عندما تتساقط الاقنعه

البارت 16

ذهب جنه كاعدين بالمطبخ وست رجاء اليوم مشرفه عدنه
نداء... بنات خلي نسوي تنضيف الجسمنه صايرين نخوف
اطياف رجاء ود... يي والله خلي نسوي
نداء.. وانتي ذهب ما تسوين
ذهب... لا ماريد
نداء... تعالي هسه كلنه راح نوي وانتي تضلين
ذهب... كتلج ماريد شنو هيه غصب
نداء... ع كيفج لا تموتين هسه شكلت
ود... نداء تركيها  براحتها
ذهب... فديت اللي يفهمني اني صعدت للغرفه شفت همام كاعد يدخن والغرفه تخنك من الريحه تموت لعبت نفسي ومعدتي كامت تكلب ركضت للحمام استفرغت
همام... شبيج
ذهب بعصبيه... لا دخن بالغرفه الملابس تصير ريحتهن جكاير وتعالي يا ذهب غسلي ريحتهن دخان
همام... وعمه حته عمه صوتج
ذهب... همام بعد تره ريحتك تلعب النفس
همام... اني ريحتي تلعب النفس
ذهب بخوف... لا مو هذا قصدي بس ريحه الجكاير بملابسك وصايره بيك ريحه
همام... اكلي نعل اجت بالي فكره الحمل راح يصير النه سنه من متزوجين وماكوو شي كتلها... هييب انتي
ذهب مارديت رجع كال هي انتي هم مارديت عليه
همام... بنت الكلب مو احجي وياج
ذهب انداريت عليه وكتله... تحجي وياي
همام.. لا ويه الجوارين طبعا وياج
ذهب... خير اكو شي
همام... يي اكوو ليش الهسه ما صار عندج حمل
ذهب... هذا الشي بيد رب العالمين لا بيدي ولا بيدك
همام... تاخذين مانع او شي ثاني
ذهب حبيت انرفزه وكتله... لا ما اخذ مانع بس احمد ربي لان مصار عندي طفل وانته ابووه
همام... هااا هناا السالفه بسيطه لعد
ذهب... لا تهدد كافي
همام...  انجبي لا اكسر راسج
ذهب بصوت شبه مسموع... مال كبور يي والله
همام سمعتها تحجي مارديت لان تعبان وروحي طالعه تمددت ع السرير عيوني عليها تروح منا وتجي منا مرات احس هيه مالها ذنب بالي صار بس الحقد بقلبي مااكدر انكر انو لان اني اتزوجتها اختي راحت بالرجلين الضابط جلال رجال محترم ورزن من خلصت قضيه ود ضل يسئل عليها وشلون صارت شلون مستواها بالدراسه دائمآ يتصل علي ويجي يمنه اعرف عنده تواصل ويه ود ماحبيت ادخل لان اعرف ود ماعدها سوالف مكسره وتلعب بذيلها
ذهب... همام همام للللك هماااام وين بالك
همام... شكوو شبيج
ذهب... جهازك صارله ساعه يرن
همام... يي يي لا تضلين تلغين اخذت الجهاز شفته رقم مال شركه الاتصالات انطيته رفض وكتلها... ماتعرفين تشوفين منو لو الا تلعلعين
ذهب... مو حضره حنابك ماتقبل اتقرب من جهازك
همام... انتي جلدج يحكج ويريد واحد يدمغ عليج
ذهب... استغفر الله عفته وانداريت ع الكنتور ضليت ارتب بي مر اليوم عادي بليل كاعدين بالصاله
خوله... يمه همام
همام... هاا يمه
خوله... باجر اروح اني ومرتك ود للكاظم عليه السلام
همام... روحي انتي ود ذهب تضل هناا
خوله... لا يمه شنو السالفه من عرستو لليوم ما يوم اخذتها طلعتها
همام... يمه اني ما أستعرض بيها واطلعها للناس واكلهم شوفو مرتي بعمر بزري
خوله... انته لا تأخذها اني اريد اطلع وياها
همام... كلت ماكو
خوله... افااا يابن بطني هيج تاليها تردني واني طالبتك
همام... استغفر الله اخذيها ما عاش اللي يردج واني موجود
خوله... ربي يحفظك ويرزقك بالذريه الصالحه
همام... رحمه الله والديج يمه
ذهب ضلينه كاعدين بس الوجوه كلها تنكط سم كل واحد شايل بقلبه ع الثاني مااتوقعت بعد طيحه عمي الولد هيج يصيرون شوي وكل واحد راح الغرفته اني صعدت للغرفه غيرت ملابسي شوي واجه همام اتقرب علي وهمس
همام... تنتبهين النفسج وماا تركين امي وياها تمشين مكياج ماكو
ذهب... ليش اهمك
همام لزمت فكها بقوه وكتلها... غصب ما عليج تسوين اللي كتلج عليه ولا تفكرين قابل ع طلعتج بس لان امي مااكدر اردها
ذهب... اااه همام إيدك
همام... عباتج وين مو ترحين مفرعه
ذهب... همام شبيك قابل اول مره راح اروح
همام... لا موو اول مره بس اعرفج جاهل ماتفهمين
ذهب مارديت عليه لان مااكدر احجي اعرف اذا طوخت وياه راح انضرب وكافي جسمي تعب بعد مابيه حيل نمت كعدت يوم ثاني حضرت نفسي وطلعت عمتي و  ود بالمطبخ رحت كعدت يمهن شوي وطلعنه العتبه الكاظميه قريبه علينا بسرعه وصلنه مكان يرد الروح احب مقامات الائمه بيها راحه وامان دخلنه زرنه وصلينه وكعدنه
ود... يارب كون حوبه ابوي تطلع بعمي سالم كله منه راح ابوي انجلط
ذهب... لا ولج لا تدعين مو زين
ود... ولج موتني هوه وابنه الخسيس
ذهب... حرام لا تحجين هيج وانتي بمكان مقدس قاطع حديثنه صوت مره  وهيه تكول
ام حسين... خاله رجلج مسحور
ذهب... وياي تحجين
ام حسين... يي خاله وياج رجلج ساحراته اللي مايخافن من الله
ذهب... لا خاله ماكو هيج شي
ام حسين... ولج يمه راح يسولج مصيبه ويخلنج تفقدين ورجلج مسحور بسحرين حقد وكره واحد تلكيه وره الكنتور ع الجهه اليمنه والثاني مااكدر اعرف وينه بس مبين الثاني مال الحقد ع شكل لعابه صغره
ذهب... خاله فدوه لا تخوفيني
ام حسين... هوه تغير عليج من بعد ما اخته انخطفت ومحملج ذنبها يمه انتبهي ع نفسج منهن اكييد راح يحفرن الج حفره
ذهب ضلينه وحده تباوع بوجه الثانيه منين عرفت بخطف ود كتلها... خاله شلون عرفتي كل هذا
أم حسين... ربج كتبلي اقرأ المكتوب ع الجبين وانتي هذا اللي شفته بيج وارجع اكلج انتبهي
خوله... يمه ولج ذهبه بس لا صدك يطلعن ساحراتكم
ذهب... عمه شنو سحر ماصدكت حجيها ضلينه كاعدات ساعتين طلعنه بعدها للسوك اشترينا ملابس ومكياج وعطورات ورجعنه للبيت دخلت عمتي صاحت علي اني ود
خوله... هسه نصعد ونشوف اذا حجيها صدك بس ماريد واحد يعرف باللي كالته
ذهب ود... ان شاء الله
ذهب صعدنه للغرفه همام نايم راجع من وكت اليوم ما هتمت عمتي صاحت عليه
خوله... ولك مصكوع كووم ويانه
همام... شكوو شبيج
خوله... كوم اسحب الكنتور
همام... شكو شصاير
خوله... كوم بلا لغوه
همام... كايم كايم الله يعلم شعدجن سحبنه الكنتور جان توكع علاكه سوده واكو اوراق ملسوقه ع الكنتور بالعكس
خوله... انتم بعدو عنها
همام... شكو شديصير
خوله... اصبر هسه نفهم
ذهب اباوعلهم ومااعرف شنو ديصير فتحت عمتي العلاكه وصله بيضه كلها دم
خوله... سلام قولاً من رب رحيم شنو هذا
همام... هسه غير تفهمني سنو شصاير
خوله... ماكو شي طلعتهن وكتلهن... وعمه دورن الثاني وينه
ذهب دورنه الغرفه كلها ماكو شي الغرفه صارت عباره عن سوك الجمعه شي فوك شي اجن الخوانم يسئلن
نداء... خير عمه شكو
خوله... سوار ذهب ضايع وكاعد ندوره
اطياف... لعد هيه سببخا تذب ذهبها وين ما كان
خوله... انتن الاثنين تطلعن بره لا اجرم بيجن
ذهب طلعن واحنه بقينه بهوستنه ندور ع السحر عمتي تعبت
خوله... بنات النعل لو بس اعرف منو مسويه هيج
همام... يمه شنو صاير شبيجن
خوله... يمه من جنه بالكاظم..... حجيتله السالفه كلها
همام... وانتي مصدكه حجيها
خوله... هذا كدامك شوفه
همام... همام يمه شبيج هاي دم ذهب
خوله... لا يمه دم ذهب يمي مو هنا
همام... لا يمه هوه هذا
خوله... ليش تعاند اني اخذته منها
همام... يمه اني ماصدك بهاي الأشياء ويلا لمن هاي الهوسه البي سويتنها
ذهب كعدنه نريت من جديد عمتي نزلت كالت اريد ارتاح غرفتكم صارت تخوف ود كملنه كلشي يلا راحت بقى بس الكنتور كعدت ارتب بي شوي واندك الباب
همام... أدخل
نداء... هلا
همام... هلا هاا خير
نداء... ماكو شي بس  ذهب هذا الحبوب اللي تردينه اني بعد مااحتاجه
ذهب... يا حبوب
نداء... اللي مساع من جنه بالمطبخ كلتي اريد منه
ذهب... مااذكر كتلج
نداء... كلتي حته من جنه كاعدين بالمطيخ وأطياف  جانت يمنه
ذهب... ع كلاً خلي هناا من اذكر أخذه
نداء... اوك تفضلي
ذهب اخذت الشريط مااعرف شنو من حبوب خليته ع ميز التواليت ورجعت للكنتور كملت ملابس هنام وكعدت ع ملابسي هم رتبتهم للساعه ب6 المغرب يلا خلصت نزلت شوي وكلهم نزلو صار الصلاه صلينه وكمنه نسوي عشه اكلو وكالعاده يكعدون يحجون علمود بيعه البيت همام طلعت روحه
همام بعصبيه... انبيعع بس والله اللي يجي ويكول اريد هذا لو اريد ذاك اشو لا عدكم بيت مثل الناس ولا راتبكم يكفي للايجار وين ترحون وجهالكم يردون هذا الراتب خلص
جواد... اني اريد ورثي اريد اروح التركيا
همام... تروح التركيه وبعدين وين تولي وين تنطمر
نداء... وانته شكو نارنه تاكل حطبنه انته مدخلك
همام... سكت مرتك لا اكوم ادفرها وانعل والديها
نداء... كافي همام كمت تتجاوز وكدام رجلي انته مااحجي اخوك يهيني وانته ساكت
جواد... همام كافي سنين وانته تتحكم بينه اجه اليوم اللي احنه نختار حياتنه
همام... ابو حياه تريد تروح سياحه ومن ترجع وين تروح اذا البيت ينباع
جواد... مادخلك اريد اخذ راحتي بيتي اريدلي بيت وحدي انته بكلشي مدخل نفسك
همام... ححي جديد
جواد... همام مو حجي جديد انه مايشرفني اكعد ويه اللي اين خالتها سوه باختي هيج بيك خير طلكها لو صرت اخو مرتك
همام من كال هيج عصبت وطفرت عليه وكعدنه نتعارك
خوله... الله لا ينطيجن خليتن ولدي يتذابحون
ذهب اول مره اشوف الاخوان اللي علاقتهم ما يهزها جبل هزتهم مره من بعد عمي كلشي خرب حياتنه كلها صارت مو تمام اني صعدت للغرفه لان مااحب اشوفهم يتعاكون ويتضاربون اخذت فحم وحركته وخليته بالمبخره وكعدت ابخر بالغرفه دخل همام أعصاب شفته اجت عينه ع الحبوب اللي جابته نداء اخذه وكعد يكلب بي اشوفه كام يفور يركت المبخره ورحت يمه بس وصلت يمه اجاني راشدي
همام... ولج حيوانه شلون الله ياخذج وجه الفكر ماشفت راحه من شفتج طركاعه سوده وكاحت ع راسي
ذهب... همام شبيك شسويت
همام... شسويتي اني شكن مره محذرج ماتاخذين مانع حمل لو تردين تموتيني
ذهب... والله مااخذ
همام... لعد هذا شنوو هذا هااا شنووو سحبت حزامين من الكنتور طبكتهن سوه وكعت عليها كتل
ذهب عرفت هاي المصيبه اللي كالت عليها ام حسين استسلمت اله تركته يأخذ راحته بالضرب ما حاميت الاي مكان بجسمي خنكني ماتحركت ضليت نايمه جوه وهوه كاعد علي كنت ويه كل ضربه احس روحي تطلع هاي نهايتي بعد عني وكعد ع السرير شوي ورجع يضرب ما رتاح لحد ما كلش خلصت طاقته عافني وطلع اني هنا فقدت كلشي ماعاد احس بشي خلصت طاقتي همام تجاوز علي هواي اتحملته لان احبه خلص هاي النهايه لازم اخلي حدود الكل هذا بدون ما احس بدون مااعرف شنو راح يصير كل اللي اعرفه لازم اخلص من كل هذا نداء لعبتها صح وعرفت توكع بينه اخذت علاج عمي لان همام دائما من ياخذ العلاج ياخذ وياه شريط ثاني للاحتياط خاف الولد ما موجودين وعلاجه مخلص عدنه غيره واخذت ادويه من الثلاجه فتحتهم كلهم واخذتهم كل خوفي ماريد اضل عايشه واخاف ما اموت من الادويه أخذت الزناد(قداحه) وحركت طرف الستاره وطرف السرير معدتي كامت تحركني عيوني غوشن زحفت الزاويه الغرفه  بعدها ماحسيت ع شي.....