إنزعج زين من نِكاتة السخيفة فرد عليه ؛
_القانون العراقي عند كُل العوائل العراقية أول واحد يشتم الريحة معناها طالعة منه .ضحكوا الكُل بصوت عالي ورد عليه حُسام ؛
_لاوالله خوية موشرط بس الي يعاشر ناس ماتسبح بالشهر حسنة فيصير معتاد على تمييز رواحئهم الخلابة .
وغمر بآخر الكلام .رد عليه زين بإستنفسار ؛
_ولك ماتنچب وتبطل بساميرك السخيفة ترة أني يومية أسبح بس هاي إنتَ هيچ وصخ ماتسبح بس مرة بالسنة عبالك الكُل مثلك .چانن سارة ونور خربانات من الضحك عليهم وعلى منافراتهم ، بعدين صاحت بيهم نور وهية گوة ضامة ضحكتها ؛
_ولكم كافي شنو هاي بس تتمالخون صدِق من گال عنكم ضراير ذنيچ يتعاركن عالليالي وإنتوا تتعاركون على شغلات أتفه من الليالي كافي ولكم .حاولت تكتم ضحكتها بس ماگدرت ، رد عليها حُسام ؛
_يمة شسوي رجلي الحقير مالگى غير زين يسوي ضرتي فوگاها ضرة صاكة علمود أبقى أوج من الغيرة منها .رد عليه زين بتعجرف وتعجب ؛
_ها يعني تعترف كُلش زين أني صاك وأحلا منك؟ ._چا أكيد أعترف وأگول الحقيقة قابل أني مغرور ورافع خشمي المفلطح لالله مثلك .
_شنو ولك؟ خشمي مفلطح ؟ باع منو يحچي هذا كله وخشمك يشفط هوة بغداد كله .
بقت المنافرات بينهم مستمرة والوالدة وسارة خربانات من الضحك وكل دقيقة يگولن بگلوبهن رحم والله هُشام ماچذبت من طلعت عليهم هاللقب .
طوال هاي الأجواء المُبهجة والُمفرحة چان خالد بِعيد عنهم ومامركز وياهم ، عقلة وفكرة چانن بغير عالم ، چان يفكر بذيچ الشغلة إلي صارلها ٥ أشهر تستنزف طاقتة وتفكيرة وباله لدرجة إبتعادة عن أمور الأُسرة كل ذيچ الفترة ، چان الكُل ملاحظين عليه هالتغيير والكُل سأله وحاولوا يستفسرون منه حتى زملائة إلي بالعمل بس ماگِدر يحچي لأي مخلوق بالكون وبالذات لعائلة ، چان عقلة يگولة بقي هالأمر سِر محد يدري بي وأمشي عالدرب بهدوء ، بس هو تعب من التفكير بهالموضوع وكذلك چان تعبان من الشغل وإنجبر يسوي الحفلة مال الجهال ما إنطتة نفسة يكسِر بخاطرهم وكل الأحداث الصارت أنهِكتة ، قاطع عركة الضراير ونبههم وملامح التعب واضحة عليه ؛
_عذروني بس لازم أترخص منكم أروح أنام لأن حيل تعبان ، معليكم بيه كملوا عركتكم براحتكم .
إستأذن منهم وصعد لفوگ للغرفة ، حست نور بالشي الديجرالة ، فهيَ أول من تأثر بالتغييرات الحصلت على خالد ، فرغم إهماله إلها بس الشغلة زادت عن الحد أكثر من المطلوب التعودت عليه من تلاثين سنة ، چانت خايفة وگلبها يدگ بلا سبب وجيه ، چانت التخييلات السيئة والظنون ماتفارق بالها ، خايفة يكون أكو شخص ديأثر على حياتهم ويبعده عنها بالزايد ، أو موضوع خطير يخص واحد من الجهال وبالأخص هُشام لأن تغيير ورة تغيير أبوه بفترة ، وبقت الظنون تحوم بعقلها وماتفارقها ، قاطع تفكيرها سارة وهيَ لازمة إيد إمها وشابگتها بيديها ، حاچتها بتنعوص؛
DU LÄSER
خطايا وغفران || باللهجة العراقية
Romantik"بيتٌ بُني على وهم ، حبٌ قديمٌ يعود أدراجهُ إلى الفؤاد ، خطايا تنهشُ ذواتَ الآخرين لايستتابُ منها .. هل هناك مجالٌ للمغفرة ؟ . " _ _ _ _ _ _ •الرواية باللهجة العراقية . •مُقتبسة عن قصة حقيقية .. •إبتدأت في (٢٠١٩_٦_٢٧ ..١٢:٥٣ مساءً) •وأنتهت في...
"ليلة برفقةِ الدموع" Chpt 3
Börja om från början