ ﻳﺮﺍﺩﻟﻬﻪ ﻭﻗﺖ ﻟﻮ ﻣﻌﺠﺰﻩ
- ﻣﺎﺍﮔﺪﺭ !!
ﺻﻔﻨﺖ ﺑﻮﺟﻬﻪ ﻭﺗﺬﻛﺮﺕ ﻛﻠﻤﺔ ﻋﺒﺎﺱ ﻣﻦ ﻛﺎﻝ ﻳﺨﺎﻑ ﺧﻮﻓﺔ ﺍﻟﺤﻴﻪ ﻣﻦ ﺍﺑﻮﻩ ﻭﺁﻧﻲ ﺍﻟﻐﺒﻴﻪ ﻣﺎﺻﺪﮔﺖ !!
ﻛﺘﻠﻪ ﺑﺈﺳﺘﻬﺰﺍﺀ
- ﺗﺨﺎﻑ؟؟
- ﻟﺞ ﺷﻨـﻮﻭ ﺍﺧﺎﻑ؟؟؟ ﻣﺎﺍﺧﺎﻑ ﺑﺲ ﻣﻦ ﺍﻟﺨﻠﻘﻨﻲ ﺑﺲ ﻻﻥ ﺍﺑﻮﻱ ﻋﺰﻣﻨﻲ ﻗﺎﺑﻞ ﺍﺭﺩﻩ؟؟
- ﺭﻭﺡ ﻭﺣﺪﻙ ﺁﻧﻲ ﻣﺎﺍﺟﻲ ﺍﺧﺎﻑ ﻋﻠﻰ ﻧﻔﺴﻲ
- ﺇﻳﻴﻴﻴﭭﭭﭭﭭﺎﺍﺍﺍﻥ
ﺩﺭﺕ ﻭﺟﻬﻲ ﻋﻨﻪ ﻭﻃﻨﺸﺘﻪ ﮔﺎﻝ ﺑﻌﻴﺎﻁ ﻭﻭﺟﻬﻪ ﺍﺣﻤﺮ ﻣﻦ ﺍﻟﻌﺼﺒﻴﻪ
- ﺑﺎﻋﻲ ﺍﻟﺞ ﺭﺑﻊ ﺳﺎﻋﻪ ﺍﻟﮕﺎﭺ ﺣﺎﺿﺮﻩ ﻋﻠﻤﺎ ﺍﺑﺪﻝ ﻭﺍﺭﺭﺟﻊ
ﺳﻜﺘﺖ //..
ﻋﺎﻁ
- ﻣﻔﻬﻮﻭﻭﻭﻭﻡ؟
ﻧﺘﺮﺕ ﺑﻴﻪ ﺑﺼﻮﺕ ﻋﺎﻟﻲ
- ﺍﻱ ﺍﻱ ﻓﻬﻤﺖ ﻓﻬﻤﺖ
ﺭﺧﺖ ﻟﺒﺴﺖ ﺻﺎﻳﻪ ﻓﻀﻔﺎﺿﻪ ﻭﺷﺎﻝ ﺷﻤﺮﺗﻪ ﻋﻠﻰ ﺭﺍﺳﻲ ﻭﻭﮔﻔﺖ ﻣﻨﺘﻈﺮﺗﻪ ﻛﻤﻞ ﺗﺒﺪﻳﻞ ﻭﻧﺰﻟﻨﺎ ..
ﭼﺎﻧﻮﺍ ﻳﺤﻀﺮﻭﻥ ﻟﻠﻐﺪﺍ .
ﺍﻭﻝ ﻣﺎﺩﺧﻠﻨﺎ ﻟﮕﺘﻨﻪ ﻣﻦ ﺍﻡ ﺣﻴﺪﺭ ﺑﺎﻟﺘﺮﺣﻴﺐ ﻭﺍﻻﺳﺘﻘﺒﺎﻻﺕ ﻭﻋﻴﻮﻧﻲ ﻭﻋﻴﻮﻧﻲ ﻭﻛﻠﺒﻲ ﻭﺣﻴﺎﺗﻲ ..
ﻣﻦ ﺣﻄﺖ ﺍﻟﺴﺤﺮ ﻣﺎﺻﺎﺭﻥ ﻋﻴﻮﻧﻬﻪ
ﺣﻀﺮﺕ ﺍﻟﻐﺪﺍ ﻭﻳﺎﻫﻦ ﺧﺎﻑ ﻳﺤﻄﻦ ﺷﻲ ﻭﺍﻧﻲ ﻗﺪﻣﺖ ﺍﻟﻨﻮﺍﻋﻴﻦ ﺑﻨﻔﺴﻲ .. ﺭﻏﻢ ﻫـٰﺬﺍ ﺑﺲ ﮔﻠﺒﻲ ﻣﺎﻣﺄﻣﻦ ﻭﻳﻠﻌﺐ ﺍﻟﻨﻮﺏ ﻣﻦ ﻃﺎﺑﺨﻪ ﺣﺎﻃﺘﻪ ﻗﺎﺑﻞ ﺗﺨﻔﻰ ﻋﻠﻴﻬﻪ ..
ﮔﻌﺪﻧﺎ ﻧﺘﻐﺪﺍ ﻭﻫﻮَ ﻛﺎﻋﺪ ﻳﻤﻲ ﻭﺁﻧﻲ ﻣﺎﺍﻛﻞ ﺷﻠﻮﻥ ﺑﻴﻪ ﺍﻟﻨﻮﺏ ﺣﺎﻃﺎﺗﻠﻲ ﺑﻴﻪ ﺷﻲ ﻻﻥ ﻣﺎﺍﺛﻖ ﺑﻴﻬﻦ ..
ﻧﺪﺳﻨﻲ ﻭﮔﺎﻝ ‏( ﺍﻛﻠﻲ ﺷﺒﻴﺞ ﺻﺎﻓﻨﻪ؟؟ ‏)
- ﻣﺎﺍﺷﺘﻬﻲ ﻗﺒﻞ ﻻﺗﺮﺟﻊ ﻣﺎﻛﻠﻪ
- ﻻ ﺍﻛﻠﻲ
ﺑﻘﻰ ﻳﺠﻴﺐ ﻭﻳﺤﻂ ﻛﺪﺍﻣﻲ ﻭﺁﻧﻲ ﻋﻠﻰ ﺃﻋﺼﺎﺑﻲ ﻛﺎﻋﺪﻩ ﻭﻣﺘﺤﻤﻠﻪ ﻫـٰﺬﺍ ﻛﻠﻪ ﺍﺣﺲ ﻧﻔﺴﻲ ﺍﺭﻳﺪ ﺃﮔﻮﻡ ﺍﻗﺘﻠﻬﻢ ﻛﻠﻬﻢ ﺣﻴﺎﺗﻨﻪ ﺗﺪﻣﺮﺕ ﺑﺴﺒﺒﻬﻢ ﻭﺍﻟﺴﺒﺐ ﺍﻟﺮﺋﻴﺴﻲ ﺻﻔﺎﺀ ﻣﻦ ﮔﺘﻠﻪ ﺧﻞ ﻧﻌﻴﺶ ﺑﺒﻴﺖ ﺟﺪﻭ ﮔﺎﻝ ﻻ ﻧﺜﻘﻞ ﻋﻠﻴﻬﻢ ﻭﺗﺪﻟﻠﻴﻨﻲ ﺍﻛﺜﺮ ﺍﺫ ﻭﺣﺪﻧﺎ !!
ﻫﺴﻪ ﻓﺎﺩﻧﺎ ﺍﻟﺪﻻﻝ ﻫﺎﻱ ﺗﺎﻟﻴﻬﻪ !!
ﺇﺑﻮﻩ ﻃﻮﻝ ﺍﻟﮕﻌﺪﻩ ﻳﺨﻮﺯﺭ ﺑﻴﻪ ﻭﻳﺮﻓﻊ ﺑﺤﻮﺍﺟﺒﻪ ﻭﻧﻈﺮﺍﺕ ﺇﺷﻤﺌﺰﺍﺯ ﻣﺪﺭﻱ ﺍﺳﺘﻬﺰﺍﺀ ﻣﺎﻛﺪﺭﺕ ﺍﻓﺴﺮﻫﻪ ﻧﻈﺮﺍﺗﻪ !!..
ﮔﻤﺖ ﻣﺎﺍﺭﻓﻊ ﺭﺍﺳﻲ ﻋﻦ ﺍﻻﻛﻞ ﺧﺎﻑ ﺍﻟﮕﺎﻩ ﺧﺎﺭﺯﻧﻲ ..
ﺧﻠﺼﺖ ﺍﻭﻝ ﻭﺣﺪﻩ ﺑﺲ ﺍﺭﻳﺪ ﺍﺭﺟﻊ ﻟﻠﺒﻴﺖ ﻭﺻﻔﺎﺀ ﻻﻃﺶ .
ﮔﻌﺪ ﻭﻳﺎﻫﻢ ﺷﺮﺑﻮﺍ ﭼﺎﻱ ﻭﺩﻙ ﺳﻮﺍﻟﻒ ..بيج قصص عراقيه حقيقيه من واقعنا.روعه الطائي
ﻫﻤﺴﺘﻠﻪ ‏( ﺻﻔﺎﺀ ﻧﻌﺴﺖ ﺧﻞ ﻧﺮﺟﻊ ‏)
- ﺍﻱ ﺍﻱ ﺷﻮﻳﻪ .
ﺑﻘﻰ ﺑﺎﻟﺴﺎﻋﺘﻴﻦ ﻳﺴﻮﻟﻒ ﻛﻠﺴﺎﻉ ﺍﮔﺮﺻﻪ ﺑﻜﻮﻋﻪ ﻭﻫﻮَ ﻣﻨﻄﻠﻖ ﻭﻳﻀﺤﻚ ﻭﺑﺲ ﻳﺼﻌﺪ ﻟﻠﺸﻘﻪ ﺗﺠﻴﻪ ﺍﻟﺤﺎﻟﻪ !!..
ﺃﺧﺮ ﺷﻲ ﻫﻤﺴﺘﻠﻪ ‏( ﺍﻧﻲ ﺭﺍﻳﺤﻪ ﻭﺍﻧﺖَ ﻇﻞ ‏)
ﮔﺎﻝ
- ﻻ ﻻ ﮔﺎﻳﻢ ﻫﻢ ﻳﻼ ﻧﺮﻭﺡ
- ﺍﻱ ﻳﻼ
ﮔﻤﻨﺎ ﻧﺮﻳﺪ ﻧﺮﻭﺡ ﻭﺍﻡ ﺣﻴﺪﺭ ﺭﻛﻀﺖ ﻟﻠﻤﻄﺒﺦ ﻭﺭﺟﻌﺖ ﺑﺈﻳﺪﻫﻪ ﺟﺪﺭﻳﻪ ﮔﺎﻟﺖ
- ﻣﺎﺗﻐﺪﻳﺘﻲ ﻫـٰﺬﺍ ﻏﺪﺍﭺ
- ﻻ ﺧﺎﻟﺘﻲ ﻣﺎﺍﺷﺘﻬﻲ ﻻﻥ ﻣﺎﻛﻠﻪ
- ﻻ ﻫﺴﻪ ﺷﻮﻳﻪ ﻭﺗﺠﻮﻋﻴﻦ
- ﻻ ﻭﺍﻟﻠﻪ ﺍﺫﺍ ﺍﺟﻮﻉ ﺍﻧﻲ ﻫﻢ ﻃﺎﺑﺨﻪ ﻏﺪﺍ
ﺭﻓﻌﺘﻠﻲ ﺣﺎﺟﺒﻬﻪ ﻭﮔﺎﻟﺖ
- ﻻﻳﺮﺩ ﺍﻟﻜﺮﻳﻢ ﺍﻻ ﺍﻟﺒﺨﻴﻞ
ﺇﺑﺘﺴﻤﺖ ﺑﻔﺸﻠﻪ ﻭﺍﺧﺬﺗﻪ ﻣﻨﻬﻪ ..
ﺻﻌﺪﻧﺎ ﻟﻠﺸﻘﻪ ﺭﻛﻀﺖ ﻟﻠﻤﻄﺒﻪ ﺩﺍﻋﺒﻴﻪ ﺑﻌﻼﮔﻪ ﺍﺭﻳﺪ ﺍﺫﺑﻪ ﻭﺩﺧﻞ ﺻﻔﺎﺀ ..
ﻋﻜﺪ ﺣﺎﺟﺒﻪ ﻣﺴﺘﻐﺮﺏ ﮔﺎﻝ
- ﺷﻨـﻮ ﻟﻴﺶ ﺗﻔﺮﻏﻴﻪ؟؟
- ﻫــﺎﺍ ؟؟ ﺀﺀﺁﺁ ﺃﺭﻳﺪ ﺍﺟﻤﺪﻩ
ﺳﺤﺒﻪ ﻣﻨﻲ ﻭﻛﺎﻝ
- ﻟﻴـﺶ ﺗﺠﻤﺪﻳﻪ ﺍﺭﻳﺪ ﺁﻛﻞ !!
- ﺷﺴﺎﻟﻔﻪ ﻏﻴﺮ ﺗﻐﺪﻳﺖ
- ﻋﻴﻨﺞ ﻋﻠﻰ ﻟﮕﻤﺘﻲ؟؟؟
- ﻻ ﻟﺘﻔﻬﻢ ﻏﻠﻂ ﺑﺲ ﻻﻥ ﺷﻔﺘﻚ ﺗﻐﺪﻳﺖ ﻭﻫﺴﻪ ﺷﻮﻳﻪ ﻭﺍﻃﻠﻊ ﺍﻟﻤﻌﺠﻨﺎﺕ ﻭﺍﻛﻞ
- ﻻﺍﺭﻳﺪ ﻣﻦ ﻫـٰﺬﺍ
- ﻟﻚ ﺻﻔﺎﺀ ﺷﻨـﻮ ﻣﻦ ﻫـﺬﺍ ﺑﻴﻪ ﺑﺮﻛﻪ ﺷﺴﺎﻟﻔﻪ
- ﮔﻠﺖ ﺍﺭﻳﺪ ﻣﻦ ﻫـٰﺬﺍ ﻓﻮﺗﻲ ﺻﺒﻴﻠﻲ ﻭﺗﻌﺎﻱ
- ﺍﻱ ﺭﻭﺡ ﻟﻠﺼﺎﻟﻪ ﺷﻮﻳﻪ ﻭﺍﺟﻴﺒﻪ ﻭﺭﺍﻙ
- ﻳﻼ ﺑﻌﺪ ﺍﺣﺴﻦ ﻭﺟﻴﺒﻲ ﺍﻟﻄﺎﻭﻟﻪ ﻭﻳﺎﺝ
- ﺍﻱ
ﺭﺩﺕ ﺑﺲ ﺍﺧﻠﺺ ﻣﻨﻪ ..
ﺍﻭﻝ ﻣﺎﻃﻠﻊ ﻓﺮﻏﺘﻪ ﺑﺎﻟﻌﻼﮔﻪ ﻭﺷﻤﺮﺗﻪ ﺑﺎﻟﺰﺑﻞ ﻭﺍﺳﺘﻐﻔﺮ ﻭﺍﻗﺮﻯ ﺁﻳﺎﺕ
ﻃﻠﻌﺘﻠﻪ ﺍﻟﻤﻌﺠﻨﺎﺕ ﺍﻟﻤﺴﻮﻳﺘﻬﻦ ﻭﺧﺪﺭﺕ ﭼﺎﻱ ﻭﺭﺣﺘﻠﻪ ﺑﺎﻟﺼﻴﻨﻴﻪ ..
ﮔﻌﺪ ﻣﺘﺮﺑﻊ ﻭﻣﺘﺤﻤﺲ ﻳﺮﻳﺪ ﻳﺎﻛﻞ ..
ﻣﻦ ﺷﺎﻑ ﺍﻟﻤﻌﺠﻨﺎﺕ ﺍﻧﺼﺪﻡ ﻭﺑﺎﻭﻋﻠﻲ ﺑﻤﻌﻨﻰ ‏( ﻻﺗﻜﻮﻟﻴﻦ ﺫﺑﻴﺘﻪ ‏)
ﺿﺤﻜﺖ ﻋﻠﻰ ﻧﻈﺮﺗﻪ ﻭﻗﺪﻣﺘﻠﻪ ﺍﻟﺼﻴﻨﻴﻪ ﻛﺎﻝ
- ﺍﻟﻐﺪﺍ ﻭﻳﻦ
ﺃﺷﺮﺗﻠﻪ ﺑﺎﺻﺒﻌﻲ ﻉ ﺍﻟﺰﺑﺎﻟﻪ ﻭﻛﺘﻠﻪ ﺑﺈﺳﺘﻔﺰﺍﺯ
- ﺫﻳﺮ ‏( ﻫﻨﺎﻙ ‏)
- ﻟﻠﺞ ﻋﻮﺩ ﺍﻧﺖِ ﺗﻤﺸﻴﻦ ﺑﻌﻨﺎﺩﺩﺩﻱ ﻭﻋﻮﺩ ﺗﺼﺮﻓﺎﺗﺞ ﺗﺪﻝ ﻋﻠﻰ ﻋﺪﻡ ﺧﻮﻓﺞ ﻣﻨﻲ؟
- ﻻ ﺑﺲ ﺍﺧﺎﻑ ﻣﻦ ﺍﻛﻠﻬﻪ ﺣﺎﻃﻪ ﺑﻴﻪ ﺳﺤﺮ
ﻣﺒﺎﺷﺮﺓً ﻭﻛﻒ ﻭﻛﻠﺐ ﺍﻟﻄﺎﻭﻟﻪ ﻭﻭﻛﻌﺖ ﺍﻟﺼﻴﻨﻴﻪ ﻭﺍﻟﺒﻴﻬﻪ
- ﻟﺞ ﻣﻴﺔ ﻣﺮﻩ ﻛﺘﻠﺠﺠﺠﺞ ﻟﺘﻜﻮﻭﻟﻴﻴﻴﻦ ﺳﺤﺮﺭﺭ ﺟﻨﻨﺘﻴﻨﻲ ﺧﺒﻠﺘﺘﻴﻴﻴﻨﻨﻴﻲ ﺭﺍﺡ ﺍﻣﻮﺗﺞ ﻭﺍﻟﻠﻪ
- ﻟﻴﺶ ﻳﺎﺑﻪ ﺗﻤﻮﺗﻨﻲ ﺷﻤﺴﻮﻳﻪ ﻗﺎﺑﺒﻞ ﻣﺠﺬﺫﺑﻪ
ﺭﻛﺾ ﻋﻠﻰ ﺷﻌﺮﻱ ﻛﺎﻟﻌﺎﺩﻩ ﻭﺑﻘﻰ ﻳﻬﺰ ﺑﺮﺍﺳﻲ
- ﻟﺞ ﻛﺎﻓﻲ ﻛﺎﺍﻓﻲ ﻟﺴﺎﻧﺞ ﺍﻃﻮﻝ ﻣﻨﺞ ﻛﺎﺍﺍﻓﻲ
ﺳﻜﺘﺖ //..
ﻻﻥ ﻋﺮﻓﺖ ﻃﺒﮕﻦ ﺍﻟﺨﺒﺎﻻﺕ ﻣﺎﻻﺗﻪ ..
ﻃﻠﻊ ﻭﺭﮔﻊ ﺍﻟﺒﺎﺏ ﺑﻜﻞ ﻗﻮﺗﻪ ..
ﺭﺣﺖ ﻟﻤﻠﻤﺖ ﺷﻌﺮﻱ ﻭﺿﻔﺮﺗﻪ ﮔﺼﻴﺒﻪ ..
ﻟﻤﻴﺖ ﺍﻟﺒﻴﺖ ﻭﻧﻈﻔﺖ ﻛﺄﻧﻤﺎ ﺣﺎﺩﺙ ﻟﻢ ﻳﺤﺪﺙ
ﺗﻌﻮﺩﺕ ﻋﻠﻰ ﺣﺎﻟﺘﻪ ﻭﻋﻠﻰ ﺗﻤﻠﺶ ﺷﻌﺮﻱ ﻭﺣﺘﻰ ﻉ ﺍﻟﺮﺍﺷﺪﻳﺎﺕ ﻣﻦ ﻳﻔﻘﺪ
ﺧﻠﺼﺖ ﺍﻟﻌﺼﺮﻳﻪ ﻧﺘﺨﺎﺑﺮ ﺁﻧﻲ ﻭﺣـﻮﺭﺍﺀ ﺍﻓﻀﻔﺾ ﺍﻟﻬﻪ ﻫﻤﻮﻣﻲ ﻭﻗﻬﺮﻱ ﻭﻫﻲَ ﺗﺼﺒﺮ ﺑﻴﻪ ..
ﺻﺎﺭ ﺍﻟﻐﺮﻭﺏ ﺻﻠﻴﺖ ﻭﺣﻀﺮﺕ ﺍﻟﻌﺸﺎ ﻭﺑﻘﻴﺖ ﺍﻧﺘﻈﺮﻩ ﻳﺮﺟﻊ ..
ﺗﻌﺪﻯ ﻭﻗﺖ ﺭﺟﻌﺘﻪ ﻭﻫﻮَ ﻣﺎﻛﻮ !!
ﺭﺟﻊ ﻋﻠﻰ ﺍﻳﺎﻡ ﻗﺒﻞ ﻳﺒﺎﺕ ﺑﺮﻩ !!
ﮔﻌﺪﺕ ﻣﺜﻞ ﻣﻜﺎﻧﻲ ﻣﻦ ﺍﻧﺘﻈﺮﻩ ﻛﻞ ﻣﺮﻩ ﻭﻳﺠﻲ ﻭﺟﻪ ﺍﻟﺼﺒﺢ !!
ﻣﻠﻴﺖ ﻭﻋﺮﻓﺖ ﻣﺎﺭﺍﺡ ﻳﺮﺟﻊ ﺍﻟﻴﻮﻡ .
ﮔﻤﺖ ﻟﻠﻐﺮﻓﻪ ﻭﻧﻤﺖ ﻉ ﺍﻟﺠﺮﺑﺎﻳﻪ ..
...
ﺗﺄﺧﺮ ﺍﻟﻮﻗﺖ ﻭﺁﻧﻲ ﻏﻔﻴﺖ ﺑﻌﺪ ﻣﺎﺩﺭﻳﺖ ﺑﺸﻲ !!
ﺣﺴﻴﺖ ﺻﻮﺕ ﻃﮕﻄﮕﻪ ﻳﻤﻲ ﻭﺷﺨﺺ ﮔﺎﻋﺪ ﻳﻤﻲ ﺁﻧﻲ ﻧﻮﻣﻲ ﺧﻔﻴﻒ ﻻﻥ ﻧﺎﻳﻤﻪ ﻗﻠﻘﺎﻧﻪ ..
ﻓﺘﺤﺖ ﻋﻴﻮﻧﻲ ﺍﺷﻮﻑ ﻣﻨﻮ ﻫـٰﺬﺍ ؟؟
ﺑﺎﻭﻋﺖ ﻻﺇﻳﺪﻩ ﺷﺎﻳﻞ ﺑﻴﻬﻪ ﮔﺼﻴﺒﺘﻲ ﻋﻠﻰ ﻃﻮﻟﻬﻪ ﻭﻳﻀﺤﻚ !!!
ﻳﺘﺒﻊ ..
ﻋﺒﺮﺍﺕ ﺍﻟﻌﺒﺎﺩﻱ 🌻