Possessive 4: STOLEN (PUBLISHED - Bookware)

Chapter 2

Gumuhit ang magaan at totoong ngiti sa labi nito. Nagdiwang ang puso niya--pumalakpak na may kasamang isang padyak at malakas na yey! Hindi niya maalis ang tingin sa mga ngiti nito. He was mesmerized by her smile. 

"It is safe," anito. 

Are you safe too? Can I f*ck you now? Ipinilig niya ang ulo. Bakit ba kung anu-anong kabastusan ang pumapasok sa isip niya? Siya dapat ang tinatanong nito kung ligtas ba ito sa kanya, because he could not guarantee her safety, not when she was making him horny every f*cking day!

"THAT CONSERVATIVE CHICK outside is your EA?" tanong ni Leon Rodrigazo, CEO ng Rodrigazo Mining and PowerCorp. Mabuting kaibigan ito at iisang mundo lang ang ginagalawan nila--the rich and powerful businessmen in Asia. Kasama sa listahan ang magpinsang Crexus at Clay Santa Maria. Si Crexus, CEO ng Santa Maria Chocolere Empire (SMCE). Si Clay, General Director ng Santa Maria Imperium (SMI). Kabilang din si Yarrick Sanvezera, ang mukhang maharlika na hindi na mabilang sa dami ang mga propiedad. May iba pang mga pangalang nasa listahan na hindi na niya maalala.

"Yes," walang bahid ng interes niyang tugon o mas tamang sabihing iyon ang gusto niyang palabasin. That he was not a bit interested in her. 

"Pero iba kung tumitig, brod. Kahit walang intensyong mang-akit ay nakakapanggigil pa rin. Pormal na pormal pero nag-uumapaw ang karisma."

Nagpatung-patong ang gatla sa noo niya, awtomatikong nag-init ang ulo. Ayaw niyang pinag-iinteresan ng iba ang empleyado niya. Iyon lang ba talaga ang dahilan? tukso ng isang bahagi ng utak niya. Sumimangot siya at pinukol ng masamang tingin ang kaibigan. "F*ck off, Leon. Huwag mong pakialaman ang EA ko."

Napapantastikuhan ang tinging ibinigay sa kanya ng lalaki. "Binabakuran?"

His nose flared. Ikinumpas niya ang kamay. "Hell no! She's not really my type and besides, I am already getting married."

"You are? To Lexy?"

"Kanino pa ba? Alangan namang sa unang babaeng papasok sa opisinang ito," puno ng sarkasmo niyang sabi na ikinatawa lang ni Leon. "Magpo-propose na ako pagkatapos ng kontrata niya sa ZB. I think it's time for me to settle down, and have kids. Hindi na tayo bumabata. Before we know it, may uban at rayuma na tayo."

"And worst, baka hindi na mag-cooperate si Kapitan!" ngingisi-ngising dagdag ni Leon, inginuso ang ibabang bahagi ng katawan. "Wow! Magpapatali ka na rin talaga kagaya ng magpinsan at ni Yarrick. We have to celebrate! May bagong bukas na bar diyan sa malapit. Game?"

"Yeah, I could use a few beers tonight! Wala naman nang kailangang pagkaabalahan ngayon. The business is doing well." Kinuha niya ang coat sa sandalan ng highback swivel chair.

"Smooth! Let's go!"

Tatlong katok sa pinto ang umagaw sa atensyon nila. Sumungaw si Dixie. Umangat ang magkabila niyang kilay nang makitang ayos na ayos ito na parang makikipagkita sa boyfriend. "Sir, may ipapagawa pa ho ba kayo? Kung wala na, mauuna na ho ako."

Napatingin siya sa wristwatch. Ten minutes to six. Kadalasan ay late nang umuwi ang EA niya. Inaabot pa ito minsan ng alas nueve sa opisina. Hindi siya sanay na nagpapaalam ito nang maaga ngayon. "It's early," komento niya.

"May date po kami ng boyfriend ko."

Awtomatiko ang pagdidilim ng mukha niya. "Date?"

Tumingin sa kanya si Leon bago ngumisi nang nakakaloko. "I'll enjoy this," he murmured, grinning.

"What?" baling niya sa kaibigan.

"Nah! Huwag mo akong pansinin. May pinag-uusapan kayo ng EA mo." Tumuon ang atensyon ni Leon sa dalaga. "Monthsary?"

Sandaling hindi umimik si Dixie bago determinadong tumango. "Yes."

Lumawak ang ngisi sa labi ni Leon. Lumakad ito patungong couch at ibinagsak ang katawan doon. "Nice. Yeah, you can go. Spend quality time with your boyfriend. Baka nga mag-regalo pa ng room sa isa sa mga prestihiyosong hotel niya itong si Wolf."

Matalim ang tinging ipinukol ni Wolf sa kaibigan. "Ikaw ba ang boss niya?" Nagkikiskisan ang mga bagang niya sa inis. Inihagis niya sa couch ang coat at bumalik sa likod ng executive desk. "Hindi ka pa puwedeng umuwi. Marami pa tayong kailangang tapusin ngayong araw. We have to extend until 10PM." His face was grim as he told her the bad news.

"10PM?" gulat na ulit ni Dixie.

Hindi makapaniwalang napatitig sa kanya si Leon, nakakaloko pa rin ang kislap sa mga mata nito. "Akala ko ba ang sabi mo kanina ay wala nang kailangang pagkaabalahan ngayon?"

"Kanina iyon, Leon. Ngayon ko lang naalalang marami pa pala kailangang tapusin." He smiled with a wry twist of his mouth, intently looking at Dixie's disappointed face. "So, cancel your date, Ms. Diola."

Kung ang paniningkit ng mga mata ng dalaga ang pagbabasehan, natitiyak niyang nagpupuyos ang kalooban nito. The hell he cared! Makikipagkita lang naman ito sa boyfriend nito. Date his ass!

"Can I say something, Sir?" Mababakas ang tinitimping galit sa maganda nitong mukha.

Ikiniling niya lang ang ulo.

"You are an asshole." Pagkasabi niyon ay tumalikod na ito. SIya naman ay naiwang nakanganga.

"Burn! That was crisp, brod! Mabagsik ang EA mo!" Tawang-tawa si Leon. "At ano na ngang sabi mo kanina sa unang babaeng papasok dito sa opisina mo? I like that version way better."

"Pagsisisihan niya ang sinabi niyang iyon!" nagngingitngit niyang sabi. His lips curled into a nasty frown. "I'll cut her f*cking tongue out next time!"