#اسمعني_صوتك
٥_______٦
# ﺍﻟﺒﺎﺭﺕ ﺍﻟﺨﺎﻣﺲ ...
# ﺍﺳﻤﻌﻨﻲ ﺻﻮﺗﻚ
# ﻟﻠﻜﺎﺗﺒﻪ ﺭﻭﺯﺍﻳﻪ ....
ﺍﻧﻲ ﺍﺳﻤﻲ ﻣﺴﻚ ﻣﻮﺍﻟﻴﺪ 1991 ﻣﻦ ﻛﺮﺑﻼﺀ ﻣﺮﺣﻠﻪ ﺛﺎﻟﺜﻪ ﻋﻠﻮﻡ ﺣﺎﺳﺒﺎﺕ ﺗﺎﺧﺮﺕ ﺑﺎﻟﺪﺭﺍﺳﻪ ﻻﻥ ﺑﻄﻠﺖ ﻭﺭﺟﻌﺖ ...
ﻣﺎﻣﺎ ﺗﻮﻓﺖ ﺑﻼﻧﻔﺠﺎﺭ ﺍﻟﺼﺎﺭ ﻣﺎﻝ ﻛﺮﺑﻼﺀ ﺑﻤﻨﻄﻘﻪ ﺍﺳﻤﻬﻪ ﺍﻟﺪﻋﻮﻡ ﻗﺒﻞ ﻣﺎﻧﺪﺧﻞ ﻛﺮﺑﻼﺀ ﺟﺎﻧﺖ ﻣﺎﻣﺎ ﻛﻞ ﺯﻳﺎﺭﻩ ﺍﺭﺑﻌﻴﻦ ﺗﺮﻭﺡ ﻟﻠﻤﻮﻛﺐ ﺗﺎﺧﺬ ﺍﻻﻛﻞ ﺗﻮﺩﻱ ﻭﺗﺮﺟﻊ ﻣﺎﺗﻀﻞ ﻫﻨﺎﻙ ﻻﻥ ﺍﻧﻲ ﺻﻐﻴﺮﻩ ﻭﺍﺿﻞ ﻭﺣﺪﻱ ﺑﺎﻟﺒﻴﺖ ....
ﻋﻨﺪﻱ ﺍﺥ ﻭﺍﺣﺪ ﺍﻛﺒﺮ ﻣﻦ ﻋﻨﺪﻱ ﺑﺴﻨﺘﻴﻦ ﻳﺮﻭﺡ ﻭﻳﻪ ﻣﺎﻣﺎ ﻻﻥ ﻫﻮﺍﻳﻪ ﺗﺎﺧﺬ ﺍﻛﻞ ﺗﻜﻌﺪ ﻣﻦ ﺍﻟﻔﺠﺮ ﺗﺘﻄﺒﺦ ﻟﻠﻤﻮﻛﺐ ﻭﺗﺨﺒﺰ ﺑﻤﻮﺳﻢ ﺍﻟﺰﻳﺎﺭﻩ ....
ﺑﻴﻮﻣﻬﻪ ﺭﺩﺕ ﺍﺭﻭﺡ ﻭﻳﺎﻫﻪ ﻭﻣﺎﻗﺒﻠﺖ ﻛﺎﻟﺖ ﺷﺘﺴﻮﻳﻦ ﺍﺯﺩﺣﺎﻡ ﺑﺲ ﺍﻭﺩﻱ ﺍﻻﻛﻞ ﺍﻧﻲ ﻭﺍﺧﻮﺝ ﻭﻧﺮﺟﻊ ﻣﺎﺗﻜﺪﺭ ﺗﻌﻮﻓﻨﻲ ﻭﺣﺪﻱ ﺧﻠﺘﻨﻲ ﻳﻢ ﺟﻴﺮﺍﻧﻪ ﻭﺭﺍﺣﺖ ....
ﺗﺎﺧﺮﺕ ﻣﺎﻣﺎ ﻫﻮﺍﻱ ﻛﻠﺴﺎﻉ ﺍﺭﻛﺾ ﻟﻠﺒﺎﺏ ﺍﺷﻮﻓﻬﻢ ﻭﻳﻨﻬﻢ ﺑﺎﺑﺎ ﻣﺎﻣﻮﺟﻮﺩ ﻻﻥ ﻳﺪﺍﻭﻡ ﺑﺎﻟﻤﺮﻭﺭ ﻭﻛﻞ ﺯﻳﺎﺭﻩ ﻳﺼﻴﺮ ﺍﻧﺬﺍﺭ ﻭﺩﻭﺍﻣﻬﻢ ﻟﻠﻴﻞ ﻳﻠﻪ ﻳﺨﻠﺺ ﻭﻳﺮﺟﻊ ﺗﻌﺒﺎﻥ ....
ﻛﺎﻋﺪﻩ ﺍﻧﺘﻈﺮ ﻣﺎﻣﺎ ﻭﺍﺳﻤﻊ ﺻﻮﺕ ﺍﻻﻧﻔﺠﺎﺭ ﺍﻟﻲ ﺭﺝ ﺍﻟﺒﻴﻮﺕ ﺭﺝ ﺣﺘﻪ ﺍﻟﺠﺎﻡ ﺗﻜﺴﺮ ﺻﺎﺭ ﺍﻟﺼﻴﺎﺡ ﻭﺍﻟﻬﻮﺳﻪ ﻭﻫﻲ ﻛﺮﺑﻼﺀ ﻣﻨﺎ ﺍﺯﺩﺣﺎﻡ ﺍﻟﻜﻞ ﺭﻛﺾ ﻛﻞ ﺑﻴﺖ ﻃﺎﻟﻊ ﻣﻨﻪ ﻧﻔﺮ ﻟﻮﻧﻔﺮﻳﻦ ﻟﻠﺰﻳﺎﺭﻩ ....
ﺩﻣﻮﻋﻲ ﻛﺎﻣﺖ ﺗﺠﺮﻱ ﻭﺣﺪﻱ ﻛﻠﺒﻲ ﺣﺲ ﺍﻣﻲ ﻭﺍﺧﻮﻳﻪ ﺻﺎﺭﻟﻬﻢ ﺷﻲ ﻣﺎ ﺍﺣﺲ ﻏﻴﺮ ﺑﻴﺖ ﻋﻤﻲ ﻭﻋﻤﺎﺗﻲ ﺍﺟﻦ ﻟﻠﺒﻴﺖ ﻭﻳﺼﻴﺤﻦ ﻭﻳﻠﻄﻤﻦ ...
ﺑﻬﺎﻱ ﺍﻟﻠﺤﻈﻪ ﻣﺎ ﺍﻋﺮﻑ ﺷﻨﻮ ﺻﺎﺭ ﻫﺴﻪ ﺟﻨﺖ ﺍﺳﻮﻟﻒ ﻭﻳﻪ ﻣﺎﻣﺎ ﻭﺗﻌﺎﺭﻛﺖ ﻭﻳﻪ ﺍﺧﻮﻳﻪ ﻣﺤﻤﺪ ﻻﻥ ﻣﺎﻗﺒﻞ ﺍﺭﻭﺡ ﻭﻳﺎﻫﻢ ﻫﺴﻪ ﺟﻨﺖ ﺍﺳﺎﻋﺪ ﻣﺎﻣﺎ ﺑﺎﻟﻄﺒﺦ ...
ﻭﺍﻛﻔﻪ ﺑﻨﺺ ﺍﻟﺸﺎﺭﻉ ﻭﻣﺬﻫﻮﻟﻪ ﺍﺣﺲ ﺍﻧﻲ ﺑﺤﻠﻢ ﻛﺎﺑﻮﺱ ﻭﻣﺎﺟﺎﻱ ﻳﺨﻠﺺ ﻣﺎ ﺣﺴﻴﺖ ﻋﻠﻰ ﻧﻔﺴﻲ ﻭﺍﻛﻌﻪ ﺑﺎﻟﺸﺎﺭﻉ ﻭﺷﺎﻳﻠﻴﻨﻲ ﻟﻠﺒﻴﺖ ...
ﻓﺘﺤﺖ ﻋﻴﻨﻲ ﺍﺷﻮﻑ ﺍﻟﻜﻞ ﺗﻠﻄﻢ ﻭﺗﺼﻴﺢ ﻛﻌﺪﺕ ﻣﺮﻋﻮﺑﻪ ﻣﻦ ﺍﻟﺼﻴﺎﺡ ﺍﺭﻳﺪ ﺍﻣﻲ ﺍﻓﺘﺮ ﺑﺎﻟﺒﻴﺖ ﻭﺍﺻﻴﺢ ﻣﺎﻣﺎ ﻭﻳﻨﺞ ﻣﺤﻤﺪ ﻭﻳﻨﻚ ﺗﻌﺎﻝ ﺑﻌﺪ ﻣﺎ ﺍﺗﻌﺎﺭﻙ ﻭﻳﺎﻙ ﻭﺍﻟﻠﻪ ﻭﻳﻮﻣﻴﻪ ﺍﻏﺴﻞ ﻣﻼﺑﺴﻚ ﺣﺒﺎﺏ ﻣﺤﻤﺪ ﺭﺟﻌﻠﻲ ﺍﻣﻲ ....
ﺍﻧﻬﺎﺭﻳﺖ ﺩﺧﻠﺖ ﺑﺼﺪﻣﻪ ﺿﻠﻴﺖ ﺍﻋﺎﻧﻲ ﻣﻨﻬﻪ ﻃﻮﻝ ﻋﻤﺮﻱ ﺍﺩﻭﺭ ﺑﺎﻟﻮﺟﻮﻩ ﺑﻠﻜﻲ ﺍﺷﻮﻑ ﻣﺎﻣﺎ ﺭﺣﺖ ﻟﻠﻤﻄﺒﺦ ﺍﺑﺎﻭﻉ ﻋﻠﻰ ﺍﻟﻤﻮﺟﻮﺩﺍﺕ ﺑﻠﻜﻲ ﺍﺷﻮﻓﻬﻪ ﻫﻲ ﻛﻞ ﻣﻨﺎﺳﺒﻪ ﻫﻲ ﺗﻠﺰﻡ ﺍﻟﻄﺒﺦ ﻭﻣﺎﺗﻘﺒﻞ ﻭﺣﺪﻩ ﺗﺘﻘﺮﺏ ﻟﻤﻄﺒﺨﻬﻪ ﺩﻛﻮﻝ ﻛﻮﻟﻪ ﻋﻠﻰ ﺍﻳﺪﻱ ﺍﺣﺴﻦ .....
ﻛﻠﺴﺎﻉ ﺍﻭﻛﻊ ﺑﺎﻟﻜﺎﻉ ﻭﻳﺬﺑﻮﻥ ﻋﻠﻴﻪ ﻣﻲ ﻭﻳﻜﻌﺪﻭﻧﻲ ﺍﺳﻤﻊ ﺍﻟﻨﺴﻮﺍﻥ ﻳﻜﻮﻟﻦ ﺧﻄﻴﻪ ﺿﻠﺖ ﻫﺎﻱ ﺍﻟﺒﻨﻴﻪ ﻭﻧﺎﺱ ﺩﻛﻮﻝ ﺧﻄﻴﻪ ﻣﺤﺘﺮﻛﻴﻦ ﻣﺎﻻﻛﻴﻠﻬﻢ ﺍﺛﺮ ﻻﻥ ﺍﻻﻧﻔﺠﺎﺭ ﻳﻢ ﻣﻮﻛﺒﻬﻢ .....
ﻣﺎ ﺍﺭﻳﺪ ﺍﺗﺬﻛﺮﻫﻪ ﻭﻻ ﺍﺭﻳﺪ ﺍﺣﺠﻲ ﻋﻦ ﻫﺎﻱ ﺍﻻﻳﺎﻡ ﺍﻟﻤﺸﺆﺅﻣﻪ ﻻﻥ ﻛﻤﻴﻪ ﺍﻟﻮﺟﻊ ﺍﻟﻲ ﺑﺪﺍﺧﻠﻲ ﻣﺎ ﺍﻟﻬﻪ ﻣﺜﻴﻞ ﺟﻨﺖ ﻣﺪﻟﻠﻪ ﻋﻨﺪ ﺍﻫﻠﻲ ﻭﻣﺤﺪ ﻳﻜﺪﺭ ﻳﺤﺠﻲ ﻭﻳﺎﻱ ﺑﺤﺮﻑ ﺑﻨﺎﺕ ﻋﻤﻲ ﻣﻦ ﻳﺸﻮﻓﻨﻲ ﺗﻜﺘﻠﻬﻦ ﺍﻟﻐﻴﺮﻩ ﺷﻠﻮﻥ ﺍﻟﺒﺲ ﻻﻥ ﺑﺎﺑﺎ ﺧﻴﺮ ﻣﻦ ﺍﻟﻠﻪ ﻭﺍﻧﻲ ﻫﺎﻟﻮﺣﺪﻩ .....
ﺧﻠﺼﺖ ﺍﻟﻔﺎﺗﺤﻪ ﻭﺻﺎﺭ ﺍﻟﻮﺿﻊ ﺍﺳﻮﺀ ﺑﺲ ﺍﻧﻲ ﻭﺑﺎﺑﺎ ﻟﻴﻞ ﻧﻬﺎﺭ ﻧﺒﺠﻲ ﻣﺮﺍﺕ ﺍﻛﻌﺪ ﻧﺺ ﺍﻟﻠﻴﻞ ﺍﺳﻤﻊ ﺻﻮﺕ ﺍﻟﺒﺠﻲ ﻣﻦ ﻏﺮﻓﺘﻬﻢ ....
ﻭﺭﺍ ﻭﻓﺎﻩ ﺍﻣﻲ ﺏ 6 ﺍﺷﻬﺮ ﻋﻤﺎﻣﻲ ﺿﻠﻮ ﻳﺤﺠﻮﻥ ﻋﻠﻰ ﺑﺎﺑﺎ ﻋﻨﺪﻙ ﺑﻨﻴﻪ ﻭﺧﻄﻴﻪ ﻭﺣﺪﻩ ﻭﺗﺤﺘﺎﺝ ﺗﺮﺑﻴﻪ ﻭﺍﻧﺖ ﺭﺟﺎﻝ ﻣﻮﺿﻒ ﺑﻴﺘﻚ ﻓﺎﺭﻍ ﻭﺑﻬﺎﻟﺤﺠﻲ
ﺑﺎﺑﺎ ﺟﺎﻥ ﺭﺍﻓﺾ ﻧﻬﺎﺋﻲ ﻭﻣﺘﺨﺒﻞ ﻣﻦ ﻓﻜﺮﻩ ﺍﻟﺰﻭﺍﺝ ﺑﺲ ﺑﻌﺪ ﺍﻟﻤﻠﺤﻪ ﺍﻟﺰﺍﻳﺪﻩ ﻭﺷﺎﻑ ﺍﻟﻮﺿﻊ ﺻﺪﻙ ﺍﻧﻲ ﻭﺣﺪﻱ ﻭﻟﺸﻮﻛﺖ ﺍﺿﻞ ﻳﻢ ﺍﻟﺠﻴﺮﺍﻥ ....
ﺭﺍﺣﻦ ﻋﻤﺎﺗﻲ ﺧﻄﺒﻦ ﻟﺒﺎﺑﺎ ﻭﺣﺪﻩ ﻣﻦ ﻛﺮﺍﻳﺒﻬﻢ ﺍﺳﻤﻬﻪ ﻣﻨﺎﻝ ﻣﻦ ﺍﻭﻝ ﺍﺳﺒﻮﻉ ﺷﺪﺕ ﻭﻳﺎﻱ ﻛﻞ ﻣﺎ ﻳﻄﻠﻊ ﺑﺎﺑﺎ ﻟﻠﺪﻭﺍﻡ ﺗﻠﺰﻡ ﺍﻟﻌﻮﺩﻩ ﻭﺗﻮﻛﻒ ﻋﻠﻰ ﺭﺍﺳﻲ ﺗﻌﺎﻟﻲ ﺍﺷﺘﻐﻠﻲ ﻭﻛﻠﻤﺎ ﺍﻗﺼﺮ ﺑﺎﻟﺸﻐﻞ ﺗﻀﺮﺑﻨﻲ ﻋﻠﻰ ﺭﺟﻠﻴﻪ ﻭﺍﻧﻲ ﺑﻌﺪﻧﻲ ﺑﺎﻟﻤﺘﻮﺳﻄﻪ ....
ﻭﺻﻠﺖ ﻟﻤﺮﺣﻠﻪ ﺍﻛﻌﺪ ﺑﺎﻟﻜﺎﻉ ﺍﻛﻮﻡ ﺍﻋﻴﻂ ﻣﻦ ﺍﻻﻟﻢ ﻭﺗﻬﺪﺩﻧﻲ ﺍﺫﺍ ﻛﻠﺖ ﻟﺒﺎﺑﺎ ﺗﺠﻮﻳﻨﻲ ﺣﻴﻞ ﺟﻨﺖ ﺍﺧﺎﻑ ﻣﻨﻬﻪ ﺑﺤﻴﺚ ﺻﻮﺗﻲ ﻣﺎﻳﻨﺴﻤﻊ ....
ﻃﻔﻠﻪ ﺑﺮﻳﺌﻪ ﻣﺪﻟﻠﻪ ﺍﻣﻬﻪ ﻭﺍﺑﻮﻫﻪ ﺑﻠﺤﻈﻪ ﺗﻔﻘﺪ ﺍﺣﺒﺎﺑﻬﻪ ﺑﻌﺪﻫﻪ ﺍﺛﺮ ﺍﻟﺼﺪﻣﻪ ﺑﻴﻪ ﻣﺮﺍﺕ ﺍﻛﻌﺪ ﺑﻨﺺ ﺍﻟﻠﻴﻞ ﺍﻓﺘﺮ ﺑﺎﺭﻛﺎﻥ ﺍﻟﺒﻴﺖ ﻭﺍﺣﺎﺟﻲ ﻣﺎﻣﺎ ﺍﺗﺨﻴﻠﻬﻪ ﺗﺴﻤﻌﻨﻲ ...
ﻣﺮﻩ ﻣﻦ ﺍﻟﻤﺮﺍﺕ ﻣﻨﺎﻝ ﻛﺎﻟﺘﻠﻲ ﺍﻧﺸﺮﻱ ﺍﻟﻤﻼﺑﺲ ﺑﺮﺍ ﻭﻧﺴﻴﺖ ﻻﻥ ﺟﺎﻥ ﻋﻨﺪﻱ ﺍﻣﺘﺤﺎﻥ ﻭﺿﻠﻴﺖ ﺍﻗﺮﻩ ﻭﺭﺍ ﺷﻮﻳﻪ ﺍﺟﺖ ﻭﻟﻜﺘﻨﻲ ﻛﺎﻋﺪﻩ ....
ﻛﻞ ﺿﺮﺑﻪ ﺗﻀﺮﺑﻬﻪ ﺍﺣﺲ ﺍﻟﺠﻠﺪ ﻳﻨﺸﺎﻝ ﻭﻳﻪ ﺍﻟﻌﻮﺩﻩ ﻛﻤﺖ ﺍﻛﻤﺰ ﺑﺎﻟﺒﻴﺖ ﻭﻫﻲ ﺗﻀﺮﺏ ﺑﻴﻪ ﺗﺨﺒﻠﺖ ﺍﺭﻳﺪ ﺍﻧﻬﺰﻡ ﻣﺎﻛﻮ ﻣﻨﻔﺬ ﻻﺯﻣﻪ ﻋﻮﺩﻩ ﺧﻀﺮﻩ ﻭﺗﻤﻠﺦ ﺑﻠﺠﺪﻱ ....
ﺑﻬﺎﻱ ﺍﻟﻠﺤﻈﻪ ﺩﺧﻞ ﺑﺎﺑﺎ ﻋﻨﺪﻩ ﺷﻐﻠﻪ ﻭﺭﺍﺟﻊ ﻫﻮ ﺷﺎﻓﻬﻪ ﻫﻴﺞ ﺗﺨﺒﻞ ﻋﻠﻴﻬﻪ ﺑﺪﻭﻥ ﻣﻘﺪﻣﺎﺕ ﻧﺰﻉ ﺍﺣﺰﺍﻣﻪ ﻭﻳﻜﺘﻞ ﺑﻴﻬﻪ ﻣﻮﺗﻬﻪ ﺗﻤﻮﺕ ﺟﺮﻫﻪ ﻣﻦ ﺷﻌﺮﻫﻪ ﻭﻳﻐﻠﻂ ﻭﻳﺼﻴﺢ ...
ﺍﻭﻝ ﻣﺮﻩ ﺍﺷﻮﻑ ﺑﺎﺑﺎ ﻫﻴﺞ ﻋﺼﺒﻲ ﻣﺎﻳﻮﻡ ﺷﻔﺘﻪ ﻣﺪ ﺍﻳﺪﻩ ﻋﻠﻰ ﻣﺎﻣﺎ ﺟﺎﻧﺖ ﻣﻦ ﺗﻨﺠﺮﺡ ﺑﺎﻟﻤﻄﺒﺦ ﻟﻮ ﺗﻨﺠﻮﻱ ﺍﺷﻮﻓﻪ ﻳﺠﻲ ﻳﺒﻮﺱ ﻣﻜﺎﻥ ﺍﻟﻲ ﺗﻌﻮﺭﺕ ﺑﻲ ﻭﻳﻜﻮﻟﻬﻪ ﺑﻴﻪ ﻭﻻﺑﻴﺞ ....
ﻳﻀﺮﺏ ﺑﻴﻬﻪ ﻭﻫﻲ ﺗﺼﻴﺢ ﺩﻛﻮﻟﻪ ﺍﺭﻳﺪ ﺍﺭﺑﻴﻬﻪ ﺟﺎﻥ ﺟﺎﺑﺘﻠﻚ ﺑﻠﻮﻩ ﻟﻜﻴﺘﻬﻪ ﺻﺎﻋﺪﻩ ﻋﻠﻰ ﺍﻟﺴﻄﺢ ﻭﺗﺤﺠﻲ ﻭﻱ ﻭﻟﺪ ﺑﻴﺘﻬﻢ ﻭﺭﺍﻧﻪ ....
ﺗﺨﺒﻠﺖ ﺍﺩﺍﻓﻊ ﻋﻦ ﻧﻔﺴﻲ ﻭﺍﺣﻠﻒ ﻻﺑﺎﺑﺎ ﻭﺍﻟﻠﻪ ﻣﺎ ﺳﻮﻳﺖ ﻫﻴﺞ ﻭﻫﻲ ﺗﺤﻠﻒ ﺷﺎﻓﺘﻨﻲ ﺟﺮﻫﻪ ﻣﻦ ﺷﻌﺮﻫﻪ ﻭﺷﻤﺮﻫﻪ ﺑﻠﻐﺮﻓﻪ ...
ﺍﻧﻲ ﺭﺟﻠﻴﻪ ﻣﺎﻳﺴﺎﻋﺪﻧﻲ ﺍﻛﻮﻡ ﻛﻌﺪﺕ ﻋﻠﻰ ﺍﻟﺪﺭﺝ ﻭﺑﺠﻴﺖ ﺑﺤﺮﻗﻪ ﺍﺭﻳﺪ ﺍﻣﻲ ﺍﺭﻳﺪ ﻣﺤﻤﺪ ﺍﺧﻮﻳﻪ ﺷﻔﺖ ﺑﺎﺑﺎ ﻃﻠﻊ ﻣﻦ ﺍﻟﻐﺮﻓﻪ ﻭﺍﺟﻪ ﻋﻠﻴﻪ ﺟﻨﺖ ﻛﺎﻋﺪﻩ ﻋﻠﻰ ﺍﻟﺪﺭﺟﻪ ﺍﻟﺜﺎﻧﻴﻪ ﺍﺟﻪ ﻛﻌﺪ ﻛﺒﺎﻟﻲ ﻭﻟﺰﻡ ﺍﻳﺪﻳﻨﺎﺗﻲ ﻭﺑﺎﺳﻬﻦ ....
ﻋﻤﺮﻱ ﻣﺎﺭﺍﺡ ﺍﻧﺴﻰ ﻫﺬﺍ ﺍﻟﻤﻮﻗﻒ ﻭﻻ ﺍﻧﺴﻰ ﻫﺎﻱ ﺍﻟﻠﺤﻈﻪ ﻣﺪ ﺍﻳﺪﻩ ﻣﺴﺢ ﺩﻣﻮﻋﻲ ﻭﺑﺎﺳﻨﻲ ﻣﻦ ﺭﺍﺳﻲ ﻭﻛﺎﻝ ...
... ﻳﺎﺑﻨﺘﻲ ﺍﻧﻲ ﻏﻠﻄﺖ ﻣﻦ ﺍﺗﺰﻭﺟﺖ ﻭﺟﺒﺖ ﻭﺣﺪﻩ ﺍﺑﻴﺖ ﺍﻣﺞ ﺍﻟﻠﻪ ﻳﺮﺣﻤﻬﻪ ﺑﺲ ﻛﻠﺖ ﺗﺤﺘﺎﺟﻴﻬﻪ ﻏﻠﻄﺖ ﻣﻦ ﻋﻔﺘﻬﻪ ﻭﺭﺍ ﺍﻫﻠﻲ ﻻﻥ ﻏﻴﺮ ﺍﻣﺞ ﻣﺎﺗﺤﻠﻰ ﻣﺮﻩ ﺑﻌﻴﻨﻲ ...
ﻳﺎ ﺳﻤﺮﻩ ﻳﺎﻟﻬﻨﺪﻳﻪ ﺍﻟﻲ ﻳﺮﺷﺞ ﺑﻤﻲ ﺍﺭﺷﻪ ﺑﺘﻴﺰﺍﺏ ﻭﺍﺣﺮﻛﻪ ﻣﺪﺍﻡ ﺍﺑﻮﺝ ﻳﺸﻢ ﺍﻟﻬﻮﻩ ﺭﺍﺳﺞ ﻣﺮﻓﻮﻉ ﻭﻣﺪﻟﻠﻪ ﺗﻀﻠﻴﻦ ...
ﺷﻠﻮﻥ ﻣﺎﺗﺤﺠﻴﻠﻲ ﻭﺗﺨﻠﻴﻬﻪ ﻫﻴﺞ ﺗﺴﻮﻱ ﻭﺳﺎﻛﺘﻪ ﺟﺎﻥ ﻣﻦ ﺍﻭﻝ ﻳﻮﻡ ﻭﻛﻔﺘﻬﻪ ﻋﻨﺪ ﺣﺪﻫﻪ ﺍﻧﻲ ﺭﺟﺎﻝ ﻣﺎ ﺍﺟﻲ ﻟﻴﻞ ﺷﻤﺪﺭﻳﻨﻲ ﺷﻴﺼﻴﺮ ﻭﺭﺍﻱ ....
... ﺑﺎﺑﺎ ﺗﻬﺪﺩﻧﻲ ﺩﻛﻮﻝ ﺍﺟﻮﻳﺞ ﻭﺩﻛﻮﻝ ﺍﻧﺖ ﻛﺎﻳﻠﻬﻪ ﺭﺑﻴﻬﻪ ...
... ﻛﻮﻣﻲ ﻳﺎﺑﻨﺘﻲ ﻫﺎﻱ ﻛﻠﺸﻲ ﺍﺗﻮﻗﻊ ﻣﻨﻬﻪ ﻛﻮﻣﻲ ﺍﻟﻴﻮﻡ ﺍﻧﺎﻡ ﺑﻐﺮﻓﺘﺞ ﻭﺑﺎﺟﺮ ﺍﻭﺩﻳﻬﻪ ﻻﻫﻠﻬﻪ ﻭﺍﻃﻠﻜﻬﻪ ﻫﺴﻪ ﺭﺍﺡ ﺍﺭﺟﻊ ﻟﻠﺪﻭﺍﻡ ...
ﻭﺍﺭﻳﺪﺝ ﺗﺸﺪﻳﻦ ﺣﻴﻠﺞ ﻭﺗﻨﺘﺒﻬﻴﻦ ﻋﻠﻰ ﺩﺭﺍﺳﺘﺞ ﺭﺣﺖ ﺳﺄﻟﺖ ﻋﻠﻴﺞ ﻛﺎﻟﻮﺍ ﻣﺴﺘﻮﺍﻫﻪ ﻣﺘﺮﺍﺟﻊ ﻭﺍﻧﺘﻲ ﻃﺎﻟﺒﻪ ﺛﺎﻟﺚ ﻣﺘﻮﺳﻂ ﻭﻭﺭﺍﺝ ﺑﻜﻠﻮﺭﻳﺎ ....
ﺑﻬﺎﻱ ﺍﻟﻠﻴﻠﻪ ﻧﻤﺖ ﻳﻢ ﺑﺎﺑﺎ ﺷﻜﺪ ﺗﻤﻌﻨﺖ ﺑﺸﻜﻠﻪ ﻣﻦ ﻭﺭﺍ ﻭﻓﺎﻩ ﺍﻣﻲ ﻭﺍﺧﻮﻳﻪ ﺗﻌﺐ ﺣﻴﻞ ﺣﺘﻪ ﺷﻜﻠﻪ ﻣﺘﻐﻴﺮ ﺩﺍﻫﻤﻨﻲ ﺍﻟﻨﻌﺎﺱ ﻭﻏﻔﻴﺖ ....
ﻓﺰﻳﺖ ﺍﻟﺼﺒﺢ ﺑﺎﻭﻋﺖ ﻟﻠﺴﺎﻋﻪ ﺏ 8 ﻭﺑﺎﺑﺎ ﻧﺎﻳﻢ ﻋﺰﺍﺍﺍ ﺭﺍﺡ ﺍﻟﺪﻭﺍﻡ ﻣﺎﻟﺘﻪ ﻛﻌﺪﺗﻪ ﻋﻠﻰ ﺍﻟﺴﺮﻳﻊ ﺑﺎﺑﺎ ﺍﻛﻌﺪ ﺍﻟﺴﺎﻋﻪ ﺏ 8 ....
ﺍﻛﻌﺪ ﺑﻲ ﻣﺎﻛﻮ ﺍﺑﺪ ﻣﺎﻳﺘﺤﺮﻙ ﺟﺜﻪ ﻫﺎﻣﺪﻩ ﺍﻫﺰ ﺑﻲ ﺑﻘﻮﻩ ﻭﺍﺻﻴﺢ ﺑﺎﺑﺎ ﻻﺗﺸﺎﻗﻪ ﻫﻴﺞ ﺣﺒﺎﺏ ....
ﻣﻨﺎﻝ ﺳﻤﻌﺖ ﺻﻮﺗﻲ ﻋﺎﻟﻲ ﺍﺟﺖ ﺗﺮﻛﺾ ﺍﻧﻬﺰ ﺑﻲ ﻣﺎﻛﻮ ﺍﻱ ﺭﺩ ﻓﻌﻞ ...
ﻋﺮﻓﺖ ﻣﻦ ﻫﺎﻱ ﺍﻟﻠﺤﻈﻪ ﻭﻫﺬﺍ ﺍﻟﻤﻜﺎﻥ ﺧﺴﺮﺕ ﺑﺎﺑﺎ ﻣﺎ ﻃﻮﻝ ﺳﻨﻪ ﻭﺭﺍ ﺣﺒﻴﺒﺘﻪ ﻭﺭﺍﺡ ﻭﻋﺎﻓﻨﻲ ....
ﻣﻦ ﻫﺎﻱ ﺍﻟﻠﺤﻈﻪ ﺍﻧﺤﻜﻢ ﻋﻠﻴﻪ ﺑﺎﻟﻤﻮﺕ ﻭﺍﻧﻲ ﺍﺧﺬ ﺍﻟﻨﻔﺲ ﺍﻧﺘﻬﻴﺖ ﺍﻧﻬﺎﺭﻳﺖ ﺍﻟﻄﻢ ﺍﺿﺮﺏ ﺻﺪﺭﻱ ﻛﻤﺖ ﺍﺿﺮﺏ ﺭﺍﺳﻲ ﺑﺎﻟﺤﺎﻳﻂ ﺍﺭﻳﺪ ﺍﺳﺘﻮﻋﺐ ﺍﻟﺼﺎﺭ ﺑﺴﻨﻪ ﻭﺣﺪﻩ ﻣﺎ ﺍﻛﺪﺭ ....
ﻋﺎﺋﻠﺘﻲ ﻛﻠﻬﻪ ﺧﺴﺮﺗﻬﻪ ﺿﻠﻴﺖ ﺑﺲ ﺍﻧﻲ ﺍﺻﺎﺭﻉ ﺍﻟﺤﻴﺎﺓ ﺍﻟﻤﺮﻩ ....
ﺧﻠﺼﺖ ﺍﻟﻔﺎﺗﺤﻪ ﻭﺑﺲ ﺍﻧﻲ ﻭﻣﻨﺎﻝ ﺑﺎﻟﺒﻴﺖ ﻣﺎ ﺗﺄﺛﺮﺕ ﺍﺑﺪ ﻭﻛﺄﻧﻮﺍ ﺷﻲ ﻋﺎﺩﻱ ﺍﺻﻔﻦ ﻋﻠﻰ ﺣﺎﻟﺘﻲ ﺷﻠﻮﻥ ﺭﺍﺡ ﺍﻭﺍﺟﻪ ﻣﻨﺎﻝ ﻭﺍﻋﻴﺶ ﻭﻳﺎﻫﻪ ...
ﺑﻌﺪ ﺍﺭﺑﻌﻴﻦ ﺑﺎﺑﺎ ﺍﺟﺘﻤﻌﻮﺍ ﻋﻤﺎﻣﻲ ﻭﻋﻤﺎﺗﻲ ﻋﻠﻰ ﺑﻴﻊ ﺍﻟﺒﻴﺖ ﻭﻳﺎﺧﺬﻭﻥ ﺣﺼﺼﻬﻢ ﺍﻧﻲ ﻻ ﺣﻮﻝ ﻭﻻﻗﻮﻩ ﺑﺲ ﺍﺑﺎﻭﻉ ﺑﻌﻴﻮﻧﻲ ...
ﻋﻨﺪﻱ ﻋﻤﺎﻡ ﺍﺛﻨﻴﻦ ﻭﺍﺣﺪ ﺍﺧﺬﻫﻦ ﻭﺳﺎﻓﺮ ﻫﻮ ﻭﻋﺎﺋﻠﺘﻪ ﻭﻋﻤﺎﺗﻲ ﻛﺬﻟﻚ ﺷﺎﻟﻦ ﻟﻐﻴﺮ ﻣﻨﻄﻘﻪ ﻭﻣﻨﺎﻝ ﺍﺧﺬﺕ ﺣﺼﺘﻬﻪ ﻭﻋﻨﺪﻱ ﻋﻢ ﻭﺍﺣﺪ ﻣﺎﻣﺘﺰﻭﺝ ﺍﺳﻤﻪ ﺟﺎﺳﻢ ﺟﺎﻥ ﺍﺳﻴﺮ ﺑﺤﺮﺏ ﺍﻳﺮﺍﻥ ....
ﺟﻨﺖ ﺍﺷﻮﻓﻪ ﻋﻼﻗﺘﻪ ﻗﻮﻳﻪ ﺑﻤﻨﺎﻝ ﺑﺲ ﺧﻠﺼﺖ ﺍﻟﻌﺪﻩ ﻓﺠﺮﻭﺍ ﻗﻨﺒﻠﻪ ﺑﺤﺠﻪ ﻣﺴﻚ ﻭﻳﻦ ﺗﺮﻭﺡ ﺟﺎﺳﻢ ﻳﺘﺰﻭﺝ ﻣﻨﺎﻝ ﻭﺍﻋﻴﺶ ﻋﺪﻫﻢ ﻭﻫﻮ ﻋﻤﻲ ﻭﻣﺴﺆﺅﻝ ﻋﻨﻲ ﻭﺍﻭﻟﻬﻪ ﻭﺗﺎﻟﻴﻬﻪ ﻣﺮﺟﻌﻲ ﺍﻟﻬﻢ ....
ﺍﺗﻤﻨﻴﺖ ﺧﻮﺍﻟﻲ ﻳﺠﻮﻥ ﻳﺎﺧﺬﻭﻧﻲ ﺑﺲ ﻛﻠﻬﻢ ﺳﺎﻓﺮﻭﺍ ﺧﺎﺭﺝ ﺍﻟﻌﺮﺍﻕ ﻻﻥ ﺟﺎﻧﻮﺍ ﺑﺎﻟﻨﻈﺎﻡ ﺍﻟﺴﺎﺑﻖ ﻭﻣﻄﻠﻮﺑﻴﻦ ﻭﺧﺎﻻﺕ ﻣﺎﻋﻨﺪﻱ ...
ﺑﺪﺕ ﺭﺣﻠﻪ ﻣﻌﺎﻧﺎﺗﻲ ﻭﻳﻪ ﺟﺎﺳﻢ ﺍﻻﺳﻴﺮ ﻭﻣﻨﺎﻝ ﺍﻟﻲ ﺑﻴﻬﻪ ﺍﻧﻔﺼﺎﻡ ﺑﺎﻟﺸﺨﺼﻴﻪ ﻋﻨﺪﻱ ﺟﺪﻭﻝ ﻻﺯﻡ ﻳﻮﻣﻴﻪ ﺍﻧﻜﺘﻞ ﻻﺯﻡ ﻳﻮﻣﻴﻪ ﺍﺗﻌﺎﻗﺐ ﺑﻄﻠﻮﻧﻲ ﻣﻦ ﺍﻟﻤﺪﺭﺳﻪ ﺧﻠﻮﻧﻲ ﺑﺲ ﻟﻠﺨﺪﻣﻪ ﻭﺍﻟﻐﻠﻂ ﻭﺍﻟﻔﺸﺎﺭ ....
ﻣﺎﻋﻨﺪﻱ ﻣﻠﺠﺄ ﻭﺣﺘﻪ ﺍﺫﺍ ﺍﺳﻮﻟﻒ ﻣﺤﺪ ﻳﺴﺎﻋﺪﻧﻲ ﻻﻥ ﻋﻤﻲ ﻫﻮ ﺍﻟﻠﻪ ﻋﺎﻗﺒﻨﻲ ﺑﻌﺎﺋﻠﻪ ﻣﺮﻳﻀﻪ ﻣﺮﺍﺕ ﻳﻜﻌﺪﻭﻥ ﺍﺛﻨﻴﻨﻬﻢ ﻳﺘﻌﺎﺭﻛﻮﻥ ﻭﺍﺣﺪ ﻳﻜﺘﻞ ﺍﻟﺜﺎﻧﻲ ﻟﺤﺪ ﻣﺎﻳﺘﻌﺒﻮﻥ ....
ﺻﺮﺕ ﺗﺤﺖ ﺭﺣﻤﻪ ﺍﻳﺪ ﻣﻨﺎﻝ ﻭﺟﺎﺳﻢ ﺍﻟﺴﻜﻴﺮ ﻣﺮﺍﺕ ﻳﺠﻴﺐ ﺷﺮﺏ ﻟﻠﺒﻴﺖ ﻳﺸﺮﺏ ﻫﻮ ﻭﻣﻨﺎﻝ ﺍﻧﻲ ﺍﺭﻛﺾ ﺍﻗﻔﻞ ﺍﻟﺒﺎﺏ ﻋﻠﻴﻪ ﺍﺧﺎﻑ ﻣﻨﻬﻢ ﺍﺳﻤﻊ ﺧﺮﺑﻄﺘﻬﻢ ﻣﺎﻝ ﺍﻟﺴﻮﺍﻟﻒ ﻣﺠﺎﻧﻴﻦ ....
ﺻﺎﺭ ﻋﻤﺮﻱ 17 ﺳﻨﻪ ﻭﺍﻧﻲ ﺟﻠﺪ ﻋﻠﻰ ﻋﻈﻢ ﺗﻌﺒﺎﻧﻪ ﺣﻴﻞ ﺷﻜﺪ ﺍﺩﺍﻓﻊ ﻋﻦ ﻧﻔﺴﻲ ﺑﺲ ﺑﺪﻭﻥ ﻓﺎﻳﺪﻩ ....
ﺍﻟﻰ ﺍﻥ ﺍﺟﻪ ﻳﻮﻡ ﻛﻠﺖ ﻻﺯﻡ ﺍﺧﻠﻲ ﺣﺪ ﻟﻮ ﻋﺪﻟﻪ ﻟﻮﻣﻴﺘﻪ ﻣﺎ ﺍﺳﻤﺢ ﺍﻋﻴﺶ ﺑﻬﻴﺞ ﻭﺿﻊ ﺗﻌﺎﺭﻛﺖ ﻭﻳﻪ ﻣﻨﺎﻝ ﻭﻟﺰﻣﻮﻧﻲ ﻫﻲ ﻭﺟﺎﺳﻢ ﻣﺎﺧﻠﻮ ﺷﻲ ﺻﺎﺣﻲ ﺑﻴﻪ ....
ﺧﻠﻴﺘﻬﻢ ﻳﻀﺮﺑﻮﻧﻲ ﺣﺘﻪ ﺍﻧﻔﺬ ﻏﺎﻳﺘﻲ ﻟﺤﺪﻣﺎ ﺷﺎﻓﻮﻧﻲ ﺍﻧﻐﻤﻰ ﻋﻠﻴﻪ ﻳﻠﻪ ﺑﻄﻠﻮﺍ ....
ﺑﺲ ﺍﻧﺘﺒﻬﺖ ﻛﻤﺖ ﻣﻦ ﻣﻜﺎﻧﻲ ﻫﻢ ﻧﺎﻳﻴﻤﻴﻦ ﻇﻬﺮﻳﻪ ﺷﻬﺮ 7 ﺍﻟﺴﺎﻋﻪ ﺏ 1 ﻭﻧﺺ ﻟﺒﺴﺖ ﻧﻌﺎﻟﻲ ﻭﺷﺎﻟﻲ ﻭﺭﻛﻀﺖ ﺑﻤﻼﺑﺲ ﺍﻟﺒﻴﺖ ....
ﺟﺎﻥ ﺍﻛﻮ ﻣﺮﻛﺰ ﺷﺮﻃﻪ ﻗﺮﻳﺐ ﻋﻠﻴﻨﻪ ﺑﺲ ﻭﺻﻠﺖ ﻟﻠﻤﺮﻛﺰ ﻧﺰﻋﺖ ﻧﻌﺎﻟﻲ ﻭﻃﺒﻴﺖ ﺣﺎﻓﻴﻪ ﻭﺭﺟﻠﻴﻪ ﺍﺗﺠﻮﺕ ﻣﻦ ﺍﻟﺤﺮﺍﺭﻩ ....
ﺷﺎﻓﻨﻲ ﺍﻟﺸﺮﻃﻲ ﺳﻮﻟﻔﺘﻠﻪ ﺍﺧﺬﻧﻲ ﻗﺪﻣﺖ ﺑﻼﻍ ﺑﻠﺤﻈﺘﻪ ﻃﻠﻌﺖ ﺩﻭﺭﻳﻪ ﺍﻋﺘﻘﻠﻮﺍ ﺟﺎﺳﻢ ﻭﻣﻨﺎﻝ ....
ﺟﻨﺖ ﻭﺍﻛﻔﻪ ﻭﺍﺷﻮﻑ ﺍﻟﺸﺮ ﻳﻄﺎﻳﺮ ﻣﻦ ﻋﻴﻮﻧﻪ ﻭﻳﺘﻮﻋﺪﻟﻲ ....
ﻣﻦ ﻫﺎﻱ ﺍﻟﻠﺤﻈﻪ ﺳﺠﻨﻬﻬﻢ ﺍﻟﻘﺎﺿﻲ ﻟﺤﺪ ﺍﻟﻤﺤﺎﻛﻤﻪ ﻭﺧﻼﻫﻢ ﻳﻜﺘﺒﻮﻥ ﺗﻌﻬﺪ ﺍﻱ ﺿﺮﺑﻪ ﺍﺗﻌﺮﺿﻠﻬﻪ ﺣﺘﻠﻮ ﺍﺣﺠﺎﺭﻩ ﻣﻦ ﺍﻟﺸﺎﺭﻉ ﻳﺎﺧﺬﻭﻫﻢ ﻟﻠﺴﺠﻦ ....
ﻭﺭﺍﻫﻪ ﻣﺎ ﺍﻛﻮﻝ ﺗﻐﻴﺮﻭﺍ ﺑﺲ ﻗﻠﻮﺍ ﻣﺎﻛﺎﻣﻮﺍ ﻳﻀﺮﺑﻮﻥ ﺑﺲ ﺳﺐ ﻭﻏﻠﻂ ﺑﺲ ﻣﺎﻛﻮ ﻋﻨﻒ ....
ﻛﻠﻤﺎ ﻳﺘﻬﺠﻤﻮﻥ ﻋﻠﻴﻪ ﺍﻫﺪﺩﻫﻢ ﺍﺷﺘﻜﻲ ﻋﻠﻴﻬﻢ ﺑﺲ ﻣﺎﻓﺎﺩ ﻟﺰﻣﻮﻧﻲ ﻣﻦ ﺍﻳﺪﻱ ﺍﻟﺘﻮﺟﻌﻨﻲ ﻭﻫﻲ ﺩﺭﺍﺳﺘﻲ ﻻﻥ ﺍﻟﻘﺎﺿﻲ ﺷﺮﻁ ﻣﺎ ﻳﻄﻠﻌﻮﻥ ﻣﻦ ﺍﻟﺴﺠﻦ ﺍﺫﺍ ﻣﺎ ﺍﻛﻤﻞ ﺩﺭﺍﺳﻪ ....
ﺑﺴﺒﻴﻞ ﺍﻟﺪﺭﺍﺳﻪ ﺍﺗﺤﻤﻠﺖ ﺍﺷﻜﺎﻝ ﺍﻋﺮﻑ ﻣﺠﺮﺩ ﺷﻬﺎﺩﻩ ﺑﺎﻟﻌﺮﺍﻕ ﻭﺗﻌﻴﻴﻦ ﻣﺎﻛﻮ ﺑﺲ ﺍﻟﻲ ﻣﺜﻞ ﺣﺎﻟﺘﻲ ﻣﺎﺗﻔﻜﺮ ﻏﻴﺮ ﺑﺲ ﺑﺎﻟﻤﺴﺘﻘﺒﻞ ﺷﻜﺪ ﺣﺎﻭﻟﻮ ﻳﺰﻭﺟﻮﻧﻲ ﺑﺲ ﺍﺭﻓﺾ ﻛﻮﻣﻪ ﻛﺘﻞ ﺍﺣﺼﻞ ﺑﺲ ﻣﺎﺳﻤﺤﺖ ﺍﻛﻮﻥ ﻋﺒﺪﻩ ﺟﻮﻩ ﺍﻳﺪﻫﻢ ﻭﻳﺘﺤﻜﻤﻮﻥ ﺑﻴﻪ ....
ﻛﻤﻠﺖ ﺍﻻﻋﺪﺍﺩﻳﻪ ﺑﺲ ﺷﻔﺖ ﺍﻟﻮﻳﻞ ﻃﻠﻌﺖ ﻣﻌﺪﻝ ﺑﺎﻟﺴﺎﺩﺱ ﻋﻠﻤﻲ 94 ﺍﻟﻤﻔﺮﻭﺽ ﺍﻧﻘﺒﻞ ﻣﺠﻤﻮﻋﻪ ﻃﺒﻴﻪ ﺑﺲ ﺟﺎﺳﻢ ﺍﻟﺤﻘﻴﺮ ﺍﺧﺬ ﺍﻻﺳﺘﻤﺎﺭﻩ ﺑﻌﺪ ﻣﺎﻣﻠﻴﺘﻬﻪ ﻭﻣﺎ ﺍﺩﺭﻱ ﺷﻤﺴﻮﻱ ﺑﻴﻬﻪ ﺑﺤﺠﻪ ﻫﻮ ﻳﻘﺪﻣﻬﻪ ﻣﺎﻗﺒﻞ ﺍﻃﻠﻊ ....
ﻣﻦ ﻃﻠﻌﺖ ﺍﻟﻘﺒﻮﻻﺕ ﺟﺎﻧﺖ ﺍﻟﺼﺪﻣﻪ ﺍﻟﺜﺎﻧﻴﻪ ﺑﻌﺪ ﻭﻓﺎﻩ ﺑﺎﺑﺎ ﻭﻣﺎﻣﺎ ﻃﻠﻊ ﻗﺒﻮﻟﻲ ﺟﺎﻣﻌﻪ ﻛﺮﺑﻼﺀ ﻋﻠﻮﻡ ﺣﺎﺳﺒﺎﺕ ﺍﻧﻔﻌﻠﺖ ﺣﻴﻞ ﺍﻧﻬﺎﺭﻳﺖ ﺣﺴﻴﺖ ﻣﺴﺘﻘﺒﻠﻲ ﺍﻧﺘﻬﻰ ﺷﻜﺪ ﺳﻬﺮﺕ ﻭﺗﻌﺒﺖ ﺗﺎﻟﻲ ﺗﻌﺒﻲ ﺭﺍﺡ ﺍﺑﻼﺵ ....
ﺑﻮﻗﺘﻬﻪ ﺭﺩﺕ ﺍﺣﺮﻙ ﺍﻟﺒﻴﺖ ﻋﻠﻴﻬﻢ ﺣﺘﻪ ﻧﻔﻂ ﺭﺷﻴﺖ ﺑﺎﻟﺒﻴﺖ ﺣﺴﻴﺖ ﻧﻔﺴﻲ ﺑﺪﻭﻥ ﻋﻘﻞ ﺗﻌﺒﻲ ﻭﺳﻬﺮﻱ ﺷﻜﺪ ﺍﻛﻠﺖ ﻛﺘﻞ ﺑﺴﺒﻴﻞ ﺍﻭﺻﻞ ﻭﺍﺣﻘﻖ ﺣﻠﻤﻲ 3 ﺳﻨﻮﺍﺕ ﺍﻧﻲ ﺍﺩﺍﻭﻡ ﺑﺼﺪﺭﻳﻪ ﻭﺣﺪﻩ ﻭﻗﻤﻴﺺ ﻭﺍﺣﺪ ﺟﻮﺍﺭﻳﺐ ﺣﺴﺮﻩ ﻋﻠﻴﻪ ﺍﻟﺒﺲ ﻣﺜﻞ ﺍﻟﺒﻨﺎﺕ ....
ﺣﺒﺴﻮﻧﻲ ﺑﻠﻐﺮﻓﻪ ﻳﻮﻣﻴﻦ ﻣﺎ ﺍﻃﻠﻊ ﻻﻥ ﺷﺎﻓﻮﻧﻲ ﻣﻨﻔﻌﻠﻪ ﻭﺍﺣﺘﻤﺎﻝ ﺍﺳﻮﻱ ﻣﺼﻴﺒﻪ ﻣﺎﻋﻨﺪﻱ ﻏﻴﺮ ﺣﻞ ﺭﺿﻴﺖ ﺑﺎﻟﻤﻘﺴﻮﻡ ﻭﺷﻜﺎﺗﺐ ﺭﺏ ﺍﻟﻌﺎﻟﻤﻴﻦ ﺍﺷﻮﻑ ...
ﺩﺍﻭﻣﺖ ﺑﺠﺎﻣﻌﻪ ﻛﺮﺑﻼﺀ ﻣﺎﻟﻲ ﻭﺍﻫﺲ ﺍﻛﺮﻩ ﺍﻟﻘﺴﻢ ﻣﻦ ﺍﺷﻮﻑ ﺟﻤﺎﻋﻪ ﺍﻟﻄﺒﻴﻪ ﺗﺘﺠﻤﻊ ﺍﻟﺪﻣﻮﻉ ﺑﻌﻴﻮﻧﻲ ﺍﻟﻤﻔﺮﻭﺽ ﺍﻧﻲ ﻭﻳﺎﻫﻢ ﻫﺴﻪ ﺑﺲ ﺟﺎﺳﻢ ﻭﻣﻨﺎﻝ ﻭﺍﻛﻔﻴﻠﻲ ﺳﺠﻴﻨﻪ ﺧﺎﺻﺮﻩ ....
ﻣﺠﺮﺩ ﺭﻭﺗﻴﻦ ﻣﻤﻞ ﻛﻞ ﺳﻨﻪ ﺍﻃﻠﻊ ﻣﻦ ﺍﻻﻭﺍﺋﻞ ﺑﺲ ﺩﺍﺧﻠﻲ ﻣﺘﺤﻄﻢ ﻋﺒﺎﺭﻩ ﻋﻦ ﺍﻧﺴﺎﻧﻪ ﺷﺮﺳﻪ ﻫﺠﻮﻣﻴﻪ ﺍﻧﻔﻌﻞ ﺑﺴﺮﻋﻪ ﺷﺎﻳﻠﻪ ﻛﻠﺐ ﻣﻴﺖ ﻛﻞ ﺍﺣﺴﺎﺱ ﻭﻣﺸﺎﻋﺮ ﻣﺜﻞ ﺍﻟﺒﻨﺎﺕ ﻣﺎﻛﻮ ....
ﺣﺘﻪ ﻣﺮﺍﺕ ﺍﻧﺘﺒﻪ ﻋﻠﻰ ﻧﻔﺴﻲ ﻋﺒﺎﻟﻚ ﺗﺼﺮﻓﺎﺕ ﻭﻟﺪ ﻛﺜﺮﻩ ﺍﻟﻀﻐﻮﻃﺎﺕ ﺍﻟﻲ ﻭﺍﺟﻬﺘﻪ ﻭﺍﻟﻠﻴﺎﻟﻲ ﺍﻟﺴﻮﺩ ﻭﺍﻟﻀﺮﺏ ﻭﺍﻟﺘﻌﺬﻳﺐ ﺧﻠﻖ ﻣﻨﻲ ﺍﻧﺴﺎﻧﻪ ﻣﻴﺘﻪ ﺍﻻﺣﺎﺳﻴﺲ ﻋﺪﻫﻪ ....
ﻛﻞ ﻫﺪﻑ ﻣﺎﻋﻨﺪﻱ ﺻﺪﻣﻪ ﻗﺒﻮﻟﻲ ﻣﺎ ﺍﻛﺪﺭ ﺍﺗﺠﺎﻭﺯﻫﻪ ﻭﺧﺎﺻﻪ ﻗﺴﻤﻲ ﻣﺎﺑﻲ ﺗﻌﻴﻦ ﻳﻌﻨﻲ ﻣﺎﺭﺍﺡ ﺍﺗﺨﻠﺺ ﻣﻦ ﺟﺎﺳﻢ ﻭﻣﻨﺎﻝ ﻃﻮﻝ ﺍﻟﻌﻤﺮ ....
ﻣﺮﺍﺕ ﺍﻓﻜﺮ ﺍﺗﺰﻭﺝ ﻭﺍﺧﻠﺺ ﺑﺲ ﻛﻞ ﺍﻟﻲ ﻳﺠﻴﻨﻲ ﻣﻬﻠﺲ ﻭﻣﺎ ﺍﺭﻳﺪ ﻳﻨﺸﻠﻊ ﻛﻠﺒﻲ ﺑﻌﺪ ﺍﻛﺜﺮ ....
ﺟﻨﺖ ﺩﺍﺋﻤﺎ ﺍﺳﻤﻊ ﻛﻼﻡ ﻣﺆﺫﻱ ﻣﻦ ﺍﻟﺒﻨﺎﺕ ﻭﺧﺎﺻﻪ ﺳﻬﻰ ﺑﻨﺖ ﻣﺴﺆﺅﻝ ﻭﺟﻴﺐ ﺍﻟﻲ ﻳﻨﻄﺦ ﺑﻴﻬﻪ ...
ﻫﺎﻱ ﻗﺼﺘﻲ ﻳﺎﺑﻴﺴﺎﻥ ﺍﻟﻜﻼﻡ ﻣﻮﻣﺜﻞ ﺍﻻﺣﺴﺎﺳﻲ ﻋﺎﺟﺰﻩ ﻋﻦ ﻭﺻﻒ ﺍﺣﺴﺎﺱ ﺍﻟﻴﺘﻢ ﻭﺍﻟﻤﺬﻟﻪ ﺍﻟﻲ ﺷﻔﺘﻬﻪ ...
ﺑﻴﺴﺎﻥ ... ﺍﻟﺮﺏ ﻳﻜﻮﻥ ﺑﻌﻮﻧﻚ ﻗﻬﺮﺗﻴﻨﻲ ...
ﻣﺴﻚ ... ﺍﺧﺬﺗﻨﻪ ﺍﻟﺴﻮﺍﻟﻒ ﻭﺭﺍﺣﺖ ﺍﻟﻤﺤﺎﻇﺮﻩ ﺑﻴﺴﺎﻥ ﺍﻋﺘﺒﺮﻳﻨﻲ ﺍﺧﺖ ﺍﻟﺞ ﺍﻱ ﺷﻲ ﺗﺤﺘﺎﺟﻲ ﻛﻮﻟﻲ ﻭﺳﻬﻰ ﺍﺧﺬﺕ ﺟﺰﺍﺀﻫﻪ ﻣﺎﺗﺘﻌﺮﺿﻠﺞ ﺑﻌﺪ ...
ﺑﻴﺴﺎﻥ ... ﺣﺒﻴﺖ ﻣﺴﻚ ﺣﻴﻞ ﻭﺣﺒﻴﺖ ﻗﻮﺗﻬﻪ ﺿﻠﻴﺖ ﻭﻳﺎﻫﻪ ﻧﺘﻤﺸﻰ ﻟﺤﺪﻣﺎ ﺍﻧﺘﻬﻰ ﺍﻟﺪﻭﺍﻡ ﻭﺭﺟﻌﺖ ﻟﻠﺠﺎﻣﻊ ...
ﺍﻭﻝ ﻣﺎ ﺩﺧﻠﺖ ﻋﺎﻃﺖ ﺑﻴﻪ ﻣﺮﻳﻢ ﺗﻌﻴﻂ ﻭﺗﺼﻴﺢ ﻛﻠﻪ ﻣﻨﺞ ﺍﻧﺘﻲ ﺭﺍﺡ ﺗﻤﻮﺗﻴﻦ ﺍﺑﻮﺝ ﺍﻧﺘﻲ ﺗﺮﻳﺪﻳﻦ ﻛﻠﻴﺎﺕ ﻭﻣﺎﻓﻜﺮﺗﻲ ﺑﺎﺑﻮﺝ ﺍﻟﻤﺴﻜﻴﻦ ...
ﻣﺎﻓﻬﻤﺖ ﺷﺒﻲ ﺑﺎﺑﺎ ﻻﻥ ﺑﺲ ﺩﺧﻞ ﺳﻜﺘﺖ ﻭﻫﻮ ﺧﺰﺭﻫﻪ ﺳﻠﻤﺖ ﻋﻠﻲ ﻭﺍﺗﻔﺤﺺ ﻣﻼﻣﺤﻪ ﻣﺎﺑﻲ ﺷﻲ ﺳﺄﻟﺘﻪ ﺑﺎﺑﺎ ﺻﺎﻳﺮ ﺷﻲ ...
ﻓﺆﺍﺩ ... ﺭﻭﺣﻲ ﻏﻴﺮﻱ ﻣﻼﺑﺴﺞ ﻭﺗﻌﺎﻟﻲ ﺍﺣﺠﻲ ﻭﻳﺎﺝ ...
ﺑﻴﺴﺎﻥ ... ﻗﻠﻘﻨﻲ ﺑﺎﺑﺎ ﻋﻠﻰ ﺍﻟﺴﺮﻳﻊ ﺑﺪﻟﺖ ﻭﻏﺴﻠﺖ ﻭﺍﺟﻴﺖ ﻛﻌﺪﺕ ﻳﻤﻪ ...
ﻓﺆﺍﺩ .. ﺍﺳﻤﻌﻲ ﻳﺎﺑﻨﺘﻲ ﺍﻧﻲ ﻗﺮﺭﺕ ﻗﺮﺍﺭ ﻭﻣﺎ ﺭﺍﺡ ﺍﺗﺮﺍﺟﻊ ﻋﻨﻪ ...
... ﺷﻨﻮ ﺑﺎﺑﺎ ..
... ﺍﻧﻲ ﺍﺭﻳﺪ ﺍﺩﺧﻞ ﺍﻻﺳﻼﻡ ﻭﺍﻧﺘﻢ ﻻﺯﻡ ﺗﺘﺒﻌﻮﻧﻲ ﺭﺍﺡ ﻧﺴﺘﻘﺮ ﺑﻜﺮﺑﻼﺀ ﻭﺍﺩﻭﺭ ﻋﻠﻰ ﺷﻐﻠﻪ ﻭﻧﻌﻴﺶ ﻣﺎﻟﻨﻪ ﺭﺟﻌﻪ ﻋﻠﻰ ﺍﻟﻤﻮﺻﻞ ﺍﻧﺘﻬﺖ ﻭﻣﺎﻋﺪﻧﻪ ﺍﻣﻜﺎﻧﻴﻪ ﻧﺮﻭﺡ ﻟﺒﻐﺪﺍﺩ ...
.... ﻟﻴﺶ ﺗﺪﺧﻞ ﺍﻻﺳﻼﻡ ﻣﻨﻮ ﺿﻐﻂ ﻋﻠﻴﻚ ..
... ﻣﺤﺪ ﺿﻐﻂ ﻋﻠﻴﻪ ﺑﺲ ﺍﻧﻲ ﻣﻦ ﺫﺍﺗﻲ ﻗﺮﺭﺕ ﻫﺬﺍ ﺍﻟﻘﺮﺍﺭ ﺍﻧﻄﻴﺘﻜﻢ ﻋﻠﻢ ﺑﻲ ﻳﻠﻪ ﺑﻨﺘﻲ ﻛﻮﻣﻲ ﺍﺭﺗﺎﺣﻲ ...
ﺑﻴﺴﺎﻥ ... ﻗﺮﺍﺭ ﺑﺎﺑﺎ ﺟﺎﻥ ﺻﺪﻣﻪ ﺷﻨﻮ ﺍﻟﻲ ﺧﻼﺍﺍ ﻫﻴﺞ ﻳﺴﻮﻱ ﺑﺲ ﺍﻧﻲ ﺷﻨﻮ ﻋﻼﻗﺘﻲ ﺣﺘﻪ ﻣﺮﻳﻢ ﺩﻛﻮﻝ ﻣﻦ ﻭﺭﺍﺝ ....
ﺻﺪﻙ ﺑﻌﺪﻫﻪ ﺍﻟﺘﺰﻣﻨﻪ ﺑﺎﻟﺤﺠﺎﺏ ﻭﺑﺎﺑﺎ ﻛﺎﻡ ﻳﺼﻠﻲ ﻭﻳﺮﻭﺡ ﻟﻠﻤﺴﺠﺪ ﻭﻭﺷﻜﻮ ﺗﺠﻤﻊ ﻭﻣﺤﺎﻇﺮﻩ ﻳﺤﻈﺮﻫﻪ ﺣﺼﻞ ﺷﻐﻞ ﺑﻤﻌﻤﻞ ﻣﺎﻝ ﻧﺠﺎﺭﻩ ﺑﺲ ﻳﻮﻣﻴﺘﻪ ﻗﻠﻴﻠﻪ ﻭﻣﺎﻗﺒﻞ ﻳﺒﻄﻞ ﻳﻜﻮﻝ ﺍﺣﺴﻦ ﻣﻦ ﺍﻟﻜﻌﺪﻩ ....
ﺩﺍﻧﻴﺎﻝ ﻧﻘﻠﻪ ﻟﻤﺪﺭﺳﻪ ﻗﺮﻳﺒﻪ ﺗﻘﺮﻳﺒﺎ ﺍﺳﺘﻘﺮﻳﻨﻪ ﺍﻧﻲ ﻣﺮﺗﺎﺣﻪ ﺑﺪﻭﺍﻣﻲ ﻭﺧﺎﺻﻪ ﻭﻳﻪ ﻣﺴﻚ ...
ﺑﻴﻮﻡ ﻣﻨﻬﻦ ﻃﻠﻌﻨﻪ ﺍﻧﻲ ﻭﻣﺴﻚ ﻧﻌﺒﺮ ﺍﻟﺸﺎﺭﻉ ﻻﻥ ﺍﻟﺨﻄﻮﻁ ﻣﺘﺎﺧﺮﻩ ﺍﺯﺩﺣﺎﻡ ﻭﺍﻛﻔﻴﻦ ﻋﻠﻰ ﺍﻟﺸﺎﺭﻉ ﻭﺟﺎﻥ ﺗﺠﻲ ﺳﻴﺎﺭﻩ ﻋﺎﻟﻴﻪ ﻣﻦ ﻭﺻﻠﺖ ﻳﻤﻨﻪ ﺧﻔﻔﺖ ﺳﺮﻋﺘﻬﻪ ....
ﺷﻔﺖ ﻣﺴﻚ ﺗﺒﺎﻭﻉ ﻋﻠﻰ ﺍﻟﺴﻴﺎﺭﻩ ﺍﻧﺘﺒﻬﺖ ﻋﻠﻲ ﻫﺬﺍ ﻧﻔﺲ ﺍﻟﻌﻘﻴﺪ ﺯﻳﺪ ﻋﻢ ﺳﻬﻰ ...
ﻫﺎﻱ ﻟﻠﻤﺮﻩ ﺍﻟﺜﺎﻧﻴﻪ ﺍﺷﻮﻓﻪ ﻫﻴﺞ ﻳﺒﺎﻭﻉ ﻟﻤﺴﻚ ﻭﻧﻈﺮﺍﺗﻪ ﻏﺮﻳﺒﻪ .....
ﻣﺴﻚ .....
ﻣﻦ ﻳﻮﻡ ﻣﺎ ﺍﺟﻪ ﻟﻠﻌﻤﻴﺪ ﻣﺎﺭﺍﺡ ﻋﻦ ﺑﺎﻟﻲ ﻟﺤﻈﻪ ﺭﻏﻢ ﻛﺒﺮ ﺳﻨﻪ ﻭﻣﺒﻴﻦ ﺭﺍﺡ ﻳﺪﺧﻞ ﺍﻻﺭﺑﻌﻴﻦ ﺑﺲ ﺍﻧﺠﺬﺑﺖ ﺍﻟﻪ ﺣﻴﻞ ﻛﻞ ﻣﺮﻩ ﺍﺭﻳﺪ ﺍﺳﺄﻝ ﻏﺼﻮﻥ ﻭﻣﺎ ﺍﻛﺪﺭ ﻻﻥ ﺍﺑﻮﻫﻪ ﻳﻌﺮﻓﻬﻢ ....
ﺑﻴﻮﻡ ﻭﺍﻛﻔﻴﻦ ﻋﻠﻰ ﺍﻟﺸﺎﺭﻉ ﻭﺷﻔﺘﻪ ﻭﻛﻒ ﺑﺴﻴﺎﺭﺗﻪ ﺣﺘﻪ ﺍﺧﺮ ﺍﻟﺴﻴﺮ ﻭﺿﻞ ﻳﺒﺎﻭﻋﻠﻲ ﻣﺎ ﺍﻋﺮﻑ ﺷﻨﻮ ﺍﻓﺴﺮ ﻧﻈﺮﺍﺗﻪ ...
ﺑﻠﺤﻈﻪ ﺭﻛﺰﺕ ﺑﻜﻞ ﻣﻌﺎﻟﻤﻪ ﻻﺑﺲ ﺗﺸﻴﺮﺕ ﺯﻳﺘﻮﻧﻲ ﻭﻣﻄﻠﻊ ﺍﻳﺪﻩ ﻣﻦ ﺍﻟﺠﺎﻣﻪ ﻻﺑﺲ ﺳﺎﻋﻪ ﺣﺪﻳﺪ ﻓﻀﻴﻪ ﺷﻌﺮﻩ ﻋﺎﺩﻱ ﺷﻌﺮ ﺿﺒﺎﻁ ﺍﻟﺠﻴﺶ ﻋﻴﻮﻧﻪ ﻛﺒﺎﺭ ﻭﺑﺸﺮﺗﻪ ﺣﻨﻄﺎﻭﻳﻪ ﻳﻌﻨﻲ ﺍﻧﻲ ﺍﺳﻤﺮ ﻣﻨﻪ ....ﺍﻧﺘﺒﻬﺖ ﻋﻠﻰ ﻧﻔﺴﻲ ﺷﻠﻮﻥ ﺍﺑﺎﻭﻋﻠﻪ ﺑﺴﺮﻋﻪ ﺍﻟﺘﻔﺘﺖ ﻋﻠﻰ ﺑﻴﺴﺎﻥ ﻭﺍﺑﺘﻌﺪﻧﻪ ﻣﻦ ﻳﻤﻨﻪ ﺣﺴﻴﺖ ﻋﻠﻰ ﺑﻴﺴﺎﻥ ﺍﻧﺘﺒﻬﺖ ﻋﻠﻴﻪ ﺑﺲ ﻻﻭﻝ ﻣﺮﻩ ﺍﺑﺎﻭﻉ ﺑﺠﺮﺃﻩ ﻟﺸﺨﺺ ﻣﻮﻃﺒﻴﻌﺘﻲ ﻫﺎﻱ ....
ﺭﺟﻌﺖ ﻟﻠﺒﻴﺖ ﺗﻠﻜﺘﻨﻲ ﻣﻨﺎﻝ ﻋﺪ ﻭﻏﻠﻂ ﻭﻓﺸﺎﺭ ﺗﻌﻮﺩﺕ ﻋﻠﻴﻬﻪ ﻣﺎﺗﻜﺪﺭ ﺗﻜﺘﻠﻨﻲ ﻻﻥ ﺍﻛﺘﻠﻬﻪ ﺍﺫﺍ ﺿﺮﺑﺘﻨﻲ ﺷﻜﻮ ﺷﻲ ﻳﻤﻲ ﺍﺷﻤﺮﻫﻪ ﺑﻲ ...
ﺑﺲ ﺧﻮﻓﻲ ﻣﻦ ﺟﺎﺳﻢ ﻣﻦ ﻳﺠﻲ ﻳﺤﻴﺮ ﺷﻴﺴﻮﻱ ﺑﻴﻪ ﺍﻛﻮﻡ ﺍﺗﻠﻮﻯ ﺑﻴﺪﻩ ﺣﺘﻪ ﺟﺴﻤﻲ ﻣﺼﺒﻮﻍ ﺍﺛﺮﺍﺕ ﺍﺣﻤﺮ ﻋﻠﻰ ﺍﺻﻔﺮ ﻋﻠﻰ ﺍﺯﺭﻙ ....
ﺛﺎﻧﻲ ﻳﻮﻡ ﺩﺍﻭﻣﺖ ﻭﺯﻳﺪ ﻣﺎﺭﺍﺡ ﻣﻦ ﺑﺎﻟﻲ ﺍﺑﺪ ﻛﻠﺴﺎﻉ ﺍﻟﻮﻡ ﻧﻔﺴﻲ ﻭﺍﻛﻮﻝ ﻳﺎﻣﺴﻚ ﺷﺠﺎﺝ ﺍﺗﺒﺎﻭﻋﻴﻦ ﻟﻠﻌﺎﻟﻲ ﻻﺗﻨﻜﺴﺮ ﺭﻛﺒﺘﺞ ﻭﺑﻌﺪﻳﻦ ﺷﺒﻴﺞ ﺗﺨﺒﻠﺘﻲ ﺭﺟﺎﻝ ﻋﻤﺮﻩ ﻳﻮﺻﻞ ﺍﻻﺭﺑﻌﻴﻦ ﻭﺍﻧﺘﻲ ﺗﻔﻜﺮﻳﻦ ﺑﻲ . ...
ﻭﻛﻔﺖ ﻭﻳﻪ ﺍﻟﺒﻨﺎﺕ ﺳﻮﺍﻟﻒ ﻭﺿﺤﻚ ﻣﺎ ﺍﺩﺭﻱ ﺷﻠﻮﻥ ﺳﺄﻟﺖ ﻏﺼﻮﻥ ﻋﻨﻬﻢ ....
ﻣﺴﻚ ... ﺍﻛﻮﻝ ﻏﺼﻮﻥ ﺍﺧﺒﺎﺭ ﺳﻬﻰ ﺑﻌﺪ ﺟﻴﻪ ﻋﻤﻬﻪ ..
ﻏﺼﻮﻥ ... ﻣﺎ ﺍﻋﺮﻑ ﺑﺲ ﺳﻤﻌﺖ ﻣﻦ ﺻﺪﻳﻘﺘﻬﻪ ﺩﻛﻮﻝ ﻣﻄﻴﺢ ﺣﻈﻬﻪ ﻭﻣﺘﻌﺎﺭﻙ ﻭﻳﻪ ﺍﺑﻮﻫﻪ ﻛﺎﻳﻠﻪ ﻣﺎﻋﺮﻓﺖ ﺗﺮﺑﻴﻬﻪ ﻣﺎﺗﺴﺘﺤﻲ ﺭﺍﻳﺢ ﺗﻌﺮﺽ ﺣﻤﺎﻳﺘﻚ ﻭﺍﻟﻠﻪ ﺷﻨﻮ ﺑﻨﺘﻚ ﻣﺘﻌﺎﺭﻛﻪ ...
... ﺍﻛﻠﺞ ﻫﻢ ﻭﻳﻦ ﺑﻴﺘﻬﻢ ...
... ﺑﻴﺘﻬﻢ ﺟﻮﻩ ﻣﻦ ﺗﺮﻭﺣﻴﻦ ﻟﺸﺎﺭﻉ ﺍﻟﺴﺪﺭﻩ ﺑﺲ ﻫﻮ ﻭﺍﻣﻪ ﻭﻣﺮﺗﻪ ....
... ﻣﻦ ﻛﺎﻟﺖ ﻫﻴﺞ ﺣﺴﻴﺖ ﺑﻀﺮﺑﻪ ﺍﺟﺖ ﻋﻠﻰ ﺭﺍﺳﻲ ﻟﻴﺶ ﻫﻮ ﻣﺘﺰﻭﺝ ...
... ﺍﻱ ﻣﺘﺰﻭﺝ ﺑﻨﺖ ﻋﻤﻪ ﺑﺲ ﻣﺎﻋﻨﺪﻩ ﺟﻬﺎﻝ ﻣﻦ ﻋﺪﻫﻪ
... ﺗﺤﺠﻲ ﻏﺼﻮﻥ ﻭﺍﺳﻤﻊ ﺑﺲ ﺻﺪﻯ ﺻﻮﺗﻬﻪ ﺻﺢ ﻣﺎ ﺍﺣﺒﻪ ﺑﺲ ﺍﻧﺼﺪﻣﺖ ﻻﻥ ﻣﻌﺠﺒﻪ ﺑﻲ ﺑﺴﺮﻋﻪ ﻏﻴﺮﺕ ﺍﻟﻤﻮﺿﻮﻉ ﺑﺲ ﺍﺷﻮﻑ ﻧﻈﺮﺍﺕ ﺑﻴﺴﺎﻥ ﻭﻛﺎﻧﻤﺎ ﺍﻓﺘﻬﻤﺘﻨﻲ ....
ﻋﻔﺖ ﺍﻟﺒﻨﺎﺕ ﻣﺠﺘﻤﻌﺎﺕ ﻭﺗﻤﺸﻴﻨﻪ ﺍﻧﻲ ﻭﺑﻴﺴﺎﻥ ﺑﺲ ﻣﺎ ﺍﻋﺮﺍ ﻟﻴﺶ ﺿﺠﺖ ﻭﺍﻧﻘﻬﺮﺕ ﺗﺬﻛﺮﺕ ﻧﻈﺮﺍﺗﻪ ﻟﻌﺪ ﻟﻴﺶ ﻳﺒﺎﻭﻉ ﻫﻴﺞ ﺍﺫﺍ ﻣﺘﺰﻭﺝ ﻧﺒﻬﻨﻲ ﺻﻮﺕ ﺑﻴﺴﺎﻥ .....
ﺑﻴﺴﺎﻥ ... ﻣﺴﻚ ﺷﺒﻴﺞ ﺻﺎﻓﻨﻪ
ﻣﺴﻚ ... ﻻﻣﺎﺑﻴﻪ ﺷﻲ ...
ﺑﻴﺴﺎﻥ ... ﺍﺧﺠﻞ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ﺑﺲ ﺍﻧﺘﻲ ﻣﻌﺠﺒﻪ ﺑﺎﻟﻌﻘﻴﺪ ...
... ﺑﻴﺴﺎﻥ ﺟﻨﺖ ﻣﻌﺠﺒﻪ ﻭﺳﻤﻌﺘﻲ ﻫﺴﻪ ﻃﻠﻊ ﻣﺘﺰﻭﺝ ﺍﻧﺴﻰ ﺍﻟﻤﻮﺿﻮﻉ ﻭﺧﻠﻲ ﻧﺮﻭﺡ ﺑﺪﺕ ﺍﻟﻤﺤﺎﻇﺮﻩ .....
ﺑﻴﺴﺎﻥ ... ﻛﻠﺶ ﻭﺍﺿﺤﻪ ﻣﺴﻚ ﻋﺮﻓﺘﻬﻪ ﺣﺒﺖ ﺍﻟﻌﻘﻴﺪ ﻣﻦ ﻛﺎﻟﺖ ﺳﺪﻱ ﺍﻟﻤﻮﺿﻮﻉ ﺳﺪﻳﺘﻪ ﺧﻠﺼﺖ ﻣﺤﺎﻇﺮﺍﺕ ﻭﻃﻠﻌﺖ ﻟﻠﺒﻴﺖ ....
ﻟﻠﻌﺼﺮ ﻛﻌﺪﺕ ﻧﻈﻔﺖ ﻭﻗﺮﻳﺖ ﺷﻮﻳﻪ ﺍﻧﺘﺒﻬﺖ ﻋﻠﻰ ﻣﺮﻳﻢ ﺗﺤﻮﻡ ﻓﻮﻛﺎﻱ ﻭﻛﺎﻧﻤﺎ ﻋﺪﻫﻪ ﺣﺠﻲ ﺑﻠﺴﺎﻧﻬﻪ ....
ﺣﺘﻪ ﺗﺼﺮﻓﺎﺗﻬﻪ ﻏﺮﻳﺒﻪ ﻭﻛﻠﺴﺎﻉ ﻭﻛﺎﻟﺖ ﺍﺫﺍ ﻭﺍﺣﺪ ﺍﺗﻘﺪﻣﻠﺞ ﺗﻘﺒﻠﻴﻦ ﻣﺎ ﺍﻫﺘﻤﻴﺘﻠﻬﻪ ﻃﻨﺸﺖ ﻛﻼﻣﻬﻪ ...
ﺑﻠﻴﻞ ﺑﻌﺪ ﺍﻟﻌﺸﺎ ﺻﺎﺣﻨﻲ ﺑﺎﺑﺎ ﻛﺎﻝ ﺍﺭﻳﺪ ﺍﺣﺠﻴﻠﺞ ﻣﻮﺿﻮﻉ ﻛﻌﺪﺕ ﻛﺪﺍﻣﻪ ﻭﻣﺮﻳﻢ ﻛﺎﻋﺪﻩ ....
ﻓﺆﺍﺩ ... ﺑﻨﺘﻲ ﺍﻧﻲ ﺻﺎﺭ ﻓﺘﺮﻩ ﺍﺭﻭﺡ ﻟﻠﻤﺴﺠﺪ ﻭﺗﻌﺮﻓﺖ ﻋﻠﻰ ﺭﺟﺎﻝ ﺟﺒﻴﺮ ﻫﻨﺎﻙ ﻧﺴﻮﻟﻒ ﻭﻣﺮﺍﺕ ﻳﺤﺠﻴﻠﻲ ﻋﻦ ﺍﻻﺳﻼﻡ ﻳﻌﺮﻑ ﺑﺤﺎﻟﺘﻨﻪ ﻭﻫﻮ ﺍﻟﻲ ﺩﻭﺭﻟﻲ ﺷﻐﻞ ﻋﻨﺪ ﺻﺪﻳﻘﻪ ﺍﻟﻴﻮﻡ ﻋﺮﺽ ﻋﻠﻴﻪ ﻣﻮﺿﻮﻉ ...
ﻛﺎﻝ ﺍﻧﺖ ﻣﺎﻋﻨﺪﻙ ﺑﻴﺖ ﻭﺻﻌﺒﻪ ﻋﻠﻴﻚ ﺗﺸﺘﺮﻱ ﺑﻜﺮﺑﻼﺀ ﻭﺍﻧﺖ ﻣﺎﻋﻨﺪﻙ ﺷﻐﻞ ....
ﺑﻴﺴﺎﻥ ... ﺷﻔﺖ ﺑﺎﺑﺎ ﻳﺤﺠﻲ ﻣﺘﺮﺩﺩ ﻭﻣﺘﻘﻄﻊ ﺑﺎﻟﻜﻼﻡ ﻣﺜﻞ ﺍﻟﻲ ﻣﺎﻳﺮﻳﺪ ﻳﻜﻤﻞ ﻛﻼﻣﻪ ...
ﻓﺆﺍﺩ ... ﻛﺎﻝ ﺍﻧﻄﻴﻚ ﺑﻴﺖ ﻣﻠﻚ ﺍﻟﻚ ﺑﺲ ﺍﻧﻄﻴﻨﻲ ﺑﻨﺘﻚ ﻻﺑﻨﻲ ﻭﻧﺨﻄﺒﻬﻪ ﻋﻠﻰ ﺳﻨﻪ ﺍﻟﻠﻪ ﻭﺭﺳﻮﻟﻪ ﻭﺍﻟﻤﻬﺮ ﺍﻟﻲ ﺗﺮﻳﺪﻩ ﻭﺣﺘﻪ ﺗﻀﻞ ﻋﻠﻰ ﺩﺭﺍﺳﺘﻬﻪ ....
ﺑﻴﺴﺎﻥ ... ﺻﺮﺍﺣﻪ ﻓﺎﺟﺄﻧﻲ ﺑﺎﺑﺎ ﺣﻴﻞ ﺑﻜﻼﻣﻪ ﻭﺍﺑﺪ ﻣﺎﺗﺨﻴﻠﺖ ﻧﻔﺴﻲ ﺍﺗﺰﻭﺝ ﺑﻬﻴﺞ ﺍﻭﺿﺎﻉ ﺣﺴﻴﺖ ﻧﻔﺴﻲ ﺳﻠﻌﻪ ﻭﺗﻨﺒﺎﻉ ﻣﻦ ﻛﻼﻡ ﺑﺎﺑﺎ ﻋﺮﻓﺘﻪ ﻫﻮ ﻣﻨﻄﻲ ﻣﻮﺍﻓﻘﻪ ﻟﻠﺮﺟﺎﻝ ﻭﺟﺎﻱ ﻳﺨﺒﺮﻧﻲ ﻣﺎﻳﺎﺧﺬ ﺭﺃﻱ ..
ﺍﻟﺘﺰﻣﺖ ﺍﻟﺼﻤﺖ ﻭﺿﻠﻴﺖ ﺑﺲ ﺍﺑﺎﻭﻉ ﺑﻌﻴﻮﻧﻲ ﻋﻴﻮﻥ ﺑﺎﺑﺎ ﺗﺤﺠﻲ ﺍﺳﻒ ﺑﺲ ﻣﺜﻞ ﺍﻟﻤﺠﺒﻮﺭ ﻭﻣﺮﻳﻢ ﺍﻟﻔﺮﺣﻪ ﻣﺎﻭﺍﺳﻌﺘﻬﻪ ....
ﻓﺆﺍﺩ .. ﻓﻜﺮﻱ ﺑﻨﺘﻲ ﻭﺭﺩﻳﻠﻲ ﺧﺒﺮ ...
.... ﻛﻤﺖ ﻣﻦ ﻳﻤﻬﻢ ﻭﻳﻦ ﺍﺭﻭﺡ ﻫﻲ ﻏﺮﻓﻪ ﻭﺣﺪﻩ ﺍﺭﻳﺪ ﺍﺧﺘﻠﻲ ﺑﻨﻔﺴﻲ ﺍﺭﻳﺪ ﺍﺑﺠﻲ ﻋﺪﻧﻪ ﻣﻜﺎﻥ ﺑﻠﻐﺮﻓﻪ ﻗﺎﻃﻌﻲ ﺑﺒﺮﺩﻩ ﺣﺘﻪ ﻧﺒﺪﻝ ﺭﺣﺖ ﻛﻌﺪﺕ ﺑﻲ ﻧﺰﻟﺖ ﺩﻣﻮﻋﻲ ﺣﺎﺭﻩ ﻋﻠﻰ ﺧﺪﻱ ....
ﺍﺳﻤﻊ ﺻﻮﺕ ﻣﺮﻳﻢ ﻭﻫﻲ ﺗﺤﺠﻲ ﻭﻳﻪ ﺑﺎﺑﺎ ﺩﻛﻠﻪ ﻻﺗﻨﻘﻬﺮ ﻳﺎﺭﺟﺎﻝ ﻣﺼﻴﺮﻫﻪ ﺍﻟﺰﻭﺍﺝ ﻭﻣﺪﺍﻡ ﺍﻟﻨﺎﺱ ﻃﺎﻟﺒﻴﻬﻪ ﺷﻜﻮ ﺑﻴﻬﻪ ﻭﺍﻟﺮﺟﺎﻝ ﻛﺎﻟﻚ ﻣﺤﺪ ﻳﺪﺭﻱ ﺑﺴﺎﻟﻔﻪ ﺍﻟﺒﻴﺖ ﺑﺲ ﺍﻧﺖ ﻭﺍﺣﻨﻪ ﺑﻴﺴﺎﻥ ﻣﺎﻣﺴﺘﻔﺎﺩﻳﻦ ﻣﻨﻬﻪ ﺧﻠﻴﻬﻪ ﺑﺮﻛﺒﻪ ﺭﺟﺎﻝ ﻳﺼﺮﻑ ﻋﻠﻴﻬﻪ ....
ﻓﺆﺍﺩ ... ﻣﺎﺭﺩﺕ ﺑﻨﺘﻲ ﺍﻟﻮﺣﻴﺪﻩ ﻫﻴﺞ ﺍﺣﺴﺴﻬﻪ ﺑﻬﺬﺍ ﺍﻟﺸﻌﻮﺭ ﺑﺲ ﺍﻟﻘﺮﺍﺭ ﺍﻻﻭﻝ ﺍﻟﻬﻪ ﺍﺫﺍ ﻣﺎﻭﺍﻓﻘﺖ ﻣﺴﺘﺤﻴﻞ ﺍﻗﺒﻞ ....
.... ﻣﺴﺤﺖ ﺩﻣﻌﺘﻲ ﻭﻃﻠﻌﺖ ﻟﺒﺎﺑﺎ ﺍﺑﺘﺴﻤﺖ ﺑﻮﺟﻬﻪ ﺻﺪﻙ ﻛﻼﻡ ﻣﺮﻳﻢ ﻫﻢ ﺷﻨﻮ ﻣﺴﺘﻔﺎﺩﻱ ﻣﻨﻲ ﻋﻠﻰ ﺍﻻﻗﻞ ﻳﺤﺼﻠﻮﻥ ﺑﻴﺖ ...
ﻣﺎ ﺍﻋﺮﻑ ﻟﻴﺶ ﺍﺗﺨﺬﺕ ﻫﺬﺍ ﺍﻟﻘﺮﺍﺭ ﺑﻬﻴﺞ ﻟﺤﻈﻪ ﻭﻛﺎﻧﻤﺎ ﺗﺼﺮﻓﺖ ﺑﺪﻭﻥ ﻭﻋﻲ ﻭﻛﻔﺖ ﻛﺪﺍﻡ ﺑﺎﺑﺎ ﻭﻛﺘﻠﻪ ﺍﻧﻲ ﻣﻮﺍﻓﻘﻪ .....
