لا عمي بس حدوري وكح
لا انتي بس اطلعي منها وحدوري ورد ..
ابقي يم عمتج اليوم راسها يوجعهة قست ضغطها مرتفع..ياا خطية لتشيون هم اني يمها وراح اسويلها ريوگ..
طلعو واخر واحد علي
علي علي.
ها جوري جوري ههه
أشرت براسي ليفوك
هنا لو وووعلي أشر براسة مثل اليضرب طوبة صفح يمنى يسرى ويرفع بجسمة
عود لا
وضحكنا ضحكنة قوية
وطلع..
مرت عمي ضغطها مرتفع سلگت الها بيض ورتبته بالماعون
وخبز سخنتتة وحمرتة بجهاز تحميص الخبزومي وجاي واخذتة الها خطية راسها مأذيها
عمة كعدي اتريگي
خطية گعدت ها حبيبتي
عمة هذا ريوك الجام علي. .
يمة فدوة ونذر والله البنات نعمة والله مارزقني بهل النعمة
رزقني بولد عارات وضحكتلا عمة الله يخليهم والله ماكو منهم
عدلت ثوبها اسود قصير بية تول من الصدر والردن ذكرتني بماما نفس ستايلها باللبس
مديت أيدي گعدتها..
گالت شربت حباية والريوگ اجة بوكتها
من فدوة لهل الايدين والله الا اخليج بيتي ماطلعج للغريب!!سويت روحي ماسمعتها
كملت واني كعدت اتريك وغسلت
صحت عمة شتسوين غددة لو متگدرين
گالت لا والله اخابرهم يجيبولهم شي من برة
گتلها اني اعرف بس برياني غيرررة ماعرف هههههام علي.. لا حبيبتي خلي يولون تعبين نفسج ميستاهلون !
گلت الظاهر ضايجة من حجاية نيسان البارحة ومتريدني اشتغل
.. فتحت المجمدة طلعت اللحم من الجيس مكطع ومكمل خليتة على النار وكمت اكشر بالبتيتة والبصل والجزر
وطلعت شعرية حمستها بالزيت گسبتها وگليت الجزر والبتيتة والبصل والبزالية
استوة اللحم طبخت التمن بيةكبس وحمست اللحم هدرت الجدر ودخلت اسبح اباوووع ساعة 11
وقت طويل ومرت عمي نامت اني هم نمت ع التخم
بالهول الوسطي
سمعت نيسان يصيح يووم يوووم بالمطبخ مادخل من شافني نايمة
فزيت جنت مخربة بنومتي الظاهر وشعري مكفش شبة كيرليمن كمت هو دخل لغرفة ابوة
صاااح جووري !اهو شيريد
رحت گاعد بملابسة السود العسكرية اللي منطيتة فد هيبة تخبل
گال خابروني من المركز يردونج تشوفين الاخذ جنطنتج
وابوي گال اخذها وروح
وهاي امي مريضة متگدر تروح ويانة حظري نفسج اخذج لان عندي رجعة لدوامي وهم جيبي اوراق تقديم البلاغ والجنسية مالتج؟
بس هو يحجي ويلعب بسويجة وميباوع عليةر حت للغرفة لبست قميص نوعآ ما طويل وبنطرون حيز كاحت الون ماركة طبعآ
وبوت وشالة لفة عادية ومسكارة وكحلة وحمرة طوختهاشوية
YOU ARE READING
زهرة نيسان
ChickLitجنت فاتحة الفيس واشوف شكو ماكو انتبهت لمنشور شلون تعرفتي على زوجج قريت بعض التعليقات بين التحشيش والضحك وبين المواقف الحلوة جذبني تعليق قصتها وي ابن عمه خلال 30يوم رديت عليها بالتعليقات صار اكثر من تعليق بقينا نسولف خااااص بينت الها اني اكتب اكتب...
الحلقة 5
Start from the beginning