# صالح
فضلت مبرق و جاية خشروميت احساس ما بين فرحة و اندهاش و استغراب من البت الجريئة دي
انا : انتي هطلة يا سمر
سمر : لا يا حبيبي انا خطبت نفسي ليك و اتمني اكون مبسوطة معاك
انا : طب انتي حبتيني امتى ولا انتي طمعانة فيا بقى
سمر بصوت عالي : طمعانة في مين يا بابا دانا من عيلة الدمرداش يعني اوزنك دهب كده
انا : طب حبتيني امتى طيب
سمر : الحب ملوش مواعيد بتلاقيه جايلك كده زي السحر
انا : و هتجوزي مدمن
سمر : جوازي ليك هيكون علاجك بس تعرف انت تعالجني من ادماني
انا : هو انتي مدمنة؟ طب مدمنة اية؟
سمر : مدمنة صالح جمعة
# دنيا
سبته و طلعت برة مش عارفة دة خوف عليه ولا حب ولا اية بس احساس الحب دة مش واصل معاه لأعلى درجة بس انا عاوزاه يبقى جنبي برده
خرجت لاقيت فارس دة زميلنا الجديد جاي من لندن بس عنده نص مصري و حاجة قمر الصراحة و متربي اوي بس لازقة انا مش طايقاه
فارس : ازيك يا دكتورة دنيا
انا و انا جازة على سناني : تمام احسن منك
فارس : طب انا عاوز اتناقش معاكي في حاجة ينفع لو ننزل نشرب قهوة تحت
انا: لا ينفع تشوفي دكتورة هنا فين عشان عاوزة اروح
فارس : بدري كده
انا : اة و ياريت تطمني على أحمد لو تعب و اديته رقمي و مشيت
#هنا
فضلت ساكتة شوية و هو بصلي و عيني دمعت
عمرو : انا اسف
انا : على اية انت مغلطش دة يا سيدي كان كل حياتي وعدني ان عمره ما يسبني بس في يوم نمت و صحيت ملقتهوش جنبي نفسي اقابله نفسي اعرف هو سابني لية يجي يقلي بس و انا هسامحه و لقيت نفسي بعيط و هو مسح دموعي و اخذني في حضنه
و لقيت دنيا داخلة عليا
#دنيا
شكيت انها عند الحالة بتاعتها رحت اتأكد لقيتها قاعدة في حضنه
انا : اظاهر اني جيت في وقت مش مناسب
هنا : اية دة انا بعمل اية هنا
عمرو : انتي جاية تسألي بعد نص ساعة في حضني
هنا ضربته بالالم و مشينا
انا : هتبطلي امتي الدلع و المحن دة
هنا : عادي احنا كنا بنكلم و افتكرت ايمن و مدرتش بنفسي غير و انا بعيط
انا : متنسيه شوية هو سابك ماسكة فيه انتي لية
ČTEŠ
المصحة
Romanceكل واحد هنا لسبب مختلف العالم بيقولو عليهم مجانين و هما من جوا مدمرين نفسيا في الي اضطر يعمل حجات مكنش الي حواليهم يتوقعها و الي اتعمل فيهم و نتيجته كانت هنا
