من أنت .. وميمو .. ولفى بيا يا دنيا

من أنت ؟ 4

من أنت ؟ 5
تفاعل كبير ورايكم يا حلوووين على الحلقه يهمنى جدا 👉
سبحان الله وبحمده وسبحان الله العظيم
لا حول ولا قوة إلا بالله العلى العظيم
اعوذ بكلمات الله التامات من شر ما خلق
💗💗💗💗💙💙💙💙💙💚💚💚💚💚
زقزقت عصافير الصباح .. وهى تحاوط الجزيره  وكأنها ضيف الشرف الوحيد الذى يقطع صمت المكان وتحالفت معاهم صوت امواج البحر  الذى  يتسابق مع بعضه فى مشهد رائع وجميل
عمر وكارما .. ما زالو بأحضان بعض على الكنبه كما كانو بالامس 
كارما : بتفتح عيونها والابتسامه ظهرت على وشها .. وما زالت فى حضنه .. حطت ايدها على وشه برقه .. عمر .. عمر
عمر : فتح عيونه ونفس الابتسامه ظهرت على وشه .. ضمها وبياخد نفس وهو دافس راسه فى رقبتها .. تحطمت القيود والمسافات بينهم  كثيرا .. صباح الخير ياقلب عمر ومسك ايدها باسها
كارما : ضحكت ووشها احمر جدا .. على فكره انت رومانسى جدا
عمر بأنكار  : لا ياكارما لا اوعى تقولى كدا
كارما : هههههه لا ايه هو انا قرصتك ياعمر .. هى الرومانسيه وحشه
عمر :  بمشاكسه .. ماتقدريش اصلا يابنتى احنا عضلات .. ضد القرص
كارما : طيب استنى كدا وبتقرصه من دراعه .. وهو بيشد عضلاته جااامد .. وكل ما تحاول تمسك مكان يبقى ناشف جدا ماتعرفش تقرصه
عمر : استنى بقى .. وبشر واضح .. انا ها اقرصك
كارما : لا يابابا لا .. انا لو حد قرصنى كأنى واخده طلقه فى دراعى
عمر : هههههههه وبنص عين .. شكلك عامله مشاكل وبتضربى كتير
كارما : توء توء .. انا محدش يقدر يضربنى وبتفاخر انا عندى حصانه  .. بص برغم ان بابا شديد جدا الا ان محدش يقدر يكلمنى ورامى اخره يهزر معايا .. صحيح هزاره تقيل .  بس عسل
عمر : بهزار وبيتصنع الجديه مفيش عسل غيرى من انهارده فاهمه
كارما : بصوت عالى نوعا ما .. عمر
عمر : بيقلد عبد الفتاح القصرى .. خلاص تنزل المردى .. انما يكون فى معلومك المره الجايه لايمكن تنزل ابدا
كارما : هههههههههه حمش وربنا
عمر :  انتى لسا شوفتى حمشنه  قومى  جهزى الفطار ونضفى البيت واطمنى على الحوت الا نايم زى القتيل فى التلاجه بدال ما أرميه لطيور النورقص الا برا دى 
كارما : قامت  وهى بتضحك ومسكت خده  .. طيور نورقص  بتنادى برا .. ارمى لها الحوت عشان ترقص وتبقى اسم على مسمى 
عمر : الا يتخلى عن حوته كأنه اتخلى عنى بالظبط
كارما : ها تفطر ايه بقى عشان اعمل الفطار
عمر : اى حاجه ابهرينى .. وبيقفل وشه .. بلاش بهارات كتير .. وحشه على الصحه ياكارما  وقامو ياخدو شاور ويصلو ويفطرو مع بعض
*************
ادم بفرحه : وحشتنى ياسعيد .. الايام طارت زى الصاروخ وكبرنا
سعيد : اه يا ادم ياما شوفت يا صاحبى .. واخر الا شوفته مصيبتك والا عملته فى بنتى
ادم : هههههههه ربنا وقعها فيا عشان اشوفك واعرف اراضيك فين اختفيت من يوم ما ادتنى ال5الاف جنيه وماعرفش روحت فين 
سعيد : سافرت البلد اتجوزت وخلفت ابنى رامى هناك .. ورجعت قلبت الدنيا عليك ماعرفتش اوصلك ولا معايا تليفون ليك ولا اى حاجه
ادم : هههههه انا كنت لاقى اكل عشان يبقى معايا تليفون .. انت عملت فيا جميل شايله فوق راسى وفلوسك فى الحفظ والصون بمكسبهم كمان
سعيد : انا كنت مسلفك ... مكسب ايه بقى .. وانا مش عايز فلوس يا ادم عايز بنتى وارفع راسى فى وسط الناس الا بدئو يتكلمو ويعملو حوارات وحكايات على خطفها ..انا عارف تفكير الناس وعمايلاها
ادم : حاضر ياسعيد حاضر .. ها اكلم المهندس اشوفه وصل لفين فى الطياره وينفع تروح تجبها والا لاء
سعيد : انت وديت العيال فين يا راجل يخربيت جنانك .. طول عمرك هربانه منك
ادم : ههههههههه .. هى فعلا المره دى  هربت على الاخر ودتهم فى الجزيره الا موجوده فى ال .....
سعيد بقلق : يخربيتك يا ادم يخربيتك .. دا زمان الواد دخل عليها  والمصيبه حصلت .. انت مجنون يا ادم
ادم : ان شاء الله مش ها تلاقى حاجه حصلت
سعيد : ياراجل  هو فى غيرهم والشيطان هناك .. مفيش حد رزل زيك كدا يقطع خلوتهم مع بعض
ادم : ههههههههه لسا زى ما انت لسانك طويل افهم يا قفل جوزها 
سعيد : بجديه والله يا ادم ها تخسرنى لو بنتى رجعتلى ومليش حق فيها ومجبر على كل حاجه وكأنى بدارى على فضيحه
ادم : خلاص ياسعيد ان شاء الله مش ها يحصل حاجه
**************
كارما : احنا ها نفضل لوحدنا كتير .. انا زهقت مفيش مكان اروحه
عمر : امال انا مازهقتش ليه .. وكمان هو فى احلى من كدا صحيح التدريبات وحشتنى ..بس وجودك احلى من التدريبات
كارما : هو انت بتعرف تنطط الكوره وتخليها تقف على راسك
عمر : وعلى كعب رجلى كمان لو عايزا .. انتى بقى تعرفى تكونى مذيعه
كارما يا سلام .. دا اسهل حاجه فى الدنيا
عمر : بيعدل نفسه كأنه قدام الكاميرا  .. وبيقول لها ياله
كارما بأستغراب : ياله فين
عمر : اعملى لقاء معايا ..اشهر مدرب كوره قدامك أما  نشوفك مذيعه ناجحه والا اى كلام
كارما بتفاخر : بتشاور بصباعها على نفسها انا اى كلام .. وبتضم صوابعها على بعض وتطلع ايدها وتنزلها دلوقتى تشوف وبدئت تتقمص الشخصيه
وعمر مبتسم قوووى .. راحت جابت الكوره وادتهالو فى ايده .. وجابت معلقه ومسكاها .. وبتتكلم بسرعه وكأن حواليها دوشه جاااامد ..
كارما : اهلا وسهلا مشاهدى الاعزاء ..  معاكم كارما سعيد من الاستاد زى ما انتو شايفين  .. وفى اجواء مختلفه وفرحه عارمه تكتسح كل مشاعر الناس بأمتياز .. بعد خسارتنا 3 واحد
عمر : تنح .. لا كدا مش فرحه كدا نكسه
كارما وهى متقمصه الدور قوووى : هششش .. وبتعدل فى نفسها كأنها قدام الكاميرا .. دلوقتى معانا كابتن الفريق   وبتوجه المعلقه عند عمر .. هارد لك يا كابتن .. وتحب تقول ايه بعد خسارتكم والفرحه الا فيها الناس دى
عمر : لسا ها يتكلم .. شالت المعلقه وبتتكلم هى
كارما : طبعا عارفين كل المبررات والكلام الا هايتقال تحب تضيف حاجه او ايه الخطط الا ممكن تتم فى الايام الجايه
عمر ؛ هو ممكن .. وشالت المعلقه تانى وبتتكلم هى
كارما : عارفين طبعا انك ها تقول انكو بتبذولو مجهود جبار وها تبذلو أكتر وأكتر .. بس الجمهور بيسأل اخرتها ايه معاكو
عمر : اخ .. وشالت المعلقه ..وبتتكلم
كارما : بتهز راسها ..طبعا ها تقول اخرتها زى الفل  والفريق ها يبقى فى تطور واضح .. وزى ما حضرتكم  سمعتم عن المجهود الجبار الا الكابتن عمر بيبذله هو والفريق وزى ماقال بالظبط
عمر بعصبيه : انا ماقولتش  وبيشاور بايده يمين وشمال .. انتى الا قولتى وانتى الا دربتى وانتى الا خليتى الفرحه العارمه مع الفشل .. ازاى معرفش
كارما : بتضحك بصوت عالى .. وبتوطى راسها لتحت
عمر : ابتسم .. مجنونه ياكارما .. انتى لو مذيعه وضربوكى حلال فيكى الضرب وربنا
كارما : بتواصل الضحك وبتقول لا
عمر : اقنعينى بكلمه واحده من الا قولتيها .. كان ناقص تقولى انا الا بدرب الفريق بنفسى ادى مساحه للقدامك يتكلم .. ايه مسكتى فى المعلقه وطمعتى فيها لوحدك ..وبيعلى صوته دى مصيبه ياماما .. ماتعمليش فى نفسك كدا
كارما : اترمت فى حضنه من شدة الضحك وماسكه بطنها .. وبتقوله كفايه
عمر بتريقه : ألا الفرحه العارمه على خسارة الفريق 3 واحد .. مش مكسوفه وانتى بتقولى كدا  اوعى يا شيخه كرهتينى فى الاذاعه والكوره
كارما : وهى بتضحك ما انت الا مابتعرفش تدرب قولت ادارى على فشلك وبدل ما اقول غضب قولت فرحه ..
عمر : اه وبيفرقو حاجه ساقعه وشيكولاته على فشلى روحى الله يسهلك الحمد لله انك قاعده فى البيت .. ابوكى كان ها يجرى كل يوم على مستشفى شكل
كارما : بتكبر .. اخرس انا البريموو  لو طلعت على الشاشه ها اقعدهم كلهم فى البيت
عمر : ها يقعدو من الصدمه .. كلهم يايفقدو النطق .. وبيخبط على كتفها .. والبركه فيكى .. وبيتخن صوته وبيشاور بايده كانه شايل سنجه كبيره .. انا هناااا مين هناااك  الا ها يتكلم ها اخلص عليه يابشرر
كارما : انت رخم .. والله منا لاعبه
عمر : لا وربنا ما انتى لاعبه خالص انسى ياماما موضوع الاذاعه دا الغيه من حياتك .. اسمعى  منى انا بحبك وعايز مصلحتك
كارما : وهى مبتسمه .. ماشى علمنى بقى انطط الكوره ووقفها على راسى وكعب رجلى
عمر : انتى بالدماغ دى ها تعمليها كعب فى رجلك
كارما : بدلع قربت عليه ومسكته من دراعه زى الاطفال .. علمنى انا بحب الكوره ياعمر
عمر : عمر جدته مش خالصه .. تعب عمر وربنا تعب
كارما : من ايه تعبت بقى امال لو نضفت لوحدك البيت امبارح 
عمر : تعالى عشان انا عارف الكلام ملوش لازمه  . وخرجو برا فى الحته الواسعه وبدء يلعب معاها كوره بأستمتاع .. وهو بيلعب بإحترافيه  وشايف فى عيونها نظرات اعجاب  مع كل حركه وهمسه او لمسه بينهم ..وفجأه .. عمر رمى الكوره .. وشدها عليه وفى حضنه
عمر بهمس : كارما عايز ارقص معاكى
كارما : هااا
عمر : مش وقت تتنحى فيه وبيقرب على شافيفها بجراءه وعدم تحفظ وباسها برقه .. عايز ا ر ق ص معاكى
كارما : طيب استنى
عمر : مسكها من ايدها .. ودخل على جوا .. قال لها اطلعى البسى فستان لو لقيتى فستان فى الشنطه .. وانا كمان ها البس .. وها اشغل دا وبيشاور بأيده على الجهاز الا موجود .. وفعلا سمعت الكلام .. وطلعت ونازله بعد وقت لابسه فستان احمر يشبه السمكه كتيررر .. وبارز كل جمالها ورقتها ..ورافعه شعرها  لفوق .. وحطا روج هااادى جدا 
عمر : لابس طقم كاجول مفيش غيره والباقى كله شورت وتيشرت .. وشكله المهندم يغنى عن اى كلام .. اول ما شاف كارما حس ان الدنيا مش سيعاه من الفرحه .. نازله بدلال واضح .. وهو مستنى بشوق واضح .. اتقابلت عيونهم فى نظرات لهفه واتقابلت ايديهم واتشبكت صوابعهم .. شدها براحه عليه خدها فى حضنه يداريها من عيونه الا بتاكلها أكل .. ولف ايد على وسطها والتانيه ماسكه فى ايدها وبيرقصو بخطوات هاديه وبسيطه 
عمر : بياخد نفس.. وبيتكلم بهدوء .. عارفه يا كوكو . بقيت خايف حد يجى ويخطفك من حضنى حتى لو ابوكى .. برغم انى خايف عليكى من نفسى ومش عايز ازعلك او أقلل من أهلك .. بس لو طولت اخبيبكى جوايا ها اعملها
كارما : لاول مره .. بحبك يا عمر .. وبحب بكل تصرفاتك
عمر : بفرحه .. باس ايدها ..عمر كله بين ايديكى ومن حقك انتى لوحدك .. ها تزعلى لو طلعت مش ابن ادم وما نملكش نعيش ايام زى دى تانى
كارما : وجودك الا بيحلى المكان  مهما كانت ظروفنا .. قلبك الابيض والتفاهم الا انت فيه .. وبتضحك وبتوطى راسها .. وقالشتو
عمر : قالشتو مين يا قمرى
كارما : بصباعها بتشاور على صدره .. قالشاتك انت اد ايه الامور بسيطه وكله بيعدى معاك ..  والا بتضحك عليا فى الاول
عمر : بيهز راسه .. توء .. اى شئ فى حياتى مهما كان معقد بأنساه ولو افتكرته اضحك عليه  ساعتها بس بحس انه قليل قوى ومايستهلش حرقة دمى واعصابى .. حبيتك وعايز اعيش معاكى حياه سهله وبسيطه .. مهما كانت امورنا صعبه .. بأبتسامه منك ها تدوب وتختفى
كارما : نفسى يكون فى ناس برا كتيرررر  .. واطلعو واقول بعلو صوتى .. بحبك ياعمر .. بحبك يا أحلى بسمه شوفتها فى حياتى .. بحبك يا احلى كلمه سمعتها
عمر : قرب على شافيفها بشوق ولهفه ربكتها ونسى حياته الا فاتت ومش فاكر غير وجودها بين احضانه ... وفجأه دخل عليهم رامى وسعيد من الباب الا كان مفتوح
💗💗💗💙💙💙💚💚
بقلم : لبنى طارق
💗💙💙💚💚