#ﺟﺒﺮﻭﺕ_ﺍﻟﺤﻨﻴﻦ
بقلم ﻧﻮﺭﺍ ﻧﺎﺻﺮ ..
#بارت١٣
ﻓﺘﺤﺖ ﺍﻟﻤﺴﺞ ﻭﺍﺣﺲ ﺍﻳﺪﻱ ﺗﺮﺟﻒ ﺣﺘﻰ ﻭﻫﻮ ﺑﻌﻴﺪ ﺍﺧﺎﻑ ﻣﻨﻪ ﻭﺍﻟﻠﻪ ﺍﻧﻲ ﺑﻮﺿﻊ ﻛﻠﺶ ﻣﺎﻳﺴﻤﺢ ﺍﺣﺼﻠﻲ ﺭﺯﺍﻟﺔ ﻫﺴﻪ ..
ﺗﺠﺮﺃﺕ ﻭﻓﺘﺤﺘﻬﺎ .. ﻛﺎﺗﺒﻠﻲ ﺭﺩﻱ ﻳﻠﻤﻮﻧﺎ ﻟﻴﺰﺍ ﺭﺩﻱ ﺍﻻﻣﻴﺮﺓ ﺩﻳﺎﻧﺎ ﺍﻟﻤﻠﻜﺔ ﺍﻟﻴﺰﺍﺑﻴﺚ ﻣﻮ ﺗﺮﺩﻳﻦ ﺍﺣﺪ ﻳﻮﺩﻳﺞ ﻟﺒﻐﺪﺍﺩ ﺗﺼﺨﻤﻴﻦ ﺑﺎﻟﻜﻠﻴﺔ ﺭﺩﻱ ..
ﻃﻜﻴﺘﻬﺎ ﺿﺤﻜﺔ ﺷﻜﺒﺮﻫﺎﺍﺍﺍ ﻭﺍﺑﺎﻭﻉ ﻟﺠﻬﺎﻝ ﻋﺎﻟﻴﺔ ﻇﻠﻮﺍ ﻳﻀﺤﻜﻮﻥ ﻭﻳﺎﻱ ﻭﻫﺬﺍ ﺍﺑﻨﻬﺎ ﺍﻟﺼﻐﻴﺮ ﺍﺳﺘﻮﺓ ﻳﻤﺸﻲ ﻓﺎﺗﺢ ﺭﺟﻠﻴﻨﻪ ﻭﻳﺨﻄﻲ ﺍﺟﻪ ﻳﻤﻲ ﻳﻀﺤﻚ ﻭﺑﻴﻨﺖ ﺍﺳﻨﺎﻧﻪ ﺷﻜﺪ ﺣﻠﻮﺓ ﺿﺤﻜﺘﻪ ..
ﺑﻌﺪﻩ ﺑﻴﺪﻱ ﺍﻟﻔﻮﻥ ﻭﺟﺎﻥ ﻳﺮﺭﺭﻥ ﺑﺮﻗﻢ ﺑﺸﻴﺮ ... ﺧﺮﻋﻨﻲ
ﺑﺲ ﻓﺘﺤﺖ ﺧﻂ ﻭﺧﻠﻴﺘﻪ ﻋﻠﻰ ﺍﺫﻧﻲ ..
ﺟﺎﻭﺑﻨﻲ ﺑﺄﻟﻮﻭﻭﻭﻭﻭﻭ ﻃﻮﻳﻠﻪ ﻛﻠﺶ ..
ﻭﻭﺭﺍﻫﺎ ﻛﺎﻝ : ﻣﺘﺮﺩﻳﻦ ﻋﻴﻨﻲ ﺍﻧﺠﻠﻴﻨﺎ ﺟﻮﻟﻲ ﺳﻤﻌﺖ ﺑﻴﺞ ﺗﺮﺩﻳﻦ ﺍﺣﺪ ﻳﻮﺩﻳﺞ ﻟﺒﻐﺪﺍﺩ ..
ﺟﺎﻭﺑﺘﻪ : ﺍﻱ ﺻﺤﻴﺢ ﻭﺧﺎﺑﺮﺕ ﻃﺎﻟﺐ ﻭﻛﺎﻝ ﻣﻴﺨﺎﻟﻒ ..
ﺟﺎﻭﺑﻨﻲ : ﻻ ﻃﺎﻟﺐ ﻣﻠﺘﺰﻡ ﻭﻋﻨﺪﻩ ﺷﻐﻞ ﻫﺎﻻﻳﺎﻡ ﺗﻮﺓ ﺑﺪﺍ ﻳﺸﺘﻐﻞ ﺍﻟﻌﺼﺮ ﺑﻤﺨﺘﺒﺮ ﻃﺒﻲ ﻭﺧﺎﻑ ﻳﺒﻄﻠﻮﺍ ﺍﺫﺍ ﻣﻦ ﺍﻭﻟﻬﺎ ﺍﺟﺎﻳﺰ ﺍﻧﻲ ﺍﻭﺩﻳﺞ ..
ﻛﺘﻠﻪ ﺑﻨﺒﺮﺓ ﺗﻬﻜﻢ : ﺻﺪﻙ ﺷﻌﺠﺐ ﻣﻨﻚ ﻣﻦ ﺍﻟﺸﻴﻄﺎﻥ ..
_ ﻟﻌﺪ ﺷﻌﺒﺎﻟﺞ ﻟﺞ ﺍﻧﻲ ﺍﺑﻮ ﺍﻟﻮﻛﻔﺎﺕ ﺍﺫﺍ ﻣﺎﺍﻭﻛﻔﻠﺞ ﺍﻟﻤﻨﻮ ﺍﻭﻛﻒ ؟
_ ﺍﺭﻭﺡ ﻓﺪﻭﺓ ﻟﺮﻣﻮﺷﻚ ﺍﻧﻲ ..
ﺿﺤﻚ ﻛﺎﻝ : ﻓﺪﻳﺘﺞ ﺑﺮﻣﻮﺷﻲ ﺷﻌﺮﺓ ﺷﻌﺮﺓ ..
_ ﺍﻱ ﺑﺲ ﺑﺼﺮﺍﺣﺔ ﺍﻧﻲ ﺍﺧﺎﻑ ﺍﺭﻭﻭﺡ ﻭﻳﺎﻙ !
_ ﻟﺘﺨﺎﻓﻴﻦ ﻣﺎﺗﺤﺒﻠﻴﻦ ﻭﺣﺘﻰ ﺍﺫﺍ ﺣﺒﻠﺘﻲ ﻣﺎﺗﺨﻠﻰ ﻋﻨﺞ ﺍﻧﺖِ ﻭﺍﺑﻨﻲ ..
_ ﻋﺰﺍ ﺑﻌﻴﻨﻚ ﺷﻜﺪ ﺻﺎﻳﺮ ﻣﻨﺤﺮﻑ . ﻫﺎﻱ ﻋﻮﺩ ﺗﺮﻳﺪ ﺗﻄﻤﻨﻲ ﺍﻃﻠﻊ ﻭﻳﺎﻙ . ﻟﻌﺪ ﻧﺎﺧﺬ ﻭﻳﺎﻧﺎ ﻣﺎﻣﺎ ﺍﻭ ﺧﺎﻟﺔ ﻧﺠﻴﺔ ..
_ ﺣﺎﺟﻴﺘﻬﺎ ﻟﻌﻤﺘﻲ ﻭﻛﺎﻟﺖ ﻣﺎﺑﻴﻪ ﺭﺟﻠﻴﻪ ﻳﻮﺟﻌﻨﻲ ﻭﻣﻦ ﻫﺎﻟﺤﺠﻲ ..
ﻭﺍﻣﻲ ﺗﺪﺭﻳﻦ ﺑﻴﻬﺎ ﺍﺫﺍ ﺍﺧﺬﻧﺎﻫﺎ ﻭﻳﺎﻧﺎ ﺗﻮﺩﻳﻨﻪ ﻟﺒﻐﺪﺍﺩ ﺗﺮﺟﻌﻨﻪ ﻣﻴﺘﻴﻦ ﻭﻳﻤﻜﻦ ﻣﻨﻠﺤﻚ ﻧﻮﺻﻞ ﺍﻟﻪ ﻧﻨﺠﻠﻂ ﺑﺎﻟﻄﺮﻳﻖ ﻭﻧﻤﻮﺕ ..
_ ﺑﺼﺮﺍﺣﺔ ﺍﻗﻨﻌﺘﻨﻲ .......... ﺯﻳﻦ ﺍﻧﺖَ ﻃﺮﺩﺗﻨﻲ ﻭﻛﻠﺖ ﺑﻌﺪ ﻣﺘﺠﻴﻦ ﻟﻠﺒﻴﺖ ﺍﺫﺍ ﺭﺣﺘﻲ ﺩﺍﻭﻣﺘﻲ ﻛﻼﻣﻚ ﻫﺬﺍ ﻭﻳﻦ ﺻﺎﺭ ..
_ ﻟﺘﺎﺧﺬﻳﻦ ﻣﻨﻲ ﻛﻼﻡ ﺑﺴﺎﻋﺔ ﻋﺼﺒﻴﺔ ﺍﻛﻴﺪ ﻣﺠﻨﺖ ﺍﻗﺼﺪ ﻣﻌﻘﻮﻟﺔ ﺍﺳﻮﻳﻬﺎ ﻟﺞ ﺍﻧﻲ ﺑﺮﺓ ﻭﺍﻧﺖِ ﺟﻮﺓ ..
ﺑﻴﻮﻡ ﺍﻟﻲ ﻭﻋﺪﻧﻲ ﻳﺠﻲ ﻋﻠﻴﻪ ، ﻛﻌﺪﺕ ﻣﻦ ﺍﻟﺼﺒﺢ
ﻭﻣﻦ ﺍﻟﻔﺮﺣﺔ ﺍﻟﻲ ﻏﻤﺮﺗﻨﻲ ﺣﺘﻰ ﺭﻳﻮﻙ ﻣﺎﺗﺮﻳﻜﺖ
ﺭﺣﺖ ﺣﻀﺮﺕ ﻣﺴﺘﻤﺴﻜﺎﺗﻲ ﻭﺑﺪﻟﺖ ﻟﺒﺴﺖ ﺑﺪﻱ ﺯﻳﺘﻮﻧﻲ ﻭﺗﻨﻮﺭﺓ ﺳﻮﺩﺓ .. ﻭﺷﺎﻝ ﺍﺳﻮﺩ ﻭﻛﺐ ﺯﻳﺘﻮﻧﻲ ﻭﺧﻠﻴﺖ ﻣﻜﻴﺎﺝ ﺧﻔﻴﻒ ..
ﺳﻤﻌﺖ ﺍﻟﺒﺎﺏ ﺗﻨﺪﻙ ﻋﺮﻓﺘﻪ ﺍﺟﻪ ﺣﻀﺮﺕ ﻛﻞ ﺍﻏﺮﺍﺿﻲ
ﻭﻃﻠﻌﺖ ﻣﻦ ﺍﻟﻐﺮﻓﺔ .. ﺳﻤﻌﺖ ﺻﻮﺕ ﺑﺎﻻﺳﺘﻘﺒﺎﻝ
ﺗﻘﺮﺑﺖ ﻣﻦ ﺍﻟﺒﺎﺏ ﺍﺭﻳﺪ ﺍﻓﻮﺕ ..
ﺳﻤﻌﺖ ﺻﻮﺕ ﻣﺤﻤﺪ ﻳﻜﻮﻝ ﻟﺒﺸﻴﺮ
_ ﺍﻧﺖَ ﺻﺪﻙ ﺗﺤﺠﻲ ؟؟ ﻣﺨﺒﻞ ﻋﺎﻗﻞ ﺍﻧﺖَ ﺭﺍﻳﺢ ﺑﻴﺪﻙ ﺗﺴﺠﻠﻬﺎ ﺧﺘﻮﻟﻲ ﺷﻨﻮﻭ ﺑﻜﻴﻔﻬﺎ ؟؟؟
ﺍﺣﺲ ﺭﻭﺣﻲ ﺍﻧﺴﺤﻨﺖ ﺳﺤﻦ ﺍﺭﻳﺪ ﺍﺳﻤﻊ ﺭﺩ ﺑﺸﻴﺮ ﺍﻧﺴﺤﺒﺖ ﻣﻦ ﻣﻼﺑﺴﻲ ﺑﺎﻭﻋﺖ ﺷﻔﺘﻬﺎ ﻋﺎﻟﻴﺔ ..
ﺟﺮﺗﻨﻲ ﻣﻦ ﺍﻳﺪﻱ ﻟﺤﺪ ﺍﻟﻤﻄﺒﺦ ..
ﺣﺠﻴﺖ ﻭﺍﻧﻲ ﺍﻗﺎﻭﻡ ﺍﻟﺒﻜﺎﺀ : ﺷﻮﻓﻲ ﻣﺤﻤﺪ ﺩﻳﺤﺠﻲ ﻋﻠﻴﻪ ﺑﺲ ﻻﻳﻘﻨﻊ ﺑﺸﻴﺮ ﻭﻣﻴﺨﻠﻲ ﻳﻮﺩﻳﻨﻲ
ﻻﺗﻀﻮﺟﻴﻦ ﺍﺫﺍ ﻣﻘﺴﻮﻣﻠﺞ ﺗﺪﺍﻭﻣﻴﻦ ﻫﻨﺎﻙ ﺗﺪﺍﻭﻣﻴﻦ ﻟﻮ ﻣﻮ ﻣﺤﻤﺪ ﻳﺤﺠﻲ ..
ﺟﺎﻭﺑﺘﻬﺎ ﺑﻐﺼﺔ : ﺷﻴﺮﻳﺪ ﻣﻨﻲ ﺭﺟﻠﺞ ﺷﻌﻠﻴﻪ ﺑﻴﻪ ﻭﺍﻟﻠﻪ ﻣﺎﺟﺪ ﻣﺎﻛﺎﻝ ﺷﻲ ﻭﺷﺠﻌﻨﻲ ﺑﺲ ﻏﻴﺮ ﻳﺮﻳﺪ ﻳﺴﺎﻓﺮ ..
ﺩﻧﺤﺠﻲ ﻓﺎﺗﻮﺍ ﺑﺸﻴﺮ ﻭﻣﺤﻤﺪ ﻟﻠﻤﻄﺒﺦ ..
ﺑﺸﻴﺮ ﻛﺎﻝ ﺻﺒﺎﺡ ﺍﻟﺨﻴﺮ ..
ﺭﺩﺕ ﻋﻠﻴﻪ ﻋﺎﻟﻴﺔ ﻭﺍﻧﻲ ﻣﺠﺎﻱ ﺍﻛﺪﺭ ﺍﻃﻠﻊ ﺍﻟﻜﻼﻡ ﻣﻨﻲ ﻭﺧﺎﻳﻔﺔ ﻻﻫﺴﻪ ﻏﻴﺮ ﺭﺃﻳﻪ ﻭﺑﻌﺪ ﻣﻴﻮﺩﻳﻨﻲ ﺍﺳﺠﻞ ..
ﺑﺸﻴﺮ : ﻳﻠﻠﻪ ﻳﻘﻴﻦ ﺧﻠﺼﺘﻲ ﻧﺮﻭﺡ ؟
ﻫﺰﻳﺖ ﺭﺍﺳﻲ ﺑﻼ ﻣﺎﺍﺣﺠﻲ ﻭﺍﺣﺲ ﻛﻠﺒﻲ ﻃﺎﺭ ﻣﻦ ﺍﻟﻔﺮﺡ ﻣﻦ ﻛﺎﻝ ﻫﻴﺞ ﺑﺲ ﺑﻌﺪﻧﻲ ﻣﻨﻔﻌﻠﺔ ﻣﻦ ﺣﺠﻲ ﻣﺤﻤﺪ ..
ﺗﻘﺪﻣﺖ ﺍﺭﻳﺪ ﺍﺭﻭﺡ ﻳﻢ ﺑﺸﻴﺮ ﺣﺘﻰ ﻧﻄﻠﻊ ..
ﻭﺍﻧﻲ ﺍﺳﻤﻊ ﺻﻮﺕ ﺯﻓﺮﺍﺕ ﻣﺤﻤﺪ ﺍﻟﻘﻮﻳﺔ
ﻭﺻﻠﺖ ﻳﻢ ﺑﺸﻴﺮ ..
ﻭﺍﺟﺎﻧﻲ ﺻﻮﺕ ﻣﺤﻤﺪ ﺍﻟﻤﺴﺘﻔﺰ ..
_ ﺷﻮﻥ ﻣﻮﺩﻳﻞ ﻫﺬﺍ ﺑﻌﺪ ﺷﻨﻮ ﻣﺎﻋﺪﻧﻪ ﻛﻠﻴﺎﺕ ﻫﻨﺎ ﻟﻮ ﻫﻴﻪ ﻋﻴﺎﺭﺓ ﺗﺮﺩﻳﻦ ﺗﺪﻳﺤﻴﻦ ﻫﻨﺎﻙ ..
ﺍﺭﻳﺪ ﺍﺣﺠﻲ ﻭﻧﻈﺮﺍﺗﻲ ﻋﻠﻰ ﺑﺸﻴﺮ ﺷﻔﺘﻪ ﺣﻂ ﺍﺻﺒﻌﻪ ﺍﻟﺴﺒﺎﺑﺔ ﻋﻠﻰ ﺷﻔﺎﻳﻔﻪ ﺑﻤﻌﻨﻲ ﺍﺵ ﻟﺘﺤﺠﻴﻦ ﺑﺎﻭﻋﺘﻠﻪ ﻭﺳﻜﺘﺖ ..
ﺑﺸﻴﺮ : ﺷﻨﻮ ﻫﺎﻟﺤﺠﻲ ﻣﺤﻤﺪ ﻳﻘﻴﻦ ﻣﺴﺆﺅﻟﻴﺘﻲ ﺍﻧﻲ ﺭﺍﺡ ﺍﻭﺩﻳﻬﺎ ﻭﺍﻧﻲ ﺍﺩﻳﺮ ﺑﺎﻟﻲ ﻋﻠﻴﻬﺎ ..
ﻣﺤﻤﺪ : ﺷﻮﻥ ﺗﺪﻳﺮ ﺑﺎﻟﻚ ﻋﻠﻴﻬﺎ ﺑﻠﻠﻪ ﻭﺍﻧﺖَ ﻫﻨﺎ ﻭﻫﻴﻪ ﻫﻨﺎﻙ ؟؟
_ ﻃﻮﻝ ﻓﺘﺮﺓ ﺩﺭﺍﺳﺘﻬﺎ ﺭﺍﺡ ﺍﺑﻘﻰ ﺑﺒﻐﺪﺍﺩ ﻗﺮﻳﺐ ﻋﻠﻴﻬﺎ ﻳﻢ ﺑﻴﺖ ﺧﺎﻝ ﺍﻣﻲ ﻭﺣﺘﻰ ﺷﻐﻞ ﺭﺍﺡ ﺍﺷﺘﻐﻞ ﻭﻳﺎﻫﻢ ..
ﺍﻧﻲ ﺑﻘﻴﺖ ﺍﺑﺎﻭﻉ ﻟﺒﺸﻴﺮ ﺑﺎﻧﺪﻫﺎﺵ ﺍﺑﺪ ﻣﻤﺘﻮﻗﻌﺘﻬﺎ ﻣﻨﻪ ﻣﻌﻘﻮﻟﺔ ﺍﻟﻬﺪﺭﺟﺔ ﻳﺤﺒﻨﻲ ﺍﺟﺎﻧﻲ ﺗﻔﻜﻴﺮ ﺑﻠﺤﻈﺔ ﻭﺍﻟﻠﻪ ﺍﻣﻪ ﺗﻜﻄﻌﻨﻲ ﺍﺫﺍ ﺳﻮﺍﻫﺎ ﺻﺪﻙ ..
ﻋﺎﻟﻴﺔ : ﻳﻠﻠﻪ ﻣﺤﻤﺪ ﻫﻴﻪ ﻛﻠﻬﺎ ﻛﻢ ﺳﻨﺔ ﻏﻤﺾ ﻋﻴﻦ ﻓﺘﺢ ﻋﻴﻦ ﻣﺨﻠﺼﺔ ﻭﺭﺍﺟﻌﺔ ﺧﻮ ﻣﺎﺭﺍﺡ ﺗﺒﻘﻰ ﺍﻟﻌﻤﺮ ﻛﻠﻪ ﻫﻨﺎﻙ ..
ﺭﺩ ﻋﻠﻴﻬﺎ ﻣﺤﻤﺪ : ﺍﺳﻜﺘﻲ ﺍﻧﺖِ ﻣﺤﺪ ﻃﻠﺐ ﺭﺃﻳﺞ ..
ﺿﺤﻚ ﺑﺸﻴﺮ : ﻏﻴﺮ ﺍﺧﺘﻬﺎ ﺍﻟﺠﺒﻴﺮﺓ ﻳﺎﺍﺑﻦ ﻋﻤﻲ ..
ﻣﺤﻤﺪ : ﺍﺫﺍ ﺣﺠﺖ ﺍﻟﺰﻟﻢ ﺗﺴﻜﺖ ﺍﻟﻨﺴﻮﺍﻥ ..
ﺑﺸﻴﺮ : ﻳﻠﻠﻪ ﺍﺣﻨﺎ ﻧﺘﺮﺧﺺ
ﺑﺎﻭﻋﻠﻲ ﻭﻛﺎﻝ .. ﺍﻣﺸﻲ ﻳﻘﻴﻦ ..
ﺑﻮﺳﺖ ﻋﺎﻟﻴﺔ ﻭﺑﻮﺳﺘﻨﻲ ﻭﻣﺸﻴﺖ ﻭﺭﺓ ﺑﺸﻴﺮ ..
ﻃﻠﻌﻨﺎ ﻣﻦ ﺍﻟﺒﻴﺖ ﺑﻌﺪﻧﺎ ﺑﺎﻟﺤﺪﻳﻘﺔ ..
ﺟﻨﺖ ﺿﺎﻳﺠﺔ ﺍﺩﻧﻚ ﻭﺍﻣﺸﻲ .. ﺍﻟﺘﻔﺖ ﺍﻟﻲ ﻭﻇﻞ ﻳﺒﺎﻭﻋﻠﻲ
ﺑﺘﻔﺤﺺ ..
ﺿﺤﻚ ﻭﺑﻌﻴﻮﻧﻪ ﻧﻔﺴﻬﺎ ﻧﻈﺮﺓ ﺍﻻﻋﺠﺎﺏ ﻭﺍﻟﺤﺐ ..
ﻛﺘﻠﻪ ﺑﺸﻴﺮ ﺻﺪﻙ ﻫﺴﻪ ﺍﻟﺴﻤﻌﺘﻪ ﺭﺍﺡ ﺗﺮﻭﺡ ﻟﺒﻐﺪﺍﺩ ﻭﺗﺒﻘﻰ ﻫﻨﺎﻙ ..
ﺟﺎﻭﺑﻨﻲ : ﺍﻱ ﻟﻴﺶ ﻋﺒﺎﻟﺞ ﻣﺎﺳﻮﻳﻬﺎ ﺷﻮﻥ ﻳﻬﺪﺍﻟﻲ ﺑﺎﻝ ﻭﺍﻧﺖِ ﺑﻌﻴﺪﺓ ﻋﻨﻲ ..
ﺳﻴﻄﺮ ﻋﻠﻴﻪ ﺍﻟﺨﺠﻞ ﻟﺤﻈﺎﺕ ﻭﺑﻌﺪﻫﺎ ﺟﺎﻭﺑﺘﻪ ..
_ ﺑﺲ ﺷﻮﻥ ﺣﺘﻌﻮﻑ ﺍﻫﻠﻚ ﻭﺷﻴﺴﻜﺖ ﺍﻣﻚ ..
_ ﻃﺎﻟﺐ ﻣﻮﺟﻮﺩ ﻭﺑﻤﻜﺎﻧﻲ ﻟﻴﺶ ﺷﺒﻲ ﻃﺎﻟﺐ ﺭﺟﺎﻝ ﻭﻋﻠﻴﻪ ﺍﻻﻋﺘﻤﺎﺩ
_ ﺑﺲ ﻣﻮ ﻣﺜﻠﻚ ﺍﻧﺖَ ﺍﻳﺪﻫﻢ ﻭﺍﻧﺖَ ﺭﺟﻠﻬﻢ ..
ﻛﺎﻝ : ﻫﺴﻪ ﻣﻌﻠﻴﺞ ﻟﻜﻞ ﺣﺎﺩﺙ ﺣﺪﻳﺚ ﺑﺲ ﻛﻮﻟﻴﻠﻲ ﺍﻧﺖِ ﻫﺎﻱ ﺷﻄﺎﻟﻌﺔ ﺟﻨﺞ ﺑﻐﺪﺍﺩﻳﺔ
ﺭﻓﻌﺖ ﺗﻚ ﺣﺎﺟﺒﻲ ﻛﺘﻠﻪ ﺍﻱ ﻳﻌﻨﻲ ﺷﻨﻮﻭ ﻭﺿﺢ ﺩﺗﺘﻐﺰﻝ ﺑﻴﻪ ﻟﻮ ﺑﺒﻨﺎﺕ ﺑﻐﺪﺍﺩ ﺣﺪﺩ ؟
ﻃﻜﺎﻫﻪ ﺿﺤﻜﺔ : ﺍﻣﺸﻲ ﻧﺮﻭﺡ ﺍﻋﺮﻓﺞ ﻋﻠﻰ ﺻﺪﻳﻘﺘﻲ ﺍﻟﺒﻐﺪﺍﺩﻳﺔ ..
ﻓﺘﺤﺖ ﻋﻴﻮﻧﻲ ﺑﺎﻧﺪﻫﺎﺵ ﻭﻣﺸﻴﺖ ﻗﺒﻠﻪ ﻭﺍﻧﻲ ﺍﺣﺠﻲ
_ ﻣﺎﺭﻳﺪ ﻣﻴﺤﺘﺎﺝ ..
ﻃﻠﻌﻨﺎ ﻣﻦ ﺍﻟﺒﻴﺖ ﻭﺍﻟﺘﻜﺴﻲ ﻳﻨﺘﻈﺮﻧﺎ ﺑﺎﻟﺒﺎﺏ ..
ﺻﻌﺪ ﻛﺪﺍﻡ ﻭﺍﻧﻲ ﻭﺭﺓ .. ﻭﺻﻠﻨﺎ ﻟﻠﻜﺮﺍﺝ ﺍﺟﺮﻧﻪ ﺳﻴﺎﺭﺓ ﻭﺍﻧﻄﻠﻘﺖ ﺑﻴﻨﺎ ﻟﺒﻐﺪﺍﺩ .. ﺩﺧﻠﺖ ﻛﻤﻠﺖ ﺍﻻﺟﺮﺍﺀﺍﺕ ﻭﻫﻮ ﻳﻨﺘﻈﺮﻧﻲ ﺑﺎﻟﺤﺪﻳﻘﺔ .. ﻣﻦ ﻃﻠﻌﺖ ﺷﻔﺘﻪ ﻛﺎﻋﺪ ﻳﻢ ﺑﻨﻴﺔ ﻓﺘﺤﺖ ﻋﻴﻮﻧﻲ ﺑﺎﻧﺪﻫﺎﺍﺍﺵ ..
ﻛﺎﻋﺪﺓ ﺑﺼﻔﻪ ﻻﺑﺴﻪ ﺗﻨﻮﺭﺓ ﻗﺼﻴﺮﺓ ﻭﻃﺎﺑﻜﺔ ﺭﺟﻠﻴﻬﺎ ﻧﺎﻋﻤﺔ ﻭﺷﻌﺮﻫﺎ ﻣﻔﺘﻮﺡ ﻟﻜﺘﻔﻬﺎ .. ﻭﻫﻮ ﻛﺎﻋﺪ ﻭﻣﻔﺮﻕ ﺑﻴﻦ ﺭﺟﻠﻴﻪ ﻭﻳﻀﺤﻚ ﻭﻳﺴﻮﻟﻒ ﻭﻳﺎﻫﺎ ..
ﻧﺎﺭ ﻭﺷﺒﺖ ﺑﻴﻪ ﻻﻻ ﻣﻤﻌﻘﻮﻟﺔ ﺍﻟﻲ ﺩﺗﺸﻮﻓﻪ ﻋﻴﻮﻧﻲ
ﻣﻌﻘﻮﻟﺔ ﻫﻴﻪ ﻫﺎﻱ ﻧﻔﺴﻬﺎ ﺍﻟﻜﺎﻝ ﻋﻠﻴﻬﺎ ﺻﺪﻳﻘﺘﻪ ﺑﻘﻴﺖ ﺍﺗﻤﻌﻦ ﺑﻴﻬﻢ ﻣﻦ ﺑﻌﻴﺪ .. ﻟﺤﺪ ﻣﺎﺷﺎﻓﻨﻲ ﻭﺍﺷﺮﻟﻲ ......
ﺑﻘﻴﺖ ﻭﺍﻛﻔﺔ ﻭﺍﺑﺎﻭﻉ ﺍﻟﻪ ﺑﻌﺼﺒﻴﺔ ﻭﺿﺮﺏ ﺑﺮﺟﻠﻲ ﻋﻠﻰ ﺍﻟﻜﺎﻉ ..
ﺷﺎﻓﻨﻲ ﻣﺎﺭﺣﺖ ﺍﻟﻪ ﻭﺍﻛﻔﺔ ﻭﻣﺘﺼﻨﻤﺔ .. ﻛﺎﻡ ﻭﺍﺟﻪ ﻳﻤﻲ ..
ﻳﺒﺎﻭﻋﻠﻲ ﻭﻳﻀﺤﻚ ..
ﻛﺎﻝ : ﻫﺎ ﺗﻌﺎﻟﻲ ﺍﻋﺮﻓﺞ ﻋﻠﻰ ﺻﺪﻳﻘﺘﻲ ﻭﺳﺤﺒﻨﻲ ﻣﻦ ﺍﻳﺪﻱ ..
ﺳﺤﺒﺖ ﻣﻨﻪ ﺍﻳﺪﻱ ﺑﻘﻮﻭﺓ ﻭﺍﺣﺘﺠﺎﺝ ..
ﻛﺘﻠﻪ ﻣﺎﺭﻳﺪ ﻭﻳﻠﻠﻪ ﺍﻣﺸﻲ ﻭﺩﻳﻨﻲ ﻟﻠﺒﻴﺖ ..
ﻣﺪ ﺍﻳﺪﻩ ﻟﺮﺍﺳﻪ ﻭﻇﻞ ﻳﺤﻚ ﺑﻴﻪ ﻭﺍﺑﺘﺴﺎﻣﺔ ﻣﺮﺳﻮﻣﺔ ﻋﻠﻰ ﻭﺟﻬﻪ ﺑﺘﻬﻜﻢ ..
ﻛﺎﻝ : ﺧﻠﻲ ﺍﺭﻭﺡ ﺍﻭﺩﻋﻬﺎ ﻭﺍﻛﻮﻝ ﺍﻟﻬﺎ ﻧﻠﺘﻘﻲ ﺑﻮﻗﺖ ﺛﺎﻧﻲ ﻭﺍﺟﻲ ﺍﻧﺖِ ﺍﺑﻘﻲ ﺑﻤﻜﺎﻧﺞ ﺧﻮﻭﺵ ..
ﻣﺠﺎﻭﺑﺘﻪ ﺑﺲ ﺍﺑﺎﻭﻉ ﺍﻟﻪ ﻭﺍﺧﺰﺭﻩ ﻭﺭﻭﺣﻲ ﻣﺸﺘﻌﻠﺔ ﺷﻌﻞ ﺑﺎﻟﻨﺎﺭ ﺍﺟﺘﺎﺣﺘﻨﻲ ﻣﺸﺎﻋﺮ ﺍﻟﻐﻴﺮﺓ ﻭﺻﺮﺕ ﺑﻮﺿﻊ ﻻ ﺍﺣﺴﺪ ﻋﻠﻴﻪ .. ﻭﺍﺳﺄﻝ ﺑﻨﻔﺴﻲ ﻣﻌﻘﻮﻟﺔ ﺍﻧﻲ ﻫﺎﻟﻜﺪ ﺍﺣﺒﻪ ..
ﺑﻘﻰ ﻳﺴﻮﻟﻒ ﻭﻳﺎﻫﺎ ﻧﺎﻭﻱ ﻳﺠﻠﻄﻨﻲ ﻫﺬﺍ ﺷﺒﻲ !!!
ﺗﻌﻤﺪﺕ ﺍﻓﻮﺕ ﻣﻦ ﻳﻤﻬﻢ ﻭﺍﺭﻭﺡ ﺍﻣﺸﻲ ﺍﺣﺎﻭﻝ ﺍﺑﺘﻌﺪ ﻋﻨﻬﻢ ..
ﺳﻤﻌﺘﻪ ﻳﻜﻮﻝ ﺍﻟﻬﺎ ﻓﺮﺻﺔ ﺳﻌﻴﺪﺓ ..
ﺣﺴﻴﺘﻪ ﺍﺟﻪ ﻳﻤﻲ ﻟﺰﻣﻨﻲ ﻣﻦ ﺍﻳﺪﻱ ﻭﻛﻔﻨﻲ ..
ﻛﺎﻝ ﺷﺒﻴﺞ ﻭﻳﻦ ﻣﻮﻟﻴﺔ ؟؟
ﺟﺎﻭﺑﺘﻪ ﺑﺎﻧﻔﻌﺎﻝ : ﺭﺍﻳﺤﺔ ﻟﻠﺒﻴﺖ ﻭﻳﻦ ﻣﻮﻟﻴﺔ ﺑﻌﺪ ﺧﻤﺎ ﺍﺿﻞ ﻫﻨﺎ ﻟﻠﺼﺒﺢ ؟
_ ﻫﺴﻪ ﺍﻧﺖِ ﺷﺒﻴﺞ ﻣﻌﺼﺒﺔ ﻻﻥ ﻭﺍﻛﻒ ﻳﻢ ﺻﺪﻳﻘﺘﻲ
ﻳﻀﺤﻚ ﻭﻳﺮﻓﻊ ﺑﺤﻮﺍﺟﺒﻪ ..
ﺻﻴﺤﺖ ﻋﻠﻴﻪ : ﺭﺍﺡ ﺍﻧﺠﻠﻂ ﺭﺍﺡ ﺍﻧﺠﻠﻂ ... ﻭﻣﺸﻴﺖ ﻛﺪﺍﻣﻪ ..
ﺍﺟﻪ ﻳﻤﻲ ﻛﺎﻝ ﺍﻣﺸﻲ ﻧﺘﺮﻳﻚ ﻳﻴﻠﻪ ﺍﻛﻴﺪ ﻫﺴﺔ ﺍﻧﺖِ ﺟﻌﺘﻲ ..
ﺭﻓﻌﺖ ﺍﻳﺪﻱ ﻭﻧﺰﻟﺘﻬﺎ ﺑﻌﺼﺒﻴﺔ
ﻭﻧﺘﺮﺕ : ﻣﺎﺍﺍﺭﻳﺪ ﻭﺍﻧﻲ ﻣﻨﻄﻴﺘﻪ ﻇﻬﺮﻱ ..
ﺳﺠﺒﻨﻲ ﻣﻦ ﺍﻳﺪﻱ ..
_ ﺍﻣﺸﻲ ﺍﻧﻲ ﺍﻛﻞ ﺟﻮﻋﺎﻥ ﻭﺍﻧﺖِ ﺑﺲ ﻛﻌﺪﻱ ﻳﻤﻲ ..
ﺍﻣﺸﻲ ﻭﻳﺎ ﻭﺍﺣﺎﻭﻝ ﺍﺗﻤﻠﺺ ﻣﻦ ﺍﻳﺪﻩ .. ﻳﻤﺸﻲ ﺑﺨﻄﻮﺍﺕ ﻭﺍﺳﻌﺔ ﻭﺍﻧﻲ ﻣﺜﻞ ﺍﻟﻤﺨﺒﻠﺔ ﺍﺗﺒﻌﻪ ..
ﻭﺻﻠﻨﻪ ﻟﻠﻤﻄﻌﻢ ﻭﺩﺧﻠﻨﺎ ﻛﻌﺪﻧﺎ .. ﺍﻧﻄﺎﻧﻲ ﻣﻲ ﻭﺍﻧﻲ ﺍﺑﺎﻭﻋﻠﻪ ﻭﺍﺧﺰﺭ ﺑﻲ .. ﻟﻮ ﻣﺎﻟﻬﺎﺗﻲ ﻳﺎﺑﺴﺔ ﺟﺎﻥ ﻣﺎﺍﺧﺬﺗﻪ ﻣﻨﻪ ..
ﺟﺮﻋﺖ ﺍﻟﻤﻲ ﻭﺧﻠﻴﺘﻪ ﻋﻠﻰ ﺍﻟﻄﺎﻭﻟﺔ .. ﻧﺎﻭﺷﻨﻲ ﻛﻠﻴﻨﻜﺲ ﻣﺴﺤﺖ ﻭﺟﻬﻲ ..
ﻣﺪﻳﺖ ﺍﻳﺪﻱ ﻟﺠﻨﻄﺘﻲ ﻃﻠﻌﺖ ﺍﻟﻤﺮﺍﻳﺔ ﻭﺩﺑﺎﻭﻉ ﻟﻮﺟﻬﻲ
ﻗﺮﺏ ﻣﻨﻲ ﻭﻇﻞ ﻳﻬﻤﺲ ﻭﺍﺳﻨﺎﻧﻪ ﻣﻄﺒﻮﻛﺔ ..
_ ﺿﻤﻲ ﺍﻟﻤﺮﺍﻳﺔ ﻫﺴﻪ ﻭﻛﺘﻬﺎ ..
ﺧﺰﺭﺗﻪ ﻭﺿﻤﻴﺘﻬﺎ .. ﺍﺟﻪ ﺍﻟﻜﺮﺳﻮﻥ ..
ﻛﻠﻪ : ﺍﺭﻳﺪ ﺍﺛﻨﻴﻦ ﻛﺺ ﻭﻭﺍﺣﺪ ﻭﻧﺺ ﻧﻔﺮ ﻛﺒﺎﺏ ..
ﺭﺍﺡ ﺍﻟﻜﺮﺻﻮﻥ ﻭﺍﺟﻪ ﺟﺎﺏ ﺍﻟﻄﻠﺐ ..
ﻗﺪﻡ ﺍﻟﻲ ﺍﻟﻜﺺ ﻭﺍﺧﺬ ﺍﻟﻜﺒﺎﺏ ..
ﺑﺎﻭﻋﺘﻠﻪ : ﺍﻧﺖَ ﻣﻨﻮ ﻛﻠﻚ ﺍﻧﻲ ﺍﺭﻳﺪ ﻛﺺ ﻭﺍﺻﻼ ﻣﻨﻮ ﻛﻠﻚ ﺗﻄﻠﺐ ﻋﻨﻲ ﺑﻠﻠﻪ ﺍﺭﻳﺪ ﻏﻴﺮ ﺍﻟﻴﻮﻡ ..
_ ﻫﺎ ﻗﺒﻞ ﺷﻮﻳﺔ ﻣﺠﻨﺘﻲ ﺗﺮﺩﻳﻦ ﺍﻛﻞ ﻭﺑﻌﺪﻳﻦ ﺍﻧﺖِ ﺩﺍﺋﻤﺎ ﺗﻄﻠﺒﻴﻦ ﻛﺺ ﻻﻥ ﺗﺤﺒﻴﻪ ..
_ ﺍﻱ ﻫﺎﻟﻤﺮﺓ ﻋﺎﺟﺒﻨﻲ ﺍﻛﻞ ﻛﺒﺎﺏ ..
ﻛﺎﻡ ﻗﺮﺑﻠﻲ ﺍﻟﻜﺒﺎﺏ ﻭﺍﺧﺬ ﺍﻟﻜﺺ ..
ﻇﻞ ﻳﺒﺎﻭﻉ ﻭﻣﻴﺎﻛﻞ . ﺍﻧﻲ ﺍﺩﺭﻱ ﺑﻲ ﻣﻴﺤﺒﻪ ﻻﻥ ﻣﺮﺓ ﺟﺎﺏ ﺍﻟﻲ ﻭﺍﻟﻪ ﻭﺍﻛﻠﻨﺎ ﻫﻮ ﺗﺴﻤﻢ ﻭﺩﺧﻞ ﻣﺴﺘﺸﻔﻰ ﻭﺍﻧﻲ ﻛﻞ ﺷﻲ ﻣﺼﺎﺭ ﺑﻴﻪ ﻭﻣﻦ ﻳﻮﻣﻬﺎ ﻭﻫﻮ ﻣﻴﺎﻛﻠﻪ ..
ﺍﻧﻘﻬﺮﺕ ﻋﻠﻴﻪ ﻭﺭﺟﻌﺖ ﺍﻟﻪ ﺍﻟﻜﺒﺎﺏ ﻭﺍﺧﺬﺕ ﺍﻟﻜﺺ ..
ﺭﻓﻊ ﺣﺎﺟﺒﻪ ﻣﻨﺘﻈﺮ ﺍﻻﺟﺎﺑﺔ ..
ﻛﺘﻠﻪ ﺍﻧﻲ ﻣﺎﻓﻮﺕ ﺍﻟﻜﺺ ﺗﺪﺭﻱ ﺑﻴﻪ ﻣﺎﺣﺐ ﺍﻟﻜﺒﺎﺏ ﺑﺲ ﻫﻴﺞ ﺭﺩﺕ ﺍﺳﺘﻔﺰﻙ ..
ﺭﺟﻊ ﻗﺮﺏ ﻣﻨﻲ ﻛﺎﻝ : ﻟﺞ ﺷﺒﻴﺞ ﻗﺤﻂ ﻫﺴﻪ ﺍﻃﻠﺐ ﻟﺞ ﺍﻧﻲ ﺍﻋﺰ ﻋﻠﻴﺞ ﺷﻲ ﺍﺧﺬﻱ ﻋﻴﻮﻧﻲ ﺍﺧﺬﻱ ﺭﻭﺣﻲ .......
ﺷﻜﺪ ﺍﺧﺠﻞ ﻣﻦ ﻳﺤﺠﻲ ﻭﻳﺎﻱ ﻫﻴﺞ ﻭﺍﺣﺲ ﺍﻟﻜﻼﻡ ﻣﻮ ﻭﻛﺘﻪ ﺍﺧﺬﺕ ﺑﻄﻞ ﺍﻟﻤﻲ ﻭﺷﺮﺑﺖ ﻭﻇﻠﻴﺖ ﺍﻛﻞ ..
ﻭﺭﺓ ﻣﺨﻠﺼﺖ ﺍﻛﻞ ﻛﺎﻝ ﻫﺎ ﺗﺮﺩﻳﻦ ﺍﻃﻠﺒﻠﺞ ﺑﻌﺪ ؟
ﺟﺎﻭﺑﺘﻪ : ﻻﻻ ﺷﺒﻌﺖ ﺍﺻﻼ ..
_ ﻟﻌﺪ ﻳﻠﻪ ﻛﻮﻣﻲ ﻧﻔﺮﻓﺮ ..
ﻛﻤﺖ ﻭﻳﺎ ﺍﺧﺬﻧﻲ ﺯﺭﻧﻪ ﺍﻻﻣﺎﻡ ﺍﻟﻜﺎﻇﻢ ﻭﺗﻤﺸﻴﻨﻪ ﺑﻜﻮﺭﻧﻴﺶ ﺍﻻﻋﻀﻤﻴﺔ .. ﺍﻛﻠﻨﺎ ﻣﺮﻃﺒﺎﺕ ﻭﺳﻮﻟﻔﻨﺎ ﻭﺿﺤﻜﻨﺎ ﻫﻮﺍﻱ
ﻳﻀﺤﻜﻨﻲ ﺑﺴﻮﺍﻟﻔﻪ ﺍﺿﺤﻚ ﻣﻦ ﻛﻞ ﻗﻠﺒﻲ ﻭﺍﺣﺲ ﺣﺘﻰ ﻧﺒﻀﺎﺗﻪ ﺍﺧﺘﻠﻔﺖ ﺣﺴﻴﺖ ﻣﻌﺎﻳﺸﺔ ﻗﺒﻞ ﻫﺬﺍ ﺍﻟﻴﻮﻡ .. ﻭﻣﻦ ﻫﺎﻟﻴﻮﻡ ﺍﺑﺘﺪﺃﺕ ﺣﻴﺎﺗﻲ .. ﺣﺒﻴﺖ ﺍﻟﺤﻴﺎﺓ ﻗﺮﺑﻪ ﻭﺣﺒﻴﺘﻪ ﺍﻛﺜﺮ ﻃﻮﻝ ﺍﻟﻮﻗﺖ ﻫﻮ ﻳﺒﺎﻭﻋﻠﻲ ﻭﺍﻧﻲ ﺍﺑﺎﻭﻋﻠﻪ ﺑﺸﻐﻒ ﻭﺣﺐ ﻭﻟﻬﻔﺔ ..
ﻛﺎﻝ : ﻭﻟﺞ ﻳﻠﻠﻪ ﺧﻠﻲ ﻧﺮﻭﺡ ﺧﻠﺼﺖ ﻓﻠﻴﺴﺎﺗﻲ ﻭﻣﺒﻘﻰ ﺑﺲ ﺍﻟﻜﺮﻭﺓ ﺍﻟﻲ ﺭﺍﺡ ﻧﺮﺟﻊ ﺑﻴﻬﺎ ﺧﻠﻲ ﻧﺮﻭﺡ ﻟﺒﻴﺖ ﺍﺑﻮ ﺣﺴﻴﻦ ﺧﺎﻝ ﺍﻣﻲ ..
_ ﻻ ﻋﻔﻴﺔ ﺧﻠﻲ ﻧﺮﺟﻊ ﻟﻠﺒﻴﺖ ﻓﺪﻭﺓ ﺍﺳﺘﺤﻲ ﺍﺭﻭﺡ ﺍﻟﻬﻢ ﻭﺍﻧﻲ ﻣﺎﺍﻋﺮﻓﻬﻢ ..
_ ﻟﺞ ﻫﺴﻪ ﺗﻌﺮﻓﻴﻬﻢ ﻭﺍﻟﻠﻪ ﻧﺎﺱ ﻃﻴﺒﻴﻦ ﻭﻳﻨﺤﺒﻮﻥ ﻫﻮﺍﻳﺔ ..
_ ﺑﺲ ﺧﺎﻑ ﻧﺘﺄﺧﺮ ..
_ ﺍﻱ ﻧﺒﺎﺕ ﻋﺪﻫﻢ ﺑﺲ ﺍﻟﻠﻴﻠﺔ ﻭﺑﺎﺟﺮ ﻣﻦ ﺍﻟﺼﺒﺢ ﻧﺸﻄﺢ ..
ﺑﻌﺪ ﻣﻜﺪﺭﺕ ﻋﻠﻴﻪ ﺍﺧﺬﻧﻲ ﻭﻳﺎ ﻛﻮﺓ ﺻﻌﺪﻧﻪ ﻓﻮﺭﺗﺎﺕ
ﺣﺴﻴﺖ ﻧﻔﺴﻲ ﻧﻌﺴﺖ ﻛﻠﺶ ..
ﻭﻋﻴﺖ ﺷﻔﺖ ﺭﺍﺳﻲ ﻋﻠﻰ ﻛﺘﻔﻪ ﻭﻫﻮ ﻳﺒﺎﻭﻉ ﻋﻠﻴﻪ ..
ﻣﻦ ﺷﺎﻓﻨﻲ ﻛﻌﺪﺕ ﻭﻓﺘﺤﺖ ﻋﻴﻮﻧﻲ ﺍﺑﺘﺴﻢ ..
ﻟﺴﻪ ﺭﺍﺳﻲ ﻋﻠﻰ ﻛﺘﻔﻪ ﺗﺬﻛﺮﺕ ﺍﻟﺒﻨﺖ ﺍﻟﻲ ﺷﻔﺘﻬﺎ ﻳﻤﻪ ﺑﺎﻟﺠﺎﻣﻌﺔ ..
ﻛﺘﻠﻪ ﺗﺤﺒﻬﺎ ؟؟
ﻛﺎﻝ ﺍﻣﻮﻭﺕ ﻋﻠﻴﻬﺎ ..
_ ﻫﻴﻪ ﻫﺎﻱ ﻧﺮﺟﺲ ﺍﻟﻲ ﺗﺤﺠﻲ ﻋﻠﻴﻬﺎ ..
_ ﺍﻱ ﺍﻱ ﻫﻴﻪ ﻧﺮﺟﺲ ﺍﻋﺸﻘﻬﺎ ﻭﺍﻣﻮﺕ ﻋﻠﻴﻬﺎ
ﺳﻮﻳﺘﻠﻪ ﻧﻨﻨﻨﻨﻨﻦ .....
ﻛﺎﻝ ... ﻻ ﺧﺸﻤﺞ .
ﻭﺧﺮﺕ ﺭﺍﺳﻲ ﻣﻦ ﻛﺘﻔﻪ
_ ﻻ ﺭﻣﻮﺷﻚ ﺭﻣﻮﺵ ﻣﻜﻨﺎﺳﺔ ..
ﺗﻘﺮﺏ ﻣﻨﻲ ﻭﻇﻞ ﻳﻬﻤﺲ ..
ﺑﺲ ﺗﺼﻴﺮﻳﻦ ﺣﻼﻟﻲ ﺷﺮﻁ ﺍﻟﻪ ﺍﻛﻨﺲ ﻭﺟﻬﺞ ﺑﺮﻣﻮﺷﻲ
ﺑﺎﻧﺪﻫﺎﺵ ﺟﺎﻭﺑﺘﻪ : ﻭﻫﺎﻱ ﺷﻮﻥ ﺗﺴﻮﻳﻬﺎ ﺑﻠﻠﻪ ؟؟
ﺟﺎﻭﺑﻨﻲ : ﻳﺠﻲ ﻭﻛﺘﻬﺎ ﻭﺗﺸﻮﻓﻴﻦ ..
_ ﺷﻜﺪ ﻭﺍﺛﻖ ﻣﻦ ﻧﻔﺴﻚ ..
ﻋﺪﻝ ﺍﻟﻴﺎﺧﺔ ﻣﺎﻟﺔ ﻗﻤﻴﺼﻪ ﺑﺘﻜﺒﺮ ﻭﻓﺮﻙ ﺍﻳﺪﻳﻪ ﻭﻳﺒﺎﻭﻋﻠﻲ ﻭﻳﺒﺘﺴﻢ ...
ﻭﺻﻠﻨﻪ ﻟﺒﻴﺖ ﻻﻗﺎﺭﺑﻬﻢ ﻃﻠﻌﺖ ﺍﻟﻨﺎ ﻣﺮﻳﺔ ﻛﺒﻴﺮﺓ ﺑﺎﻟﻌﻤﺮ ﻭﺟﻬﻪ ﺑﺸﻮﺵ ﻭﻣﻼﻣﺤﻬﺎ ﻣﺤﺒﻮﺑﺔ .. ﻛﻌﺪﻧﻪ ﺑﺎﻻﺳﺘﻘﺒﺎﻝ ﻗﺪﻣﺖ ﺍﻟﻨﺎ ﺍﻟﻀﻴﺎﻓﺔ ﻭﻛﻌﺪﺕ ﻛﺒﺎﻟﻨﺎ ..
ﻛﺎﻟﺖ : ﻳﺎ ﻋﻴﻨﻲ ﺍﻧﻲ ﻋﻨﺪﻱ ٣ ﺷﺒﺎﺏ ﻣﻤﺘﺰﻭﺟﻴﻦ ﺍﻫﻠﺞ ﻣﻴﻄﻠﻌﻮﺝ ﺍﺧﺬﺝ ﻟﻮﺍﺣﺪ ﻣﻨﻬﻢ ؟
ﺑﻌﺪﻧﻲ ﻣﻤﺠﺎﻭﺑﺔ ﻧﻂ ﺑﺸﻴﺮ
ﻛﺎﻝ : ﻻ ﺧﺎﻟﺔ ﻣﺤﺠﻮﺯﺓ ﻣﺤﺠﻮﺯﺓ .. ﻭﻳﺄﺷﺮ ﺑﺎﻳﺪﻩ ﺑﻤﻌﻨﻰ ﻻﺍﺍﺍ ..
ﺑﻨﺒﺮﺓ ﺷﻚ ﺟﺎﻭﺑﺘﻪ : ﻫﺎ ﻭﻟﻚ ﺍﻟﻤﻨﻮ ﻣﺤﺠﻮﺯﺓ ..
ﺟﺎﻭﺑﻬﺎ ﺑﺴﻼﺳﺔ : ﻓﺪ ﻧﺎﺱ ﻣﺘﻌﺮﻓﻴﻬﻢ ..
ﻛﻠﺘﻠﻪ : ﻣﺎﻋﺮﻓﻬﻢ ﻟﻮ ﺍﻟﻲ ﺑﻌﺒﻪ ﺻﺨﻞ ﻳﻤﻌﻤﻊ ..
ﺟﺮﻳﺘﻪ ﻣﻦ ﺍﻳﺪﻩ ﻭﻫﻤﺴﺖ ﺍﻟﻪ ﻫﺴﻪ ﺗﻜﻮﻝ ﺍﻟﻬﺎ ﻣﺤﺠﻮﺯﺓ ﺩﻛﻮﻝ ﺍﻟﻬﺎ ﺗﺮﻳﺪ ﺗﺪﺭﺱ ﺑﻌﺪﻫﺎ ﺯﻏﻴﺮﺓ ﺍﻫﻠﻬﺎ ﻣﻴﻄﻮﻫﺎ ..
ﻗﺮﺏ ﻣﻨﻲ ﻭﻫﻤﺲ : ﻟﺞ ﺍﻧﻲ ﺍﺫﺍ ﺍﻟﻤﻮﺿﻮﻉ ﻳﺘﻌﻠﻖ ﺑﻴﺞ ﺑﻌﺒﻲ ﻣﻮ ﺑﺲ ﺻﺨﻞ ﻻ ﻓﻴﻞ ﻻﻻ ﺩﻧﻴﺎﺻﻮﺭ ﻭﻟﻪ ﺍﻛﻮﻟﺞ ﺗﻨﻴﻦ ﻭﻳﻄﻠﻊ ﻧﺎﺭ ..
ﺻﺒﻮﺍ ﺍﻟﻨﺎ ﻏﺪﺍ ﻭﺗﻐﺪﻳﻨﻪ ﺩﻧﻐﺴﻞ ﺍﻧﻲ ﻭﺑﺸﻴﺮ ﺑﺎﻟﻤﻐﺴﻠﺔ
ﻛﺎﻝ : ﺍﻧﻲ ﺍﻟﻌﺼﺮ ﺣﺮﻭﺡ ﺍﻟﺘﻘﻲ ﺑﺼﺪﻳﻘﻲ ﻟﺘﺨﺎﻓﻴﻦ ﻭﻻﻳﻈﻞ ﺑﺎﻟﺞ ﺍﺭﺗﺎﺣﻲ ﻉ ﺍﻻﺧﻴﺮ ..
ﺟﺎﻭﺑﺘﻪ ﺑﺎﺣﺘﺠﺎﺝ : ﺷﻠﻮﻥ ﻋﻴﻨﻲ ﺷﻠﻮﻭﻥ ﺍﻧﺖَ ﺟﺎﻱ ﺗﺴﺠﻠﻨﻲ ﻟﻮ ﺗﺸﻮﻑ ﺻﺪﻳﻘﻚ ؟
_ ﻭﻟﺞ ﻣﻮ ﺻﺎﺭ ﺳﻨﺔ ﻭﻧﺺ ﻣﺸﺎﻳﻔﻪ ﻭﻫﻮ ﻛﻠﺶ ﻗﺮﻳﺐ ﻋﻠﻴﻪ ﺍﺣﻨﺎ ﺍﺻﺪﻗﺎﺀ ﻣﻦ ﺯﻣﺎﻥ ..
ﺗﻘﺮﺏ ﻣﻨﻲ ﻭﻫﻤﺲ ..
ﺗﺪﺭﻳﻦ ﺷﻨﻮ ﻧﺎﻭﻱ ؟
ﺭﻓﻌﺖ ﺭﺍﺳﻲ ﺍﺑﺎﻭﻉ ﺑﻌﻴﻮﻧﻪ ﻣﺴﺘﻔﻬﻤﺔ ﺑﻤﻼﻣﺤﻲ ..
ﻛﻤﻞ ﻛﻼﻣﻪ : ﺍﺫﺍ ﺻﺎﺭ ﻋﻨﺪﻱ ﻭﻟﺪ ﻣﻨﺞ ﺍﺳﻤﻲ ﻋﻠﻰ ﺍﺳﻤﻪ !
ﺑﺎﺭﺗﺒﺎﻙ ﻛﺘﻠﻪ : ﺍﻱ ﻭﺷﻨﻮ ﺍﺳﻤﻪ ﻫﺬﺍ ﺻﺪﻳﻘﻚ ! ؟
_ ﺍﺳﻤﻪ ﻣﺼﻄﻔﻰ ...
_ ﺯﻳﻦ ﺑﻠﻠﻠﻪ ﺍﻧﻲ ﻣﻌﺠﺒﻨﻲ ﻫﺬﺍ ﺍﻻﺳﻢ ...
_ ﻻﺯﻡ ﻧﺘﻔﻖ ﻣﻦ ﻫﺴﻪ ﺍﻭﻝ ﻭﻟﺪ ﻳﺼﻴﺮ ﻋﺪﻧﻪ ﻧﺴﻤﻲ ﻣﺼﻄﻔﻰ ..
_ ﻳﺎﺑﻪ ﺷﻜﺪ ﻭﺍﺛﻖ ﻣﻦ ﻧﻔﺴﻚ ﻭﻣﺨﻄﻂ ﻟﻜﻞ ﺷﻲ ..
_ ﻟﻌﺪ ﺷﻌﺒﺎﻟﺞ .. ﻳﻠﻠﻪ ﺍﻧﻲ ﺍﺭﻭﺡ ﺍﻧﺎﻡ ﺷﻮﻳﺔ ﺍﺭﺗﺎﺡ ﻭﺍﻟﻌﺼﺮ ﺍﺭﻭﺡ ﻟﺼﺪﻳﻘﻲ ﻭﺍﺟﻲ ﺑﺎﻟﻠﻴﻞ ﻭﺑﺎﺟﺮ ﻣﻦ ﺍﻟﺼﺒﺢ ﻧﻄﻠﻊ ﻣﺎﺷﻲ ..
ﺭﺍﺡ ﻫﻮ ﻟﻼﺳﺘﻘﺒﺎﻝ ﻭﺍﻧﻲ ﺍﺧﺬﺗﻨﻲ ﺍﻟﺤﺠﻴﺔ ﺍﻣﻬﻢ ﻟﻐﺮﻓﺘﻬﺎ
ﺑﻴﻬﺎ ﺳﺮﻳﺮﻳﻦ .. ﻧﻤﺖ ﻋﻠﻰ ﻭﺍﺣﺪ ﻣﻨﻬﻢ ..
ﻛﻌﺪﺕ ﺍﻟﻤﻐﺮﺏ ﻣﻦ ﺍﻟﻨﻮﻡ ﺣﺴﻴﺖ ﻧﻔﺴﻲ ﻣﻤﺮﺗﺎﺣﺔ ﺑﺴﺒﺐ ﺍﻟﻢ ﺑﺒﻄﻨﻲ ﺑﺲ ﻛﺪﺭﺕ ﺍﺗﺤﻤﻠﻪ ..
ﺑﻘﻴﺖ ﺑﺎﻟﻐﺮﻓﺔ ﻣﺎﻃﻠﻌﺖ ﺿﺠﺖ ﻛﻠﺶ ﻭﺍﻧﻘﻤﺘﺖ ﻭﻣﻠﻴﺖ ..
ﺩﺧﻠﺖ ﻋﻠﻴﻪ ﺟﻨﺘﻬﻢ ﻛﺎﻟﺖ ﺗﻌﺎﻟﻲ ﺗﻮﺿﻲ ﻭﺻﻠﻲ ..
ﻃﻠﻌﺖ ﻭﻳﺎﻫﺎ ﺷﻔﺖ ﺑﺸﻴﺮ ﻳﻢ ﺑﺎﺏ ﺍﻻﺳﺘﻘﺒﺎﻝ
ﺍﺟﻪ ﻳﻤﻲ .. ﻇﻞ ﻳﺤﺠﻲ ﻭﻳﺎﻱ ﻭﺍﻧﻲ ﻛﻠﺶ ﻣﻨﺰﻋﺠﺔ ..
ﺑﺎﺳﺘﻐﺮﺍﺏ : ﺷﺒﻴﺞ ﺍﺷﻮ ﻣﻮ ﻋﻠﻰ ﺑﻌﻀﺞ ﻭﺟﻬﺞ ﺍﺻﻔﺮ ؟
ﺑﻐﺼﺔ ﻛﺘﻠﻪ : ﻣﺎﺍﺩﺭﻱ ﺷﺒﻴﻪ ﺿﺎﻳﺠﺔ ﻭﺍﻟﻠﻪ ﻭﻣﻤﺮﺗﺎﺣﺔ ..
_ ﻳﻠﻠﻪ ﻟﺘﻀﻮﺟﻴﻦ ﻫﺴﻪ ﻟﻮ ﻣﺎ ﻟﻴﻞ ﺟﺎﻥ ﺭﺣﻨﻪ ﻟﻠﺒﻴﺖ ﺑﺲ ﺍﺻﺒﺮﻱ ﻟﻠﺼﺒﺢ ﻟﻀﻮﺟﻴﻦ ﻛﻞ ﺷﻲ ﻭﻻ ﺍﻧﺖِ ﺗﻀﻮﺟﻴﻦ .. ...
_ ﺍﻧﻲ ﺭﺍﻳﺤﺔ ﻟﻠﻐﺮﻓﺔ ﺍﺗﻤﺪﺩ ﻭﺍﺭﺗﺎﺡ ..
_ ﺍﻱ ﺭﻭﺣﻲ ﻭﻗﺖ ﺍﻟﻌﺸﺎ ﺍﻃﻠﻌﻲ ﺍﻛﻠﻲ ﻟﺘﻈﻠﻴﻦ ﺟﻮﻋﺎﻧﺔ ..
ﻋﻔﺘﻪ ﻭﺭﺣﺖ ﻟﻠﻐﺮﻓﺔ ﺻﺒﻮﺍ ﺍﻟﻌﺸﺎ ﻭﺻﺎﺣﻮﺍ ﻋﻠﻴﻪ ﻛﻌﺪﻧﺎ ﺳﻮﺓ
ﻫﻮ ﻣﻘﺎﺑﻴﻠﻲ ﻭﻛﻠﺴﺎﻉ ﻳﺒﺎﻭﻋﻠﻲ .. ﻭﻧﻈﺮﺍﺗﻲ ﺗﺸﻜﻴﻠﻪ ﺍﻧﺰﻋﺎﺟﻲ ﻭﻋﺪﻡ ﺍﺭﺗﻴﺎﺣﻲ ..
ﻟﻠﻴﻞ ﺭﺣﺖ ﺗﻤﺪﺩﺕ ﺑﺲ ﺍﻟﻢ ﺑﻄﻨﻲ ﺯﺍﺩ ﻭﺻﺎﺭ ﻻﻳﻄﺎﻕ ﺍﺑﺪ ..
ﺑﺎﻭﻋﺖ ﻟﻠﺤﺠﻴﺔ ﻧﺎﻳﻤﺔ ﻭﺗﺸﺨﺮ .. ﻭﺍﻟﺒﻴﺖ ﻛﻠﻪ ﻫﺪﻭﺀ ..
ﻇﻠﻴﺖ ﺍﺗﻤﺮﻏﻞ ﻣﻦ ﺍﻟﻤﻲ ..
ﺍﺧﺬﺕ ﺍﻟﺘﻠﻴﻔﻮﻥ ﻭﺧﺎﺑﺮﺕ ﺑﺸﻴﺮ ﻟﻮﻳﻦ ﻳﻠﻠﻪ ﺟﺎﻭﺏ
ﺍﺟﺎﻧﻲ ﺻﻮﺗﻪ ﻣﻨﻌﺲ ..
_ ﻫﺎ ﻳﺎﺭﺍﺣﺘﻲ ﺷﺒﻴﺞ ﺑﺎﻟﻲ ﻳﻤﺞ ﻗﺒﻞ ﺷﻮﻱ ﻳﻠﻪ ﻗﺒﻠﺖ ﻋﻴﻨﻲ ﺍﻟﻨﻮﻡ ﻭﻧﻤﺖ ..
ﺟﺎﻭﺑﺘﻪ ﺑﻔﺰﻉ : ﺑﺸﻴﺮ ﻭﺟﻌﺎﻧﺔ ﺣﻴﻴﻞ ﻣﺎﺍﻛﺪﺭ ﺍﺗﺤﻤﻞ ..
ﺟﺎﻭﺑﻨﻲ ﺑﻨﺒﺮﺓ ﺳﺮﻳﻌﺔ : ﺍﻃﻠﻌﻴﻠﻲ ﻣﻦ ﺍﻟﻐﺮﻓﺔ ﻫﺴﻪ ..
ﺳﺪﻳﺖ ﺍﻟﺘﻠﻴﻔﻮﻥ ﺧﻠﻴﺖ ﺷﺎﻝ ﻋﻠﻰ ﺭﺍﺳﻲ ﻭﻃﻠﻌﺖ ﺷﻔﺘﻪ ﻭﺍﻛﻒ ﻳﻢ ﺑﺎﺏ ﺍﻟﻐﺮﻓﺔ ﺗﻠﻜﺎﻧﻲ ﻣﺮﻋﻮﺏ ﻭﻳﺒﺎﻭﻋﻠﻲ ﺑﺘﻔﺤﺺ ..
ﻧﺰﻟﺖ ﻟﻠﻜﺎﻉ ﻭﺍﻧﺴﺪﺕ ﻋﻠﻰ ﺭﻛﺒﻲ ﻭﺍﻧﻲ ﺍﻫﺬﻱ
ﺑﻌﺪ ﻣﺎﺗﺤﻤﻞ ﺍﻟﻮﺟﻊ ﻗﻮﻭﻱ ﺭﺍﺡ ﺍﻣﻮﺕ ..
ﻧﺰﻝ ﺻﺎﺭ ﺑﻤﺴﺘﻮﺍﻱ ﻛﻤﺸﺘﻪ ﻣﻦ ﺗﻴﺸﻴﺮﺗﻪ ﻭﺧﻠﻴﺖ ﺭﺍﺳﻲ ﻋﻠﻰ ﻛﺘﻔﻪ ﻭﺍﻧﻲ ﻣﺘﺄﻟﻤﺔ ﻭﺍﻭﻥ ﻣﻦ ﺍﻟﻮﺟﻊ ..
ﻃﺎﻟﻌﺔ ﻣﻦ ﺍﻟﺴﻮﻙ ﻭﻣﺤﻤﻠﺔ ﻋﻼﻟﻴﻚ ﺍﺷﻜﺎﻝ ﻭﺍﻟﻮﺍﻥ
ﺗﻤﺸﻲ ﻭﺩﺭﺩﻡ ...
ﺭﺍﺡ ﺑﺸﻴﺮ ﺍﺧﺬﺗﻪ ﺍﻟﺒﻮﻣﺔ ﻟﺒﻐﺪﺍﺩ ﻭﻣﺨﻠﻴﺘﻪ ﻛﺎﺭﺹ ﻳﻤﻬﺎ ﻉ ﻳﺎﺑﻮ ﺷﻨﻮ ﻣﺴﻮﻳﺔ ﻋﻤﻠﻴﺔ ﻭﻋﻠﻤﺎ ﻃﻴﺐ ﺍﺧﺬﺕ ﺭﺟﻠﻲ ﻭﺍﻳﺪﻱ ﻣﻨﻲ ﻭﻳﻨﻚ ﻳﻤﻪ ﺑﺸﻮﺭﻱ ﺗﻄﻠﻊ ﻭﻳﺎﻱ ﻟﻠﺴﻮﻙ ﻭﺗﺸﻴﻞ ﻋﻨﻲ ﺍﻟﻌﻼﻟﻴﻚ ..
ﺷﺎﻓﺖ ﻭﺳﺎﻡ ﻣﻦ ﺑﻌﻴﺪ ﺍﺳﺘﺒﺸﺮﺕ ﺧﻴﺮ ﻭﻓﺮﺣﺖ
ﺍﻱ ﺟﻴﺖ ﻭﺍﻟﻠﻪ ﺟﺎﺑﻚ ﻫﻼ ﻭﺳﻤﻲ ﻭﺳﻮﻣﻲ ﺍﻟﻮﺭﺩ ﺍﺑﻮ ﻃﻮﻝ ﺍﻟﺤﻠﻮﻭ ..
ﺷﺎﻓﻬﺎ ﻭﻓﺎﺕ ﻣﻦ ﻳﻤﻬﺎ ﻭﻣﺎﺭﺩ ﻋﻠﻴﻬﺎ ﻭﻻ ﻭﻛﻒ ﺍﻟﻬﺎ ﺭﻏﻢ ﺍﻻﻃﺮﺍﺀ ﺍﻟﻲ ﺣﺼﻠﻪ ..
ﻭﻛﻔﺖ ﺑﻨﺺ ﺍﻟﺸﺎﺭﻉ ﻭﺑﻴﺪﻫﺎ ﺍﻟﺤﻤﻞ ﻭﺍﻟﺘﺎﻓﺖ ﺍﻟﻪ ﻭﻇﻠﺖ ﺗﺼﻴﺢ ﻭﺭﺍﻩ ..
ﻭﻟﻚ ﻭﺳﻴﻢ ﻭﺳﻤﻴﻮﻭ ﺍﻭﻛﻒ ﻭﻟﻚ ﺗﻌﺎﻝ ﺍﺧﺬ ﻋﻨﻲ ﺍﻟﻌﻼﻟﻴﻚ ..
ﺟﺎﻭﺑﻬﺎ ﻣﻦ ﺑﻌﻴﺪ .. ﺧﺎﻟﺔ ﺭﺣﻤﻪ ﻻﻫﻠﺞ ﺍﺑﺘﻌﺪﻱ ﻋﻨﻲ ﺷﺒﻌﺖ ﻃﻦ ﻛﺘﻞ ﻣﻦ ﻭﺭﺍﺝ ﻫﺴﻪ ﺷﺘﺮﺩﻳﻦ ﻋﻮﻓﻴﻨﻲ ﻻﺍﻋﺮﻓﺞ ﻭﻟﺘﻌﺮﻓﻴﻨﻲ ..
ﻳﺎ ﺳﻠﻴﻤﻪ ﺍﺻﻜﻚ ﻛﻮﻭﻭﻥ ﻣﺎﻏﺰﺭ ﺑﻌﻴﻨﻚ ﻛﻠﺸﻲ ﺳﻮﻳﺘﻪ ﺍﻟﻚ ﻭﻟﻚ ﺷﺒﻌﺘﻚ ﻛﺮﺍﻭﻱ ﻛﻞ ﻛﺮﻭﺓ ﻭﻻ ﺍﻟﺜﺎﻧﻴﺔ ﻟﻮ ﻣﺎ ﺍﻧﻪ ﻣﺤﺪ ﻳﻜﻠﺒﻚ ﻳﺎ ﻣﻄﻲ ﻳﺎﻃﻠﻲ ﺭﻭﺡ ﺭﻭﺡ ﺍﺷﺮﺏ ﺟﻜﺎﻳﺮ ﺑﺎﻟﺨﺘﻠﺔ ﺭﻭﻭﺡ .. ﺗﻤﺸﻲ ﻭﺩﺭﺩﻡ ..
ﻭﺻﻠﺖ ﻟﻠﺒﻴﺖ ﻭﺭﺍﺣﺖ ﺷﻤﺮﺕ ﺍﻟﻤﺴﻮﺍﻙ ﺑﺎﻟﻤﻄﺒﺦ ﻭﻃﻠﻌﺖ ..
ﺷﺎﻓﺖ ﺍﻟﻄﺮﻣﺔ ﻭﺻﺨﺔ ﻇﻠﺖ ﺩﺭﺩﻡ ..
ﺍﻣﺮﻱ ﻟﻠﻪ ﺍﻧﻲ ﺍﻏﺴﻠﻬﺎ ﺍﻳﺎﺕ ﻻﻫﻴﺔ ﺑﺎﻟﻤﻔﻌﻮﺻﺔ ﺑﻨﺘﻬﺎ ﻭﺍﺳﻤﺎﺀ ﻋﺸﺘﻮ ﻣﺴﻮﻳﺔ ﺍﺿﺮﺍﺏ ﻭﻳﻘﻴﻨﺔ ﺍﻟﺒﻮﻣﺔ ﻋﺸﺘﻮ ﻣﺎﺧﺬﺓ ﺍﺑﻨﻲ ﻣﻨﻲ ﻭﺣﺎﺟﺰﺗﻪ ﺍﻟﻬﺎ ﺑﺒﻐﺪﺍﺩ ..
ﺷﻜﻠﺖ ﺍﻟﺼﻮﻧﺪﺓ ﻭﻇﻠﺖ ﺗﻐﺴﻞ ﺑﺎﻟﻄﺮﻣﺔ ﻭﺻﻠﺖ ﻟﺒﺎﺏ ﺍﻟﺸﺎﺭﻉ ﻓﺘﺤﺘﻪ ﻭﻇﻠﺖ ﺗﺮﺵ ﺍﻟﻲ ﻳﻤﻪ ..
ﺷﺎﻓﺖ ﻭﺳﺎﻡ ﺟﺎﻱ ﻣﺸﻲ ﻣﻦ ﺑﻌﻴﺪ ﺧﻄﺮﺕ ﺍﻟﻬﺎ ﻓﻜﺮﺓ ﺟﻬﻨﻤﻴﺔ .. ﻇﻠﺖ ﺗﺒﺎﻭﻋﻠﻪ ﺑﺒﺮﺍﺀﺓ ﻣﺼﻄﻨﻌﺔ .. ﻣﻦ ﺷﺎﻓﺘﻪ ﻭﺻﻞ ﻳﻢ ﺍﻟﺒﺎﺏ .. ﻛﻠﺘﻠﻪ ﻫﺎ ﻭﺳﻤﻲ ﺟﻨﻚ ﻋﺮﻛﺎﻥ ﻭﻣﺤﺘﺮ ﻣﺎﺗﺠﻲ ﺗﻐﺴﻞ ؟؟
ﺟﺎﻭﺑﻬﺎ ﻭﻫﻮ ﻳﻨﺰﻉ ﺍﻟﺸﻔﻘﺔ : ﺍﻱ ﻭﺍﻟﻠﻪ ﺣﺎﺭﺓ ﺍﻟﺤﺮ ﻳﻜﺘﻞ ﻛﺘﻞ ..
ﺗﻘﺮﺏ ﻣﻨﻬﺎ ﻫﺴﺘﻮﺓ ﻣﺎﺩ ﺍﻳﺪﻳﻨﻪ ﻳﺮﻳﺪ ﻳﻐﺴﻞ ﻟﺰﻣﺘﻪ ﻣﻦ ﻳﺎﺧﺔ ﻗﻤﻴﺼﻪ .. ﻭﻃﺒﻜﺖ ﺍﺳﻨﺎﻧﻬﺎ ﻭﻇﻠﺖ ﺗﺤﺠﻲ ﻭﻳﺎ ﺑﻌﺼﺒﻴﺔ .
. ﻭﻟﻚ ﻳﺎﻻﻏﺒﺮ ﻣﺴﻮﻱ ﺭﻭﺣﻚ ﺯﻋﻼﻥ ﻫﻮ ﺍﻧﻪ ﺍﻻﺯﻋﻞ ﻟﻮ ﺍﻧﺘﻪ ﺭﺣﺖ ﻓﻀﺤﺘﻨﻲ ﻛﺪﺍﻡ ﺍﺑﻮﻙ ﻭﺗﻜﻠﻪ ﻋﻠﻤﺘﻨﻲ ﻉ ﺍﻟﺤﺐ ﺍﻻﺯﺭﻙ ﻳﺎﻟﻤﺼﺨﻢ ..
ﺣﻜﻤﺖ ﻗﺒﻀﺘﻬﺎ ﻋﻠﻴﻪ ﻛﻠﺶ ﺯﻳﻦ ﻭﻇﻠﺖ ﺗﻀﺮﺑﻪ ﺑﺎﻟﺼﻮﻧﺪﺓ ﺑﻜﻞ ﻣﻜﺎﻥ ﻣﻦ ﺟﺴﻤﻪ ﻏﺮﻛﺘﻪ ﻣﻲ ﻭﺷﺒﻌﺘﻪ ﻛﺘﻞ ﻫﻮ ﻧﺎﻋﻢ ﻭﻗﺼﻴﺮ ﻭﻫﻴﻪ ﺿﺨﻤﺔ ﻇﻞ ﻳﺼﻴﺢ ﺑﻴﻦ ﺍﻳﺪﻳﻬﺎ ..
ﻣﺮﻏﻠﺘﻪ ﺑﺎﻟﺘﺮﺍﺏ ﺗﻤﺮﻏﻞ ﻣﻼﺑﺴﻪ ﻣﺒﻠﻠﻪ ﺻﺎﺭ ﻛﺘﻠﻪ ﻣﻦ ﺍﻟﻄﻴﻦ .. ﺑﺎﻟﻜﻮﺓ ﺧﻠﺺ ﻧﻔﺴﻪ ﻣﻨﻬﺎ ﻭﺭﺍﺡ ﻳﺮﻛﺾ ﻭﻳﻮﻛﻊ ﻟﺤﺪ ﻣﺎﻭﺻﻞ ﻟﻠﺒﻴﺖ ..
ﺗﺮﻳﺪ ﺗﻔﻮﻭﺕ ﻟﻠﺒﻴﺖ ﺷﺎﻓﺖ ﻭﺍﺣﺪ ﺟﺎﻱ ﻣﻦ ﺑﻌﻴﺪ .. ﺩﺧﻞ ﺍﻟﺸﻚ ﺍﻟﻘﻠﺒﻬﺎ .. ﻫﺬﺍ ﺍﻟﺸﻜﻞ ﻣﻮ ﻏﺮﻳﺐ ﻋﻠﻴﻬﺎ .. ﺑﺲ ﺷﺼﺎﻳﺮ ﺑﻲ ﻣﺘﻐﻴﺮ ﻳﻤﺸﻲ ﻭﻳﻌﺮﺝ ﺗﻘﺮﺏ ﻣﻨﻬﺎ ﻻﺣﻈﺘﻪ ﻣﺴﻤﺮ ﺿﻌﻔﺎﻥ ﺷﻌﺮﻩ ﻃﻮﻳﻞ ﺑﺎﻫﻤﺎﻝ ﻭﻟﺤﻴﺘﻪ ﻃﻮﻳﻠﻪ
ﺗﻘﺮﺏ ﻣﻨﻬﺎ ﻭﺩﻧﻚ ﺣﺘﻰ ﻣﻜﺪﺭ ﻳﻨﻄﻖ ﻋﺒﺴﺖ ﻣﻼﻣﺤﻬﺎ ﻭﺧﻨﺰﺭﺕ ﺗﻘﺎﻭﻡ ﺍﻟﺸﻤﺲ ﻭﺣﺮﺍﺭﺗﻬﺎ ﺍﻟﻲ ﺗﻀﺮﺏ ﺑﻮﺟﻬﻪ ..
ﺧﻠﺖ ﺍﻳﺪﻫﺎ ﻋﻠﻰ ﺻﺪﺭﻫﺎ ﻭﻟﻄﻤﺘﻪ .. ﻫﺬﺍﺍﺍﺍﺍ ﺍﻧﺖَ ﺷﺼﺎﻳﺮ ﺑﻴﻚ ﻭﻟﻚ ! ؟؟؟
ﻣﺠﺎﻭﺑﻬﺎ ﺑﺲ ﻇﻞ ﺑﺲ ﻳﻨﺤﺐ ﻭﻳﺒﺠﻲ ﻣﺜﻞ ﺍﻟﻨﺴﻮﺍﺍﺍﺍﺍﻥ .....
ﻳﺘﺒﻊ
ﺍﺣﺒﻜﻢ ﻃﻮﻭﻭﻭﺥ 😘😘
أنت تقرأ
جبروت الحنين
القصة القصيرةقريبااااا قصه للكاتبه نورا ناصر مااشعر به نحوك يشبه الشغف كثيرا لقد تجاوزت حدود الاعجاب
