المصحة

Part 10

سما و هنا بنت ايمن

# شهد

المدير : لا مش انتي اللي هتموتيه او هو اصلا هيموت لان الحقن دي بقالو اسبوع بياخدها و دة في حد ذاته خطر عليه

انا : انت اكيد حضرتك اجننت

المدير : ماهو مش بأيدي دول ناس أعلى مني و منك اللي عاوزين كده

انا : ناس مين

المدير : مش مهم انتي بالزوق بالعافية هتديله الحقن دي و يأما بدل ما تتسببي في موت حالة هتتسببي في موت أربعة

انا : أربعة ازاي

المدير : من خلال كاميرات المراقبة عرفت ان حسين بيعدي عليه واحد من قسم الإدمان يرشي العسكري و يروحو قسم الأمراض النفسية يقعدوا مع اتنين هناك انا ممكن بقى اموت الأربعة و انا فعلا بادئ بواحد صالح اللي في قسم الإدمان جاله اوفر دوس من فترة لاني حطيت نسبة صغيرة من مادة أخطر من الهيروين في الأكل و هو كان لسا في بداية العلاج و النفس امارة بالسوء زي مانتي عارفة و مش عارف انقذوه ازاي اما الاتنين التانيين واحد مقبل على الانتحار هيحصل اية لو شنق نفسه في اوضته او واحد مش عارف يعيش و مراته خانته يقوم رامي نفسه من البلكونة و خصوصا انو في أعلى دور في المستشفى و الاسم مجنون و كذا حالة نفسية بتؤدي للانتحار حاليا

انا : مكنتش اتوقع ان حضرتك بالوساخة دي ( اسفة على اللفظ)

المدير : ماهو دة يا شوشو مجتمعنا لازم نتأقلم معاه ايا كانت الظروف

انا : طب انا عاوزة وقت افكر

المدير : مانتي هتوافقي لان السر دة محدش هيعرفه غير انا و انتي بس

انا : أمري لله اعتبر حسين ميت

خرجت و انا مش عارفة هصرف ازاي لاقيت نفسي رايحة اوضة حسين

انا : عامل اية دلوقتي
حسين : تمام

شمرت دراعه و ادتله الحقنة

حسين : حقنة اية دي

انا : حاجة هتهديك خالص و تريحك
و استنيت لحد ما ينام و عملت الاتي

# ايمن

رحت لسما اوضة هنا لأنها كانت نايمة فيها

انا : هنا فين

سما : في المدرسة اية جاي تطمن عليها ولا قررت تقول

انا : بس انا مش عاوز اقلك

سما : حلو اوي يبقى هلم حاجتي و اخد بنتي و مش هتشفنا تاني لان المرة دي مش مرتبطة بماضيك بس لا دي مرتبطة بمستقبلنا مع بعض

انا : و انا هريحك يا سما احب اعرفك بنفسي انا اسمي ايمن اشرف جمال الدمرداش حفيد جمال الدمرداش المليونير المعروف و الأمورة اللي في الصورة دي هنا اختي اللي اضطريت ابعد عنها و انا صغير و هي ساعتها كانت محتجاني و السبب جدي