//𝓑𝓻𝓸𝓴𝓮𝓷 𝓗𝓮𝓪𝓻𝓽 //

البارت الحادي عشر

في السياره لاحظ رعاد حزن ترنيم
رعاد:مالك حصل ايه
ترنيم بحزن:هقعد مع ماما كام ساعه بس
ابتسم رعاد:كنتى فاكره انك هتقعدي اكتر من كده ولا ايه
هزت رأسها بموافقه فاكمل:المفروض انك عروسه جديده وتكوني في شقتي انا في القاهره بس انا قولت هعطف عليكي واسيبك عند مامتك علشان اكيد هتخافي تقعدي لوحدك فيها وكمان عارف انك طفله وممكن تخربي اي حاجه في الشقه
نظرت له ترنييم بغضب:علي فكره انا مش طفله واقدر احافظ علي البيت كويس
ابتسم رعاد ولم يعلق هو فقط كان يريد تشتيتها وان ينسيها حزنها
بعد مرور عده ساعاات وصلوا اسكندريه
صعد معها رعاد ليوصلها لباب الشقه طرقت ترنيم الباب ففتحت لها والدتها وعلي الفور ارتمت ترنيم في حضن والدتها
ترنيم:وحشتيني اوووي ياماما
مريم:وانتي كمان وحشتيني ياحبيبتي ثم ابعدت ابنتها عنها..اتفضل يابني ادخل مينفعش تفضل واقف كده
رعاد بجديه:تسلميلي يارب بس انا عندي شغل كتير وهعدي بليل اخد ترنيم
مريم:تمام بس لازم تعمل حسابك الاول هتتعشوا معانا
رعاد بابتسامه:ربنا يسهل استأذن انا بقا
_______
بعد مرور بعض الساعات كان انهى فيها رعاد الكثير من الامور المتأخره في الشغل واثناء امضاءه لبعض الاوراق دق الباب
رعاد بجديه:ادخل
دخل كرم :ايه الاخبار
رعاد:كله تمام
كرم:تمام نص ساعه وهتقابل الوفد ان شاء الله
رعاد:ان شاء الله هتيجي معايا ولا عندك شغل تاني
كرم:معاك يباشا ثم اكمل بتساؤل:هترجع البلد ولا هتبيت هنا
رعاد بجديه:لسه مش عارفه ثم اكمل بغموض:بس غالباً هبيت هنا
_________
في الاسكندريه
عاد توفيق من العمل في المساء ووجد في استقباله ابنته التي ارتمت في احضانه
ثم جلسا في غرفه الصالون
توفيق: اخبارك ايه يابنتي مع رعاد واهله
ترنيم بابتسامه:تمام يا بابا مرتاحه اوووي وطنط وساره كويسين خالص معايا
توفيق بابتسامه:الحمدلله....طب ورعاد
ترنيم بخجل:بيتعامل معايا كويس خالص
وبمجرد انتهاء كلماتها البسيطه دق الباب وكان رعاد
احتضنه توفيق وظل يتحدث معه حتي يجهزوا السفره للعشاء
وبعد مرور ساعه نهض رعاد وهو يستأذنهم في اخذ ترنيم والذهاب طلب منه توفيق المبيت ولكنه رفض ودعوهم وذهبوا
_____________
في السياره
ترنيم:هنرجع البلد متأخر كده
رعاد:وايه المشكله
ترنيم بجديه: الوقت اتأخر وانت هتسوق كده از..
قاطعها رعاد:انا متعود عادي متشغليش بالك
نظرت له بحنق وقالت:انا هنام
فأرجعت الكرسي للوراء واغمضت عيونها
نظر لها رعاد بطرف عيونه وابتسم

_________

كتبتها عامه زي ما اغلبكم طلب مني
هنزل بارتين او تلاته تاني علشان التأخير ال حصل اسفه جداً ليه والروايه خلصت كتابتها اصلاً بس تفاعل بقا علشان انزل تاني علي طول