نصيبك تحب مجنونه (زواج ام دراسه الجزء الثاني)

البارت الرابع

نصيبك تحب مجنونه
(زواج ام دراسه الجزء الثاني)
الحلقه الرابعه
★★★★★★★★★★
وصل ابراهيم ع البيت ودخل غير هدومه وطلع قعد مع امه ع السفره ياكلوا بهدوء
هدي : عملت اي ف شغلك
ابراهيم : تمام
هدي : طيب مش ناوي تتجوز بقي
ابراهيم : ده قراري مش قرار حد
هدي : لحد أمتي يعني هتفضل كده
ابراهيم : ماما لو سمحت خلينا ناكل واحنا ساكتين
هدي بغيظ : ماشي يا ابراهيم ماشي.  وخلصوا اكل وقعدوا قدام التلفزيون لحد ما سكتوا بسبب صوت الجرس
هدي : مين ده
ابراهيم : ثواني هشوف.  وراح نحايه الباب وفتح واتفاجئ
ابراهيم بدهشه كبيرة : شاااااهد
#فلاش منذ قليل ف بيت سعديه
سعديه باستغراب : اي ده واي الشنط دي.  خرج ادم وشهد من اوضهم وماسكين شنط ف ايدهم
ادم : يلا يا سوسو جهزي شنطتك
سعديه : لي
شهد بثقه : هنروح بيتنا
سعديه بعدم فهم : ما احنا ف بيتنا
ادم : لا هنروح لبيتنا الثاني
سعديه : أني بيت يابني
شهد : اصبري بس وهتفهمي   ودخلت اوضتها ووضبت الشنطه بسرعه وطلعوا
شهد : كل ما عليكي تدخلي تلبسي اللبس ع السرير
سعديه : ام اشوف اخرتها معاكم اي يا ولادي. ودخلت اوضتها تغير
ادم : متاكده من إللي هنعمله
شهد : عيب عليك انا هطلع العفاريت عليهم اصبرررر
ادم : ماشي يا شوشو وانا معاكي.  وبعد شويه سعديه طلعت ونزلوا وقفلوا الشقه وركبوا العربيه مع ادم ووصلوا بيت هدي
سعديه باستغراب : احنا جايين هنا لي...وبدات تستوعب اوعوا تقولوا
شهد وادم : ايوه
سعديه : مستحيل انا اعيش مع هدي ف بيت واحد لا
شهد : ماما ده حقنا احنا مش هنعيش  على راس هدي احنا هنعيش ف بيتنا ملكنا
ادم : احنا حقنا ف البيت ده ولازم نستفيد
سعديه : انتي هتعيشي معهم إزاي يا شهد
شهد : عادي يا ماما كانت فتره وعدت
ادم : وشهد اعقل من كده ورمت الماضي ورا ظهرها
سعديه : يا رب صبرني يلا روحوا. ودخلوا جو
شهد : اسمحلي انا إللي ارن
ادم : بيتك اميرتي 😉😂
شهد : ثانكس بغلي
ادم : عبو إللي يدلعك  
سعديه : ما تنجز يا واد انت وهي
شهد ف نفسها : يارب القوه يارب القوه يارب القوه. ورنت الجرس وفتح ابراهيم
#عوده للواقع
حاولت تجمع نفسها لم شافته قدامها ومسكت ع نفسها جامد
شهد : ازيك يا ابن عمي
ابراهيم : شهد
ادم : انت مش شايف غير شهد ولا اي
ابراهيم : ها لا طبعا اتفضلوا اتفضلوا   ودخلوا جوا وهو مستغرب من وجودها ومن الشنط اللي ف ايدهم
هدي بصدمه : شهد.  شهد شافتها وعينيها احمرت من الغضب بس سيطرت ع كده بسرعه وحاولت تبان طبيعيه
شهد : خالتي هدي وحشتيني جدا يا خاله. وقربت منها وحضنتها جامد لدرجه ان عضم هدي كان هيتكسر وهدي حست بالام بس سكتت وشهد بتدوس اكتر بغل وبعدت عنها
شهد : لسه علامه الايمان بتنط من عيونك اهو
سعديه : ازيك يا هدي عامله اي وانت يا ابراهيم
ابراهيم : الحمدلله اتفضلوا اقعدوا
هدي : استنوا عندكم انتوا جايين هنا لي
ادم : هي دي اتفضلوا يا مرات عمي بس أنا عارف انك مدايقه من اخر مره
سعديه : لا لا عيب يا ادم اللي بتقوله ده ده انت وشهد زي ولادها
شهد : امال فين تسنيم
هدي : ارسي ع بر يا بنت سعديه عايزه اي واي الشنط دي
شهد : انا عرفت أن ادم مزعلك قولت والله ما يحصل لازم نقعد معاكم يومين
هدي بغضب : نعععععععم
ابراهيم : يعني انتوا هتقعدوا معانا
سعديه : بالظبط
هدي بغضب : نعععععععم اهو ده اللي مش هسمح بيه
شهد بخبث : لي كده يا مرات عمي مش احنا لينا نص البيت بردو ولا اي
هدي : لا يا حبيبتي البيت ده بتاعي انا بتاع ولادي انا
ادم : واحنا عايزين نرجع حقنا ف الييت
ابراهيم بحنق : انا جيت قبل كده وعرضت عليك بس انت إللي قولت هفكر
شهد : شوفت بقي أن الناس بيفهموا كلامك غلط لا يا ابن عمي احنا جينا نعيش مع مرات عمي حبيبتي ف بيت واحد
ابراهيم : نعم ده اللي هو إزاي يعني
سعديه باستغراب : زي الناس يا ابراهيم ف اي
ابراهيم : ايوه يا مرات عمي بس انا و وشهد
شهد مقاطعه : ده ملوش دعوه بده يابن عمي
ابراهيم بفرحه : يعني انتي سامح.
شهد قاطعته : قولتلك ده ملوش دعوه بده
هدي : وراكي اي يا سعديه انتي وولادك
ادم : اكيد مش ف دمغنا حاجه انتي وبس اللي بتدبري الخطط مش احنا
ابراهيم بغضب ': ادددم
ادم : وطي صوتك متنساش
ابراهيم : انت هنا ف بيتي
ادم : وبيتي انا كمان
شهد ببرود مستفز : خلاص يا جماعه كانت ساعه شيطان الله وفوق كل ده انتوا ولاد عم. بصي يا مرات عمي احنا هنعيش هنا لو انتي بقي وابنك مش عايزين يبقي بالسلامه
هدي : شكلك واحده بجحه شكلك نسيتي فضيحتك هنا
شهد بهدوء عكس الغضب اللي جواها : عارفه العيب اللي فيا اني طيبه وع نياتي وبنسي بسرعه بس انتب إللي قلبك مليان بس بامانه انا مدايقه منك ده انا بنت اخو جوزك ومرات ابنك كنتي تستري عليا
هدي : وادبس ابني ف واحده عاهره
سعديه بغضب : هدددددي التزمي حودك احسنلك
هدي: امشوا من هنا وانتوا مش هتسمعوا كلامي الحقيقة بتوجع مش كده
ادم : انت اي كيس جوافه واقف
ابراهيم : اددددم
ادم بسخريه : كل حاجه ادم ادم ومش سامع لامك ولا اطرشيت ساعتها.  سكت ابراهيم عن الكلام فتره وبعدين اتكلم
ابراهيم : هيقعدوا معانا يا ماما
هدي : انت اتجننت
ابراهيم : ماما لو سمحت هم ليهم نص البيت من حقهم يعملوا اللي عايزينه وبص ليهم تقدروا تتصرفوا براحتكم.  وسابهم ومشي من البيت كله بغضب
سعديه : ماشي شوفولي اوضه بقي يا ولاد لاني تعبانه
شهد : لا سلامتك يا ماما تعالي تشوفي اوضتك
ادم : تصبحي ع خير يا ....مرات عمي.  وسابوها تغلي وكل واحد شاف اوضه ودخلوا جواها
هدي بغل : عايزه مني اي يا سعديه انتي وعيالك انا متاكده ان شهد دي وراها حاجه طول عمرها خبيثه اه والثاني المغفل سبني ومشي ياااارب والله لاخلص منك يا شهد ويا انا يا انتي   ودخلت اوضتها ورزعت الباب بغضب ام ادم وشهد طلعوا من اوضهم وراحوا لسعديه
سعديه : اي مالكم.  بصوا لبعض الثلاثه وانفجروا ف الضحك
شهد : شوفتوا شكلها
ادم : ولا شكل ابنها احيييه عليهم
سعديه : دي هدي كانت هتموت مفقوعه
ادم : وبعدين اي البرود ده يا بنتي انا كنت مستغرب منك انتي
شهد بتنهيده : لازم يا حبيبي لازم وبعدين انت مسمعتش عن الهدوء الذي قبل العاصفه
سعديه : ناويه ع اي يا بنتي
شهد : كل خير يا ماما متخافيش
ادم : متخافيش يا ماما شهد مبقتش زي الاول ضعيفه لا الاخت بقت احسن مني ومنك
شهد : ما انا محتاجك معايا
ادم : هنرجع حقنا من هدي وولادها
سعديه : وابراهيم
بصتلها شهد طويلا وقالت : لا ده خلاص مبقاش يهمني هو مجرد بن عمي فقط
ادم : هتقدري ع العيشه هنا يا شهد
شهد : انا فاهمه قصدك ومتخافش هقدر
سعديه : بيني وبينكم انا مش مرتاحه هنا
ادم : ومين مرتاح بس يا ماما القعده هنا تخنق بس لازم
سعديه : ام نشوف اخرتها ويلا بقي هووونا عشان انام
شهد : ماشي يا جميل بس اه انتب مش هتدخلي المطبخ نهائي
سعديه : لي
شهد : ياستي اعتبريها فتره ترفيه الله
ادم : اه منك يا سوسه
شهد : ههههههههه يلا تصبحوا ع خير. وطلعت برا ووراها ادم ام جوا عند سعديه لم طلعوا طلعت صوره ومسكتها
سعديه بابتسامة : شايف يا سيد شهد مبقتش زي الاول واتغيرت خالص.... شهد مش ضعيفه زينا يا سيد .... شهد دي اللي هتقدر تخلي هدي تنتحر... بنتك مش سهله شبه جدها جدا ..... كان نفسي تبقي موجود يا سيد. ثم احتضنت الصوره ونامت ام برا بقي
ادم : شوشو
شهد : شوشو اي الطلب
ادم : احم هو انا عادي او كلمت جنه.  ضحكت بشده
شهد : انت بتستاذني مثلا ما تتكلم
ادم : يعني عادي
شهد : تصبح ع خير يا ادم مش ناقصك الصراحه 😏و وسابته ودخلت اوضتها
ادم : مالها دي مدايقه لي انا قولت حاجه غلط يلا مش مهم.  ودخل اوضته وهو بتافف منها ومسك الفون بتاعه واتصل بجنه اللي ردت بعد فتره
ادم : الو
جنه : أهلا ازيك يا بشمهندس
ادم : بشمهندس يبقي لسه مدايقه مني
جنه : لا عادي انت عملت اي يعني
ادم : خلاص بقي قلبك ابيض
جنه : ماشي ☺
ادم : يعني صاف يا لبن
جنه : صاف يا لبن
ادم : احم انتي عامله اي وانكل محمود
جنه : كويسين
ادم : معاكي رقمه
جنه : اكيد مش ابويا
ادم : اه صح اي الغباء ده طب هاتيه
جنه باستغراب : اشمعنا
ادم : هلعب معاه طاوله ما تنجزي يا جنه
جنه : حاضر هبعتهولك ع الواتس باي. وقفلت ف وشه
ادم : ما انت إللي غبي ف حد يتكلم كده يلا مش مهم هبقي اكلمها بعدين. لقي الرقم جاله سجله ونام من غير ما يقولها شكرا (حااالوف). ام عند شهد ف مشغله اغنيه اه لو لعبت يا زهر وبتغني
شهد بمرح : اه لو لعبت يا زهر واتبدلت الاحوال وركبت اول موجه ف سكت الامواال اااه.  وقعدت ع السرير بكسل
شهد بابتسامة صفراء : كده الزهر ابتدا يلعب معايا ويا انا يا هدي وولادها والله لوريهم. ونامت وهي حضنه المخده
________________&&
مشي ف الشوارع مش عارف هيعمل اي معاها هي رجعت تاني لا وفوق كده هتعيش معاه ف نفس البيت افتكر التخاطيف اللي كانت بتجيله ف الاحلام وانه لمسها لحد ما افتكر كل حاجه وندم ساعتها بس ميقدرش يخسر مامته واخته وقف قدام النيل
ابراهيم : ياااااارب ياااارب سهلها معايا بقي أنا تعبت والله تعبت..... عارف اني غلط لم ظلمتها ..... بس اي حد مكاني كان طبيعي يعمل كده (رايكم اي ف الكلام ده اكتبوه ف الكومنتات👇 (
وقعد شويه وهو محنوق وبيفكر ف اللي ممكن يحصل شهدvs  هدي واحده مامته والثانية حبيبته بس سؤال انا لسه بحبها ولا خلاص فضل يسال نفسه السؤال ده كتير عشان ميظلمهاش من تاني وفضل قاعد شويه وبعدين روح ع البيت وكان عايز يعرف هي ف اني اوضه بس مقدرش دخل ع اوضته ع طول ونام
_______________-&
ام عند جودي وهاشم ف هم اخر روقان (مش هيدووووم اسمعوا مني انااا 😂)
هاشم : بس بجد وحشتيني جدا
جودي : وحشتك ازاي وانا كنت معاك طول اليوم نفسي افهم
هاشم : إنتي بتوحشيني وانتي معايا
جودي : الله يخليك بلاش جو الافلام ده لان جسمي بيقشعر
هاشم : يا خراشي ع حبيبي ابو قلب طيب
جودي : ايوه ايوه بس يا هاشم انت تخنت اوي
هاشم : تخنت 😮
جودي : ايوه انا متجوزه راجل جسمه رياضي مش واحد بكرش
هاشم : بكرش اي بس ده أنا لسه زي ما انا رياضي
جودي : انت مش انت وانت جعان يا حبيبي
هاشم : مااااشي ادلعي كتييير ماااشي
جودي : حبيبي يا ناس.  وحضنته وناموا هم الاثنين
________________&
طلعت شمس يوم جديد واحداث جديده ومغامرات جديده مع الكل ومشاعر متلغبطه صحيت شهد من نومها بحماس عكس المعتاد وقامت بسرعه من مكانها اخدت شاور سريع ولبست وراحت ع المطبخ تعد الفطور صحيت هدي من النوم وسمعت صوت دربكه برا طلعت تشوف لقت شهد واقفه ف المطبخ
هدي بغضب : بتعملي اي ف مطبخي
شهد بخضه مصطنعه فهي كانت تعلم من الاساس انها استيقظت : بسم الله الرحمن الرحيم حرام عليكي يا طنط دي طريقه مش الاول ف صباح الخير
هدي : أنا عايزه افهم انتي بتعملي اي هنا فورا
شهد : سلامه الشوف يا حبيبتي بعمل فطار زي ما انتي شايفه
هدي : ناويه تقتليني يا بنت سعديه. قربت منها شهد وعملت نفسها بتقع لم شافت ابراهيم وهمست لهدي
شهد بهمس : انا مش هخش السجن عشان واحده زيك وكفايه بنت سعديه لانك عارفه انا بنت مين كويس
هدي كانت هتتكلم بس قاطعتها : واوعي تتكلمي ابنك جي علينا. واتعدلت ونظرتها اتحولت لشكر
شهد : شكرا يا طنط
هدي بجز ع اسنانها : العفو
ابراهيم: صباح الخير
هدي : صباح النور يا حبيبي
ابراهيم : صباح الخير يا شهد
شهد : اهو صباح وخلاص
هدي : ما تردي عدل
شهد: حاضر يا طنط من عنيا صباح الخير يا بن عمي حلو كده ينفع برا بقي عشان اشوف الفطار اه هتفطروا معانا ومفيش اعذار ويلا برا وزقتهم خارج المطبخ وهدي هتموت منها
هدي : انا استحاله اكل من ايدها اكيد هتسمني
ابراهيم : لي يعني يا ماما هي هتستفيد اي اكيد مش هتستفيد حاجه
هدي ؛ لا يا حبيبي انت طيب اللي زي دي خبيث وانت اوع تتعلق بيها هي هنا عشان ترجعلك انا عارفه
ابراهيم : أن شاء الله أنا داخل أخد شاور.  وسابها ودخل
هدي لنفسها : وبعدهالك يا شهد ربنا يستر منك. ودخلت اوضتها وشهد ابتسمت
شهد : والله الشغل هيحلووووو ام وريتك يا هدي.  وخلصت الفطار وعملت حركه لذيذه اوي ومشيت راحت اوضه اخوها تشوفه وتصحيه واول ما دخلت طلعت هدي من اوضتها بهدوء ومشيت ناحية المطبخ وماسكه علبه صغيره ف ايدها
هدي : انا هوريكي يا شهد لازم تطلعي من البيت ده.  وجت تقرب من الأكل بس اتكهربت
هدي بصراخ مكتوم : ااااااه اعاااا.  وبعدت بسرعه
هدي بغضب ؛ مكهربه الحاجه بنت ال## مااااشي يا شهد ماشي. وجت تلمسها من بعيد اتكهربت
هدي : اااااه وبعدت ف ثانيه ومشيت ع اوضتها وهي بتلعن شهد ام ف اوضه ادم ف كان هو وشهد واقفين ورا الباب وبيضحكوا جامد
ادم : يخرب عقلك يا شهد دي قعدت تترجرج زي الكولا البايظه
شهد ههههههههه شكلها كان تحفه
ادم : لا والغبيه بتحط ايدها تاني
شهد: بتتاكد الله
ادم : ههههههههه مصيبه انتي وهتعملي اي بعدين
شهد : اصبر يا جميل تاخد حاجه نضيفه انها فقط البدايه
ادم : وابراهيم
شهد : يخربيت ابراهيم اللي شاغلكم ده بس هو مبقاش يعني ليا اي شئ متخافش
آدم : متاكده
شهد : ايوه هو بن عمي وبس ولازم هينوبه من الحب جانب ولا اي
ادم : لعبوا مع الشخص الغلط
شهد : ههههههههه بالظبط
ادم : اشطا عليكي روحي صحي ماما عقبال ما اخد شاور سريع
شهد : اشطا يا معفن
ادم : لي هو انا انتي ولا اي
شهد : انت تطول
ادم : اطول واطول ياحلوه
شهد : طب روح بقي الريحه ظهرت
ادم : غوري يا شهد   طلعت شهد وهي بتضحك من عند ادم لقت ابراهيم ف وشها الضحكه اختفت وبعدين ظهر شبح ابتسامه مصطنع قرب منها بابتسامة
ابراهيم : عامله اي يا شهد
شهد : تمام يابن عمي
ابراهيم : انتي نسيتي اسمي ولا اي
شهد : لا ابدا بس بحسه تقيل عليا
ابراهيم : شهد انا
شهد : عن اذنك عايزه اخلص عندي شغل.  وسابته ومشيت قبل ما تعمل اي حاجه تندم عليها بعدين ام هو فاتنهد باسي وحزن طلعت هدي بمكرها المعتاد من وراه
هدي : شايف بتتقل عليك وانت عامل زي الحمار
ابراهيم : ماما
هدي : اي كلامي مش عاجبك ولا اي
ابراهيم : انا هروح الشغل احسن
هدي : مش هتاكل
ابراهيم : مش طافح. وسابها ونزل
هدي بغضب : ان شالله عنك ما طفحت   ودخلت اوضتها ورزعت الباب بغضب طلعت شهد بعد ما سمعت اللي حصل وضحكت بخفوت وراحت تجهز السفره وبعد فتره طلعوا ياكلوا بس هدي مطلعتش
سعديه : اهو كده الواحد ياكل بنفس
آدم : فعلا يا ماما
شهد طب كلوا بقي
سعديه : ماشي. وقعدوا فطروا وشهد قامت دخلت الاطباق المطبخ وعملت حركه كده وبعدين نزلت هي وادم بعد ما وصوا سعديه ع شويه توصيات تجنب لهدي ادم وصلها الشركه وراح هو ف طريق غير طريق شركته
__________________&&
ف البيت عند جودي وهاشم قاام هاشم من نومه مفزوع وجودي اتنفدت معاه وحضنته عشان تهديه
جودي : اهدي اهدي غ اي
هاشم : كابوس يا جودي كابوس
جودي : اهدي طيب هو كابوس وراح لحاله. وبعدت شويه جابت كوبايه مايه وادتهاله شرب منها واتنفس جامد
جودي : احسن دلوقتي
هاشم : ايوه ايوه
جودي : اي بقي الكابوس
هاشم : ها...مش فاكر
جودي : اممم طيب يا هقوم احضر الفطار تكون انت اخدت شاور وفوقت
هاشم : ماشي. قامت من جنبه وهو ف عقله : اي اللي خلي البنت دي تظهر تاني انا كنت خلصت منها يااارب .... لو اعرف مكانها بس.  قام من مكانه واخد دش بارد عشان يبرد اعصابه بس صوت الصراخ كان حواليه قفل المايه ولبس وطلع برا الحمام ومن الاوضه كلها كانت جودي بترص الفطار وشافته وابتسمت وهو بادلها الابتسامه وقعدوا يفطروا مع بعض
جودي : الدش فوقك صح
هاشم : ايوه
جودي : ماشي هقوم انا كمان اخد شاور سريع. اومئ براسه وهي دخلت الحمام وهو سند راسه ع الكرسي بهدوء لحد ما خرجت ونزلوا مع بعض الشغل
_______________&
ف الفيلا عند جنه
قامت من نومها بتكاسل ودخلت الحمام وبعد نص ساعه خرجت من الحمام ولبست هدومها ونزلت كان محمود قاعد تحت
محمود : صباح الخير يا حبيبتي
جنه : بابا حمدلله ع السلامه كنت فين
محمود : كنت ف مشوار يا حبيبتي
جنه : مشوااار اه طيب
محمود : لي ف حاجه ولا اي
جنه : لا خالص عادي يا حوده الله
محمود : ماشي يا حبيبتي وأنتي عامله اي ف شغلك
جنه بلامبالاه : عادي
محمود : وشهد
جنه بابتسامة : بقت احسن بكتير عن الاول رجعت شهد إللي نعرفها
محمود : طب الحمدلله كويس
جنه : ماشي انا هروح ع شغلي حضرتك عايز حاجه
محمود : لا يا حبيبتي ميرسي
جنه : سلام.  ومشيت من عنده
جنه لنفسها : عمره ما هيتغير عمره. ومشيت بالعربيه
______&&&&&&&&
ف الشركه دخلت شهد وقبل ما تروح مكتبها لقت ابراهيم طالع من هناك ابتسملها نصف ابتسامه ومشي وهي استغربت ف وجوده بس افتكرت انه يعرف مديرها راحت مكانها وقعدت فيه وبعد شويه
جيداء من ع المكتب : صباح الخير
شهد : صباح النور يا جوجو عامله اي
جيداء : تمام يا حب بقولك
شهد : قولي
جيداء : مستر فارس عايزك
غمضت عينها بتذمر : وعايزني لي
جيداء : معرفش تعالي
شهد : ماشي ومشيت معاها وف نفسها يا ساتر دخلت ابراهيم المكان بتبقي فقر عليا ربنا يستر وصلت المكتب ودخلت بعد ما سمعت الاذن
فارس : اتفضلي يا انسه شهد
شهد بزهق : ممكن تقولي شهد ع طول
فارس استغرب من طلبها : ماشي اقعدي يا شهد
شهد: تمام  وقعدت
فارس : ده المشروع بتاع القريه السياحيه عايزك تدرسيه وتقولي رايك
شهد : اشمعنا انا يا فندم ما ف كتير
فارس : انا اختارتك انتي لكفائتك ف الشغل
شهد : ان شاء الله مخيبش ظن حضرتك يا فندم
فارس : تقدري تقولي فارس عادي
شهد : العفو يا فندم مقدرش اتخطي حدودي
فارس : ما انا بقولك شهد عادي
شهد : انت مديري انما انا مجرد موظفه وغير كده انت متقربليش ف حاجه.  قام من مكانه واتوجه ليها وعينه فيها غضب وهي رجعت لورا بخوف ولزقت ف المكتب
فارس : انتي اي ها..... انت بحالات .... مجنونه مثلا.... امبارح كنتي بتضحكي ومبسوطه ودلوقتي ضاربه الوش الخشب ..... ف اي فيكي
شهد : دي حاجه خاصه بيا
فارس : مش خاصه بيكي لوحدك. وابتدا يقرب منها وهو مسحور قعدت تدور ع حاجه تحارب بيها لانه محاوطها بايده لقت فازه مسكتها ف ايدها
فارس بسخرية : ارمي اللعبه دي يا شاطره بلاش شغل مراهقين
شهد بغيظ : انا مش مراهقه. ومسكت الفازه وووو
_________&
تفتكروا هتعمل اي بالفازه
تسنيم هتعمل اي لم تعرف
هدي هتسكت ع كده
اي العلاقه إللي بين ابراهيم وفارس
ادم راح فين
اي هو اللي رعب هاشم كده
توقعاتكم
#Nemo