ﻭﺑﻌﺪ ﻛﻢ ﻳﻮﻡ ﺟﺎ ﺧﺎﻟﺪ ﻭﻛﻠﻢ ﺍﻣﻴﺮﻩ
ﺧﺎﻟﺪ؛؛ ﺍﻣﻴﺮﻩ
ﺍﻣﻴﺮﻩ ؛؛ ﻧﻌﻢ
ﺧﺎﻟﺪ ؛؛ ﺗﻌﺎﻟﻲ ﻧﺒﻴﻚ ﺍﺷﻮﻳﻪ
ﺍﻣﻴﺮﻩ ؛؛ ﺍﻧﻲ ﺟﺎﻳﻪ
ﻭﺧﺶ ﺧﺎﻟﺪ ﻟﺪﺍﺭﻩ ﻭﺟﺎﺗﻪ ﺍﻣﻴﺮﻩ
ﺍﻣﻴﺮﻩ ؛؛ ﻧﻌﻢ ﻳﺎﺧﺎﻟﺪ
ﺧﺎﻟﺪ ؛؛ ﺍﻣﻴﺮﻩ ﻧﺒﻲ ﺍﻧﻘﻮﻟﻚ ﻣﻮﺿﻮﻉ ﻭﻧﺎ ﻋﺎﺭﻓﻪ ﻭﺍﻋﺮ ﻋﻠﻲ ﺍﻣﻲ ﺑﺲ ﻧﺒﻲ ﺍﻧﻘﻮﻟﻪ ﻟﻜﻲ ﻭﻧﺒﻴﻚ
ﺍﺗﻮﺻﻠﻴﻬﺎ ﺍﻧﺘﻲ ﻻﻣﻲ ﺑﻄﺮﻳﻘﺘﻚ
ﺍﻣﻴﺮﻩ ؛؛ ﺧﻴﺮ ﺷﻦ ﻓﻲ
ﺧﺎﻟﺪ ؛؛ﺍﻣﻴﺮﻩ ﻧﺎ ﻓﺴﺨﺖ ﺧﻄﺒﺘﻲ
ﺍﻣﻴﺮﻩ ؛؛ ﻫﻴﻴﻴﻴﻴﻴﻴﻴﻴﻴﻴﻲ ﻟﻴﺶ ﺷﻦ ﺍﻟﺴﺒﺐ
ﺧﺎﻟﺪ؛ ؛ ﻣﺸﺎﻛﻞ ﺻﺎﺭﻥ ﻭﻫﻲ ﻣﺶ ﺡ ﺗﻤﺸﻲ ﻣﻌﻲ ﻣﺴﺘﻘﺒﻼ
ﺍﻣﻴﺮﻩ ؛؛ ﺧﺎﻟﺪ ﺧﻠﻴﻚ ﺻﺮﻳﺢ ﻣﻌﻲ ﻭﺍﺣﻜﻲ ﻋﻠﻴﺶ ﻓﺴﺨﺘﻬﺎ ﺭﺍﻩ ﻣﺎﻣﺎ ﺡ ﺗﺘﻌﺐ ﻟﻮ ﻣﺎﺍﻋﺮﻓﺘﺶ
ﺍﻟﺴﺒﺐ ﺍﻻﺳﺎﺳﻲ
ﺧﺎﻟﺪ ؛؛ ﺍﻣﻴﺮﻩ ﺍﻟﺴﺒﺐ ﺣﺎﺟﻪ ﺍﺗﺨﺼﻨﻲ ﻭﻧﺎ ﻧﺒﻴﺶ ﺍﻧﻘﻮﻟﻪ
ﺍﻣﻴﺮﻩ ؛؛ ﺧﺎﻟﺪ ﺍﻧﺘﻲ ﻫﻜﻲ ﺍﺗﺤﺸﻢ ﻓﻲ ﻣﺎﻣﺎ ﻣﻊ ﺍﻟﻌﺮﺏ ﺍﺣﻜﻲ ﻋﻠﻴﺶ ﺑﻴﺶ ﻛﺎﻥ ﺻﺎﺭﺕ ﺩﻭﻩ
ﻧﻌﺮﻓﻮ ﺷﻦ ﻧﺤﻜﻮ ﻣﻌﻬﺎ ﻭﻻ ﺍﻟﺴﺒﺐ ﺍﻧﻚ ﺷﻔﺖ ﻭﺣﺪﻩ ﺗﺎﻧﻴﻪ ﻭﻋﺠﺒﺎﺗﻚ
ﺧﺎﻟﺪ؛؛ ﻭﺍﻟﻠﻪ ﻣﺎ ﺍﻟﺴﺒﺐ ﻫﺬﺍ ﻳﺎﺍﻣﻴﺮﻩ ﺍﻧﺘﻲ ﻋﺎﺭﻓﺘﻴﻦ ﻣﺎﻋﻨﺪﻳﺶ ﻓﻴﻪ ﺟﻮ ﺍﻟﻌﻼﻗﺎﺕ
ﺍﻣﻴﺮﻩ ؛؛ ﺑﻪ ﻫﺎ ﺍﺣﻜﻲ ﺷﻦ ﻓﻴﻪ
ﺧﺎﻟﺪ ؛؛ ﺍﻣﻴﺮﻩ ﻧﺎ ﻣﺎﺯﺍﻟﺖ ﻣﺎﻛﻤﻠﺖ ﺷﻘﺘﻲ ﻭﻣﺮﻳﻢ ﺍﺗﺰﺭ ﻓﻴﺎ ﺯﺭ ﻋﻠﻲ ﺍﻟﻔﺮﺡ ﻭﻛﺄﻧﻲ ﻧﺒﻲ ﺍﻧﺴﻴﺒﻬﺎ
ﻭﺣﺘﻲ ﻟﻤﺎ ﺍﻣﻲ ﺍﺗﻌﺒﺘﺖ ﻭﺣﻄﻴﺖ ﺍﻓﻠﻮﺱ ﻫﻲ ﻗﺎﻟﺖ ﺍﻧﺖ ﻣﺴﺘﻬﺘﺮ ﻭﻣﺎﺗﺒﻨﻴﺶ ﻭﻛﻞ ﻣﺎﺍﺗﺤﺼﻞ
ﺍﻓﻠﻮﺱ ﺗﻌﻄﻴﻬﻦ ﻭﻣﻌﺶ ﻃﻠﻌﺖ ﺍﻟﻔﺮﺡ
ﺍﻣﻴﺮﻩ ؛؛ ﻫﻴﻴﻴﺒﻴﻴﻴﻴﻴﻲ ﻣﻦ ﺟﺪﻫﺎ ﻫﺬﻩ
ﺧﺎﻟﺪ؛؛ ﺍﻫﺎ ﻭﻧﺎ ﻧﺒﻴﺶ ﻧﺤﻜﻲ ﻻﻣﻲ ﺍﻟﻤﻮﺿﻮﻉ ﻻﻥ ﺡ ﺗﻤﺮﺽ ﻭﺡ ﺗﺤﺴﺎﺏ ﺭﻭﺣﻬﺎ ﻫﻲ ﺍﻟﺴﺒﺐ ﻭﻧﺎ
ﻳﺎﺍﻣﻴﺮﻩ ﻋﻨﺪﻱ ﺍﻧﺤﻂ ﺍﻓﻠﻮﺳﻲ ﻋﻠﻲ ﺍﻣﻲ ﺑﻴﺶ ﺍﺗﻌﺎﻟﺞ ﻭﺍﺗﻘﻌﺪ ﻣﻌﺎﻧﺎ ﻭﻻ ﺍﻧﺤﻂ ﺍﻓﻠﻮﺳﻲ ﻓﻲ ﺷﻘﻪ
ﻭﻧﺰﻭﺝ ﻭﺍﻧﺴﻴﺐ ﺍﻣﻲ ﻣﺮﻳﻀﻪ
ﺍﻣﻴﺮﻩ ؛؛ ﻋﻴﻨﻬﺎ ﺩﻣﻌﺖ ﻻﻥ ﻛﺎﻥ ﻛﻼﻡ ﺧﺎﻟﺪ ﻭﺍﻋﺮ ﻭﺣﻜﻪ ﻭﺧﻨﻘﺘﻪ ﺍﻟﻌﺒﺮﻩ
ﺍﻣﻴﺮﻩ ؛؛ ﺑﺎﻫﻲ ﻳﺎﺧﺎﻟﺪ ﺗﻮ ﻧﺴﺎﻋﺪﻭ ﻋﻠﻲ ﺍﻟﻔﺮﺡ ﻭﺗﻮ ﺍﻧﻜﻠﻤﻬﺎ ﻭﺍﻧﻘﻮﻟﻠﻬﺎ ﺍﺗﻮﺳﻊ ﺑﺎﻟﻚ ﻭﺗﺼﺒﺮ ﻋﻠﻴﻚ
ﺧﺎﻟﺪ ؛؛ ﺍﻣﻴﺮﻩ ﻧﺎ ﻣﺎﻧﺒﻴﺶ ﻣﺸﺎﻛﻞ ﺍﻛﺘﺮ ﻣﻦ ﻫﻜﻲ ﺷﻮﻓﻲ ﻧﺎ ﺍﻧﻌﻨﻲ ﻓﻲ ﺍﻟﻤﺸﻜﻠﻪ ﻣﻦ ﺍﻭﻝ
ﻣﺎﺍﻣﺮﺿﺖ ﺍﻣﻲ ﻫﻲ ﺗﺒﻲ ﺍﻟﻔﺮﺡ ﺑﺴﻴﻒ ﻭﺗﺒﻲ ﺷﻘﻪ ﺳﻤﺤﻪ ﻭﻓﺨﻤﻪ ﻭﺗﺒﻲ ﻓﺮﺡ ﻛﺒﻴﺮ ﻭﻓﺨﻢ ﻧﺎ ﻓﻲ
ﺍﻟﻨﻬﺎﻳﻪ ﻣﺶ ﻗﺎﻋﺪ ﻋﻠﻲ ﺑﻨﻚ ﺭﻭﻣﺎ ﻟﻴﺶ ﻫﻜﻲ
ﺍﻣﻴﺮﻩ ؛؛ ﻗﺼﺪﻙ ﺍﻧﺖ ﻭﻫﻲ ﺧﻼﺹ ﻗﺮﺭﺗﻮ
ﺧﺎﻟﺪ ؛؛ ﻫﻲ ﻗﺎﻟﺖ ﻛﺎﻥ ﻣﺎﺍﻃﻠﻌﺶ ﺍﻟﻔﺮﺡ ﺗﻮ ﺍﻧﺎ ﻓﻲ ﻃﺮﻳﻖ ﻭﺍﻧﺖ ﻓﻲ ﻃﺮﻳﻖ ﻭﻧﺎ ﻣﺎﻧﻘﺪﺭﺵ ﺍﻧﻄﻠﻌﻪ
ﻭﻣﻦ ﺳﻔﺮﺕ ﺍﻣﻲ ﻣﻌﺶ ﺣﻜﻴﺖ ﻣﻌﻬﺎ ﻋﻠﻲ ﺍﺳﺎﺱ ﺳﻴﺒﻨﺎ ﺧﻼﺹ
ﺍﻣﻴﺮﻩ ؛؛ ﺧﻄﺎ ﺍﻟﺸﻲﺀ ﻫﺬﺍ ﺍﻧﺘﻮ ﻣﺎﺧﻄﺒﺘﻮﺵ ﺑﻌﻀﻜﻢ ﺑﺮﻭﺣﻜﻢ ﺍﻧﺘﻮ ﻳﻮﻡ ﺍﻟﻠﻲ ﺍﻧﺨﻄﺒﺘﻮ ﻫﻠﻲ ﺍﻟﻠﻲ
ﻋﺪﻭ ﻟﻬﻠﻬﺎ ﻳﻌﻨﻲ ﻣﻔﺮﻭﺽ ﺭﺟﻴﺘﻮ ﻧﻴﻦ ﻳﺪﺧﻠﻮ ﺍﻻﻫﻞ
ﺧﺎﻟﺪ؛ ؛ ﺍﻫﻮ ﻋﺎﺩ ﻧﺼﻴﺐ ﻭﻧﺎ ﻳﺎﺍﻣﻴﺮﻩ ﻧﺒﻲ ﺍﻧﺤﻂ ﺭﺍﺳﻲ ﺷﻲﺀ ﺳﻨﻪ ﻭﻧﺒﻲ ﺍﻧﺪﻳﺮ ﺷﻘﺘﻲ ﺑﺸﻮﻳﻪ
ﺑﺸﻮﻳﻪ ﻭﺍﻣﺘﻲ ﻣﺎﺍﻧﻜﻤﻠﻬﺎ ﻭﺍﻧﻮﺗﻲ ﺍﻓﻠﻮﺱ ﺍﻟﻔﺮﺡ ﻓﻲ ﻫﺬﺍﻙ ﺍﻟﻠﺤﻈﻪ ﻧﺨﻄﺐ ﻭﺍﻧﻄﻠﻊ ﺍﻟﻔﺮﺡ ﻃﻮﻝ
ﻻﻥ ﻣﺎﻋﻨﺪﻱ ﺭﺍﺱ ﻧﻘﻌﺪ ﺍﻧﻌﻨﻲ ﻓﻲ ﺑﻨﺖ ﺗﺎﻧﻴﻪ ﺟﻴﺐ ﺳﺮﻣﻴﻜﻪ ﻛﺬﺍ ﺟﻴﺐ ﻟﻮﻥ ﻛﺬﺍ ﺩﻳﺮ ﺍﺯﻭﺍﻕ ﻛﺬﺍ
ﻧﺒﻲ ﻭﺣﺪﻩ ﺍﻧﺠﻴﺒﻪ ﻭﺗﺮﺿﻲ ﺑﺎﻟﻮﺿﻊ
ﺍﻣﻴﺮﻩ ؛؛ ﺑﻪ ﺍﻧﺖ ﺣﻜﻴﺖ ﻣﻊ ﻫﻠﻬﺎ
ﺧﺎﻟﺪ؛؛ ﻧﺒﻲ ﺍﻧﻘﻮﻟﻬﺎ ﻟﻌﻠﻲ ﻭﻋﺎﺩﻝ ﺑﻴﺶ ﻳﺤﻜﻮ ﻣﻊ ﻫﻠﻬﺎ ﺑﺲ ﺧﻔﺖ ﺍﻣﻲ ﺗﺴﻤﻌﻬﺎ ﻣﻨﻬﻢ ﻭﺗﺰﻋﻞ ﻧﺎ
ﻧﺒﻴﻚ ﺍﺗﻘﻮﻟﻴﻬﺎ ﻟﻬﺎ ﺍﻧﺘﻲ ﺑﻄﺮﻳﻘﺘﻚ
ﺍﻣﻴﺮﻩ ؛؛ ﻭﺍﻟﻠﻪ ﺍﻟﻤﻮﺿﻮﻉ ﺻﻌﺐ ﺍﺷﻮﻳﻪ ﻻﻥ ﻣﺎﻣﺎ ﺡ ﺍﺗﺤﺴﺲ ﺭﻭﺣﻬﺎ ﺑﺬﻧﺐ
ﺧﺎﻟﺪ ؛؛ ﻻ ﻣﺎﺗﺤﺴﺲ ﺍﻧﺘﻲ ﻗﻮﻟﻴﻬﺎ ﻣﻌﺶ ﺗﺮﻳﻮﺡ ﻭﺍﻧﻬﺎ ﺗﺸﺮﻁ ﻭﺍﺟﺪ ﻭﺗﺪﻟﻊ ﻭﺧﺎﻟﺪ ﻣﻌﺶ ﺻﺒﺮ
ﻋﻠﻴﻬﺎ ﻭﻗﺎﻝ ﻫﺬﺍ ﺯﻭﺍﺝ ﻳﻌﻨﻲ ﻋﻤﺮ ﻛﻠﻪ ﻣﻌﻬﺎ ﻣﺶ ﻳﻮﻡ ﻭﻻﻩ ﻳﻮﻣﻴﻦ
ﺍﻣﻴﺮﻩ ؛؛ ﺑﻪ ﺣﺎﺿﺮ ﺗﻮ ﻧﺤﻜﻴﻠﻬﺎ ﻭﺍﻥ ﺷﺎﺀﺍﻟﻠﻪ ﺍﻳﻜﻮﻥ ﻗﺮﺍﺭﻙ ﺻﺢ ﻭﻓﻲ ﻣﺤﻠﻪ ﻭﺍﻥ ﺷﺎﺀ ﺍﻟﻠﻪ ﺧﻴﺮ
ﺧﺎﻟﺪ ؛؛ ﺍﻥ ﺷﺎﺀﺍﻟﻠﻪ
ﻭﻃﻠﻌﺖ ﺍﻣﻴﺮﻩ ﻭﺟﺘﻨﻲ ﻭﻟﻘﺘﻨﻲ ﺍﻧﺪﻳﺮ ﻓﻲ ﻛﺎﻛﻮ ﻓﻲ ﺍﻟﻤﻄﺒﺦ
ﻧﺎ ؛؛ ﺷﻔﺖ ﺍﻣﻴﺮﻩ ﻭﺣﺴﻴﺖ ﻭﺟﻬﺎ ﺷﻴﻦ ﻭﺷﺎﻳﻠﻪ ﺧﺒﺮ ﺷﻴﻦ
ﻧﺎ ؛؛ ﻛﻨﻪ ﺧﺎﻟﺪ ﻓﻲ ﺷﻦ ﻳﺒﻴﻚ
ﺍﻣﻴﺮﻩ؛؛ ﺻﺎﻳﺮ ﻣﻮﺿﻮﻉ ﻳﺎ ﺣﻨﻪ
ﻧﺎ ؛؛ ﺷﻦ ﻓﻲ ﺍﻥ ﺷﺎﺀﺍﻟﻠﻪ ﺧﻴﺮ
ﺍﻣﻴﺮﻩ ؛ ﻭﻳﻦ ﺧﻮﺍﺗﻚ
ﻧﺎ ؛ ﻓﻲ ﺍﻟﺪﺍﺭ ﻳﻘﺮﻥ
ﺍﻣﻴﺮﻩ ؛؛ ﺍﻫﺎ ﺑﻪ ﻭﺧﺸﺖ ﺍﻣﻴﺮﻩ ﻭﺳﻜﺮﺕ ﺑﺎﺏ ﺍﻟﻤﻄﺒﺦ ﻭﺭﺍﻫﺎ ﻭﻧﺎ ﺍﺳﺘﻐﺮﺑﺖ ﻭﻗﻌﻤﺰﺕ ﻋﻠﻲ ﺍﻟﻜﺮﺳﻲ
ﺍﻣﻴﺮﻩ ؛؛ ﻳﺎﺣﻨﻪ ﻫﺬﺍ ﺧﺎﻟﺪ ..........
ﻭﺣﻜﺘﻠﻲ ﺍﻟﻤﻮﺿﻮﻉ ﻛﻠﻪ
ﻧﺎ ؛؛ ﻻﻻﻻ ﻋﻠﻴﻚ ﺑﺨﺖ ﺑﺨﺘﻪ
ﺍﻣﻴﺮﻩ ؛؛ ﻧﺒﻲ ﺍﻧﻘﻮﻟﻬﺎ ﻟﻤﺎﻣﺎ ﺍﺻﻼ ﻫﻮ ﻳﺒﻲ ﺍﻳﻘﻮﻟﻬﺎ ﻟﻌﻠﻲ ﻭﻋﺎﺩﻝ ﺑﺲ ﺧﺎﻳﻒ ﻣﺎﻣﺎ ﺗﺴﻤﻌﻪ ﻣﻨﻬﻢ
ﻭﺗﺰﻋﻞ
ﻧﺎ ؛؛ ﺍﻫﻮ ﺍﻟﻜﺎﻛﻮ ﻛﻤﻞ ﻭﺗﻌﺎﻟﻲ ﺍﻧﺤﻄﻮﻩ ﻭﻧﺤﻜﻮ ﻟﻤﺎﻣﺎ ﺑﺸﻮﻳﻪ ﻭﺑﺘﺪﺭﻳﺞ ﻣﺶ ﻃﺐ ﺯﻥ ﻃﻮﻝ
ﺍﻣﻴﺮﻩ ؛؛ ﺑﺎﻫﻲ ﺑﺲ ﺳﺎﻋﺪﻳﻨﻲ
ﻧﺎ ؛ ﺑﻪ ﺑﺲ ﺧﻠﻴﻨﻲ ﻧﻌﻄﻲ ﻟﺮﺟﺎﺀ ﻭﺍﻳﻤﺎﻥ ﻛﺎﻛﻮ ﻗﺒﻞ ﻭﺗﻮ ﺍﻧﺠﻴﻚ ﻣﺎﻧﺒﻴﺶ ﻳﺤﻀﺮﻥ ﺍﻟﻤﻮﺿﻮﻉ
ﺍﻣﻴﺮﻩ ؛؛ ﺍﺣﺴﻦ
ﻭﺻﺒﻴﺖ ﻧﺎ ﻛﺎﻛﻮ ﻟﻠﺮﺟﺎﺀ ﻭﺍﻳﻤﺎﻥ ﻭﺣﻄﻴﺘﻠﻬﻦ ﻛﻴﻜﻪ ﻭﺷﻠﺘﻬﺎ
ﺭﺟﺎﺀ ؛؛ ﺍﻭﻭﻭﻭﻭﻭ ﻋﻠﻴﻚ ﻋﺰ ﺍﻟﻜﺎﻛﻮ ﺟﻴﻨﺎ ﻟﻌﻨﺪ ﻫﻨﺎ ﻛﻴﻒ ﺻﺎﻳﺮﻩ ﺣﺎﺟﻪ
ﺍﻳﻤﺎﻥ ؛؛ ﻫﻬﻬﻬﻬﻬﻬﻬﻬﻬﻪ ﺍﻟﺤﻖ ﻧﺎ ﺑﺮﻭﺣﻲ ﻣﺴﺘﻐﺮﺑﻪ
ﻧﺎ ؛؛ ﻫﻬﻬﻬﻬﻬﻬﻪ ﺣﻘﺮﻳﺎﺕ ﻣﺎﻳﻨﻔﻊ ﻓﻴﻜﻦ ﺧﻴﺮ ﻧﺎ ﺟﺒﺘﻠﻚ ﻛﺎﻛﻮ ﻋﻠﺸﺎﻥ ﺗﻘﺮﻥ ﺑﺲ ﻭﻛﺎﻥ ﻫﺬﺍ
ﻣﺎﺟﺒﺘﻠﻜﻦ
ﺭﺣﺎﺀ ؛؛ ﻧﺠﻚ ﻳﺎ ﺳﻤﻮﺣﻪ ﻭﺷﻜﺮﺍ
ﻧﺎ ؛؛ ﺻﺎﺭ ﺳﻤﻮﺣﻪ ﺗﻮ ﻫﻪ
ﺭﺟﺎﺀ ؛؛ ﺳﻤﻮﺣﻪ ﻭﺍﺗﻬﺒﻠﻲ ﻭﺍﻟﻠﻪ ﺍﻧﺎ ﻣﺴﺘﻐﺮﺑﻪ ﺍﻧﻚ ﻗﺎﻋﺪﻩ ﻟﻌﻨﺪ ﺗﻮ
ﻧﺎ ؛؛ ﻫﻬﻬﻬﻬﻬﻪ ﻟﻴﺶ ﺍﺗﺤﻘﻲ ﻓﻴﺎ ﻋﺎﻧﺰ
ﺭﺟﺎﺀ ؛؛ ﻣﻮﺿﻮﻋﻚ ﺣﺴﻴﺘﻪ ﺑﺪﺍ ﺍﻳﺨﺶ ﻋﻠﻲ ﺍﻟﻌﻨﻮﺯﻩ ﺍﺷﻮﻳﻪ
ﻗﺎﻋﺪﻩ ﺍﻣﻐﻴﺮ ﻛﺎﺭﺳﻪ ﻓﻲ ﻫﺎﻟﺤﻮﺵ ﻭﺧﻼﺹ ﻭﺣﺘﻲ ﻟﻤﺎ ﺗﻄﻠﻌﻲ ﺍﺗﺤﻄﻲ ﻓﻲ ﻫﺎﻟﺨﻤﺎﺭ ﻋﻠﻲ ﻭﺟﻚ
ﻧﺎ ؛؛ ﻫﻬﻬﻬﻬﻬﻬﻬﻬﻪ ﺍﺯﻭﺟﻨﺎ ﺍﻧﺘﻦ ﻗﺒﻞ ﻭﺑﻌﺪﻫﺎ ﻧﺎ ﺍﻧﺤﻂ ﻓﻲ ﺍﻟﺨﻤﺎﺭ ﻣﻦ ﺍﻭﺍﻣﺮ ﺧﻮﻙ ﻳﺎﺣﺒﻲ ﻭﻻ ﺍﻧﺘﻲ
ﻧﺎﺳﻴﻪ ﻭﺍﻧﺘﻲ ﺍﻣﻐﻴﺮ ﺧﻮﺫﻱ ﺍﻟﺸﻬﺎﺩﻩ ﺍﻟﺜﺎﻧﻮﻳﻪ ﻭﺑﻌﺪﻳﻦ ﺣﺘﻲ ﺍﻧﺘﻲ ﻳﻘﻌﺪ ﺣﺎﻟﻚ ﻛﻴﻒ ﺣﺎﻟﻲ ﺣﻮﺵ
ﻭﺍﻃﻴﺎﺡ
ﺭﺣﺎﺀ ؛؛ ﻫﻬﻬﻬﻬﻪ ﻣﺴﺘﺤﻴﻞ ﻧﻼﺑﺴﻪ ﺍﻟﺨﻤﺎﺭ ﻫﺬﺍ ﺍﺳﺎﺱ ﺍﻧﺎ ﺍﻣﻐﻴﺮ ﻧﺎﺧﺬ ﺍﻟﺸﻬﺎﺩﻩ ﺍﻟﺜﺎﻧﻮﻳﻪ ﺑﺲ
ﻃﻮﻝ ﺡ ﻧﺰﻭﺝ
ﻧﺎ ؛؛ ﻫﻬﻬﻬﻬﻪ ﻟﻴﺶ ﺿﻤﻨﺘﻲ ﻭﺍﺣﺪ ﺗﻮ ﻧﻴﻦ ﺍﺗﻘﻮﻟﻲ ﻫﻜﻲ
ﺭﺟﺎﺀ ؛؛ ﺗﻮ ﺍﺗﺸﻮﻓﻲ
ﻧﺎ ؛؛ ﻗﻌﻤﺰﺕ ﺟﻨﺒﻬﺎ
ﻃﻴﺢ ﺳﻌﺪﻙ ﻣﻦ ﻣﻦ
ﺍﻳﻤﺎﻥ ؛؛ ﺑﻌﺪﻙ ﻳﺎ ﻭﻳﻪ ﺷﻜﻠﻪ ﺍﻓﻠﻮﺱ ﻣﺎﺍﻳﺼﻜﺮ ﻣﻨﻬﺎ ﺑﻜﻞ ﻃﻮﻝ ﺍﻟﻠﻴﻞ ﻭﻫﻲ ﺗﺤﻜﻲ ﻣﻌﻪ
ﺭﺣﺎﺀ ؛؛ ﺑﺤﺘﺖ ﻓﻲ ﺍﻳﻤﺎﻥ ﻭﺍﻣﺮﻓﻌﻪ ﺣﺎﺟﺒﻬﺎ
ﻛﻴﻒ ﺍﻧﺘﻲ ﻗﺎﻋﺪﻩ ﻫﻨﺎ ﺍﻣﻐﻴﺮ ﺍﺗﺸﻴﻠﻲ ﻓﻲ ﺍﻟﻜﻼﻡ ﻭﺧﻼﺹ
ﻧﺎ ؛؛ ﻫﻬﻬﻬﻬﻬﻪ ﻛﻨﻲ ﻳﺎﺣﻨﻪ ﺍﺗﺸﻮﻓﻲ ﻓﻴﺎ ﻧﻌﻴﻤﻪ ﻭﻻﻩ ﺷﻨﻮ
ﺭﺣﺎﺀ ؛؛ ﻫﻬﻬﻬﻬﻬﻬﻬﻬﻪ ﺑﺎﻟﻠﻪ ﻋﻠﻴﻚ ﺍﺫﻛﺮﻱ ﺣﺎﺟﻪ ﺍﻛﻮﻳﺴﻪ
ﻭﺭﻥ ﻓﻮﻥ ﺭﺟﺎﺀ ﻋﻠﻲ ﻫﺰﺍﺯ ﻃﺒﻌﺎ
ﺭﺟﺎﺀ ؛؛ ﻭﻳﻪ ﺍﻃﻠﻌﻲ ﺍﻃﻠﻌﻲ ﻭﺳﻜﺮﻱ ﺍﻟﺒﺎﺏ ﻭﺭﺍﻙ
ﻧﺎ ؛؛ ﻻﻻ ﻣﺎﻧﻴﺶ ﻃﺎﻟﻌﻪ ﻧﻴﻦ ﺍﺗﻘﻮﻟﻲ ﻣﻦ ﻭﻣﻦ ﺍﻣﺘﻲ
ﺭﺟﺎﺀ ؛؛ ﻭﺣﻖ ﺭﺑﻲ ﺗﻄﻠﻌﻲ ﺑﻌﺪﻳﻦ ﺍﻛﺴﺪﻭ ﻭﻧﺤﻜﻴﻠﻚ ﻫﻴﺎ ﺍﻃﻠﻌﻲ ﺭﺍﻩ ﺍﻧﻄﻮﻝ ﻣﺎ ﺍﻧﺮﺩ ﻋﻠﻴﻪ ﺍﺩﻳﺮﻟﻲ
ﻣﺸﻜﻠﻪ ﺑﻌﺪﻫﺎ
ﻧﺎ ؛؛ ﺍﻭﻭﻭﻭﻭﻭﻭ ﺍﺧﺮ ﺧﺎﻳﻔﻪ ﻣﻨﻪ ﻭﺍﻟﻠﻪ ﺷﻜﻠﻚ ﺣﺒﻴﺘﻪ ﻳﺎ ﺍﺭﺟﻴﻮﻩ
ﺭﺣﺎﺀ ؛ ﺍﻃﻠﻌﻲ ﻫﻴﺎ ﺗﻮ ﻟﻤﺎ ﺍﺗﺠﺮﺑﻲ ﺍﻟﺤﺐ ﺗﻮ ﺗﻔﻬﻤﻲ ﺑﻌﺪﻫﺎ ﻳﺎ ﻫﻢ ﺯﻋﻤﺎﺗﻚ ﻣﺎﻧﻚ ﺍﻣﺠﺮﺑﺘﻴﻪ
ﻧﺎ ؛؛ ﺑﺎﻫﻲ ﺑﻪ
ﻭﻃﻠﻌﺖ ﻧﺎ
ﺭﺟﺎﺀ ؛؛ ﺍﻟﻮ ﺣﺒﻴﺒﻲ
ﺳﺮﺍﺝ ؛؛ ﺍﻫﻼ ﻭﻳﻨﻚ ﻛﻨﻚ ﻃﻮﻟﺘﻲ ﻣﺎﺭﺩﻳﺘﻲ
ﺭﺟﺎﺀ ؛؛ ﻛﻨﺖ ﻧﻘﺮﺍ ﻭﺟﻨﺒﻲ ﺍﻳﻪ ﻣﺎﺑﻴﺘﺶ ﺍﻧﺮﺩ ﻋﻠﻴﻚ ﻗﺪﺍﻣﻬﺎ
ﺳﺮﺍﺝ ؛ ﻟﻴﺶ
ﺭﺣﺎﺀ ؛؛ ﻫﻜﻲ ﻻﻥ ﻫﻦ ﺍﻳﺘﻬﺰﻥ ﻋﻠﻴﺎ
ﺳﺮﺍﺝ ؛؛ ﻫﻬﻬﻬﻬﻬﻪ ﻗﺼﺪﻙ ﺍﻳﻪ ﺍﺗﻬﺰ ﻭﺗﻀﺤﻚ ﻛﻴﻒ ﺍﻟﻨﺎﺱ
ﺭﺟﺎﺀ؛؛ ﻫﻬﻬﻬﻬﻬﻬﻪ ﻭﻛﻨﻬﺎ ﻣﺶ ﻛﻴﻒ ﺍﻟﻌﺮﺏ
ﺳﺮﺍﺝ ؛؛ ﺍﻧﺤﺲ ﻓﻴﻬﺎ ﻏﺎﻣﻀﻪ ﻭﻣﻌﻘﺪﻩ ﺍﺷﻮﻳﻪ
ﺭﺟﺎﺀ ؛؛؛ ﻻ ﺑﺲ ﻫﻲ ﺧﻮﺍﻓﻪ ﻭﺍﺟﺪ ﻣﻦ ﺧﻮﺗﻲ ﻭﻻﻥ ﺣﺘﻲ ﺍﻧﻬﺎ ﺻﺎﻳﺮﺗﻠﻬﺎ ﺧﺨﻴﺒﺖ ﺍﻣﻞ ﻣﻦ ﻗﺒﻞ
ﺳﺮﺍﺝ ؛؛ ﻣﻦ ﻣﻦ
ﺭﺟﺎﺀ ؛؛ ﻗﺼﺘﻬﺎ ﻃﻮﻳﻠﻪ ﻭﺗﻮ ﺷﻲﺀ ﻳﻮﻡ ﻧﺤﻜﻴﻠﻚ ﻣﻮﺿﻮﻉ ﻃﻮﻳﻞ
ﺳﺮﺍﺝ ؛؛ ﻣﺶ ﻗﺎﻟﺘﻠﻚ ﺍﻳﻪ ﻏﺎﻣﻀﻪ
ﺭﺟﺎﺀ ؛؛ ﺍﻫﻮ ﻋﺎﺩ ﺍﻟﻈﺮﻭﻑ ﻫﻦ ﺍﻟﻠﻲ ﺧﻠﻨﺎ ﻫﻜﻲ ﺍﻟﻤﻬﻢ ﺗﻮ ﺣﺒﻴﺒﻲ ﺍﻧﺖ ﻭﻳﻨﻚ
ﺳﺮﺍﺝ ؛؛ ﻓﻲ ﺍﻟﻤﺴﺘﺸﻔﻲ ﻭﺍﻟﻴﻮﻡ ﻧﺎ ﺍﻟﻠﻲ ﻣﺎﺳﻚ ﺍﻟﻄﻮﺍﺭﺉ
ﺭﺟﺎﺀ ؛؛ ﺍﻫﺎ ﻳﻌﻨﻲ ﻣﺶ ﺡ ﻧﺤﻜﻮ ﻓﻲ ﺍﻟﻠﻴﻞ
ﺳﺮﺍﺝ ؛؛ ﺍﻫﺎ ﺧﻼﺹ ﺣﺒﻴﺒﻲ ﺍﻟﻴﻮﻡ ﻧﺒﻴﻚ ﺗﻘﺮﻱ ﻭﺍﺗﺮﻳﺤﻲ
ﺭﺟﺎﺀ ؛؛ ﺗﻢ ﺑﺎﻫﻲ
ﺳﺮﺍﺝ ؛؛ ﺍﻭﻛﻲ ﺍﻫﻮ ﺍﻟﺒﺎﺏ ﺍﻳﺪﻕ
ﺭﺟﺎﺀ ؛؛ ﺳﻼﻡ ﺳﻼﻡ
ﻭﺻﻜﺮﺕ ﺭﺟﺎﺀ ﻣﻨﻪ
ﺍﻳﻤﺎﻥ ؛؛ ﺍﻧﺎ ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﻧﻌﺮﻓﻪ ﻋﻠﻴﻪ ﺍﻥ ﺍﺳﻤﻪ ﺳﺮﺍﺝ ﻭﺩﻛﺘﻮﺭ
ﺭﺟﺎﺀ ؛ ﺍﻳﻤﺎﻥ ﺧﻠﻴﻚ ﻓﻲ ﺣﺎﻟﻚ ﺗﺤﺴﺒﻨﻲ ﻣﺶ ﻓﻄﻨﻠﺘﻚ ﻃﺎﻳﺤﻪ ﻓﻲ ﺍﻻﺳﺘﺎﺫ
ﺍﻳﻤﺎﻥ ؛؛ ﻻ ﻣﺎﻧﻲ ﻃﺎﻳﺤﻪ ﻓﻴﻪ ﻭﺣﺘﻲ ﺣﻜﻲ ﻋﻠﻲ ﺍﻟﻔﻮﻥ ﻣﺎﻧﺤﻜﻲ ﻣﻌﻪ
ﺭﺣﺎﺀ ؛؛ ﺍﺳﺎﺱ ﻧﺎ ﻣﺴﺘﻐﺮﺑﻪ ﻟﻴﺶ ﻣﻌﺶ ﺗﺤﻜﻲ ﻋﻠﻲ ﺍﻟﻔﻮﻥ ﻫﺬﺍ ﻛﻠﻪ ﺧﻮﻑ ﻣﻦ ﺍﻻﺳﺘﺎﺫ ﺗﺒﻲ
ﺗﻨﺠﺤﻲ ﻭﺍﺗﺠﻴﺒﻲ ﺩﺭﺟﺔ ﺍﻟﻤﻤﺘﺎﺯ
ﺍﻳﻤﺎﻥ ؛؛ ﻭﺍﻟﻠﻪ ﺍﻟﻘﻴﺖ ﺍﻟﻘﺮﺍﻳﻪ ﻣﻦ ﺻﺎﻟﺤﻲ ﺧﻴﺮﻟﻲ ﻣﻦ ﺗﺸﻠﻴﻂ ﻋﻠﻲ ﺍﻟﻔﻮﻥ ﻃﻮﻝ ﺍﻟﻠﻴﻞ
ﺭﺟﺎﺀ ؛؛ ﺑﺎﻫﻲ ﺑﺎﻫﻲ ﻋﻠﻲ ﺍﺳﺎﺱ
ﺍﺻﻼ ﺍﻟﻘﻌﺪﻩ ﻗﺪﺍﻡ ﺍﻟﻮﺟﻪ ﺗﻘﺮﻑ
ﺍﻳﻤﺎﻥ ؛؛ ﻗﺎﻟﺘﻬﺎ
ﻭﻃﻠﻌﺖ ﺭﺟﺎﺀ ﻭﺷﺎﻳﻠﻪ ﻣﻌﻬﺎ ﺍﻛﺘﺒﺎﺗﻬﺎ ﻭﺧﺸﺖ ﺩﺍﺭ ﺍﻟﻀﻴﻮﻑ ﻭﻓﺮﺷﺖ ﺍﻛﺘﺒﺘﻬﺎ ﻭﺑﺪﺕ ﺗﻘﺮﺍ
ﺧﻼﺹ ﺍﻻﻣﺘﺤﺎﻧﺎﺕ ﺍﻟﻨﻬﺎﺋﻴﺔ ﺍﻗﺮﻳﺐ
ﻭﻧﺎ ﻭﺍﻣﻴﺮﻩ ﺍﻧﻬﺪﺭﺯﻭ ﻣﻊ ﻣﺎﻣﺎ
ﺍﻣﻴﺮﻩ ؛؛ ﺍﻟﺒﻨﺎﺕ ﺗﻮ ﺑﻘﻴﺎﺕ ﻳﺸﺮﻃﻦ ﻣﻦ ﺣﺎﻟﻬﻦ ﻧﺒﻮ ﺳﺮﻣﻴﻚ ﻛﺬﺍ ﻧﺒﻮ ﺩﻳﻜﻮﺭ ﻛﺬﺍ ﻭﻧﺒﻲ ﻓﺮﺡ ﻓﻲ
ﻣﻮﻋﺪ ﻛﺬﺍ ﺷﺮﻭﻁ ﺷﺮﻭﻁ ﻭﺧﻼﺹ ﻧﻴﻦ ﺍﻳﺨﺮﺑﻦ ﺑﻴﺘﻬﻦ
ﻧﺎ ؛؛ ﺍﻫﺎ ﻓﻲ ﺍﻟﻨﻬﺎﻳﻪ ﺗﻘﻌﺪ ﺍﺗﺒﻜﺎﺀ ﻣﺎﻧﻲ ﻋﺎﺭﻓﻪ ﻟﻴﺶ ﻟﻴﺶ ﻧﺎﺍﻟﻮﺣﺪﻩ ﺗﺤﻤﺪ ﺭﺑﻬﺎ ﻭﺗﺴﻜﺖ ﺍﻧﻬﺎ
ﺣﺼﻠﺖ ﺭﺍﺟﻞ ﺍﻛﻮﻳﺲ
ﺍﻣﻴﺮﻩ ؛؛ ﻋﺎﺭﻓﻪ ﻳﺎﻣﺎﻣﺎ ﺧﺎﻟﺪ ﻟﻪ ﺗﻮ ﻓﻮﻕ ﻣﻦ 3 ﺍﺷﻬﻮﺭ ﻭﻫﻮ ﻳﺸﻜﻴﻠﻲ ﻣﻦ ﺧﻄﻴﺒﺘﻪ ﺍﻣﻮﺭﺗﻴﻪ ﺍﻟﻮﻳﻞ
ﻣﺎﻣﺎ ؛ ﻫﻴﻴﻴﻴﻴﻴﻲ ﻛﻨﻬﺎ
ﺍﻣﻴﺮﻩ ؛؛ ﺗﺸﺮﻁ ﻳﺎﻣﺎﻣﺎ ﻭﺍﺟﺪ ﻭﻫﻮ ﻣﺎﻝ ﻣﻨﻬﺎ ﺧﻼﺹ ﻭﻛﻞ ﺣﺎﺟﻪ ﺗﺒﻴﻬﺎ ﻓﺨﻤﻪ ﻭﻛﻠﻬﺎ ﻃﻠﺒﺎﺕ ﻧﺒﻲ
ﻫﺬﺍﻙ ﻭﻧﺒﻲ ﻫﺬﺍﻙ
ﻧﺎ ؛؛ ﺑﻌﺪﻙ ﺍﻧﺘﻲ ﻋﺎﺭﻓﺘﻴﻬﺎ ﻣﻜﺘﺒﺮﻩ ﻭﻣﻐﺮﻭﺭﻩ ﻭﺷﺎﻳﻔﻪ ﺭﻭﺣﻬﺎ ﻋﻠﻲ ﺍﻟﻔﺎﺿﻲ
ﻣﺎﻣﺎ ؛؛ ﻛﻴﻒ ﻫﻮ ﻳﺸﻜﻲ ﻋﻠﻲ ﺍﺳﺎﺱ ﺷﻨﻮ
ﺍﻣﻴﺮﻩ ؛؛ ﻋﻠﻲ ﺍﺳﺎﺱ ﺧﻼﺹ ﻛﺒﺪﻩ ﻓﺎﺿﺖ ﻭﻳﺒﻲ ﻳﻔﺴﺦ ﺍﻟﺨﻄﻮﺑﻪ ﻭﻗﺎﻝ ﻫﺬﻩ ﻣﺎﺗﻤﺸﻴﺶ ﻣﻌﻲ
ﻭﻧﺎ ﻧﺒﻲ ﺍﻧﻌﻴﺶ ﻣﻊ ﻭﺣﺪﻩ ﺍﻣﻘﺪﺭﺗﻨﻲ ﻣﺶ ﺍﻧﻌﻴﺶ ﻣﻊ ﻭﺣﺪﻩ ﺗﺸﺮﻁ ﻋﻠﻴﺎ
ﻣﺎﻣﺎ ؛؛ ﻭﺍﻟﻠﻪ ﻛﺎﻥ ﺣﻜﻠﻚ ﺍﺧﺮ ﻗﻮﻟﻴﻪ ﻭﺳﻊ ﺑﺎﻟﻚ ﻭﺍﻧﺘﻲ ﻳﺎﺍﻣﻴﺮﻩ ﺧﻮﺫﻱ ﻓﻮﻥ ﺧﻮﻙ ﻭﺍﺣﻜﻲ ﻣﻌﻬﺎ
ﺍﻣﻴﺮﻩ ؛؛ ﻣﺎﻣﺎ ﺍﻻﻣﻮﺭ ﻫﺬﻳﻦ ﻧﻘﺪﺭﺵ ﻧﺤﻜﻲ ﻓﻴﻬﻦ ﺻﻌﺒﺎﺕ ﻻﻥ ﻫﺬﺍ ﺯﻭﺍﺝ ﻭﺍﺳﺘﻘﺮﺍﺭ ﻭﺑﻨﻲ ﻋﺎﺋﻠﻪ
ﻭﺑﻌﺪﻳﻦ ﺭﺍﻩ ﻗﺎﻟﻲ ﻟﻪ ﻣﺪﻩ ﻣﻌﺶ ﻳﺤﻜﻮ ﻣﻊ ﺑﻌﻀﻬﻢ ﺗﻘﺮﻳﺒﺎ ﺍﻓﺴﺨﻮ ﺍﻟﺨﻄﺒﻪ
ﻣﺎﻣﺎ ؛؛ ﻫﻴﻴﻴﻴﻴﻴﻴﻴﻴﻴﻲ ﻟﻴﺶ ﺍﻟﺪﻭﻩ ﻫﺬﻩ ﻋﻴﺒﻪ ﻓﻲ ﺣﻖ ﺍﻟﻨﺎﺱ
ﻧﺎ ؛؛ ﻣﺎﻣﺎ ﺍﻟﺒﻨﺖ ﻫﻲ ﺍﻟﻠﻲ ﻏﺎﻟﻄﻪ ﻓﻲ ﺣﻘﻪ ﻣﺶ ﻫﻮ ﺍﻟﻠﻲ ﻏﺎﻟﻂ ﺍﻧﺘﻲ ﻋﺎﺭﻓﻪ ﺍﻥ ﺧﺎﻟﺪ ﻫﺎﺩﻱ ﻭ
ﻣﺤﺘﺮﻡ ﻭﺍﺻﻞ ﻫﻲ ﺍﺑﺮﻣﺖ ﻋﻠﻴﻪ ﺑﺮﻡ
ﻭﻗﻌﺪﻧﺎ ﻧﻘﻨﻌﻮ ﻓﻲ ﻣﺎﻣﺎ ﻧﻴﻦ ﺧﺬﺕ ﺍﻻﻣﺮ ﺑﺴﻬﻮﻟﻪ
ﻭﺑﻌﺪ ﻛﻢ ﻳﻮﻡ ﻣﺸﻲ ﻋﻠﻲ ﻭﻋﺎﺩﻝ ﻟﻬﻠﻬﺎ ﻭﺍﻋﺘﺬﺭﻭ ﻣﻨﻬﻢ
ﻭﺍﻟﺒﻨﺎﺕ ﺑﺪﻥ ﻓﻲ ﺍﻻﻣﺘﺤﺎﻧﺎﺕ
ﻭﻓﻲ ﻳﻮﻡ ﻓﻲ ﺍﻟﺼﺒﺢ ﺍﻭﻋﻴﺖ ﻋﻠﻲ ﺻﻮﺕ ﺑﻜﺎﺀ
ﻭﺍﻟﻘﻴﺖ ﺭﺟﺎﺀ ﺗﻘﺮﺍ ﻭﺗﺒﻜﻲ
ﻧﺎ ؛؛ ﺭﺟﺎﺀ ﻛﻨﻚ
ﺭﺟﺎﺀ ؛؛ ﺧﺎﻳﻔﻪ ﻣﻦ ﺍﻟﻤﺎﺩﻩ ﻭﺍﻧﺤﺲ ﻓﻲ ﺭﻭﺣﻲ ﺍﻣﻠﺨﺒﻄﻪ ﻓﻴﻬﺎ
ﻧﺎ ؛؛ ﺑﺎﻫﻲ ﺧﻼﺹ ﺳﻜﺮﻳﻬﺎ ﻭﺻﺒﻲ ﻏﻴﺮﻱ ﺩﺑﺸﻚ ﻭﺻﻠﻲ ﻭﺗﻌﺎﻟﻲ ﺍﻓﻄﺮﻱ ﻭﺭﺍﺟﻌﻲ ﺑﻌﺪﻫﺎ
ﺭﺟﺎﺀ ؛؛ ﺑﺎﻫﻲ
ﻭﺻﺒﺖ ﺭﺟﺎﺀ ﻭﻋﺪﺕ ﻟﺤﻤﺎﻡ ﻭﺧﺸﻴﺖ ﻟﺪﺍﺭﻫﻦ ﻭﺍﻟﻘﻴﺖ ﺍﻳﻤﺎﻥ ﺣﺘﻲ ﻫﻴﺎ ﺗﻘﺮﺍﺀ
ﺍﻳﻤﺎﻥ ؛؛ﺻﺒﺎﺡ ﺍﻟﺨﻴﺮ ﻭﻳﻪ ﺩﻳﺮﻟﻲ ﻗﻬﻮﻩ ﻭﺭﺍﺳﻚ
ﻧﺎ ؛؛ ﻫﻬﻬﻪ ﺻﺒﺎﺡ ﺍﻟﻨﻮﺭ ﺣﺎﺿﺮ ﺗﻮ ﺍﻧﺪﻳﺮﻟﻚ
ﻭﻣﺸﻴﺖ ﻭﺗﻴﺘﻠﻬﻦ ﺳﻔﺮﺓ ﻓﻄﻮﺭ ﻃﺒﻌﺎ ﺍﻳﻤﺎﻥ ﺍﻓﻄﺮﺕ ﺍﻛﻮﻳﺲ ﺑﺲ ﺭﺟﺎﺀ ﻣﻦ ﺿﻴﺎﻕ ﺍﻟﻌﻠﻢ
ﻣﺎﺍﻓﻄﺮﺗﺶ ﺍﻛﻮﻳﺲ
ﻭﻧﺰﻝ ﻋﻠﻴﻨﺎ ﻋﺎﺩﻝ
ﻋﺎﺩﻝ؛؛ ﺻﺒﺎﺡ ﺍﻟﺨﻴﺮ
ﻧﺤﻦ؛ ؛ ﺻﺒﺎﺡ ﺍﻟﻨﻮﺭ
ﻧﺎ ؛؛ ﺍﻧﺼﺒﻠﻚ ﻗﻬﻮﻩ
ﻋﺎﺩﻝ ؛؛ ﺍﻫﺎ ﺻﺒﻴﻠﻲ ﻭﻫﻴﺎ ﺍﻟﻠﻲ ﻛﻤﻠﺖ ﻓﻄﻮﺭﻫﺎ ﺍﺗﻌﺪﻱ ﺍﺗﻮﻟﻊ ﺍﻟﺴﻴﺎﺭﻩ
ﺍﻳﻤﺎﻥ ؛؛ ﻫﺎﺕ ﻫﺎﺕ ﺗﻮ ﺍﻧﻮﻟﻌﻬﺎ ﺍﻧﺎ
ﻭﺧﺬﺕ ﺍﻳﻤﺎﻥ ﺍﻟﻤﻔﺘﺎﺡ ﻭﺍﻃﻠﻌﺖ ﺍﺑﺴﺮﻋﻪ
ﻋﺎﺩﻝ ؛؛ ﺭﺟﺎﺀ ﻛﻨﻚ ﺗﺒﻜﻲ ﻋﻠﻲ ﺍﻟﺼﺒﺢ
ﺭﺣﺎﺀ ،؛ ﻋﻠﻲ ﺍﻟﻤﺎﺩﻩ ﻭﺍﻋﺮﻩ
ﻋﺎﺩﻝ ؛؛ ﺍﻫﺎ ﺑﺎﻫﻲ ﺧﻼﺹ ﺳﻜﺮﻱ ﻣﻌﺶ ﺍﺗﻠﺨﺒﻄﻲ ﺭﻭﺣﻚ ﻭﺍﺟﺪ ﺍﻟﻴﻮﻡ ﺍﺧﺮ ﻳﻮﻡ ﺻﺢ ﻓﻲ
ﺍﻻﻣﺘﺤﺎﻧﺎﺕ
ﺭﺟﺎﺀ ؛؛ ﺍﻫﺎ
ﻧﺎ ؛؛ ﺑﺎﻫﻲ ﺭﺑﻲ ﺍﻳﻮﻓﻘﻜﻦ ﺍﻥ ﺷﺎﺀﺍﻟﻠﻪ
ﻭﻭﻋﺖ ﻣﺎﻣﺎ ﻭﺧﺸﺖ ﻗﻌﻤﺰﺕ ﻣﻌﻨﺎ ﻓﻲ ﺍﻟﻤﻄﺒﺦ
ﻋﺎﺩﻝ ؛؛ ﺗﺒﻲ ﺣﺎﺟﻪ ﻳﺎﺍﻣﻲ
ﻣﺎﻣﺎ ؛؛ ﻻﻻ ﺳﻼﻣﺘﻚ ﺑﺲ ﺭﺍﻩ ﺧﻮﺍﺗﻚ ﻳﺒﻦ ﻫﺎﻟﺴﻮﻕ ﻳﺒﻦ ﻳﺸﺮﻥ ﺩﺑﺶ ﻋﻠﻲ ﻫﺎﻟﺼﻴﻒ ﺍﻟﻠﻲ ﺧﺶ
ﻋﺎﺩﻝ ؛؛ ﻳﻴﻴﻴﻴﻴﻲ ﻧﺎ ﻣﺎﺍﻧﺤﺒﻪ ﺑﻜﻞ ﻃﻠﻌﺖ ﺍﻟﺴﻮﻕ ﺍﻟﻠﻲ ﻳﺒﻨﻬﺎ ﺍﻳﻘﻮﻟﻨﻬﺎ ﻟﻴﺎ ﻭﻧﺎ ﺗﻮ ﺍﻧﺠﻴﺒﻠﻬﻦ ﻟﻌﻨﺪ
ﻫﻨﺎ
ﻣﺎﻣﺎ ؛؛ ﻛﻨﻚ ﻳﺎﻋﺎﺩﻝ ﻫﻦ ﺿﺮﻭﺭﻱ ﻳﻤﺸﻦ ﻛﻨﻚ ﺍﻧﺖ ﻳﺒﻦ ﻳﺨﺘﺎﺭﻥ ﺑﺮﻭﺣﻬﻦ ﻭﺍﻳﻘﻴﺴﻦ
ﻋﺎﺩﻝ ؛؛ ﺑﺎﻫﻲ ﺍﻟﻠﻲ ﺗﻄﻠﻊ ﺗﻼﺑﺲ ﺧﻤﺎﺭ ﻭﺭﺍﻩ ﻧﺒﻲ ﺍﻧﺸﻴﻠﻬﻦ ﻟﻠﻤﺤﻼﺕ ﻣﻌﻴﻨﺎﺕ
ﻣﺎﻣﺎ ؛؛ ﺑﺎﻫﻲ ﺳﺎﻫﻠﻪ
ﻭﻃﻠﻌﻮ
ﻣﺎﻣﺎ ؛؛ ﻭﻳﻪ ﻛﺬﺍ ﻣﺪﻳﻠﻲ ﻃﺎﺳﻪ ﻧﺒﻲ ﺍﻧﺼﺐ ﺷﺎﻫﻲ
ﻧﺎ ؛؛ ﺑﻪ ﺣﺎﺿﺮ
ﻭﺻﺒﻴﺖ ﻭﻣﺪﻳﺘﻠﻬﺎ ﺍﻟﻄﺎﺳﻪ
ﻣﺎﻣﺎ ؛؛ ﻭﻳﻪ ﻧﺒﻴﻚ ﻓﻲ ﻣﻮﺿﻮﻉ
ﻧﺎ ؛، ﻧﻌﻢ ﻳﺎﻣﺎﻣﺎ ﺷﻦ ﻓﻲ
ﻣﺎﻣﺎ ؛؛ ﻭﻳﻪ ﺍﻧﺘﻲ ﺟﻴﺎﻧﻚ ﻋﺮﺏ ﻳﺨﻄﺒﻮ ﻓﻴﻚ
ﻧﺎ ؛؛ ﺍﻣﺘﻲ ﺟﻮ
ﻣﺎﻣﺎ ؛ ﻫﻢ ﻣﺎﺯﺍﻟﻮ ﻣﺎﺟﻮ ﺑﺲ ﻫﻢ ﺩﺯﻭﻟﻲ ﻭﺣﺪﻩ
ﻧﺎ ؛؛ ﻣﺎﻣﺎ ﻧﺎ ﺣﺎﻟﻴﺎ ﻧﺒﻴﺶ ﻧﺰﻭﺝ
ﻣﺎﻣﺎ ؛؛ ﻭﻟﻴﺶ ﻳﺎﺍﺑﻨﻴﺘﻲ ﻭﺳﻌﻲ ﺑﺎﻟﻚ ﻣﺶ ﻛﺎﻥ ﻣﺮﺗﻲ ﺑﻤﺮﺣﻠﻪ ﺷﻴﻨﻪ ﺗﺤﺴﺎﺑﻲ ﺍﻟﻨﺎﺱ ﻛﻠﻪ ﻛﻴﻒ
ﺑﻌﻀﻬﺎ
ﻧﺎ ؛؛ ﻣﺎﻣﺎ ﻧﺒﻲ ﻧﻘﻌﺪ ﻣﻌﺎﻙ ﻫﻨﺎ
ﻣﺎﻣﺎ ؛؛ ﺍﺑﻨﺘﻴﺘﻲ ﻧﺎ ﻧﺒﻲ ﺍﻧﺘﺮﻳﺢ ﻋﻠﻴﻜﻦ ﻭﻧﺎ ﺍﻟﻠﻲ ﻋﻨﺪﻱ ﺍﻟﻠﻲ ﺗﻤﺸﻲ ﺗﻤﺸﻲ ﻭﺍﻧﺘﻲ ﺑﺬﺍﺕ ﻧﺒﻲ
ﺍﻧﺘﺮﻳﺢ ﻋﻠﻴﻜﻲ ﻭﻧﺎ ﻋﺎﺭﻓﺘﻚ ﺍﻧﺘﻲ ﻭﺍﺧﺬﻩ ﺍﺭﺿﻲ ﻭﻟﺪﻳﻦ ﻭﻣﺶ ﺡ ﺗﺘﻌﺒﻲ ﺍﺧﺮ ﺳﺎﺩ ﻣﺎﺷﻔﺘﺐ
ﻭﺍﻧﺘﻲ ﺍﺻﻐﻴﺮﻩ
ﻧﺎ ؛؛ ﻣﺎﻣﺎ ﻭﺍﻟﻠﻪ ﻣﺎﻋﻨﺪﻱ ﻧﻴﻪ ﻧﻨﺨﻄﺐ ﺍﺧﺮ ﻭﺍﻧﺨﺶ ﻓﻲ ﻭﺟﻴﺞ ﻣﺘﻌﺐ
ﻣﺎﻣﺎ ؛؛ ﺍﻧﺘﻲ ﺣﺮﺑﻲ ﺷﻦ ﺧﺎﺳﺮﻩ ﺭﺍﻩ ﺍﻟﻨﺎﺱ ﻣﺶ ﻛﻴﻒ ﺑﻌﻀﻬﺎ ﻣﺶ ﻛﺎﻥ ﻭﺍﺣﺪ ﻏﻠﻂ ﻳﻌﻨﻲ ﺍﻟﻤﺎﺱ
ﻛﻠﻬﺎ ﺗﻐﻠﻂ
ﻧﺎ ؛؛ ﺑﺎﻫﻲ ﻣﻦ ﻭﻭﻟﺪ ﻣﻦ ﻭﺷﻦ ﺧﺪﻣﺘﻪ
ﻣﺎﻣﺎ ؛؛ ﺩﻛﺘﻮﺭ ﺑﺲ .........
ﻧﺎ ؛؛ ﺑﺲ ﺷﻦ
ﻣﺎﻣﺎ ؛؛ ﻣﻄﻠﻖ ﻭﻋﻨﺪﻩ ﻋﻮﻳﻞ
ﻧﺎ ؛؛ ﺍﺧﺮ ﻣﻄﻠﻖ ﻻﻻﻻﻻﻻ ﻣﺴﺘﺤﻴﻞ ﻧﺮﺿﻲ ﻫﺬﻩ ﻧﻬﺎﻳﺘﻲ ﻧﺎﺧﺬ ﻣﻄﻠﻖ ﻭﻣﺮﺍﺕ ﺍﻳﺠﻴﻨﻲ ﻭﺍﻳﻘﻮﻟﻲ
ﻧﺒﻲ ﺍﻧﺮﺩ ﻣﺮﺍﺗﻲ ﻻﻻﻻﻻ ﻳﺎﻣﺎﻣﺎ ﻋﻨﺪﻱ ﻧﺎ ﻗﻌﺪﺗﻲ ﻫﻨﺎ ﺟﻨﺒﻚ ﺑﺪﻧﻴﺎ ﻭﻣﺎﻓﻴﻬﺎ ﻧﺎ ﻋﻨﺪﻱ ﺍﻧﻮﺣﺲ ﻟﻜﻲ
ﻭﻻ ﺍﻧﺤﻮﺱ ﻟﺮﺍﺟﻞ ﻣﻄﻠﻖ ﻫﻮ ﻭﺍﻋﻴﺎﻟﻪ
ﻣﺎﻣﺎ ؛؛ ﺍﻳﻪ ﺭﺍﻩ ﺭﺍﺟﻞ ﺍﻛﻮﻳﺲ ﻭﻣﺤﺘﺮﻡ
ﻧﺎ ؛؛ ﻣﺎﻣﺎ ﻛﺎﻥ ﻫﻮ ﺍﻛﻮﻳﺲ ﺭﺍﻩ ﻣﺴﻚ ﻣﺮﺍﺗﻪ ﻭﺗﺤﻤﻞ ﻋﻠﻲ ﺧﺎﻃﺮ ﻋﻮﻳﻠﻪ ﻭﺍﻧﺘﻲ ﻋﺎﺭﻓﻪ ﺍﻟﺼﺒﺎﻳﺎ ﻣﺎ
ﺍﻳﺨﺮﺑﻨﺶ ﻋﻠﻲ ﺭﻭﺣﻬﻦ ﺍﻻ ﻟﻤﺎ ﻳﻠﻘﻨﻲ ﺍﻟﺮﺍﺟﻞ ﻣﺶ ﻣﻨﺎﺳﺐ ﻟﻬﻦ ﻭﻳﺎﺭﻳﺖ ﻳﺎﻣﺎﻣﺎ ﺗﻨﺴﻲ ﺍﻟﻤﻮﺿﻮﻉ
ﻫﺬﺍ ﻻﻧﻲ ﻣﺎﻧﺒﻴﺶ ﻧﻨﺨﻄﺐ ﺧﻼﺹ
ﻣﺎﻣﺎ ؛؛ ﺑﻪ ﺭﺑﻲ ﻳﻬﺪﻳﻚ ﺍﻥ ﺷﺎﺀﺍﻟﻠﻪ
ﻭﺻﻴﺖ ﻭﺑﺮﻣﺖ ﻋﻠﻲ ﺍﻟﺤﻮﺵ ﻭﻭﻋﺖ ﺍﻣﻴﺮﻩ ﻭﺩﺍﺭﺕ ﺍﻟﻐﺪﺍﺀ ﻭﺭﻭﺣﻦ ﻟﻠﺒﻨﺎﺕ ﻣﻦ ﺍﻟﻤﺪﺭﺳﻪ
ﻭﻃﻴﺮﺍﺕ ﻣﻦ ﺍﻟﻔﺮﺣﻪ
ﻧﺎ ؛؛ ﺭﺟﺎﺀ ﺷﻦ ﺻﺎﺭ ﻓﻲ ﺍﻟﻤﺎﺩﻩ ﺣﻠﻴﺘﻲ
ﺭﺟﺎﺀ ؛؛ ﺍﻟﺤﻤﺪﺍﻟﻠﻪ ﻋﻠﻲ ﻗﺪ ﺍﻟﺨﻮﻑ ﺍﻟﻠﻲ ﻛﻨﺖ ﺧﺎﻳﻔﻪ ﻣﻨﻬﺎ ﻋﻠﻲ ﻗﺪ ﺍﻟﺤﻞ ﺍﻟﻠﻲ ﺣﻠﻴﺘﻪ ﺣﻞ ﺍﻳﻬﺒﻞ
ﻭﺧﺸﻦ ﻏﻴﺮﻥ ﺩﺑﺸﻬﻦ ﻭﺣﻄﻴﻦ ﺍﻟﻐﺪﺍﺀ ﻭﺟﺖ ﺍﻟﻘﺎﻳﻠﻪ
ﺍﻳﻤﺎﻥ ؛؛ ﻭﻳﻪ ﺗﻌﺎﻟﻲ ﻧﺒﻴﻚ
ﻧﺎ ؛ ﻧﻌﻢ
ﺍﻳﻤﺎﻥ ؛؛ ﺗﻌﺎﻟﻲ
ﻭﺧﺸﻴﺖ ﻣﻌﻬﺎ ﻟﻠﺪﺍﺭ ﻭﺧﺸﻴﻨﺎ ﻓﻲ ﺳﺮﻳﺮ ﻭﺍﺣﺪ
ﺍﻳﻤﺎﻥ ؛؛ ﻋﺎﺭﻓﻪ ﺍﻻﺳﺘﺎﺫ ﺍﻟﻠﻲ ﻧﺤﻜﻴﻠﻚ ﻋﻠﻴﻪ
ﻧﺎ ؛؛ ﻛﻨﻪ ﺷﻦ ﺻﺎﺭ ﺍﺧﺮ
ﺍﻳﻤﺎﻥ ؛؛ ﺍﻟﻴﻮﻡ ﺟﺘﻨﻲ ﻭﺣﺪﻩ ﻭﻗﺎﻟﺘﻠﻲ ﻋﻠﻴﻪ ﻭﻗﺎﻟﺘﻠﻲ ﺭﺍﻩ ﻳﺒﻲ ﺍﻳﺠﻴﺐ ﻫﻠﻪ
ﻧﺎ ؛؛ ﻛﻴﻒ ﺍﻧﺘﻲ ﺗﺤﻜﻲ ﻣﻌﻪ
ﺍﻳﻤﺎﻥ ؛؛ ﻳﺎﻫﻤﻲ ﻛﺎﻥ ﻧﺤﻜﻲ ﻣﻌﻪ ﺭﺍﻩ ﻗﺎﻟﻬﺎ ﻟﻴﺎ ﻫﻮ ﺍﺑﺮﻭﺣﻪ
ﻧﺎ ؛؛ ﻭﻟﻴﺶ ﻣﺎﺣﻜﻴﺘﻲ ﻣﻌﻪ
ﺍﻳﻤﺎﻥ ؛؛ ﻻﻥ ﺯﻣﺎﻥ ﺟﺎ ﻳﺒﻲ ﻳﺤﻜﻲ ﻣﻌﻲ ﺳﻜﺮﺗﻬﺎ ﻟﻪ ﻓﻲ ﻭﺟﻪ ﻭﻗﺎﻟﺘﻪ ﻣﺎﻋﻨﺪﻳﺶ ﻓﻮﻥ ﻭﻫﻠﻲ
ﺭﺍﻗﻀﻴﻦ ﺍﻧﺪﻳﺮ ﻓﻮﻥ ﻭﻫﻮ ﺣﺴﻬﺎ ﺷﻴﻨﻪ ﻓﻲ ﺣﻖ ﻫﻠﻲ ﺍﻳﺪﻳﺮﻟﻲ ﻓﻮﻥ ﻣﻦ ﻭﺭﺍﻫﻢ
ﻧﺎ ؛؛ ﺑﺎﻫﻲ ﻭﺍﻟﻠﻪ ﺍﻛﻮﻳﺲ
ﻭﺧﺸﺖ ﻋﻠﻴﻨﺎ ﺭﺟﺎﺀ ﻭﺑﻌﺪﻫﺎ ﺍﻣﻴﺮﻩ
ﺗﻲ ﻓﻴﺶ ﺗﺤﻜﻦ ﺍﻧﺘﻦ ﻭﻛﻠﻨﺎ ﺧﺸﻴﻨﺎ ﻓﻲ ﺳﺮﻳﺮ ﻭﺍﺣﺪ ﻭﻗﻌﺪﻥ ﻧﺤﻜﻮ
ﻭﺣﻜﺖ ﺍﻳﻤﺎﻥ ﻣﻮﺿﻮﻋﻬﺎ
ﻧﺎ ؛؛ ﺍﺗﺼﺪﻗﻦ ﻳﺎ ﺑﻨﺎﺕ ﺟﺎﻳﻨﻲ ﻭﺍﺣﺪ ﺑﻌﻴﺎﻟﻪ ﻳﺨﻄﺐ ﻓﻴﺎ
ﺭﺣﺎﺀ ؛؛ ﻫﻬﻬﻬﻬﻬﻬﻬﻬﻬﻬﻪ ﻫﺬﻩ ﻧﻬﺎﻳﺘﻬﺎ ﺑﻌﻴﺎﻟﻪ
ﻧﺎ ؛؛ ﻫﻬﻬﻬﻬﻬﻬﻬﻬﻬﻬﻬﻪ ﺷﻔﺘﻲ ﺑﺨﺘﻲ ﺍﻟﻌﻄﻴﺐ
ﺧﻄﺮﻫﺎ ﻳﺎ ﺭﺟﺎﺀ ﻫﻴﺎ ﺍﺣﻜﻴﻠﻲ ﻣﻦ ﺍﻟﻠﻲ ﺗﺤﻜﻲ ﻣﻌﻪ
ﺭﺟﺎﺀ ؛؛ ﺩﻛﺘﻮﺭ ﺳﺮﺍﺝ ﺩﻛﺘﻮﺭ ﻣﺎﻣﺎ
ﻧﺎ ؛؛ ﻫﻴﻴﻴﻴﻴﻴﻴﻴﻴﻲ ﺳﺮﺍﺝ ﺍﻟﻠﻲ ﺍﻳﻬﺒﻞ ﻫﺬﺍﻙ
ﺭﺟﺎﺀ ؛؛ ﻫﻬﻬﻬﻬﻬﻬﻪ ﺷﻔﺘﻴﻪ ﺍﻳﻬﺒﻞ ﺻﺢ
ﺍﻣﻴﺮﻩ ؛؛ ﻧﻘﺎﻣﻪ ﺍﻳﻬﺒﻞ ﻭﻛﻴﻒ ﻃﻴﺤﺘﻴﻪ
ﺭﺟﺎﺀ ؛؛ ﻫﻬﻬﻬﻬﻪ ﻭﺍﻟﻠﻪ ﻣﺎﻃﻴﺤﺘﻪ ﺍﻟﻘﻴﺘﻪ ﻃﺎﻳﺢ ﺍﺑﺮﻭﺣﻪ ﻭﻳﻮﻡ ﺍﻟﻠﻲ ﻗﻌﺪﺕ ﻓﻲ ﺍﻟﻤﺴﺘﺸﻔﻲ ﺍﻭﺣﺪﻱ
ﺟﺎ ﻫﻮ ﻭﺳﻬﺮ ﻣﻌﻲ ﻟﻌﻨﺪ ﺍﻟﺼﺒﺢ
ﺍﻳﻤﺎﻥ ؛ ﻫﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﻋﺎﺭﻓﺘﻚ ﻣﺶ ﺡ ﺍﺗﻜﺴﺪﻱ ﺍﻭﺣﻚ ﻓﻲ ﺍﻟﻤﺴﺘﺸﻔﻲ
ﺍﻣﻴﺮﻩ ؛؛ ﺣﺘﻲ ﻧﻌﻴﻤﻪ ﻋﺎﺭﻓﺘﻚ ﻭﻗﺎﻟﺖ ﻣﺶ ﺡ ﺍﺕﻻﻳﺢ ﺭﻭﺣﻪ ﺍﻟﺒﻨﺖ ﻫﺬﻩ
ﻧﺎ ؛؛ ﻋﺎﺭﻓﻴﻨﻚ ﻭﺟﺎﺟﻪ ﻭﺍﺗﺨﺒﻲ ﺍﻟﻮﺟﻴﺞ
ﺭﺟﺎﺀ ؛؛ ﻳﺎﻣﻈﻠﻮﻡ ﻣﻌﺎﻙ ﺍﻟﻠﻪ ﻭﺍﻟﻠﻪ ﻣﺎﺧﻄﺘﺖ ﻟﻤﻮﺿﻮﻋﻪ ﺑﻜﻞ ﻫﻮ ﺍﻟﻠﻲ ﻃﺎﻳﺢ ﺑﻜﺒﺪﻩ ﻋﻠﻴﺎ
ﺍﻣﻴﺮﻩ ؛؛ ﺑﺎﻫﻲ ﻫﻴﺎ ﻋﻴﺎ ﺍﺣﻜﻲ ﺷﻦ ﺍﻟﻠﻲ ﺻﺎﻳﺮ ﺑﺎﻟﺘﻔﺼﻴﻞ
ﻭﺣﻜﺖ ﺭﺟﺎﺀ ﺍﻟﻤﻮﺿﻮﻉ ﻛﻠﻪ
ﻭﻗﻌﺪﻥ ﺍﻧﻬﺪﺭﺯﻭ ﻣﻊ ﺑﻌﻀﻨﺎ ﻭﻧﻀﺤﻜﻮ ﻟﻌﻨﺪ ﺍﻟﻌﺸﻴﻪ ﻭﺟﺖ ﻣﺮﻭﻩ ﻣﺮﺍﺕ ﻋﻠﻲ ﻭﺍﻗﻌﺪﺕ ﺍﺗﻬﺪﺭﺯ ﻣﻌﻨﺎ
ﻭﻣﻌﺶ ﻗﺪﺭﻧﺎ ﻧﻄﻠﻌﻮ ﻟﺴﻮﻕ
ﻭﻋﻨﺪ ﺍﻟﻤﻐﺮﺏ
ﻭﺩﻕ ﺍﻟﺒﺎﺏ
ﺍﻣﻴﺮﻩ ؛؛ ﺗﻮ ﻧﻄﻠﻊ ﺍﻧﺎ ﺍﻗﻌﺪﻥ ﺍﻧﺘﻦ
ﻭﺻﺒﺖ ﺍﻣﻴﺮﻩ ؛؛ ﻭﻟﻘﺖ ﻣﺮﺍﻩ ﻭﺧﺸﺸﺘﻬﺎ ﻓﻲ ﺩﺍﺭ ﺍﻟﻀﻴﻮﻑ
ﻭﻧﺎ ﻭﺍﻟﺒﻨﺎﺕ ﻣﺘﻔﺎﺟﺎﺕ ﻣﻦ ﺍﻟﻠﻲ ﺟﻴﻨﺎ ﺗﻮ ﻭﺷﻦ ﻳﺒﻲ
ﻭﺟﺘﻨﺎ ﺍﻣﻴﺮﻩ ﺗﺠﺮﻱ
ﺍﻣﻴﺮﻩ ؛ﻣﺎﻣﺎ ﻣﺮﺍﻩ ﻏﺮﻳﺒﻪ ﺗﺒﻴﻚ
ﻣﺎﻣﺎ ؛؛ ﺍﻟﻄﻒ ﻣﻦ ﺍﻟﻐﺮﻳﺒﻪ ﻫﺬﻩ
ﻭﺳﻘﻤﺖ ﺭﻭﺣﻬﺎ ﻭﺧﺸﺖ ﻋﻠﻴﻬﺎ
ﻳﺘﺒﻊ
