نصيبك تحب مجنونه (زواج ام دراسه الجزء الثاني)

البارت الثاني

ان شاء الله مواعيد نزول الروايه هتبقي كل يوم الصبح بس مش ساعه محدده تمام؟!

نصيبك تحب مجنونه
(زواج ام دراسه الجزء الثاني)
الحلقه الثانيه
$------------&------------$
تاني يوم الصبح الكل صحي من نومه ف بيت شهد قامت من نومها وجت جنب جنه
شهد : تووووووووووووت
جنه قامت مفزوعه : حرام عليكي اشهد دي طريقه
شهد : مش عملتيها فيا قبل كده
جنه : بتردهالي يعني
شهد : تعرفي عني اني بسيب حقي
جنه : هههه لا
شهد : طب يلا يا اختي خدي شاور والبسي من هدومي كتك القرف
جنه ؛ أمشي يا بت من هنا. وطلعت شهد برا كانت سعديه صاحيه
شهد : صباح الخير يا عسليه
سعديه بضحك : صباح الخير يا حبيبتي نمتي كويس
شهد وهي بتمسك ظهرها بمرح ؛ اااه ظهري اتكسر
سعديه : ههههههههه من اي
شهد : انا وجنه نمنا ع الارض
سعديه : عيال والله عيال
شهد : امال دومه فين
سعديه : لسه نايم
شهد ؛ هو مبيشتغلش
سعديه : لا بيشتغل بس اول مره ينام براحه كده من ساعه ما مشيتي من البيت واكملت باسف انا اسفه يا شهد اني مقدرتش اجيب حقك من هدي وولادها
شهد مسكت ايديها : مامتي انسي انا خلاص هشيل الموضوع ده من دماغي مش يمكن ده عشان انا مسمعتش كلامكم ومشيت ورا دماغي وفضلت الجواز ع دراستي انا بجد مش عارفه من غير انكل محمود كنت هبقي إزاي
سعديه : ربنا يحفظه يارب
شهد : طيب هروح اشوف ادم بقي. وسابتها ودخلت ع اوضه ادم إللي كان نايم ف سابع نومه
شهد : يخربيتك يعني عدا ٩ سنين ولسه زي ما انت جاموسه ف نومك. وراحت بازازه المايه ع وشه وجسمه
ادم بشهقه : هاااااا يخربيتك يا شهد
شهد : الهي انت ياشيخ هو لحق جيه
ادم : ينفع إللي عملتيه ده
شهد : لانك بتنام زي الحمار
ادم بصدمه : انا حمار
شهد وهي بترجع لورا : ايوه.
ادم بتوعد : طيب وقام شالها وحطها ع السرير وقعد يزغزغ فيها
شهد : هههههههههههههه خلاص يا ادم ههههههههه يا ادههههه
ادم بضحك : عشان تحرمي
شهد : حرم ههههههههه حرمت حرمت وسابها وقامت
شهد : يخربيت إللي يزعلك
ادم : انتي اللي بتدعي ع نفسك اهو
شهد : بااااارد
ادم : مستفزززززه
شهد : طب قوم ياخويا عشان هتوصلني ع شغلي
ادم : لي اتكسحتي
شهد : أنشالله انت يا بعيد
ادم : طيب ياختي بس متدلعيش اوي هم يومين وهقلبك ع طول
شهد : ماشي يا خويا انا طالعه. وطلعت وهو دخل ياخد شاور كانت جنه خلصت وطلعت
جنه : صباح الخير يا ماما
سعديه : صباح النور يا جوجو
جنه : امال فين شهد
شهد من وراها : عوو
جنه ؛ هه ياما اتخديت
شهد : عيب عليكي ده أنا مرعبه
سعديه : هههههه اوي امال ادم فين لسه مصحيش
شهد : عيب عليكي لم شهد تكون هي إللي داخله تصحيه وتقولي مصحيش
جنه : فزعتي الواد 😂👊
شهد : انا يابنتي😂😂✋
سعديه : ههههههههه طب يلا يا بريئه عشان تساعدوني في الفطار
شهد : علم وينفذ يا فندم قدامي يا حضالظابط جنه😂👊
جنه : حضالظابط عليه العوض😂😂✋
وضحكوا ودخلوا المطبخ يحضروا فطار وادم طلع وصبح عليهم وقعدوا يفطروا
شهد بهمس لجنه : احم اي الكسوف ده يابنتي
جنه : اخرصي يا دزمه
شهد ؛ امممممم والنبي يا اخ ادم عايزين من البيته الملظلظه دي
ادم : بيته ومظلظله إنتي عشتي ف امريكا
شهد : اه والله اجيبلك الباسبور عشان تصدق
سعديه : هدوووء يلا عشان نفطر. وفطروا مع بعض وسلموا ع سعديه ونزلوا
ادم : تعالي اوصلك
جنه بابتسامه : ميرسي يا ادم
شهد : ميرسي يا ادم يا حنين. جنه داست ع رجل شهد بالكعب
شهد بصتلها بغيظ ومتكلمتش
جنه : انا معايا العربيه هروح المستشفي وهعدي ع شهد
شهد : مش عايزه اشوف وشك
ادم ؛ اخرصي ابت واركبي
شهد : بقي كده ماااشي يا ادم
ومشيوا فالعربيه
شهد : ادم ادم ادم ادم ادم
ادم : ياااالهوووي كنت مرتاح من وجع الدماغ نعم نعم نعم نعم نعم نعم نعم نعم نعم
شهد : لا يا حبيبي دور الكابه ده عشان النفسيه كئيبه إنما انا حاليا مبسوطه
ادم : لا اقولك اكتأبي يا شهد
شهد : لاا
ادم : عارف انك بارده عايزه اي
شهد : اي الأخبار
ادم : يعني انتي مصدعه اهلي عشان تقوليلي اي الأخبار اموتك يعني
شهد : يا متخلف انا بتكلم عليك انت وجنه
ادم : بعيدا عن الشتيمه دي إللي هردها بس ولا حاجه
شهد : يعني اي
ادم : يعني من ساعه الا حصل من سبع سنين انا وجنه مش بينا تعامل غير ف حدود الأدب
شهد : امممم وانت ارتبطت
ادم : لا طبعا وانتي عارفه لي
شهد : طب وبعدين
ادم : ولا قبلين معرفش
شهد : ماشي يلا باااي يا دومي
ادم : باي يا قلبي خدي بالك من نفسك
شهد : عيب عليك لم تقول لشهد كده يلا باااي. وسابته وطلعت ع الشركه
*******************"*""**"***
ف البيت عند ابراهيم صحيت تسنيم قبلهم كلهم وفضلت قعده تفكر في اللي هيحصل بعدين وتفكر ف حياتها
ابراهيم : انتي صاحيه
تسنيم : ايوه
ابراهيم : اممم وهدي فين
تسنيم : نايمه
ابراهيم : ماشي. ودخل الحمام وهي فضلت قعده مكانها وهدي طلعت
هدي: صباح الخير يا تسنيم
تسنيم : صباح الخير
هدي : مالك يا حبيبتي
تسنيم : قلقانه ع ابني يا ماما
هدي : مش الدكتور امبارح طمنا وقال إنه هيبقي زي الفل متخافيش
تسنيم : يارب
ابراهيم طلع : اي مش هنفطر ولا اي
هدي : ايوه ثواني. ودخلت تجهز الفطار وابراهيم قعد جنبها
ابراهيم : تسنيم.... متزعليش بس صالح كان معاه حق ف كل كلمه بيقولها إنتي اهملتي ابنك اوي
تسنيم ببكاء : والله ما كنت اعرف وانت عارف أنه متعود يحط الاكل بنفسه والله مكنت اعرف 😭😭
ابراهيم حضنها : خلاص أهدي الحمدلله قدرنا ننقذه بس مره ثانيه لا ابقي خدي بالك من ابنك يا تسنيم متمشيش ورا كلام امك كتير
تسنيم هزت راسها بمعني حاضر وشويه وهدي قالت إنها جهزت الفطار وهم بيفطروا
تررررررن
هدي : مين ده
ابراهيم : معرفش هقوم اشوف وقام من مكانه وراح فتح الباب و
ابراهيم : صالح ادخل
صالح : تسنيم صاحيه
ابراهيم : ايوه تعالي شوف مراتك. صالح بصله ومعلقش ودخل تسنيم شافته ووقفت
هدي بغضب : انت جي هنا لي انت مش طلقتها. صالح بصلها بغضب وبص لابراهيم
ابراهيم بغضب : ماما هو ف بيتي متخربيش بيت بنتك
هدي : يعني انا دلوقتي بخرب بيت بنتي
صالح : وحضرتك شايفه غير كده
هدي : ماااشي يارب اموت عشان تخلصوا مني (اللهم امين يا شيخه 😑😑)وسابتهم ودخلت ع اوضتها
ابراهيم : يالله انا رايح لماما وانت شوف مراتك بلاش الشيطان يدخل بينكم. وسابهم وراح لهدي
صالح قرب من تسنيم وهي واقفه راسها ف الارض
صالح : تسنيم. رفعت راسها لي
صالح : أنا
تسنيم مقاطعه : صالح أنا اسفه أني تعبتك معايا لدرجه الكره بس والله انا مكنش قصدي اخليك تكرهني
صالح : هسسسس متاخديش كلامي إللي قولته امبارح ده جد انا بس كنت قلقان ع ابني مش اكتر يا تسنيم بس إنتي مراتي وهتفضلي مراتي
تسنيم بدموع : بس انت طلقتني
صالح : ورديتك تاني عادي (متدعوووش هنتقم محدش يخاف 😂✋)
تسنيم : بجد يعني مش هتسبني
صالح : تؤ تؤ اسيب ام ابني بردو مينفعش
تسنيم حضنته
صالح بمرح : خلاص القميص نظيف ولسه مكوي يا وليه
تسنيم : ما انا اللي بغسل وبكوي عادي. وضحكوا ام جوا
ابراهيم : يا ماما بقي انتي كل حاجه هتقفشي فيها
هدي : انا ابني يكلمني كده انا
ابراهيم : اسف كده كويس
هدي : أنت اتغيرت لي
ابراهيم : يالله إنتي سيبتي صالح هتمسكي فيا
هدي : وانت شايفني بجر شكلك يا ولا ها
ابراهيم : يا ماما فكي بقي الله هم بيحبوا بعض خلاص
هدي : ده طلق اختك قدامك
ابراهيم : واديه رجعها خلاص  هدي بصتله ومتكلمتش وهو زهق راح طلع برا وشاف تسنيم وصالح
ابراهيم : احم احم
بعدوا عن بعض
ابراهيم : خلاص كده اتصالحتوا
صالح : اه وردتها كمان
ابراهيم : الف مبروك يلا بقي نروح اشغالنا ولا اي
صالح : ماشي هبقي اجي اخدك ونروح نشوف الواد
تسنيم : ماشي. ومشيوا وتسنيم قعدت مكانها فرحانه وهدي قفلت ع نفسها وفضلت هتموت من غيظها (دي بنتك يا ايتها المراه العنكبوت يخربيتك )
**************"""**"*****
دخلت شهد الشركه واصحابها اللي اتعرفت عليها سلموا عليها ودخلت ع
جيداء بصدمه : شهد. وقامت من مكانها وحضنتها
شهد : وحشتيني يا جوجو
جيداء : انتي خفيتي حمدلله ع السلامه يا شيخه
شهد : الله يسلمك يا حياتي وحشاااني
جيداء : وانتي اكتر اي خرجتي أمتي
شهد : امبارح
جيداء: يالهووي وجايه النهارده
شهد : لا تؤجل عمل اليوم إلى الغد نبقي نكمل كلامنا ف البريك
جيداء : تمام وانا هقول لفارس انك جيتي
شهد بسرعه : لا مش لازم يعرف عادي
جيداء : امممممم براحتك
شهد : يلا باي مؤقت
جيداء بضحك ؛ باي مؤقت.  ومشيت شهد ع مكتبها وبعد شويه جيه فارس
فارس : صباح الخير يا جيدا
جيداء : صباح النور
فارس : اي اخبار الشغل
جيداء : احم احنا جاي لينا ناس هيشوفوا المكان ويشوفوا الموظفين إللي هنا
فارس باستغراب : اشمعنا
جيداء : علمي علمك
فارس : امممم وف حاجه تاني
جيداء : وعندك اجتماع النهارده عشان تصميم القريه السياحيه
فارس : تمام تقدري تروحي
جيداء : تمام. وطلعت جيداء ع مكتبها
★★★★★★★★★★★★★★
ف الشركه عند ادم مهاب قرب منه بشويش
مهاب : احم ازيك يا ادم
ادم : خير يا استاذ مهاب ف حاجه
مهاب : يا ادم انا عارف اني غلطان بس
ادم : بس اي انت خونتني فاهم مكنتش اتوقع انه ده يطلع منك
مهاب : مكنش بايدي امي كانت تعبانه
ادم : تقوم تمد ايدك لفلوس ع حساب اخوك
مهاب : انا اسف يا ادم
ادم : معطلكش يا مهاب اتفضل من هنا. ومشي مهاب وهو مدايق من نفسه
مهاب : ياااارب انا كنت محتاج لفلوس عشان خاطر امي يارب سامحني
_____________________&
جيداء دخلت لفارس المكتب
جيداء : فارس
فارس : نعم
جيداء : وصلوا
فارس قام من ع مكتبه : تمام. وطلع برا ورحب بيهم وبقي يوريهم كل مكان في الشركه وجيه عند مكتب شهدي
فارس : ده مكتب المهندسه شهد بس
شهد مقاطعه ؛ أهلا مستر فارس. فارس بص ع صاحبه الصوت بصدمه مستحيل شهد واقفه قدامه ده صحيح
فارس بصوت هامس : شهد
شهد : أهلا وسهلا اتفضلوا انا المهندسه شهد كنت غايبه فتره مرضيه ورجعت اتفضلوا. ودخلوا وشافوا المكتب بتاعها والتصاميم بتاعتها وطلعوا وفارس مشي معاهم بس حاسس بصدمه وبعدين مشيوا
فارس لجيداء : إنتي عارفه أن شهد جت
جيداء : اه عارفه
فارس : ومقولتليش لي
جيداء : عادي يا فارس وانت من أمتي بيفرق معاك الموظفين
فارس : بت امشي من هنا ونادي شهد
جيداء : وقعت يا فارس
فارس وقف : امشي يا. بس قطع كلامه خبط ع الباب
فارس : اتفضل.  دخلت شهد ع جوا وهي واثقه من نفسها وقربت ع المكتب
فارس : حمدلله ع السلامه يا شهد
شهد : شكرا يا مستر فارس
فارس : خرجتي أمتي
شهد : امبارح
فارس : وجايه الشغل النهارده
شهد ؛ كفايه تاجيل لحد كده كفايه أن حضرتك كان ممكن تتردني برا
فارس : لا عادي كان ممكن تاخدي اجازه
جيداء : طب بقول اطلع انا.  وطلعت
شهد : احم مستر فارس دي نص التصاميم إللي كان المفروض اجيبها
فارس بذهول :خلصتيهم بسرعه كده
شهد ؛ اه لان انا كمان كنت مجهزه جزء منهم ف كفايه تاجيل ف الشغل
فارس : امممم ماشي بس ينفع سؤال
شهد : طبعا يا فندم اتفضل
فارس : هو اي إللي حصل اليوم ده
شهد سكتت
فارس : اقصد انتي كنتي جايه مكتبي وبعدين وقعت حصل اي. شهد افتكرت لم لقت ابراهيم برا وكانوا بيتكلموا وطبعا ترجمة الكلام ع نفسها
فارس : شهد
شهد : ولا حاجه بعد اذنك عندي شغل. ومشيت من قدامه بسرعه زيه زي غيره
فارس : غريبه غريبه والله غريبه ..... بس اكيد هعرف
عدا الوقت وجيه وقت البريك وشهد راحت لجيداء
شهد : جوجو مش هناكل ولا اي
جيداء : اه يا حياتي اقعدي خمسه عقبال ما اخلص بس دول
شهد : اوك. وقعدت شويه وبعدين فارس طلع
فارس: انتوا قعدين لي مش المفروض تروحوا تاكلوا
جيداء : كان عندي شغل ف قولت لشهد تستني
فارس : امممم ينفع ابقي اقعد معاكم ولا اي
شهد : اكيد الشركه كلها بتاعت حضرتك
جيداء : اه طبعا يا فارس
فارس بص لشهد وشهد كمان بصتله فتره ومتكلموش
جيداء : خلصت يلا. وراحوا هناك وطلبوا الاكل ف وسط صمت الكل قطع الصمت ده
جيداء : وانتي طلعتي ازاي يا شهد
شهد : مش فاهمه
جيداء : يعني فوقتي أمتي وطلعتي أمتي
شهد : فوقت بالليل وطلعت بالليل
جيداء : ف نفس اللحظة ازاي
شهد : هربت
فارس : نعم هربتي
شهد : اه هربت من المستشفي
فارس : بس اكيد المستشفي مقلوبه
شهد : جنه هتتصرف النهارده
فارس بتذكر : اه الدكتوره جنه صاحبتك
شهد : اه بس أنت عرفتاها منين
فارس سكت شويه مش لازم تعرف انه كان بيجي ليها زياره
جيداء : اكيد لم جت هنا يا شهد ف اليوم ده
شهد بتذكر : اه ماشي ... البريك خلص. وقامت وسابتهم
جيداء : اي خدمه
فارس : الخدمه إللي بجد لو عرفتي هي اي إللي حصلها ف اليوم ده
جيداء : هحاول انت عارف شهد غريبه
فارس : فعلا يلا قومي.  وقاموا كل واحد لشغله
____________________________&
عدا الوقت بسرعه وجنه كان عندها شغل مقدرتش تروح لشهد وشهد روحت البيت وادم جيه وراها
شهد : يا سووووسوووو
سعديه طلعت : اي سوسو دي يابت
شهد : بدلعك يا جميل
سعديه : ههههههههه والنبي انا بنتي بكاشه كبيره
ادم وهو لسه داخل : ودي يعني حاجه جديده
شهد : من يوم يومك وانت بتنط ف قفايا لو اجي
ادم: انتي عليكي كلام عنب اوي يكون ف عون إللي هياخدك
شهد : جواز تاااني لاااا توبنا والحمدلله
سعديه : لا يا حبيبتي المره دي بقي أن شاء الله تبقي خير
شهد : لا أنا اتعقدت اصلا
ادم : ماما كنت عايز اكلمك ف حاجه
سعديه : طيب ناكل الاول مع بعض
شهد : اشطا عليكي يا سوسو وحشني اكلك والله
ادم : مفجوعه. ودخلوا غيروا هدومهم وطلعوا برا
ادم : أهدي شويه يا شهد براحه ع الفرخ..ماتت 😔
سعديه : ههههههههه يا واد سيب اختك تاكل
شهد وهي ف بوقها اكل: قوليله يا ماما عيل غلس
ادم : بربربربر ابلعي الاول يخربيتك
سعديه : هههههههههههههه هتفضلوا عيال والله.  وقعدوا كلوا ع بعض  وبعدين
سعديه : اي يا ادم ف اي
ادم : كنت عايز اقولك أن ابراهيم جالي النهارده
شهد سكتت ومتكلمتش
سعديه : عايز اي بن هدي
ادم : كان عايز يشتري مننا نصيبنا ف البيت
شهد بعدم فهم : نصيب اي
سعديه : ابوكي وعمك اول ما عملوا البيت ده عملوه بالنص ابوكي دفع نص وعمك نص يعني احنا لينا نص البيت
شهد بصدمه : نعم انتوا بتهزروا
ادم : دي فيها هزار يا شهد
سعديه : وقلتله اي
ادم : قولتله هبقي ارد عليك
شهد : متبعش
ادم وسعديه بصوا ليها باستغراب
شهد : مش هنبيع حاجه
ادم : لي ما إحنا مش مستفدين بيه
شهد بابتسامة خبث : بس هنستفيد
سعديه : ف دماغك اي يا شهد
شهد ؛ كل خير ان شاء الله بس اهم حاجه متبعوش نصيبنا
آدم : خلاص مش هنبيع بس لازم افهم. شهد مسكت ايديه بمعني هقولك ودي دايما كانت وصيله الكلام بين ادم وشهد قدام حد
سعديه : ماشي انا هخش ارتاح شويه
شهد : ماشي ومتنسيش البرشامه
سعديه بابتسامة : ماشي. ودخلت اوضتها وشهد وادم دخلوا اوضته
ادم : اي بقي ف اي
شهد بمكر : هقولك.........
ادم بابتسامة : يابنت ال اشطا عليكي كنتي فين إنتي ساعه اللي حصل
شهد : كنت مصدومه ومش مستوعبه كل إللي اعرفه ان انا عايزه اهرب من هنا باي طريقه بس خلاص بقي كفايه هرب
ادم : اشطا يلا غوري بقي
شهد: تصدق انك عيل واطي
ادم : عارف ميرسي غوري ابت
شهد : ابوشكلك يا شيخ. وطلعت ع اوضتها وادم ابتسم ونام وشهد قعدت تفكر في إللي جي
شهد : والله هتحلو مااشي يا هدي هخلص القديم والجديد منك انتي وعائلتك وحياتك.  ونامت شهد وهي فرحانه
_______________________&
ف البيت عند هدي طلعت وقعدت هي وتسنيم ف سكوت وجيه ابراهيم وصالح
ابراهيم وصالح : سلام عليكم
هدي وتسنيم : وعليكم السلام
صالح : عامله اي يا تسنيم
تسنيم: الحمدلله
هدي : تعالوا عشان تاكلوا عشان نروح نشوف الواد
ابراهيم : ماشي وانا صحيح عايز اكلمك ف موضوع
هدي : ماشي ناكل. وجهزت الاكل هي وتسنيم وقعدوا كلوا مع بعض
هدي : اي بقي
ابراهيم : انا روحت لادم ف الشغل النهارده
تسنيم : ورحتله لي
صالح بصلها بمعني ملكيش دعوه بحاجه
ابراهيم : عرضت عليه اشتري منه نصيبه ف البيت
هدي بترقب : وقالك اي
ابراهيم : هيبقي يرد عليا
هدي : طبعا هيوافق البيت حلو واحنا مشطبينه ومجهزينه ع اعلي مستوي كمان هياخد فلوس زي الرز
صالح ف نفسه : قصدك هيكون بيهرب هو واهله من بوز امك العكر
ابراهيم : ماما هو لو كان عايزه يبيعه كان قال انما انا إللي عرضت عليه
هدي : امممم
صالح : طيب يلا بينا يا تسنيم نروح نشوف الواد ونرجع ع بيتنا
هدي : هاجي معاكم
تسنيم : لا يا ماما ملوش لازمه يلا يا صالح. ومشيوا هم الإثنين مع بعض مع بعض وهدي كانت هتموت من غيظها ودخلت الاوضه ورزعت الباب اوي وراها وابراهيم مهتمش ودخل ع اوضته وغير ونام وصالح هو وتسنيم اطمئنوا ع ابنهم وعرفوا انهم يقدروا ياخدوه بعد يومين ورجعوا عبيتهم وناموا
___________________________&
فارس وصل ع البيت هو وجيداء ودخلوا كانت انجي وايمان (اوعوا تنسوها)وشريف قاعدين
فارس : اي القعده الجميله دي
شريف : حبيبي يا فارس يعني حد يبقي ف وسط العسل ده ومتبقاش قعده حلوه
جيداء : اي ده وانا اي
انجي : محتاجه كلام بصل طبعا
جيداء : 😝😝غلسه
شريف : عامله اي يا جيدا
جيداء : الحمدلله يا انكل وانتوا عاملين اي يا مفاعيص
ايمان : احسن منك
فارس : اخبار صحتك اي يا بابا
شريف : الحمدلله يا فارس
فارس : دايما يا حج معلش مقصر معاك بس عندنا شغل كتير
شريف : عارف يا بني وعشان كده ناوي انزل الشركه بكره
جيداء : لي يا انكل عشان متتعبش
انجي : ملهاش لازمه يا بابا
شريف : انا زهقت من القعده ف البيت عايز اخرج
فارس بتفهم : حاضر يا بابا نبقي نروح بكره سوا
شريف : ماشي هطلع أنام انا
فارس : مش هتاكل
ايمان : عيب عليك يا ابيه ده أنا وانجي مسبنهوش غير لم كل
فارس : برافو عليكم ماشي يا بابا
شريف : يلا تصبحوا ع خير
الكل : وانت من اهله.  وطلع فوق
ايمان : همشي انا بقي يا جوجو
جيداء : لي خليكي شويه
ايمان : معلش مره ثانيه انا كنت عايزه اطمن ع انكل وف سرها وع فارس
فارس : اوك انا كمان جعان نوم يلا تصبحوا ع خير ومشي ومبقاش غير جيداء وانجي
انجي : مفيش غيرنا دلوقتي
جيداء بصتلها بخبث : المطبخ
انجي بخبث مماثل ؛ الشيكولاته
جيداء : الايس كريم
انجي وجيداء بمرح: لننطلق.  وجريوا ع المطبخ وطلعوا شيكولاتات كتيييير وطلعوا ع الاوضه وجيداء غيرت هدومها ولبست من الهدوم اللي بتسيبهم عند انجي
انجي : اي اخبار شوهد
جيداء : مش رجعت
انجي بدهشه : بجد
جيداء : يس
انجي : ده ع كده اجي مع شريف باشا بكره بقي
جيداء : يا سلام تنوري الشركه يا حبي
انجي : عارفه مش محتاجه
جيداء : شبه اخوكي ف الغلاسه كلي ياختي كلي. وقعدوا يتكلموا مع بعض وبعدين ناموا
___________________________&
وصل هاشم هو وجودي ع بيتهم خلاص من بكره هيرجعوا ع الشغل خلصت اجازه شهر العسل واخدوا شاور وبعدين طلبوا اكل وقعدوا بقي
جودي : يااااه بقي انا هرجع الشغل بكره
هاشم : كانوا شهر عسل
جودي : مهو شهر عسل اصلا 😜
هاشم : اقصد كان حلو يا جود
جودي : عارفه يا هشومي
هاشم : بحبك يا جودي
جودي : وانا كمان وسكتت شويه
هاشم : مالك
جودي : حاسه انك مخبي عليا حاجه يا هاشم
هاشم باستغراب : حاجه اي
جودي : معرفش بس ده احساسي
هاشم : لا يا حبيبتي متخافيش انتي عارفه كل حاجه عني
جودي : متاكد
هاشم : جودي أو عارفه حاجه قوليلي
جودي : لا بس كنت بسالك
هاشم : لا يا حياتي متخافيش واخدها ف حضنه وناموا وهو عمال يفكر حاجه اي دي.
جودي ف نفسها: يا تري مخبي عني اي يا هاشم
هاشم ف نفسه : انا هخبي عنها أي انا مش عارف هي بتتكلم عن اي
وناموا كلهم وخلص اليوم ع الجميع
________________________&
تفتكروا حاجه اي دي
شهد بنخطط لاي
هيحصل حاجه تاني لشهد ولا خلاص محدش هيعرف
فارس هيعمل اي مع شهد بعد كده
ايمان دي وراها حاجه
توقعاتكم
#Nemo