💐دموع فى عيون بريئه 💐
🌼 الجزءالثانى 🌼
🌻 بقلم امل الملوانى. . مولى 🌻
🌻الحلقه السابعة عشر🌻
🌷 بسم الله والصلاة على رسول الله 🌷
اقوال لشكسبير🌼🌼🌼🌼
لحظات الحب هي اللحظات التي تخلد فيها أذهاننا وتحمل كل معاني السعاده
فلا تندم على لحظة حب عشقتها حتى لو صارت ذكرى تؤلمك فإذا كانت الزهرة جفت وضاع عبيرها ولم يبقى منها غير الشوك فلاتنسى انها منحتك يوما عطرا جميلا اسعدك🌼🌼🌼🌼🌼🌼
بعد تأكد امجد وبدر انها ليست بنت عمه وانها مازالت على قيد الحياه ولابد من البحث عنها حتي يجيدوها ويعيدوها الى الجده ولا يعلمون انها على بعد خطوات منهم ولكن لم يأذن الله باللقاء بعد
فكل شئ له ميعاد من رب العالمين
وخرجوا من عند السيده يملأهم الأمل والحزن
الأمل ان يجدوا ايمان
والحزن على هذه السيده الثي فقدت ابنتها الوحيده وزوجها وليس لها عائل ولكن جنود ربك كثير ارسل لها جيران طيبين يرعونها
بدر وامجد سيفعلون خيرا وهو ان يكلموا سمير أن يعالجها في المستشفى الخاص له او يرى لها مكان لها مكان بأحد المستشفيات للعلاج ولكن لن يتركوها فقد رق قلبهم لهذه السيده الطيبه ربما ربك ارسلهم لها وحدث هذا اللبث لطيبة هذه السيده ولا بد انها فعلت خيرا ولهذا يحدث كل هذا بأمر من الله سبحان الله العظيم يسخر جنده لعباده الصالحين فماذا فعلتي ايها السيده ليرسل لكي هذا الخير الله اعلم بعباده
ويتصل أمجد علي نسمه وهو سعيد
الو ايوه يانسمه روحنا الحمدلله ومطلعتش هي وهنا تتنهد نسمه تنهيده طويله الحمدلله هنزل حالا أبلغ ماما وأطمنها وربنا يسطر ثم تغلق الهاتف وتنزل لامها وتدخل على الأم لتجدها تبكي الممرضه جالسه الي جوارها لتنخفض نسمه لأمها وتتكلم بأذنها ماما مطلعتش بنت عبد الرحمن طلعت واحده تانيه شبهها بس مش هي
الام بجد يانسمه ولا بتضحكي علي
نسمه بصوت ضعيف والله ابدا لسه امجد وبدر كلمني وفرحانين وقالولي انهم راجعين
وهيبدأو بحث من تاني🍇بقلم امل الملوانى. . مولى
الأم اسنديني أقوم أصلي ركعتين شكر لله عارفه عبدالرحمن واعد يضحك وماد ايدو لي بس اول ما قربت منه بعد وقالي لسه مهمتك مخلصتش لسه مش هنتقابل الوأتي بس انا مستنيكي
نسمه تأخذ امها في حضنها الف بعد الشر عنك يا امي ربنا يخليكي لي
اما سمير يجلس مع عبدالكريم
عبدالكريم معرفتش ايه اللي حصل
سمير لاء محدش راضي يتكلم ويقولوا ايه اللي هي سمعته وعمل فيها كده
عبدالكريم بكره كله يبان متستعجلش أومال امجد فين
سمير نزل بدري آل رايح النيابه عنده شغل وأما يخلص هيجي
عبد الكريم تمام أما يجي أنا ليه كلام معاه بس ربك يسهل
الام تقوم من فراشها بعد ما علمت أن هناك أمل لرجوع حفيدتها وسط استغراب سمير وعبد الكريم
الام تحيهم ازيكم ياولاد عاملين ايه
سمير يجري عليها يقبل يدها مالك ياست الكل كده تخضينا عليكي
عبدالكريم يذهب ليقبل يدها هو الأخر ويتفاجأ من كلام الأم زعلت أني قمت تاني يا عبدالكريم
عبدالكريم ليه بتقولي كده دنا كنت زعلان وأعد هتجنن عليكي
الام عشان كده جيت ومكلفتش خاطرك تبص علي صح
لينظر سمير لأمه ولما تقول هذا
سمير مالك ياست الكل شده حيلك علينا بس ليه والله دحنا أعديين هنموت عليكي
الام اتكلم عن نفسك ياسمير
عبدالكريم هو حضرتك شفتي مني ايه عشان كلامك ده
الام هنتكلم بس بعدين مش الواتي ممكن الواتي كل واحد يروح على أشغاله انا بقيت كويسه
نسمه تخرج من الغرفه تحمل ابنها ولا تعلم ما دار أو يحدث ولكن هناك انذار ينذر بعاصفة ولكن لا احد يعلم متى او لما
يرجع بدر وامجد وبدر ليقابلا سمير وعبد الكريم يخرجان من القصر ليركبا سيارتهم ولكن على وجوههم غضب عارم بالذات عبدالكريم فقد شعر من امه بشيء غريب
بدر يذهب لأبيه ماشي ليه يابابا ونانا عامله إيه 🍈بقلم امل الملوانى. . مولى
عبدالكريم الحمدلله أحسن أنت كنت فين مع امجد لينظر لأمجد ثم يرد ابدا اتقبلنا على الباب القصر ودخلنا سوا بس
عبدالكريم لبدر جاي ولا لسه اعد
بدر لاء هطمن على نانا واعد معاها شوى
امجد ازيك يا عبدالكريم ازيك ياسمير
عبدالكريم ازيك يا أمجد
سمير الله يسلمك يا امجد عن اذنك عشان اسافر قبل الليل ويسلما ويرحلان ولكن كل واحد برأسه افكار وافتراضات
أما الجده فجلست مع نسمه تضحك وتلعب مع حفيدها حتي دخول بدر وامجد
بدر يجري على جدته الف سلامه عليكي يانانا
الجده انت قلبك رهيف اوى كنت فاكرك قويه
لتهز الجده راسها له
أمجد الف سلامه ياماما ماشاء الله شايف وشك رد أكيد لما أطمتني
الجده الحمدلله طبعا يابني انت بتستهون بلي انا فيه إن ابني يموت وبعد كده مشفش حفيدتي وتتربى بعيد عني وتتربى بعيد عني والله اعلم جرالها ايه انت اول ما قلت لو احتمال ضعيف انها ماتت كنت هعيش ليه ولمين انا بعافر وبطلب من ربنا يطول في عمري عشناها
نسمه واحنا ياماما
الام انا ربتكم الحمدلله معتوش محتجني
نتركهم ونذهب الى مكان اخر
اسماء تذهب لإيمان بالبيت
ازيك ياطنط إيمان فين
الأم جوه يابنتي بتحضر يابنتي الورق اللي جابته من ابله الناظره عشان التقديم
تدخل اسماء لإيمان الغرفه ازيك ياباش مهندسه
ايمان ازيك انتي ياد كتوره باش مهندسه مره واحده لا لسه بدرى
اسماء ولا بدرى ولا حاجه شايفه النجاح بعنيكي بتعملي ايه
ايمان برتب الأوراق وانظمه وهعمله عشان التقديم انتي عرفاني بحب النظام
اسماء ايوه ياستي ربنا يسهله مش انا اللي كل يوم اتقل ومش عارفه اتحرك وهشام عمال يتريقأ عليا
ايمان له حق بقيتي كوره ماشاء الله عرفتي ولد ولا بنت
اسماء هنروح بكره نعرف المهم انتي عامله ايه
ايمان الحمدلله
الأم عملتكم اتنين نسكافيه
ايمان واوعي تنسي البسبوسه اللي بتحبها اسماء
الاتنين ربنا يخليكي لنا ياست الكل
تتركهم الأم وتخرج لتجلس الفتاتان تتسامران
وتمر الايام وراء الأيام يأتي وقت ولادة اسماء
لتجري امينه تقابل ايمان بالمستشفى وتصعد معها لتجلس مع اسماء حتى تأتي امها وعائلتها
وكان هشام يموت خوفا على زوجته وحبيبته ولكن لم يقدر على الدخول اليها او الوقوف معها فكيف يرى حب عمره يتألم لم يحتمل ولكنه ظل خارجا متوترا ويظهر عليه القلق ثم يأتي ابوه خير ياهشام ايه الأخبار
هشام لسه من ساعة مادخلت مفيش أخبار بقلاها ساعه أو أكثر جوه
بقلم امل الملوانى. . مولى
الاب خلاص انا هدخل هشوف في ايه
طبعا الاب طبيب كبير وسنتعرف عليه لاحقا
أم هشام سيده وقوره تجلس بجوار ابنها تطمأنه حتى يهدأ متخفش ياحبيبي هتقوم بالسلامه ثم تنظر الى ايمان وامها مين دول ياهشام
لينظر هشام ثم يقول دى طنط امينه والدة ايمان صحبة اسماء
السيده ابتهال والدة هشام تعبناكم معانا احنا اسفين
ايمان لا ابدا اسماء دي اخت لي
الأم دي بنتي واحسن كمان متعرفيش غلواتها عندنا
ثم بعد دقائق يأتي د سمير وبدر ونادر اخواها
فهم في القاهره اما الأم والأب لم يأتيا بعد
أما بدر فقد جلس متيم بإيمان ونسي اخته أسماء خلاص الحب ياناس مفيش لنا عليه سلطان
اما ايمان فقد خجلت من أنظار بدر ونظرت للأرض
اما امينه فقد رأت نظرات الاعجاب في عين بدر لإيمان لتسال مين ده ياإيمان
ده دكتور سمير والاخر اخو اسماء باش مهندس بدر تقريبا والثاني مادر العريس الذي كنت حضرت فرحه
الصدمه
يأتي عبد الكريم الى المشفى جريا هو وزوجته دولت ليطمئنوا على بنتهم فهم في النهاية أب وأم
يدخل عبد الكريم وزوجته بعد الاتصال بهشام ليعلم المكان
يدخل عبدالكريم هشام اسماء عامله ايه طمني ليلتفت له الجميع الا واحده امينه
تسمع الصوت ولا تريد أن تصدق أبعد هذا الزمن والوقت نتقابل لا مستحيل ثم تستمع للصوت ثانية ولا تقوى على رفع وجهها ولكن ما باليد حيله شر لابد منه
ايمان تقف تهدا وتواسي الجميع فقد زاد التوتر والقلق لغياب اسماء بالداخل
ودخول أبو هشام ليطمئن عليها ليغيب هو الاخر بالداخل ولكن الولادة الاولى غالبا ما تكون صعبه
أما أمينه فحالها حال اتنظر ام تظل محنية الراس لا لابد ان تتأكد اهو أم لا وان كان هو ماذا ستفعل وما سيكون الوضع وكيف يكون اللقاء وبع لحظات تقابلت الأعين التي حاولت الإبتعاد لينصدم عبد الكريم أحقا هي وماذا تفعل هنا وايه اللي جبها هنا وايه علقتها ببنتي
عبدالكريم يأخذ سمير ويخرج بعيد عنهم
إيه اللي جاب الست دى هنا
سمير قصدك مين
عبدالكريم الست اللي اعده جوه معانا
سمير قصدك الست ام إيمان دى ايمان صحبة بنتك اسماء ودي امها
عبدالكريم انت متعرفش دي مين
سمير منا لسه قيلك ام ايمان صحبة بنتك
عبدالكريم لاء بصوت ينم عن الغضب
سمير لاء ايه انت هتعرف اكتر مني
عبدالكريم ايوه أعرف أكتر منك ولازم يمشوا الواتي حالا وإلا
سمير وقبل ان يكمل وإلا ايه دول واقفين مع بنتك وعلى فكره البنت دى محترمه جدا وشغاله معاي من كم شهر وكل زميلها بيشكروا فيها
عبد الكريم كمان شغاله عندك كده مؤامره ومحبوكه كمان
سمير فهمني في ايه ومؤامرة ايه
عبدالكريم عارف ايمان وأمها دول مين
سمير مين ياسيدي
عبدالكريم ايمان وامها زوجة اخوك عبدالرحمن وبنته
سمير يجلس ولا ينطق ثم ينظر له ثم يتكلم
حاله من الارتباك انت بتقول ايه إزاي
عبدالكريم أنا متأكد 🌏بقلم امل الملوانى. . مولى
سمير سبحان الله اللي بعتهم زمان وهما اللي يراعوا بنتك الوأتي ووسطنا وجوا بيتنا بس إزاي لاء لاء مش معقول إنت اتأكد الاول ياعبدالكريم
عبدالكريم زي ما بقلك بالظبط دى بنت اخوك وامها العمل ايه ألوأتي
سمير أنا مش عارف ومرتبك ومش فاهم حاجه
اما أمينه فقد ذهبت الي بنتها ايمان لتأخذها وترحل فورا قبل حوث اصطدام بينها وبينهم او حدوث شئ لابنتها فهي تعلم جبروت عبدالكريم وهي لا تعلم ماذا سيفعل بهم او ببنتها بالأخص ولا تعلم لما تذكرت كل ماحدث ودار زمان عند موت زوجها وتهديد عبا الكريم الصريح لها ولهذا يجب ان ترحل الآن
امينه ايمان تعالي انا تعبانه ومش عارفه مالي لازم نمشى حالا
ايمان إزاي بس يا أمي وأسماء لسه مخرجتش من العمليات
الأم معلش يابنتي انا تعبانه وهنطمن عليها بالتليفون
ايمان حاضر ياماما بس هبلغ دكتور هشام الأول عشان ميز علوش
تذهب ايمان لدكتور هشام أسفه والله ماما تعبانه ولازم اروحها تأخذ علاجها على اتصال وياريت تطمني اول ما تخرج بالسلامه وعرفها باللي حصل
هشام والف سلامه لماما ومعلش تعبناكم معانا ولو حابه حد من الدكاتره يشفها مفيش مشكله
ايمان لا شكرا هي بس من الوقفه ومختدش علاجها وعند هذا القدر نقف واتمني الحلقه تعجبكم واستنوني مع احداث جديده مثيره
بحبكم 😍😍😍😍😍😍بقلم امل الملوانى. . مولى
