المصحة

Part 2

# الكاتبة

بعد ما كل واحدة قالت الفكرة للتانية سمعو صوت الباب بيتفتح

هنا : انتو مستنين حد
البنات : لا
دنيا : مش يمكن حالة شهد تطلع بتكلم جد و دة عفريت
شهد : تصدقي انك اعيل من هنا دة شكله حرامي يلا نصرف

# محمد هاني ( Say hi )

انا محمد هاني 29 سنة بشتغل وكيل نيابة و تم نقلي من الإسكندرية للقاهرة و طبعا مليش مكان اروحه غير بيت العيلة الي مجابتش راجل غيري اة مانا مقلتلكمش شهد و سمر اخواتي بس شهد من نفس الام و سمر من واحدة تانية  انما دنيا و هنا فيبقو بنات اعمامي اصل جدي جاب تلات رجالة و بنت و بردو عمتي جابت بنت بس منعرفش عنها حاجة من فترة لانها عايشة في البلد و كانت مجوزة المهم فتحت باب الشقة بالمفتاح الي معايا لقيتني هوب بعمل شقلباظ شكلي اكعبلت و واحدة اشعلقت عليا و قالت حرامي و واحدة تانية لقيتها بتضربني بالمقلاية و واحدة بمخدة اية العيال دي لحد ما لقيت صوت اية دة دة محمد و تحول الضرب الي الكل بينقض عليا عشان يحضني

البنات في صوت واحد : موووودديييي
انا : اية الاستقبال دة
هنا : سوري افتكرناك حرامي
سمر : ناوي تقعد قد اية
انا : اطلعو نضفو شقتي الي فوق انا اتنقلت هنا و هقعد معاكم علي طول

الجملة دي كفيلة انهم قامو اتنططوا و رقصو انا عن نفسي قعدت اتفرج عليهم من كتر حبي اني اشفهم مبسوطين

#تاني يوم

رحت مكتبي الجديد و طلعت بروازين و حطتهم علي مكتبي البرواز الاول في صوري انا و شلة المجانين الي هما اخواتي و بنات عمي و البرواز التاني في اخر صورة اصورتها مع ناس مهمين في حياتي نفسي اعرف راحو فين دلوقتي اخر صورة اصورناها كانت من 4 سنين بس احنا صحاب من اكتر من كده حتي لو كل واحد كليته فرقته كنا بنتقابل بردو اية الي حصلنا يولاد المغازي 😂

بعد شوية لقيت ملف القضية الجديدة فتحته كانت قتل في يوم 15 مارس تم اكتشاف جثتين غارقين في دمائهما و اثبت الطب الشرعي و تحليل ال DNA انهما سيدتين واحدة في ال 25 من عمرها و الاخري 50 و تم قتلهما عن طريق الذبح و تم فصل راس ال عن جسدها و هكذا والدتها و وقع جميع الاتهامات علي زوجها المدعو حسين السيد اية دة دة اسم مراته و حماته لا حسين ميقتلش كملت قراية و تم نقله الي مصحة نظرا لحالته النفسية قفلت الملف و قررت اني لازم ارحله انا مصدقت لقيت حد منهم و ياريت الاقيهم كلهم بس ابقي واحشهم زي ما هما وحشني

#شهد
دخلت لقيت حسين ماسك صورة و بيبصلها

قعدت قدامه : صورة مين دي
ابتسم : دول اعز ناس عندي اخر مرة شفنا بعض من اربع سنين قبل ما اتجنن و اجي هنا
ابتسمت و لقيت محمد داخل

انا : محمد اية الي جابك و عرفت ازاي ان انا في الاوضة دي

محمد : لا انا مكنتش اعرف انا جاي عشان احقق مع حسين