ﻭﻧﺎ ﺭﺍﻗﺪﻩ ﻭﻧﺘﺎﻟﻢ ﺑﺪﻭﻥ ﻣﺎﺍﻧﺤﺲ ﺑﺮﻭﺣﻲ ﻛﺮﻳﺖ ﻳﺪﻩ ﻭﺧﺬﻳﺘﻬﺎ ﻭﺣﻄﻴﺘﻬﺎ ﻋﻠﻲ ﺑﻄﻨﻲ
ﻣﺮﺍﺩ ﺣﺲ ﺑﻴﺎ ﺗﻘﺮﺏ ﻣﻨﻲ ﺍﺧﺮ ﻭﻟﻔﻨﻲ ﺷﻮﺭﻩ ﻭﺭﻗﺪﻧﻲ ﻋﻠﻲ ﺻﺪﺭﻩ
ﻣﺮﺍﺩ ؛؛ ﺍﻳﻪ
ﻧﺎ ؛؛ ﻧﻌﻢ ﺣﺒﻴﺒﻲ
ﻣﺮﺍﺩ ؛؛ ﺍﺳﺘﻐﺮﺏ ﻭﻗﻌﺪ ﺍﻳﺒﺤﺖ ﻓﻴﺎ
ﻭﻫﻤﺲ ﺑﺼﻮﺕ ﻭﺍﻃﻲ ﻓﻲ ﻭﺫﻧﻲ
ﺍﻳﻪ
ﻧﺎ ؛؛ ﻣﺮﺍﺩ ﺣﺒﻴﺒﻲ ﻧﺎ ﺗﻌﺒﺎﻧﻪ ﺧﻼﺹ
ﻣﺮﺍﺩ ؛؛ ﻋﺮﻓﻨﻲ ﻣﺶ ﺑﻮﻋﻲ ﻭﻗﺮﺑﻨﻲ ﻣﻨﻪ ﺍﺧﺮﻩ
ﻭﺑﻌﺪﻫﺎ ﺩﻕ ﺍﻟﺒﺎﺏ ﺍﻧﻔﺠﻌﻨﺎ ﻧﺎ ﻭﻣﺮﺍﺩ ﻭﻧﻄﻴﻨﺎ ﻧﻂ ﻭﺻﺐ ﻣﺮﺍﺩ ﻳﺠﺮﻱ ﻭﻋﺪ ﻓﺘﺢ ﺍﻟﺒﺎﺏ
ﻭﻟﻘﻪ ﻣﻨﺘﺼﺮ
ﻣﻨﺘﺼﺮ ؛؛ ﻣﺮﺍﺩ ﻧﺒﻴﻚ ﻓﻲ ﻣﻮﺿﻊ ﺿﺮﻭﺭﻱ
ﻣﺮﺍﺩ ؛؛ ﺷﻦ ﻓﻲ ﻓﺠﻌﺘﻨﻲ ﻛﻨﻚ
ﻭﺧﺶ ﻣﻨﺘﺼﺮ ﻟﻤﺮﺑﻮﻋﻪ ﻭﺧﺶ ﻭﺭﺍﻩ ﻣﺮﺍﺩ
ﻣﺮﺍﺩ ؛ : ﺍﺣﻜﻲ ﺷﻦ ﻓﻲ ﺭﺍﻙ ﻓﺠﻌﺘﻨﻲ
ﻣﻨﺘﺼﺮ ؛؛ ﻏﺎﺩﻩ ﻳﺎ ﻣﺮﺍﺩ ﻣﺮﻳﻀﻪ ﻟﻬﺎ ﻛﻢ ﻳﻮﻡ ﺍﺗﺤﺲ ﺑﺲ ﺍﻟﻴﻮﻡ ﻗﻮﺕ ﻣﻌﻬﺎ
ﻭﻧﺰﻝ ﺭﺍﺳﻪ ﻭﺍﻧﺤﺮﺝ ﻣﻦ ﻣﺮﺍﺩ
ﺑﺲ ﻣﺮﺍﺩ ﺑﺤﻜﻢ ﺍﻧﻪ ﺩﻛﺘﻮﺭ ﻧﺴﺎﺀ ﺷﺎﻃﺮ ﻓﻌﺮﻑ ﻗﺼﺪ ﺧﻮﻩ ﻃﻮﻝ
ﻣﺮﺍﺩ ؛ ﺍﻫﺎ ﺍﻭﻛﻲ ﺑﺎﻫﻲ ﻋﺎﺭﻑ ﻫﺬﻩ ﺣﺎﺟﻪ ﺳﺎﻫﻠﻪ ﺍﺗﺼﻴﺮ ﻻﻱ ﻋﺮﻭﺱ ﺗﻮ ﻧﻜﺘﺒﻠﻚ ﻣﻬﺮﻡ ﺍﺩﻳﺮﻩ
ﻭﻧﻮﻋﻴﺖ ﻣﻄﻬﺮ ﻣﻌﻴﻨﻪ ﺍﺩﻳﺮﻩ ﻭﺍﻥ ﺷﺎﺀ ﺍﻟﻠﻪ ﺳﺎﻫﻠﻪ ﻭﺍﻟﻠﻪ ﻓﺠﻌﺘﻨﻲ ﻳﺎ ﺭﺍﺟﻞ ﻧﺤﺴﺎﺑﻬﺎ ﺣﺎﺟﻪ ﻛﺒﻴﺮﻩ
ﻣﻨﺘﺼﺮ ؛ ﺳﺎﻣﺤﻨﻲ ﻳﺎ ﻣﺮﺍﺩ ﺍﻛﻴﺪ ﺍﺯﻋﺠﺘﻚ
ﻣﺮﺍﺩ ؛؛ ﻻ ﻋﺎﺩﻱ ﺳﺎﻫﻠﻪ ﺍﺷﻮﻳﻪ ﺑﺲ ﻧﻜﺘﺒﻠﻚ ﺍﻟﺪﻭﺍﺀ
ﻭﺧﺶ ﻣﺮﺍﺩ ﻭﻟﻘﻨﻲ ﻗﺎﻋﺪﻩ ﻓﻲ ﺍﻟﻤﻤﺮ ﻭﻣﻨﺼﺪﻣﻪ
ﻣﺮﺍﺩ ؛؛ ﻫﻬﻪ ﺍﻧﺘﻲ ﻟﻴﺶ ﺍﺗﺼﺒﻲ ﺍﻧﺘﻲ ﺑﺮﻭﺣﻚ ﻣﺮﻳﻀﻪ
ﻧﺎ ؛؛ ﻛﻨﻪ ﻣﻨﺘﺼﺮ
ﻣﺮﺍﺩ ؛؛ ﺷﻲﺀ ﻣﺎ ﺗﻨﺸﻐﻠﻴﺶ
ﻭﺧﺶ ﻟﺪﺍﺭ ﻭﻧﺎ ﻟﺤﻘﺘﻪ ﻭﺷﻔﺘﻪ ﻃﻠﻊ ﻭﺭﻗﻪ ﻭﻛﺘﺐ ﻓﻴﻬﺎ ﺩﻭﺍﺀ ﻭﻣﺸﻲ ﻭﻋﻄﻬﺎ ﻟﻤﻨﺘﺼﺮ ﻭﻋﺪ ﻣﻨﺘﺼﺮ
ﻭﺟﺎ ﻣﺮﺍﺩ ﻭﻟﻘﻨﻲ ﺭﺍﻗﺪﻩ ﻋﻠﻲ ﺍﻟﺴﺮﻳﺮ ﻭﺍﻧﺒﺤﺖ ﻓﻴﻪ
ﻧﺎ ؛؛ ﻣﺮﺍﺩ ﻛﻨﻪ ﻣﻨﺘﺼﺮ
ﻣﺮﺍﺩ ؛؛ ﻏﺎﺩﻩ ﺗﻌﺒﺎﻧﻪ ﺍﺷﻮﻳﻪ
ﻧﺎ : ؛ ﻛﻨﻬﺎ ﺷﻦ ﺻﺎﺭﻟﻬﺎ
ﻣﺮﺍﺩ ؛؛ ﺍﺷﻮﻳﻪ ﺗﻌﺒﺎﻧﻪ ﺳﺎﻫﻠﻪ ﻋﺎﺩﻱ
ﻧﺎ ؛؛ ﺣﺴﻴﺖ ﺭﻭﺣﻲ ﺗﻌﺒﺎﻧﻪ ﺑﻜﻞ ﻭﻗﻌﺪﺕ ﺍﻧﺘﻌﺴﺮ ﻭﻧﺒﻜﻲ
ﻭﺟﺎﻧﻲ ﻣﺮﺍﺩ
ﻣﺮﺍﺩ ؛؛ ﺍﻳﻪ ﻛﻨﻚ ﻗﻮﺕ ﻋﻠﻴﻚ
ﻧﺎ : ؛ ﻻ ﻋﺎﺩﻱ ﺩﻳﻤﻪ ﻫﻜﻲ ﻧﺎ ﻟﻤﺎ ﻧﻤﺮﺽ
ﻣﺮﺍﺩ ؛؛ ﻗﺼﺪﻙ ﺗﻘﻌﺪﻱ ﺗﺎﻟﻤﻲ ﻫﻜﻲ
ﻧﺎ ؛؛ ﺍﻫﺎ
ﻭﻗﻌﺪﺕ ﺍﻧﺘﻌﺴﺮ ﻧﻴﻦ ﻣﺮﺍﺩ ﻗﺮﺏ ﻣﻨﻲ ﻭﻗﻌﺪ ﻣﺎﺳﻚ ﻳﺪﻱ
ﻣﺮﺍﺩ؛ ؛ ﺧﻼﺹ ﺑﻼ ﺍﺑﻜﺎﺀ ﺧﻼﺹ ﺭﺍﻩ ﺍﻧﻌﺪﻱ ﺍﻧﺠﻴﺐ ﺍﺑﺮﻩ
ﻧﺎ ؛؛ ﺍﺑﺮﻩ ﻻﻻﻻ ﻧﺒﻴﺶ ﺍﺑﺮﻩ ﻋﻨﺪﻱ ﻧﺎ ﻧﻘﻌﺪ ﺍﻧﺘﺎﻟﻢ ﻭﻻ ﻧﺎﺧﺬ ﺍﻻﺑﺮﻩ
ﻭﺣﻄﻴﺖ ﺍﻟﻤﺨﺪﻩ ﻋﻠﻲ ﻭﺟﻲ ﻭﻗﻌﺪﺕ ﻧﺒﻜﻲ ﻭﻣﺮﺍﺩ ﺭﻓﻊ ﺍﻟﻤﺨﺪﻩ ﻭﻛﺮﻧﻲ###
ﻣﺮﺍﺩ ؛؛ ﻳﻬﻤﺲ ﻓﻲ ﻭﺫﻧﻲ ﻫﻤﺲ
ﺍﻳﻪ ﺧﻼﺹ ﺭﺍﻩ ﻫﺬﻩ ﺣﺎﺟﻪ ﻃﺒﻴﻌﻴﺔ ﺍﻣﻐﻴﺮ ﺍﻧﺘﻲ ﺗﺪﻟﻌﻲ
ﻭﻧﺎ ﻗﻌﺪﺕ ﻧﺒﻜﻲ ﺑﺲ ﻟﻤﺎ ﺟﻴﺖ ﻓﻲ ﺣﻀﻨﻪ ﺣﺴﻴﺖ ﺑﺎﻣﺎﻥ ﻭﺣﻨﺎﻥ ﻭﺣﺴﻴﺖ ﺭﻭﺣﻲ ﺩﻓﻴﺖ ﻭﻃﻮﻝ
ﺭﻗﺪﺕ ﺑﺪﻭﻥ ﻣﺎ ﺍﻧﺤﺲ ﺑﺮﻭﺣﻲ
ﻭﻭﻋﻴﺖ ﺗﺎﻧﻲ ﻳﻮﻡ ﻋﻠﻲ ﻣﺮﺍﺩ ﻭﻫﻮ ﺍﻳﻮﻋﻲ ﻓﻴﺎ
ﻧﺎ؛؛ ﺗﻲ ﻫﺎﺍﺍ ﺗﻌﺒﺎﻧﻪ ﻧﺎ ﺧﻄﺎﻧﻲ
ﻣﺮﺍﺩ ؛؛؛ﺍﻳﻪ ﺻﺒﻲ ﻧﺎﺧﺬ ﻣﻨﻚ ﺩﻡ ﻭﺑﻌﺪﻫﺎ ﺭﺩﻱ ﺍﺭﻗﺪﻱ
ﻧﺎ ؛؛ ﻧﻄﻴﺖ ﻣﺮﻩ ﻭﺣﺪﻩ ﻭﺑﺤﺘﺖ ﻓﻲ ﻳﺪ ﻣﺮﺍﺩ ﺍﻟﻘﻴﺘﻪ ﻣﺎﺳﻚ ﺍﻻﺑﺮﻩ
ﻫﻴﻴﻴﻴﻴﻲ ﻋﻠﻴﺶ ﺍﺑﺮﻩ ﻋﻠﻴﺶ ﺩﻣﻲ ﺷﻦ ﺗﺒﻲ ﻓﻴﻪ
ﻣﺮﺍﺩ ؛؛ ﺍﻧﺪﻳﺮﻟﻚ ﺗﺤﺎﻟﻴﻞ ﺍﻟﻴﻮﻡ ﺗﺎﻧﻲ ﻳﻮﻡ ﻭﻧﺒﻲ ﻧﻄﻤﻦ
ﻧﺎ ؛؛ﻻﻻ ﻣﺮﺍﺩ ﺍﺳﻔﻪ ﻧﺒﻴﺶ ﺍﻧﺪﻳﺮ ﺗﺤﺎﻟﻴﻞ ﻧﺎ ﺍﻛﻮﻳﺴﻪ ﻣﺎ ﻓﻲ ﺷﻲﺀ
ﻭﺧﺸﻴﺖ ﺗﺤﺖ ﺍﻟﻔﻮﻃﻪ ﻭﻏﻄﻴﺖ ﺭﻭﺣﻲ ﻭﺟﺎﻧﻲ ﻣﺮﺍﺩ
ﻣﺮﺍﺩ ؛؛ ﺍﻳﻪ ﺻﺒﻲ ﺧﻼﺹ ﺑﻼ ﺩﻟﻊ ﻧﺎ ﺍﺑﺮﺗﻲ ﺳﺎﻫﻠﻪ ﻫﻴﺎ ﺭﺍﻩ ﻧﺎ ﺍﻣﻮﻟﻊ ﺍﻟﺴﻴﺎﺭﻩ ﻟﻮﻃﻪ ﻓﻲ ﺍﻟﺠﻨﺎﻥ
ﻫﻴﺎ ﺑﻴﺶ ﺍﻧﺸﻴﻞ ﺍﻟﺪﻡ ﻟﺘﺤﺎﻟﻴﻞ ﻃﻮﻝ
ﻫﻴﺎ ﺻﺒﻲ
ﻭﺻﺒﻴﺖ ﻭﻣﺪﻳﺖ ﻳﺪﻱ ﻟﻤﺮﺍﺩ ﻭ ﻏﻤﻀﺖ ﺍﻋﻴﻮﻧﻲ
ﻣﺮﺍﺩ ؛؛ ﻫﻬﻬﻪ ﺧﻮﺍﻓﻪ
ﺍﻭﻭﻭﻭﻭ ﻟﻤﺎﺭ ﻭﻋﻴﺘﻲ
ﻧﺎ ؛؛ ﻓﺘﺤﺖ ﺍﻋﻴﻮﻧﻲ ﻭﺑﺤﺘﺖ ﻓﻲ ﻟﻤﺎﺭ
ﻟﻤﺎﺭ ﺗﻌﺎﻟﻲ ﻫﻨﺎ ﺣﻤﺎﺩﻱ ﻭﺍﻋﻲ
ﻭﺧﺶ ﻣﺮﺍﺩ ﺍﺑﺮﻩ ﻓﻲ ﺟﺴﻤﻲ ﺑﺪﻭﻥ ﻣﺎﺍﻧﺤﺴﻬﺎ ﻭﺳﺤﺐ ﺩﻡ ﻭﺻﺐ ﻭﻧﺎ ﺗﻔﺎﺟﺖ ﻟﻤﺎ ﺷﻔﺘﻪ ﺻﺐ
ﻧﺎ ؛؛ ﻛﻤﻠﺖ ﻣﺮﺍﺩ
ﻣﺮﺍﺩ ؛؛ ﺍﻫﺎ
ﻧﺎ ؛؛ ﻟﻤﺎﺭ ﺗﻌﺎﻟﻲ ﺍﻧﻨﻮﻩ ﺍﺧﺮﻩ
ﻟﻤﺎﺭ ؛؛ ﻭ ﺣﻤﺎﺩﻱ
ﻧﺎ ؛؛ ﻳﻴﻴﻴﻴﻲ ﻋﻠﻴﺎ
ﻭ ﺍﻟﺘﻔﺖ ﻋﻠﻴﺎ ﻣﺮﺍﺩ ﻭﻗﻌﺪ ﺍﻳﺒﺤﺖ ﻓﻴﺎ ﻭﺍﻣﺮﻓﻊ ﺣﺎﺟﺒﻪ
ﻧﺎ ؛؛ ﺍﻧﺤﺮﺟﺖ ﻣﻨﻪ ﻭﺻﺒﻴﺖ ﺑﺸﻮﻳﻪ ﺑﺸﻮﻳﻪ
ﻣﺮﺍﺩ ؛؛ ﻳﺤﻜﻲ ﻭﻫﻮ ﻏﻤﺘﻠﻪ
ﺧﻠﻴﻜﻲ ﺗﻮ ﺍﻧﺠﻴﺒﻪ ﻟﻜﻲ ﻫﻨﺎ
ﻧﺎ ؛؛ ﺍﺳﻔﻪ ﻣﺮﺍﺩ ﻧﺎ ﻗﺼﺪﻱ ﺗﻌﺒﺎﻧﻪ ﺑﺲ ﻭﻇﻬﺮﻱ ﻳﻮﺟﻊ ﻓﻴﺎ
ﻭﻋﺪ ﻣﺮﺍﺩ ﺑﺪﻭﻥ ﻣﺎﺍﻳﺒﺤﺖ ﻓﻴﺎ ﺍﻭ ﺍﻳﻌﺒﺮﻧﻲ ﻭﻣﺸﻲ ﻭﺟﺎﺏ ﺣﻤﺎﺩﻱ
ﻧﺎ ؛؛ ﺍﻫﻬﻪ ﻋﻤﺎﻟﻬﺎ ﻳﺎ ﺣﻤﺎﺩﻱ ﻫﺒﺎ ﺗﻮ ﺍﻧﺸﻴﻠﻚ ﻟﺤﻤﺎﻡ
ﻭﺟﻴﺖ ﻧﺒﻲ ﺍﻧﺼﺒﻲ ﺑﺸﻮﻳﻪ ﺑﺸﻮﻳﻪ ﻭﺷﺎﻓﻨﻲ ﻣﺮﺍﺩ ﻛﻴﻒ ﺗﻌﺒﺎﻧﻪ ﻭﻭﺟﻲ ﺍﺻﻔﺮ ﻭﻣﺶ ﻗﺎﺩﺭﻩ ﺍﻧﺸﻴﻠﻪ
ﻣﺮﺍﺩ ؛؛ ﺍﻏﺴﻠﻴﻪ ﺑﺴﺮﻋﻪ ﺑﻴﺶ ﺍﻧﺰﻟﻪ ﻻﻣﻲ ﺗﻮ ﻫﻲ ﺍﻟﻠﻲ ﺍﺗﻔﻄﺮﻩ
ﻧﺎ ؛؛ ﺑﻪ
ﻭﻣﺸﻴﺖ ﻟﺤﻤﺎﻡ ﻭﻏﺴﻠﺘﻪ ﻭﻻﺑﺴﺘﻪ ﻭﻟﻤﺎﺭ ﺣﺘﻲ ﻫﻲ ﻻﺑﺴﺘﻬﺎ ﻭﺧﺬﻫﻢ ﻣﺮﺍﺩ ﻭﻧﺰﻝ ﺑﻴﻬﻢ
ﻭﻧﺎ ﻃﻮﻝ ﻋﺰﻗﺖ ﺭﻭﺣﻲ ﻋﻠﻲ ﺍﻟﺴﺮﻳﺮ ﻭﻃﻮﻝ ﻧﻮﻡ ﺑﺪﻭﻥ ﻣﺎﺍﻧﺤﺲ ﺑﺮﻭﺣﻲ ﻻ ﻓﻄﺮﺕ ﻭﻻﺷﻲﺀ
ﻣﺮﺍﺩ ؛؛ ﺍﻣﻲ ﺍﻫﻢ ﺣﻤﺎﺩﻱ ﻭﻟﻤﺎﺭ ﻓﻄﺮﻳﻬﻢ
ﻋﻤﺘﻲ ؛؛ ﻫﻴﻴﻴﻲ ﻭﻳﻦ ﺍﻟﻠﻲ ﻳﻨﻘﺎﻟﻠﻬﺎ ﺍﻳﻪ ﻛﻨﻬﺎ ﻣﺎ ﻓﻄﺮﺗﻬﻢ ﻭﻻ ﺑﺪﺕ ﺍﺗﻠﺰ ﻓﻴﻬﻢ
ﻣﺮﺍﺩ ؛؛ ﻻ ﻳﺎﺍﻣﻲ ﺑﺲ ﻫﻲ ﻣﺮﻳﻀﻪ ﺍﺷﻮﻳﻪ
ﻋﻤﺘﻲ ؛؛ ﻫﻴﻴﻴﻲ ﺑﺪﻳﻨﺎ ﻓﻲ ﺍﻟﺪﻟﻊ ﻣﻦ ﺗﻮﻩ ﻣﻦ ﺍﻭﻟﻬﺎ
ﺑﺪﺕ ﺍﺗﻨﺰﻝ ﻓﻴﻬﻦ ﻧﺎ ﻗﺎﻟﺖ ﺍﺻﻞ ﻧﺎ ﻗﺎﻟﺖ ﺍﻧﻬﺎ ﻓﺮﺧﻪ ﻭﻣﺶ ﺡ ﺗﻤﺴﻜﻬﻢ ﺍﻣﻐﻴﺮ ﻭﺍﻓﻘﺖ ﻋﻠﺸﺎﻥ
ﺗﺒﻴﻚ ﺑﺲ
ﻣﺮﺍﺩ ؛؛ ﺑﺎﻟﻠﻪ ﻋﻠﻴﻚ ﻓﻜﻴﻨﻲ ﻣﻦ ﺍﻟﻜﻼﻡ ﻫﺬﺍ ﺍﻟﻤﺮﺍﻩ ﻣﻦ ﺍﻣﺲ ﻣﺮﻳﻀﻪ ﻭﻓﻌﻼ ﻭﺗﻮ ﻗﺎﻋﺪ ﻭﺟﻬﺎ ﺷﺎﺑﺢ
ﻭﻳﻼﻩ ﺍﻗﺪﺭﺕ ﺍﺗﺼﺒﻲ ﺍﺗﻐﻴﺮﻟﻬﻢ
ﻋﻤﺘﻲ ؛؛ ﺑﺎﻫﻲ ﺑﺎﻫﻲ ﺍﺭﺑﺢ ﺗﻮ
ﻭﻣﺸﻲ ﻣﺮﺍﺩ ﻭﺍﻗﻌﺪﺕ ﻋﻤﺘﻲ ﻣﻨﻘﻬﺮﻩ ﻋﻠﻲ ﻧﺰﻟﺖ ﺍﻟﻌﻮﻳﻞ
ﻋﻤﺘﻲ : ؛ ﻟﻤﺎﺭ ﺗﻌﺎﻟﻲ ﻫﻨﺎ ﺻﺎﺡ ﺍﻳﻪ ﻣﺮﻳﻀﻪ
ﻟﻤﺎﺭ ؛؛ ﺑﺎﺑﺎ ﺍﻟﻴﻮﻡ ﺩﺭﻟﻬﺎ ﺍﺑﺮﻩ ﺗﻮ
ﻋﻤﺘﻲ ؛ ﻫﻴﻴﻴﻴﻴﻲ ﺍﻥ ﺷﺎﺀﺍﻟﻠﻪ ﺣﺎﻣﻞ ﻃﻴﺢ ﺳﻌﺪﻱ ﻫﺬﻩ ﻣﻦ ﺍﻭﻟﻬﺎ ﺗﺒﻲ ﺗﺤﻤﻞ
ﻭﺟﺘﻬﺎ ﻫﺪﻱ
ﻫﺪﻱ ؛؛ ﻛﻨﻚ ﻳﺎﺍﻣﻲ ﺣﺎﺭﻗﻪ ﺩﻣﻚ ﻣﻦ ﺍﻟﺼﺒﺢ
ﻋﻤﺘﻲ؛ ﺣﻲ ﻋﻠﻴﺎ ﻧﺎ
ﻫﺪﻱ ؛ ﺗﻲ ﻛﻨﻚ ﻳﺎﺍﻣﻲ
ﻋﻤﺘﻲ ؛؛ ﺍﻟﻔﺮﺧﻪ ﺍﻟﻠﻲ ﻓﻮﻕ ﺷﻜﻠﻬﺎ ﺣﺎﻣﻞ ﻧﺰﻝ ﺍﻟﻌﻮﻳﻞ ﻭﻗﺎﻟﻲ ﻣﺮﻳﻀﻪ ﻭﻟﻤﺎﺭ ﻗﺎﻟﺖ ﺩﺭﻟﻬﺎ ﺩﻡ ﺍﺑﺮﻩ
ﻳﻌﻨﻲ ﺩﺭﻟﻬﺎ ﺗﺤﺎﻟﻴﻞ ﻭﺍﻛﻴﺪﻩ ﺣﺎﻣﻞ
ﻫﺪﻱ ؛؛ ﻫﻴﻴﻴﻲ ﺍﻣﻲ ﻛﻨﻚ ﺍﻧﺘﻲ ﺭﺍﻫﻢ ﺍﺳﺒﻮﻉ ﺑﺲ ﻣﺘﺰﻭﺟﻨﻲ ﻣﺎﻟﻬﺶ ﺍﺣﻤﻠﺖ ﻭﺷﺎﻟﺖ ﻛﻨﻚ ﺍﻧﺘﻲ
ﺭﻛﺰﻱ
ﻋﻤﺘﻲ ؛؛ ﻫﻴﻴﻴﻲ ﻭﺍﻟﻠﻪ ﺻﺪﻗﺘﻲ ﺑﻪ ﻛﻨﻬﺎ ﻣﺮﻳﻀﻪ ﻓﻴﺶ ﺍﺗﺤﺲ
ﻫﺪﻱ ؛؛ ﻭﻧﺎ ﺷﻦ ﻋﺮﻓﻨﻲ ﺍﺗﺤﻘﻲ ﻓﻴﺎ ﻗﺎﻋﺪﻩ ﻋﻨﺪﻫﺎ
ﻋﻤﺘﻲ ؛؛ ﺑﺎﻫﻲ ﻫﻴﺎ ﺻﺒﻲ ﻭﺑﻼ ﺍﻣﻘﺎﻃﻌﻪ ﻭﺻﺒﻲ ﺩﻳﺮﻱ ﻟﻌﻴﺎﻝ ﺧﻮﻙ ﻓﻄﻮﺭ
ﻭﺻﺒﺖ ﻫﺪﻱ ﻭﺩﺍﺭﺕ ﺣﻮﺳﺘﻬﺎ ﻭﻭﻋﺖ ﺭﻳﻤﺎ ﻭﺳﺎﻋﺪﺗﻬﺎ
ﻭﺑﻌﺪ ﻛﻢ ﺳﺎﻋﻪ ﺍﻭﻋﻴﺖ ﻋﻠﻲ ﺻﻮﺕ ﺗﺴﻜﻴﺮﺕ ﺑﺎﺏ ﺍﻟﺸﻘﻪ
ﻭﻣﺎﻗﺪﺭﺗﺶ ﺍﻧﺼﺒﻲ
ﻣﺮﺍﺩ ؛؛؛ ﺍﻳﻪ ﺍﻳﻪ
ﻧﺎ ؛؛ ﺑﺼﻮﺕ ﻭﺍﻃﻲ ﻭﺗﻨﺒﺎﻝ
ﻧﻌﻢ ﻫﻨﺎ ﺍﻧﺎ
ﻭﺟﺎﻧﻲ ﻣﺮﺍﺩ ﻭﺧﺶ ﻋﻠﻴﺎ ﻓﻲ ﺍﻟﺪﺍﺭ ﻭﻻﻗﻨﻲ ﻃﺎﻳﺤﻪ ﻭﺭﺍﻗﺪﻩ
ﻣﺮﺍﺩ ؛؛ ﺍﻳﻪ ﻛﻨﻚ ﻣﺎﺯﺍﻟﺘﻲ ﻣﺮﻳﻀﻪ
ﻧﺎ ؛ ﻣﺎﺗﻮﻟﻌﺶ ﺍﻟﻀﻲﺀ ﺧﻠﻴﻪ ﻃﺎﻓﻲ
ﻣﺮﺍﺩ ؛؛ ﺍﺳﺘﻐﺮﺏ ﻛﻼﻣﻲ ﻭ ﺟﺎﻧﻲ ﻭﻗﻌﻤﺰ ﻋﻠﻲ ﺍﻟﺴﺮﻳﺮ
ﺍﻳﻪ ﺍﻧﺘﻲ ﺩﻳﻤﻪ ﻫﻜﻲ ﻣﻌﻘﻮﻟﻪ
ﻧﺎ ؛ ﺍﻣﺴﻘﻌﻪ ﺑﻜﻞ ﻭﺭﺍﺳﻲ ﺍﻣﺼﺪﻉ ﺑﻜﻞ
ﻗﺮﺏ ﻣﻨﻲ ﻣﺮﺍﺩ ﻭﺣﻂ ﻳﺪﻩ ﻋﻠﻲ ﺭﺍﺳﻲ ﻭﻟﻘﻨﻲ ﻋﻨﺪﻱ ﺍﻟﺤﺮﺍﺭﻩ
ﻣﺮﺍﺩ ؛؛ ﺍﻭﻭﻭﻭ ﺣﺮﺍﺭﻩ ﺍﻧﺘﻲ ﺍﺳﺎﺱ ﻣﺮﻳﻀﻪ ﻛﻨﻚ ﺳﺎﻛﺘﻪ ﻋﻠﻲ ﺭﻭﺣﻚ ﻟﻴﺶ ﻣﺎﻗﻠﺘﻴﻬﺎ ﻟﻴﺎ ﻓﻲ
ﺍﻟﺼﺒﺢ
ﻧﺎ؛؛ ﺳﺎﻛﺘﻪ ﻭﻗﺎﻋﺪﻩ ﻃﺎﻳﺤﻪ ﻭﺧﻼﺹ
ﻣﺮﺍﺩ ؛؛ ﺍﻳﻪ ﺗﻮ ﺍﻧﺠﻲ
ﻭﻃﻠﻊ ﻣﺮﺍﺩ ﻭﻧﺎ ﺍﻧﺒﺤﺖ ﻓﻴﻪ ﺍﻧﺤﻖ ﻓﻴﻪ ﺍﺛﻨﻴﻦ ﺍﺣﺴﺒﺖ ﺭﻭﺣﻲ ﺍﻧﺤﻮﻟﺖ ﻏﻤﻀﺖ ﺍﻋﻴﻮﻧﻲ ﻃﻮﻝ
ﻭﺑﻌﺪ ﺑﺮﺑﻊ ﺳﺎﻋﻪ ﺟﺎﻧﻲ ﻣﺮﺍﺩ
ﻭﺧﺶ ﻋﻠﻴﺎ ﻃﻮﻝ ﻟﻠﺪﺍﺭ
ﻣﺮﺍﺩ ؛؛ ﺍﻳﻪ ﻓﻄﺮﺗﻲ ﺍﻧﺘﻲ
ﻧﺎ ؛؛ ﻻﻻ ﻧﺒﻴﺶ ﻋﻨﺪﻳﺶ ﻧﻴﻪ
ﻻﻧﻲ ﺭﺟﻌﺖ ﺍﻟﺼﺒﺢ
ﻣﺮﺍﺩ ؛؛ ﺍﻧﺘﻲ ﻋﻨﺪﻙ ﺑﺮﺩ ﻭﺿﺮﻭﺭﻱ ﻧﻌﻄﻴﻚ ﺍﻻﺑﺮﻩ ﻫﺬﻩ
ﻧﺎ ؛ ﺷﻦ ﺍﺑﺮﻩ ﻻﻻ ﻧﺒﻴﺶ ﺷﻜﺮﺍ
ﻣﺮﺍﺩ ؛؛ ﺗﻮ ﺗﺒﺮﻱ ﻃﻮﻝ ﻳﺎ ﺍﻳﻪ ﻫﻴﺎ
ﻧﺎ ؛؛ ﻧﺎ ﻧﺤﺒﺶ ﺍﻻﺑﺎﺭﻱ ﺳﺎﺩ ﺍﻟﻠﻲ ﻓﻲ ﺍﻟﺼﺒﺢ
ﻣﺮﺍﺩ ؛؛ ﺑﺎﻫﻲ ﺣﺴﻴﺘﻬﺎ ﺍﻧﺘﻲ
ﻧﺎ ؛؛ ﻻﻻﻻ ﺑﺲ ﺣﺘﻲ ﻟﻮ ﻛﺎﻥ ﻧﺒﻴﺶ ﺍﺑﺮﻩ
ﻣﺮﺍﺩ ؛ ﺗﻘﻌﺪﻱ ﻫﻜﻲ ﻣﺮﻳﻀﻪ ﻫﻴﺎ ﻧﻌﻄﻴﻚ ﺍﻻﺑﺮﻩ ﻫﺬﻩ ﺑﻴﺶ ﺗﺒﺮﻱ ﻫﻴﺎ ﺍﻳﻪ
ﻧﺎ ؛؛ ﺑﺤﺘﺖ ﻓﻴﻪ ﻭﻃﻮﻝ ﻗﻌﺪﺕ ﻧﺒﻜﻲ
ﻧﺒﻴﺶ ﻧﺒﻴﺶ ﺍﺑﺮﻩ ﻧﺎ ﺍﻛﻮﻳﺴﻪ ﺧﻼﺹ ﻭﺍﻟﻠﻪ ﻳﺎ ﻣﺮﺍﺩ ﻣﺎ ﺍﻧﺤﺒﻬﻦ ﺍﻻﺑﺎﺭﻱ ﺧﻼﺹ ﻭ ﺭﺍﺳﻲ ﻧﺎ ﻳﺎ
ﻣﺮﺍﺩ ﻧﺒﻴﺶ ﺍﺑﺮﻩ
ﻣﺮﺍﺩ؛ ؛ ﻟﻤﺎ ﺷﺎﻓﻨﻲ ﻧﺒﻜﻲ ﻭﻣﻨﻬﺎﺭﻩ ﻭﻧﺠﺪﻩ ﻓﻴﻪ ﻣﺎﻫﻨﺘﺶ ﻋﻠﻴﻪ ﺟﺎﻧﻲ
###
ﻧﺎ ؛؛ ﻣﺮﺍﺩ ﻧﺒﻲ ﻣﺎﻣﺎ ﻧﺒﻲ ﻧﻤﺸﻴﻠﻬﺎ
ﻣﺮﺍﺩ ؛؛ ﻣﻦ ﺟﺪﻙ ﺍﻧﺘﻲ ﺍﻧﺸﻴﻠﻚ ﻫﻜﻲ ﻣﺮﻳﻀﻪ ﻻ ﻣﺶ ﺡ ﺍﻧﺸﻴﻠﻚ ﻣﺎﺍﺗﻔﻜﺮﻳﺶ
ﻧﺎ ؛؛ ﺣﻮﻟﺖ ﻣﻦ ﺣﻀﻦ ﻣﺮﺍﺩ ﻭﺍﺑﺘﻌﺪ ﻣﻨﻪ ﻭﻋﻄﻴﺘﻪ ﻇﻬﺮﻱ ﻭﻗﻌﺪﺕ ﻧﺒﻜﻲ
ﻣﺮﺍﺩ ﺗﻌﻘﺪ ﻣﻨﻲ ﻭﻃﻠﻊ ﻣﻦ ﺍﻟﺪﺍﺭ ﻭﺍﻳﺨﺒﻂ
ﻧﺎ ﻗﻌﺪﺕ ﻧﺒﻜﻲ ﻻﻧﻲ ﻛﻨﺖ ﻣﺤﺘﺎﺟﻪ ﻟﻤﺎﻣﺎ ﺣﺴﻴﺖ ﺭﻭﺣﻲ ﺿﻌﻴﻔﻪ ﺑﻜﻞ ﻭﻣﺎﻧﺒﻲ ﺣﺪ ﺍﻻ ﻣﺎﻣﺎ ﺑﺲ
ﻭﺍﻧﺼﺪﻣﺖ ﻟﻤﺎ ﺳﻤﻌﺖ ﺻﻮﺕ ﻫﺪﻱ ﻓﻲ ﺍﻟﺸﻘﻪ ﺗﺤﻜﻲ ﻣﻊ ﻣﺮﺍﺩ
ﻫﺪﻱ ؛؛ ﻭﻳﻨﻬﺎ ﺍﻳﻪ ﺟﺒﺘﻠﻬﺎ ﻏﺪﺍﺀ ﺑﺮﻭﺩﻭ
ﻣﺮﺍﺩ ؛ ﻛﺎﻥ ﻣﺘﻌﻘﺪ ﺑﻜﻞ ﻭﺍﻳﺪﺧﻦ
ﻗﺎﻋﺪﻩ ﺟﻮ ﺭﺍﻩ ﻣﺶ ﺡ ﺗﺎﺧﺬﻩ ﺧﺸﻲ ﺷﻮﻓﻴﻬﺎ ﺍﻧﺘﻲ
ﻫﺪﻱ ؛؛ ﺑﻪ
ﻭﺧﺸﺖ ﻋﻠﻴﺎ ﻧﺎ ﻓﻲ ﺍﻟﺪﺍﺭ ﻭﻟﻘﺘﻨﻲ ﻣﺘﻐﻄﻴﻪ ﻓﻲ ﺍﻟﻔﻮﻃﻪ ﻭﺍﻋﻴﻮﻧﻲ ﻣﺘﻮﺭﻣﺎﺕ ﻣﻦ ﺍﻟﺒﻜﺎﺀ
ﻫﺪﻱ ؛؛ ﻫﻴﻴﻴﻲ ﺍﻳﻪ ﺍﻥ ﺷﺎﺀﺍﻟﻠﻪ ﺗﺒﻜﻲ ﻋﻠﺸﺎﻥ ﺍﻟﻤﺮﺽ ﻳﺎ ﻫﺒﻠﻪ
ﻧﺎ ؛؛ ﻧﺤﻜﻲ ﺑﺼﻮﺕ ﻭﺍﻃﻲ ﺑﻜﻞ
ﺧﻴﺮ ﻫﺪﻱ
ﻫﺪﻱ ؛؛ ﺣﺘﻲ ﺍﻟﻜﻼﻡ ﻣﺎﻋﻨﺪﻙ ﻟﻪ ﺟﻬﺪ ﻛﻨﻚ
ﻧﺎ ؛؛ ﺟﺴﻤﻲ ﻣﺘﻜﺴﺮ ﺑﻜﻞ ﻭﻣﺮﻳﻀﻪ ﺑﻜﻞ ﻭﺍﻧﺤﺲ ﻓﻲ ﻇﻬﺮﻱ ﺍﻣﻘﻄﻌﻨﻲ ﺗﻘﻄﻴﻊ
ﻭﺟﺖ ﻫﺪﻱ ﻭﺣﻄﺖ ﺍﻟﺒﺮﻭﺩﻭ ﻋﻠﻲ ﺍﻟﻜﻮﻣﻴﺪﻧﻪ ﺍﻟﻠﻲ ﺍﺣﺬﻱ ﻭﻗﺮﺑﺖ ﻣﻨﻲ ﻭﺣﻄﺖ ﻳﺪﻫﺎ ﻋﻠﻰ ﺭﺍﺳﻲ
ﻫﺪﻱ ؛؛ ﻭﻭﻭﻭﻭﻭ ﺑﻜﻞ ﺣﺮﺍﺭﺗﻚ ﻛﻨﻚ ﻋﻄﻚ ﻣﺮﺍﺩ ﺣﺎﺟﻪ
ﻧﺎ ؛؛ ﻧﺒﻴﺶ ﻧﺎﺧﺬ ﺣﺎﺟﻪ ﻣﺎﻋﻨﺪﻱ ﻧﻴﻪ ﺣﺘﻲ ﻓﻲ ﺍﻟﻌﺴﻞ
ﻫﺪﻱ ؛؛ ﺑﺲ ﻣﺮﺍﺩ ﻛﻴﻒ ﺳﺎﻛﺖ ﻭﺍﻣﺨﻠﻴﻚ ﻫﻜﻲ ﺳﺎﻛﺘﻪ
ﻧﺎ ؛؛ ﺳﺎﻛﺘﻪ ﻭﻃﺎﻳﺤﻪ ﻭﺍﻧﺒﺤﺖ ﻓﻴﻬﺎ ﺑﺲ
ﻫﺪﻱ ؛؛ ﻫﻴﺎ ﻳﺎ ﻭﻳﻪ ﺍﺷﺮﺑﻲ ﺍﻟﺒﺮﻭﺩﻭ ﻫﺬﺍ ﻛﻠﻪ ﺧﻀﺮﻩ ﻭﻋﺼﺮﺕ ﻋﻠﻴﻪ ﺍﻟﻠﻴﻢ
ﻧﺎ ؛؛ ﻧﺒﻴﺶ ﻫﺪﻱ ﺷﻜﺮﺍ
ﻫﺪﻱ ؛؛ ﺳﻤﺤﻪ ﻫﺬﻩ ﻧﺒﻴﺶ ﻻ ﻳﺎﺣﻨﻪ ﻛﻮﻟﻲ ﻟﻌﻨﺪ ﺍﻣﺘﻲ ﺗﺒﻲ ﺗﻘﻌﺪ ﻫﻜﻲ ﻗﺎﻋﺪ ﻭﺟﻚ ﺍﺻﻔﺮ ﺑﻜﻞ
ﻫﻴﺎ ﻛﻮﻟﻲ ﺑﻴﺶ ﺗﻠﻘﻲ ﺟﻬﺪ ﻟﻤﺮﺽ
ﻧﺎ ؛؛ ﻫﺪﻱ ﺧﻼﺹ ﻭﺭﺍﺳﻲ ﻧﺒﻴﺶ
ﻫﺪﻱ ؛؛ ﻣﻌﻘﻮﻟﻪ ﺗﻘﻌﺪﻱ ﻫﻜﻲ ﻳﻌﻨﻲ ﺗﻤﺮﺿﻲ ﺍﺧﺮ ﺭﺍﻩ ﻫﻲ ﻛﻮﻟﻲ ﻋﻠﻲ ﺧﺎﻃﺮ ﻣﺮﺍﺩ ﺑﺲ ﺣﺮﺍﻡ ﻗﺎﻋﺪ
ﺭﺍﻗﻴﻠﻪ ﻋﻠﺸﺎﻥ ﻣﺮﻳﻀﻪ
ﻧﺎ ؛؛ ﻫﺪﻱ ﻣﺎﺍﺗﺰﺭﻳﺶ ﻋﻠﻴﺎ ﺭﺍﻩ ﻧﺎ ﻫﻜﻲ ﻟﻤﺎ ﻧﻤﺮﺽ ﻣﺎﻧﺒﺶ ﻧﺎﻛﻞ ﺣﺎﺟﻪ ﺭﺍﻩ ﻫﺬﺍ ﻃﺒﻌﻲ ﻧﺤﺒﺶ
ﺍﻟﺪﻭﺍﺀ
ﻫﺪﻱ ،؛ ﻻ ﻳﺎ ﺣﻨﻪ ﻧﺎ ﺍﻭﺣﺖ ﻓﻴﻚ ﺍﻧﻜﻠﻢ ﺭﺍﺟﻠﻚ ﻳﺸﻖ ﺑﻴﻚ
ﻣﺮﺍﺩ ﻳﺎ ﻣﺮﺍﺩ ﺗﻌﺎﻝ ﺷﻮﻓﻬﺎ
ﻣﺮﺍﺩ ؛؛ ﺧﺶ ﻋﻠﻴﻨﺎ ﻭﺍﻟﺪﺧﺎﻥ ﻓﻲ ﻓﻤﻪ
ﻛﻨﻚ
ﻫﺪﻱ ؛؛ ﺷﻔﺖ ﺣﺮﺍﺭﺗﻬﺎ ﺗﻌﺎﻟﻲ ﺷﻮﻓﻬﺎ ﺭﺍﻫﻲ ﻣﺮﺗﻔﻊ ﺑﻜﻞ
ﻣﺮﺍﺩ ؛؛ ﺷﻦ ﺍﻧﺪﻳﺮﻟﻬﺎ ﺟﺎﻳﺒﻪ ﺍﺑﺮﻩ ﻣﺎﺗﺒﻴﺶ ﺗﺎﺧﺬﻫﺎ
ﻫﺪﻱ ؛؛ ﻣﻌﻘﻮﻟﻪ ﻫﻜﻲ ﺍﺗﺨﻠﻴﻬﺎ
ﻭﺟﺎ ﻣﺮﺍﺩ ﻭﻗﺮﺏ ﻣﻨﻲ ﻭﻛﺎﻥ ﺍﻟﺪﺧﺎﻥ ﻓﻲ ﻳﺪﻩ ﻭﻗﺮﺏ ﻣﻨﻲ ﻭﻧﺎ ﺷﻤﻴﺖ ﺑﻨﺖ ﺍﻟﺪﺧﺎﻥ ﺣﺴﻴﺖ ﻛﺒﺪﻱ
ﺑﺪﺕ ﺧﻼﺹ
ﻫﻮ ﻗﺮﺏ ﻣﻨﻲ ﻭﺍﺟﺪ ﻭﺟﺎﻱ ﻳﺒﻲ ﺍﻳﺤﻂ ﻳﺪﻩ ﻋﻠﻴﺎ
ﻧﺎ ﺻﺒﻴﺖ ﻧﺠﺮﻱ ﻣﻦ ﺍﻟﺴﺮﻳﺮ ﺷﻮﺭ ﺍﻟﺤﻤﺎﻡ
ﻭﻣﺮﺍﺩ ﻭﻫﺪﻱ ﻣﻨﺼﺪﻣﻴﻦ ﻭﺍﻳﺒﺤﺘﻮ ﻓﻲ ﺑﻌﻀﻬﻢ
ﻣﺮﺍﺩ ﺍﻧﺤﺮﺝ ﻗﺪﺍﻡ ﺍﺧﺘﻪ ﻻﻥ ﻧﺎ ﺭﺩﻳﺘﻪ ﻫﻜﻲ
ﻭﻗﻌﺪ ﻣﻘﻌﻤﺰ ﻭﺻﺒﺖ ﻫﺪﻱ ﻭﺭﺍﻱ ﻭﻟﻘﺘﻨﻲ ﺍﻧﺮﺟﻊ
ﻫﺪﻱ ؛؛ ﻻﻻﻻ ﻣﻮﺿﻮﻋﻚ ﻫﻜﻲ ﻛﺒﻴﺮ ﺑﻜﻞ ﺿﺮﻭﺭﻱ ﺗﺎﺧﺬﻱ ﺍﻻﺑﺮﻩ ﻳﺎ ﺍﻳﻪ ﻣﻌﻘﻮﻟﻪ ﻫﻜﻲ
ﻧﺎ ؛؛ ﻣﺴﺘﺤﻴﻞ ﻧﺎﺧﺬﻫﺎ ﻭﻃﻠﻌﺖ ﻣﻦ ﺍﻟﺤﻤﺎﻡ ﻭﺧﺸﻴﺖ ﻟﺪﺍﺭ ﻭﺗﻠﻘﻴﺖ ﻧﺎ ﻭﻣﺮﺍﺩ ﻓﻲ ﻧﺺ ﺍﻟﺪﺍﺭ ﻣﺮﺍﺩ
ﻛﺎﻥ ﻳﺒﻲ ﻳﻄﻠﻊ ﻭﻧﺎ ﻧﺒﻲ ﺍﻧﺨﺶ
ﻣﺮﺍﺩ ﺑﺤﺖ ﻓﻴﺎ ﻧﻈﺮﻩ ﺷﻴﻨﻪ ﺑﻜﻞ ﻭﻧﺎ ﻛﻨﺖ ﻻﻫﻲ ﻓﻲ ﻣﺮﺿﻲ ﻭﺧﺸﻴﺖ ﻭﻃﺤﺖ ﻋﻠﻲ ﺍﻟﺴﺮﻳﺮ ﺍﺧﺮ
ﻣﺮﺍﺩ ؛؛ ﻫﺪﻱ ﺧﻠﻴﻬﺎ ﺧﻼﺹ ﺗﻮ ﺗﺎﻛﻞ ﻭﺍﺗﺮﻳﺢ
ﻫﺪﻱ ؛؛ ﺭﺩ ﺑﺎﻟﻚ ﻣﻨﻬﺎ ﻳﺎ ﻣﺮﺍﺩ ﻭﺍﻟﻠﻪ ﺷﻜﻠﻬﺎ ﺣﺴﺎﺳﻬﺎ ﻭﻣﺎﺍﺗﺤﻤﻠﺶ ﻓﻲ ﺍﻟﻤﺮﺽ ﺗﻮ ﺍﻧﻜﻠﻢ ﻋﻤﺘﻲ
ﻓﺎﻃﻤﻪ ﻭﺍﻧﻘﻮﻟﻠﻬﺎ
ﻣﺮﺍﺩ ؛؛ ﻻﻻ ﺗﻘﻮﻟﻴﻬﺶ ﻟﻬﺎ ﺗﻮ ﺍﻣﻬﺎ ﺗﻨﺸﻐﻞ ﺗﻮ ﺍﻧﺰﺭﻫﺎ ﻋﻠﻲ ﺍﻻﺑﺮﻩ
ﻭﻃﻠﻌﺖ ﻫﺪﻱ ﻭﻫﻮ ﻗﻌﺪ ﺍﻣﻘﻌﻤﺰ ﻓﻲ ﺍﻟﺼﺎﻟﻪ ﻭﺑﻌﺪﻫﺎ ﺧﺶ ﻋﻠﻴﺎ ﻭﺧﺬ ﺩﺑﺸﻪ ﻭﻏﻴﺮﻩ ﻭﻻﺑﺲ
ﺳﺮﻭﺍﻝ ﻭﻛﻨﺎﺗﻴﺮﻩ
ﻭﻧﺎ ﺍﻧﺒﺤﺖ ﻓﻴﻪ ﻟﻤﺎ ﺟﺎ ﻭﺣﻂ ﺍﺩﺑﺸﻪ
ﻧﺎ ؛؛ ﺑﺼﻮﺕ ﻭﺍﻃﻲ ﻭﻣﺨﻨﻮﻕ
ﻣﺮﺍﺩ
ﻣﺮﺍﺩ ؛؛ ﻧﻌﻢ ﻛﻨﻚ
ﻧﺎ ؛ ﻧﺒﻴﻚ ﺍﺗﺸﻴﻠﻨﻲ ﻟﻤﺎﻣﺎ
ﻣﺮﺍﺩ ؛؛ ﻓﻴﺶ ﺷﻴﻞ ﻧﻴﻦ ﻧﻌﻄﻴﻚ ﺍﻻﺑﺮﻩ ﻭﺗﺒﺮﻱ ﺍﺷﻮﻳﻪ ﻣﻌﻘﻮﻟﻪ ﺗﻮ ﻫﻜﻲ ﺍﻧﺸﻴﻠﻚ ﻻﻣﻚ ﺑﻴﺶ
ﺗﻨﺸﻐﻞ ﻋﻠﻴﻚ ﻭﺳﻜﺮﻫﺎ ﺭﻳﻘﺎ
ﻧﺎ؛؛ ﻗﻌﺪﺕ ﻧﺒﻜﻲ ﺍﺧﺮ
ﻭﻣﺸﻲ ﻣﺮﺍﺩ ﻭﻭﺗﻪ ﺍﻻﺑﺮﻩ ﻭﺟﺎﻧﻲ
ﻣﺮﺍﺩ ؛؛ ﻫﻴﺎ ﺍﻳﻪ ﻧﻌﻄﻴﻬﺎ ﻟﻜﻲ ﺑﻴﺶ ﺗﺮﻗﺪﻱ ﻭ ﺍﺗﺮﻳﺤﻲ
ﻧﺎ ؛؛ ﻻﻻ ﻧﺒﻴﺶ ﻣﺴﺘﺤﻴﻞ ﻧﺎﺧﺬﻫﺎ
ﻭﻗﻌﺪﺕ ﻧﺒﻜﻲ ﺑﺼﻮﺕ ﻋﺎﻟﻲ
ﻣﺮﺍﺩ ﺑﺎﻫﻲ ﻭﺭﺍﺳﻲ ﺷﻴﻠﻨﻲ ﻟﻬﻠﻲ ﺷﻮﻑ ﻟﻴﺎ ﻛﻢ ﻳﻮﻡ ﻣﺘﺰﻭﺟﻪ ﻭﻣﺎﻃﻠﺒﺖ ﻣﻨﻚ ﻃﻠﺐ ﻧﺒﻲ ﻣﻨﻚ
ﺍﻟﻄﻠﺐ ﻫﺬﺍ ﺑﺲ ﺑﺎﻫﻲ ﻳﺎ ﻣﺮﺍﺩ
ﻣﺮﺍﺩ ؛؛ ﺗﺒﻲ ﺗﻤﺸﻲ ﻟﻬﻠﻚ ﺻﺎﺡ
ﻧﺎ ؛؛ ﻫﺰﻳﺖ ﺭﺍﺳﻲ ﻣﻌﻨﺎﻫﺎ ﺍﻫﺎ
ﻣﺮﺍﺩ؛؛ ﺻﺒﻲ ﻭﺗﻲ ﺭﻭﺣﻚ
ﻭﻃﻠﻊ ﻭﻏﻤﺘﻠﻪ ﺑﻜﻞ ﻭﺧﺒﻂ ﺍﻟﺒﺎﺏ ﺑﻘﻮﻩ
ﻭﻧﺎ ﺻﺒﻴﺖ ﻭﻏﻴﺮﺕ ﺩﺑﺸﻲ ﻭﻃﻠﻌﺖ ﺷﻨﻄﻪ ﺍﺻﻐﻴﺮﻩ ﻭﺣﻄﻴﺖ ﻓﻴﻬﺎ ﺩﺑﺸﻲ
ﻭﺧﺶ ﻋﻠﻴﺎ ﻣﺮﺍﺩ
ﻣﺮﺍﺩ ؛؛ ﻋﻠﻴﺶ ﺍﻟﺸﻨﻄﻪ
ﻧﺎ ؛؛ ﺍﻧﺒﺎﺕ ﻋﻨﺪ ﻫﻠﻲ ﻧﻴﻦ ﻧﺒﺮﺍ ﻭﻣﺎﺍﺗﺨﺎﻓﺶ ﺗﻮ ﻧﺎﺧﺬﻫﻢ ﻣﻌﻲ ﺍﻟﻌﻮﻳﻞ
ﻣﺮﺍﺩ ؛؛ ﺑﺤﺖ ﻓﻴﺎ ﻭﻫﻮ ﺍﻣﺮﻓﻊ ﺣﺎﺟﺒﻪ
ﺗﺒﻲ ﺗﻤﺸﻲ ﻟﻬﻠﻚ ﺍﺑﺮﺍﺣﺘﻚ ﺑﺲ ﺍﻟﻌﻮﻳﻞ ﻓﻴﺶ ﻣﺸﻲ ﺡ ﻳﻘﻌﺪﻭ ﻫﻨﺎ
ﻧﺎ ؛؛ ﻋﻤﺘﻲ ﻣﺎﺗﻘﺪﺭﺵ ﺍﺗﻌﺎﻧﻴﻬﻢ
ﻣﺮﺍﺩ ؛؛ ﻫﻴﺎ ﺍﻃﻠﻌﻲ ﻧﺒﻲ ﺍﻧﻐﻴﺮ ﺩﺑﺸﻲ
ﺧﺬﻳﺖ ﺷﻨﻄﺘﻲ ﻓﻲ ﻳﺪﻱ ﻭﻋﺒﺎﻳﺘﻲ ﻭﺧﻤﺎﺭﻱ ﻭﻃﻠﻌﺖ
ﻭﻻﺑﺴﺖ ﺍﻟﻌﺒﺎﻳﻪ ﻓﻲ ﺍﻟﺼﺎﻟﻪ ﻭﺣﻄﻴﺖ ﺍﻟﺨﻤﺎﺭ ﻭﻗﻌﻤﺰﺕ ﻋﻠﻲ ﺍﻟﻜﻨﺒﻪ
ﻭﺍﻧﺤﺲ ﻓﻲ ﺟﺴﻤﻲ ﺗﻌﺒﺎﻥ ﺑﻜﻞ ﻭﺍﻧﺤﺲ ﻓﻲ ﺩﻭﺧﻪ
ﻃﻠﻊ ﻋﻠﻴﺎ ﻣﺮﺍﺩ ﻭﻛﺎﻥ ﺭﺍﻗﻴﻠﻪ ﺑﻜﻞ ﻭﺻﺒﻴﺖ ﻧﺎ ﻭﻃﻠﻌﺖ ﻭﺭﺍﻩ
ﻧﺎ ؛؛ ﻣﺮﺍﺩ ﻣﻌﺎﻙ ﻣﻔﺘﺎﺡ ﺍﻟﺸﻘﻪ ﺧﻼﺹ ﺍﻧﺴﻜﺮﻫﺎ
ﻣﺮﺍﺩ ؛؛ ﺍﻫﺎ ﺍﻃﻠﻌﻲ ﺧﻼﺹ
ﻭﻧﺰﻝ ﻣﺮﺍﺩ ﻗﺪﺍﻣﻲ
ﻭﻧﺎ ﻧﻨﺰﻝ ﻭﺭﺍﻩ ﺑﺸﻮﻳﻪ ﻻﻥ ﺍﻧﺤﺲ ﻓﻲ ﺩﻭﺧﻪ ﻭﻗﺒﻞ ﻃﺤﺖ
ﻣﺴﻜﺖ ﻓﻲ ﺳﻮﺭﻳﺘﻪ ﻣﺮﺍﺩ ﻣﻦ ﻻﻭﺭﻩ
ﻣﺮﺍﺩ ﺑﺮﻡ ﻭﺟﻪ ﺑﺴﺮﻋﻪ ﻭﺑﺤﺖ ﻓﻴﺎ ﻭﻻﻗﻨﻲ ﻓﺎﻗﺪﻩ ﺗﻮﺍﺯﻧﻲ
ﺷﺪﻧﻲ ﻣﻦ ﻳﺪﻱ ﻭﺧﺬﺍ ﻣﻨﻲ ﺍﻟﺸﻨﻄﻪ ﻭﻧﺰﻟﻨﻲ ﺑﺸﻮﻳﻪ ﻭﻣﺸﻴﻦ ﺷﻮﺭ ﺍﻟﺴﻴﺎﺭﻩ ﻫﻮ ﻟﻤﺎ ﺟﺎ ﺷﻮﺭ
ﺍﻟﺴﻴﺎﺭﻩ ﺳﻴﺒﻨﻲ ﻭﻋﺪﺍ ﺭﻛﺐ
ﻭﻧﺎ ﺟﻴﺖ ﺷﻮﺭﻫﺎ ﻭﺗﺤﺸﻤﺖ ﻧﺮﻛﺐ ﻗﺪﺍﻡ ﻭﺍﺫﻛﺮﺕ ﻓﻲ ﻓﺮﺣﻲ ﻫﻮ ﺭﻛﺒﻨﻲ ﻻﻭﺭﻩ
ﻗﺎﻟﺖ ﻓﻲ ﺭﺍﺳﻲ ﻣﻤﻜﻦ ﻣﺎﻳﺒﻨﻴﺶ ﻧﺮﻛﺐ ﻗﺪﺍﻡ
ﺟﻴﺖ ﻋﻠﻲ ﻗﺼﺪ ﺍﻟﺒﺎﺏ ﺍﻟﺨﻠﻔﻲ ﻭﻓﺘﺤﺖ ﻭﺧﺸﺸﺖ ﺍﻛﺮﺍﻋﻲ ﺑﺮﻡ ﻣﺮﺍﺩ ﺷﻮﺭﻱ ﻭﻧﺎ ﻗﻌﻤﺰﺕ
ﻣﺮﺍﺩ ؛؛ ﻛﻨﻚ ﺭﻛﺒﺘﻲ ﻻﻭﺭﻩ ﻭﻻ ﻣﺎﺗﺒﻴﺶ ﺗﺮﻛﺒﻲ ﻗﺪﺍﻡ
ﻧﺎ ؛؛ ﻧﺤﻜﻲ ﺑﺼﻮﺕ ﻭﺍﻃﻲ
ﻻ ﺑﺲ ﺍﻧﺖ ﺍﻣﺮﻛﺒﻨﻲ ﺯﻣﺎﻥ ﻻﻭﺭﻩ ﻧﺤﺴﺎﺑﻚ ﺗﺒﻴﻨﻲ ﻧﺮﻛﺐ ﻻﻭﺭﻩ ﺩﻳﻤﻪ
ﻣﺮﺍﺩ ؛؛ ﺗﻌﺎﻟﻲ ﻗﺪﺍﻡ
ﻭﻧﺰﻟﺖ ﻭﺭﻛﺒﺖ ﻗﺪﺍﻡ ﻭﻻﻭﻝ ﻣﺮﻩ ﺍﻧﺤﺲ ﺭﻭﺣﻲ ﻣﺘﺰﻭﺟﻪ ﺻﺎﺡ ﻭﻋﻨﺪﻱ ﺭﺍﺟﻞ ﻭﻧﺮﻛﺐ ﻣﻌﻪ ﻗﺪﺍﻡ
ﺑﺤﺖ ﻓﻴﺎ ﻣﺮﺍﺩ
ﻣﺮﺍﺩ ؛؛ ﺍﻳﻪ ﻛﺎﻥ ﺍﻧﺘﻲ ﻣﺎﺗﺒﻴﺶ ﺍﻧﻌﺎﻳﻨﻚ ﻧﺎ ﺗﻮ ﺍﻧﺸﻴﻠﻚ ﻟﻠﻤﺴﺘﺸﻔﻲ
ﻧﺎ ؛؛ ﻛﻨﺖ ﻣﻨﺤﺮﺟﻪ
ﻣﺮﺍﺩ ؛؛ ﺑﻪ ﻧﺎﺧﺬ ﺍﻻﺑﺮﻩ ﺑﻴﺶ ﺗﻌﻄﻴﻬﺎ ﻟﻜﻲ ﺍﻟﻤﻤﺮﺿﻪ
ﻭﻧﺎ ﻗﻌﺪﺕ ﺳﺎﻛﺘﻪ ﻻﻧﻲ ﻛﻨﺖ ﺭﺍﺿﻴﻪ ﻻﻧﻲ ﻧﺎ ﺭﻓﻀﺖ ﺍﻻﺑﺮﻩ ﻋﻠﺸﺎﻥ ﻣﺘﺤﺸﻤﻪ ﻣﻦ ﻣﺮﺍﺩ
ﻭﺑﺤﺖ ﻓﻴﺎ ﻣﺮﺍﺩ ﻭﻋﺮﻑ ﻗﺼﺪﻱ ﻭﻧﺰﻝ ﻣﻦ ﺍﻟﺴﻴﺎﺭﻩ ﻭﻋﺪﺍ ﺭﻛﺐ ﻟﻠﺸﻘﻪ ﻭﺟﺎﺏ ﺍﻻﺑﺮﻩ ﻭﺟﺎﻧﻲ
ﻭﻃﻠﻊ ﺍﻟﺴﻴﺎﺭﻩ ﻣﻦ ﺍﻟﺠﻨﺎﻥ ﻭﻫﻮ ﻳﻤﺸﻲ
ﻣﺮﺍﺩ ؛؛ ﺍﻳﻪ ﺗﺒﻲ ﺣﺎﺟﻪ ﻧﺎﻗﺼﺘﻚ ﺣﺎﺟﻪ
ﻧﺎ ؛؛ ﻧﺒﻲ ﺻﻴﺪﻟﻴﻪ
ﻣﺮﺍﺩ ؛؛ ﺑﺲ
ﻧﺎ ؛؛ ﺍﻫﺎ ﻧﺒﻲ ﻧﺎﺧﺬ ﺣﺎﺟﺎﺕ ﻟﻴﺎ ﻭﻟﺤﻤﺎﺩﻱ
ﻣﺮﺍﺩ ؛؛ﺑﻪ
ﻭﻗﻌﺪ ﻳﻤﺸﻲ ﺑﺴﻴﺎﺭﻩ ﻭﻧﺤﻦ ﺳﺎﻛﺘﻴﻦ ﻭﺟﺎ ﻋﻠﻲ ﻗﺼﺎﺩ ﺍﻟﺼﻴﺪﻟﻴﻪ
ﻣﺮﺍﺩ ؛؛ ﺍﻧﺰﻟﻲ ﺟﻴﺒﻲ ﺣﺎﺟﺘﻚ ﺍﻭﺣﺪﻙ ﺍﺣﺴﻦ
ﻧﺎ ؛؛ ﺍﻧﺤﺮﺟﺖ ﻭﺑﺤﺘﺖ ﻓﻲ ﻣﺮﺍﺩ
ﻣﺮﺍﺩ ؛؛ ﻛﻨﻚ ﻫﻴﺎ ﺍﻧﺰﻟﻲ
ﻧﺎ ؛؛ ﺍﻧﺰﻝ ﺍﻧﺖ ﺟﻴﺐ
ﻣﺮﺍﺩ ؛؛ ﻭﻧﺎ ﺷﻦ ﻋﺮﻓﻨﻲ ﺷﻦ ﺗﺒﻲ ﺍﻧﺰﻟﻲ ﺍﻭﺣﺪﻙ
ﻧﺎ ؛؛ ﺧﻨﻘﺘﻨﻲ ﺍﻟﻌﺒﺮﻩ
ﻭﺣﻜﻴﺖ ﺑﺼﻮﺕ ﻭﺍﻃﻲ ﻭﻣﺨﻨﻮﻕ
ﻣﺮﺍﺩ ﻋﻨﺪﻳﺶ ﺍﻓﻠﻮﺱ ﻧﺎ
ﻭﺣﺴﻴﺖ ﻭﻛﺄﻥ ﺣﺎﺟﻪ ﻛﺴﺮﺕ ﻓﻴﺎ ﺟﻮﺍ
ﻣﺮﺍﺩ ؛؛ ﺑﺎﻫﻲ ﻟﻴﺶ ﻣﺎﺗﺤﻜﻲ ﻣﻦ ﺍﻭﻟﻬﺎ ﻛﻨﻚ ﺳﺎﻛﺘﻪ
ﻭﻃﻠﻊ ﺍﻟﺪﺯﺩﺍﻥ ﺍﻣﺘﻌﻪ ﻣﻦ ﺟﻴﺒﻪ ﻭﻃﻠﻊ ﺍﻓﻠﻮﺱ ﻭﻣﺪﻫﻦ ﻟﻴﺎ
ﻣﺮﺍﺩ ؛؛ ﺧﻮﺫﻱ ﺣﺎﺟﺘﻚ ﻭﺍﺟﺪﻩ ﺑﻴﺶ ﺍﻃﻮﻝ ﻣﻌﺎﻙ
ﻭﻧﺎ ﻣﺪﻳﺖ ﻳﺪﻱ ﻭﻓﻴﻬﺎ ﺍﻟﺮﻋﺸﻪ ﻭﺟﻴﺖ ﻧﺒﻲ ﻧﺎﺧﺬ ﺍﻟﻔﻠﻮﺱ
ﻣﺮﺍﺩ ﺣﻂ ﺍﻟﻔﻠﻮﺱ ﻓﻲ ﻳﺪﻱ ﻭﻻﺣﻆ ﺍﻧﻬﺎ ﺗﺮﻋﺶ ﻭﻣﺴﻚ ﻳﺪﻱ
ﻣﺮﺍﺩ ؛؛ ﺍﻳﻪ ﻣﺎﺗﺤﺮﺟﻴﺶ ﻣﻨﻲ ﺍﻧﺘﻲ ﻣﺮﺍﺗﻲ ﻭﻣﻦ ﻃﺒﻴﻌﻲ ﻧﺼﺮﻑ ﻋﻠﻴﻚ
ﻭﻫﻴﺎ ﺍﻧﺰﻟﻲ ﺗﻮ ﻧﻨﺰﻝ ﻣﻌﺎﻙ ﻭﺑﻼ ﺣﺸﻢ ﻗﺪﺍﻡ ﺍﻟﺮﺍﺟﻞ ﻭﺧﻮﺫﻱ ﺣﺎﺟﺘﻚ ﻛﻠﻬﺎ
ﻧﺎ ؛؛ ﺣﺎﺿﺮ
ﻭﻧﺰﻟﻨﺎ ﻭﺧﺸﻴﻨﺎ ﻟﻠﺼﻴﺪﻟﻴﻪ ﻭﺧﺬﻳﺖ ﺣﺎﺟﺘﻲ ﺍﺑﺴﺮﻋﻪ ﻭﺣﺎﺟﺎﺕ ﻟﺤﻤﺎﺩﻱ ﻭﺩﻓﻊ ﻣﺮﺍﺩ ﺍﻟﻔﻠﻮﺱ
ﻭﻃﻠﻌﻦ ﻭﺭﻛﺒﻦ ﻓﻲ ﺍﻟﺴﻴﺎﺭﻩ
ﻣﺮﺍﺩ ؛؛ ﻛﻴﻒ ﺣﻤﺎﺩﻱ ﻋﻨﺪﺵ ﻗﻄﻦ
ﻧﺎ ؛؛ ﺍﻗﺮﻳﺐ ﻳﻜﻤﻞ ﺑﻴﺶ ﺍﺗﺸﻴﻠﻪ ﻟﻪ
ﻣﺮﺍﺩ ؛؛ ﺑﺎﻫﻲ
ﻧﺎ ؛؛ ﺍﻫﻦ ﺍﻟﻔﻠﻮﺱ ﻭﺣﻄﻴﺘﻬﻦ ﻟﻪ ﻓﻲ ﺍﻟﻤﻜﻠﻦ ﺍﻟﻠﻲ ﺑﻴﻨﻲ ﻭﺑﻴﻨﻪ
ﻣﺮﺍﺩ؛؛ ﺧﻠﻴﻬﻦ ﻋﻨﺪﻙ ﻣﺮﺍﺕ ﺗﺒﻲ ﺣﺎﺟﻪ
ﻧﺎ ؛؛ ﻻﻻ ﺷﻜﺮﺍ ﻣﺎﻋﻨﺪﻱ ﻣﺎﻧﺒﻲ ﻓﻴﻬﻢ
ﻭﻣﺸﻴﻨﺎ ﺷﻮﺭ ﺍﻟﻤﺴﺘﺸﻔﻲ ﻭﺧﺸﻴﻨﺎ ﻧﺎ ﻭﻣﺮﺍﺩ ﻭﻣﺸﻴﻨﺎ ﻃﻮﻝ ﺷﻮﺭ ﻏﺮﻓﺔ ﺍﻟﻤﻤﺮﺿﺎﺕ ﻭﻋﻄﻬﻦ ﺍﻻﺑﺮﻩ
ﻭﻋﻄﺘﻨﻲ ﺍﻟﻤﻤﺮﺿﻪ ﺍﻻﺑﺮﻩ ﻭﻃﻠﻌﺖ ﻭﺍﻟﻘﻴﺖ ﻣﺮﺍﺩ ﺍﻣﻘﻌﻤﺰ ﻭﺍﻳﻬﺰ ﻓﻲ ﺍﻛﺮﺍﻋﻪ ﻭﺍﻳﺪﺧﻦ
ﻣﺮﺍﺩ ؛؛ ﻫﻴﺎ ﻭﺻﺒﺎ ﻭﻛﺎﻥ ﻏﻤﺘﻠﻪ ﺑﻜﻞ
ﻭﺗﻜﻪ ﻋﻠﻲ ﺣﻠﻮﺍﻧﻲ ﻭﻧﺰﻝ ﻫﻮ ﺑﺲ ﻭﺧﺬﺍ ﻃﺒﻖ ﺣﻠﻮﻳﺎﺕ
ﻭﺣﻄﻪ ﻓﻲ ﺍﻟﺴﻴﺎﺭﻩ ﻭﻣﺸﺎ ﺷﻮﺭ ﺳﻮﺑﺮ ﻣﺎﺭﻛﺖ ﻭﺷﺮﺍﺀ ﻋﺼﻴﺮ
ﻭﻣﺸﻴﻨﺎ ﺷﻮﺭ ﻫﻠﻲ ﻧﺰﻟﺖ ﻧﺎ ﻭﻣﺮﺍﺩ
ﻭﻃﻠﻌﺖ ﻋﻠﻴﻨﺎ ﺭﺟﺎﺀ ﻭﺍﻭﻝ ﻣﺎﺍﻓﺘﺤﺖ ﺍﻟﺒﺎﺏ ﻻﻗﺘﻨﻲ ﻗﺪﺍﻣﻬﺎ ﻋﺮﻓﺘﻨﻲ ﻃﻮﻝ
ﻭﻧﺎ ﺧﺸﻴﺖ ﻭﺭﻓﻌﺖ ﺧﻤﺎﺭﻱ ﻭﻫﻲ ﻧﻄﺖ ﻋﻠﻴﺎ ﻭﺗﻤﺖ ﺗﻀﺒﻂ ﻓﻴﺎ ﻭﺗﺒﻜﻲ
ﺭﺟﺎﺀ ؛؛ ﺭﺍﻳﻔﻨﺎ ﻋﻠﻴﻚ ﻳﺎ ﻭﻳﻪ ﺷﻴﻦ ﺍﻟﺤﻮﺵ ﺑﻼﻙ
ﻧﺎ ؛؛ ﻧﺒﻜﻲ ﻭﻣﻨﻬﺎﺭﻩ ﻭﺍﻟﻠﻪ ﺣﺘﻲ ﻧﺎ
ﻭﻃﻠﻌﺖ ﺍﻳﻤﺎﻥ ﻭﻻﻗﺘﻨﺎ ﻓﻲ ﺍﻟﺠﻨﺎﻥ
ﺍﻳﻤﺎﻥ ؛؛ ﻭﻳﻪ
ﻭﺧﺸﺖ ﺗﺠﺮﻱ ﻟﻠﺤﻮﺵ
ﻣﺎﻣﺎ ﻳﺎ ﻣﺎﻣﺎ ﻳﺎ ﻣﺎﻣﺎ ﺍﻳﻪ ﺟﺖ ﺗﻌﺎﻟﻲ ﺍﺑﺴﺮﻋﻪ
ﺭﺟﺎﺀ ؛؛ ﻛﻨﻪ ﻭﺟﻚ ﻫﻜﻲ ﺷﺎﺑﺢ
ﻧﺎ ؛؛ ﻣﺮﻳﻀﻪ ﻭﺣﺎﻟﺘﻲ ﺣﺎﻟﻪ
ﻭﻣﺸﻴﻦ ﺑﺸﻮﻳﻪ ﺷﻮﺭ ﺍﻟﻤﺮﺑﻮﻋﻪ ﻭﺍﺗﺠﻲ ﻣﺎﻣﺎ ﻭﺍﻣﻴﺮﻩ ﻭﺍﻳﻤﺎﻥ ﻳﺠﺎﺭﻥ
ﻣﺎﻣﺎ ؛؛ ﺟﺘﻨﻲ ﺗﺠﺮﻱ ﻭﺗﻀﺒﻂ ﻓﻴﺎ ﻭﺗﺒﻜﻲ
ﻧﺠﻚ ﻟﻴﺎ ﺍﻣﺮﺍﻳﻔﻪ ﻋﻠﻴﻜﻲ ﻧﺠﻚ ﻟﻴﺎ ﻧﺠﻚ ﻟﻴﺎ
ﻧﺎ ؛؛ ﻧﺠﻚ ﻳﺎ ﻣﺎﻣﺎ ﻭﺍﻟﻠﻪ ﺣﺘﻲ. ﻧﺎ ﺍﻣﺮﺍﻳﻔﻪ ﻋﻠﻴﻜﻢ ﻧﺎ ﺑﻼﻛﻢ ﺷﻲﺀﺍﻧﺘﻮ ﺩﻧﻴﺘﻲ ﻛﻠﻬﺎ
ﺍﻣﻴﺮﻩ ؛؛ ﺧﺸﻲ ﺧﺸﻲ
ﻭﺧﺸﻴﺖ ﻭﺗﻤﺖ ﺗﻀﺒﻂ ﻓﻴﺎ ﺍﻳﻤﺎﻥ ﻭﺍﻣﻴﺮﻩ ﻭﻳﺒﻜﻦ
ﻣﺎﻣﺎ ؛ ﻭﻳﻦ ﺭﺍﺟﻠﻚ ﻳﺎ ﻭﻳﻪ
ﻧﺎ ؛؛ ﺑﺮﻣﺖ ﻭﺟﻲ ﻭﻣﺎﺷﻔﺘﺶ
ﻣﺶ ﻋﺎﺭﻓﻪ ﻭﻳﻦ ﻃﺐ
ﺭﺟﺎﺀ ؛؛ ﻫﻬﻬﻬﻬﻬﻬﻬﻬﻬﻪ ﻃﻴﺢ ﺳﻌﺪﻙ ﺍﻃﻠﻌﻲ ﺷﻮﻓﻴﻪ
ﻧﺎ ؛؛ ﺑﻪ
ﻭﻃﻠﻌﺖ ﻭﻃﻠﻌﺖ ﻭﺭﺍﻱ ﻣﺎﻣﺎ ﻭﺍﻟﻘﻴﺖ ﻣﺮﺍﺩ ﺍﻣﺼﺒﻲ ﻋﻠﻲ ﺍﻟﺴﻴﺎﺭﻩ ﺍﻣﺘﻌﻪ
ﻣﺎﻣﺎ ؛؛ ﻣﺮﺍﺩ ﺗﻌﺎﻝ ﺧﺶ ﺗﻔﻀﻞ
ﺟﺎ ﻣﺮﺍﺩ ﻭﺳﻠﻢ ﻋﻠﻲ ﻣﺮﺍﺩ
ﻣﺮﺍﺩ ؛؛ ﻛﻴﻒ ﺣﺎﻟﻚ ﻳﺎ ﻋﻤﺘﻲ
ﻣﺎﻣﺎ ؛؛ ﺍﻛﻮﻳﺴﻪ ﺍﻟﺤﻤﺪﺍﻟﻠﻪ ﺧﺶ ﺗﻔﻀﻞ ﻫﻴﺎ ﺧﺶ
ﻣﺮﺍﺩ ؛؛ ﻻ ﺷﻜﺮﺍ ﻳﺎ ﻋﻤﺘﻲ ﺍﻣﻐﻴﺮ ﺟﺎﻳﺒﻠﻚ ﻫﺬﻩ ﺗﺒﻜﻲ ﻣﻦ ﺍﻣﺲ ﻣﺮﻳﻀﻪ
ﻣﺎﻣﺎ ؛؛ ﺑﺤﺘﺖ ﻓﻴﺎ ﻃﻮﻝ
ﻣﻦ ﺷﻦ ﻣﺮﻳﻀﻪ
ﻧﺎ ؛؛ ﺍﻧﺤﺮﺟﺖ ﻣﻨﻬﻢ
ﺑﺮﺩ ﻳﺎﻣﺎﻣﺎ ﺑﺲ ﻣﺮﺍﺩ ﻋﻄﻨﻲ ﺩﻭﺍﺀ
ﻣﺎﻣﺎ ؛؛ ﻣﺮﺍﺩ ﺧﺶ ﻭﺍﻟﻠﻪ ﻓﻲ ﻃﺎﺳﺔ ﺷﺎﻫﻲ ﻭﺍﺗﻴﻪ ﻭﺍﻟﻠﻪ ﺍﺗﺨﺶ ﻫﻴﺎ
ﻣﺮﺍﺩ ؛؛ ﺑﺎﻫﻲ ﻫﻴﺎ
ﻭﺧﺸﺖ ﻣﺎﻣﺎ ﻭﻣﺸﻲ ﻣﺮﺍﺩ ﺷﻮﺭ ﺍﻟﺴﻴﺎﺭﻩ ﻭﻧﺰﻝ ﺷﻨﻄﺘﻲ ﻭﺍﻟﺤﻠﻮﻳﺎﺕ ﻭﺍﻟﻌﺼﻴﺮ
ﻭﺧﺶ ﻭﺭﺍﻧﺎ ﻭﺟﺎ ﻋﻠﻲ ﻗﺼﺎﺩ ﺑﺎﺏ ﺍﻟﻤﺮﺑﻮﻋﻪ ﻭﺗﻢ ﺍﻳﺪﻕ ﺟﺎﺗﻪ ﺍﻣﻴﺮﻩ
ﺍﻣﻴﺮﻩ ؛؛ ﺧﻴﺮﺍﺕ ﻳﺎ ﻣﺮﺍﺩ ﻛﻴﻒ ﺣﺎﻟﻚ ﺧﺶ ﻫﻴﺎ ﻣﺎﻣﺎ ﺍﻣﻘﻌﻤﺰﻩ ﺟﻮﺍ
ﻣﺮﺍﺩ ؛؛ ﺑﺎﻫﻲ ﻫﺬﻳﻦ ﻭﻳﻦ ﺧﺸﺸﻬﻦ
ﺍﻣﻴﺮﻩ ؛؛ ﻫﺎﺕ ﻋﻨﻚ
ﻭﺧﺬﺕ ﺍﻣﻴﺮﻩ ﺍﻟﺤﺎﺟﺎﺕ ﻭﺧﺶ ﻋﻠﻴﻨﺎ ﻓﻲ ﺍﻟﺪﺍﺭ ﻻﻗﻨﻲ ﻗﺎﻋﺪﻩ ﻋﻠﻲ ﺻﺪﺭ ﻣﺎﻣﺎ
ﻭﻟﻤﺎ ﺟﺖ ﻋﻴﻨﻲ ﻓﻲ ﻋﻴﻨﻪ ﺣﻮﻟﺖ
ﻣﺎﻣﺎ ؛؛ ﻭﻳﻦ ﺍﻟﻌﻮﻳﻞ ﻛﻨﻜﻢ ﻣﺎﺟﺒﺘﻬﻢ
ﻣﺮﺍﺩ ؛؛ ﻗﺎﻋﺪﻳﻦ ﻋﻨﺪ ﺍﻣﻲ
ﻣﺎﻣﺎ ؛ ﺑﺤﺘﺖ ﻓﻴﺎ ﻭﺍﺗﻔﻨﺺ ﻭﻏﻤﺘﻠﻬﺎ
ﺍﻳﻪ ﻟﻴﺶ ﻣﺎﺟﺒﺘﻴﻬﻢ ﻣﻌﺎﻙ
ﻧﺎ ؛؛ ﻣﺮﺍﺩ ﻣﺎﺑﺶ ﻳﺎ ﻣﺎﻣﺎ
ﻭﺧﺸﺖ ﺭﺟﺎﺀ
ﺭﺟﺎﺀ؛؛ ﺧﻴﺮ ﻳﺎ ﺩﻛﺘﻮﺭ ﺍﻫﻼ ﺍﻧﺴﺘﻨﺎ
ﻣﺮﺍﺩ ؛؛ ﺑﺤﺖ ﻓﻲ ﺭﺟﺎﺀ ﻭﺍﺑﺘﺴﻤﻠﻬﺎ ﻭﺳﻠﻢ ﻋﻠﻴﻬﺎ
ﺧﻴﺮﺍﺕ
ﺭﺟﺎﺀ ؛؛ ﺍﻛﻴﺪﻩ ﻋﺮﻓﺘﻨﻲ ﻧﺎ ﺭﺟﺎﺀ ﺍﺻﻐﺮ ﻣﻦ ﻭﻳﻪ
ﻭﺧﺸﺖ ﺍﻳﻤﺎﻥ
ﺍﻳﻤﺎﻥ ؛؛ ﻭﻧﺎ ﺍﻳﻤﺎﻥ ﺍﺻﻐﺮ ﻭﺣﺪﻩ
ﻣﺮﺍﺩ ؛؛ ﺍﺑﺘﺴﻢ ﻭﺑﺤﺖ ﻓﻴﺎ ﻻﻥ ﺣﺲ ﺧﻮﺍﺗﻲ ﻋﻔﻮﻳﺎﺕ ﻭﻣﻄﻠﻮﻗﺎﺕ ﻣﺶ ﻛﻴﻔﻲ
ﻣﺎﻣﺎ ؛؛ ﺍﻛﻴﺪﻩ ﺗﻌﺒﺎﺗﻚ ﺍﻣﺲ
ﻧﺎ ﻋﺮﻓﺘﻬﺎ ﻟﻤﺎ ﺗﻤﺮﺽ ﺧﻼﺹ ﺗﻨﻬﺘﻲ ﻣﺮﻩ ﻭﺣﺪﻩ ﻫﻲ ﺩﻟﻮﻋﻪ ﻭﺍﺟﺪ
ﺭﺟﺎﺀ ؛؛ ﻫﻬﻬﻬﻬﻬﻬﻬﻪ ﺑﻌﺪﻙ ﺧﻼﺹ ﺗﻘﻌﺪ ﺗﺒﻜﻲ ﻭﻣﺎﺗﺎﺧﺬﺵ ﻭﻻ ﺣﺎﺟﻪ ﻋﺮﻓﻴﻨﻬﺎ ﻭﻋﺎﺭﻓﻴﻦ ﻃﺒﻌﻬﺎ
ﻣﺮﺍﺩ ؛؛ ﺍﻫﺎ ﺍﻣﺲ ﺳﻜﺮﺕ ﺭﺍﺳﻬﺎ ﻭﺍﻗﻌﺪﺕ ﺗﺒﻜﻲ ﻭﺧﻼﺹ
ﻭﺳﻤﻌﻨﺎ ﺍﻟﺒﺎﺏ ﺍﻧﻄﺒﻖ ﺑﻘﻮﻩ ﻭﻭﺍﺣﺪ ﻳﺠﺮﻱ ﻃﻮﻝ ﻧﺎ ﺻﺒﻴﺖ
ﻭﻣﺸﻴﺖ ﺷﻮﺭ ﺍﻟﺼﺎﻟﻪ ﻭﺗﻼﻗﻴﺖ ﻧﺎ ﻭﺧﺎﻟﺪ
ﺟﺎﻧﻲ ﻳﺠﺮﻱ ﻭﻳﻀﺒﻂ ﻓﻴﺎ
ﺧﺎﻟﺪ ؛؛ ﺍﻭﻝ ﻣﺎ ﺷﻔﺖ ﺍﻟﺴﻴﺎﺭﻩ ﻋﺮﻓﺘﻚ ﻃﻮﻝ ﻭﻳﻦ ﻳﺎ ﺷﻴﻨﻪ ﻣﻌﺶ ﺭﻧﻴﺘﻲ
ﺭﺟﺎﺀ ؛ ﻭﺷﻦ ﺗﺒﻲ ﻓﻲ ﻭﺟﻚ ﺧﻼﺹ ﻋﻨﺪﻫﺎ ﻣﺮﺍﺩ
ﺧﺎﻟﺪ ؛؛ ﺑﻼﺳﻤﺎﻃﻪ ﻳﺎ ﺟﺎﻟﻄﻪ ﻭﺣﻂ ﻳﺪﻩ ﻋﻠﻲ ﻛﺘﻔﻲ ﻭﺧﺸﺸﻨﻲ ﻟﻠﺪﺍﺭ ﻭﻻﻗﻲ ﻣﺮﺍﺩ ﻭﺳﻠﻢ ﻋﻠﻴﻪ
ﺧﺎﻟﺪ؛ ﺷﻦ ﺍﺧﺒﺎﺭﻙ
ﻣﺮﺍﺩ ؛؛ ﺗﻤﺎﻡ ﺍﻟﺤﻤﺪﺍﻟﻠﻪ
ﻭﺧﺸﺖ ﺍﻣﻴﺮﻩ ﻭﺷﺎﻳﻠﻪ ﺳﻔﺮﻩ ﻛﺒﻴﺮﻩ ﻓﻴﻬﺎ ﺷﺎﻫﻲ ﻭﻗﻬﻮﻩ ﻭﺣﻠﻮﻳﺎﺕ
ﺍﻣﻴﺮﻩ ؛ ﻫﻲ ﺍﻟﻠﻲ ﻳﺒﻲ ﺷﺎﻫﻲ ﺍﻳﻘﻮﻟﻲ ﺍﻧﺼﺒﻠﻪ ﻭﺍﻟﻠﻲ ﻳﺒﻲ ﻗﻬﻮﻩ ﺍﻳﻘﻮﻟﻲ
ﺧﺎﻟﺪ ؛؛ ﺍﻧﻐﻴﺮ ﻭﺍﻧﺠﻲ ﻋﻠﻲ ﺍﻟﺴﺮﻳﻊ
ﻣﺮﺍﺩ ؛؛ ﺧﻮﺫ ﺭﺍﺣﺘﻚ
ﻭﺻﺒﻴﺖ ﻭﺟﺒﺖ ﻃﻔﺎﻳﻪ ﻟﻠﻤﺮﺍﺩ ﻭﺣﻄﻴﺘﻬﺎ ﻗﺪﺍﻡ
ﻧﺎ ؛؛ ﺍﻣﻴﺮﻩ ﺍﻟﻘﻬﻮﻩ ﻣﺮﻩ ﺻﺎﺡ
ﺍﻣﻴﺮﻩ ؛؛ ﺍﻫﺎ
ﺻﺒﻲ ﻟﻠﻤﺮﺍﺩ ﻗﻬﻮﻩ ﺍﺣﺴﻦ
ﻣﺮﺍﺩ ؛ ﺑﺤﺖ ﻓﻴﺎ ﻭﺍﺑﺘﺴﻤﻠﻲ
ﺷﻜﺮﺍ
ﻭﺻﺒﺘﻠﻪ ﺍﻣﻴﺮﻩ ﻗﻬﻮﻩ ﻭﻣﺪﻳﺘﻪ ﻟﻪ
ﺭﺟﺎﺀ ؛؛ ﺑﺎﻫﻲ ﺑﺎﺣﻨﻪ ﻛﻨﻚ ﻣﻌﺶ ﺭﻧﻴﺘﻲ ﻭﻻ ﺍﺯﻭﺟﺘﻲ ﻭﺍﻧﺴﻴﺘﻨﺎ
ﻧﺎ ؛؛ ﻭﺍﻟﻠﻪ ﻻ ﺑﺲ ﻫﻜﻲ ﻗﻌﺪﺕ ﻣﺶ ﻓﺎﺿﻴﻪ
ﺍﻳﻤﺎﻥ ؛؛ ﺍﻛﻴﺪﻩ ﺩﻫﻮﻳﺮ ﻭﺍﻭﻛﺎﻝ ﻓﻲ ﻣﻄﺎﻋﻢ
ﻭﺍﻧﺤﺮﺟﺖ ﻭﺑﺤﺘﺖ ﻓﻲ ﻣﺮﺍﺩ
ﻧﺎ ؛؛ ﺍﻫﺎ
ﻣﺎﻣﺎ ؛؛ ﻭﻳﻪ ﻛﺬﺍ ﺣﺮﺍﺭﺗﻚ
ﻭﺍﺟﺪ ﺭﺍﻗﻴﻪ ﺷﻦ ﺧﺬﻳﺘﻲ
ﻧﺎ ؛؛ ﻭﺍﻟﻠﻪ ﻣﺎﻧﻲ ﻋﺎﺭﻓﻪ ﻣﺮﺍﺩ ﻫﻮ ﺍﻟﻠﻲ ﻋﻄﻨﻲ ﺍﺣﺒﻮﺏ ﻓﻲ ﺍﻟﺼﺒﺢ ﻭﺗﻮ ﻗﺒﻞ ﻣﺎﻧﺠﻲ ﺧﺬﻳﺖ ﺍﺑﺮﻩ
ﻋﻨﺪﻱ ﺑﺮﺩ ﻗﻮﻱ ﺑﺲ
ﻣﺮﺍﺩ ؛؛ ﻣﻦ ﺍﻟﺮﻗﺪﻩ ﻋﻠﻲ ﺍﻟﻤﻜﻴﻒ
ﺍﻣﻴﺮﻩ ؛؛ ﻻ ﻳﺎﻭﻳﻪ ﻣﻌﺶ ﺗﺮﻗﺪﻱ ﻋﻠﻲ ﺍﻟﻤﻜﻴﻒ
ﻭﺟﺎ ﺧﺎﻟﺪ
ﺧﺎﻟﺪ ؛؛ﺻﺒﻴﻠﻲ ﻗﻬﻮﻩ ﻳﺎ ﺍﻣﻴﺮﻩ
ﺍﻣﻴﺮﻩ ؛؛ ﻫﻴﺎ ﻫﻴﺎ ﻭﺻﺒﺘﻠﻪ ﻭﻣﺪﺗﻬﺎ ﻟﻪ
ﻭﻗﻌﺪﻭ ﺍﻳﻬﺪﺭﺯﻭ ﺍﺷﻮﻳﻪ ﺧﺎﻟﺪ ﻭﻣﺮﺍﺩ ﻭﻣﺎﻣﺎ ﻭﺣﺴﻴﺖ ﻣﺮﺍﺩ ﺗﺮﻳﺢ ﻣﻌﻬﻢ ﻭﻗﻌﺪ ﺍﻳﻬﺪﺭﺯ
ﻭﺑﻌﺪﻫﺎ ﺭﻥ ﻓﻮﻧﻪ
ﻣﺮﺍﺩ،؛ ﺍﻭﻭﻭﻭﻭ ﻧﺴﻴﺖ ﺑﻜﻞ ﺍﻟﻴﻮﻡ ﻋﻨﺪﻱ ﻋﻴﺎﺩﻩ ﺍﻫﻮ ﺍﻳﺮﻧﻮ
ﻣﺎﻣﺎ ؛؛ ﻛﻴﻒ ﺍﻣﻼﻩ ﺍﻟﻴﻮﻡ ﺑﺪﻳﺖ
ﻣﺮﺍﺩ ؛؛ ﺍﻫﺎ
ﻭﺻﺒﺎ ﻣﺮﺍﺩ ﻫﻴﺎ ﻧﺴﺘﺄﺫﻧﻜﻢ
ﻣﺎﻣﺎ ؛؛ ﺑﺪﺍﻝ ﻋﻨﺪﻙ ﻋﻴﺎﺩﻩ ﺧﻼﺹ ﻋﺪﻱ ﻣﺮﺑﻮﺣﻪ
ﻭﻃﻠﻊ ﻣﺮﺍﺩ ﻭﺿﺮﺑﺘﻨﻲ ﻣﺎﻣﺎ ﺑﻴﺶ ﺍﻧﺼﺒﻲ ﻭﺭﺍﻩ
ﻭﺻﺒﻴﺖ ﻧﺎ ﻭﺭﺍﻩ ﻭﺍﻟﻘﻴﺘﻪ ﻳﻼﺑﺲ ﻓﻲ ﻛﻨﺪﺭﺗﻪ
ﻣﺮﺍﺩ ؛؛ ﻣﺎﺷﺎﺀﺍﻟﻠﻪ ﻭﺟﻚ ﻗﻌﺪ ﺗﻤﺎﻡ ﻟﻤﺎ ﺷﺎﻑ ﻫﻠﻚ
ﻧﺎ ؛؛ ﺍﻟﺤﻤﺪﺍﻟﻠﻪ ﺍﻣﺘﻲ ﺍﺗﺠﻲ
ﻣﺮﺍﺩ ؛؛ ﺍﻧﺘﻲ ﺍﻣﺘﻲ ﺗﺒﻲ
ﻧﺎ ؛؛ ﻧﺒﻲ ﺍﻧﺒﺎﺕ ﻭﻛﺎﻥ ﻋﻠﻲ ﺍﻟﻌﻮﻳﻞ ﺟﻴﺒﻬﻢ ﻟﻴﺎ ﻫﻨﺎ ﺑﻌﺪ ﻣﺎﺗﻄﻠﻊ ﻣﻦ ﺍﻟﻌﻴﺎﺩﻩ
ﻣﺮﺍﺩ ؛؛ ﻻ ﺍﻋﻴﺎﻝ ﻻﻻ ﻓﻲ ﻳﻮﻣﻴﻦ ﻫﺬﻳﻦ ﻫﻠﻲ ﻣﺎﺷﻴﻦ ﻟﻠﺒﺤﺮ ﻭﻫﻢ ﺧﻠﻮﻫﻢ ﻳﻤﺸﻮ ﻣﻌﻬﻢ
ﻧﺎ ؛؛ ﺍﻫﺎ ﺑﺎﻫﻲ
ﻣﺮﺍﺩ ؛؛ ﺑﻜﺮﻩ ﺗﻮ ﺍﻧﺠﻴﻚ ﻻﻥ ﻋﻨﺪﻙ ﺍﺑﺮﻩ ﺗﺎﻧﻴﻪ ﺑﻴﺶ ﺍﺗﺼﺤﻲ ﺍﻛﻮﻳﺲ
ﻧﺎ ؛؛ ﺑﻪ ﺍﻥ ﺷﺎﺀﺍﻟﻠﻪ
ﻭﻃﻠﻊ ﻣﺮﺍﺩ ﻭﻧﺎ ﺧﺸﻴﺖ ﺍﺑﺴﺮﻋﻪ ﻻﻧﻲ ﻛﻨﺖ ﺍﻣﺮﺍﻳﻔﻪ ﻣﻮﺕ
ﺭﺟﺎﺀ ؛؛ ﺗﻌﺎﻟﻲ ﺗﻌﺎﻟﻲ ﺍﺣﻜﻴﻠﻨﺎ ﺷﻦ ﺍﺧﺒﺎﺭﻙ ﻣﻊ ﺍﻟﺰﻭﺍﺝ
ﻣﺎﻣﺎ ؛؛ ﻛﺬﺍ ﺍﺳﻜﺘﻲ ﻳﺎ ﺭﺟﺎﺀ
ﺗﻌﺎﻟﻲ ﻳﺎﺍﺑﻨﻴﺘﻲ ﺍﺣﻜﻴﻠﻲ ﺷﻦ ﻣﺮﺍﺩ ﺍﻛﻮﻳﺲ ﻣﻌﺎﻙ
ﺍﻣﻴﺮﻩ ؛؛ ﺗﻲ ﺷﻜﻠﻪ ﺍﻳﻬﺒﻞ ﺑﻜﻞ ﻭﻛﻮﻳﺲ
ﻧﺎ ؛؛ ﺑﺤﺘﺖ ﻓﻲ ﻣﺎﻣﺎ ﻛﻴﻒ ﺍﻧﻬﺎ ﻣﺸﻐﻮﻟﻪ ﻋﻠﻴﺎ ﻭﻓﻲ ﺧﻮﺍﺗﻲ ﻛﻴﻒ ﺍﻧﻬﻦ ﻓﺮﺣﻨﺎﺕ ﺑﻪ ﻭﻗﺎﻟﺖ
ﻣﺴﺘﺤﻴﻞ ﺍﻧﻜﺪ ﻋﻠﻴﻬﺎ
ﻭﺍﻟﻠﻪ ﻟﻌﻨﺪ ﺗﻮ ﺍﻛﻮﻳﺲ ﺑﻜﻞ ﻭﻣﺤﺘﺮﻡ ﻭﺣﺘﻲ ﺍﻟﻌﻮﻳﻞ ﻣﺘﺮﻳﺤﻪ ﻣﻌﻬﻢ ﺍﻛﻮﻳﺴﻴﻦ
ﺍﻳﻤﺎﻥ ؛؛ﺍﻣﺲ ﻟﻤﺎ ﺧﺎﻟﺘﻲ ﺭﻭﺣﺖ ﻣﻨﻜﻢ ﻓﺮﺣﺎﻧﻪ ﺑﻜﻞ ﻭﻗﺎﻟﺖ ﺷﻜﻠﻬﻢ ﻣﺘﺮﻳﺤﻴﻦ ﺑﻜﻞ ﻭﺣﺘﻲ ﻟﻤﺎ
ﺑﻜﻴﺘﻲ ﺗﻢ ﻳﻀﺒﻂ ﻓﻴﻚ
ﻧﺎ ؛ ﻫﻬﻬﻬﻬﻪ ﻭﻳﻦ ﺧﺎﻟﺘﻲ ﺗﻨﻘﻞ ﻓﻲ ﺍﻟﻜﻼﻡ ﺗﻮ ﺍﺗﺸﻮﻑ ﺍﻟﺤﻖ ﻫﻮ ﻃﻴﺐ ﻭﺣﻨﻮﻥ
ﻣﺎﻣﺎ ؛؛ ﻳﻌﻨﻲ ﻃﻠﻊ ﺍﻛﻮﻳﺲ ﻳﻌﻨﻲ ﻣﺎﺍﻧﺪﻣﺶ ﺭﻭﺣﻲ
ﺭﺟﺎﺀ ؛ ﺗﻲ ﺷﻦ ﺍﺗﻨﺪﻣﻲ ﺭﻭﺣﻚ ﺷﻔﺘﻲ ﺷﻜﻠﻪ ﺍﻛﻮﻳﺲ ﺑﻜﻞ ﺷﻔﺘﻲ ﺣﺘﻲ ﻟﻤﺎ ﻣﺮﺿﺖ ﻋﺎﻟﺠﻬﺎ
ﻭﺟﺎﺑﻬﺎ ﻫﻨﺎ ﺑﻴﺶ ﺍﺗﺮﻳﺢ
ﻣﺎﻣﺎ ؛؛ ﺑﺎﻫﻲ ﺗﻌﺎﻟﻲ ﻫﻨﺎ ﺧﺸﻲ ﻭﺗﺮﻳﺤﻲ
ﻭﺧﺸﻴﺖ ﺍﺣﺬ ﻣﺎﻣﺎ ﻭﺗﻤﻴﻨﺎ ﺍﻧﻬﺪﺭﺯﻭ ﻭﺑﺪﻭﻥ ﻣﺎﻧﻨﺪﺭﻱ ﻋﻠﻲ ﺭﻭﺣﻲ ﺍﻟﻘﻴﺖ ﺭﻭﺣﻲ ﺭﺍﻗﺪﻩ
ﻭﻭﻋﻴﺖ ﻋﻠﻲ ﻋﺸﺎﺀ ﺍﻟﻘﻴﺘﻬﻢ ﺍﻳﺘﻌﺸﻮ
ﺍﻣﻴﺮﻩ ؛؛ ﻫﺎ ﻭﻳﻪ ﺷﻦ ﺍﺧﺒﺎﺭ ﺗﻮ
ﻧﺎ ؛؛ ﺍﻧﺤﺲ ﻓﻲ ﺭﻭﺣﻲ ﺍﻣﺘﻠﺠﻪ ﺟﺴﻤﻲ ﻳﺎﺍﻣﻴﺮﻩ ﻣﺘﻜﺴﺮ ﺑﻜﻞ ﻣﺎﻋﻨﺪﻳﺶ ﺣﻴﻞ ﺍﻧﺼﺒﻲ
ﻭﺣﻄﺖ ﺍﻣﻴﺮﻩ ﻳﺪﻫﺎ ﻋﻠﻲ ﺭﺍﺳﻲ ﻭﻟﻘﺘﻨﻲ ﻧﺎﺭ ﺑﻜﻞ
ﺍﻣﻴﺮﻩ ؛؛ ﻭﻭﻭﻭﻭﻭ ﻭﺍﺟﺪ ﻫﻜﻲ
ﻣﺎﻣﺎ ﻳﺎﻣﺎﻣﺎ ﺗﻌﺎﻟﻲ ﺷﻮﻓﻴﻬﺎ
ﻭﺟﺘﻨﻲ ﻣﺎﻣﺎ
ﻣﺎﻣﺎ ؛؛ ﻛﻨﻬﺎ ﺷﻦ ﻓﻲ
ﺍﻣﻴﺮﻩ؛ ؛ ﻧﺎﺭ ﺑﻜﻞ ﻳﺎﻣﺎﻣﺎ ﺗﻌﺎﻟﻲ ﺷﻮﻓﻴﻬﺎ
ﻣﺎﻣﺎ ؛ ﺑﺎﻫﻲ ﻋﺪﻱ ﺩﻳﺮﻱ ﻛﻤﺪﺍﺕ ﻣﻴﺔ ﺯﻫﺮ
ﻭﺻﺒﺖ ﺍﻣﻴﺮﻩ ﺗﺠﺮﻱ ﻭﺩﺍﺭﺕ ﻣﻴﻪ ﻭﺑﺪﺕ ﺍﺩﻳﺮﻱ ﻛﻤﺪﺍﺕ
ﻧﺎ ؛؛ ﺍﻣﻴﺮﻩ ﻧﺒﻲ ﺣﻤﺎﻡ ﺻﺒﻴﻨﻲ
ﺍﻣﻴﺮﻩ ؛؛ ﺑﺎﻫﻲ ﻫﻴﺎ ﺻﺒﻲ
ﻭﻣﺴﻜﺘﻨﻲ ﺍﻣﻴﺮﻩ ﻭﺻﺒﺘﻨﻲ ﻭﺗﻤﺖ ﺗﻤﺸﻲ ﺑﻴﺎ
ﻭﻧﺎ ﺣﺴﻴﺖ ﺭﻭﺣﻲ ﺩﺍﻳﺨﻪ ﻭﻣﻌﺶ ﺷﻔﺖ ﺷﻲﺀ ﻗﺪﺍﻣﻲ ﻭﻃﺤﺖ
ﻋﻠﻲ ﻃﻮﻟﻲ
ﺍﻣﻴﺮﻩ ؛ ﻭﻭﻭ ﻋﻠﻴﺎ ﻭﻳﻪ ﻛﻨﻚ ﺍﻳﻤﺎﻥ ﺭﺟﺎﺀ ﺗﻌﺎﻟﻨﺎ ﺍﺟﺎﺭﻧﺎ
ﻣﺎﻣﺎ ؛؛ ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﺷﺪﻧﻬﺎ ﺷﺪﻧﻬﺎ
ﺍﻣﻴﺮﻩ ؛؛ ﺻﺎﻳﺮﻟﻬﺎ ﻫﺒﻮﻁ
ﻣﺎﻣﺎ؛ ؛ ﺍﻛﻴﺪﻩ ﻣﺶ ﻭﺍﻛﻠﻪ ﺷﻲﺀ
ﻭﺷﺎﻟﻨﻲ ﺷﻮﺭ ﺍﻟﺪﺍﺭ ﻭﺩﺭﻟﻲ ﻋﻄﺮ ﻭﺣﻄﻨﻬﺎ ﻋﻠﻲ ﺧﺸﻤﻲ
ﻣﺎﻣﺎ ؛ ﺍﻟﺤﻤﺪﺍﻟﻠﻪ ﻫﺎ ﻭﻳﻪ ﺍﻛﻮﻳﺴﻪ ﺗﻮ ﻳﺎﺍﺑﻨﻴﺘﻲ ﻛﻨﻚ ﻓﻴﺶ ﺍﺗﺤﺴﻲ
ﻧﺎ ؛؛ ﺣﺎﺳﻪ ﺟﺴﻤﻲ ﻛﻠﻪ ﻓﺎﺷﻞ ﻭﺍﻣﺼﻘﻌﻪ
ﻣﺎﻣﺎ ؛؛ ﺍﻣﻴﺮﻩ ﺍﺩﻫﻨﻲ ﺍﺧﺘﻚ ﻣﺼﺎﺗﺠﻮ
ﺍﻣﻴﺮﻩ ؛؛ ﺑﺎﻫﻲ
ﻭﺩﻫﻨﺘﻨﻲ ﺍﻣﻴﺮﻩ ﻣﺼﺎﺗﺠﻮ ﻭﺧﺬﻳﺖ 2 ﺑﻨﺎﺩﻭﻟﻮ ﻭﺷﺮﺑﺘﻨﻲ ﻋﺼﻴﺮ ﺍﻟﻠﻴﻤﻮﻥ ﺳﺎﺧﻦ
ﻭﺭﻗﺪﺕ ﻭﻣﺎﺣﺴﻴﺖ ﺍﺑﺮﻭﺣﻲ
ﺭﺟﺎﺀ ؛ ﺭﻗﺪﺕ ﺻﺎﺡ
ﺍﻣﻴﺮﻩ ؛؛ ﺍﻫﺎ ﺍﻥ ﺷﺎﺀﺍﻟﻠﻪ ﺍﺗﺼﺢ ﺷﻴﻨﻪ ﻋﺮﻭﺱ ﻭﺗﻘﻌﺪ ﻣﺮﻳﻀﻪ ﻫﻜﻲ ﺑﻌﻴﺪﻩ ﻋﻦ ﺭﺍﺟﻠﻬﺎ
ﺭﺟﺎﺀ ؛؛ ﺑﺲ ﻭﺍﻟﻠﻪ ﺷﻜﻠﻪ ﺍﻛﻮﻳﺲ ﺍﻟﻠﻲ ﺟﺎﺑﻬﺎ ﻫﻨﺎ
ﺍﻣﻴﺮﻩ ؛؛ ﺍﻳﻪ ﺍﻛﻮﻳﺴﻪ ﻭﻧﻴﺘﻬﺎ ﺑﻴﻀﻪ ﻭﺗﺴﺘﺤﻖ ﻛﻞ ﺍﻟﺨﻴﺮ
ﺭﺟﺎﺀ ؛؛ ﺍﻣﻴﺮﻩ ﺷﻦ ﺻﺎﺭ ﻓﻲ ﻭﻟﻴﺪ
ﺍﻣﻴﺮﻩ ؛؛ ﻭﻟﻴﺪ ﻗﺎﻝ ﻧﺒﻲ ﻧﺨﻄﺒﻚ ﺧﻼﺹ
ﺭﺟﺎﺀ ؛؛ ﺑﺎﻫﻲ ﻃﻴﺐ ﻓﻴﻚ
ﺍﻣﻴﺮﻩ ؛؛ ﺍﻥ ﺷﺎﺀﺍﻟﻠﻪ ﺧﻴﺮ
ﻭﺭﻥ ﻓﻮﻥ ﺭﺟﺎﺀ ﻋﻠﻲ ﺍﻻﺿﺎﺀ ﻗﺪﺍﻣﻬﺎ
ﺭﺟﺎﺀ ؛؛ ﺳﺮﺍﺝ ﻫﺬﺍ ﺍﻟﻠﻲ ﺍﻳﺮﻥ
ﺍﻣﻴﺮﻩ ؛؛ ﻋﺪﻱ ﻃﻴﺮﻱ ﻭﺍﺣﻜﻲ ﻣﻌﻪ
ﻭﺻﺒﺖ ﺭﺟﺎﺀ ﺗﺠﺮﻱ ﻭﺑﺪﺕ ﺗﺤﻜﻲ ﻣﻊ ﺳﺮﺍﺝ
ﺳﺮﺍﺝ ؛ ﺍﻟﻮ ﺣﺒﻴﺒﻲ ﻭﻳﻨﻚ
ﺭﺟﺎﺀ ؛ ﺧﻴﺮﺍﺕ ﻳﺎﺣﺒﻴﺒﻲ ﺷﻦ ﺍﺧﺒﺎﺭﻙ
ﺳﺮﺍﺝ ؛؛ ﺍﺧﺒﺎﺭﻱ ﺍﻥ ﻛﻞ ﻳﻮﻡ ﺍﻧﺮﺍﻳﻒ ﻋﻠﻴﻚ ﻭﺍﻧﺤﺒﻚ ﺍﻛﺘﺮ ﻣﻦ ﺍﻟﻴﻮﻡ ﺍﻟﻠﻲ ﻗﺒﻠﻪ
ﺭﺟﺎﺀ ؛؛ ﻧﺠﻚ ﻟﻴﺎ ﺣﺒﻴﺒﻲ ﻭ ﺍﻟﻠﻪ ﺣﺘﻲ ﻧﺎ ﺍﻧﺤﺒﻚ ﺍﻧﺤﺒﻚ ﺍﻧﺤﺒﻚ ﻭﺍﻟﻠﻪ ﻣﻦ ﻳﻮﻡ ﻣﺎﺗﻌﺮﻓﺖ ﻋﻠﻴﻚ
ﻭﻧﺎ ﻣﺘﻐﻴﺮﻩ ﺑﺴﺒﺒﻚ ﻭﺍﻟﻠﻪ ﻣﺎﻛﻨﺖ ﻧﺤﺴﺎﺏ ﺍﻟﺤﺐ ﻫﻜﻲ ﻳﺎ ﺳﺮﻭﺟﻲ
ﺳﺮﺍﺝ ؛؛ ﺍﻋﻮﻳﻨﺎﺗﻲ ﺍﻧﺘﻲ ﻭﻳﻦ ﻗﺎﻋﺪﻩ
ﺭﺟﺎﺀ ؛ ﻗﺎﻋﺪﻩ ﻓﻲ ﺍﻟﺪﺍﺭ ﺍﻟﻴﻮﻡ ﺟﺘﻨﺎ ﺍﻳﻪ ﻣﺮﻳﻀﻪ ﻭﺣﺎﻟﺘﻬﺎ ﺣﺎﻟﻪ
ﺳﺮﺍﺝ ؛؛ ﺍﻫﺎ ﻛﻨﻬﺎ ﻓﻴﺶ ﺍﺗﺤﺲ
ﺭﺟﺎﺀ ؛؛ ﺍﻣﺤﺼﻠﻪ ﺑﺮﺩ ﻗﻮﻱ ﺑﻜﻞ
ﺳﺮﺍﺝ ؛؛ ﺍﻋﻮﻳﻨﺎﺗﻲ ﺭﺍﻩ ﻧﺎ ﺍﻣﺮﺍﻳﻒ ﻋﻠﻴﻚ ﻭﻧﺒﻲ ﺍﻧﺸﻮﻓﻚ ﻭﻟﻮ ﺗﻨﻄﺒﻖ ﺍﻟﺴﻤﺎﺀ ﻋﻠﻲ ﺍﻻﺭﺽ ﻧﺒﻲ
ﺍﻧﺸﻮﻓﻚ ﺍﻟﻠﻴﻠﻪ
ﺭﺟﺎﺀ ؛؛ ﻭﻳﻦ ﺗﺒﻲ ﺍﺗﺸﻮﻓﻨﻲ ﻧﻘﺪﺭﺵ
ﺳﺮﺍﺝ ؛؛ ﺍﻫﺎ ﻧﺒﻲ ﺍﻧﺸﻮﻓﻚ ﻋﻠﻲ ﺍﻟﺴﺮﻳﻊ ﻋﻨﺪﻱ ﻟﻜﻲ ﻣﻔﺎﺟﺎﻩ
ﺭﺟﺎﺀ ؛؛ ﺍﻧﺸﻮﻑ ﺍﺟﻮﺍﺀ ﺍﻟﺤﻮﺵ ﻗﺒﻞ
ﺳﺮﺍﺝ ؛؛ ﺧﺎﻟﺪ ﻭﻳﻦ
ﺭﺟﺎﺀ ؛؛ ﺧﺎﻟﺪ ﻗﺎﻋﺪ ﺍﻃﻴﺎﺡ ﻋﻠﻲ ﺍﻟﻔﻮﻥ ﻳﺤﻜﻲ ﻣﻊ ﺍﻣﻞ
ﺳﺮﺍﺝ ؛؛ ﻭ ﻋﺎﺩﻝ
ﺭﺟﺎﺀ ؛؛ ﻋﺎﺩﻝ ﻣﺎﺷﻲ ﻟﻠﺒﺤﺮ ﻫﻮ ﻭﻫﻠﻪ ﺑﺎﻳﺘﻦ
ﺳﺮﺍﺝ ؛؛ ﻣﻌﻨﺎﺗﻬﺎ ﺍﻟﺠﻮ ﻋﺎﺩﻱ ﺧﻼﺹ ﺣﺒﻴﺒﻲ ﻧﺎ ﻧﺒﻲ ﺍﻧﺸﻮﻓﻚ ﻋﻠﻲ ﺍﻟﺴﺮﻳﻊ ﻭﺍﻟﻠﻪ ﻣﺎﺍﻧﻄﻮﻝ ﻋﻠﺸﺎﻥ
ﺧﺎﻃﺮﻱ
ﻣﺎﺗﺮﻓﻴﻀﺶ ﺑﺎﻫﻲ
ﺭﺟﺎﺀ ؛ ﺣﺒﻴﺒﻲ ﻧﺎ ﺧﺎﻳﻔﻪ
ﺳﺮﺍﺝ ؛؛ ﺍﺗﺨﺎﻓﻲ ﻭﺍﻧﺘﻲ ﻣﻌﻲ ﻳﺎ ﺍﻋﻮﻳﻨﺎﺗﻲ ﻭﻣﺎﻧﻘﻌﺪﻭ ﻓﻲ ﺍﻟﻤﺴﺘﺸﻔﻲ ﺍﻟﻠﻴﻞ ﻛﻠﻪ ﻣﻊ ﺑﻌﻀﻨﺎ
ﺭﺟﺎﺀ ؛ ﺣﺎﺿﺮ ﺑﺎﻫﻲ ﺳﻜﺮ ﺧﻠﻴﻨﻲ ﺍﻧﺸﻮﻑ ﺍﺟﻮﺍﺀ ﺍﻟﺤﻮﺵ ﻗﺒﻞ
ﺳﺮﺍﺝ؛؛ ﺑﻪ ﺑﻴﺶ ﺍﺗﺮﻧﻲ ﻋﻠﻴﺎ ﺭﺍﻩ ﻧﺎ ﻓﻲ ﺍﻟﺴﻴﺎﺭﻩ ﻭﻣﺶ ﺑﻌﻴﺪ ﻣﻦ ﺣﻮﺷﻜﻢ
ﺭﺟﺎﺀ ؛؛ ﻳﻌﻨﻲ ﺍﻧﺖ ﺍﻣﻮﺗﻲ ﺭﻭﺣﻚ ﺻﺎﺡ
ﺳﺮﺍﺝ ؛؛ ﻻﻧﻲ ﺍﻣﺮﺍﻳﻒ ﻋﻠﻴﻚ ﻣﻮﺕ ﻳﺎﺍﺍﻋﻮﻳﻨﺎﺗﻲ
ﺭﺟﺎﺀ ؛؛ ﺑﺎﻫﻲ ﺳﻼﻡ
ﻭﺻﻜﺮﺕ ﺭﺟﺎﺀ ﻭﻣﺸﺖ ﻝ ﺍﻳﻤﺎﻥ
ﺭﺟﺎﺀ ؛؛ ﺍﻳﻤﺎﻥ ﻧﺒﻴﻚ ﻓﻲ ﻣﻮﺿﻮﻉ ﻭﺭﺍﺱ ﺍﻳﻤﺎﻥ ﺧﻠﻴﻪ ﺳﺮ ﺑﻴﻨﺘﻨﺎ
ﺍﻳﻤﺎﻥ ؛؛ ﻓﺠﻌﺘﻨﻲ ﻛﻨﻚ ﺷﻦ ﻓﻲ
ﻭﺣﻜﺘﻠﻬﺎ ﺭﺟﺎ ﺍﻟﻤﻮﺿﻮﻉ
ﺍﻳﻤﺎﻥ ؛؛ ﻃﻴﺢ ﺳﻌﺪﻙ ﺗﻮ ﻳﻘﺘﻠﻚ ﺧﺎﻟﺪ
ﺭﺟﺎﺀ ؛ ﺧﺎﻟﺪ ﻻﻫﻲ ﻣﻊ ﺍﻣﻞ ﻭﻋﺎﺩﻝ ﻣﺶ ﻗﺎﻋﺪ ﻭﺍﻟﻔﺮﺻﻪ ﻣﺎﺗﻌﻮﺿﺶ ﻭﺑﻌﺪﻳﻦ ﻫﻮ ﻣﺼﺮ ﻋﻠﻴﺎ ﻳﺒﻲ
ﺍﻳﺸﻮﻓﻨﻲ ﻗﺎﻟﻲ ﻋﻠﻲ ﺍﻟﺴﺮﻳﻊ
ﺍﻳﻤﺎﻥ ؛؛ ﻧﺎ ﻃﻠﻌﻨﻲ ﻣﻨﻪ ﺍﻟﻤﻮﺿﻮﻉ ﻫﺬﺍ
ﺭﺟﺎﺀ ؛؛ ﺍﻧﺘﻲ ﺧﻠﻴﻚ ﻫﻨﺎ ﻓﻲ ﺍﻟﺤﻮﺵ ﺑﺲ ﻭﺭﺍﻗﺒﻲ ﺗﺤﺮﻛﺎﺕ ﻣﺎﻣﺎ ﻭﺧﺎﻟﺪ ﺑﺲ
ﺍﻳﻤﺎﻥ ؛؛ ﻛﺎﻥ ﻣﺴﻜﻮﻙ ﻣﺎﺗﺘﻘﻮﻟﻴﺶ ﺍﻧﺎ ﻣﻌﻚ
ﺭﺟﺎﺀ ؛؛ ﻣﺎﻋﻠﻴﻚ ﺍﻫﻮ ﺍﻳﺮﻥ ﻫﻴﺎ ﺍﻧﻲ ﻃﺎﻟﻌﻪ
ﺍﻳﻤﺎﻥ ؛؛ ﺑﺎﻫﻲ ﺍﻃﻠﻌﻲ
ﻭﻃﻠﻌﺖ ﺭﺟﺎﺀ ﻭﺭﺩﺕ ﻋﻠﻲ ﺍﻟﻔﻮﻥ
ﺭﺟﺎﺀ ؛؛ ﻫﺎ ﻭﻳﻨﻚ
ﺳﺮﺍﺝ ؛ ﻫﻴﺎ ﺍﺗﺠﻲ ﻋﻠﻲ ﻗﺼﺎﺩ ﺍﻟﺒﺎﺏ
ﺭﺟﺎﺀ؛ ؛ ﺣﺎﺿﺮ
ﺳﺮﺍﺝ ؛؛ ﻫﻴﺎ ﺗﻌﺎﻟﻲ ﺍﻓﺘﺤﻲ ﺍﻟﺒﺎﺏ
ﻭﻣﺸﺖ ﺭﺟﺎﺀ ﻭﺍﻓﺘﺤﺖ ﺍﻟﺒﺎﺏ .................
ﻳﺘﺒﻊ
