#ﺍﺳﻤﻌﻨﻲ_ﺻﻮﺗﻚ
بقلم الكاﺗﺒﻪ ﺭﻭﺯﺍﻳﻪ ...
#بارت٢٥
ﻭﻳﻦ ﺍﻟﮕﺎﻙ ؟
ﻭﺁﺣﭽﻴﻠﻚ ﻫﻀﻢ ﺭﻭﺣﻲ ﻭﺳﻮﺍﻟﻔﻬﺎ !
ﻭﺃﮔﻠﻚ ﺭﻭﺣﻲ ﻣـﺂ ﺣﺒﺖ ﺷَﺨـﺺ ﻏِـﻴـﺮﻙ ﻳَـﻮﺍﻟﻔﻬﺎ ....
....
ﺑﻴﺴﺎﻥ ... ﻣﺎﻓﻬﻤﺖ ﺷﻲ ﻣﻦ ﺻﺒﺎ ﺑﺲ ﺳﻤﻌﺖ ﻛﺎﻟﺖ ﻣﺮﺍﺩ ﻳﻤﻪ ﺍﺳﻢ ﺍﻟﻠﻪ ﺷﺒﻲ ﺣﺒﻴﺒﻲ ﺩﺧﻴﻠﻚ ﻳﺎﺭﺏ ﻣﺎﻛﻮ ﺷﻲ ....
ﺭﻛﻀﺖ ﻋﻠﻰ ﺧﺎﻟﺘﻲ ﺑﺲ ﻛﺘﻠﻬﻪ ﻛﺎﻣﺖ ﺍﺩﻙ ﻋﻠﻰ ﻭﺟﻬﻪ ﻭﺗﺼﻴﺢ ﺭﺍﺣﻮﺍ ﻭﻟﺪﻱ ﺗﻜﺎﺗﻠﻮﺍ ﻣﻦ ﻭﺭﺍ ﺍﻟﻤﺎﻳﺨﺎﻓﻦ ﺍﻟﻠﻪ ﺳﻮﺩﻩ ﺑﻮﺟﻬﻲ ﻳﻤﻪ ﻣﺮﺍﺩ .....
ﺗﺨﺒﻠﺖ ﺿﻠﻴﺖ ﺍﻓﺘﺮ ﺑﻤﻜﺎﻧﻲ ﻭﺍﺻﻴﺢ ﻣﺮﺍﺩ ﻟﺨﺎﻃﺮﻱ ﺍﺭﺟﻊ ﻣﺮﺍﺩ ﻻﺗﺴﻮﻱ ﺷﻲ ﻣﺒﻴﻨﻪ ﺧﺎﻟﺘﻲ ﺗﺪﺭﻱ ﺑﺸﻲ ﻭﺳﺎﻛﺘﻪ ....
ﺭﺟﻌﺖ ﺍﺩﻙ ﻋﻠﻰ ﻣﺮﺍﺩ ﻳﻄﻠﻊ ﻣﻐﻠﻖ ﻃﻠﻌﺖ ﺑﺮﺍ ﺩﻣﻮﻋﻲ ﺟﻤﺮ ﻭﻟﻚ ﻻﺗﺴﻮﻱ ﺑﻴﻪ ﻫﻴﺞ ﺣﻴﻠﻲ ﺧﻠﺺ ﻭﻋﻤﺮﻱ ﺧﻠﺺ ﻫﺒﻄﺎﺕ ﺍﺣﺲ ﻧﻔﺴﻲ ﺗﺨﺮﺑﻄﺖ ﻭﻣﻌﺪﺗﻲ ﻛﺎﻣﺖ ﺗﻮﺟﻌﻨﻲ ﻭﺍﻧﻲ ﺍﻟﻮﺏ ﺑﻤﻜﺎﻧﻲ ....
ﺷﻮﻳﻪ ﻭﺍﺳﻤﻊ ﺻﻮﺕ ﻫﻮﺭﻧﺎﺕ ﻣﺎﻝ ﺍﻟﺰﻓﻪ ﺧﺎﻟﺘﻲ ﻭﺍﻛﻔﻪ ﺑﺎﻟﺒﺎﺏ ﺣﺎﻓﻴﻪ ﻭﺗﺒﺠﻲ ﻭﺗﺼﻴﺢ ﻭﻟﻴﺪﻱ ﺗﺪﺭﻱ ﺑﺎﻳﻬﺎﺏ ﻧﺬﻝ ﻭﺳﻮﻩ ﺷﻲ ....
ﺑﺴﺮﻋﻪ ﻃﺒﺖ ﺍﻟﻌﺮﻭﺱ ﻭﺍﻟﻮﺟﻮﻩ ﻣﻜﻠﻮﺑﻪ ﺣﺘﻪ ﻣﺤﺪ ﻫﻠﻬﻞ ﻭﺻﻔﻚ ﻭﻣﺒﻴﻨﻪ ﺍﻟﻌﺮﻭﺱ ﻣﻬﺒﻮﻃﻪ ﻭﺍﺣﻤﺪ ﻋﺼﺒﻲ ﺳﻤﻌﺘﻪ ﻛﺎﻝ ﻟﺨﺎﻟﺘﻲ ﻭﺍﻟﻠﻪ ﻟﻮ ﻣﺎﻋﻴﺐ ﻣﻦ ﺍﻟﻨﺎﺱ ﺍﻻ ﺍﺣﻂ ﻃﻠﻘﻪ ﺑﺮﺍﺳﻪ ﻫﺎﻟﻨﺬﻝ ﻫﺬﺍ ﺷﻠﻮﻥ ﻓﺸﻠﻨﻪ ...
ﻋﻠﻴﻤﻦ ﻳﻘﺼﺪ ﺷﺒﻲ ﺍﺣﻤﺪ ﺭﻛﻀﺖ ﻋﻠﻲ ﻛﺘﻠﻪ ﺍﺣﻤﺪ ﻓﺪﻭﻩ ﻣﺮﺍﺩ ﻭﻳﻨﻪ ....
... ﻻﺗﺨﺎﻓﻴﻦ ﺑﻴﺴﺎﻥ ﻫﺬﺍ ﻣﺮﺍﺩ ﺟﺎﻱ ﻭﺭﺍﻧﻪ ﻃﻠﻌﻨﻪ ﻗﺒﻠﻬﻢ ﺍﺣﻨﻪ ﻣﺎﻛﻮ ﺷﻲ ﺳﻮﺀ ﻓﻬﻢ ....
... ﻋﺎﻓﻨﻪ ﻭﻃﻠﻊ ﻣﻌﺼﺐ ﺷﻮﻳﻪ ﻭﺍﺟﺖ ﺳﻴﺎﺭﻩ ﺍﻟﻨﺴﻮﺍﻥ ﻭﻛﻠﻬﻪ ﺍﺩﺭﺩﻡ ﻭﺗﺤﺠﻲ ﻭﻋﻤﺎﺗﻪ ﻳﺼﻴﺤﻦ ﺷﺠﺎﻫﻢ ﺗﻌﺎﺭﻛﻮﺍ ﺷﺘﻜﻮﻝ ﺍﻟﻨﺎﺱ ﻳﺎﻋﻴﺒﻪ ﺍﻟﻌﻴﺒﻪ ﺭﻛﻀﺖ ﻋﻠﻰ ﺻﺒﺎ ﺍﺳﺤﺐ ﺑﻴﻬﻪ ﺍﺭﻳﺪ ﺗﺤﺠﻴﻠﻲ ...
.... ﻭﻟﺞ ﺑﻴﺴﺎﻥ ﺍﻭﻛﻔﻲ ﻣﺎﻛﻮ ﺷﻲ ﻣﺮﺍﺩ ﺍﺗﻌﺎﺭﻙ ﻭﻫﺬﺍ ﺍﺟﻪ ﺷﻮﻓﻲ ﺫﺍﻙ ﻓﺎﺕ ﺟﻮﺍ ...
... ﺑﺎﻭﻋﺖ ﻣﻦ ﺍﻟﺸﺒﺎﻙ ﺷﻔﺘﻪ ﺩﺧﻞ ﻻﺯﻡ ﻣﻮﺑﺎﻳﻠﻪ ﺑﻴﺪﻩ ﻭﻧﺎﺯﻉ ﺍﻟﺴﺘﺮﻩ ﺑﺲ ﺑﺎﻟﻘﻤﻴﺺ ﻭﻣﺒﻴﻦ ﺻﺎﻳﺮ ﺑﺎﺭﻭﺩ ﻭﺍﻟﻤﺴﺪﺱ ﺑﺤﺰﺍﻣﻪ ...
... ﺍﺟﻪ ﻛﺒﻞ ﻟﻠﻤﻄﺒﺦ ﺍﻧﻲ ﻭﺍﻛﻔﺘﻠﻪ ﺑﺎﻟﺒﺎﺏ ﺑﺲ ﻃﺐ ﻟﺰﻣﺖ ﺍﻳﺪﻩ ﻭﺑﺠﻴﺖ ﻟﻴﺶ ﻫﻴﺞ ﻣﺮﺍﺩ ﺧﻠﻴﺖ ﺑﺎﻟﻲ ﻋﻠﻴﻚ ﻭﻋﺒﺎﻟﻲ ﺑﻴﻚ ﺷﻲ ...
ﺑﺎﺳﻨﻲ ﻣﻦ ﺭﺍﺳﻲ ﻛﺪﺍﻡ ﺍﻟﻜﻞ ﻭﻛﺎﻝ ﻣﺎﻛﻮ ﺷﻲ ﻋﻠﻴﻤﻦ ﺗﺒﺠﻴﻦ ﻣﻮﻛﺘﻠﺞ ﺍﺭﺗﺎﺣﻲ ﻫﺎﻱ ﻛﺪﺍﻣﺞ ﺍﻧﻲ ...
ﺑﻌﺪﻩ ﻳﺤﺠﻲ ﻭﺍﺟﻪ ﺍﺑﻦ ﻋﻤﻪ ﺻﺎﺣﻪ ﻭﻃﻠﻊ ﻣﺴﺤﺖ ﺩﻣﻌﺘﻲ ﻭﺍﻟﺘﻔﺘﺖ ﺷﻔﺘﻬﻦ ﻛﻠﻬﻦ ﻭﺍﻛﻔﺎﺕ ﻛﺮﺍﻳﺒﻬﻦ ﻭﻳﻔﺮﻥ ﺑﺤﻠﻜﻬﻦ ﻣﺎﻋﺎﺟﺒﻬﻦ ﺍﻟﻮﺿﻊ ...
ﺗﻌﺪﻳﺘﻬﻦ ﻭﺭﺣﺖ ﻟﺼﺒﺎ ﺣﺘﻪ ﺗﺴﻮﻟﻔﻠﻲ ﻟﻜﻴﺘﻬﻪ ﻫﻲ ﻭﺧﺎﻟﻪ ﺑﺎﻟﻐﺮﻓﻪ ﻳﺴﻮﻟﻔﻦ ...
ﺍﻡ ﺍﻳﻬﺎﺏ ... ﺗﻌﺎﻟﻲ ﺑﻨﻴﺘﻲ ﻭﺟﻬﺞ ﺍﺻﻔﺮ ﻣﻦ ﺍﻟﻬﺒﻄﻪ ...
... ﺧﺎﻟﻪ ﻣﺘﺖ ﺧﻮﻑ ﻋﻠﻲ ﺍﺣﺠﻲ ﺻﺒﺎ ﺷﻜﻮ ﺷﺼﺎﻳﺮ ...
... ﻳﻤﻪ ﺷﺤﺠﻲ ﻛﻠﺖ ﻣﺮﺍﺩ ﻳﻤﻮﺕ ﺍﻟﻴﻮﻡ ﻋﻠﻰ ﻫﺎﻱ ﺍﻟﻌﺼﺒﻴﻪ ﻛﻮﻩ ﻭﻛﻔﺖ ﺍﻟﻨﺎﺱ ﻛﺪﺍﻣﻪ ﻭﻭﻛﻔﻮﺍ ﺟﺎﻥ ﺻﺎﺭﺕ ﻣﺼﻴﺒﻪ ...قصص عراقيه حقيقيه من واقعنا.روعه الطائي
ﻣﻮ ﻭﺻﻠﺖ ﺍﻟﺰﻓﻪ ﻭﻃﻠﻌﻮﺍ ﺍﻟﻌﺮﻭﺱ ﺑﻌﺪﻫﻪ ﺟﺎﻱ ﻳﺼﻌﺪﻭﻥ ﺑﻴﻬﻪ ﻭﻋﻤﻲ ﺻﻌﺪ ﻭﻳﻪ ﻣﺮﺍﺩ ﻭﺍﺗﺮﻳﺪ ﺗﻄﻠﻊ ﺍﻟﺰﻓﻪ ..
ﻭﻭﺍﺣﺪ ﻣﻦ ﻛﺮﺍﻳﺐ ﺍﻟﻌﺮﻭﺱ ﺍﺟﻪ ﻫﺪ ﻋﻠﻰ ﻣﺮﺍﺩ ﻭﻟﺰﻡ ﻣﺮﺍﺩ ﻣﻦ ﺳﺘﺮﺗﻪ ﻭﻫﺬﺍ ﺍﺑﻨﺞ ﺍﻟﻀﺎﺑﻂ ﺷﻠﻮﻥ ﻳﻠﺰﻣﻮﺍ ﺭﻛﻌﻠﺞ ﺍﻟﻮﻟﺪ ﺑﻮﻛﺲ ﻛﻮﻣﻪ ﺑﺎﻟﻜﺎﻉ ....
ﻭﻫﺬﺍﻙ ﻳﻐﻠﻂ ﻭﻳﺴﺐ ﺑﻤﺮﺍﺩ ﻭﻳﺼﻴﺢ ﺣﺮﺍﻣﻲ ﻧﺼﺎﺏ ﺗﻀﺤﻚ ﻋﻠﻴﻨﻪ ﻓﺎﺗﺢ ﻣﻌﺎﺭﺽ ﻭﺗﺎﺧﺬ ﻓﻠﻮﺳﻨﻪ ﻭﺍﺗﺠﺬﺏ ﻭﻫﺬﺍ ﻣﺮﺍﺩ ﺍﺗﺨﺒﻞ ﺍﺗﻜﺎﻭﻧﻮﺍ ﻫﻮ ﻭﻳﺎ ﻭﺍﻟﻨﺎﺱ ﻧﺴﺖ ﺍﻟﺰﻓﻪ ﻭﻛﻌﺪﺕ ﺗﻔﻜﻬﻢ ....
ﺗﺎﻟﻲ ﺍﺑﻮ ﺍﻟﻌﺮﻭﺱ ﺻﺎﺡ ﻋﻠﻰ ﺍﻟﻮﻟﺪ ﻳﻠﻪ ﺣﺠﻪ ﻳﻜﻠﻪ ﺍﺧﺬﺕ ﻣﻨﻲ 25 ﻣﻠﻴﻮﻥ ﺣﺘﻪ ﺍﺗﺠﻴﺐ ﺳﻴﺎﺭﻩ ﺣﺪﻳﺜﻪ ﻭﻫﺎﻱ 7 ﺍﺷﻬﺮ ﺍﺭﻛﺾ ﻭﺭﺍﻛﻢ ﻭﺿﺤﻜﺘﻮﺍ ﻋﻠﻴﻪ ﻭﻻﻓﻠﻮﺳﻲ ﻭﻻ ﺍﻟﺴﻴﺎﺭﻩ ....
ﻛﺎﻟﻪ ﻣﺮﺍﺩ ﺍﻧﻲ ﺍﺧﺬﺕ ﻣﻨﻚ ﻭﻳﻦ ﺷﺎﻳﻔﻚ ﻳﺎﻳﻮﻡ ﺗﻌﺎﻣﻠﺖ ﻭﻳﺎﻙ ﻛﺎﻟﻪ ﺍﻟﻮﻟﺪ ﺍﺧﻮﻙ ﺍﻳﻬﺎﺏ ﺍﺟﻪ ﺍﺧﺬﻫﻦ ﻭﻛﺎﻝ ﺳﻠﻤﺘﻬﻦ ﻟﻤﺮﺍﺩ ﻭﻫﻮ ﺿﺤﻚ ﻋﻠﻴﻚ ﻭﻳﻮﻣﻴﻪ ﺑﺎﺟﺮ ...
ﻳﻤﻪ ﻟﻮﺗﺸﻮﻓﻴﻦ ﻣﺮﺍﺩ ﺷﻠﻮﻥ ﺻﺎﺭ ﻛﺪﺍﻡ ﺍﻟﺰﻟﻢ ﻣﻦ ﻭﺭﺍ ﺍﺑﻨﺞ ﺍﻟﻌﻮﺩ ﻛﻮﻟﻲ ﻓﻬﻤﻮﺍ ﺍﻟﻮﻟﺪ ﻭﻣﺮﺍﺩ ﻛﺎﻟﻪ ﻣﺮ ﻋﻠﻴﻪ ﺑﺎﺟﺮ ﻭﺍﺧﺬ ﺍﻟﺴﻴﺎﺭﻩ ﻭﻃﻠﻌﺖ ﺍﻟﺰﻓﻪ ....
ﻭﺍﻳﻬﺎﺏ ﻣﺎﺷﻔﻨﻪ ﻭﺟﻬﻪ ﻭﻓﻮﻛﺎﻫﻪ ﻣﺮﺗﻪ ﻛﺎﻋﺪﻩ ﺑﺎﻟﺴﻴﺎﺭﻩ ﻭﺗﺤﺠﻲ ﻉ ﻣﺮﺍﺩ ﻭﺷﺎﻳﻒ ﻧﻔﺴﻪ ﻭﻓﻠﻮﺳﻪ ﻛﻠﻬﻪ ﺣﺮﺍﻡ ﻛﻠﺴﺎﻉ ﺍﺗﻌﺎﺭﻙ ﻭﻳﺎﻫﻪ ﻭﻫﻲ ﻭﺍﻣﻬﻪ ﻣﺎﺧﻠﻦ ﺣﺠﺎﻳﻪ ﻣﺎﻛﺎﻟﻨﻬﻪ ﻋﻠﻰ ﻣﺮﺍﺩ ....
ﺑﻌﺪﻧﻪ ﻧﻤﺸﻲ ﺑﺎﻟﻄﺮﻳﻖ ﺭﺍﺟﻌﻴﻦ ﻭﻣﺎ ﺍﻧﺸﻮﻑ ﻏﻴﺮ ﻣﺮﺍﺩ ﻃﺒﻚ ﺍﻟﺴﻴﺎﺭﻩ ﻭﻧﺰﻝ ﻭﻛﻒ ﺍﻳﻬﺎﺏ ﻭﺷﺤﻄﻪ ﻣﻦ ﺍﻟﺴﻴﺎﺭﻩ ﻭﻃﺎﺣﻠﻪ ﺩﻙ ﺑﻮﻛﺴﻴﺎﺕ ...
ﺷﻜﺪ ﻓﺸﻠﻪ ﻛﺪﺍﻡ ﺍﻟﻨﺎﺱ ﺍﻻﺧﻮﻩ ﺗﻀﺎﺭﺑﻮﺍ ﻋﻤﺎﻣﻲ ﻻﺯﻣﻴﻦ ﻣﺮﺍﺩ ﻭﺍﻳﻬﺎﺏ ﻳﻜﻞ ﻟﻤﺮﺍﺩ ﺭﻭﺡ ﺍﺧﻮ ﻣﺮﺗﻪ ....
ﻳﻤﻪ ﺍﻳﻬﺎﺏ ﻣﺪﺭﻱ ﺷﺒﻲ ﺧﻠﻪ ﻣﺮﺍﺩ ﻳﻔﻘﺪ ﺍﻋﺼﺎﺑﻪ ﺳﺤﺐ ﺍﻟﻤﺴﺪﺱ ﻋﻠﻰ ﺍﻳﻬﺎﺏ ﻭﺣﺠﺰﺗﻬﻢ ﺍﻟﻨﺎﺱ ﻭﻳﺼﻴﺤﻮﻥ ﺍﺫﻛﺮ ﺍﻟﻠﻪ ﺍﺧﻮﻙ ﻫﺬﺍ ﻻﺗﻜﺘﻠﻪ ....
ﻣﺮﺍﺩ ﻏﻠﻂ ﻋﻠﻰ ﺍﻳﻬﺎﺏ ﻭﺫﺍﻙ ﺻﻌﺪ ﺑﺎﻟﺴﻴﺎﺭﻩ ﻭﻳﻬﺰ ﺑﺎﻟﺴﺒﺤﻪ ﻭﻻﻛﺎﻧﻤﺎ ﻛﻠﺖ ﻫﺴﻪ ﻳﻨﺠﻠﻂ ﻣﺮﺍﺩ
ﻭﻫﺎﻱ ﺍﻟﺤﻴﻪ ﺗﺼﻴﺢ ﻳﺒﻮﺍ ﺑﺎﻟﺴﻴﺎﺭﻩ ﻻ ﻭﻧﺰﻟﺖ ﻣﻦ ﺳﻴﺎﺭﺗﻨﻪ ﻭﺭﺍﺣﺖ ﻋﻠﻰ ﺍﻟﻌﺮﻭﺱ ﺗﺼﻴﺢ ﻳﺒﻮﺍ ﺑﻮﺟﻬﻪ ﺧﻠﺖ ﺍﻟﺒﻨﻴﻪ ﻣﻔﺰﻭﻋﻪ ....
.... ﺭﻳﺖ ﺑﻄﻨﻲ ﻣﺎﺣﻤﻠﺘﻚ ﻳﺎ ﺍﻳﻬﺎﺏ ﺍﻣﺪﺍﻫﻪ ﻫﺎﻟﺒﻄﻦ ﺍﻟﺸﺎﻟﺘﻚ 9 ﺍﺷﻬﺮ ﺷﺠﺎﻙ ﻃﻤﺘﻚ ﺑﺎﻟﺤﺮﺍﻡ ﺩﻣﻮﻉ ﺳﻮﺩﻩ ﺑﻮﺟﻬﻲ ....
.... ﻳﻤﻪ ﻭﺍﻟﻠﻪ ﻣﺮﺍﺩ ﺍﻧﻘﻬﺮﺕ ﻋﻠﻲ ﺍﺗﻔﺸﻞ ﻛﺪﺍﻡ ﺍﻟﻨﺎﺱ ﻭﻫﻮ ﻳﻜﻠﻮﻟﻪ ﺍﺧﻮﻙ ﺿﺤﻚ ﻋﻠﻴﻚ ﻭﻓﻮﻛﺎﻫﻪ ﺗﺼﺮﻓﺎﺗﻪ ﺗﺴﺘﻔﺰ ﻭﻣﺎﻣﻬﺘﻢ ﻭﻳﻬﺰ ﺑﺎﻟﺴﺒﺤﻪ ﻭﻳﺮﻛﺺ ...
... ﻛﻮﻣﻦ ﻭﺍﺳﻜﺘﻦ ﻭﺍﻟﻲ ﻳﺤﺠﻲ ﺑﺎﻟﺴﺎﻟﻔﻪ ﺿﺮﺑﻨﻬﻪ ﻋﻠﻰ ﺣﻠﻜﻬﻪ ﻭﺍﻧﺘﻲ ﺑﻴﺴﺎﻥ ﻋﻴﻨﺞ ﻋﻠﻰ ﻣﺮﺍﺩ ﻻﻳﺮﺗﻔﻊ ﺿﻐﻄﻪ ...
ﺑﻴﺴﺎﻥ ... ﻃﻠﻌﺖ ﻣﻦ ﺍﻟﻐﺮﻓﻪ ﺍﻣﺎﻝ ﻋﻴﻮﻧﻬﻪ ﻋﻴﻮﻥ ﺍﻟﻘﺮﺩ ﻫﻲ ﻭﺍﻣﻬﻪ ﻭﺩﻣﻮﻉ ﺍﺩﺭﺩﻡ ﻭﻋﻴﻨﻚ ﻋﻴﻨﻚ ﺗﻐﻤﻨﻲ ﻛﺪﺍﻡ ﺍﻟﻨﺴﻮﺍﻥ ....
ﻭﺭﺍ ﺍﻟﻌﺸﺎ ﻳﻠﻪ ﺷﻔﺖ ﻣﺮﺍﺩ ﺍﺟﻪ ﻳﺮﻳﺪ ﻳﻜﻮﻝ ﺻﺒﻦ ﺟﺎﻱ ﻟﻜﺎﻧﻲ ﺑﺎﻟﻤﻄﺒﺦ ﺻﺎﺡ ﺑﻴﻪ ﺍﻧﻲ ﻣﻮﻛﺘﻠﺞ ﻻﺗﺸﺘﻐﻠﻴﻦ ﺍﻟﻒ ﻭﺣﺪﻩ ﻭﻳﻨﻬﻦ ...
... ﻋﻠﻰ ﻛﻴﻔﻚ ﻫﻦ ﻣﻮﺍﻋﻴﻦ ﻭﺍﻧﻲ ﻭﺍﻛﻔﻪ ﻣﺎﻣﺴﻮﻳﻪ ﺷﻲ ...
... ﺍﻣﺸﻲ ﺍﺻﻌﺪﻱ ﺑﻴﺴﺎﻥ ﻭﻻﺗﻨﺰﻟﻴﻦ ﺑﻌﺪ ...
... ﻣﺮﺍﺩ ﻃﻜﺖ ﺭﻭﺣﻲ ﻣﻦ ﺍﻟﻐﺮﻓﻪ ﺷﺠﺎﻙ ﻫﻴﺞ ﻋﺼﺒﻲ ﻭﺻﺎﻳﺮ ﻧﺎﺭ ...
... ﺧﻠﻲ ﺗﺮﻭﺡ ﺍﻟﻨﺎﺱ ﻭﺍﻟﻴﻮﻡ ﺍﺭﻳﺪ ﺍﺫﺍ ﻣﺎ ﺍﺯﻭﻋﻪ ﺣﻠﻴﺒﻪ ﺍﻳﻬﺎﺏ ...
... ﻋﺰﺍﺍﺍ ﺑﻌﻴﻨﻲ ﺍﺫﺍ ﺳﻮﻳﺖ ﺷﻲ ﻫﺴﻪ ﺍﺷﺮﺩ ﻛﺎﻓﻲ ﺭﺍﺡ ﺗﻤﻮﺕ ﻭﺗﻌﻮﻓﻨﻲ ﻟﺬﻟﻪ ﺍﻳﻬﺎﺏ ﻣﺮﺍﺩ ﻟﺨﺎﻃﺮﻱ ﺍﺫﺍ ﺗﺤﺒﻨﻲ ﻭﻋﻨﺪﻱ ﺧﺎﻃﺮ ﻳﻤﻚ ﺧﻠﻲ ﻫﺬﺍ ﺍﻟﻴﻮﻡ ﻳﻌﺪﻱ ﻋﻠﻰ ﺧﻴﺮ ....
... ﺍﻃﻠﻌﻲ ﻣﻦ ﺍﻟﻤﻄﺒﺦ ﻭﺧﻠﻲ ﺗﺠﻲ ﻫﺬﻳﺞ ﺍﻟﻌﺮﻣﻪ ﺗﺸﺘﻐﻞ ﻟﻮﺑﺲ ﻓﺎﻟﺤﻪ ﺑﺎﻟﻐﻮﻩ ﻻﺑﺎﺭﻙ ﺍﻟﻠﻪ ﺑﻴﻬﻪ ... .
... ﻳﻠﻪ ﺭﺍﺡ ﺍﻃﻠﻊ ﺑﺲ ﺍﺳﻜﺖ ﻭﺑﺲ ﺗﻄﻠﻊ ﺍﻟﻨﺎﺱ ﺗﻌﺎﻝ ﻟﻴﻔﻮﻙ ﺗﺮﻯ ﺍﺷﻤﺮ ﺭﻭﺣﻲ ﻣﻦ ﺍﻟﺴﻄﺢ ﻭﺑﻌﺪ ﻣﺎﻋﻨﺪﻙ ﺑﻴﺴﺎﻥ ...
ﺿﺤﻚ ﻭﻃﻠﻊ ﺣﺘﻪ ﻋﺸﺎ ﻣﺎﻣﺘﻌﺸﻲ ﺷﻜﻮﻝ ﻋﻠﻴﻚ ﺍﻳﻬﺎﺏ ﺍﻟﺤﻘﻴﺮ ﻋﻔﺖ ﺍﻟﺸﻐﻞ ﻭﺍﻟﺪﻧﻴﺎ ﻭﺻﻌﺪﺕ ﺳﺒﺤﺖ ﻭﺑﺪﻟﺖ ﻋﻠﻤﺎ ﺍﺟﻪ ﻣﺮﺍﺩ ...
ﻣﺮﺍﺩ ... ﺑﻴﺴﺎﻥ ﻭﻳﻦ ﻣﺴﺘﻤﺴﻜﺎﺗﺞ ﺣﻀﺮﻳﻬﻦ ﺍﻟﻲ ﺍﺭﻳﺪﻫﻦ ﺑﺎﺟﺮ ...
... ﺷﺴﻮﻱ ﺑﻴﻬﻦ ...
... ﺍﺭﻳﺪﻫﻦ ﻋﻨﺪﻱ ﺷﻐﻞ ﺑﻴﻬﻦ ﺭﺍﺡ ﺍﺳﺒﺢ ﻭﺍﺭﻳﺪ ﺍﺳﺘﻜﺎﻥ ﺟﺎﻱ ﻳﻌﺪﻝ ﺍﻟﺮﺍﺱ ...
... ﺳﺒﺢ ﻭﻃﻠﻊ ﻟﻜﺎﻧﻲ ﻣﺤﻀﺮﺗﻠﻪ ﺍﻟﺠﺎﻱ ﺷﺮﺑﻪ ﻭﻣﺪﺩ ﺑﺼﻔﻲ ..
... ﺷﻜﺪ ﺍﻛﻠﻚ ﺻﺤﺘﻚ ﺍﺭﻳﺪﻫﻪ ﻳﺎﺭﺟﺎﻝ ﺗﺮﻳﺪ ﺗﻤﻮﺗﻨﻲ ﺷﻠﻮﻥ ﺑﻴﻚ ....
... ﻣﺎﺍﻛﺪﺭ ﻭﻟﺞ ﻻﻋﺐ ﻟﻌﺐ ﻫﺬﺍ ﺍﺑﻮ ﺍﻟﻨﺴﻮﺍﻥ ...
... ﺗﻌﺎﻝ ﺧﻠﻲ ﺭﺍﺳﻚ ﻋﻠﻰ ﺻﺪﺭﻱ ﻭﺷﻮﻳﻪ ﺍﻫﺪﺀ ﻭﺍﻧﺴﻰ ﺍﻳﻬﺎﺏ ﺧﻠﻲ ﺑﺎﻟﻚ ﻳﻤﻲ ...
... ﻳﺎﺑﻪ ﺍﺫﻭﺏ ﺍﻧﻲ ﻭﻟﺞ ﺷﻠﻮﻥ ﺑﻴﺞ ﻭﺍﻟﻠﻪ ﻟﻮﻣﺎﺣﺎﻣﻞ ﻭﺧﻄﻴﻪ ﺟﺎﻥ ﻋﺮﻓﺖ ﺷﺴﻮﻱ ﺑﻴﺞ ....
... ﺍﻃﻠﺐ ﻣﻨﻚ ﺷﻲ ..
... ﻛﻮﻟﻲ ...
.... ﻣﺮﺍﺩ ﺧﻠﻲ ﺍﻧﺮﻭﺡ ﺳﻔﺮﻩ ﺷﻜﻢ ﻳﻮﻡ ﻻﻱ ﻣﻜﺎﻥ ﻧﻐﻴﺮ ﺟﻮ ﻭﻧﺮﺗﺎﺡ ﻭﻧﺒﺘﻌﺪ ﻋﻦ ﺍﻟﻤﺸﺎﻛﻞ ...
.... ﻣﻤﻤﻤﻢ ﺍﺩﻟﻠﻲ ﻏﺎﻟﻲ ﻭﺍﻟﻄﻠﺐ ﺭﺧﻴﺺ ﺟﻨﺞ ﻋﻠﻰ ﺳﻔﺮﻩ ...
... ﻣﺮﺍﺩ ﺷﻴﻜﻮﻟﻮﻥ ﺍﻟﻮﺿﻊ ﺷﻠﻮﻧﻪ ﺑﺎﻟﻤﻮﺻﻞ ....
... ﻭﺍﻟﻠﻪ ﻣﻮﺷﻲ ﺑﻌﺪﻩ ﻧﻔﺲ ﺍﻟﺤﺎﻝ ﺑﺲ ﺍﻛﻮ ﻣﻨﺎﻃﻖ ﺍﺗﺤﺮﺭﺕ ﻭﺍﻛﻮﻻ ﺑﺲ ﺍﻟﻄﺮﻕ ﻣﺄﻣﻨﻪ ﺯﻳﻨﻪ ﺩﺍﺧﻞ ﺍﻟﻤﻮﺻﻞ ﺑﻌﺪﻫﻪ ...
.... ﺷﺮﺍﺡ ﺩﻛﻮﻝ ﻟﻤﺮﻳﻢ ﻋﻠﻰ ﺳﺎﻟﻔﻪ ﺍﻟﺒﻴﺖ ...
.... ﻭﺍﻟﻠﻪ ﻣﺎ ﺍﺩﺭﻱ ﺍﺑﻮﻱ ﻫﻮ ﻳﺨﺎﺑﺮﻫﻪ ﻭﻳﻔﻬﻤﻬﻪ ﺍﻧﻲ ﻣﺎﺍﺩﺧﻞ ﻫﻮ ﻭﺭﻃﻬﻢ ﻫﻮ ﻳﺤﻠﻬﻪ ...
... ﺍﻛﻮﻝ ﻣﺮﺍﺩ ﺭﺻﻴﺪ ﻣﺎﻋﻨﺪﻱ ﻭﻣﺎﺍﺩﺭﻱ ﺑﺎﺧﺒﺎﺭ ﻣﺴﻚ ...
... ﺯﻳﺪ ﻫﺴﻪ ﺟﺎﻥ ﻫﻨﺎ ﺑﺲ ﻛﺎﻝ ﻣﺮﺗﻪ ﺍﻻﻭﻟﻰ ﻳﻤﻬﻢ ﻧﻔﺲ ﺍﻟﺒﻴﺖ ﺷﻠﻮﻥ ﺭﻫﻤﻬﻪ ﻣﺎﺍﺩﺭﻱ ....
... ﻫﺎﻱ ﺷﻠﻮﻥ ﺍﺗﺤﻤﻠﺖ ﻣﺴﻚ ﻳﻤﻪ ﻟﻮ ﺑﻤﻜﺎﻧﻬﻪ ﺍﻣﻮﺕ ...
... ﻣﺎﺗﻤﻮﺗﻴﻦ ﻣﺎﻋﻠﻴﺞ ﺷﻲ ﺗﻀﻠﻴﻦ ﺗﺴﺎﺑﻘﻴﻦ ﻣﻨﻮ ﺗﺨﻠﻲ ﺣﻤﺮﻩ ﺍﻛﺜﺮ ﻭﻳﺨﻠﺺ ﺭﺍﺗﺒﻲ ﺑﺲ ﺳﻴﺘﺎﺕ ﻧﻮﻡ ﻭﺣﻤﺮ ...
ﻣﺎﺗﺨﻠﻴﻨﻲ ﺍﺟﺮﺏ ﺣﻠﻮ ﻳﻮﻡ ﻳﻤﺞ ﻭﻳﻮﻡ ﻳﻤﻬﻪ ﺍﺳﺘﺮﺍﺣﻪ ﻣﺎﻛﻮ ﻭﺍﺷﻮﻓﺠﻦ ﺗﺘﻌﺎﺭﻛﻦ ﻋﻠﻴﻪ ....
... ﺗﻜﺪﺭ ﺗﺒﺎﻭﻉ ﻟﻐﻴﺮﻱ ﻣﻮ ﺩﻛﻮﻝ ﺍﻧﺘﻲ ﻣﺎﻟﻴﻪ ﻋﻴﻨﻲ ....
... ﻟﺞ ﺍﻧﺘﻲ ﻣﺎﻟﻴﻪ ﻋﻴﻨﻲ ﻭﻛﻠﺒﻲ ﺍﻧﺘﻲ ﺭﻭﺣﻲ ﻋﺠﻴﺐ ﺍﻟﻠﻪ ﺷﻠﻮﻥ ﺧﻼﻧﻲ ﺍﺣﺒﺞ ﺑﺴﻨﻪ ﻭﺣﺪﻩ ﻭﺍﺗﻌﻠﻖ ﺑﻴﺞ ﻭﻋﺒﺎﻟﻚ ﺻﺎﺭ ﺳﻨﻴﻦ ﻋﻠﻰ ﺣﺐ ....
.... ﺍﺍﺍﺍﺍﺍﺥ ﻣﺮﺍﺩﻱ ﺍﺣﺒﻚ ﻣﻮﻭﻭﻭﺕ ﻭﺍﻏﺎﺭ ﻋﻠﻴﻚ ﻭﺍﻓﻜﺮ ﺑﻴﻚ ﻫﻮﺍﺍﻱ ﻣﺎ ﺍﺭﻳﺪ ﺗﺮﺟﻊ ﻣﺮﻳﺾ ...
... ﺍﺑﻴﺶ ﻃﺎﻟﺒﺘﻨﻲ ﻫﺎﻱ ﺍﻫﺰ ﺍﻟﻜﺎﻉ ﻫﺰ ﺍﻛﻮﻝ ﻳﺎﺑﻘﻼﻭﻩ ﺍﻟﻴﻮﻡ ﻋﺮﺱ ﺍﺧﻮﻱ ﻣﺎﺗﺨﻠﻴﻨﻲ ﺍﻋﻴﺪ ﻋﺮﺳﻲ ...
... ﺯﻳﻦ ﺗﺬﻛﺮ ﻳﻮﻡ ﻋﺮﺳﻚ ﻋﻔﺘﻨﻲ ﻭﻧﻤﺖ ...
... ﻻﺗﺬﻛﺮﻳﻨﻲ ﻟﻮﺑﻌﻘﻞ ﻫﺴﻪ ﺍﺍﺍﺍﺥ ﻳﺎﺑﻪ ﺷﺤﺠﻲ ﺷﻜﻮﻝ ﺣﺮﻣﺖ ﻧﻔﺴﻲ 3 ﺍﺷﻬﺮ ﻣﻦ ﻫﺎﻟﺤﻼ ﻫﺎﻱ ....
.... ﺍﻛﻮﻝ ﻟﻴﺶ ﻣﺎ ﺍﻧﺎﻡ ﺍﻧﺖ ﺗﻌﺒﺎﻥ ﻭﺍﻧﻲ ﺗﻌﺒﺎﻧﻪ ...
... ﻣﻨﻮ ﻋﻠﻤﺞ ﻋﻠﻰ ﻫﺬﺍ ﺍﻟﺪﺭﺏ ﻳﺎﺑﻪ ﻭﺍﻟﻠﻪ ﻣﺎ ﺍﻋﻮﻓﺞ ﺍﻟﻴﻮﻡ ﺁﻛﻞ ﺑﻘﻼﻭﻩ ﻳﻌﻨﻲ ﺁﻛﻞ ..قصص عراقيه حقيقيه من واقعنا.روعه الطائي
ﺍﺧﺬﻧﻲ ﺑﻴﻦ ﺍﺩﻳﻪ ﻟﻌﺎﻟﻤﻨﻪ ﺍﻟﺨﺎﺹ ﻛﻞ ﻣﺮﻩ ﺗﺨﺘﻠﻒ ﻭﻋﺒﺎﻟﻚ ﻋﺮﺳﺎﻥ ﺟﺪﺩ ﻳﻮﻣﻴﻪ ﺷﻲ ﺟﺪﻳﺪ ﺑﻌﻼﻗﺘﻨﻪ ﻳﻮﻣﻴﻪ ﺍﻛﺘﺸﻒ ﺣﻨﻴﻪ ﻭﺭﻭﻣﺎﻧﺴﻴﻪ ﺟﺪﻳﺪﻩ ﻋﻨﺪﻩ ....
ﻛﻞ ﺑﻮﺳﻪ ﺗﺨﺘﻠﻒ ﻋﻦ ﺍﻟﺜﺎﻧﻴﻪ ﺑﺤﻴﺚ ﺻﺮﺕ ﻣﺤﺘﺮﻓﻪ ﻭﻳﺎﺍﺍ ﺩﺍﺋﻤﺎ ﻳﻜﻮﻝ ﺻﺎﻧﻊ ﺍﻻﺳﺘﺎﺫ ﺍﺳﺘﺎﺫ ﻭﻧﺺ ....
ﻣﺮﺍﺩ ﺍﻛﺜﺮ ﻣﻨﻲ ﻳﻨﺪﻣﺞ ﺑﻜﻞ ﺟﻮﺍﺭﺣﻪ ﻳﻔﺼﻞ ﻋﻦ ﺍﻟﻌﺎﻟﻢ ﻟﻮﺗﺤﺘﺮﻙ ﺍﻟﺪﻧﻴﺎ ﻣﺎﻳﺪﺭﻱ ...
ﺭﻭﻣﺎﻧﺴﻴﺘﻪ ﻓﻀﻴﻌﻪ ﺣﺐ ﻏﺰﻝ ﺻﺪﺭﻩ ﻫﻮ ﻣﻜﺎﻧﻲ ﺍﻟﻤﻔﻀﻞ ﻳﺎﺧﺬﻧﻲ ﺑﺎﺟﻮﺍﺀ ﻣﺎ ﺍﻛﺪﺭ ﺍﻭﺻﻔﻬﻪ ﺍﺑﺪ ....
ﺑﻌﺪﻫﻪ ﺍﺷﻤﺮ ﻧﻔﺴﻲ ﺗﻌﺒﺎﻧﻪ ﺑﺤﻀﻨﻪ ﻭﻫﻮ ﻳﺒﻮﺱ ﺑﻴﻪ ﺍﺑﻮﺳﻪ ﻣﻦ ﺭﻛﺒﺘﻪ ﻣﺮﺍﺕ ﺍﺗﻌﻤﻖ ﺑﺎﻟﺒﻮﺳﻪ ﻭﻳﺒﻌﺪﻧﻲ ﻳﻜﻮﻝ ﻻﺍﺣﺪ ﻳﺸﻮﻓﻬﻪ ....
ﺑﺲ ﺍﻧﻲ ﺭﻛﺒﺘﻲ ﺧﺮﻳﻄﻪ ﻣﺎﺗﻠﺤﻚ ﺗﺨﺘﻔﻲ ﺗﻄﻠﻊ ﺍﻟﺜﺎﻧﻴﻪ ﻏﻔﻴﺖ ﻋﻠﻰ ﺻﺪﺭﻩ ﻭﻏﻄﻴﺖ ﺑﻨﻮﻡ ﻋﻤﻴﻖ . .....
ﻭﺍﻧﻲ ﺑﻴﻦ ﺍﺩﻳﻪ ﻭﻧﻔﺲ ﻭﺿﻌﻨﻪ ﻣﻦ ﻧﺎﻳﻤﻴﻦ ﺣﻠﻤﺖ ﻣﺮﺍﺩ ﺍﺧﺬ ﺟﻨﻄﺘﻪ ﻭﺩﻧﻚ ﻋﻠﻴﻪ ﺑﺎﺳﻨﻲ ﻭﻃﻠﻊ ﻣﺜﻞ ﺍﻟﻲ ﺳﺎﻓﺮ ..
ﻛﻌﺪﺕ ﺍﺩﻭﺭ ﻋﻠﻲ ﻟﻜﻴﺖ ﻛﻨﺘﻮﺭﻩ ﻓﺎﺭﻍ ﻭﻣﺎﻛﺖ ﺍﻱ ﺍﺛﺮ ﺍﻟﻪ ﻟﻔﺖ ﺍﻧﺘﺒﺎﻫﻲ ﺍﻟﺴﺒﻮﺭﻩ ﻣﺎﻟﺘﻪ ﻛﺎﺗﺐ ﻋﻠﻴﻬﻪ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻭﻋﻠﻰ ﺍﺑﻨﻪ .....
ﻓﺰﻳﺖ ﻣﺮﻋﻮﺑﻪ ﻣﻦ ﺍﻟﺤﻠﻢ ﺟﻨﺖ ﻧﺎﻳﻤﻪ ﻋﻠﻰ ﺍﻳﺪﻩ ﺣﺲ ﺑﻴﻪ ﻭﻛﻌﺪ ﻭﺟﻬﻲ ﺍﺻﻔﺮ ﻭﺷﻔﺎﻳﻔﻲ ﺗﺮﺟﻒ ﺍﺗﻠﻤﺲ ﺑﻮﺟﻬﻪ ﺍﺭﻳﺪ ﺍﺗﺎﻛﺪ ﺑﻌﺪﻩ ﻣﻮﺟﻮﺩ ﺷﻤﺮﺕ ﻧﻔﺴﻲ ﻋﻠﻰ ﺻﺪﺭﻩ ﻭﻫﻮ ﻳﻤﺴﺪ ﻋﻠﻰ ﺷﻌﺮﻱ ....
ﺭﺟﻌﻨﻲ ﻋﻠﻰ ﺍﻳﺪﻩ ﻭﺍﻧﻲ ﺍﺗﻤﻌﻦ ﺑﻮﺟﻬﻪ ﺯﻳﻦ ﺍﺣﻔﻆ ﻛﻞ ﺗﻔﺎﺻﻴﻠﻪ ﻭﺣﺪﻩ ﻭﺣﺪﻩ ﻋﻴﻮﻧﻪ ﺍﻟﻤﻠﻮﻧﻪ ﺍﺧﺬﻥ ﻛﻞ ﺣﻴﻠﻲ ﻭﻋﺎﻳﺸﻪ ﻋﻠﻴﻬﻦ ....
ﺷﻔﺎﻳﻔﻪ ﺍﻟﻲ ﻳﺎﻣﺎ ﻭﻳﺎﻣﺎ ﺑﺎﺳﻨﻲ ﻭﺩﻟﻌﻨﻲ ﻏﻤﺮﺕ ﺭﺍﺳﻲ ﺑﺮﻛﺒﺘﻪ ﻭﺍﺷﺘﻢ ﺑﻌﻄﺮﻩ ﺍﻟﻲ ﻋﺎﻟﻖ ﺑﻜﻞ ﺟﺰﺀ ﺑﻴﻪ .....
ﻣﺎﻛﺪﺭﺕ ﺍﻧﺎﻡ ﺍﺑﺪ ﺑﺲ ﻫﻮ ﻏﺎﻁ ﺑﺎﻟﻨﻮﻡ ﺣﺲ ﻋﻠﻴﻪ ﺑﻌﺪﻧﻲ ﻛﺎﻋﺪﻩ ﺳﺤﺒﻨﻲ ﻣﻦ ﺍﻳﺪﻱ ﻭﺿﻤﻨﻲ ﺣﻴﻞ ﻟﺼﺪﺭﻩ ﺣﺴﻴﺖ ﺍﺿﻠﻮﻋﻲ ﺭﺍﺡ ﺍﻃﻚ ...
... ﺑﻴﺴﺎﻥ ﺍﺫﺍ ﻣﺎﻧﻤﺘﻲ ﺍﻋﺎﻗﺒﺞ ﻭﺗﻌﺮﻓﻴﻦ ﻋﻘﻮﺑﺘﻲ ﺷﻠﻮﻧﻬﻪ
... ﻻ ﻻﺗﻌﺎﻗﺒﻨﻲ ﺭﺍﺡ ﺍﻧﺎﻡ ﺑﺲ ﺍﺧﺘﻨﻜﺖ ...
... ﺧﻠﻲ ﺍﺷﻮﻑ ﻋﻴﻮﻧﺞ ﻣﻔﺘﺤﻪ ﻭﺷﻮﻓﻲ ﺷﺴﻮﻱ ﻳﻠﻪ ﻏﻤﻀﻲ ﺑﺴﺮﻋﻪ ﻭﻛﻮﻟﻲ ﻣﺮﺍﺩ ﻳﺤﺒﻨﻲ ﻣﺎﻳﻌﻮﻓﻨﻲ ﺍﺑﺪ ﺑﺲ ﺍﻟﻤﻮﺕ ﻳﺒﻌﺪﻩ ﻋﻨﻲ ...
... ﺍﺳﻢ ﺍﻟﻠﻪ ﻋﻤﺮﻙ ﻃﻮﻳﻞ ﻭﺍﺧﻠﻔﻠﻚ ﻛﻮﻣﻪ ﺟﻬﺎﻝ ...
... ﻋﻔﻴﻪ ﺑﺒﻨﻴﺘﻲ ﻧﺎﻣﻲ ﺣﺒﺎﺑﻪ ﻛﻠﺒﺞ ﻳﺮﻛﺾ ﻋﻠﻴﻤﻦ ﻫﺎﻱ ﻧﺎﻳﻤﻪ ﺑﺤﻀﻨﻲ ﺑﻌﺪ ﺷﻜﻮ ...
... ﻣﻦ ﺍﻟﺤﻠﻢ ﺧﻔﺖ ...
... ﻻ ﻣﺎﻛﻮ ﺷﻲ ﺍﺭﺗﺎﺣﻲ ﺣﺒﻴﺒﺘﻲ
... ﻛﻮﻩ ﻛﺪﺭﺕ ﺍﻫﺪﻱ ﻧﻔﺴﻲ ﻭﺍﻧﺎﻡ ﻭﺍﺣﺪﺍﺙ ﺍﻟﺤﻠﻢ ﺍﺑﺎﻟﻲ ﻭﺍﻧﻲ ﺑﺤﻀﻨﻪ ﻭﺍﻗﺮﻩ ﺍﻳﻪ ﺍﻟﻜﺮﺳﻲ ﻭﺍﺭﺩﺩ ﻳﺎﺭﺏ ﺍﺣﻔﻆ ﻣﺮﺍﺩ ....
ﻣﺴﻚ ...
ﻣﻦ ﺣﺠﺘﻠﻲ ﻣﺮﻭﻩ ﻗﺼﺘﻬﻪ ﺍﺑﺘﻌﺪﺕ ﻋﻨﻬﻪ ﻫﻴﺞ ﻧﻤﻮﺫﺝ ﺧﻄﺮ ﻭﺧﺎﺻﻪ ﺳﻤﺎﻋﻪ ﺣﺠﻲ ﻟﻔﻄﻴﻤﻪ ....
ﺗﻜﺪﺭ ﺗﺮﺟﻊ ﺗﻘﺸﻤﺮﻫﻪ ﻭﻳﺮﺟﻌﻦ ﺣﺒﺎﻳﺐ ﻭﻳﻠﺘﻔﻦ ﻋﻠﻴﻪ ﻭﺍﺭﻭﺡ ﺍﻭﻛﻊ ﺑﻤﺸﺎﻛﻞ ﺍﻧﻲ ﺑﻐﻨﻰ ﻋﻨﻬﻪ ﺍﺗﺠﻨﺒﻬﻪ ﺍﺣﺴﻦ ...
ﺑﻴﻮﻡ ﺯﻳﺪ ﺍﺟﻪ ﻛﺎﻟﻬﻪ ﻳﻠﻪ ﺣﻀﺮﻱ ﻏﺮﺍﺿﺞ ﺍﺭﺟﻌﺞ ﻟﻠﺒﻴﺖ ﺍﻟﺤﺎﺭﺱ ﺭﺟﻊ ...
ﺣﺎﻭﻟﺖ ﻭﻳﺎ ﺭﺍﺩﺕ ﺗﺒﻘﻰ ﻭﺭﺍﺩﺗﻨﻲ ﺍﺩﺧﻞ ﺑﺲ ﻣﺎﺣﺠﻴﺖ ﻭﻻ ﻛﻠﻤﻪ ﺟﻤﻌﺖ ﻏﺮﺍﺿﻬﻪ ﻭﺭﺍﺣﺖ ...
ﺍﻟﺤﺠﻴﻪ ﺍﺷﻮ ﻧﺺ ﺳﺎﻋﻪ ﻭﻟﺤﻜﺘﻬﻪ ﻛﺎﻟﺖ ﺗﺴﺘﻔﺮﺩ ﺑﻴﻬﻪ ﻓﻄﻴﻤﻪ ﻻﻥ ﺑﻴﺘﻬﻪ ﻗﺮﻳﺐ ﻭﻫﺎﻱ ﻣﺮﻭﻩ ﺛﻮﻟﻪ ﻭﺗﺴﻮﻱ ﻣﺸﺎﻛﻞ ....
ﺿﻠﻴﺖ ﻭﺣﺪﻱ ﺑﺲ ﺍﻡ ﻧﺠﻢ ﻳﻤﻲ ﺭﺣﺖ ﺧﺎﺑﺮﺕ ﺑﻴﺴﺎﻥ ﺍﻃﻤﺌﻦ ﻋﻠﻴﻬﻪ ﺳﻮﻟﻔﻨﻪ ﺷﻮﻳﻪ ﻭﺳﺪﻳﺘﻪ ﻣﻨﻬﻪ ....
ﻭﺿﻌﻲ ﻣﺜﻞ ﻣﺎﻫﻮ ﻣﺨﻠﺼﺘﻬﻪ ﻧﻮﻡ ﻭﻣﻦ ﻳﺠﻲ ﺯﻳﺪ ﺍﻛﻌﺪ ﺍﻟﺘﻬﻲ ﻭﻳﺎ ﺣﺘﻪ ﺍﺫﺍ ﺍﻟﻴﻮﻡ ﻟﻤﺮﻭﻩ ﻳﻀﻞ ﻳﻤﻲ ﻭﺭﺍ ﺍﻟﻌﺸﺎ ﻭﻳﺮﻭﺣﻠﻪ .....
ﻣﻨﺘﻈﺮﻩ ﺷﻮﻛﺖ ﻳﺠﻲ ﺍﻟﺪﻭﺍﻡ ﻋﺎﺩ ﻭﺍﺭﺟﻊ ﻭﺍﺗﺨﺮﺝ ﻭﺑﻠﻜﻲ ﺍﺿﻞ ﻣﺤﺎﻓﻈﻪ ﻋﻠﻰ ﺗﺴﻠﺴﻠﻲ ﺍﻻﻭﻝ ﻭﺍﺗﻌﻴﻦ ...
ﺑﻴﺴﺎﻥ ...
ﺍﻟﺘﺤﻖ ﻣﺮﺍﺩ ﻭﺭﺍ ﺍﻟﻌﺮﺱ ﺑﻴﻮﻣﻴﻦ ﺑﻬﺬﺍ ﺍﻻﺳﺒﻮﻉ ﻣﺎﺣﺴﻴﺖ ﺑﻲ ﺍﻟﺘﻬﻴﺖ ﺑﺎﻟﻌﺮﻭﺱ ﺧﻄﺎﺭ ﻭﻟﻤﻪ ﻣﺎﺣﺴﻴﺖ ﺷﻠﻮﻥ ﺧﻠﺺ ﻭﺭﺟﻊ ﻣﺮﺍﺩ ....
ﺍﻭﻝ ﻳﻮﻡ ﺍﺟﻪ ﺍﺗﻌﺎﺭﻙ ﻭﻳﻪ ﺍﻳﻬﺎﺏ ﻻﻥ ﺍﻟﻨﺎﺱ ﻛﺎﻣﺖ ﺗﺠﻴﻨﻪ ﻟﻠﺒﻴﺖ ﺗﺮﻳﺪ ﻓﻠﻮﺳﻬﻪ ﻭﻫﻮ ﺫﺍﺑﻬﻪ ﺑﺮﺍﺱ ﻣﺮﺍﺩ ....
ﻭﻳﺪﻓﻊ ﻣﺮﺍﺩ ﻭﻣﺎﻛﻮ ﺣﺘﻪ ﻋﻤﻲ ﺗﻤﺮﺽ ﻣﻦ ﻭﺭﺍ ﻭﻫﻮ ﻭﻻﻣﻬﺘﻢ ﺟﻜﺎﺭﺗﻪ ﺑﺤﻠﻜﻪ ﻭﻳﻔﺘﺮ ﺑﺴﻴﺎﺭﻩ ﻋﻤﻲ ...
ﻋﺠﻴﺐ ﻫﺎﻱ ﺍﻟﻤﻼﻳﻴﻦ ﺍﻟﻲ ﺍﺧﺬﻫﻪ ﻭﻳﻦ ﻭﺩﺍﻫﻪ ﻭﻫﻮ ﺑﻴﺖ ﻣﺜﻞ ﺍﻟﻨﺎﺱ ﻣﺎﻋﻨﺪﻩ ﻛﺎﻋﺪ ﺍﺟﺎﺭ ﻭﺟﺎﻥ ﺍﻟﻤﺼﺮﻑ ﻛﻠﻪ ﻋﻠﻰ ﻣﺮﺍﺩ ...
ﺑﻠﻴﻞ ﻛﺎﻝ ﻣﺮﺍﺩ ﺣﻀﺮﻱ ﻏﺮﺍﺿﻨﻪ ﺑﺎﺟﺮ ﺍﻧﺮﻭﺡ ﻷﺭﺑﻴﻞ ﺳﻔﺮﻩ ﻧﻐﻴﺮ ﺟﻮ ...
... ﻭﺣﺪﻧﻪ
.... ﻻ ﻧﺎﺧﺬ ﺍﻟﻌﺸﻴﺮﻩ ﻃﺒﻌﺎ ﻭﺣﺪﻧﻪ ...
... ﺍﻗﺼﺪ ﺑﺴﻴﺎﺭﺗﻨﻪ ﻟﻮ ﻭﻳﻪ ﺍﻟﺤﻤﻼﺕ ...
... ﺍﻱ ﺑﺴﻴﺎﺭﺗﻨﻪ ﺣﺘﻪ ﻧﻄﻠﻊ ﻧﻔﺘﺮ ﻭﺣﺪﻧﻪ ...
... ﺑﻮﺳﺘﻪ ﺷﻜﺮﺍ ﺣﺒﻴﺒﻲ ... ﺭﻛﻀﺖ ﻓﺘﺤﺖ ﺍﻟﻜﻨﺘﻮﺭ ﻭﺣﺎﻳﺮﻩ ﺷﺎﺧﺬ ﻭﺷﺨﻠﻲ ...
... ﺍﺧﺬﺕ ﺷﻐﻼﺕ ﺿﺮﻭﺭﻳﻪ ﻭﻣﻼﺑﺲ ﻃﻠﻌﻪ ﻭﺣﺘﻪ ﻧﻤﻨﻪ ﻣﻢ ﻭﻗﺖ ﺟﻨﺖ ﻣﺘﻠﻬﻔﻪ ﺣﻴﻞ ﻟﻬﺎﻱ ﺍﻟﺴﻔﺮﻩ ....
ﻋﻤﻲ ﻭﺧﺎﻟﺘﻲ ﺟﺎﻧﻮﺍ ﻣﺎﻗﺎﺑﻠﻴﻦ ﺍﺑﺪ ﻳﻜﻮﻟﻮﻥ ﺍﻟﻮﺿﻊ ﻣﻮﺯﻳﻦ ﻭﺍﻟﻄﺮﻳﻖ ﻃﻮﻳﻞ ﻭﺷﻤﺪﺭﻳﻚ ﺷﻴﻄﻠﻌﻠﻚ ﻭﺍﻧﺖ ﺑﺎﻟﺠﻴﺶ ...
ﻳﺎﺭﻳﺖ ﺍﻟﺰﻣﻦ ﻫﻨﺎ ﻭﻭﻛﻒ ﻳﺎﺭﻳﺖ ﻣﺎ ﻃﻠﻌﺖ ﻭﻃﺎﻭﻋﺘﻪ ﻭﻻﻛﺘﻠﻪ ﺍﺭﻳﺪ ﺳﻔﺮﻩ ﻳﺎﺭﻳﺖ ﺳﻤﻌﻨﻪ ﻛﻼﻣﻬﻢ ﻭﻣﺎﺧﻠﻴﺘﻪ ﻳﺮﻭﺡ ﺟﺎﻥ ﻣﺼﺮ ﻋﻠﻰ ﺍﻟﺮﻭﺣﻪ ﻭﺍﻟﻪ ﻻﺭﺑﻴﻞ ....
ﺛﺎﻧﻲ ﻳﻮﻡ ﻃﻠﻌﻨﻪ ﺑﺲ ﺍﻧﻲ ﻭﻳﺎ ﻭﻛﻠﺴﺎﻉ ﺍﻛﻠﻪ ﻻﺗﺴﻮﻕ ﺳﺮﻳﻊ ﺟﺎﻧﺖ ﺍﻳﺪﻱ ﺣﺎﺿﻨﻪ ﺍﻳﺪﻩ ﺣﻴﻞ ﻭﻛﻠﺴﺎﻉ ﺍﺑﺎﻭﻋﻠﻪ ﻋﺒﺎﻟﻚ ﺍﻟﻴﻮﻡ ﺷﺎﻳﻔﺘﻪ ....
ﺍﻟﻄﺮﻳﻖ ﻛﻠﺶ ﻃﻮﻳﻞ ﻧﻨﺰﻝ ﺍﺳﺘﺮﺍﺣﺎﺕ ﺑﺲ ﻣﺘﻌﺐ ﻧﺰﻟﻨﻪ ﺍﺑﻐﺪﺍﺩ ﺷﻮﻳﻪ ﻭﻋﻠﻰ ﺍﻟﻄﺮﻳﻖ ﻫﻢ ....
ﻣﺮﺍﺩ ... ﻟﻮ ﺭﺍﻳﺤﻴﻦ ﻃﻴﺎﺭﻩ ﻣﻮ ﺍﺣﺴﻦ ﺷﻮﺭﻃﻨﻪ ...
... ﻏﻴﺮ ﺍﻧﺖ
... ﻋﻠﻤﻮﺩ ﺍﻟﺴﻴﺎﺭﻩ ﺣﺘﻪ ﻧﻄﻠﻊ ﺑﻴﻬﻪ ﻫﻨﺎﻙ ﻣﺎ ﺍﺣﺐ ﻛﻠﺴﺎﻉ ﺻﺎﻋﺪ ﺑﺘﻜﺴﻲ ...
... ﻟﻮ ﺭﺍﻳﺤﻴﻦ ﻭﻳﻪ ﺍﻟﺤﻤﻼﺕ ﻋﻠﻰ ﺍﻻﻗﻞ ﻣﺠﻤﻮﻋﻪ ...
... ﻻ ﻣﺎ ﺍﺣﺒﻬﻢ ﻭﺍﺣﺪ ﻳﺠﺮ ﻭﺍﺣﺪ ﻳﻌﺮ ﺧﻠﻴﻨﻪ ﻫﻴﺞ ﻋﻠﻰ ﻛﻴﻔﻨﻪ ﻧﻮﺻﻞ ﻋﺴﻤﺎ ﻟﻠﻴﻞ ....
... ﻣﺮﺍﺩ ﺗﺮﻳﺪ ﺗﺎﺧﺬﻧﻪ ﺟﺮﻩ ﻭﺣﺪﻩ ﻻﺭﺑﻴﻞ ﺿﻬﺮﻱ ﻣﻦ ﻫﺴﻪ ﻳﻮﺟﻌﻨﻲ ...
... ﻻ ﻧﻮﺻﻞ ﻛﺮﻛﻮﻙ ﻧﺮﺗﺎﺡ ﻭﺛﺎﻧﻲ ﻳﻮﻡ ﻧﻄﻠﻊ ...
... ﺍﻳﻲ ﺧﻠﻲ ﻣﻦ ﻧﻮﺻﻞ ﺍﺧﺎﺑﺮ ﻣﺮﻳﻢ ﻣﺸﺘﺎﻗﻪ ﻟﺪﺍﻧﻴﺎﻝ ﺍﺭﻳﺪ ﺍﺷﻮﻓﻪ ....
... ﺧﻠﻲ ﻧﻮﺻﻞ ﻭﺍﻟﻠﻪ ﻛﺮﻳﻢ ...
.... ﺧﻠﺼﺖ ﺍﻟﻄﺮﻳﻖ ﺳﺎﻋﻪ ﺍﻧﺎﻡ ﻭﺳﺎﻋﻪ ﺍﻛﻌﺪ ﺍﺳﻮﻟﻒ ﻟﺤﺪﻣﺎ ﻃﻠﻌﻨﻪ ﺑﻐﺪﺍﺩ ﻭﺩﻧﻤﺸﻲ ﻋﻠﻰ ﺍﻋﺘﺎﺏ ﻃﺮﻳﻖ ﻛﺮﻛﻮﻙ ....
ﻣﺮﺍﺩ ﻛﻞ ﺳﻴﻄﺮﻩ ﻳﻤﺮ ﻣﻦ ﻳﻤﻬﻪ ﻣﺎﻳﻜﻮﻝ ﺿﺎﺑﻂ ﻧﻮﻛﻒ ﺣﺎﻟﻨﻪ ﺣﺎﻝ ﺍﻟﻨﺎﺱ ﺑﺲ ﺍﻟﺴﻴﺎﺭﺍﺕ ﻗﻠﻴﻠﻪ ﻫﺬﺍ ﺍﻟﺤﺠﻲ ﻧﻬﺎﻳﻪ ....2015
ﺍﺷﻮ ﺍﻟﻄﺮﻕ ﺗﺨﻮﻑ ﺷﻠﻮﻥ ﻣﻦ ﻃﻠﻌﻨﻪ ﻣﻦ ﺍﻟﻤﻮﺻﻞ ﺿﻠﻴﺖ ﺍﺳﻮﻟﻒ ﻭﻳﻪ ﻣﺮﺍﺩ ﻭﻓﻮﻛﺎﻫﻪ ﻳﻜﻮﻝ ﺍﻱ ﺍﻟﻄﺮﻳﻖ ﻣﺎﻝ ﻛﺮﻛﻮﻙ ﻣﻮﺣﻴﻞ ﺍﻣﺎﻥ ﻣﺮﺍﺕ ﻳﺰﺭﻋﻮﻥ ﺑﻲ ﺍﻟﻐﺎﻡ ...
... ﺍﻟﻠﻪ ﻋﻠﻴﻚ ﻭﺟﺎﻳﺒﻪ ﻣﻨﺎ ﻣﺮﺍﺩ ﺷﺘﺤﺠﻲ ...
.... ﻫﻬﻬﻪ ﻻ ﺣﺒﻴﺒﺘﻲ ﻣﺎﻛﻮ ﺷﻲ ﻫﺎﻱ ﺍﺣﺠﻲ ﻗﺒﻞ ﻫﺴﻪ ﺯﻳﻦ ....
.... ﻧﻤﺸﻲ ﻭﺗﻠﻜﺘﻨﻪ ﺳﻴﻄﺮﻩ ﻛﺎﻟﺖ ﺍﻟﻄﺮﻳﻖ ﻣﺴﺪﻭﺩ ﺍﻛﻮ ﻣﻮﺍﺟﻬﻪ ﻣﺪﺭﻱ ﺷﺴﻤﻬﻪ ﺍﻟﻤﻨﻄﻘﻪ ﻣﺎﺣﻔﻈﺘﻪ ....
ﺍﻏﻠﺐ ﺍﻟﺴﻴﺎﺭﺍﺕ ﺭﺟﻌﺖ ﻭﺍﻛﻮ ﻣﻨﻬﻢ ﻻ ﺭﺍﺣﻮﺍ ﻣﻦ ﻏﻴﺮ ﻃﺮﻳﻖ ﻭﻣﺮﺍﺩ ﺟﺎﻥ ﻣﺼﺮ ﺍﻻ ﻳﺮﻭﺡ ﺑﻐﻴﺮ ﻃﺮﻳﻖ ....
ﺷﻜﺪ ﺣﺎﻭﻟﺖ ﻭﻳﺎ ﻭﻣﺎﻗﺒﻞ ﻳﻜﻮﻝ ﻣﺎﻛﻮ ﺷﻲ ﺍﻻ ﻓﺘﻨﻪ ﻣﻦ ﻏﻴﺮ ﻃﺮﻳﻖ ﺻﺪﻙ ﻳﺨﻮﻑ ﻓﺎﺭﻍ ﻭﺑﻴﻬﻦ ٤ ﺳﻴﺎﺭﺍﺕ ﺍﻟﻲ ﻳﻤﺸﻦ ﻭﺻﻠﻨﻪ ﻟﻠﺴﻴﻄﺮﻩ ﻭﻛﻔﺘﻨﻪ ....
ﺑﺪﺕ ﺗﻔﺘﺶ ﺑﺎﻟﺴﻴﺎﺭﺍﺕ ﻛﻞ ﺳﻴﺎﺭﻩ ﺗﻔﺘﺸﻬﻪ ﻣﺎﺗﺨﻠﻴﻬﻪ ﺗﻄﻠﻊ ﺷﻔﺖ ﻣﺮﺍﺩ ﺻﺎﻓﻦ ﻭﻓﺘﺢ ﻋﻴﻨﻪ ﻋﻠﻰ ﻛﺒﺮﻫﻪ ﺳﺎﻟﺘﻪ ﺷﺒﻴﻚ ...
ﻛﺎﻝ ﻫﺎﻱ ﻣﻮﺳﻴﻄﺮﻩ ﺟﻴﺶ ﻫﺎﻱ ﻭﻫﻤﻴﻪ ﻣﺴﻠﺤﻴﻦ ....
ﺑﺲ ﺣﺠﻪ ﻫﻴﺞ ﻭﻣﺎﻟﺤﻚ ﺣﺘﻪ ﻳﻔﺮ ﺍﻟﺴﻴﺎﺭﻩ ﺻﺎﺭ ﺻﻮﺕ ﺍﻟﻄﻠﻖ ﻋﻠﻴﻨﻪ ﻣﻦ ﻛﻞ ﻣﻜﺎﻥ ﺍﻛﻮ ﺳﻴﺎﺭﺍﺕ ﺭﻣﻮﻫﻪ ﻣﺎﻛﺪﺭﻭﺍ ﻳﺘﺤﺮﻛﻮﻥ ....
ﺍﺧﺮ ﻣﺎ ﺍﺗﺬﻛﺮﻩ ﻣﻦ ﻣﺮﺍﺩ ﻫﻲ ﻟﺰﻣﻪ ﺍﻳﺪﻩ ﻟﺰﻡ ﺍﻳﺪﻱ ﺣﻴﻞ ﻭﻛﺎﻟﻲ ﻻﺗﺨﺎﻓﻴﻦ ﻧﺰﻟﻲ ﺭﺍﺳﺞ .....
ﺑﺲ ﻫﺬﻧﻲ ﺍﻟﻜﻠﻤﺎﺕ ﺿﻠﻦ ﺍﺑﺎﻟﻲ ﻭﻣﺎﺭﺍﺣﻦ ﻋﻦ ﻓﻜﺮﻱ ﻟﺤﻈﻪ ﻭﺣﺪﻩ ﺑﻌﺪﻫﻪ ﺻﻮﺕ ﺍﻧﻔﺠﺎﺭ ﻗﻮﻱ ﻣﺎ ﺍﻋﺮﻑ ﻭﻳﻦ ﻭﺻﻮﺕ ﺍﻟﻄﻠﻘﺎﺕ ﻛﻔﻴﻞ ﻳﺨﻠﻴﻨﻲ ﺍﻧﻬﺎﺭ ﻣﻨﺰﻟﻪ ﺭﺍﺳﻲ ﻭﺍﺻﻴﺢ ﻣﺮﺍﺩ ....قصص عراقيه حقيقيه من واقعنا.روعه الطائي
ﻣﺎﻳﺨﻠﻴﻨﻲ ﺍﺭﻓﻊ ﺭﺍﺳﻲ ﻭﻻﻳﻜﺪﺭ ﻳﺮﺟﻊ ﻣﺪﺭﻱ ﻣﻨﻴﻦ ﻫﺒﻮﺍ ﻋﺒﺎﻟﻚ ﻃﻠﻌﻮﺍ ﻣﻦ ﺟﻮﺍ ﺍﻟﻜﺎﻉ ﻛﻠﻬﻢ ﺍﻟﺘﻤﻮﺍ ﻋﻠﻰ ﻫﺎﻱ ﺍﻟﺴﻴﺎﺭﺍﺕ ﺍﻟﻲ ﺗﻤﺸﻲ ﺑﻬﺬﺍ ﺍﻟﻄﺮﻳﻖ ﺍﻟﻲ ﺍﺧﺬﻭﺍ ﻭﺍﻟﻲ ﻗﺘﻠﻮﺍ ....
ﻣﻦ ﺻﻮﺕ ﺍﻟﺮﻣﻲ ﻭﺍﻟﻄﻠﻘﺎﺕ ﻭﺣﺪﻩ ﻣﻨﻬﻦ ﺳﺮﻗﺖ ﺍﺣﻼﻣﻲ ﻭﻛﻴﺎﻧﻲ ﻭﺣﺪﻩ ﻣﻦ ﺍﻟﻄﻠﻘﺎﺕ ﺩﻣﺮﺕ ﺣﻴﺎﺗﻲ ﻭﺑﻌﺪﻫﻪ ﻣﺎﺷﻔﺖ ﺍﻟﺮﺍﺣﻪ ....
ﻫﻨﺎ ﺑﻬﺬﺍ ﺍﻟﻄﺮﻳﻖ ﺍﻟﺴﺎﻋﻪ ﺏ 5 ﻭﻧﺺ ﺍﻟﻌﺼﺮ ﻫﻨﺎ ﺍﻧﺘﻬﺖ ﺣﻴﺎﺗﻲ ﺍﻧﺘﻬﺖ ﺍﻟﻠﺤﻈﺎﺕ ﺍﻟﺤﻠﻮﻩ ﻭﺍﻧﻲ ﻭﺣﻴﺪﻩ ﻏﺮﻳﺒﻪ ﺍﺷﻮﻑ ﺭﻭﺣﻲ ﺗﻨﺴﺤﻦ ﻛﺪﺍﻣﻲ ....
ﻣﺎ ﺍﺷﻮﻑ ﻏﻴﺮ ﻗﻤﻴﺺ ﻣﺮﺍﺩ ﻏﺮﻛﺎﻥ ﺑﺎﻟﺪﻡ ﺍﺻﻴﺢ ﻣﺮﺍﺩ ﻣﺮﺍﺩ ﺑﺲ ﻣﺎﻛﻮ ﺍﻱ ﺭﺩ ﻣﻨﻪ ﺗﺨﺒﻠﺖ ﺑﻠﺤﻈﺘﻬﻪ ﺣﺴﻴﺖ ﺭﻭﺣﻲ ﺭﺍﺡ ﺗﻄﻠﻊ ....
ﺍﻛﻠﺐ ﺑﻲ ﻣﻨﺎ ﻭﻣﻨﺎ ﺟﺜﻪ ﻫﺎﻣﺪﻩ ﺍﻟﻨﺰﻑ ﺍﺧﺬﻩ ﻭﻋﻴﻮﻧﻪ ﺍﻟﺤﻠﻮﻩ ﻏﻤﻀﺖ ﻭﻋﺎﻓﺘﻨﻲ ﺑﻨﺺ ﺍﻟﻄﺮﻳﻖ ....
ﻟﺰﻣﺖ ﻗﻤﻴﺼﻪ ﻭﺻﺮﺧﺖ ﺑﻌﻠﻮ ﺻﻮﺗﻲ ﻣﺮﺍﺍﺍﺍﺍﺍﺍﺍﺍﺍﺩ ﻻﺗﻌﻮﻓﻨﻲ ...
ﻳﺘﺒﺒﺒﺒﺒﻊ .....
ﻣﺘﺎﺑﻌﻪ ﻣﻤﺘﻌﻪ ..
