#ﺍﺳﻤﻌﻨﻲ_ﺻﻮﺗﻚ
# ﻟﻠﻜﺎﺗﺒﻪ ﺭﻭﺯﺍﻳﻪ ...
١٥________١٦
#بارت١٥
ﺍﺥ ﻟﻮ ﻋﻨﺪﻙ ﻋﻴـﻮﻧﻲ
ﭼﺎ ﻟﮕﻴﺖ ﺑﻤﺎﻳﻬﻦ ﺭﺍﻛﺪ ﺳﻤﺎﺭﻙ ....
.....
ﺑﻴﺴﺎﻥ ...
ﻛﺎﻋﺪﻩ ﺍﻗﺮﻩ ﺑﻠﻴﻞ ﻭﺍﺟﻪ ﻣﺮﺍﺩ ﺗﻘﺮﻳﺒﺎ ﺏ 10 ﻧﺰﻉ ﻣﻼﺑﺴﻪ ﻭﺭﺍﺡ ﻟﻠﺤﻤﺎﻡ ﺳﺒﺢ ﻭﻃﻠﻊ ﺣﺘﻪ ﺑﺪﻭﻥ ﻣﺎﻳﻜﻮﻝ ﺣﻀﺮﻳﻠﻲ ﻣﻼﺑﺴﻪ ﺍﻋﺘﻤﺪ ﻋﻠﻰ ﻧﻔﺴﻪ ...
ﺿﻠﻴﺖ ﻛﺎﻋﺪﻩ ﺍﻗﺮﻩ ﺷﻔﺘﻪ ﺭﺍﺡ ﻟﻠﻤﻴﺰ ﻳﻜﺘﺐ ﻋﻠﻰ ﺍﻟﺴﺒﻮﺭﻩ ﻣﺪﺭﻱ ﺷﻜﺘﺐ ﻭﻋﺎﻓﻬﻪ ﺑﻴﻦ ﻣﺎﻣﺸﻂ ﺷﻌﺮﻩ ﺟﺎﺑﻬﻪ ﻭﺧﻼﻫﻪ ﻛﺪﺍﻣﻲ ﺟﻨﺖ ﻛﺎﻋﺪﻩ ﻉ ﺍﻟﺠﺮﺑﺎﻳﻪ ﻭﻣﻔﺮﺷﻪ ﺑﻨﺺ ﺍﻟﻜﺘﺐ ....
ﻣﺮﺍﺩ ... ﺑﺎﺟﺮ ﻣﻌﺰﻭﻣﻴﻦ ﻳﻢ ﺻﺪﻳﻘﻲ ﺯﻳﺪ ﺍﺧﺬﺝ ﺍﻧﺘﻲ ﻭﺍﻣﻲ ﺧﺎﻑ ﺗﺴﺘﺤﻴﻦ ...
ﺑﻴﺴﺎﻥ ... ﻣﻨﻮ ﺯﻳﺪ ﻭﺑﻤﻨﺎﺳﺒﻪ ﺷﻨﻮ ﺍﻟﻌﺰﻳﻤﻪ ..
... ﺑﺪﻭﻥ ﻣﻨﺎﺳﺒﻪ ﻫﻴﺞ ﻣﺠﺮﺩ ﺗﻌﺎﺭﻑ ﻻﻥ ﻣﺎﻋﺰﻣﻨﻲ ﺑﺎﻟﻌﺮﺱ ﺍﻟﻤﻬﻢ ﺣﻀﺮﻱ ﻧﻔﺴﺞ ﺑﺎﺟﺮ ﺍﺟﻲ ﻋﻠﻴﺞ ﻣﻦ ﺍﻟﺪﻭﺍﻡ ﺍﺧﺬﺝ ﺍﻧﻲ ﺭﺍﺡ ﺍﻧﺎﻡ ...
... ﻋﺎﻓﻨﻲ ﻭﻧﺎﻡ ﺟﺮﻳﺖ ﺗﻨﻬﻴﺪﻩ ﻃﻮﻳﻠﻪ ﺯﻋﻠﻚ ﺻﻌﺐ ﻭﻋﻨﻴﺪ ﺣﻴﻞ ﺷﻮﻛﺖ ﺭﺍﺡ ﺗﻔﻞ ﺍﻧﻲ ﻛﻤﻠﺖ ﻗﺮﺍﻳﻪ ﻭﻧﻤﺖ ﺣﺘﻪ ﻣﻦ ﺍﻛﻌﺪ ﻟﻠﺪﻭﺍﻡ ﻫﻮ ﻛﺎﻋﺪ ﻗﺒﻠﻲ ﻭﻃﺎﻟﻊ ....
ﺑﺎﻟﺪﻭﺍﻡ ﺻﺎﺭﺕ ﺍﻟﺴﺎﻋﻪ ﺏ 11 ﺍﺟﻪ ﻋﻠﻴﻪ ﻭﻃﻠﻌﺖ ﻟﻜﻴﺘﻪ ﺟﺎﻳﺐ ﺧﺎﻟﻪ ﻭﻳﺎ ﻳﺪﺭﻱ ﺑﻴﻪ ﺍﺳﺘﺤﻲ ﻭﻣﺎ ﺍﻋﺮﻑ ﺍﺟﺎﻣﻞ ....
ﻭﺻﻠﻨﻪ ﻟﻠﺒﻴﺖ ﻣﺎﺷﺎﺀ ﺍﻟﻠﻪ ﺑﻴﺖ ﺿﺨﻢ ﺷﻜﺒﺮﻩ ﻓﺘﺤﺘﻠﻨﻪ ﺍﻟﺒﺎﺏ ﻣﺮﻩ ﺟﺒﻴﺮﻩ ﻣﺒﻴﻨﻪ ﺗﺸﺘﻐﻞ ﻋﺪﻫﻢ ﺍﻣﺸﻲ ﻭﺍﺗﻠﻔﺖ ﻋﻨﺪﻱ ﺍﺣﺴﺎﺱ ﻏﺮﻳﺐ ﺣﻴﻞ ....
ﻣﺴﻚ ...
ﻭﺍﻛﻔﻪ ﺍﺑﺎﻭﻉ ﻋﻠﻰ ﺍﻟﺨﻄﺎﺭ ﻭﺍﻧﻲ ﺍﺷﻮﻓﻬﻦ ﻳﺘﻘﺮﺑﻦ ﻳﺎﺭﺑﻲ ﺍﻧﻲ ﺑﺤﻠﻢ ﻟﻮﺑﻌﻠﻢ ﻟﻮﻋﻴﻮﻧﻲ ﺻﺎﺭ ﺑﻴﻬﻦ ﺷﻲ ﻫﺎﻱ ﺑﻴﺴﺎﻥ ﻟﻮﺗﺸﺒﻬﻪ ...
ﺭﻛﺰﺕ ﺣﻴﻞ ﻭﺍﻧﻲ ﺍﺷﻮﻓﻬﻪ ﺗﻤﺸﻲ ﻭﺗﻠﺘﻔﺖ ﻣﻦ ﺧﺎﻟﺘﻬﻪ ﺗﺎﻛﺪﺕ ﻫﻲ ﻻﻥ ﺷﻔﺘﻬﻦ ﺑﺎﻟﻌﺮﺱ ...
ﻫﻨﺎ ﺣﺴﻴﺖ ﺍﺣﺴﺎﺱ ﻣﻮﻃﺒﻴﻌﻲ ﻟﻘﺎﺀ ﺍﻻﺣﺒﻪ ﺷﻌﻮﺭ ﻣﺎﻳﻨﻮﺻﻒ ﻓﺘﺤﺖ ﺍﻟﺒﺎﺏ ﻭﺭﻛﻀﺖ ﻋﻠﻴﻬﻪ ﻭﻫﻲ ﺑﻌﺪﻫﻪ ﺻﺎﻓﻨﻪ ﻭﺩﺍﻳﺮﻩ ﻭﺟﻬﻪ ﺣﻀﻨﺘﻬﻪ ....
ﺣﺴﻴﺘﻬﻪ ﺟﻤﺪﺕ ﻭﺍﺳﺘﻐﺮﺑﺖ ﺍﻟﻮﺿﻊ ﺍﺑﺘﻌﺪﺕ ﻋﻨﻬﻪ ﻭﺍﻧﻲ ﺍﺑﺎﻭﻋﻠﻬﻪ ﺷﻔﺖ ﻋﻴﻮﻧﻬﻪ ﻏﺮﻛﺖ ﺑﺎﻟﺪﻣﻮﻉ ﻭﻫﻲ ﺗﺼﻴﺢ ﻣﺴﻚ ﻣﺴﻚ ...
ﺩﻗﺎﻳﻖ ﻭﺍﺣﻨﻪ ﻣﺘﺤﺎﺿﻨﻴﻦ ﻭﻧﺒﺠﻲ ﺣﺴﻴﺖ ﺑﺪﻓﻮ ﺍﻳﺪﻫﻪ ﻭﻫﻲ ﺗﺨﻠﻴﻬﻪ ﻋﻠﻰ ﺧﺪﻱ ﻭﺗﻄﻤﻦ ﻋﻠﻴﻪ ﺍﺳﺘﺤﻴﺖ ﻣﻦ ﺧﺎﻟﺘﻬﻪ ﻣﺎﺭﺣﺒﺖ ﺑﻴﻬﻪ ﺍﻟﺘﻬﻴﺖ ...
ﻣﺴﻚ ... ﺍﺗﻔﻀﻠﻮﺍ ﺍﻋﺬﺭﻳﻨﻲ ﺧﺎﻟﻪ ﺗﻔﺎﺟﺄﺕ ﺑﺠﻴﻪ ﺑﻴﺴﺎﻥ ..
ﺍﻡ ﺍﻳﻬﺎﺏ ... ﺯﺍﺩ ﻓﻀﻠﺞ ﺧﺎﻟﻪ ...
ﻣﺴﻚ ... ﺩﺧﻠﻮﺍ ﻟﻠﺼﺎﻟﻪ ﻭﺗﻠﻜﺘﻬﻢ ﺍﻟﺤﺠﻴﻪ ﻭﺍﻧﻲ ﺍﻟﻔﺮﺣﻪ ﻣﺎﻭﺍﺳﻌﺘﻨﻲ ﺣﺘﻪ ﺍﻟﺤﺠﻴﻪ ﺗﺎﺷﺮﻟﻲ ﻋﻮﺩ ﺷﺒﻴﺞ ...
ﺑﻴﺴﺎﻥ ... ﻣﺴﻚ ﻣﻌﻘﻮﻟﻪ ﺷﻔﺘﺞ ﻣﺎﺟﺎﻱ ﺍﺻﺪﻙ ﺷﺠﺎﻱ ﻳﺼﻴﺮ ﻟﺞ ﻋﻘﻠﻲ ﺭﺍﺡ ﻳﻮﻛﻒ ...
ﻣﺴﻚ ... ﺍﺳﻜﺘﻲ ﺍﻧﻲ ﻣﺎﻣﺼﺪﻛﻪ ﻫﺎﻱ ﻣﻔﺎﺟﺌﻪ ﻟﻮﻣﺪﺑﺮﻩ ...
... ﻭﺍﻟﻠﻪ ﻣﺎ ﺍﺩﺭﻱ ﻣﺮﺍﺩ ﻛﺎﻝ ﺻﺪﻳﻘﻲ ﺯﻳﺪ ﻋﺎﺯﻣﻨﻪ ...
... ﺗﺪﺭﻳﻦ ﺍﻟﻲ ﺳﺎﻋﺪ ﺯﻳﺪ ﻭﻃﻠﻌﻮﻧﻲ ﻣﻦ ﺍﻟﺴﺠﻦ ﻫﻮ ﻣﺮﺍﺩ ﺯﻭﺟﺞ ...
ﻳﺎﺭﺑﻲ ﺷﻜﺪ ﺍﻟﺪﻧﻴﺎ ﺻﻐﻴﺮﻩ ﻧﺪﻭﺭ ﺑﻨﻔﺲ ﺍﻟﺪﺍﺋﺮﻩ ﻭﻧﺠﻴﺐ ﺑﻼﻓﻜﺎﺭ ﺍﻟﺴﻴﺌﻪ ﻭﻧﺠﻤﻌﻬﻪ ﺩﺍﻳﺮ ﻣﺪﺍﻳﺮﻧﻪ ﻭﺑﻴﻦ ﺭﻣﺸﻪ ﻋﻴﻦ ﻳﺘﻐﻴﺮ ﺍﻟﺤﺎﻝ . .
... ﺗﻌﺎﻟﻲ ﺍﺣﺠﻴﻠﻲ ﻛﻠﺒﻲ ﻃﺎﻙ ﻋﻠﻴﺞ ﺷﻠﻮﻥ ﺻﺎﺭ ﻫﻴﺞ ﻭﻳﺎﺝ ﻭﻣﻨﻮ ﺯﻳﺪ ﺑﺴﻼ ﺍﻟﻌﻘﻴﺪ ﻭﻟﺞ ...
... ﺍﻱ ﺍﻟﻌﻘﻴﺪ ﻋﻢ ﺳﻬﻰ ﻫﻮ ﺍﻟﻲ ﺳﺎﻋﺪﻧﻲ ﻫﺴﻪ ﺍﻧﻜﻮﻡ ﻭﺍﺣﺠﻴﻠﺞ ﻓﺸﻠﻪ ﻣﻦ ﺍﻟﺤﺠﻴﻪ ...
ﺑﻴﺴﺎﻥ ... ﻓﺮﺣﺘﻲ ﻗﻠﻴﻞ ﺍﻟﻮﺻﻒ ﺑﺤﻘﻬﻪ ﻭﺍﻧﻲ ﺍﺷﻮﻑ ﻣﺴﻚ ﺍﻟﻲ ﻳﻮﻣﻴﻪ ﺍﺩﻋﻴﻠﻬﻪ ﻳﺎﺭﺏ ﺍﻟﺘﻘﻲ ﺑﻴﻬﻪ ﻭﺷﻜﺪ ﻣﻘﻬﻮﺭﻩ ﺑﺪﺍﺧﻠﻲ ﻋﻠﻰ ﺣﺎﻟﻬﻪ ﺗﻌﺒﺎﻧﻪ ﺣﻴﻞ ﻭﺣﺘﻪ ﻣﻮﻫﺬﻳﺞ ﻣﺴﻚ ﺍﻡ ﺍﻟﻀﺤﻜﻪ ﺍﻟﺤﻠﻮﻩ ....
ﻣﺴﻚ ... ﻛﻮﻣﻲ ﺑﻴﺴﺎﻥ ﺍﻧﺮﻭﺡ ﺑﺎﻟﻤﻄﺒﺦ ﺍﻧﺴﻮﻟﻒ ﺑﻴﻦ ﻣﺎﻳﺠﻲ ﺯﻳﺪ ﻛﺎﻝ ﺍﺗﺎﺧﺮ ﺷﻮﻳﻪ ..
... ﺍﻱ ﻣﺮﺍﺩ ﻭﺻﻠﻨﻪ ﻭﺭﺍﺡ ﻛﺎﻝ ﺍﺭﻭﺡ ﻟﺰﻳﺪ ﻋﻨﺪﻱ ﺷﻐﻞ ...
... ﺗﻌﺎﻟﻲ ﺍﻛﻌﺪﻱ ﻭﺳﻮﻟﻔﻴﻠﻲ ﻋﻦ ﺣﺎﻟﺞ ﻭﻭﺿﻌﺞ ﻣﺎﻛﻮﺷﻲ ﺟﺪﻳﺪ ...
... ﻋﻮﻓﺞ ﻣﻦ ﻋﻨﺪﻱ ﺳﻮﻟﻔﻲ ﺍﻧﺘﻲ ﺷﺴﻮﺕ ﺑﻴﺞ ﻣﻨﺎﻝ
... ﻫﺴﻪ ﺍﺣﺠﻴﻠﺞ ﺑﺲ ﺑﻼﻭﻝ ﺍﺣﺠﻴﻠﻲ ﺍﻧﺘﻲ ﺍﺷﻮ ﺑﻴﺴﺎﻥ ﻣﺒﻴﻨﻪ ﻣﺎﻣﺮﺗﺎﺣﻪ ...
... ﻣﺴﻚ ﻳﻤﻜﻦ ﻛﻤﺖ ﺍﺣﺐ ﻣﺮﺍﺩ ﻭﻟﺞ ﻛﻠﻤﺎ ﺍﺗﻘﺮﺑﻠﻪ ﻳﺒﺘﻌﺪ ﻭﺍﻟﺴﺎﻧﻲ ﻣﺎ ﺍﻛﺪﺭ ﺍﺿﺒﻄﻪ ﻭﻏﺜﻴﺘﻪ ﺑﺤﺠﺎﻳﻪ ﻭﺭﺍﺡ ﻳﺼﻴﺮ ﺷﻬﺮ ﺯﻋﻼﻥ ﺑﺲ ﻋﻠﻰ ﻛﺪ ﺍﻟﺴﺆﺍﻝ ...
... ﻭﺍﻧﺘﻮ ﺑﻌﺪﻛﻢ ﺍﺧﻮﺍﻥ ﻣﺎﺻﺎﺭﺕ ﻋﻼﻗﻪ ﺑﻴﻨﺎﺗﻜﻢ ...
... ﻻ ﻻﻋﻼﻗﻪ ﻭﻻﺷﻲ ﺍﺣﺴﻪ ﻫﻮﻣﺎﻳﺮﻳﺪ ﻛﺎﻧﻤﺎ ﺍﺑﺎﻟﻪ ﺷﻲ .. ﺍﻭﻭﻭ ﻣﺎ ﺍﺭﻳﺪ ﺍﺩﻭﺧﺞ ﺍﻻﻳﺎﻡ ﻫﻮﺍﻱ ﻭﺍﻧﺴﻮﻟﻒ ﺗﻌﺎﻟﻲ ﻓﻬﻤﻴﻨﻲ ﺷﺠﺎﺑﺞ ﻫﻨﺎ ﻭﺗﺰﻭﺟﺘﻲ ﺯﻳﺪ ...
.... ﻻ ﺯﻭﺍﺝ ﺷﻨﻮ ﺯﻳﺪ ﻫﻮ ﺍﻟﻲ ﺳﺎﻋﺪﻧﻲ ﻭﻃﻠﻌﻨﻲ ﻣﻦ ﺍﻟﺴﺠﻦ ﻳﺎﺑﻴﺴﺎﻥ ﻋﺸﺖ ﺍﻳﺎﻡ ﺗﻤﻨﻴﺖ ﺍﻟﻤﻮﺕ ﺑﻴﻬﻪ ...
ﺍﻧﻲ ﺍﺣﺠﻲ ﻭﺑﻴﺴﺎﻥ ﺗﺒﺠﻲ ﺍﻡ ﺩﻣﻴﻌﻪ ﻓﻀﺤﺘﻨﻪ ﻫﺴﻪ ﻳﺠﻲ ﻣﺮﺍﺩ ﻭﻳﻜﻮﻝ ﻣﻦ ﻛﺎﺗﻠﻬﻪ ....
... ﺳﻮﺩﻩ ﻋﻠﻴﻪ ﺍﻟﺮﺏ ﻳﺨﺰﻳﺞ ﻳﺎﻣﻨﺎﻝ ﻭﻳﺎﻧﻮﺭﻱ ﻭﻳﺎﺟﺎﺳﻢ ﺍﺑﻮ ﺍﻟﺒﻴﺮﻩ ...
.... ﺍﻭﻭﻭﻑ ﻛﻮﻟﺖ ﺍﻟﺤﺠﻴﻪ ﺍﺯﻣﻪ ﻭﻋﺪﺕ ...
... ﺍﻛﻮﻝ ﺯﻳﺪ ﻣﺎﺧﻄﺒﺞ ﻭﺗﺰﻭﺟﻲ ﻣﺎﻋﻨﺪﺝ ﺍﺣﺪ ...
... ﺍﻟﺼﻤﻲ ﺑﻴﺴﺎﻥ ﺍﻟﺮﺟﺎﻝ ﻣﺘﺰﻭﺝ ﺍﺑﺪ ﻣﺎ ﺍﺣﺐ ﺍﻛﻮﻥ ﺳﺒﺐ ﺑﺘﻌﺎﺳﺔ ﺍﺣﺪ ﺣﺘﻠﻮ ﻳﺨﻄﺒﻨﻲ ﻣﺎﺍﻗﺒﻞ ﻣﺮﺗﻪ ﺣﻠﻮ ﻭﻣﺒﻴﻨﻪ ﻣﺜﻘﻔﻪ ﻟﻴﺶ ﺍﺟﻲ ﺍﻫﺪﻡ ﻋﺎﺋﻠﺘﻪ ...
... ﻋﺎﺩﻱ ﻣﻮﺗﻜﻮﻟﻮﻥ ﺍﻟﺸﺮﻉ ﺣﻠﻞ 4 ﺧﻠﻲ ﻳﺘﺰﻭﺝ ﺷﻜﻮ ﺑﻴﻬﻪ ..
... ﺗﻘﺒﻠﻴﻦ ﻣﺮﺍﺩ ﻳﺘﺰﻭﺝ ﻋﻠﻴﺞ ...
... ﻻ ﻳﻤﻪ ﺍﻣﻮﺗﻪ ...
.. ﺧﻼﺹ ﻣﺜﻞ ﻣﺎﺗﺮﻳﺪﻫﻪ ﻟﻨﻔﺴﺞ ﻏﻴﺮﺝ ﻫﻢ ﻧﻔﺲ ﺍﻟﻤﺸﺎﻋﺮ ﻭﺍﻻﺣﺎﺳﻴﺲ ﻛﻠﻬﻪ ﺷﻜﻢ ﻳﻮﻡ ﻭﺍﺷﻮﻓﻠﻪ ﻣﻜﺎﻥ ﺍﺭﻭﺣﻠﻪ ...
... ﻭﻳﻦ ﺗﺮﻭﺣﻴﻦ ﺳﻤﻌﺖ ﻣﺘﺒﺮﻳﻦ ﻣﻨﺞ ﻣﺪﺭﻱ ﺷﻨﻮ . ...
... ﻃﺒﻬﻢ ﺟﺪﺭﻱ ﻭﻃﺎﻋﻮﻥ ﻋﻠﻰ ﺍﺳﺎﺱ ﻫﻢ ﺑﻴﻬﻢ ﺧﻴﺮ ﺍﻓﻜﺮ ﺍﺗﺼﻞ ﺑﺨﺎﻟﻪ ﻣﺎﻣﺎ ﺍﻟﻠﻪ ﻳﺮﺣﻤﻬﻪ ﺑﺎﻟﻨﺠﻒ ﻭﺍﺭﻭﺡ ﻳﻤﻬﻪ ﺍﺣﺲ ﻧﻔﺴﻲ ﺛﻜﻴﻠﻪ ﺣﻴﻞ ....
... ﻻﺗﺴﺘﻌﺠﻠﻴﻦ ﺷﻮﻳﻪ ﺧﻠﻲ ﺗﻬﺪﺀ ﺍﻻﻣﻮﺭ ﻳﻠﻪ ﺗﺮﻭﺣﻴﻦ ..
... ﺍﻟﻠﻪ ﻛﺮﻳﻢ . ... ﺑﻌﺪﻧﻲ ﺍﺳﻮﻟﻒ ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻛﻤﻨﻪ ﺍﺛﻨﻴﻨﻪ ﻧﺒﺎﻭﻉ ﺷﻔﺖ ﺯﻳﺪ ﻭﻣﺮﺍﺩ ﺩﺧﻠﻮﺍ ﻟﻼﺳﺘﻘﺒﺎﻝ ...
.... ﻋﻴﻨﻲ ﻫﺬﺍ ﻣﺮﺍﺩ ﻋﻠﻢ ﺩﺍﺭ ﺣﻠﻮ ﺟﻨﻪ ﻣﺼﻘﻮﻟﻪ ...
... ﻭﻟﻲ ﻻﺗﺘﻐﺰﻟﻴﻦ ﺑﺮﺟﻠﻲ
... ﻳﻠﻪ ﻋﻴﻨﻲ ﺍﻡ ﺭﺟﻞ ﺷﻠﻮﻧﺞ ﺍﻧﺘﻲ ﺑﻴﺞ ﺣﻆ ﻣﻮﻟﺴﻪ ﺍﺧﻮﺍﻥ ﺻﺎﺭ ﻗﺮﻥ ﻣﻦ ﺗﺰﻭﺟﺘﻲ ﻫﺬﺍ ﺍﻟﻐﺰﻝ ﻣﺎﻟﺘﺞ ﺭﻭﺣﻲ ﻛﻮﻟﻲ ﺍﻟﻪ ﻭﺷﻮﻓﻲ ﺷﻴﺴﻮﻱ ....
... ﻟﺞ ﻣﺴﻚ ﺍﺳﺘﺤﻲ ﺣﺠﻴﺘﻠﻬﻪ ﺑﺠﺮ ﻣﺜﻞ ﻭﺣﺪﻩ ﻣﺎﻳﻌﻪ ...
... ﺍﺑﻘﻲ ﺍﺳﺘﺤﻲ ﻟﻮ ﺍﻧﻲ ﻣﻦ ﻋﻨﺪﺝ ﺍﻛﻠﻪ ﻫﺴﻪ ﺍﺗﻢ ﺍﻟﻌﻤﻠﻴﻪ ﻻ ﺗﻌﺮﻑ ﻣﺼﻴﺮﻙ ﺷﻠﻮﻥ ﺭﺟﺎﻝ ﻣﺘﺤﻤﻞ ﻟﺴﻪ ﻭﺻﺎﺑﺮ ...
... ﻋﺰﺍﺍﺍ ﻣﺴﻚ ﺗﺤﺠﻲ ﻣﻨﻄﻠﻘﻪ ﻭﺯﻳﺪ ﻭﺍﻛﻒ ﺑﺎﻟﺒﺎﺏ ﻭﺍﺑﺘﺴﺎﻣﻪ ﺑﻮﺟﻬﻪ ﺍﺭﻳﺪ ﺍﺳﻜﺘﻬﻪ ﻣﺎﻛﻮ ﻋﺒﺎﻟﻚ ﻣﺴﺠﻞ ﻭﺍﻧﻔﺘﺢ ﻭﺍﻻﻛﺒﺮ ﻣﻨﻬﻪ ﺩﻛﻮﻝ ﺍﺫﺍ ﻣﺎ ﺍﺟﻪ ﻟﻠﻄﺮﻳﻖ ﺍﺭﺑﻄﻪ ﻟﻠﺠﺮﺑﺎﻳﻪ ﻭﻋﻮﺩ ﺧﻠﻲ ﻳﺼﻴﺢ ﺍﻣﻪ ﺍﻏﻤﺰ ﺍﺭﻳﺪ ﻣﺎﻛﻮ ﺗﺎﻟﻲ ﻛﻤﺖ ﻭﻛﻔﺖ ﻳﻠﻪ ﺍﻧﺘﺒﻬﺖ ﻋﻠﻴﻪ ﺍﻭﻝ ﻣﺎ ﺍﻟﺘﻔﺘﺖ ﺭﺟﻌﺖ ﺩﺍﺭﺕ ﻭﺟﻬﻪ ﻋﻠﻴﻪ ﻭﻭﺟﻬﻪ ﺍﺣﻤﺮ ﺩﻡ . ...
ﺯﻳﺪ ... ﺍﻫﻼ ﺑﻴﺴﺎﻥ ﺷﻨﻮ ﻫﺎﻱ ﺍﻟﻤﻔﺎﺟﺌﻪ ﺍﻟﺤﻠﻮﻩ ﺟﺎﻥ ﻛﻠﺖ ﻟﻤﺴﻚ ﻫﺴﻪ ﻋﺮﻓﺖ ﻣﻦ ﺍﻣﻲ ...
... ﺷﻜﺮﺍ ﺍﻧﻲ ﻫﻢ ﻣﺎ ﺍﺩﺭﻱ ﺑﻤﺴﻚ ﻫﻨﺎ ﻣﻦ ﺭﺧﺼﺘﻜﻢ ﺑﺴﺮﻋﻪ ﻃﻠﻌﺖ ﺍﺣﺲ ﺍﻟﺪﻡ ﺟﻤﺪ ﺑﻌﺮﻭﻗﻲ ﺍﻧﻌﻞ ﺣﻈﺞ ﻳﺎﻣﺴﻚ ﻋﻠﻰ ﻫﺎﻱ ﺍﻟﻌﻤﻠﻪ ...
ﻣﺴﻚ ... ﺍﻟﺤﺮﺍﺭﻩ ﻭﺍﻟﺒﻮﺧﻪ ﻋﺒﺎﻟﻚ ﻣﺨﻠﻴﻨﻲ ﺑﻔﺮﻥ ﺷﻜﺪ ﻓﺸﻠﻪ ﻭﻋﻴﺐ ﻭﺧﺰﻱ ﺷﻴﻜﻮﻝ ﻋﻠﻴﻪ ﻫﺴﻪ ﺑﺲ ﻭﺍﻟﻠﻪ ﺍﺣﺐ ﺍﺣﺸﺶ ﻋﻠﻰ ﺑﻴﺴﺎﻥ ﻋﺰﺍﺍﺍ ﺑﻌﻴﻨﻲ ﻣﺎﻛﺪﺭﺕ ﺍﺑﺎﻭﻉ ﺑﻮﺟﻬﻪ ﺗﻘﺪﻣﺖ ﺍﺭﻳﺪ ﺍﻃﻠﻊ ﻣﻦ ﺍﻟﻤﻄﺒﺦ ﻛﻄﻊ ﻋﻠﻴﻪ ﺍﻟﻄﺮﻳﻖ ﻭﻣﺨﻠﻲ ﺍﻳﺪﻩ ﺑﺠﻴﺒﻪ ...
ﺯﻳﺪ ... ﺷﺒﻴﺞ ﺧﺠﻠﺘﻲ ﻳﺴﻤﺮﻩ ﻣﺎﺭﺍﺡ ﺁﻛﻠﺞ ...
ﻣﺴﻚ ... ﻳﻤﻪ ﺻﺎﺭ ﻏﺰﻝ ﻭﻳﻦ ﺍﻭﻟﻲ ﻓﺘﺤﺖ ﻋﻴﻨﻲ ﻋﻠﻰ ﻛﺒﺮﻫﻪ ﻭﻛﺘﻠﻪ ﺍﻟﻌﻔﻮ ﺑﺲ ﺧﻠﻲ ﺍﻃﻠﻊ ﻣﻨﺎ ...
.... ﻻ ﻣﺎ ﺍﻃﻠﻌﻴﻦ ﻋﻠﻴﻤﻦ ﺧﺠﻠﺘﻲ ﺷﺤﺠﻴﺖ ﺍﻧﻲ ﺍﻧﺘﻲ ﻣﻮﺳﻤﺮﻩ ..
... ﺍﻟﻠﻪ ﻋﻠﻴﻚ ﺧﻠﻲ ﺍﻃﻠﻊ ﻣﻨﺎ ﻋﻴﺐ ﻣﻦ ﺍﻟﺤﺠﻴﻪ ﻣﺎﻛﻌﺪﺕ ﻳﻢ ﺍﻟﺨﻄﺎﺭ ...
ﺳﻮﺍﻟﻲ ﻣﺠﺎﻝ ﺑﺴﺮﻋﻪ ﺷﻠﺘﻬﻪ ﺭﻛﻀﻪ ﻭﺍﻟﺤﺮﺍﺭﻩ ﻣﺸﺘﻌﻠﻪ ﺑﺨﺪﻭﺩﻱ ﺍﻟﻮﺿﻊ ﻫﻨﺎ ﻣﺎﻳﻄﻤﻦ ﻻﺯﻡ ﺍﻃﻠﻊ ﻧﻈﺮﺍﺕ ﺯﻳﺪ ﺻﺎﺭﺕ ﺍﻛﺜﺮ ﺟﺮﺋﻪ ﻭﻣﺎ ﺍﺭﻳﺪ ﺍﻭﺭﻁ ﺣﺎﻟﻲ ...
ﺻﺢ ﺑﻼﻭﻝ ﺍﻧﻌﺠﺒﺖ ﺑﻲ ﺑﺲ ﻣﻦ ﺳﻤﻌﺖ ﻣﺘﺰﻭﺝ ﺷﻠﺖ ﻫﺬﺍ ﺍﻟﻤﻮﺿﻮﻉ ﻧﻬﺎﺋﻴﺎ ﻋﻦ ﺑﺎﻟﻲ ﻣﺎﺍﺭﻳﺪ ﺍﻓﻜﺮ ﺑﺸﻲ ﻭﺍﻭﻛﻊ ﺑﺤﺒﻪ ....
ﺟﺎﻥ ﻫﺬﺍ ﺍﻟﻴﻮﻡ ﺍﺣﻠﻰ ﻳﻮﻡ ﺷﻮﻓﻪ ﺑﻴﺴﺎﻥ ﻛﻠﺶ ﻛﺎﻓﻴﻪ ﺗﻮﻧﺴﻨﻪ ﻭﻟﻠﻌﺼﺮ ﻳﻠﻪ ﺭﺍﺣﻮﺍ ﺣﺘﻪ ﺯﻳﺪ ﺭﺍﺡ ﻭﺍﻡ ﻧﺠﻢ ﻫﻢ ﺭﺍﺣﺖ ﻟﻠﺒﻴﺖ ﺍﻟﺜﺎﻧﻲ ﺿﻠﻴﺖ ﺑﺲ ﺍﻧﻲ ﻭﺍﻟﺤﺠﻴﻪ .....
ﺷﻜﻠﺖ ﺍﻟﺪﺷﺪﺍﺷﻪ ﻭﺑﺪﺕ ﻣﺮﺣﻠﻪ ﺍﻟﺘﻨﻈﻴﻒ ﻋﻨﺪﻱ ﺧﺎﺻﻪ ﺍﻧﻲ ﺍﻧﺪﻣﺞ ﻭﺍﺭﻭﺡ ﺯﺍﻳﺪ ﺑﺎﻟﺸﻐﻞ ...
ﻧﻈﻔﺖ ﺍﻟﺒﻴﺖ ﻋﻠﻰ ﺍﺗﻢ ﻭﺟﻪ ﻭﻏﺴﻠﺖ ﻣﻮﺍﻋﻴﻦ ﻭﺭﺗﺒﺘﻪ ﺍﻧﺘﺒﻬﺖ ﻋﻠﻰ ﺍﻟﺤﺠﻴﻪ ﻣﺨﻠﻴﻪ ﺍﻟﻜﺮﺳﻲ ﺑﺒﺎﺏ ﺍﻟﻤﻄﺒﺦ ﻭﺗﺒﺎﻭﻋﻠﻲ ﻭﻣﺒﺘﺴﻤﻪ ....
ﺭﺣﺖ ﺳﺒﺤﺖ ﻭﺑﺪﻟﺖ ﻭﺍﺟﻴﺖ ﻛﻌﺪﺕ ﻳﻤﻬﻪ ﻟﻜﻴﺘﻬﻪ ﺑﺎﻟﺤﺪﻳﻘﻪ ﺳﻮﺍﻟﻔﻬﻪ ﺣﻠﻮﻩ ﺧﺪﺭﺕ ﻗﻮﺭﻱ ﺍﻟﺠﺎﻱ ﻭﻃﻠﻌﺖ ﻛﻌﻚ ﻭﺭﺣﺖ ﻳﻤﻬﻪ ....
ﺍﻟﺤﺠﻴﻪ .. ﺍﻟﻠﻪ ﻳﺮﺿﻰ ﻋﻠﻴﺞ ﺭﺍﺳﻲ ﻳﻮﺟﻌﻨﻲ ﺍﻟﻴﻮﻡ ﻣﺎﺷﺮﺑﺖ ﺟﺎﻱ ..
... ﺍﻱ ﺍﻟﻌﺮﺍﻗﻴﻦ ﻛﻠﻬﻢ ﻋﺪﻫﻢ ﻋﻼﻗﻪ ﺣﺐ ﻭﻳﻪ ﺍﻟﺠﺎﻱ ﺍﺭﻳﺪ ﺍﺳﺄﻟﺞ ﺧﺎﻟﻪ ﺑﺲ ﻣﺴﺘﺤﻴﻪ ...
... ﻛﻮﻟﻲ ﻳﻤﻪ ﻋﻠﻴﻤﻦ ﻣﺴﺘﺤﻴﻪ ﻛﺎﻋﺪ ﺑﻨﺼﻨﻪ ﺭﺟﺎﻝ ﻭﻣﺎ ﺍﺩﺭﻱ ...
... ﻫﺬﺍ ﺍﻟﺒﻴﺖ ﺍﻟﺞ ﺑﺲ ﻣﻦ ﺍﺟﻴﺖ ﻟﻜﻴﺘﺞ ﻫﻨﺎﻙ ﻭﻳﻦ ﻣﺴﺘﻘﺮﻩ ﺍﻧﺘﻲ ...
... ﻫﻨﺎ ﺑﻴﺘﻲ ﻭﻏﺮﺍﺿﻲ ﻣﺎ ﺍﻛﺪﺭ ﺍﻋﻮﻓﻪ ﺑﺲ ﺯﻳﺪ ﺍﺷﺘﺮﻯ ﺑﻐﻴﺮ ﻣﻨﻄﻘﻪ ﺭﺍﺩ ﻳﻄﻠﻊ ﻣﻨﺎ ﻻﻥ ﻓﺮﻭﻉ ﺿﻴﻜﻪ ﻣﺎﻝ ﻗﺒﻞ ﺑﺲ ﻣﺎﻃﺎﻭﻋﺘﻪ ﻛﻤﺖ ﺍﺭﻭﺣﻠﻪ ﺑﻴﻦ ﻳﻮﻡ ﻭﻳﻮﻡ ﺑﺲ ﺍﺑﺎﺕ ﻫﻨﺎ ...
... ﻭﻣﻨﻮ ﻳﺒﺎﺕ ﻳﻤﺞ ﻭﺷﻠﻮﻥ ﻭﺣﺪﺝ ..
... ﺍﻡ ﻧﺠﻢ ﻳﻤﻲ ﺑﺲ ﻫﺴﻪ ﻻﻥ ﺍﻧﺘﻲ ﻫﻨﺎ ﺩﺯﻳﺘﻬﻪ ﻳﻢ ﻣﺮﻭﻩ ...
ﺍﻧﻲ ﻳﺎﺑﻨﻴﺘﻲ ﻋﻨﺪﻱ ﺍﺭﺑﻊ ﻭﻟﺪ ﻣﺤﻤﺪ ﻭﺯﻳﺎﺩ ﻭﻫﺸﺎﻡ ﻭﺯﻳﺪ ﺍﻟﺠﺒﻴﺮ ﻣﺤﻤﺪ ﻣﻌﻠﻢ ﻭﺑﻴﺘﻪ ﻗﺮﻳﺐ ﻋﻠﻴﻨﻪ ﻭﺯﻳﺎﺩ ﺍﺳﺘﺎﺫ ﺑﺎﻟﺠﺎﻣﻌﻪ ﻭﻣﺎﻣﺘﺰﻭﺝ ﺳﺎﻓﺮ ﻳﻜﻤﻞ ﺩﺭﺍﺳﻪ ﺑﻤﺎﻟﻴﺰﻳﺎ ﻭﻫﺸﺎﻡ ﺍﺑﻮ ﺳﻬﻰ ﻫﺬﺍ ﺍﻟﻠﻪ ﻣﺎﺑﺎﺭﻙ ﺑﻲ ﺍﺑﺪ ﻭﺭﺍﺡ ﻟﺪﺭﺏ ﺍﻟﺤﺮﺍﻡ ﻭﺯﻳﺪ ﺍﺧﺮ ﻭﺍﺣﺪ ﺷﻮﻓﻪ ﻋﻴﻨﺞ ﻋﻘﻴﺪ ﻋﻨﺪﻱ ﺑﻨﻴﻪ ﻭﺣﺪﻩ ﺗﺰﻭﺟﺖ ﻭﺳﺎﻓﺮﺕ ﻭﻳﻪ ﺭﺟﻠﻬﻪ ﺍﻟﺤﻤﺪﻟﻠﻪ ﻣﺮﺗﺎﺣﻴﻦ ﺑﺲ ﻫﺸﺎﻡ ﻣﻦ ﺭﺷﺢ ﺑﻼﻧﺘﺨﺎﺑﺎﺕ ﻣﺎﺭﺿﻴﺖ ﻋﻠﻲ ﺍﺑﺪ ﺑﺲ ﻣﺎﺳﻤﻊ ﻛﻼﻣﻲ ﻭﺭﺍﺡ ﻭﺷﺒﻊ ﺍﺑﻄﻮﻥ ﻭﻟﺪﻩ ﻭﺑﻨﺎﺗﻪ ﺣﺮﺍﻡ ....
ﻭﻓﻮﻙ ﻛﻞ ﻫﺬﺍ ﻃﻐﻰ ﻫﻮﺍﻱ ﻭﻛﺎﻡ ﻳﻤﺸﻲ ﻋﻠﻰ ﺍﻟﻜﺎﻉ ﺑﺘﻜﺒﺮ ﺷﻜﺪ ﻧﺼﺤﺘﻪ ﺑﺲ ﻣﺎﻓﺎﺩ ﻣﺎﺳﺎﻣﻌﻪ ﻳﺎﻳﻤﻪ ﺍﻟﻨﺎﺭ ﺗﺨﻠﻒ ﺭﻣﺎﺩ ﻫﺎﻱ ﺍﻧﻲ ﺧﻠﻔﺖ ﻫﺸﺎﻡ ﺭﻣﺎﺩ ....
... ﺍﻟﻠﻪ ﻳﻬﺪﻱ ﺣﺠﻴﻪ ﻭﺧﺎﺻﻪ ﺑﻨﺘﻪ ﺳﻬﻰ ...
... ﻫﺎﻱ ﺍﻟﻔﺼﻌﻮﻧﻪ ﻣﻦ ﺳﻤﻊ ﺯﻳﺪ ﻫﻴﺞ ﻣﺴﻮﻳﻪ ﻭﺩﺍﺯﻩ ﺟﻤﺎﻋﻪ ﻋﻠﻴﺞ ﺭﺍﺩ ﻳﻤﻮﺗﻬﻪ ﻟﻮ ﻣﺎ ﺍﻧﻲ ﺍﻭﻛﻒ ﺑﻮﺟﻬﻪ ﺍﺳﺒﻮﻉ ﺍﺻﺎﺑﻌﻪ ﻃﺎﺑﻌﻪ ﻋﻠﻰ ﻭﺟﻬﻪ ﻭﺑﻄﻠﻬﻪ ﺧﺴﺮﺕ ﻛﻠﻴﺘﻬﻪ ﻣﻦ ﻭﺭﺍ ﻭﻛﺎﺣﺘﻬﻪ ﻭﺍﻣﻬﻪ ﻓﻘﻴﺮﻩ ﺣﻴﻞ ﺑﺲ ﻫﺎﻱ ﺷﺎﺧﺖ ﺑﺎﺑﻮﻫﻪ ....
... ﻭﺍﻟﻠﻪ ﺍﻧﻲ ﻛﻠﺸﻲ ﻣﺎﻋﻨﺪﻱ ﻭﻳﺎﻫﻪ ﺑﺲ ﻫﻲ ﺗﻀﻮﺝ ﻣﻨﻲ ﻭﺩﺍﺋﻤﺎ ﺗﺴﻤﻌﻨﻲ ﻛﻼﻡ ﺑﺎﻥ ﺍﻧﻲ ﻓﻘﻴﺮﻩ ....
... ﻛﻠﻨﻪ ﻓﻘﺮﻩ ﻭﺍﻟﻠﻪ ﻣﺮﺕ ﻋﻠﻴﻨﻪ ﺍﻳﺎﻡ ﺍﻟﺨﺒﺰﻩ ﻣﺎﻋﺪﻧﻪ ﻛﻞ ﺍﻧﺴﺎﻥ ﻳﻤﺮ ﺑﻤﺮﺣﻠﻪ ﻣﻦ ﺣﻴﺎﺗﻪ ﺍﺧﺘﺒﺎﺭ ﻟﺼﺒﺮﻩ ﺑﺲ ﻣﻮﻫﻲ ﻋﺎﺷﺖ ﺑﻔﻠﻮﺱ ﺍﻟﺤﺮﺍﻡ ﻫﻴﺞ ﺻﺎﺭﺕ ...
ﺑﻨﻴﺘﻲ ﻣﺴﻚ ﺍﻟﺪﻧﻴﺎ ﺳﺨﻴﻔﻪ ﻭﻣﺎﺗﻌﺮﻓﻴﻦ ﻭﻳﻦ ﺗﻮﺩﻳﺞ ﺍﻟﻲ ﻳﺘﻘﺪﻣﻠﺞ ﺍﻗﺒﻠﻲ ﺑﻲ ﺍﺫﺍ ﺗﺸﻮﻓﻲ ﻣﺎﻧﺎﻗﺼﻪ ﺷﻲ ﺍﺳﺘﻘﺮﻱ ﺣﺘﻪ ﻣﺎﺗﺎﺧﺬﻳﻦ ﻣﺴﺎﻋﺪﻩ ﻣﻦ ﺍﺣﺪ ﻭﻧﺬﺭ ﻋﻠﻴﻪ ﺍﺯﻓﺞ ﺑﻴﺪﻱ ﻣﻌﺰﺯﻩ ﻣﻜﺮﻣﻪ ....
... ﻣﺎﺗﻘﺼﺮﻳﻦ ﻭﺍﻟﻠﻪ ﻣﻮﻛﺪﺍﻣﺞ ﺑﺲ ﻭﻧﻌﻢ ﻣﻨﺞ ﻣﺎﺷﻔﺖ ﺍﻧﺴﺎﻧﻪ ﻣﺜﻠﺞ ﺭﺑﻲ ﻳﺨﻠﻴﺞ ﻭﻳﻄﻮﻝ ﺑﻌﻤﺮﺝ ....
ﺍﺧﺬﺗﻨﻪ ﺍﻟﺴﻮﺍﻟﻒ ﻭﻫﻲ ﺗﺴﻮﻟﻔﻠﻲ ﻋﻦ ﻗﺒﻞ ﻟﺤﺪﻣﺎﺻﺎﺭ ﺍﻟﻤﻐﺮﺏ ﻭﺩﺧﻠﻨﻪ ﺟﻮﻩ ﺳﻮﻳﺖ ﻋﺸﺎ ﻭﺗﻌﺸﻴﻨﻪ ﺍﻧﻲ ﻭﻳﺎﻫﻪ ﺭﺍﺱ ﻋﻠﻰ ﺭﺍﺱ ﻟﺤﺪﻣﺎ ﻧﻤﻨﻪ .....
ﺑﻴﺴﺎﻥ ... ﺭﺟﻌﺖ ﻣﻦ ﻣﺴﻚ ﻓﺮﺣﺎﻧﻪ ﺑﺲ ﻋﻨﺪﻱ ﺍﺳﺌﻠﻪ ﻟﻤﺮﺍﺩ ﻭﻳﻦ ﻳﻌﺮﻑ ﺯﻳﺪ ﻭﺷﻠﻮﻥ ﻭﺻﻠﻨﻪ ﻟﻠﺒﻴﺖ ﺑﺪﻟﺖ ﻭﻛﻌﺪﺕ ﺍﻧﺘﻈﺮﻩ ﺍﺟﻪ ﻭﺭﺍﻱ ﻫﻢ ﺑﺪﻝ ﻭﺭﺍﺩ ﻳﻨﺰﻝ ﻣﺎﺧﻠﻴﺘﻪ ....
... ﻣﺮﺍﺩ ﻻﺗﻨﺰﻝ ﺍﺭﻳﺪ ﺍﺣﺠﻲ ﻭﻳﺎﻙ ...
... ﻛﻮﻟﻲ
... ﻭﻳﻦ ﺗﻌﺮﻑ ﺍﻟﻌﻘﻴﺪ ﺯﻳﺪ ﻭﻣﺴﻚ ...
... ﻣﺎ ﺍﻋﺮﻑ ﻣﺴﻚ ﺑﺲ ﻣﻦ ﺻﺎﺭﺕ ﺳﺎﻟﻔﺘﻬﻪ ﺷﻜﻴﺖ ﺑﻴﻬﻪ ﻧﻔﺴﻬﻪ ﺻﺪﻳﻘﺘﺞ ﻧﻔﺲ ﺍﻻﺳﻢ ﻭﻣﺮﻩ ﻭﺻﻠﺘﺞ ﻟﺒﻴﺘﻬﻪ ﻭﻣﻦ ﻃﻠﻌﺖ ﻛﺸﻒ ﻭﻳﺎﻫﻢ ﺍﺗﺬﻛﺮﺗﻬﻪ
ﻣﺎﺭﺩﺕ ﺍﺷﻐﻞ ﺑﻴﺞ ﻟﺤﺪﻣﺎ ﻃﻠﻌﺖ ﻭﺣﺒﻴﺖ ﺍﺳﻮﻳﻠﺞ ﻣﻔﺎﺟﺌﻪ ﺍﻣﺎ ﺯﻳﺪ ﻓﻬﻮ ﺍﻟﻌﻘﻴﺪ ﻣﺎﻟﺘﻲ ﻣﻦ ﺍﻧﻲ ﺿﺎﺑﻂ ﻫﻮ ﺍﻻﻣﺮ ﻣﺎﻟﺘﻲ ....
ﻭﺟﺎﻥ ﺣﻴﻞ ﻳﻌﺰﻧﻲ ﻭﺻﺮﺕ ﻗﺮﻳﺐ ﻋﻠﻲ ﻭﻣﻦ ﺗﻌﺮﺿﺖ ﻟﻠﺤﺎﺩﺙ ﻭﻛﻒ ﺑﺠﺎﻧﺒﻲ ﻫﻮﺍﻳﻪ ﻭﻟﺤﺪﺍﻻﻥ ﻫﻮ ﺑﺠﺎﻧﺒﻲ ....
... ﻣﻤﻤﻢ ﺍﻧﻲ ﺍﻋﺮﻓﻪ ﺳﺎﻋﺪ ﻣﺴﻚ ﻫﻮﺍﻳﻪ ..
... ﺯﻳﻦ ﻣﺴﻚ ﻫﻢ ﻋﺪﻫﻪ ﻣﺸﺎﻋﺮ ﺍﺗﺠﺎﻫﻪ
... ﻫﺎﺍﺍ ﻻﺍﺍ ﺍﺍﺍﻱ ﻣﺎﺍﺩﺭﻱ ...
... ﻫﻬﻬﻪ ﺑﻴﺴﺎﻥ ﺍﺑﺪ ﻣﺎﺗﻌﺮﻓﻴﻦ ﺗﺠﺬﺑﻴﻦ ﺍﻟﻤﻬﻢ ﺍﻧﻲ ﺑﺎﺟﺮ ﺍﺭﻭﺡ ﻭﻳﻪ ﺍﻟﺤﺸﺪ ﺍﻧﻮﺯﻉ ﻣﺴﺎﻋﺪﺍﺕ ...
... ﺷﻨﻮ ﺍﻟﻠﻪ ﻋﻠﻴﻚ ﻣﺮﺍﺩ ﻻﺗﺮﻭﺡ ﺍﺿﻮﺝ ﻫﻨﺎ ..
... ﺍﻟﺘﻬﻲ ﺑﺪﻭﺍﻣﺞ ﺍﺿﻞ ﺍﺳﺒﻮﻉ ﻭﺍﺟﻲ ..
.... ﻣﻦ ﻛﺎﻝ ﻫﻴﺞ ﺻﺪﻙ ﺿﺠﺖ ﺷﺮﺍﺡ ﻳﺨﻠﺼﻬﻪ ﻫﻮ ﺑﻠﻴﻞ ﻳﺠﻲ ﻭﺍﻟﻨﻬﺎﺭ ﺍﺣﺴﻪ ﺷﻄﻮﻟﻪ ﺍﻧﻮﺑﻪ ﺍﺳﺒﻮﻉ ﺭﺩﺕ ﺍﺭﺿﻲ ﺑﻌﺪ ﺑﺲ ﺑﺴﺮﻋﻪ ﻧﺎﻡ ﺣﺘﻪ ﻣﺎﻳﻨﻄﻲ ﻣﺠﺎﻝ . ....
ﺛﺎﻧﻲ ﻳﻮﻡ ﻛﻌﺪﺕ ﻣﻦ 6 ﻟﻜﻴﺘﻪ ﺭﺍﻳﺢ ﺣﻴﻞ ﺍﻧﻘﻬﺮﺕ ﻟﻴﺶ ﻣﺎﺳﻠﻢ ﻋﻠﻴﻪ ﺷﺪﻋﻮﻩ ﻫﻠﻜﺪ ﺷﺎﻳﻒ ﻧﻔﺴﻲ ﺟﺮﻳﺖ ﺍﻟﻤﻮﺑﺎﻳﻞ ﻭﻛﺘﺒﺘﻠﻪ ..
ﻣﺎﺗﻌﺮﻑ ﺗﻜﻌﺪﻧﻲ ﺣﺘﻪ ﺍﺷﻮﻓﻚ ﻟﻮﺗﺴﻠﻢ ﻋﻠﻴﻪ ﺍﻟﻤﻬﻢ ﺩﻳﺮﺑﺎﻟﻚ ﻋﻠﻰ ﻧﻔﺴﻚ ﺯﻳﻦ ....
ﺍﻧﺘﻈﺮﺗﻪ ﻳﺪﺯ ﺭﺳﺎﻟﻪ ﻳﺠﺎﻭﺑﻨﻲ ﻣﺎﻛﻮ ﻣﺎﻋﺒﺮﻧﻲ ﺍﻧﻲ ﺍﻟﻚ ﻣﺮﺍﺩ ﺷﺎﻳﻒ ﻧﻔﺴﻚ ﺍﻣﺎﻝ ﺭﺟﻌﺖ ﻟﺒﻴﺘﻬﻢ ﺧﻠﺼﺖ ﻣﻨﻬﻪ ﻭﺩﻣﻮﻉ ﺷﻨﺖ ﺍﻟﺤﺮﺏ ﺑﺲ ﺍﻡ ﺍﻳﻬﺎﺏ ﺗﻮﻛﻒ ﺑﻮﺟﻬﻪ ﻭﺗﺴﻜﺘﻬﻪ ....
ﻣﺎﺍﺗﺤﻤﻠﺖ ﻓﺮﺍﻙ ﻣﺮﺍﺩ ﺑﺲ ﺍﺑﺠﻲ ﻭﻣﺘﻜﺎﺑﻪ ﻭﻓﻮﻛﺎﻫﻪ ﻣﺎﻳﺠﺎﻭﺑﻨﻲ ﺍﺑﺪ ﺭﺣﺖ ﺣﺠﻴﺖ ﻟﺼﺒﺎ ﻛﻮﻟﺸﻲ ..
ﺻﺒﺎ ... ﺑﻴﺴﺎﻥ ﺍﻧﺘﻲ ﺗﺤﺒﻲ ﻭﻣﺎﺟﺎﻱ ﺗﻌﺘﺮﻓﻴﻦ ...
... ﻣﺎ ﺍﺩﺭﻱ ﺭﺍﺡ ﺍﺗﺨﺒﻞ ﻣﻦ ﺍﺑﺘﻌﺪ ﺣﺴﻴﺖ ﺑﻘﻴﻤﺘﻪ ﻭﺍﺷﺘﺎﻗﻴﺘﻠﻪ ﺑﺲ ﻫﻮ ﻣﺎﻣﻬﺘﻢ ....
... ﻻﻣﻬﺘﻢ ﺑﺲ ﻫﻮ ﻋﻨﻴﺪ ﺣﺘﻪ ﻭﻳﻪ ﻧﻔﺴﻪ ﻳﻌﺎﻧﺪ ﺍﻛﻮ ﻛﺘﺐ ﻋﻦ ﺣﺎﻟﻪ ﻣﺮﺍﺩ ﺭﺍﺡ ﺍﺷﺘﺮﻳﻬﻪ ﺍﻟﺞ ﻭﺍﻗﺮﻳﻬﻪ ﻭﺗﻌﻠﻤﻲ ﺷﻠﻮﻥ ﺗﺘﻌﺎﻣﻠﻴﻦ ﻭﻳﺎ ....
... ﺍﻱ ﺟﻴﺒﻴﻠﻲ ﺧﻠﻲ ﺍﻧﺸﻮﻑ ﻭﻳﻦ ﻧﻮﺻﻞ ﻭﻳﻪ ﺍﺧﻮﺝ ﺍﺳﺘﺎﺫ ﻣﺮﺍﺩ ...
ﻣﺴﻚ ....
ﺛﺎﻧﻲ ﻳﻮﻡ ﻛﻌﺪﺕ ﺏ 9 ﻟﻜﻴﺖ ﺍﻟﺤﺠﻴﻪ ﺗﻘﺮﻩ ﻗﺮﺍﻥ ﻣﻦ ﺷﺎﻓﺘﻨﻲ ﺻﺪﻗﺖ ﻭﺻﺒﺤﺖ ﻋﻠﻴﻬﻪ ...
... ﻫﻼ ﻳﻤﻪ ﺻﺒﺎﺣﺞ ﺧﻴﺮ ﺭﻭﺣﻲ ﺗﺮﻳﻜﻲ ﺍﻧﻲ ﺍﺗﺮﻳﻜﺖ ﻭﺯﻳﺪ ﻳﺠﻲ ﻳﺘﻐﺪﻩ ﻫﻨﺎ ﻻﻥ ﻣﺮﻭﻩ ﻳﻢ ﺍﻫﻠﻬﻪ ...
... ﻣﺎﺷﻲ ﻫﻼ ﺑﻲ ... ﺗﺮﻳﻜﺖ ﻭﺑﺪﻳﺖ ﺍﺳﻮﻱ ﻏﺪﻩ ﺗﺎﺧﺮ ﺯﻳﺪ ﻳﻠﻪ ﺍﺟﻪ ﺟﻨﺖ ﻧﺎﻭﻳﻪ ﺑﺲ ﻳﺠﻲ ﺍﻓﺎﺗﺤﻪ ﺑﺎﻟﻤﻮﺿﻮﻉ ﻣﺎﻝ ﺧﺎﻟﻪ ﺍﻣﻲ ﺣﺘﻪ ﺍﺭﻭﺡ ﻳﻤﻬﻪ ﻭﻟﻮ ﻣﺎﻳﻬﻮﻥ ﻋﻠﻴﻪ ﺍﻋﻮﻑ ﺍﻟﺤﺠﻴﻪ ﺑﺲ ﻭﺟﻮﺩﻱ ﻣﻮﺣﻠﻮ ﻫﻨﺎ ....
ﺍﺟﻪ ﺯﻳﺪ ﺗﻐﺪﻩ ﻭﻫﻮ ﻳﺴﻮﻟﻒ ﻭﻳﻪ ﺍﻣﻪ ﻭﻧﻈﺮﺍﺗﻪ ﻣﻼﺣﻘﺘﻨﻲ ﻛﻠﻤﺎ ﺍﺗﺤﺮﻙ ﺣﺘﻪ ﻻﺑﺴﻪ ﻋﺮﻳﺾ ﻭﻣﺴﺘﻮﺭ ﺻﺎﺣﻨﻲ ﻭﻫﻮ ﺭﺍﻳﺢ ﻟﻼﺳﺘﻘﺒﺎﻝ ....
ﺯﻳﺪ .... ﻣﺴﻚ ﺗﻌﺎﻟﻲ ﻋﻨﺪﻱ ﺷﻜﻢ ﻛﻠﻤﻪ ﻭﻳﺎﺝ ...
ﻣﺴﻚ ... ﺭﺣﺖ ﻭﺭﺍ ﻟﻜﻴﺘﻪ ﻳﺪﺧﻦ ﻃﻔﻪ ﺟﻜﺎﺭﺗﻪ ﻭﺭﺟﻊ ﻧﻔﺴﻪ ﻋﻠﻰ ﺍﻟﺘﺨﻢ ﻭﺍﻧﻲ ﻛﻌﺪﺕ ﻛﺪﺍﻣﻪ ...
... ﻣﺴﻚ ﻣﺎ ﺍﺣﺐ ﺍﻓﺘﺮ ﺑﺎﻟﺤﺠﻲ ﻣﺎﺍﻋﺮﻑ ﺍﺟﻴﺞ ﻣﻦ ﺍﻻﺧﻴﺮ ﺍﻧﻲ ﺍﺭﻳﺪ ﺍﺧﻄﺒﺞ ﻭﺍﻋﻘﺪ ﻋﻠﻴﺞ ....
... ﺷﻨﻮﻭﻭﻭﻭ ﺷﺘﺤﺠﻲ ﺍﻧﺖ ﺗﻌﺮﻑ ﺷﺠﺎﻱ ﺩﻛﻮﻝ ﻳﺎﺣﻀﺮﻩ ﺍﻟﻌﻘﻴﺪ ...
... ﻻﺗﻌﻠﻴﻦ ﺻﻮﺗﺞ ﺍﻋﺮﻑ ﺷﺤﺠﻲ ﻃﺒﻌﺎ ﻣﺎ ﻣﺴﻮﻱ ﻏﻠﻂ ﺍﺭﻳﺪﺝ ﻭﺍﺭﻳﺪ ﺍﺧﻄﺒﺞ ﺑﻴﻬﻪ ﺷﻲ ...
... ﻻﺗﺴﺘﻐﻞ ﺿﻌﻔﻲ ﻭﻣﺎﻋﻨﺪﻱ ﺍﺣﺪ ﺗﺴﺘﻐﻠﻪ ﻟﺠﺎﻧﺒﻚ ﺍﻧﻲ ﻫﻨﺎ ﺧﻄﺎﺭﻙ ﻣﻮﻣﻌﻨﺎﺗﻬﻪ ﺗﺨﻄﺒﻨﻲ ﻭﺍﻧﻲ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﺍﻧﺰﻝ ﺿﺮﻩ ﻋﻠﻰ ﻭﺣﺪﻩ ...
... ﻣﺴﻚ ﺭﺟﺎﺀﺍ ﺑﻼ ﺍﻋﺬﺍﺭ ﻭﺧﺮﺑﻄﻪ ﺍﻟﺤﺠﻲ ﺷﻨﻮ ﺿﻌﻒ ﺷﻨﻮ ﺑﻄﻴﺦ ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻲ ﺳﺄﻟﺖ ﻋﻠﻴﺞ ﻭﻧﻮﻳﺖ ﺍﺗﻘﺪﻣﻠﺞ ﺑﺲ ﺍﻟﻀﺮﻭﻑ ﻣﺎﺳﻤﺤﺖ ﻭﺻﺎﺭ ﺍﻟﻲ ﺻﺎﺭ ....
... ﺍﻧﺖ ﺗﻌﺮﻑ ﺯﻭﺟﺘﻚ ﺍﺫﺍ ﻋﺮﻓﺖ ﺷﺘﺴﻮﻱ ﺷﻠﻮﻥ ﺗﻘﺒﻞ ﺗﺠﻲ ﻭﺣﺪﻩ ﺗﺎﺧﺬ ﺯﻭﺟﻬﻪ ﻣﻨﻬﻪ ...
... ﻣﺴﻚ ﻓﻜﺮﻱ ﺯﻳﻦ ﺑﺎﻟﻤﻮﺿﻮﻉ ﻭﺑﺎﺟﺮ ﺍﻣﺮ ﻋﻠﻴﺞ ﻭﺧﻠﻴﻬﻪ ﺍﺑﺎﻟﺞ ﻓﻜﺮﺗﻲ ﻭﺍﺫﺍ ﻻ ﺍﻧﻲ ﺍﻋﻘﺪ ﻋﻠﻴﺞ ﻏﺼﺐ ﺳﻤﻌﺘﻲ ﻟﻮ ﺍﻋﻴﺪ .....
... ﻻ ﻣﺎﺳﻤﻌﺖ ﻋﻴﺪ ﺑﻠﻪ ﻛﻞ ﻋﻘﻠﻚ ﺗﺤﺠﻲ ﻫﻴﺞ ﻭﻳﺎﻱ ﻭﺍﻟﻠﻪ ﻣﻦ ﺑﺎﺟﺮ ﺍﻃﻠﻊ ﻭﻋﺴﻤﺎ ﺍﻧﺎﻡ ﺑﺎﻟﺸﺎﺭﻉ ﻭﻣﺎ ﺍﺧﻀﻊ ﻟﺘﻬﺪﻳﺪﻙ ...
... ﺟﺮﺑﻲ ﺍﻃﻠﻌﻲ ﺑﺎﺏ ﺍﻟﻤﻄﺒﺦ ﻭﺷﻮﻓﻲ ﺷﺴﻮﻱ ﺑﻴﺞ ...
... ﻋﺎﻓﻨﻲ ﻭﻃﻠﻊ ﻣﻌﺼﺐ ﻛﻞ ﻋﻘﻠﻪ ﻫﺬﺍ ﺍﻗﺒﻞ ﺍﺗﺰﻭﺝ ﻭﻋﻠﻰ ﺿﺮﻩ ﺣﺘﻠﻮ ﺍﻧﻌﺠﺒﺖ ﺑﻲ ﻓﺘﺮﻩ ﺑﺲ ﻣﺎﺣﺒﻴﺘﻪ ﻭﺍﻟﻠﻪ ﻟﻮ ﺍﻃﻚ ﻳﺎﺯﻳﺪ ﻣﺎ ﺍﺧﻀﻌﻠﻚ ...
ﻃﻠﻌﺖ ﻭﺍﻧﻲ ﻣﻌﺼﺒﻪ ﺻﺎﺭﺕ ﺍﻟﺤﺠﻴﻪ ﺑﻮﺟﻬﻲ ﻭﻣﺒﻴﻨﻪ ﺗﺪﺭﻱ ﺑﺴﺎﻟﻔﻪ ﺻﺎﺣﺘﻨﻲ ﺗﻌﺎﻟﻲ ﻳﺎﻣﺴﻚ ....
ﺍﻟﺤﺠﻴﻪ ... ﻻﺗﺴﺘﻌﺠﻠﻴﻦ ﺑﺎﻟﺮﻓﺾ ﻓﻜﺮﻱ ﺯﻳﻦ ﺍﻧﺘﻲ ﺑﻴﺖ ﺍﻣﺞ ﺗﻔﻜﺮﻳﻦ ﻣﻮ ﺍﺑﻴﺖ ﻏﺮﻳﺐ ﺣﺘﻪ ﺍﺫﺍ ﻣﺎﺗﺤﺒﻴﻦ ﺗﺸﻮﻓﻴﻨﻪ ﻣﺎ ﺍﺧﻠﻲ ﻳﺠﻲ ﺑﻌﺪ ....
... ﺣﺠﻴﻪ ﻣﺎ ﺍﻗﺒﻞ ﺍﻛﻮﻥ ﺳﺒﺐ ﺗﻌﺎﺳﺔ ﻏﻴﺮﻱ ﺷﻠﻮﻥ ﺍﺧﺬ ﺯﻭﺟﻬﻪ ﻣﻨﻬﻪ ﺍﺧﻠﻲ ﻧﻔﺴﻲ ﻣﻜﺎﻧﻬﻪ ﺷﻠﻮﻥ ﺍﻗﺒﻠﻬﻪ ...
... ﻣﺴﻚ ﺭﺍﺡ ﺍﻛﻠﺞ ﻫﺎﻟﻜﻠﻤﺘﻴﻦ ﻓﻜﺮﻱ ﺑﺰﻳﺪ ﺑﺲ ﻭﺍﻧﺴﻲ ﻣﺮﺗﻪ ﺍﻟﻲ ﻣﻀﻤﻮﻡ ﺣﺮﺍﻣﺎﺕ ﺍﻧﻜﻮﻝ ﻋﻠﻴﻬﻪ ﺯﻭﺟﺘﻪ ....
ﻛﻮﻣﻲ ﻳﻤﻪ ﺍﺭﺗﺎﺣﻲ ﻭﻓﻜﺮﻱ ﺯﻳﻦ ﺯﻳﺪ ﺷﺎﺭﻳﺞ ﻭﺍﻭﻝ ﻣﺮﻩ ﺍﺷﻮﻑ ﺍﺑﻨﻲ ﻳﺤﺐ ﻭﻫﻮ ﺍﻟﺸﻴﺐ ﻏﺰﻩ ﺭﺍﺳﻪ ﻣﻦ ﺟﺎﻥ ﺷﺎﺏ ﻣﺎﻋﺸﻚ ﻫﺴﻪ ﻋﺸﻜﺞ ﻳﺴﻤﻴﺮﻩ ﻳﺎﻟﻜﺤﻴﻠﻪ ....
.... ﺿﺤﻜﺘﻨﻲ ﺑﻐﺰﻟﻬﻪ ﻣﺎﻝ ﺟﻴﻞ ﺍﻟﻄﻴﺒﻴﻦ ﻛﻤﺖ ﻟﻠﻐﺮﻓﻪ ﻭﺍﻧﻲ ﻋﻘﻠﻲ ﻳﻮﺩﻱ ﻭﻳﺠﻴﺐ ﻣﺴﺘﺤﻴﻞ ﺍﻗﺒﻞ ﺍﻧﺰﻝ ﺿﺮﻩ ﻭﺍﺧﺬ ﺭﺟﻠﻬﻦ ﻣﻬﻤﺎ ﺗﻜﻮﻥ ﺍﻻﺳﺒﺎﺏ ....
ﺑﻴﺴﺎﻥ ....
ﺍﻟﻴﻮﻡ ﻣﻮﻋﺪ ﻧﺰﻭﻝ ﻣﺮﺍﺩ ﻓﺮﺣﺎﻧﻪ ﺣﻴﻞ ﺑﻠﻜﻲ ﺷﻮﻳﻪ ﻣﺘﺤﺴﻦ ﻭﺭﺍﻳﺤﻪ ﺍﻟﺰﻋﻠﻪ ﺗﻠﻜﻴﺘﻪ ﺑﺎﻟﺒﺎﺏ ﺳﻠﻤﺖ ﻋﻠﻲ ﺭﺩ ﻋﻠﻴﻪ ﺑﺎﺑﺘﺴﺎﻣﻪ ﻭﺳﻠﻢ ﻋﻠﻰ ﺍﻫﻠﻪ ﻳﻠﻪ ﺻﻌﺪ ....
ﻛﻠﺸﻲ ﻳﺘﺼﺮﻓﻪ ﻫﺎﺩﺉ ﺳﺒﺢ ﻭﺍﺷﺮﻟﻲ ﺍﻃﻔﻲ ﺍﻟﻀﻮﻩ ﻳﺮﻳﺪ ﻳﻨﺎﻡ ﻫﻨﺎ ﺻﺪﻙ ﻃﻜﻴﺖ ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﺣﻴﻞ ﻭﻧﺰﻟﺖ ﺟﻮﻩ ﻭﺍﻧﻲ ﺍﻏﻠﻲ ﻣﻦ ﺩﺍﺧﻠﻲ ﺷﻠﻮﻥ ﻣﺴﺘﻔﺰ ﻭﻳﺨﻠﻲ ﺍﻟﻮﺍﺣﺪ ﻳﺘﺨﺒﻞ ﺑﺘﺼﺮﻓﺎﺗﻪ ....
ﺑﻠﻴﻞ ﻃﻠﻊ ﻛﺎﻟﻌﺎﺩﻩ ﻭﺍﻧﻲ ﻛﻤﻠﺖ ﻗﺮﺍﻳﻪ ﻭﺭﺣﺖ ﺳﺒﺤﺖ ﻛﻠﺖ ﺣﺘﻪ ﺑﺴﺮﻋﻪ ﺍﻧﺎﻡ ﻭﻻ ﺍﻧﺘﻈﺮﻩ ﺍﺭﻳﺪ ﺍﻋﻠﻤﻪ ﻋﻠﻰ ﻫﺎﻟﺨﺸﻢ ﺍﻟﻴﺎﺑﺲ .....
ﻃﻠﻌﺖ ﻣﺸﻄﺖ ﻭﻟﺒﺴﺖ ﺩﺷﺪﺍﺷﻪ ﻗﺼﻴﺮﻩ ﻭﻣﺪﺩﺕ ﻭﺍﻧﻲ ﺍﺗﺼﻔﺢ ﺑﺎﻟﺘﻠﻔﺰﻳﻮﻥ ﺳﻤﻌﺖ ﺧﻄﻮﺍﺗﻪ ﻋﻠﻰ ﺍﻟﺪﺭﺝ ﺿﻠﻴﺖ ﺑﻤﻜﺎﻧﻲ ﺩﺧﻞ ﺑﻮﺟﻬﻪ ﻟﻠﺤﻤﺎﻡ ﺳﺒﺢ ﻭﻃﻠﻊ ....
ﻣﺪﺩ ﺑﺼﻔﻲ ﻭﺧﻠﻪ ﺍﻳﺪﻩ ﺟﻮﺍ ﺭﺍﺳﻲ ﻭﺍﻧﻲ ﻣﻨﻄﻴﺘﻪ ﺿﻬﺮﻱ ﻻﻥ ﺍﺑﺎﻭﻉ ﻋﻠﻰ ﺍﻟﺘﻠﻔﺰﻳﻮﻥ ﺳﺤﺒﻨﻲ ﻋﻠﻰ ﺻﺪﺭﻩ ....
ﺧﻠﻪ ﺭﺍﺳﻪ ﺑﺮﻛﺒﺘﻲ ﻣﺎﻳﻜﺪﺭ ﻳﺤﺠﻲ ﺑﺲ ﺍﻧﻔﺎﺳﻪ ﺍﺗﺮﺟﻢ ﺍﺣﺴﺎﺳﻪ ﺩﻛﺎﺕ ﻛﻠﺒﻪ ﺳﺮﻳﻌﻪ ﺍﻧﺪﺍﺭﻳﺖ ﻋﻠﻲ ﺻﺮﺕ ﺑﻮﺟﻬﻪ ....
ﺿﻠﻴﺖ ﺍﺑﺎﻭﻉ ﺑﻌﻴﻮﻧﻪ ﻭﻫﻮ ﻣﺮﻛﺰ ﺑﻴﻬﻦ ﻭﻭﺟﻬﻪ ﻗﺮﻳﺐ ﻋﻠﻴﻪ ﺍﺣﺴﻪ ﺑﻲ ﻭﻣﺎﻳﻘﺘﺮﺏ ﺍﻛﺜﺮ ﻟﺤﺪﻣﺎ ﺻﺮﻧﻪ ﻧﻔﺲ ﺍﻟﻨﻔﺲ ﻧﺎﺧﺬﻩ ....
ﻣﺎﺣﺴﻴﺖ ﻏﻴﺮ ﺑﻮﺳﻪ ﺗﻨﻄﺒﻊ ﻋﻠﻰ ﺷﻔﺎﻳﻔﻲ ﺷﺒﻪ ﻃﻮﻳﻠﻪ ﻭﺍﺑﺘﻌﺪ ﻓﺎﺟﺎﻧﻲ ﺑﺘﺼﺮﻓﻪ ﺳﺤﺐ ﺗﻠﻴﻔﻮﻧﻪ ﻭﻛﺘﺐ . ..
... ﻣﺴﺘﻌﺪﻩ ﺑﻴﺴﺎﻥ ﺗﺼﻴﺮﻳﻦ ﻣﺮﺗﻲ
.... ﻫﻨﺎ ﻣﺎ ﺍﺩﺭﻱ ﺷﺤﺴﻴﺖ ﻣﺎ ﺍﺩﺭﻱ ﺷﺼﺎﺭ ﺑﻴﻪ ﺑﺴﺮﻋﻪ ﺣﻀﻨﺘﻪ ﻣﻦ ﺭﻛﺒﺘﻪ ﻭﺩﻓﻨﺖ ﺭﺍﺳﻲ ﺑﺼﺪﺭﻩ ﺣﺎﻭﻃﻨﻲ ﺑﻴﺪﻩ ﺍﺛﻨﻴﻨﻬﻢ ﻭﻫﻮ ﻳﺒﻮﺱ ﻭﻳﺸﺘﻢ ﺑﺸﻌﺮﻱ ....
ﺍﺧﺬ ﺷﻔﺎﻳﻔﻲ ﺑﻜﻞ ﻟﻬﻔﻪ ﻭﻋﺸﻚ ﺍﺣﺲ ﻣﺤﺘﺮﻑ ﻳﺘﻔﻨﻦ ﺑﻴﻬﻪ ﻃﺒﻊ ﺑﻮﺳﺎﺗﻪ ﻋﻠﻰ ﻛﻞ ﺟﺰﺀ ﻭﺍﻧﻲ ﺑﻌﺎﻟﻢ ﺛﺎﻧﻴﻪ ﻋﺎﻟﻢ ﺟﻨﺖ ﺍﺳﻤﻊ ﺑﻲ ﺑﺲ ﺍﻟﺮﻭﺍﻳﺎﺕ ﺑﺲ ﺑﺎﻟﺤﻘﻴﻘﻪ ﻏﻴﺮ ....
ﻟﻤﺴﺎﺗﻪ ﺍﻛﺜﺮ ﺟﺮﺀﻩ ﻭﻫﻮ ﻳﻨﺰﻝ ﻋﻠﻰ ﺻﺪﺭﻱ ﻭﻳﻄﺒﻊ ﺑﻮﺳﺎﺕ ﻣﻠﻜﻴﺘﻪ ﻭﻋﻨﻔﻮﺍﻧﻪ ﺳﺎﻋﻪ ﻳﻘﺴﻮﺍ ﻭﺳﺎﻋﻪ ﻳﻌﺎﻣﻞ ﺑﺤﻨﻴﻪ .....
ﺍﻳﺪﻱ ﺗﺘﺠﻮﻝ ﻋﻠﻰ ﺿﻬﺮﻩ ﻭﻛﻠﻤﺎ ﺍﺣﺲ ﺑﻘﺴﺎﻭﻩ ﺍﺣﻀﻨﻪ ﺍﻛﺜﺮ ﻣﺎﺭﺩﺕ ﻫﺎﻱ ﺍﻟﻠﺤﻈﺎﺕ ﻫﺎﻱ ﺗﺨﻠﺺ ﺍﺑﺪ ﺍﺭﻳﺪﻫﻪ ﺍﻃﻮﻝ ﺍﻛﺜﺮ ﻭﺍﻛﺜﺮ ﻟﺤﺪﻣﺎ ﻧﻬﺾ ﻣﻦ ﻳﻤﻲ ﻭﺑﺎﺳﻨﻲ ﻣﻦ ﺭﺍﺳﻲ ﻭﻟﻤﻨﻲ ﺑﺤﻀﻨﻪ ....
ﺣﺴﻴﺖ ﺑﺎﻟﻢ ﺧﻔﻴﻒ ﻭﺍﻧﻲ ﺑﺤﻀﻨﻪ ﺍﺳﺘﺤﻲ ﺍﻛﻮﻡ ﺟﺮﻳﺖ ﺍﻟﻐﻄﻪ ﺗﻐﻄﻴﺖ ﻭﻫﻮ ﺭﺍﺡ ﻳﺴﺒﺢ ﻭﺍﻧﻲ ﺿﺎﻣﻪ ﻭﺟﻬﻲ ﺑﺎﻟﻔﺮﺍﺵ .....
ﻣﺴﻚ .... ﺑﻠﻴﻞ ﻛﺎﻋﺪﻩ ﺍﺷﻮﻑ ﺗﻠﻔﺰﻳﻮﻥ ﻭﺍﻧﺪﻙ ﺍﻟﺒﺎﺏ ﺍﻟﺤﺎﺭﺱ ﺍﻟﺒﺮﺍ ﻫﻮ ﻳﻔﺘﺤﻪ ﻭﻳﺠﻲ ﻳﻜﻮﻝ ﻟﻠﺤﺠﻴﻪ ﻣﻨﻮ ....
ﺍﺟﻪ ﻟﻠﺤﺠﻴﻪ ﻭﻛﺎﻟﻬﻪ ﻣﺮﻭﻩ ﻣﺮﺕ ﺯﻳﺪ ﺍﺟﺖ ﻫﻲ ﻭﺍﺑﻮﻫﻪ ﻫﻨﺎ ﺿﻠﻴﺖ ﻭﺍﻛﻔﻪ ﺑﻤﻜﺎﻧﻲ ﻭﻣﺎ ﺍﻋﺮﻑ ﻭﻳﻦ ﺍﺧﺘﻔﻲ .....
ﻣﺎﺳﻤﻌﺖ ﺍﻟﺤﺠﻴﻪ ﺷﻜﺎﻟﺘﻠﻪ ﺑﺲ ﺳﻤﻌﺖ ﺍﻟﺤﺎﺭﺱ ﻳﻜﻮﻝ ﺣﺠﻴﻪ ﺟﺎﻳﻪ ﻋﺼﺒﻴﻪ ﻭﺩﻛﻮﻝ ﻫﺴﻪ ﺍﻓﻮﺕ ﺷﻜﻮ ﺗﻤﻨﻌﻨﻲ ﻭﺗﻬﺪﺩ .....
ﺍﻟﺒﺎﺭﺕ ﺍﻟﺴﺎﺩﺱ ﻋﺸﺮ ....
# ﺍﺳﻤﻌﻨﻲ ﺻﻮﺗﻚ
# ﻟﻠﻜﺎﺗﺒﻪ ﺭﻭﺯﺍﻳﻪ ...
ﺗﻮﺍﺩﻋـﻨﻪ ﻭﻧﺴـﻴﺖ
ﺑﻮﺟﻬـﻚ ﻋﻴــﻮﻧﻲ ..
ﺷﺜﮕـﻞ ﻫﺠﺮﻙ ﺳﻤـﺎ
ﻭﻃﺎﺣـﺖ ﻋﻠـﻰ ﻣـﺘﻮﻧﻲ
.....
ﻣﺴﻚ ...
ﺍﺟﺘﻨﻲ ﺍﻟﺤﺠﻴﻪ ﻟﻠﻐﺮﻓﻪ ﻛﺎﻟﺖ ﻳﻤﻪ ﻻ ﺍﻃﻠﻌﻴﻦ ﺧﻠﻲ ﺍﺷﻮﻓﻬﻪ ﺷﺘﺮﻳﺪ ﺍﻗﻔﻠﻲ ﺍﻟﺒﺎﺏ ﻋﻠﻴﺞ ﻣﺎﺗﺪﺭﻱ ﺑﻴﺞ ..
ﻗﻔﻠﺖ ﺍﻟﺒﺎﺏ ﻭﻛﻌﺪﺕ ﺳﻤﻌﺘﻬﻪ ﻣﻦ ﺩﺧﻠﺖ ﺷﻜﺪ ﻭﻛﺤﻪ ﺣﺘﻪ ﺑﺪﻭﻥ ﺳﻼﻡ ..
ﻣﺮﻭﻩ ... ﺟﻤﻴﻠﻪ ﺍﺗﻘﻲ ﺭﺑﺞ ﻳﺎﻣﺮﻩ ﺭﺟﻠﻴﺞ ﺑﺎﻟﻜﺒﺮ ﻭﺗﺤﻔﺮﻳﻦ ﻭﺭﺍﻱ ﻭﺗﺮﻳﺪﻳﻦ ﺗﺰﻭﺟﻴﻦ ﺯﻳﺪ ﻭﺍﻟﻠﻪ ﺗﺤﻠﻤﻴﻦ
ﺍﻟﺤﺠﻴﻪ ... ﺍﻟﺴﺎﻧﺞ ﻛﺼﺮﻱ ﻻ ﺍﻛﻮﻡ ﺍﻛﺼﻪ ﺍﻟﺞ ﺍﺗﻤﺎﺩﻳﺘﻲ ﻫﻮﺍﻱ ﻭﻣﺤﺪ ﻳﺮﺩﺝ ﻭﺟﻠﺪﺝ ﺍﺩﺑﻎ ﻋﻠﻰ ﺍﻟﻜﺘﻞ ﻭﺟﺎﻳﻪ ﺗﻬﺪﻳﻦ ﻭﺻﻮﺗﺞ ﺷﻌﻠﻮﻩ ...
... ﺷﺘﺮﻳﺪﻳﻦ ﺍﺟﻴﺞ ﺍﻫﻠﻬﻞ ﻋﻠﻰ ﺯﻭﺍﺝ ﺭﺟﻠﻲ ﺍﺳﻤﻌﻲ ﺯﻳﻦ ﻭﺍﻟﻠﻪ ﺍﺫﺍ ﺯﻳﺪ ﺗﺰﻭﺝ ﻋﻠﻴﻪ ﺍﺣﺴﺒﻲ ﺑﻨﺘﺞ ﻣﻄﻠﻜﻪ ﻫﻲ ﻭﺑﻨﺎﺗﻬﻪ ﻭﻣﺸﻤﻮﺭﻩ ﻋﻠﻰ ﻛﻠﺒﺞ ﺧﺎﻑ ﺗﻜﻮﻟﻴﻦ ﻣﺮﻭﻩ ﻣﺎﻛﺎﻟﺖ ....
... ﺍﻻﻋﻮﺝ ﻳﻀﻞ ﺍﻋﻮﺝ ﻭﺍﻟﻌﺮﻣﻪ ﻭﺍﻟﺼﻠﻔﻪ ﻣﺎﺗﻨﻌﺪﻝ ﻟﻮ ﻣﻮ ﺍﺩﻙ ﻋﻠﻰ ﺭﺍﺳﻬﻪ ﺟﺎﻳﻪ ﻫﺎﺩﻩ ﺑﻴﺞ ﺧﻴﺮ ﺿﻠﻲ ﻫﻨﺎ ﻭﺧﻠﻲ ﻳﺠﻲ ﺍﻟﺮﺩﺍﺩ ﻣﺎﻟﺘﺞ ﻳﻜﺴﺮ ﺭﺍﺳﺞ ﻭﻫﺬﻳﺞ ﺍﻟﺴﺎﻋﻪ ﺗﻌﺎﻟﻲ ﺑﻮﺳﻲ ﺍﺩﻳﻦ ﻣﺮﻭﺗﻚ ﺧﻠﻴﻨﻲ ﺧﺪﺍﻣﻪ ...
ﻭﻟﺞ ﻃﻔﺢ ﺍﻟﻜﻴﻞ ﻣﻦ ﻋﻨﺪﺝ ﻭﻣﻦ ﺗﺮﺑﻴﺘﺞ ﺍﻟﺼﻜﻂ ﺍﻧﻲ ﺟﻤﻴﻠﻪ ﺍﺭﻳﺪ ﺍﻭﻛﻔﺞ ﻋﻨﺪ ﺣﺪﺝ ﻛﺪﺍﻣﻪ ﻣﺴﻮﻳﻪ ﻧﻔﺴﺞ ﻣﻼﻙ ﻃﺎﻫﺮ ﻭﺍﻧﺖ ﺍﺯﺑﻞ ﻣﻦ ﺍﻟﺰﺑﺎﻟﻪ ...
... ﺍﺳﻜﺘﻲ ﻻﺗﻐﻠﻄﻴﻦ ﻭﺍﻟﻠﻪ ﺍﺧﻠﻲ ﺑﺎﺑﺎ ﺍﻳﺸﻴﻠﺞ ﻣﻨﺎ ﻭﻳﺨﻠﻴﺞ ﺗﺤﻴﺮﻳﻦ ﺑﺰﻣﺎﻧﺞ ...
... ﺍﻣﺸﻲ ﻭﻟﺞ ﺍﻣﺸﻲ ﺍﺑﻮﺝ ﺧﻠﻲ ﻳﺮﻭﺡ ﻳﺤﺎﺟﻲ ﺯﻳﺪ ﻣﻮ ﺍﻧﻲ ﻭﻛﻠﻴﻠﻪ ﺩﻛﻮﻝ ﺟﻤﻴﻠﻪ ﻟﻮﺑﻲ ﺧﻴﺮ ﺟﺎﻥ ﻓﺎﺕ ﻟﻠﺒﻴﺖ ﻣﻮ ﻭﺍﻛﻒ ﺑﺎﻟﺒﺎﺏ ...
... ﺍﻭﻛﻔﻴﻠﻲ ﻫﻴﻦ ﻳﺎﺟﻤﻴﻠﻮ ﺷﻮﻓﻲ ﺷﻠﻮﻥ ﺍﺧﻠﻴﺞ ﺗﺘﻮﺳﻠﻴﻦ ...
ﻣﺴﻚ ... ﻃﻠﻌﺖ ﻭﺳﺪﺕ ﺍﻟﺒﺎﺏ ﻭﺭﺍﻫﻪ ﻋﺰﺍﺍ ﺑﻌﻴﻨﺞ ﻣﺴﻚ ﻫﺎﻱ ﻣﻨﺎﻝ ﺍﻟﺜﺎﻧﻴﻪ ﻫﻼ ﻭﺯﻳﺪ ﻳﻜﻠﻲ ﺍﺧﻄﺒﺞ ﻭﺍﻧﺖ ﻋﻨﺪﻙ ﻫﻴﺞ ﺣﻮﺗﻪ ﺑﻠﺒﻴﺖ ﻫﺎﻱ ﺗﺒﻠﻌﻨﻲ ﻭﺍﻧﻲ ﺑﺒﺪﻟﻪ ﺍﻟﻌﺮﺱ ....
ﺭﺩﺕ ﺍﻃﻠﻊ ﻟﻠﺤﺠﻴﻪ ﺑﺲ ﺍﺳﺘﺤﻴﺖ ﺧﺎﻑ ﺩﻛﻮﻝ ﺟﺎﻧﺖ ﺗﺴﻤﻊ ﻋﻠﻴﻨﻪ ﺿﻠﻴﺖ ﺷﻮﻳﻪ ﻛﺎﻋﺪﻩ ﺳﻤﻌﺘﻬﻪ ﺻﺎﺣﺘﻨﻲ ﺭﻛﻀﺖ ﻋﻠﻴﻬﻪ ﻟﻜﻴﺘﻬﻪ ﻛﺎﻋﺪﻩ ﻭﺍﻳﺪﻫﻪ ﻋﻠﻰ ﺻﺪﺭﻫﻪ ﻣﺘﺨﺮﺑﻄﻪ ...
... ﺧﺎﻟﻪ ﺳﻼﻣﺘﺞ ﺷﺒﻴﺞ ﻣﺪﺩﻱ ﺍﺭﺗﺎﺣﻲ ..
... ﻛﻮﻣﻲ ﻣﺴﻚ ﺧﺎﺑﺮﻱ ﺯﻳﺪ ﻛﻠﻴﻠﻪ ﻳﺠﻴﺐ ﻋﻼﺟﻲ ﺑﺬﺍﻙ ﺍﻟﺒﻴﺖ ﺑﺴﺮﻋﻪ ...
... ﺭﻛﻀﺖ ﺍﺧﺬﺕ ﺗﻠﻴﻔﻮﻥ ﺍﻟﺤﺠﻴﻪ ﻭﺧﺎﺑﺮﺗﻪ ﺟﺎﻭﺏ ...
ﺯﻳﺪ ... ﺍﻟﻮﻭﻭ
ﻣﺴﻚ ... ﺯﻳﺪ ﺍﻧﻲ ﻣﺴﻚ ﺍﻟﺤﺠﻴﻪ ﺗﺨﺮﺑﻄﺖ ﻭﺩﻛﻮﻝ ﺧﻠﻲ ﻳﺠﻴﺐ ﻋﻼﺟﻲ ﺑﺎﻟﺒﻴﺖ ..
ﺯﻳﺪ ... ﻟﻴﺶ ﺷﺒﻴﻬﻪ ﺧﺎﻑ ﺻﺎﺭﺕ ﻋﺼﺒﻴﻪ ..
... ﺍﻱ ﺍﺟﺖ ﺯﻭﺟﺘﻚ ﻣﺮﻭﻩ ﻭﺗﻌﺎﺭﻛﺖ ﻭﻳﺎﻫﻪ ﻫﺴﻪ ﺟﻴﺐ ﺍﻟﻌﻼﺝ ﻻ ﺗﺘﺨﺮﺑﻂ ...
... ﻋﻴﻨﺞ ﻋﻠﻴﻬﻪ ﻫﺴﻪ ﺟﺎﻱ
... ﺳﺪﻳﺘﻪ ﻣﻦ ﻋﻨﺪﻩ ﻭﺭﺣﺖ ﻳﻢ ﺍﻟﺤﺠﻴﻪ ﻟﺰﻣﺖ ﺍﻳﺪﻫﻪ ﻭﺍﻓﺮﻙ ﺑﻴﻬﻪ ﻭﻫﻲ ﻭﺟﻬﻪ ﺍﺻﻔﺮ ﺣﻴﻞ ﺧﻄﻴﻪ ﻣﺮﻩ ﺟﺒﻴﺮﻩ ﻣﺮﻭﻩ ﺗﻐﻠﻂ ﻋﻠﻴﻬﻪ ...
ﺍﻟﺤﺠﻴﻪ ... ﻟﻴﺶ ﻣﺴﻚ ﻟﻴﺶ ﻛﻠﺘﻴﻠﻪ ﻣﺮﻭﻩ ﺍﺟﺖ ﻭﻟﺞ ﻫﺴﻪ ﻳﻨﻴﻤﻬﻪ ﺑﺎﻟﻤﺴﺘﺸﻔﻰ ...
... ﺣﺠﻴﻪ ﻣﺎﻛﺪﺭﺕ ﺍﺟﺬﺏ ﺳﺎﻟﻨﻲ ﻭﺟﺎﻭﺑﺘﻪ ..
... ﻻﺗﺴﻮﻟﻔﻴﻠﻪ ﺍﻟﺘﻔﺎﺻﻴﻞ ﺍﻧﻲ ﺍﺣﺠﻴﻠﻪ ﺯﻳﺪ ﻋﺼﺒﻲ ﻭﻣﺎﻳﺮﺣﻤﻬﻪ
... ﺍﺫﺍ ﻫﻴﺞ ﺗﺨﺎﻑ ﻣﻨﻪ ﻟﻴﺶ ﺳﻮﺕ ﻫﻴﺞ
... ﺍﻟﺼﻮﺝ ﻣﻦ ﻋﻨﺪﻱ ﺧﻠﺼﺖ ﻋﻤﺮﻱ ﺍﺳﺘﺮ ﺍﻟﻬﻪ ﻭﻣﺎ ﺍﺣﺠﻲ ﻟﻤﻦ ﺗﻤﺎﺩﺕ ﻋﻠﻴﻪ ﻋﺪﻳﻤﻪ ﺗﺮﺑﻴﻪ ﺷﻔﺖ ﺍﻟﻌﺠﺐ ﻣﻨﻬﻪ ... ﻻﺗﺤﺠﻴﻦ ﻫﻮﺍﻳﻪ ﺍﺗﻌﺒﻴﻦ ﺍﻟﻠﻪ ﻣﻮﺟﻮﺩ ﺍﺭﺗﺎﺣﻲ ﻫﺴﻪ ﻋﻠﻤﺎ ﻳﺠﻲ ﺯﻳﺪ ﺿﻠﻴﺖ ﻛﺎﻋﺪﻩ ﻳﻤﻬﻪ ﻭﺍﻓﺮﻙ ﺑﺎﻳﺪﻫﻪ ﻭﺻﺪﺭﻫﻪ ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻣﻌﻨﺎﺗﻬﻪ ﺍﺟﻪ ﺯﻳﺪ ...
ﻃﺐ ﺳﺮﻳﻊ ﻋﻴﻮﻧﻪ ﺍﺩﻭﺭ ﻋﻠﻴﻬﻪ ﻛﻌﺪ ﻳﻤﻬﻪ ﺑﻌﺪ ﻣﺎﻛﻤﺖ ﻭﺳﻮﻳﺘﻠﻪ ﻣﺠﺎﻝ ﺑﺎﺳﻬﻪ ﻣﻦ ﺭﺍﺳﻬﻪ ﻭﻛﻌﺪﻫﻪ ﺻﺎﺡ ﻋﻠﻴﻪ ﺍﺟﻴﺒﻠﻬﻪ ﻣﻲ ﺗﺎﺧﺬ ﻋﻼﺟﻬﻪ ...
ﺍﺧﺬﺕ ﺍﻟﻌﻼﺝ ﻭﻫﻲ ﺍﻃﻤﻦ ﺑﻲ ﻣﺎﺑﻴﻬﻪ ﺷﻲ ﻭﻛﻠﺴﺎﻉ ﻳﺴﺎﻝ ﺷﺼﺎﺭ ﻭﻫﻲ ﻣﺎﺗﺤﺠﻲ ﺩﻛﻠﻪ ﻫﻴﺞ ﻣﺎﻛﻮ ﺷﻲ ﺍﻧﻲ ﻋﻔﺘﻬﻢ ﻭﺣﺪﻫﻢ ﻭﺭﺣﺖ ﻟﻠﻐﺮﻓﻪ ﻗﺮﺑﺖ ﺍﺫﻧﻲ ﻉ ﺍﻟﺒﺎﺏ ﻭﺍﺳﻤﻌﻬﻢ ﻳﺤﺠﻮﻥ ...
ﺯﻳﺪ ... ﻳﻤﻪ ﺍﺫﺍ ﻣﺎﺣﺠﻴﺘﻲ ﻭﻋﺮﻓﺖ ﺑﻄﺮﻳﻘﺘﻲ ﻣﺎ ﺍﺭﺣﻤﻬﻪ ﻭﺍﻟﻠﻪ ﻃﻜﺖ ﺭﻭﺣﻲ ﻣﻨﻬﻪ ﻣﻦ ﻭﺭﺍﺝ ﻣﺎﺗﻘﺒﻠﻴﻦ ﺍﻃﻠﻜﻬﻪ ﻭﺻﻠﺖ ﺣﺪﻫﻪ ﻭﻳﺎﻫﻪ
... ﻣﻴﺨﺎﻟﻒ ﻳﻤﻪ ﻭﺻﻴﻪ ﺍﻣﻬﻪ ﻛﺎﺳﺮﻩ ﺿﻬﺮﻱ ﻭﺍﻟﻠﻪ ﺍﻧﻲ ﻗﺎﺑﻞ ﻋﺎﺟﺒﺘﻨﻲ ﺗﺼﺮﻓﺎﺗﻬﻪ ﻫﻲ ﺗﺨﺎﻑ ﻣﻨﻚ ﺑﺲ ﺍﻧﻲ ﺩﻟﻠﺘﻬﻪ ﻫﻮﺍﻱ ...
... ﺍﺣﺠﻲ ﻳﻤﻪ ﺷﻌﺪﻫﻪ
... ﺳﺎﻣﻌﻪ ﺗﺮﻳﺪ ﺗﺰﻭﺝ ﻭﺟﺎﻳﻪ ﺗﻬﺪﺩ ﺍﻃﻠﻚ ﺍﺧﺘﻚ ﻣﻦ ﺍﺧﻮﻫﻪ ﺍﺫﺍ ﺍﺗﺰﻭﺟﺖ ﻋﻠﻴﻬﻪ ...
... ﻫﻬﻬﻪ ﺩﺧﻞ ﺗﺤﺠﻲ ﻫﻴﺞ ﻛﺪﺍﻣﻲ ﺍﻻ ﺍﺩﻭﺱ ﻋﻠﻰ ﺭﺍﺳﻬﻪ ﻳﻤﻪ ﺍﻧﻲ ﻋﻨﺪﻱ ﺷﻐﻞ ﺭﺍﺡ ﺍﺭﺟﻊ ﻭﻗﻨﻌﻲ ﻣﺴﻚ ﺗﺮﻯ ﺗﻌﺒﺖ ﻛﺎﻓﻲ ﻣﺮﻩ ﻭﺣﺪﻩ ﺧﻠﻲ ﺍﻋﻴﺶ ﻳﻮﻡ ﺣﻠﻮ ...
... ﺭﻭﺡ ﻳﻤﻪ ﻣﺴﻚ ﻣﺎﺍﻟﻮﻣﻬﻪ ﺍﻟﻲ ﻋﺪﻫﻪ ﻣﺜﻞ ﻣﺮﻭﻩ ﺗﻔﻜﺮ ﺗﺰﻭﺝ ﺑﺲ ﺍﻧﺸﻮﻑ ﺍﻟﺒﻨﻴﻪ ﻣﺒﻴﻨﻪ ﻋﺪﻫﻪ ﻣﺸﺎﻋﺮ ﺍﺗﺠﺎﻫﻚ ﻣﻦ ﻟﻤﻌﻪ ﻋﻴﻨﻬﻪ ﺑﺲ ﻗﻮﻳﻪ ﻭﻣﺎﺗﻨﻜﺴﺮ ﺍﺗﻌﺒﻚ ﺣﻴﻞ ...
... ﺍﻱ ﺍﻧﻲ ﺍﺭﻳﺪ ﺍﺗﻌﺒﻨﻲ ﺍﻟﻠﻪ ﻋﻠﻰ ﺗﻌﺒﻬﻪ ...
... ﻫﻴﺞ ﺗﺤﺒﻬﻪ ﺯﻳﻮﺩﻱ ﺍﺑﻨﻲ ﺍﻟﺴﺒﻊ ﻭﻛﻌﺖ ﺑﺎﻟﻌﺸﻚ ﻭﺍﻧﺖ ﻋﻤﺮﻙ ﺑﻼﺭﺑﻌﻴﻦ ...
... ﺍﻱ ﻭﻛﻌﺖ ﻣﺎﻓﻜﺮﺕ ﻳﻮﻡ ﺍﺣﺐ ﺑﺲ ﻫﺎﻱ ﺍﻟﺴﻤﺮﻩ ﻣﻦ ﺍﻭﻝ ﻳﻮﻡ ﺷﻔﺘﻬﻪ ﺍﻛﻠﺘﻨﻲ ﺑﻠﺴﺎﻧﻬﻪ ﻣﺘﺖ ﻋﻠﻴﻬﻪ ﺑﺮﻭﺡ ﺍﺑﻮﻱ ﻣﺎﺗﺸﻮﻓﻴﻬﻪ ﺷﺤﻼﺗﻬﻪ ﺍﻟﻌﻴﻮﻥ ﻭﺣﺪﻫﻦ ﻗﺼﻪ ...
... ﻳﺎﺍﺍ ﻫﺎﻱ ﺍﻧﺖ ﺯﻳﺪ ﻟﻮﻻ ﻳﻤﻪ ﺭﺟﻌﺖ ﺗﺮﺍﻫﻖ ...
... ﺍﻧﻲ ﻛﺘﻠﺞ ﺧﻄﺒﻴﻬﻪ ﻗﺒﻞ ﻻ ﺍﺫﺑﺞ ﺑﻤﺼﻴﺒﻪ . ...
.... ﻫﻬﻬﻬﻪ ﻋﻤﺔ ﻋﻴﻨﻲ ﻋﻠﻴﻚ ﻫﺎﻱ ﻣﺴﻮﻛﻪ ﺧﻠﺘﻚ ﻫﻴﺞ ﺩﻛﻮﻡ ﻳﻤﻪ ﻟﺸﻐﻠﻚ ﺟﻨﻚ ﻣﺴﺘﻮﻱ ...
... ﺍﺳﻢ ﺍﻟﻠﻪ ﻋﻠﻰ ﻋﻴﻨﺞ ﺭﺍﺡ ﺍﺭﻭﺡ ﺍﻧﺘﺒﻬﻲ ﻋﻠﻰ ﻧﻔﺴﺞ ﺯﻳﻦ ...
ﻣﺴﻚ ... ﻃﻠﻊ ﺯﻳﺪ ﻭﺍﻧﻲ ﺻﺎﻓﻨﻪ ﻋﻠﻰ ﻛﻼﻣﻪ ﻭﺟﺮﺃﺗﻪ ﺷﻠﻮﻥ ﻳﺤﺠﻲ ﻫﻴﺞ ﻭﻳﻪ ﺍﻣﻪ ﻭﺷﻨﻮ ﻗﺼﻪ ﻣﺮﻭﻩ ﻭﻳﻜﻮﻝ ﻣﺎﻋﺸﺖ ﻳﻮﻡ ﺣﻠﻮ ﻭﻫﻲ ﻣﺎﺷﺎﺀ ﺍﻟﻠﻪ ﺣﻠﻮﻩ ﻭﺻﻐﻴﺮﻩ ...
ﺷﻮﻳﻪ ﻭﻃﻠﻌﺖ ﻣﻦ ﺍﻟﻐﺮﻓﻪ ﻟﻜﻴﺖ ﺍﻟﺤﺠﻴﻪ ﻛﺎﻋﺪﻩ ﻣﺘﺤﺴﻨﻪ ﻛﻌﺪﺕ ﻳﻤﻬﻪ ﻭﺍﻧﻲ ﺳﺎﻛﺘﻪ ﺍﻟﺘﻔﺘﺖ ﻋﻠﻴﻪ ﻭﻛﺎﻟﺖ ...
... ﻣﺴﻚ ﺑﻨﻴﺘﻲ ﻓﻜﺮﻱ ﺯﻳﻦ ﺑﻤﻮﺿﻮﻉ ﺯﻳﺪ ﻭﺧﻠﻲ ﻧﺴﺘﻌﺠﻞ ﺍﺣﺴﻦ ﺍﻟﺞ ﻭﺍﻟﻨﻪ ...
... ﺧﺎﻟﻪ ﺷﻔﺘﻲ ﻣﺮﺗﻪ ﺑﻌﻴﻨﺞ ﺷﻠﻮﻥ ﺗﺮﻳﺪﻳﻨﻲ ﺍﻗﺎﺭﺵ ﻭﻳﺎﻫﻪ ...
... ﺗﻌﺎﻟﻲ ﺍﺣﺠﻴﻠﺞ ﻭﺍﻧﺘﻲ ﺍﺣﻜﻤﻲ ﻭﺍﻟﺒﺎﻗﻲ ﺭﺍﺟﻌﻠﺞ ...
ﻣﺮﻭﻩ ﺑﻨﺖ ﺣﻤﺎﻱ ﻋﺪﻫﻪ ﺍﺧﺖ ﻭﺣﺪﻩ ﻭﻭﻟﺪ ﺍﻟﻲ ﻫﻮ ﺭﺟﻞ ﺑﻨﺘﻲ ﺳﺎﺭﻩ ﺍﺳﻤﻬﻪ ﻓﺎﺭﺱ ﻭﺍﻣﻬﻢ ﺑﻨﺖ ﺧﺎﻟﺘﻲ ﻣﺮﻩ ﻓﻘﻴﺮﻩ ﺣﻴﻞ ﺍﻟﻰ ﺍﺑﻌﺪ ﺣﺪ ....
ﺣﻤﺎﻱ ﺍﺑﻮﻫﻪ ﺗﺎﺟﺮ ﺟﺒﻴﺮ ﻳﻮﻣﻴﻪ ﻣﺴﺎﻓﺮ ﺑﺪﻭﻟﻪ ﻣﺎﻳﺎﻣﻦ ﻋﻠﻰ ﻋﺎﺋﻠﺘﻪ ﻳﺠﻴﺒﻬﻢ ﻳﻤﻨﻪ ﻳﻌﻨﻲ ﻋﺎﻳﺸﻴﻦ ﺳﻮﻩ ....
ﻣﺮﻭﻩ ﺍﺻﻐﺮ ﻣﻦ ﺯﻳﺪ ﺏ 5 ﺳﻨﻮﺍﺕ ﻭﺍﻭﻝ ﻣﺎﺷﺒﺖ ﺍﻳﻪ ﻣﻦ ﺍﻟﺠﻤﺎﻝ ﺣﻠﻮﻩ ﻭﺭﺷﻴﻘﻪ ﺑﻌﺪﻫﻪ ﺑﺎﻟﻤﺘﻮﺳﻄﻪ ﻭﺍﻟﺨﻄﺎﺑﻪ ﻳﻮﻣﻴﻪ ﻭﺍﺣﺪ ﻭﺍﺑﻮﻫﻪ ﻣﺎﻳﻘﺒﻞ .ﻫﻲ ﻭﺳﺎﺭﻩ ﺑﻨﺘﻲ ﻧﻔﺲ ﺍﻟﻌﻤﺮ ﻛﻮﻣﻲ ﺻﺎﺩﻗﻲ ﺳﺎﺭﻩ ﻭﺗﻘﺮﺑﻲ ﺍﻟﻬﻪ ﻋﺎﺷﺖ ﻳﻤﻨﻪ ﺑﺤﺠﻪ ﻧﻔﺲ ﺍﻟﺪﺭﺍﺳﻪ ﻭﺑﻴﺖ ﻋﻤﻬﻪ ﻭﻛﺘﻠﺞ ﻫﻢ ﺍﺻﻼ ﻳﻤﻨﻪ ﻗﻠﻴﻞ ﻳﺮﺣﻮﻥ ﻟﺒﻴﺘﻬﻢ ....
ﺯﻳﺪ ﺷﺎﺏ ﺧﻠﺺ ﺳﺎﺩﺱ ﻭﺩﺍﻭﻡ ﻛﻠﻴﻪ ﺿﺒﺎﻁ ﺑﻌﺪﻩ ﺍﻭﻝ ﺳﻨﻪ ﻭﻣﺮﻭﻩ ﻛﺎﻣﺖ ﺗﺮﻛﺾ ﻭﺭﺍ ﺧﺒﻠﺘﻪ ﺑﺤﻴﺚ ﻭﻳﻦ ﻣﺎﻳﺮﻭﺡ ﺗﺮﻛﺾ ﻭﺭﺍ ﺍﻛﺜﺮ ﻣﻦ ﻣﺮﻩ ﻧﺼﺤﺘﻬﻪ ﻣﺎﻓﺎﺩ ﺩﻛﻠﻲ ﺧﺎﻟﻪ ﺍﺣﺒﻪ ﺍﻧﻲ ﺗﻔﻬﻤﺘﻬﻪ ﻻﻥ ﻣﺮﺍﻫﻘﻪ ﻭﺯﻏﻴﺮﻩ ....
ﺍﻧﺼﺢ ﺑﻴﻬﻦ ﺑﺲ ﺍﻻﻋﻮﺝ ﻣﺎﻳﻔﻴﺪ ﺑﻲ ﺣﺠﻴﺖ ﻻﻣﻬﻪ ﻻﻥ ﻗﺮﻳﺒﻪ ﻋﻠﻴﻪ ﻭﻟﺰﻣﺘﻬﻪ ﻧﻬﺘﻬﻪ ﺑﺲ ﻣﺎﺗﺎﺑﺖ ﺗﻌﻠﻘﺖ ﺑﺰﻳﺪ ﺣﻴﻞ ﻛﺎﻣﺖ ﺗﺠﻴﺐ ﻣﻮﺱ ﻭﺗﺸﺮﺡ ﺍﻳﺪﻫﻪ ﻭﺗﻨﺘﺤﺮ ﺷﻨﻮ ﺯﻳﺪ ﻣﺎﻳﺒﺎﻭﻋﻠﻲ ...
ﺻﺎﺭﺕ ﺏ 5 ﺍﻟﻌﻠﻤﻲ ﻭﺯﻳﺪ ﺿﺎﺑﻂ ﻓﺘﺤﻨﻪ ﺍﻟﻤﻮﺿﻮﻉ ﻭﻳﺎ ﺑﺤﺠﻪ ﺑﻨﺖ ﻋﻤﻚ ﻭﺣﻠﻮﻩ ﻣﺎﻗﺒﻞ ﻛﺎﻝ ﻟﻮﺗﺒﻘﻰ ﺍﺧﺮ ﻭﺣﺪﻩ ﻣﺎ ﺍﺗﺰﻭﺟﻬﻪ ﻣﺎ ﺍﺣﺒﻬﻪ ﻭﺍﻧﻲ ﻣﺎﻣﻔﻜﺮ ﺍﺗﺰﻭﺝ ﻫﺴﻪ ﺯﻭﺟﻲ ﻫﺸﺎﻡ ﺍﻟﻲ ﺍﻛﺒﺮ ﻣﻨﻲ ﻟﻮ ﺯﻳﺎﺩ ﻣﻮﺟﺎﻳﻦ ﻋﻠﻴﻪ ...
ﺟﺎﻥ ﺯﻳﺪ ﻣﺘﺨﺒﻞ ﻣﻦ ﺳﺎﻟﻔﻪ ﺍﻟﺰﻭﺍﺝ ﺑﻌﺪﻩ ﺷﺎﺏ ﻭﺯﺍﻫﻴﺘﻠﻪ ﺍﻟﺪﻧﻴﺎ ﻭﻧﺠﻤﺎﺗﻪ ﻭﺷﺨﺼﻴﺘﻪ ﻭﻫﺎﻱ ﻣﺘﺨﺒﻠﻪ ﻋﻠﻲ ....
ﺟﺎﻧﺖ ﻋﺪﻫﻪ ﺍﻣﺘﺤﺎﻧﺎﺕ ﻣﺎﻝ ﺍﺧﻴﺮ ﺍﻟﺴﻨﻪ ﻫﻲ ﻭﺍﺧﺘﻬﻦ ﻭﺗﻘﺮﻩ ﻭﻳﻪ ﺳﺎﺭﻩ ﻭﺯﻳﺪ ﺍﺟﻪ ﻣﻦ ﺍﻟﺪﻭﺍﻡ ﺳﻮﺩﻉ ﻋﻠﻴﻪ ﻣﺘﺨﺮﺑﻂ ﺷﻤﺲ ﻭﺣﺎﺭﻩ ﺣﺘﻪ ﻣﺼﺨﻦ ﻏﺴﻞ ﻭﻧﺎﻡ ﻭﺍﻧﻲ ﺟﻮﻩ ﺍﺷﺘﻐﻞ ....
ﻫﺬﺍ ﺍﻟﺤﺠﻲ ﺿﻬﺮﻳﻪ ﺑﺘﻤﻮﺯ ﻭﺣﺎﺭﻩ ﻭﺍﻟﻨﺎﺱ ﻛﻠﻬﻪ ﺗﻨﺎﻡ ﺑﺲ ﺍﻧﻲ ﺍﺿﻞ ﺍﺷﺘﻐﻞ ﻋﻨﺪﻱ ﻭﻟﺪ ﻳﺘﻌﺒﻮﻧﻲ ﺣﻴﻞ ﻭﻣﺮﺕ ﻣﺤﻤﺪ ﺣﺎﻣﻞ ﻭﺻﻐﻴﺮﻭﻧﻪ ﺍﻧﻘﻬﺮ ﻋﻠﻴﻬﻪ ....
ﻣﻠﺘﻬﻴﻪ ﺍﺷﺘﻐﻞ ﻭﺟﺎﻥ ﺍﺳﻤﻊ ﺻﻮﺕ ﺍﻟﺼﻴﺎﺡ ﻳﺒﻮﻭﻭ ﻳﺒﻮﻭﻭ ﻳﺎﻧﺎﺱ ﺍﻟﺤﻜﻮﻟﻲ ﺧﻠﺼﻮﻧﻲ ....
ﺍﺭﻳﺪ ﺍﻛﻮﻡ ﻣﺎﺍﻛﺪﺭ ﻓﺰﻭ ﺍﻟﻮﻟﺪ ﻋﻠﻰ ﺍﻟﺼﻮﺕ ﻭﺍﺑﻮ ﻣﺤﻤﺪ ﺍﻟﻠﻪ ﻳﺮﺣﻤﻪ ﻣﻦ ﻫﺬﻳﺞ ﺍﻟﻠﺤﻈﻪ ﺷﻜﻞ ﻋﻨﺪﻩ ﺳﻜﺮ ﻭﺍﻟﺤﻆ ﺍﻻﻋﻮﺝ ﺻﺎﺩﻑ ﻋﻤﻲ ﺍﻟﺤﺠﻲ ﻳﻤﻨﻪ ....
ﺳﻮﻳﻨﻪ ﺍﻟﺪﺭﺝ ﻃﻔﺮﺗﻴﻦ ﻭﻧﻨﺼﺪﻡ ﺑﺎﻟﺼﺎﺭ ﻣﺮﻭﻩ ﺩﺷﺪﺍﺷﺘﻬﻪ ﻣﺸﻜﻮﻛﻪ ﻭﻧﺺ ﺻﺪﺭﻫﻪ ﻃﺎﻟﻊ ﻭﻣﻐﻄﻴﺘﻪ ﺑﻴﺪﻫﻪ ﻭﺗﺒﺠﻲ ﻭﺷﻌﺮﻫﻪ ﻣﻜﻔﻮﺵ ﻭﺍﺧﺘﻬﻪ ﺗﺼﻴﺢ ﻭﺗﻐﻄﻲ ﺑﻴﻬﻪ ﻭﺯﻳﺪ ﻭﺍﻛﻒ ﻭﺻﺎﻓﻦ ﺑﺲ ﺑﺎﻟﻜﻴﻤﻮﻧﻪ ﺗﺨﺒﻠﺖ ....
ﻣﻦ ﺍﻟﻲ ﺷﻔﺘﻪ ﺍﻓﺘﻬﻤﺖ ﺯﻳﺪ ﻣﻌﺘﺪﻱ ﻋﻠﻴﻬﻪ ﺭﻛﻀﺖ ﻋﻠﻰ ﺯﻳﺪ ﺍﺩﻓﻊ ﺑﻲ ﻭﺍﺻﻴﺢ ﺷﻠﻮﻥ ﺗﺴﻮﻱ ﺑﻌﺮﺿﻚ ﻫﻴﺞ ﻭﻫﻮ ﻳﺼﻴﺢ ﺷﺒﻴﻜﻢ ﺍﻧﻲ ﻣﺜﻠﻜﻢ ﻣﺎ ﺍﻋﺮﻑ ﺷﺠﺎﺑﻬﻪ ﻳﻤﻲ ....
ﺍﺧﺘﻬﻪ ﺗﺼﻴﺢ ﻟﻜﻴﺖ ﺯﻳﺪ ﻣﻌﺘﺪﻱ ﻋﻠﻴﻬﻪ ﻭﻫﻲ ﺗﺼﻴﺢ ﺩﻣﺮﻧﻲ ﺣﻄﻤﻨﻲ ﻋﻤﻲ ﺍﺑﻨﻚ ﺍﻋﺘﺪﻯ ﻋﻠﻴﻪ ﻣﺎ ﺍﺣﺲ ﺯﻳﺪ ﻏﻴﺮ ﺿﺎﺭﺑﻬﻪ ﺭﺍﺷﺪﻱ ﻛﻮﻣﻬﻪ ﺑﺎﻟﻜﺎﻉ ﻭﻫﻲ ﺑﻌﺪﻫﻪ ﺗﺮﺍﺩﺩ ....
ﺍﻟﺤﺠﻲ ﻋﻤﻲ ﻣﻦ ﺍﻫﻞ ﻗﺒﻞ ﺭﺟﻊ ﻋﻠﻰ ﺯﻳﺪ ﺷﻠﻮﻥ ﺗﺴﻮﻱ ﻫﻴﺞ ﻛﻮﻩ ﻟﻤﻴﻨﻪ ﺍﻟﺴﺎﻟﻔﻪ ﻋﻠﻤﺎ ﻧﻔﺘﻬﻢ ﺍﻟﺼﺎﺭ ﻛﻌﺪﺕ ﻭﻳﻪ ﺍﺑﻨﻲ ﻛﺘﻠﻪ ﺍﺣﺠﻴﻠﻲ ﻳﻤﻪ ﻻﺗﻀﻢ ﻋﻠﻴﻪ ....
ﻛﺎﻝ ﻳﻤﻪ ﻣﺎ ﺍﺩﺭﻱ ﺗﻌﺒﺎﻥ ﻭﻧﺎﻳﻢ ﻭﺣﺘﻪ ﻣﺼﺨﻦ ﻓﺰﻳﺖ ﻋﻠﻰ ﺣﺮﻛﻪ ﺑﺼﻔﻲ ﻓﺘﺤﺖ ﻋﻴﻨﻲ ﻋﻠﻰ ﻫﺎﻱ ﻭﺿﻌﻴﺘﻬﻪ ﻣﻼﺑﺴﻬﻪ ﻣﺸﻜﻮﻛﻪ ﻭﺷﻌﺮﻫﻪ ﻫﻴﺞ ﻭﻧﺎﻳﻤﻪ ﺑﺼﻔﻲ ﻣﻦ ﺻﺤﺖ ﺑﻴﻬﻪ ﻛﺎﻣﺖ ﺗﺼﻴﺢ ﻭﻟﻤﺘﻜﻢ ﻋﻠﻴﻪ ﻭﺍﻧﻲ ﺑﻨﻔﺴﻲ ﻣﺎﺍﻋﺮﻑ ﺍﻟﺼﺎﺭ ...
ﺩﻛﻴﺖ ﻭﻟﻄﻤﺖ ﺍﺑﻨﻲ ﻭﺍﻋﺮﻓﻪ ﻣﺎﺗﺮﺑﻰ ﻋﻠﻰ ﻫﻴﺞ ﺷﻲ ﻭﺧﺎﺻﻪ ﺯﻳﺪ ﻋﻨﺪﻩ ﻏﻴﺮﻩ ﻭﺣﻤﻴﻪ ﻣﺎﻋﺪ ﺍﺧﻮﺗﻪ ﺑﺲ ﻫﺎﻟﺒﻨﻴﻪ ﺍﺗﺒﻠﺖ ﻋﻠﻲ ﺣﺠﻴﺖ ﻭﺭﺩﺕ ﻭﺍﺣﺪ ﻳﺼﺪﻛﻨﻲ ﻛﻠﻬﻪ ﻭﻛﻔﺖ ﻭﻳﻪ ﻣﺮﻭﻩ ...
ﻭﻫﻲ ﻛﺎﻣﺖ ﺗﺼﻴﺢ ﺭﺍﺩ ﻋﻼﻗﻪ ﻣﻨﻲ ﻭﻣﺎﻗﺒﻠﺖ ﻭﺳﻮﻩ ﻫﻴﺞ ﺑﻴﻪ ﺑﻴﻮﻣﻬﻪ ﻟﺰﻣﻬﻪ ﺯﻳﺪ ﺧﻼﻫﻪ ﺯﺭﻛﻪ ﻣﻦ ﺍﻟﻜﺘﻞ ﺑﺲ ﺗﺼﻴﺢ ﺍﻧﺖ ﺍﻋﺘﺪﻳﺖ ﻋﻠﻴﻪ ﺍﺟﻪ ﺍﺑﻮﻫﻪ ﻭﺻﺎﺭ ﺍﺑﻮ ﺍﻟﺘﺮﺑﻴﻪ ﺍﻟﺰﻳﻨﻪ ﻟﻌﺐ ﻟﻌﺐ ﺍﺑﻮﻣﺤﻤﺪ ﺩﺧﻞ ﻣﺴﺘﺸﻔﻰ ﻭﺍﻟﺴﻜﺮ ﻣﺎﻳﻨﺰﻝ ﻭﺯﻳﺪ ﻳﻜﺘﻞ ﺑﻴﻬﻪ ﻭﻫﻲ ﺗﺤﻠﻒ ﺍﻋﺘﺪﻳﺖ ﻋﻠﻴﻬﻪ ....
ﻛﻠﻨﻪ ﻣﺘﻮﺭﻃﻪ ﻭﻳﻪ ﻭﺍﺣﺪ ﻭﺫﺑﺘﻪ ﺑﺮﺍﺱ ﺯﻳﺪ ﺗﺎﻟﻲ ﻛﺎﻝ ﺍﺑﻮ ﻣﺤﻤﺪ ﻭﺩﻭﻫﻪ ﻟﻠﻔﺤﺺ ﻭﻧﺘﺎﻛﺪ ﺻﺪﻙ ﻣﻦ ﺳﻤﻌﺖ ﺑﺎﻟﻔﺤﺺ ﻛﺎﻟﺖ ﺭﺍﺩ ﻳﻌﺘﺪﻱ ﻋﻠﻴﻪ ﻭﻟﺤﻜﺘﻮﺍ ﻋﻠﻴﻪ ﺑﺎﺧﺮ ﻓﺮﺻﻪ . ....
ﺑﺤﻜﻢ ﻋﺎﺩﺍﺗﻨﻪ ﻭﺗﻘﺎﻟﻴﺪﻧﻪ ﺫﺑﻮﺍ ﺍﻟﻠﻮﻡ ﻋﻠﻰ ﺯﻳﺪ ﻭﺷﻠﻮﻥ ﺍﺑﻦ ﻋﻤﻬﻪ ﻭﻫﻴﺞ ﻳﺴﻮﻱ ﺑﻌﺪﻩ ﺑﺒﺪﺍﻳﻪ ﺍﻟﻌﺸﺮﻳﻦ ﻭﺍﺧﻮﺗﻪ ﻣﺎﻣﺘﺰﻭﺟﻴﻦ ﻭﺍﺑﻮ ﻣﺮﻳﺾ ﻛﻠﻬﻪ ﺍﺩﺧﻠﺖ ﺗﺎﻟﻲ ﻛﺎﻟﻮﺍ ﺍﻻ ﻳﺨﻄﺒﻬﻪ ....
ﻫﻨﺎ ﺯﻳﺪ ﻛﺎﻟﻬﻢ ﺍﻛﺘﻠﻬﻪ ﻭﻣﺎ ﺍﺗﺰﻭﺟﻬﻪ ﻟﻮﺍﻣﻮﺕ ﺗﻜﺮﺑﺴﻮﻫﻪ ﺑﺮﺍﺳﻲ ﺷﻠﻮﻥ ﺍﻣﻦ ﻋﻠﻰ ﻋﺎﺋﻠﺘﻲ ﻋﻨﺪ ﻫﻴﺞ ﻭﺣﺪﻩ ....
ﺗﺎﻟﻲ ﺷﻔﺖ ﺍﻟﺤﺠﻲ ﺍﺑﻮﻣﺤﻤﺪ ﺣﺎﻟﺘﻪ ﺑﺎﻟﻨﺰﻻﻥ ﻣﻦ ﻭﺭﺍ ﺍﻟﺼﺎﺭ ﻭﻛﻌﺖ ﻋﻠﻰ ﺯﻳﺪ ﺍﺗﻮﺳﻠﻪ ﻟﺨﺎﻃﺮ ﺍﺑﻮﻙ ﺭﺍﺡ ﻳﻤﻮﺕ ﺍﺑﻮﻙ ﻳﻤﻪ ﺧﻠﻲ ﺑﻌﻴﻨﻚ ﻳﺎﻭﻟﻴﺪﻱ ﻋﻤﻚ ﻭﺍﺣﺪ ﻣﺎﻳﺨﺎﻑ ﺭﺑﻪ ﻭﻛﺮﺑﺲ ﺑﻨﺘﻪ ﺑﺮﺍﺳﻨﻪ ﺑﺲ ﺍﺑﻮﻙ ﻳﺮﻭﺡ ﺑﻴﻬﻪ .....
ﻗﻨﻌﺘﻪ ﺑﺎﻟﻤﻮﺕ ﻳﺨﻄﺒﻬﻪ ﻭﺷﻜﻢ ﺳﻨﻪ ﻭﻳﻄﻠﻜﻬﻪ ﺑﺲ ﻳﺴﺪ ﺍﺣﻠﻮﻙ ﻋﻤﺎﻣﻪ ﻭﻛﺮﺍﻳﺒﻪ ﻛﻠﻬﻪ ﺣﺪﺕ ﺍﺳﻨﻮﻧﻪ ﻭﻳﺎﺭﻳﺘﻨﻲ ﻣﺎﻗﻨﻌﺘﻪ ﻭﺧﻠﻴﺘﻪ ﻳﺘﺼﺮﻑ ﻫﻮ ...
ﺍﻟﻤﻬﻢ ﺻﺎﺭ ﺍﻟﻲ ﺻﺎﺭ ﻭﺧﻄﺒﻬﻪ ﻳﺎﺑﻨﻴﺘﻲ ﻣﻦ ﺍﻭﻝ ﻳﻮﻡ ﺗﻐﻴﺮﺕ ﻣﺮﻭﻩ ﺍﻟﺘﺰﻣﺖ ﺑﺎﻟﺼﻼﻩ ﻭﺗﺤﺠﺒﺖ ﻭﺍﺣﺘﺸﻤﺖ ﻭﻛﻠﺴﺎﻉ ﺗﺠﻲ ﺗﺒﻮﺳﻨﻲ ﻭﺗﻌﺘﺬﺭﻟﻲ ﻛﻠﺖ ﺗﺎﺑﺖ ﻭﺗﺼﺮﻓﺎﺕ ﻣﺮﺍﻫﻘﻪ ﻭﺗﻨﺪﻣﺖ ....
ﺍﻣﻬﻪ ﺧﻄﻴﻪ ﻓﻘﻴﺮﻩ ﻭﻛﻌﺖ ﺑﻴﻬﻪ ﻣﻦ ﻭﺭﺍ ﺑﻨﺘﻬﻪ ﺗﻤﺮﺿﺖ ﻭﻟﻔﺘﻠﻬﻪ ﻣﺮﺿﻪ ﻣﺎﻛﺎﻣﺖ ﻣﻨﻬﻪ ﻭﻣﺎﺗﺖ ﻣﻦ ﻭﻛﺖ ﻭﻭﺻﺘﻨﻲ ﻭﻫﻲ ﻋﻠﻰ ﻓﺮﺍﺵ ﺍﻟﻤﻮﺕ ....
ﻣﺎﺍﻃﻠﻚ ﻣﺮﻭﻩ ﺍﺧﻠﻴﻬﻪ ﻳﻤﻬﻪ ﻳﻜﺘﻠﻬﻪ ﺯﻳﺪ ﻣﻨﺎ ﻟﻤﻦ ﺗﺴﺘﻌﺪﻝ ﻭﺗﺼﻴﺮ ﺍﺩﻣﻴﻪ ﺑﺲ ﺍﻣﺎﻧﻪ ﻋﻨﺪﺝ ﻣﺮﻭﻩ ﻭﻣﻦ ﻫﺬﺍﻙ ﺍﻟﻴﻮﻡ ﺍﻻﻣﺎﻧﻪ ﻛﺴﺮﺕ ﺿﻬﺮﻱ ....
ﺍﻟﻤﻬﻢ ﻳﺎﺑﻨﺘﻲ ﺍﻧﻲ ﺍﻟﻲ ﻭﻛﻔﺖ ﺑﻌﻴﻦ ﺯﻳﺪ ﻭﺻﺤﻪ ﺍﺑﻮ ﺍﻟﻲ ﺍﻧﺠﺒﺮ ﺑﺰﻭﺟﻬﻪ ﻭﻣﻦ ﻫﺬﺍﻙ ﺍﻟﻴﻮﻡ ﻟﺤﺪﻫﺴﻪ ﻫﻲ ﻫﻴﺞ ﻋﺒﺎﻟﻲ ﺍﻧﻌﺪﻟﺖ ...
ﺍﻧﻲ ﻫﻮﺍﻱ ﺍﺳﺘﺮﻟﻬﻪ ﺍﻛﻮﻝ ﺧﻄﻴﻪ ﺍﻣﺎﻧﻪ ﺍﻣﻬﻪ ﺑﺲ ﻣﺎﻳﻔﻴﺪ ﻣﺎﺗﺨﺎﻑ ﺑﺲ ﻣﻦ ﻋﻨﺪﻩ ﻣﻦ ﻳﻄﺐ ﻟﻠﺒﻴﺖ ﺗﺼﻴﺮ ﻓﺎﺭﻩ ﻫﻮ ﻳﻄﻠﻊ ﻭﻫﻲ ﻳﺒﻴﻦ ﻭﺟﻬﻪ ﺍﻟﺜﺎﻧﻲ ....
ﻣﺴﻚ .. ﺷﻌﺠﺐ ﻣﺎﺻﺎﺭﺕ ﺣﺎﻣﻞ ....
... ﻣﻨﻴﻦ ﻫﻮ ﺯﻳﺪ ﻳﻤﺘﻪ ﻳﺘﻘﺮﺑﻠﻬﻪ ﺑﺲ ﻳﻮﻡ ﺍﻟﻌﺮﺱ ﻭﻫﺎﻱ ﺭﺍﺡ ﻳﺼﻴﺮ 9 ﺳﻨﻮﺍﺕ ﻣﺎﺧﻠﻴﺖ ﺍﻣﺎﻡ ﻣﺎﻣﺸﻴﺘﻪ ﻋﻠﻲ ﻭﻣﺎﻳﻘﺒﻞ ﻳﻜﻮﻝ ﻣﺎ ﺍﺭﻳﺪ ﺍﺧﻠﻒ ﻣﻨﻬﻪ ﺷﻠﻮﻥ ﺍﻡ ﺟﻬﺎﻟﻲ ﻭﻫﻲ ﺑﺎﻟﻤﻜﺮ ﻭﺍﻟﺠﺬﺏ ....
... ﺯﻳﻦ ﺷﻌﺠﺐ ﻣﺎﻓﻜﺮ ﻳﺘﺰﻭﺝ ﻟﻴﺶ ﻟﺴﻪ ﻣﺎﻣﻄﻠﻜﻬﻪ ﺍﺫﺍ ﻣﻴﺮﻳﺪﻫﻪ ...
... ﺍﻧﻲ ﺍﻟﻲ ﻭﺍﻛﻔﻪ ﺑﻌﻴﻨﻪ ﻛﺘﻠﻪ ﻣﻦ ﺍﻣﻮﺕ ﻃﻠﻜﻬﻪ ﺍﻣﺎﻧﻪ ﻭﻭﺻﻴﻪ ﻣﻴﺖ ﻫﺎﻱ ﻭﺯﻭﺍﺝ ﻣﺎﻳﻘﺒﻞ ﻳﻜﻮﻝ ﻧﻔﺮﺕ ﺭﻭﺣﻲ ﻣﻦ ﺍﻟﻨﺴﻮﺍﻥ ﻭﻫﺎﻱ ﺣﺎﻟﻪ ﺍﻟﺸﻴﺐ ﺗﺮﺱ ﺷﻌﺮﻩ ﻭﻣﺎﻧﺎﻣﻠﻪ ﺑﺤﻀﻦ ﻣﺮﻩ ﻟﺴﻪ ...
... ﺍﻟﻠﻪ ﻳﺴﺎﻋﺪﻩ ﻣﺎﻳﺴﺘﺎﻫﻞ ﻭﺍﻟﻠﻪ ..
. ... ﻣﺎ ﺍﻣﺪﺣﻠﺞ ﻭﻻ ﺍﺭﻳﺪ ﺍﻗﻨﻌﺞ ﺑﺲ ﺍﻧﺘﻲ ﺍﻟﻜﻞ ﺑﺎﻟﻜﻞ ﻭﻫﻲ ﻻﺷﻲ ﺑﺎﻟﻨﺴﺒﻪ ﻟﺰﻳﺪ ﺍﻗﺒﻠﻲ ﻳﺎﻣﺴﻚ ﻧﺼﻴﺤﻪ ﺍﻡ ....
... ﺻﻔﻨﺖ ﺑﻮﺟﻬﻪ ﺣﺎﻳﺮﻩ ﻣﺎ ﺍﻋﺮﻑ ﺷﻜﻮﻝ ﺍﻗﺒﻞ ﻟﻮﻻ ﺍﺧﺘﻴﺎﺭ ﺻﻌﺐ ﺣﻴﻞ ﻭﺍﻟﺘﻔﻜﻴﺮ ﻣﻬﻠﻚ ...
ﺑﻴﺴﺎﻥ ....
ﻓﺘﺤﺖ ﻋﻴﻨﻲ ﺍﻟﺼﺒﺢ ﻭﺍﻧﻲ ﺑﺤﻀﻦ ﻣﺮﺍﺩ ﻧﺎﻳﻤﻪ ﻋﻠﻰ ﺍﻟﺼﺪﺭﻩ ﺍﻟﻠﻪ ﺷﻜﺪ ﺣﻠﻮﻩ ﺍﻟﻨﻮﻣﻪ ﻏﺎﻁ ﺑﺎﻟﻨﻮﻡ ﻛﻌﺪﺗﻪ ﺑﺒﻮﺳﻪ ﻋﻠﻰ ﺧﺪﻩ ﺍﺑﺘﺴﻢ ....
ﺭﻓﻌﻨﻲ ﻭﺧﻼﻧﻲ ﻋﻠﻰ ﺻﺪﺭﻩ ﻭﻫﻮ ﻳﺒﻮﺱ ﺑﻴﻪ ﺍﺣﻠﻰ ﻟﻴﻠﻪ ﻭﺍﺣﻠﻰ ﺻﺒﺎﺡ ﻭﺍﻧﻲ ﺑﻴﻦ ﺍﺣﻀﺎﻧﻪ ﻭﺻﺮﺕ ﻣﺮﺗﻪ .. .
ﻛﻌﺪﻧﻪ ﺳﺒﺤﻨﻪ ﻭﺑﺪﻟﻨﻪ ﺟﺎﻧﺖ ﺟﻤﻌﻪ ﻧﺰﻟﻨﻪ ﺳﻮﻩ ﻭﺍﻟﻔﺮﺣﻪ ﻭﺍﺿﺤﻪ ﻋﻠﻴﻨﻪ ﺍﺛﻨﻴﻨﻪ ﻭﺍﻟﻌﻴﻮﻥ ﺍﺗﺮﺟﻢ ﺍﻟﻤﺸﺎﻋﺮ ﻭﺍﻻﺣﺎﺳﻴﺲ ..
ﻣﺮﺕ ﺍﻳﺎﻡ ﻗﻠﻴﻠﻪ ﻳﻮﻣﻴﻪ ﻣﺮﺍﺩ ﻳﻌﻴﺸﻨﻲ ﺑﻠﻴﻠﻪ ﻣﺎﺍﺷﻮﻓﻬﻪ ﺑﻼﺣﻼﻡ ﺍﺣﻠﻰ ﻣﺎﺑﻴﻬﻪ ﺍﻟﻬﺪﻭﺀ ﻭﺑﺲ ﺍﻧﻔﺎﺳﻪ ﺗﻌﺒﺮ ﻟﺤﺪﻣﺎ ﺍﺗﻌﺐ ﻭﻳﺸﻮﻓﻨﻲ ﺍﻏﻔﻪ ﻳﻠﻪ ....
ﺑﻴﻮﻡ ﻣﻨﻬﻦ ﻗﺮﺭ ﻳﺮﻭﺡ ﻭﻳﻪ ﺍﻟﺤﺸﺪ ﻟﺘﻜﺮﻳﺖ ﻋﻠﻤﻮﺩ ﺍﻟﻤﺴﺎﻋﺪﺍﺕ ﻭﺍﻛﻮ ﻧﺎﺯﺣﻴﻦ ﺑﺎﻟﺸﺎﺭﻉ ﻭﺷﺘﺎ ﻭﺧﻄﻴﻪ ﺍﻟﻨﺎﺱ ﻫﺬﺍ ﺍﻟﺤﺠﻲ ﻭﺭﺍ ﻣﺎﺗﻢ ﺯﻭﺍﺟﻨﻪ ﺏ 9 ﺍﻳﺎﻡ ﺍﻋﺘﺮﺿﺖ ﻭﻣﺎﺧﻠﻴﺘﻪ ﺍﺣﺲ ﻧﻔﺴﻲ ﺑﻌﺪﻧﻲ ﻋﺮﻭﺱ ﺑﺲ ﺟﺎﻥ ﻣﺼﺮ ﺍﻻ ﻳﺮﻭﺡ ﻛﺎﻝ ﻳﻮﻣﻴﻦ ﻭﺍﺟﻲ ﻣﺎ ﺍﺗﺎﺧﺮ ...
ﺍﻟﻠﻴﻠﻪ ﺍﻟﻲ ﻗﺒﻞ ﻣﺎﻳﺮﻭﺡ ﺑﻴﻬﻪ ﺿﻠﻴﻨﻪ ﻟﻠﺼﺒﺢ ﻛﻠﺴﺎﻉ ﻳﺒﻮﺳﻨﻲ ﻣﻦ ﺑﻴﻦ ﻋﻴﻮﻧﻲ ﻭﻳﻜﺘﺒﻠﻲ ﺍﺣﺒﺞ ﺣﻀﻨﻪ ﺍﻣﺎﻥ ﻭﺳﻌﺎﺩﻩ ﺑﺎﻟﻨﺴﺒﻪ ﺍﻟﻲ ....
ﺛﺎﻧﻲ ﻳﻮﻡ ﻣﻦ ﺍﻟﻔﺠﺮ ﻃﻠﻊ ﺣﺴﻴﺖ ﻛﻠﺒﻲ ﺍﻧﻘﺒﺾ ﻭﺭﺍ ﺣﺘﻪ ﺩﻣﻮﻋﻲ ﻧﺰﻟﻮﺍ ﺍﻟﺘﻬﻴﺖ ﺑﺎﻟﺪﻭﺍﻡ ﻭﻛﻠﻤﺎ ﺍﺩﻙ ﻋﻠﻲ ﻣﺎﻳﺠﺎﻭﺏ ﻫﻮ ﻣﻦ ﻭﺻﻞ ﺟﺎﻭﺑﻨﻲ ﻭﻛﺎﻝ ﻣﺎﻛﻮ ﺷﻲ ﻳﻮﻣﻴﻦ ﻭﺍﺟﻲ ...
ﻭﺭﺍﻫﻪ ﺩﺧﻠﻨﻪ ﺍﻧﺬﺍﺭ ﺍﻟﻌﺎﺋﻠﻪ ﻛﻠﻬﻪ ﺍﺩﻙ ﻋﻠﻲ ﻭﻣﺤﺪ ﻳﺤﺼﻞ ﻛﻠﻪ ﻳﻄﻠﻊ ﻣﻐﻠﻖ ﺗﺨﺒﻠﺖ ﺧﺎﻟﻪ ﺍﻡ ﺍﻳﻬﺎﺏ ﺍﺯﻳﺪ ﻣﻦ ﺣﺎﻟﺘﻲ ....
ﻣﺮ ﻋﻠﻰ ﺭﻭﺣﺘﻪ 5 ﺍﻳﺎﻡ ﻭﺍﻱ ﺧﺒﺮ ﻣﺎﻛﻮ ﻋﻦ ﻣﺮﺍﺩ ﺍﺿﻞ ﻟﻠﺼﺒﺢ ﺍﺑﺠﻲ ﻭﻳﻦ ﻋﻔﺘﻨﻲ ﻟﻴﺶ ﻫﻴﺞ ﻣﺮﺍﺩ ﻭﺍﻋﺪﺗﻨﻲ ﺗﺠﻲ ﻭﻛﺘﻠﻲ ﺍﺧﺮ ﻣﺮﻩ ﺍﺷﺘﺎﻗﻴﺘﻠﺞ ﻟﻮﺍﺩﺭﻱ ﻣﺎﺭﺍﻳﺢ ﺻﺎﻳﺮﻩ ﺑﻴﻦ ﻋﻴﻮﻧﻲ ....
ﺍﻧﻬﺎﺭﻳﺖ ﻋﺒﺎﻟﻚ ﻣﺘﺰﻭﺟﻴﻦ ﺻﺎﺭ ﻋﺸﺮ ﺳﻨﻴﻦ ﺍﺣﺲ ﺭﻭﺣﻲ ﺍﺗﻌﻠﻘﺖ ﻭﻳﺎ ﻛﻠﺴﺎﻉ ﺍﻛﻤﺰ ﻣﻦ ﺍﺳﻤﻊ ﺍﻟﺒﺎﺏ ﺍﻛﻮﻝ ﺍﺟﻪ ﻣﺨﻠﻴﻪ ﺍﻟﺘﻠﻴﻔﻮﻥ ﺑﻴﺪﻱ ﻭﺑﻠﻜﻲ ﻳﺠﻲ ﺍﺗﺼﺎﻝ ﻣﻨﻪ ...
ﺍﺧﻮﺗﻪ ﻛﻠﻬﻪ ﻻﺯﻣﻪ ﺍﻟﺘﻠﻴﻔﻮﻧﺎﺕ ﻭﻳﺮﺣﻮﻥ ﻟﻠﺠﻤﺎﻋﻪ ﺍﻟﻲ ﺭﺍﺡ ﻭﻳﺎﻫﻢ ﻣﺎﻛﻮ ﻧﻔﺲ ﺍﻟﺸﻲ ﻫﻢ ﺍﻫﻠﻬﻢ ﻳﺪﻭﺭﻭﻥ ﻋﻠﻴﻬﻢ ....
ﻭﻳﻨﻚ ﻳﺎﻣﺮﺍﺩ ﺗﺪﺭﻱ ﺑﻴﻪ ﻏﺮﻳﺒﻪ ﻭﺣﻴﺪﻩ ﻣﺎﻋﻨﺪﻱ ﺍﺣﺪ ﻭﻳﻦ ﺭﺣﺖ ﻟﻴﺶ ﻫﻴﺞ ﻋﻠﻘﺘﻨﻲ ﺑﻴﻚ ﻛﺘﻠﻚ ﻻﺗﺮﻭﺡ ﻟﻴﺶ ﺍﺳﺘﻌﺠﻠﺖ ﻭﺭﺣﺖ ....
ﺍﺩﻓﻦ ﺭﺍﺳﻲ ﺑﻤﺨﺪﺗﻪ ﺣﺘﻪ ﺍﺷﺘﻢ ﻋﻄﺮﻩ ﺍﺣﺴﻪ ﻣﻮﺟﻮﺩ ﻳﻤﻲ ﺑﻜﻞ ﻣﻜﺎﻥ ﻛﻠﻤﺎ ﺍﻧﺪﺍﺭ ﺍﺷﻮﻓﻪ ﻋﻔﺖ ﺍﻟﺪﻭﺍﻡ ﻭﻛﻄﻌﺖ ﺍﻻﻛﻞ ﻭﻣﺮﺍﺩ ﺍﺧﺘﻔﻰ ﻣﺎﻛﻮ ...
ﺟﺎﻥ ﻋﻨﺪﻱ ﺍﻣﻞ ﺑﺴﻴﻂ ﻳﺠﻲ ﻳﻮﻡ ﻭﺍﺳﻤﻊ ﺻﻮﺗﻚ ﻣﻌﻘﻮﻟﻪ ﺭﺣﺖ ﻭﻣﺎﺳﻤﻌﺖ ﺻﻮﺗﻚ ﺷﻜﺪ ﺍﺗﻤﻨﻴﺖ ﺗﺮﺟﻊ ﺗﺤﺠﻲ ﻭﻧﻔﺲ ﺍﻟﻐﺰﻝ ﺍﻟﻲ ﺗﻜﺘﺒﻪ ﺍﺳﻤﻌﻪ ﺑﻠﺴﺎﻧﻚ ﻭﺻﻮﺗﻚ ﺍﻟﻌﺬﺏ ....
ﻻ ﻣﺮﺍﺩ ﻣﻮﻫﻴﺞ ﻭﺍﻋﺪﺗﻨﻲ ﻣﺎﺗﺮﻭﺡ ﻗﺒﻞ ﻣﺎ ﺍﺳﻤﻊ ﺻﻮﺗﻚ ﻭﺍﻧﺖ ﺗﺤﺠﻲ ﻭﺗﺘﻐﺰﻝ ﺑﻴﻪ ....
ﺻﺎﺭﻥ 12 ﻳﻮﻡ ﺿﺒﻂ ﻭﺍﻧﻲ ﺣﺎﻟﻲ ﻳﺒﺠﻲ ﺍﻟﻌﺪﻭ ﻻ ﻟﻴﻞ ﻟﻴﻠﻲ ﻭﻻﻧﻬﺎﺭ ﻛﺎﻋﺪﻩ ﻳﻢ ﺧﺎﻟﺘﻲ ﺗﺒﺠﻲ ﻭﺍﺑﺠﻲ ﻭﻳﺎﻫﻪ ﺍﻧﺪﻙ ﺍﻟﺘﻠﻴﻔﻮﻥ ﻛﻠﻨﻪ ﺭﻛﻀﻨﻪ ....
ﻭﺍﻧﺸﻮﻑ ﻋﻤﻲ ﻻﺯﻣﻪ ﻭﺍﻟﺪﻣﻮﻉ ﻣﺘﺠﻤﻌﻪ ﺑﻌﻴﻨﻪ ﻭﻫﻮ ﻳﻜﻮﻝ ﻻ ﻻﺩﻛﻮﻝ ﻫﻴﺞ ﺍﺑﻨﻲ ﻭﻳﻨﻪ ﺍﺑﻨﻲ ﻣﺮﺍﺩ ﻭﻭﻛﻊ ﺑﺎﻟﻜﺎﻉ .....
ﻳﺘﺒﺒﺒﺒﺒﻊ ..
