ﺗﺎﻧﻲ ﻳﻮﻡ ﺍﻭﻋﻴﺖ ﻋﻠﻲ ﺻﻮﺕ ﺣﺎﺟﻪ ﻃﺎﺣﺖ ﺍﻧﻜﺴﺮﺕ ﻭﺧﺶ ﻋﻠﻴﺎ ﻣﺮﺍﺩ ﻭﺍﻋﻴﻮﻥ ﻣﻠﻴﻨﺎﺕ ﻏﻀﺐ
ﻭﻧﺎﺭ
ﻣﺮﺍﺩ ؛؛ ﺍﻳﻪ ﺻﺒﻲ ﻳﺎ ﺍﻳﻪ ﺍﻧﺘﻲ ﺷﻜﻠﻚ ﻭﺣﺪﻩ ﺣﻘﻴﺮﻩ ﻭﺍﻏﻠﻄﺖ ﻟﻤﺎ ﺧﺬﻳﺘﻚ ﺻﺒﻲ ﺗﺤﺴﺎﺑﻴﻨﻲ ﺭﺍﻗﺪ
ﻋﻠﻲ ﺍﻭﺫﺍﻧﻲ ﻛﻴﻒ ﺗﺤﻘﻴﺶ ﻓﻴﺎ ﺭﺍﺟﻞ ﻭﻻ ﺷﻨﻮ
ﻧﺎ ؛؛ ﺍﻧﺼﺪﻣﺖ ﻭﺻﺒﻴﺖ ﻭﺗﻤﻴﺖ ﺍﻧﺒﺤﺖ ﻓﻲ ﻣﺮﺍﺩ
ﻣﺮﺍﺩ ؛؛ ﻟﻴﺶ ﻣﺎ ﺗﺤﻜﻲ ﻣﻦ ﺍﻭﻟﻬﺎ ﻟﻴﺶ ﺍﻥ ﻋﻨﺪﻙ ﻣﺎﺿﻲ ﺍﺳﻮﺩ ﻭﻣﺎ ﺗﺒﻨﻴﺶ ﺍﻧﺠﻲ ﺷﻮﺭﻙ ﻋﻠﻲ
ﺍﺳﺎﺱ ﻣﺘﺤﺸﻤﻪ ﻳﻌﻨﻲ ﺷﻦ ﻣﺶ ﺭﺍﺿﻴﻪ ﻋﻠﻴﺎ ﻟﻴﺶ ﺍﺗﻮﺍﻓﻘﻲ ﻭﻻ ﺟﻴﺘﻨﻲ ﺗﺒﻲ ﺗﻤﺴﺤﻲ ﻣﺎﺿﻴﻚ
ﺍﻧﺘﻲ ﻭﺍﺧﺘﻚ ﻋﻠﻴﺎ
ﻭﺧﺬﺍ ﺍﻟﻮﻧﺎﺳﻪ ﻭﻛﺴﺮﻫﺎ ﻭﻧﺎ ﻗﻌﺪﻩ ﻋﻠﻲ ﺍﻟﺴﺮﻳﺮ ﻭﺍﻧﻮﺧﺮ ﻓﻲ ﺭﻭﺣﻲ ﻭﻧﺒﻜﻲ ﻣﺘﻔﺎﺟﺎﻩ ﺑﺸﻜﻞ ﻣﺮﺍﺩ
ﻛﻴﻒ ﻗﺎﻋﺪ ﻣﺘﻮﺣﺶ
ﻧﺎ ﻣﺎﻋﻤﺮﻱ ﻭﺍﺣﺪ ﻏﻔﻠﻨﻲ ﺗﺒﻲ ﺍﺗﺠﻲ ﺍﻧﺘﻲ ﻳﺎ ﻓﺮﺧﻪ ﻭﺍﺩﻳﺮﻱ ﻓﻴﺎ ﻫﻜﻲ
ﻭﺟﺎ ﺷﻮﺭﻱ ﻭﻣﺴﻜﻨﻲ ﻣﻦ ﻋﻨﺪ ﺷﻌﺮﻱ
ﻧﺎ ؛؛ ﺍﻫﺎﺍﺍﺍﺍﺍﺍﺍﺍ ﺷﻌﺮﻱ ﺷﻌﺮﻱ
ﻣﺮﺍﺩ ؛؛ ﻧﺎ ﺍﻟﻠﻲ ﺭﺍﺟﻠﻚ ﻣﺶ ﻣﺘﻘﺮﺏ ﻣﻨﻚ ﻭﺍﻣﺲ ﻛﻴﻒ ﺷﻔﺘﻬﺎ ﺍﻟﺸﻮﻓﻪ ﺍﻟﻠﻲ ﻓﻲ ﺭﻗﺒﺘﻚ ﻭﺍﻟﻨﺎﺱ
ﺍﻻﺧﺮ ﻋﺎﺩﻱ ﺻﺎﺡ ﺍﺗﻘﺮﺏ ﻣﻨﻚ ﻭﺗﻌﺮﻑ ﺗﻔﺎﺻﻴﻞ ﺟﺴﻤﻚ ﻳﺎ ﺣﻘﻴﺮﻩ ﺩﺍﻳﺮﻩ ﺭﻭﺣﻚ ﺷﺮﻳﻔﻪ
ﻧﺎ ؛ ﺍﻫﺎﺍﺍﺍ ﻳﺎ ﻣﺮﺍﺩ ﻛﻨﻚ ﻭ ﺍﻟﻠﻪ ﻣﺎﻧﻲ ﺩﺍﻳﺮﻩ ﺣﺎﺟﻪ
ﻣﺮﺍﺩ ؛؛ ﺗﺤﻠﻔﻴﺶ ﻳﺎ ﺣﻘﻴﺮﻩ ﺻﻜﺮﻱ ﻓﻤﻚ ﺻﻮﺗﻚ ﻫﺬﺍ ﻧﺒﻴﺶ ﻧﺴﻤﻌﻪ
ﺻﺎﺭ ﻧﺎ ﻣﺶ ﻋﺎﺟﺒﻚ ﺻﺎﺭ ﻭﺗﺒﻜﻲ ﻭﻣﺎ ﺗﺒﻨﻴﺶ
ﻟﻴﺶ ﻣﺎ ﻛﻠﻤﺘﻨﻲ ﻭﻗﺎﻟﺘﻴﻬﺎ ﻟﻴﺎ ﺑﻪ ﺍﻧﻘﻮﻝ ﺍﻧﻚ ﺧﺎﻳﻔﻪ ﻣﻦ ﺧﻮﺗﻚ ﻭﻣﺎﺗﺒﻴﺶ ﺍﺗﻘﻮﻟﻲ ﻻ
ﻟﻴﺶ ﻣﺎ ﻗﺎﻟﺘﻴﻬﺎ ﻟﻴﺎ ﻣﺎ ﻗﻌﺪﻧﺎ ﺍﻭﺣﺪﻧﺎ ﻟﻴﺶ ﻟﻴﺶ
ﻭﻻ ﺗﺒﻴﻨﻲ ﺑﻴﺶ ﻧﺴﺘﺮﻙ ﻳﺎ ﺣﻘﻴﺮﻩ ﻧﺴﺘﺮ ﺍﻋﻤﺎﻟﻚ ﺍﻟﺤﻘﻴﺮﻩ
ﻭﻋﺰﻗﻨﻲ ﻋﻠﻲ ﺍﻟﺴﺮﻳﺮ ﺑﻘﻮﻩ ﻭﺻﺒﺎ ﻭﻗﻌﺪ ﺍﻳﺨﺒﻂ ﻭﺧﺬ ﻛﺮﺳﻲ ﺍﻣﺘﻊ ﺍﻟﺰﻳﻨﻪ ﻭﺭﻓﻊ ﻓﻮﻕ
ﻭﻧﺎ ﻟﻤﺎ ﺷﻔﺘﻪ ﺭﻓﻌﻪ ﺧﺸﻴﺖ ﻓﻲ ﺯﻭﺍﻳﺔ ﺍﻟﺪﺍﺭ ﻭﺧﺸﻴﺖ ﻓﻲ ﺭﻭﺣﻲ
ﻧﺎ : ؛ ﻧﺎ ﻗﻌﺪﺕ ﻧﺒﻜﻲ ﻭﺍﻧﻌﻴﻂ
ﻻﻻﻻﻻ ﻭﺭﺍﺱ ﻣﺮﺍﺩ ﻻﻻﻻ
ﻣﺮﺍﺩ ؛؛ ﺑﺤﺖ ﻓﻴﺎ ﻭﺧﺬﻩ ﻭﻧﺰﻟﻪ ﻟﻮﻃﻪ
ﻭﻃﻠﻊ ﺑﺮﻩ ﻭﻗﻌﺪ ﺍﻳﺪﺧﻦ
ﻭﻧﺎ ﺻﺒﻴﺖ ﻭﻗﻌﻤﺰﺕ ﻋﻠﻲ ﺍﻟﺴﺮﻳﺮ ﻭﺗﻤﻴﺖ ﻧﺒﻜﻲ ﺍﻗﺮﻳﺐ ﺳﺎﻋﻪ
ﻭﺑﻌﺪﻫﺎ ﻓﻜﺮﺓ ﻭﻗﺎﻟﺖ ﻟﺰﻡ ﻫﻮ ﻳﻌﺮﻑ ﻭﻫﻮ ﺭﺍﺟﻠﻲ ﻭﻻﺯﻡ ﻳﻌﺮﻑ
ﻓﻜﺮﺓ ﻭﺟﺘﻨﻲ ﺟﺮﺍﻩ ﻭﻃﻠﻌﺖ ﻭﺷﻔﺘﻪ ﺍﻣﻘﻌﻤﺰ ﻭﺍﻳﺪﺧﻦ
ﻣﺮﺍﺩ ؛ﺍﺑﺮﻣﻲ ﻭﺟﻚ ﻭﺧﺸﻲ ﺑﺪﻭﻥ ﻣﺎ ﺗﺤﻜﻲ ﻭﻻ ﻛﻠﻤﻪ
ﻧﺎ ؛؛ ﻣﺮﺍﺩ ﺍﻧﺖ ﺍﺳﻤﻌﻨﻲ ﻗﺒﻞ ﻭﺍﻋﺮﻑ ﻭﺑﻌﺪﻫﺎ ﺍﺣﻜﻢ ﻭﻧﺎ ﻣﺴﺘﻌﺪﻩ ﺑﻌﺪﻫﺎ ﺍﻧﺼﺒﻲ ﺍﻧﻮﺗﻲ ﺭﻭﺣﻲ
ﻭﻧﻄﻠﻊ ﻣﻦ ﺷﻘﺘﻚ ﻭ ﻭﺟﻲ ﻫﺬﺍ ﻣﺎ ﺍﺗﺸﻮﻓﺶ ﻟﻮ ﻣﻌﺶ ﺗﺒﻴﻨﻲ
ﻣﺮﺍﺩ ؛؛ ﺑﺼﻮﺕ ﻋﺎﻟﻲ ﺑﻜﻞ
ﺍﻳﻴﻴﻴﻴﻪ ﺧﺸﻲ ﻟﺪﺍﺭ ﻳﺎ ﻓﺮﺧﻪ ﺭﺍﻩ ﺍﻧﺼﺒﻴﻠﻚ
ﻭﻧﺎ ﻟﻤﺎ ﺷﻔﺖ ﻭﺟﻪ ﻭﻛﻴﻒ ﺣﻜﻲ ﺧﺸﻴﺖ ﻧﺠﺮﻱ ﻟﺪﺍﺭ ﻭﻗﻌﺪﺕ ﻧﺒﻜﻲ ﻭﺻﺒﻴﺖ ﻭﻃﻠﻌﺖ ﺷﻨﻄﺘﻲ
ﻭﺣﻄﻴﺖ ﻓﻴﻬﺎ ﺩﺑﺸﻲ
ﻭﻣﺸﻴﺖ ﻭﺧﺸﻴﺖ ﻟﺤﻤﺎﻡ ﻭﺗﻮﺿﻴﺖ ﻭﺻﻠﻴﺖ ﺍﻟﺼﺒﺢ ﻭﺍﻟﻈﻬﺮ
ﻭﻻﺑﺴﺖ ﺗﻮﺗﻪ ﻭﻗﻌﺪﺕ ﺍﻣﻘﻌﻤﺰﻩ ﻭﻗﻌﺪﺕ ﻧﺒﻜﻲ ﻭ ﺍﻭﻝ ﻣﺮﻩ ﺍﻧﺨﺎﻑ ﺧﻔﺖ ﻣﻦ ﺍﻥ ﻧﺨﺴﺮ ﻣﺮﺍﺩ
ﻧﺒﻜﻲ ﻭﺧﺎﻳﻔﻪ ﻧﺨﺴﺮﻩ ﻭﻟﻴﺶ ﺧﺎﻳﻔﻪ ﻣﺶ ﻋﺎﺭﻓﻪ ﺑﺲ ﻓﻴﺎ ﺣﺎﺟﻪ ﺟﻮ ﺍﺗﻘﻮﻟﻲ ﺧﻠﻴﻚ ﻣﻌﻪ ﻓﻲ
ﺣﺎﺟﻪ ﺷﺪﺗﻨﻲ ﺷﻮﺭ ﺻﺢ ﻫﻮ ﺭﺍﺟﻠﻲ ﻋﻠﻲ ﻭﺭﻕ ﺑﺲ ﻭﻣﺎﻓﻴﺶ ﺍﻱ ﺷﻲﺀ ﺑﻴﺘﻨﺎ ﺑﺲ ﺧﺎﻳﻔﻪ ﺧﺎﻳﻔﻪ
ﻭ ﺍﻭﻝ ﻣﺮﻩ ﺍﻧﺨﺎﻑ
ﻭﺧﺶ ﻋﻠﻴﺎ ﻣﺮﺍﺩ
ﻣﺮﺍﺩ ؛؛ ﺑﺤﺖ ﻓﻲ ﺍﻟﺸﻨﻄﻪ ﺷﻦ ﻫﺬﻩ
ﻧﺎ ؛؛ ﺷﻨﻄﺘﻲ ﻓﻴﻬﺎ ﺩﺑﺸﻲ
ﻣﺮﺍﺩ ؛؛ ﻭﻋﻠﻴﺶ
ﻧﺎ ؛؛ ﺍﻋﻴﻮﻧﻲ ﻣﻠﻴﻨﺎﺕ ﺍﺩﻣﻮﻉ
ﻣﺶ ﺍﻧﺖ ﻣﻌﺶ ﺗﺒﻴﻨﻲ
ﻣﺮﺍﺩ ؛؛ ﻋﻠﻲ ﺍﺳﺎﺱ ﺍﻧﺘﻲ ﺗﺒﻴﻨﻲ ﻳﻌﻨﻲ ﻣﺎ ﺭﻓﻀﺘﻨﻲ
ﻧﺎ ؛؛ ﻣﺮﺍﺩ ﻧﺎ ﺭﻓﻀﺘﻚ ﻣﻦ ﻗﺒﻞ ﻣﺎ ﻧﻌﺮﻓﻚ ﺍﻧﺎ ﻛﻨﺖ ﺭﺍﻓﻀﻪ ﻓﻜﺮﺓ ﻧﺎﺧﺬ ﺭﺍﺟﻞ ﻣﻄﻠﻖ ﻭﻋﻨﺪﻩ ﺍﻋﻴﺎﻝ
ﻧﺎ ﻣﺶ ﺭﺍﻓﻀﺘﻚ ﺍﻧﺖ ﺷﺨﺼﻴﺎ
ﻣﺮﺍﺩ ؛؛ ﺧﻼﺹ ﻳﻌﻨﻲ ﻣﻌﺶ ﺗﺒﻲ ﺻﺢ
ﻧﺎ ؛؛ ﻣﺮﺍﺩ ﺍﻧﺖ ﺍﺳﻤﻌﻨﻲ ﻭﻋﻄﻴﻨﻲ ﻓﺮﺻﻪ ﻭﺍﺣﻜﻲ ﺑﻌﺪﻫﺎ ﻭ ﺍﻧﺖ ﻗﻮﻟﻲ ﻣﻦ ﻗﺎﻟﻚ ﺍﻟﻜﻼﻡ ﻫﺬﺍ
ﻣﺮﺍﺩ ؛؛ ﻋﺎﺭﻓﻪ ﺍﻧﺘﻲ ﺗﻔﻜﺮﻳﺶ ﺍﻧﻲ ﺡ ﺍﻧﺴﺎﻣﺤﻚ ﻭﺍﻣﺸﻲ ﺍﺭﻗﺪﻱ ﻭﻋﻴﺸﻲ ﺣﻴﺎﺗﻚ ﺑﺲ ﻓﻜﺮﺓ ﺍﻧﻚ
ﺍﺗﻌﻴﺸﻲ ﺣﻴﺎﺗﻚ ﻛﻤﺮﺍﻩ ﻣﺘﺰﻭﺟﻪ ﻭﺗﻄﻠﻌﻲ ﻭﺍﺗﺨﺸﻲ ﻫﺬﺍ ﻻ ﻭﺍﻟﻌﻮﻳﻞ ﺍﻟﻴﻮﻡ ﺡ ﻧﺮﻛﺒﻬﻢ ﻭﺗﻘﻌﺪﻱ ﻫﻨﺎ
ﻛﻴﻒ ﺍﻟﺨﺪﺍﻣﻪ ﺑﻴﺶ ﺍﺗﻌﻠﻤﻲ ﻛﻴﻒ ﺍﺗﻘﺪﺭﻱ ﺍﻥ ﺍﻟﻠﻲ ﻗﺪﺍﻣﻚ ﺭﺍﺟﻞ ﺭﺍﺍﺍﺍﺍﺍﺍﺍﺍﺟﻞ ﺭﺍﺟﻞ ﻓﻬﻤﺘﻲ ﻛﻠﻤﺔ
ﺭﺍﺟﻞ ﺗﺤﺴﺎﺑﻴﻪ ﺣﺎﺟﻪ ﺳﺎﻫﻠﻪ ﺍﺗﺠﻴﻨﻲ ﺭﺳﺎﻟﻪ ﻃﻮﻳﻠﻪ ﻋﺮﻳﻀﻪ ﻓﻲ ﻣﺎﺿﻴﻚ ﺍﻻﺳﻮﺩ
ﻭﺍﻟﻠﻲ ﻗﻬﺮﺗﻨﻲ ﺍﻥ ﺍﻟﺮﻗﻢ ﻣﻘﻔﻞ ﻭﻣﻌﺶ ﺣﺼﻠﺘﻪ
ﻧﺎ ؛؛ ﻗﻌﺪﺕ ﻧﺒﻜﻲ ﻭﻣﻨﻬﺎﺭﻩ
ﺍﻧﺖ ﻗﺼﺪﻙ ﺣﺪ ﺩﺯﻟﻚ ﺭﺳﺎﻟﻪ
ﻣﺮﺍﺩ ؛؛ ﺍﻫﺎ ﺷﻔﺘﻲ ﻭﺍﺻﻞ ﺣﺘﻲ ﻟﺮﻗﻤﻲ ﺑﻴﺶ ﺍﻳﻄﻠﻊ ﻣﺎﺿﻴﻚ ﻧﺎ ﺭﻗﻤﻲ ﺳﺎﻫﻞ ﻳﻨﺠﺎﺏ ﺑﺴﺮﻋﻪ ﺑﺲ
ﺍﻟﻠﻲ ﺗﻘﻬﺮ ﻓﻴﺎ ﻣﺮﺍﺗﻲ ﻣﺮﺍﺗﻲ ﻣﺎﺗﺨﻠﻴﺶ ﻓﻴﺎ ﺍﻧﺠﻲ ﺷﻮﺭﻫﺎ ﺑﺴﺒﺐ ﺷﺨﺺ ﺗﺎﻧﻲ
ﻧﺎ ؛؛ ﻧﺒﻜﻲ ﻭﻧﺤﻜﻲ ﻭﺧﻨﻘﺘﻨﻲ ﺍﻟﻌﺒﺮﻩ ﻭﺷﻔﺖ ﻭﺍﻟﻘﻴﺖ ﻣﺼﺤﻒ ﻋﻠﻲ ﺍﻟﺪﻛﻮﻣﺪﻳﻨﻪ ﺍﻟﻠﻲ ﺟﻨﺒﻲ
ﺧﺬﻳﺘﻪ ﻭﻣﺴﻜﺘﻪ ﻭﻧﺎ ﻧﺒﻜﻲ ﺟﻴﺘﻬﺎ ﻭﺍﻗﺮﺑﺖ ﻣﻨﻪ ﻭﻗﻌﻤﺰﺕ ﻋﻠﻲ ﺍﺭﻛﺒﻲ ﻋﻨﺪ ﻛﺮﻋﻴﻪ ﻭﻫﻮ ﺍﻣﻘﻌﻤﺰ
ﻋﻠﻲ ﺍﻟﻜﺮﺳﻲ
ﻭﺍﻟﻠﻪ ﻣﺎ ﻋﻠﺸﺎﻥ ﺍﻧﺴﺎﻥ ﺗﺎﻧﻲ ﻭﺍﻟﻠﻪ ﻣﺘﺤﺸﻤﻪ ﻣﻨﻚ ﻳﺎ ﻣﺮﺍﺩ ﻭﺍﻟﻠﻪ ﺍﻧﺘﺤﺸﻢ ﺍﻧﺖ ﺷﻔﺖ ﺩﺑﺸﻲ
ﻭﺍﻧﺘﺤﺸﻢ ﺣﺘﻲ ﻧﻘﻌﺪ ﻗﺪﺍﻣﻚ ﺑﻼﺑﺴﻪ ﺍﻗﺼﻴﺮﻩ ﺻﺎﺡ ﺍﻧﺖ ﺭﺍﺟﻠﻲ ﺑﺲ ﻧﺎ ﻣﺎﺯﺍﻟﺖ ﻣﺎ ﺧﺬﻳﺖ ﻋﻠﻴﻬﺎ
ﻓﻜﺮﺓ ﺍﻥ ﺍﻧﺎ ﻣﺘﺰﻭﺟﻪ ﻭﻋﻨﺪﻱ ﺭﺍﺟﻞ
ﻣﺮﺍﺩ ؛؛ ﺣﺲ ﻓﻲ ﺣﺎﺟﻪ ﺟﻮ ﺍﻥ ﻧﺎ ﺻﺎﺩﻗﻪ ﻻﻥ ﻛﻨﺖ ﻧﺒﻜﻲ ﺑﻌﺒﺮﺗﻲ
ﻣﺮﺍﺩ ؛؛ ﺑﺎﻫﻲ ﻫﺎ ﺍﺣﻜﻲ ﻋﻠﻴﺶ ﺳﺎﻛﺘﻪ ﺍﺣﻜﻲ ﻟﻴﺶ ﻣﺎ ﺗﺤﻜﻲ ﻣﺖ ﺍﻭﻟﻬﺎ ﻟﻴﺶ ﺍﺗﺨﻠﻲ ﺍﻟﻨﺎﺱ
ﺍﻻﺧﺮﻩ ﺗﺪﺧﻞ ﻓﻲ ﺣﻴﺎﺗﻨﺎ
ﻧﺎ ؛؛ ﻭﺍﻟﻠﻪ ﻣﺎﻧﻲ ﺩﺍﻳﺮﻩ ﺣﺎﺟﻪ ﻳﺎ ﻣﺮﺍﺩ ﻭﺍﻟﻠﻪ ﻣﺎﻋﻤﺮﻱ ﻏﻠﻄﺖ ﻭﺣﻖ ﺭﺑﻲ ﻭﺍﻟﻠﻪ ﻣﺎ ﻧﻜﺬﺏ ﺭﺍﻧﻲ ﻧﺎ
ﻣﺴﻠﻤﻪ ﻭﺍﻧﺨﺎﻑ ﻣﻦ ﺭﺑﻲ ﻭﻣﺎﻧﺤﻠﻔﺶ ﺑﺎﻟﻜﺬﺏ
ﻣﺮﺍﺩ ؛؛ ﺑﺎﻫﻲ ﺗﻮ ﻗﻮﻟﻲ ﺷﻦ ﻗﺼﺔ ﺍﺧﺘﻚ ﻭﺍﻧﺘﻲ ﻟﻴﺶ ﻓﺼﺨﺘﻲ ﺧﻄﺒﺘﻚ
ﻧﺎ ؛؛ ﺣﺎﺿﺮ ﻭﺍﻟﻠﻪ ﺗﻮ ﻧﺤﻜﻴﻠﻚ ﺍﻣﻐﻴﺮ ﺍﻫﺪ ﺍﺷﻮﻳﻪ
ﻣﺴﺢ ﻣﺮﺍﺩ ﻭﺟﻪ ﻭﻗﻌﺪ ﺍﻳﻬﺰ ﻓﻲ ﺍﻛﺮﺍﻋﻪ ﻭﺍﻣﺮﻓﻊ ﺣﺎﺟﺒﻪ ﻭﺍﻳﺒﺤﺖ ﻓﻴﺎ
ﻧﺎ ؛؛ ﻧﺒﻜﻲ ﻭﺍﻣﻨﺰﻟﻪ ﺭﺍﺳﻲ
ﻧﺎ ﻋﻨﺪﻱ ﺍﺧﺘﻲ ﺍﺳﻤﻬﺎ ﻧﺠﺎﺡ ﻛﺒﻴﺮﻩ ﻭﻫﻲ ﺗﻮ ﻣﺘﺰﻭﺟﻪ ﻓﻲ ﺣﺎﻟﻬﺎ ﻗﺎﻋﺪﻩ
ﻫﻲ ﻛﺎﻧﺖ ﻣﺨﻄﻮﺑﻪ ﻛﺎﻧﺖ ﻓﺎﺗﺤﺘﻬﺎ ﻣﻘﺮﻳﻪ ﻭﻛﺎﻧﺖ ﺍﺗﺤﺒﻪ ﻭﺍﺟﺪ ﻭﻛﺎﻧﺖ ﺩﺍﻳﺮﻩ ﻋﻼﻗﻪ ﻣﻌﻪ ﻭﻣﺮﻩ
ﻫﻲ ﻓﻲ ﺍﻟﺠﺎﻣﻌﻪ ﺷﺎﻓﻬﺎ ﻭﻟﺪ ﻋﻤﻲ ﺍﻣﺼﺒﻴﻪ ﻭﺗﺤﻜﻲ ﻣﻌﻪ ﻭﻫﻮ ﻛﺎﻥ ﻳﺒﻬﺎ ﺑﺲ ﻫﻲ ﺭﻓﻀﺎﺗﻪ ﻭﻟﻤﺎ
ﺷﺎﻓﻬﻢ ﻣﻊ ﺑﻌﻀﻬﻢ ﺍﻧﻘﻬﺮ ﻭ ﺟﺎ ﻭﺩﺍﺭ ﻋﺮﻛﻪ ﻣﻊ ﺭﺍﺟﻠﻬﺎ ﻭﻣﺸﻲ ﻭﻛﻠﻢ ﺧﻮﺗﻲ ﻭﺗﻤﻪ ﺍﻳﻘﻮﻝ ﺍﻟﻘﻴﺘﻬﺎ
ﻧﺎﺯﻟﻪ ﻣﻦ ﺳﻴﺎﺭﺗﻪ ﻭﺧﺎﺵ ﻟﺠﺎﻣﻌﻪ ﻭﻣﺴﻜﺘﻬﻢ ﻓﻲ ﻭﺿﻊ ﻣﺶ ﺗﻤﺎﻡ ﻓﻲ ﺟﺎﻣﻌﻪ ﻭﺟﻮ ﺧﻮﺗﻲ ﻭﺗﻤﻮ
ﻳﺒﻮ ﻳﻀﺮﺑﻮﻫﺎ ﻓﻲ ﺟﺎﻣﻌﻪ
ﻭ ﺭﺍﺟﻠﻬﺎ ﺭﻓﺾ ﺍﻧﻬﺎ ﺍﺗﺮﻭﺡ ﻟﺤﻮﺷﻨﺎ ﻻﻥ ﻛﺎﻥ ﺍﺗﺮﻭﺡ
ﺡ ﻳﻀﺮﺑﻮﻫﺎ ﻭﺍﻳﻜﺴﺮﻭﻫﺎ ﺗﻜﺴﻴﺮ ﻭﻫﺮﺑﻬﺎ ﻣﻊ ﺻﺎﺣﺒﻬﺎ ﻭﻫﻮ ﻗﻌﺪ ﻣﻊ ﺧﻮﺗﻲ ﻭﺻﺎﺭﺕ ﻋﺮﻛﻪ ﻛﺒﻴﺮﻩ
ﻭﺗﻤﻮ ﻳﺒﻮﻫﺎ ﻭﻫﻮ ﺍﻳﻘﻮﻝ ﻭﺍﻟﻠﻪ ﻣﺎﻧﻜﻢ ﻟﻤﺴﻴﻦ ﺷﻌﺮﻩ ﻣﻦ ﺷﻌﺮﻫﺎ ﻭﻟﻮ ﺗﻠﻤﻮﺳﻬﺎ ﺗﻘﻌﺪ ﻋﻠﻲ ﺟﺜﺘﻲ
ﻭﺧﻮﺗﻲ ﻭﺍﻋﻴﺎﻝ ﻋﻤﻲ ﺍﻳﺘﺤﺰﻭﺯﻭ ﻋﻠﻴﻪ ﻭﺿﺮﺑﻮﻩ ﺿﺮﺑﻪ ﺷﻴﻨﻪ ﻭﺟﻮ ﺍﻣﺘﺎﻋﻴﻦ ﺍﻻﻣﻦ ﻭﻣﺴﻜﻮ ﺧﻮﺗﻲ
ﻭﺍﻋﻴﺎﻝ ﻋﻤﻲ ﻭﺻﺒﻮ ﻣﻊ ﺭﺍﺟﻞ ﺍﺧﺘﻲ ﻻﻥ ﻛﺎﻥ ﺻﺎﺩﻕ ﻭﻣﺎ ﻳﻜﺬﺑﺶ
ﻭﻫﻮ ﺧﺶ ﻟﻠﻤﺴﺘﺸﻔﻲ ﻭ ﻧﺠﺎﺡ ﺍﻗﻌﺪﺕ ﻋﻨﺪ ﻫﻞ ﺻﺎﺣﺒﻪ ﻭﻣﺎﺑﺶ ﺣﺪ ﺍﻳﻘﻮﻝ ﻋﻠﻲ ﻣﻜﺎﻧﻬﺎ ﻭﻟﻤﺎ
ﻃﻠﻊ ﺧﺬﻫﺎ ﻭﻋﺪﻭ ﺍﺳﻜﻨﻮ ﻓﻲ ﻃﺮﺍﺑﻠﺲ ﻭﻣﻌﺶ ﺍﻗﻌﺪﺕ ﺍﻱ ﺣﺎﺟﻪ ﺗﻮﺍﺻﻞ ﺑﻴﻨﺎ ﻭﺑﻴﻨﻬﺎ ﻭﻣﺎﻧﻌﺮﻓﻮ
ﺷﻲﺀ ﺍﻻ ﺍﻧﻬﺎ ﺗﺴﻜﻦ ﻓﻲ ﻃﺮﺍﺑﻠﺲ ﻭﺑﺲ
ﻭﺍﻟﻠﻲ ﺣﺮﺵ ﻋﻠﻴﻬﺎ ﻳﻘﻌﺪ ﺧﻮ ﻫﻴﺜﻢ ﺧﻄﻴﺒﻲ ﻭﻟﻤﺎ ﺻﺎﺭﺕ ﺍﻟﻤﺸﻜﻠﻪ ﻫﻴﺜﻢ ﻗﺎﻝ ﻣﻌﺶ ﺍﺗﺸﺮﻓﻨﻲ
ﻧﺎﺧﺬﻫﺎ ﻣﻦ ﻗﺒﻞ ﺣﺘﻲ ﻣﺎ ﻧﺤﻜﻲ ﻣﻌﻪ ﻭﻻ ﻛﻠﻤﻪ ﻭﺍﻟﻠﻪ ﻭﻋﻴﺖ ﻋﻠﻲ ﺩﻳﻨﻴﺘﻲ ﻭﺍﻟﻘﻴﺘﻪ ﻫﻮ ﺧﻄﻴﺒﻲ
ﻭﻟﻤﺎ ﻛﺒﺮﺕ ﺍﺷﻮﻳﻪ ﺳﻴﺒﻨﻲ ﻭﺧﻮﺗﻲ ﻗﺎﻟﻮ ﻣﻌﺶ ﻓﻲ ﺍﻗﺮﺍﻳﻪ ﻓﻲ ﺟﺎﻣﻌﻪ ﻟﻌﻨﺪ ﺛﺎﻧﻮﻳﻪ ﻭﺧﻼﺹ
ﻭﻋﺎﺩﻝ ﺧﻮﻳﺎ ﻗﻌﺪ ﺍﻛﺘﺮ ﻭﺍﺣﺪ ﺍﻣﻘﻴﺪﻧﺎ ﻻﻥ ﺯﻣﺎﻥ ﻛﺎﻥ ﺭﺍﻓﺾ ﺧﻄﻴﺐ ﺍﺧﺘﻲ ﻧﺠﺎﺡ ﺑﺲ ﻋﻠﻲ
ﻭﺧﺎﻟﺪ ﻣﻮﺍﻓﻘﻴﻦ ﻋﻠﻴﻪ ﻭﻟﻤﺎ ﺻﺎﺭﺕ ﺍﻟﻤﺸﻜﻠﻪ ﺗﻢ ﺍﻳﻘﻮﻟﻠﻬﻢ ﺍﻧﺘﻮ ﺍﻟﺴﺒﺐ ﻗﻲ ﺍﻟﻔﻀﻴﺤﻪ ﻫﺬﻩ ﻟﻮ
ﺳﻤﻌﺘﻮ ﻛﻼﻣﻲ ﺭﺍﻩ ﺭﺍﻓﻀﻨﻪ ﻭﺍﻧﺘﻮ ﺍﻧﺴﻮ ﺍﻥ ﻫﺬﻳﻦ ﺧﻮﺍﺗﻜﻢ ﻭﻧﺎ ﺍﻟﻠﻲ ﻧﺘﺤﻜﻢ ﻓﻴﻬﻦ
ﻻﻥ ﻳﻮﻡ ﺍﻟﻠﻲ ﻛﻨﺖ ﺍﻧﺖ ﻳﺎ ﻋﻠﻲ ﺷﺎﻳﺦ ﻋﻠﻴﻬﻦ ﺍﻫﺮﺑﺖ ﺍﻟﺒﻨﺖ
ﻭﻫﻜﻲ ﻗﻌﺪ ﻣﺴﺆﺍﻝ ﻋﻠﻴﻨﺎ ﻋﺎﺩﻝ ﻭﺣﺮﻣﺎﻥ ﻣﻦ ﻣﺌﻪ ﺣﺎﺟﻪ ﻻ ﻧﻄﻠﻌﻮ ﻛﻴﻒ ﺍﻟﻨﺎﺱ ﻭﻻ ﺍﻧﺨﺸﻮ ﺣﺘﻲ
ﺍﺑﺴﻂ ﺣﻘﻮﻗﻨﺎ ﻣﺎ ﺧﻠﻨﺎ ﻧﺨﺬﻭﻫﺎ ﻭﺍﻟﻠﻲ ﻫﻲ ﺍﻟﺸﻬﺎﺩﻩ ﺷﻮﻑ ﻧﺎ ﻭ ﺍﻣﻴﺮﻩ ﻣﻦ ﺑﻌﺪ ﺍﻟﺜﺎﻧﻮﻳﻪ ﻗﻌﺪﺍﺕ
ﻓﻲ ﺍﻟﺤﻮﺵ ﻭﺭﺟﺎﺀ ﻭﺍﻳﻤﺎﻥ ﻓﻲ ﺍﻟﺜﺎﻧﻮﻱ ﻳﻘﺮﻥ ﺣﺘﻲ ﻟﻤﺎ ﻃﻠﺒﺖ ﺍﻧﻲ ﺍﻧﺸﻮﻓﻚ ﻗﺒﻞ ﻣﺎ ﺗﻘﺮﺍ
ﻓﺎﺗﺤﺘﻲ ﻫﻮ ﺭﻓﺾ ﻭﺍﻧﺖ ﺗﻘﺮﻳﺒﺎ ﻋﻨﺪﻙ ﻣﻌﻠﻮﻣﻪ ﺍﻥ ﻫﻮ ﻭﺍﻋﺮ ﻭﺍﺟﺪ ﻓﻴﻨﺎ ﺣﺘﻲ ﻓﻲ ﺍﻟﻤﺴﺘﺸﻔﻲ ﻟﻤﺎ
ﺷﺎﻓﻨﻲ ﻣﻌﺎﻙ ﺿﺮﺑﻨﻲ ﺿﺮﺑﻪ ﺷﻴﻨﻪ ﻭﺍﻧﺖ ﻛﻨﺖ ﺷﺎﻫﺪ ﻋﻠﻲ ﺍﻟﻤﻮﺿﻮﻉ ﻫﺬﺍ ﺗﻘﺮﻳﺒﺎ
ﻭﺍﻟﻠﻪ ﻭﺣﻖ ﻫﺎﻟﻤﺼﺤﻒ ﺍﻟﻠﻲ ﺣﺎﻃﻪ ﻋﻠﻴﻪ ﻳﺪﻱ ﺍﻟﻄﺎﻫﺮﻩ ﻣﺎﻧﻜﺬﺏ ﻋﻠﻴﻚ ﻳﺎ ﻣﺮﺍﺩ ﻧﺎ ﺻﺢ ﻓﻲ
ﺑﺪﺍﻳﻪ ﺭﺍﻓﻀﺘﻚ ﺑﺲ ﺗﻮ ﻭﺍﻟﻠﻪ ﻧﺒﻴﻚ ﻻﻧﻲ ﻋﺮﻓﺘﻚ ﻭﻋﺮﻓﺖ ﻋﻮﻳﻠﻚ ﻭﺗﺮﻳﺤﺘﻠﻚ ﻭﺍﻟﻠﻪ ﺍﻟﻠﻲ ﺻﺎﻳﺮﻟﻲ
ﺣﺸﻢ ﻻ ﺍﻛﺜﺮ ﺷﻮﻑ ﺍﻧﺎ ﻣﺎﻋﻤﺮﻱ ﻗﺮﺑﺖ ﻣﺎ ﺭﺟﺎﻝ ﻭﻻ ﻋﻤﺮﻱ ﺣﻜﻴﺖ ﻣﻊ ﺭﺍﺟﻞ ﺣﺘﻲ ﻓﻮﻥ
ﻣﺎﻋﻤﺮﻱ ﺩﺭﺗﻪ ﺍﻧﺖ ﺷﻔﺖ ﺣﻴﺎﺗﻲ ﻛﻠﻬﺎ ﻣﺎﻣﺎ ﻭﺍﻟﺤﻮﺵ ﻭﺍﻟﺤﻮﺳﻪ ﻭﺧﻼﺹ ﻭﻫﺬﺍ ﻋﻠﻴﺶ ﺧﺎﻟﺘﻲ
ﻓﺎﻃﻤﻪ ﺭﻭﺩﺗﻨﻲ ﻟﻚ ﻭﺍﻟﻠﻪ ﻳﺎﻣﺮﺍﺩ ﻣﺎ ﻧﻜﺬﺏ ﻭﺍﻟﻠﻪ
ﻣﺮﺍﺩ ﺑﺤﺖ ﻓﻴﺎ ﻭﻛﺎﻥ ﺧﺎﻃﺮﻩ ﻳﺸﺪﻧﻲ ﺷﻮﺭﻩ ﻭﻳﻀﺒﻄﻨﻲ ﺑﺲ ﺍﻟﻤﻮﺿﻮﻉ ﻣﺎ ﺧﻠﺶ ﺍﻳﺘﻘﺮﺏ ﻣﻨﻲ
ﻣﻊ ﺍﻥ ﻛﺎﻥ ﻫﻮ ﺍﻣﺼﺪﻗﻨﻲ ﺑﺲ ﻓﻴﻪ ﺣﺎﺟﻪ ﺍﺗﺨﻠﻴﻪ ﺍﻳﺘﻘﺮﺏ ﻣﻨﻲ ﻭﺍﻳﻜﻮﻥ ﺍﻛﺘﺮ ﻣﻄﻤﻦ
ﻣﺮﺍﺩ ؛؛ ﺷﻦ ﻗﺼﺔ ﺍﻟﺸﻮﻓﻪ
ﻧﺎ ؛؛ ﻣﺮﺍﺩ ﻧﺎ ﺷﻮﻓﺘﻲ ﻣﻌﺮﻭﻓﻪ ﻓﻲ ﺍﻟﻌﻴﻠﻪ ﻛﻠﻬﺎ ﻻﻥ ﻭﻧﺎ ﺍﺻﻐﻴﺮﻩ ﻛﺎﻧﻮ ﺍﻳﻘﻮﻟﻲ ﺍﻟﻜﺒﻴﺪﻩ ﻻﻥ ﺍﻟﺸﻮﻓﻪ
ﻫﻲ ﻛﺒﺪﻩ ﻣﺎﻣﺎ ﻛﺎﻧﺖ ﻣﺘﺴﻬﻔﻪ ﻋﻠﻴﻬﺎ ﻭﺑﺎﺑﺎ ﻫﻮ ﺍﻟﻠﻲ ﺳﻤﻨﻲ ﺍﻟﻜﺒﻴﺪﻩ ﻭﻟﻤﺎ ﺗﻮﻓﺎ ﺑﺎﺑﺎ ﻣﺸﺎ ﻓﻴﺎ ﺍﻻﺳﻢ
ﺑﺲ ﻟﻤﺎ ﺗﻮ ﺍﻛﺒﺮﺕ ﺍﻟﺤﻖ ﻣﻌﺶ ﺍﻳﻘﻮﻝ ﻓﻴﻬﺎ ﻟﻴﺎ ﻻﻥ ﺣﺴﻮﻧﻲ ﻛﺒﺮﺕ ﻭﺛﻘﻴﻠﻪ
ﻣﺮﺍﺩ ؛؛ ﺑﺤﺖ ﻓﻴﺎ ﻭﺑﻌﺪﻫﺎ ﻃﻠﻊ ﻭﺳﻴﺒﻨﻲ ﻭﻧﺎ ﻗﻌﺪﺕ
ﻧﺒﻜﻲ ﺍﺧﺮ ﻻﻥ ﺧﺎﻳﻔﻪ ﺧﺎﻳﻔﻪ ﻧﻔﻘﺪ ﻣﺮﺍﺩ ﻭﻟﻤﺎ ﺍﻧﺮﻭﺡ ﻟﺤﻮﺵ ﻫﻠﻲ ﻣﻄﻠﻘﻪ ﻋﺎﺩﻝ ﺡ ﺍﻳﻘﻄﻌﻨﻲ
ﺗﻘﻄﻴﻊ ﻭﻗﻌﺪﺕ ﻓﻲ ﺍﻟﺸﻘﻪ ﻭﺳﻤﻌﺖ ﺑﺎﺏ ﺍﻟﺸﻘﻪ ﺍﻧﻄﺒﻖ ﺑﻘﻮﻩ ﻭﺑﺤﺘﺖ ﻓﻲ ﺍﻟﺴﺎﻋﻪ ﻭﺍﻟﻘﻴﺘﻬﺎ ﺳﺎﻋﻪ
2 ﻭﻧﺺ ﻗﻴﻠﻪ
ﻭﻗﻌﺪﺕ ﻣﻘﻌﻤﺰﻩ ﻭﻧﺒﻜﻲ ﻭﺑﻌﺪﻫﺎ ﺑﺴﺎﻋﻪ ﺻﺒﻴﺖ ﻟﻤﻴﺖ ﺍﻟﺸﻘﻪ ﻭﻟﻤﻴﺖ ﺍﻟﺤﺎﺟﺎﺕ ﺍﻟﻤﺘﻜﺴﺮﺍﺕ
ﻭﻛﺎﻧﺖ ﺍﻟﺘﺤﻒ ﻭﺑﻌﺪﻫﺎ ﻣﺸﻴﺖ ﻭﺣﻄﻴﺖ ﺭﺍﺳﻲ ﻋﻠﻲ ﺍﻟﻤﺨﺪﻩ ﻭﻧﺒﻜﻲ ﻭﺍﻧﻔﻜﺮ ﻓﻲ ﻣﺮﺍﺩ ﻭﺍﻭﻝ ﻣﺮﻩ
ﺍﻧﺨﺎﻑ ﻋﻠﻴﻪ ﻭﺍﻧﺨﺎﻑ ﺍﻧﻲ ﻧﻔﻘﺪﻩ ﺑﻜﻴﺖ ﻧﻴﻦ ﺩﺧﺖ ﻭﺭﻗﺪﺕ
ﺍﻭﻋﻴﺖ ﻋﻠﻲ ﺛﻮﺕ ﺍﺫﻥ ﺍﻟﻤﻐﺮﺏ
ﻧﻄﻴﺖ ﻧﻂ ﻭﺍﻟﻘﻴﺖ ﺍﻟﺸﻘﻪ ﻛﻠﻬﺎ ﺍﻣﻈﻠﻤﻪ ﺻﺒﻴﺖ ﻧﺠﺮﻱ ﻭ ﻣﺎ ﻟﻠﻘﻴﺘﺶ ﻣﺮﺍﺩ ﻗﺎﻋﺪ ﻭﺻﺒﻴﺖ ﻭﻟﻌﺖ
ﺍﻟﻀﻮﺍﻳﺎ ﻭﺗﻮﺿﻴﺖ ﻭﺻﻠﻴﺖ ﺍﻟﻤﻐﺮﺏ ﻭﻗﻌﺪﺕ ﻓﻲ ﺷﻘﻪ ﺧﺎﻳﻔﻪ ﻭﺑﻌﺪ ﺳﺎﻋﻪ
ﺳﻤﻌﺖ ﺻﻮﺕ ﻣﺮﺍﺩ ﻭﻟﻤﺎﺭ ﻋﻠﻲ ﺍﻟﺪﺭﻭﺝ
ﺻﺒﻴﺖ ﺍﺑﺴﺮﻋﻪ ﻭﻣﺸﻴﺖ ﺷﻮﺭ ﺍﻟﺼﺎﻟﻪ ﻭﺧﺶ ﻣﺮﺍﺩ ﻭﻛﺎﻥ ﻣﺎﺳﻚ ﻓﻲ ﻳﺪﻩ ﻓﻮﻕ ﺣﻤﺎﺩﻱ ﻭﺟﻨﺒﻪ
ﻟﻤﺎﺭ ﻭﻛﺎﻥ ﻣﺎﺳﻚ ﻓﻲ ﻳﺪﻩ ﺍﻟﺘﺎﻧﻴﻪ ﺍﻛﻴﺎﺱ
ﻭﺟﺘﻨﻲ ﻟﻤﺎﺭ
ﻟﻤﺎﺭ ؛؛ ﺧﻴﺮ ﻳﺎ ﺍﻋﻤﻴﻤﻪ
ﻧﺎ ؛؛ ﻣﺴﻜﺘﻬﺎ ﻭﺭﻓﻌﺘﻬﺎ ﻓﻮﻕ
ﺧﻴﺮ ﺷﻦ ﺍﻻﺧﺒﺎﺭ
ﻟﻤﺎﺭ ؛؛ ﺍﻛﻮﻳﺴﻪ ﺍﻣﺒﺪﺭﻱ ﺟﻴﺖ ﺩﻗﻴﺖ ﻋﻠﻴﻚ ﻣﺎ ﻓﺘﺤﺘﻴﺶ
ﻧﺎ ؛؛ ﺍﻣﺘﻲ ﻣﺎ ﺳﻤﻌﺘﻜﺶ
ﻣﺮﺍﺩ ؛؛ ﺧﻮﺫﻱ ﻫﺬﻳﻦ ﻭﻋﺪﻱ ﺩﻳﺮﻱ ﻋﺸﺎﺀ
ﻧﺎ ؛؛ ﺑﺤﺘﺖ ﻓﻴﻪ ﻭﻧﺰﻟﺖ ﻟﻤﺎﺭ ﻭﻣﺸﻴﺖ ﺷﻮﺭﻩ ﻭﺧﺬﻳﺖ ﺍﻻﻛﻴﺎﺱ ﻭﺧﺸﺸﺘﻬﻦ ﻟﻠﻤﻄﺒﺦ ﻭﺷﻔﺘﻬﻦ
ﻭﺍﻟﻘﻴﺘﻬﻦ ﻟﺤﻢ ﻭﺧﻀﺮﻩ ﻭﻣﻌﻜﺮﻭﻧﻪ
ﻭﺣﻄﻴﺘﻬﻦ ﻋﻠﻲ ﺍﻟﻄﺎﻭﻟﻪ ﻭﻃﻠﻌﺖ ﻭﺍﻟﻘﻴﺖ ﻣﺮﺍﺩ ﻗﺎﻋﺪ ﻣﺎﺳﻚ ﺣﻤﺎﺩﻱ ﻓﻲ ﺍﻟﺼﺎﻟﻪ ﻭﺍﻳﻠﻌﺐ ﻓﻴﻪ
ﻧﺎ ؛؛ ﻣﺮﺍﺩ ﺗﺒﻲ ﻣﻌﻜﺮﻭﻧﻪ
ﻣﺮﺍﺩ؛ ؛ ﻳﺤﻜﻲ ﻭﻏﻤﺘﻠﻪ ﻭﻣﺎ ﺑﺶ ﺍﻳﺮﻓﻊ ﻋﻴﻨﻪ ﻋﻠﻴﺎ
ﺍﻥ ﺷﺎﺀﺍﻟﻠﻪ
ﻭﻣﺸﻴﺖ ﻧﺎ ﻟﻠﻤﻄﺒﺦ ﻭﺣﻄﻴﺖ ﺍﻟﻠﺤﻢ ﻋﻠﻲ ﺍﻟﻨﺎﺭ ﻭﺧﺸﺖ ﻋﻠﻴﺎ ﻟﻤﺎﺭ
ﻟﻤﺎﺭ ؛؛ ﺍﻋﻤﻴﻤﻪ ﻧﺒﻲ ﺷﻜﻮﻻﻃﻪ
ﻧﺎ ؛؛ ﻟﻤﺎﺭ ﺗﻮ ﺗﺒﻲ ﺗﻌﺸﻲ ﺍﻧﺘﻲ ﺑﻌﺪ ﺍﻟﻌﺸﺎﺀ ﺗﻮ ﺍﻧﻮﻛﻠﻚ
ﻟﻤﺎﺭ ؛؛ ﺍﻋﻤﻴﻤﻪ ﺑﺎﻫﻲ ﻋﻄﻴﻨﻲ
ﻭﻣﺪﻳﺖ ﺍﺷﻮﺭﺑﻬﺎ ﻗﺪﻣﻬﺎ
ﻭﻧﺎ ﻟﻤﺎ ﺷﻔﺖ ﻭﺟﻬﺎ ﻭﺟﻌﺘﻨﻲ ﻭﻋﻄﻴﺘﻬﺎ ﺍﻟﺸﻜﻮﻻﻃﻪ ﻭﻫﻲ ﻃﻠﻌﺖ ﻭﺳﻤﻌﺖ ﺍﻟﺒﺎﺏ ﺍﻳﺪﻕ ﻭﻣﺎ
ﺳﻤﻌﺘﺶ ﻣﺮﺍﺩ ﻓﺘﺢ ﻭﻃﻠﻌﺖ ﻭﺷﺎﻓﺖ ﻭﺍﻟﻘﻴﺖ ﻣﺮﺍﺩ ﻓﻲ ﺍﻟﺤﻤﺎﻡ ﻣﺸﻴﺖ ﺷﻮﺭ ﺍﻟﺒﺎﺏ ﻭﻓﺘﺤﺘﻪ
ﻭﺍﻟﻘﻴﺘﻪ ﻃﺎﺭﻕ
ﻃﺎﺭﻕ ؛؛ ﺧﻴﺮ ﻳﺎ ﺍﻳﻪ ﻛﻴﻒ ﺣﺎﻟﻚ
ﻧﺎ ؛؛ ﺗﻤﺎﻡ ﺍﻟﺤﻤﺪﺍﻟﻠﻪ ﺗﻔﻀﻞ ﺧﺶ
ﻃﺎﺭﻕ ؛؛ ﻫﺬﻩ ﻛﺮﻭﺳﺔ ﻭ ﺍﻟﻤﺸﻲ ﺍﻣﺘﻌﺎﺕ ﺣﻤﺎﺩﻱ ﺍﻣﻲ ﻗﺎﻟﺖ ﺷﻠﻴﻬﻦ ﻓﻮﻕ ﻳﺒﻬﻦ ﻣﺮﺍﺩ
ﻧﺎ ؛؛ ﺍﻫﺎ ﺑﺎﻫﻲ ﺧﺶ ﺧﺶ ﻫﻴﺎ
ﻭﺧﺶ ﻃﺎﺭﻕ ﻭﺧﺸﺸﻬﻦ ﻭﻻﻗﻲ ﻟﻤﺎﺭ ﺗﺎﻛﻞ ﻓﻲ ﺷﻜﻮﻻﻃﻪ
ﻃﺎﺭﻕ ؛؛ ﺣﻲ ﻋﻠﻴﻚ ﺍﻧﺘﻲ ﺗﺎﻛﻠﻲ ﻓﻲ ﺷﻜﻮﻻﻃﻪ ﺗﻮ ﺗﻄﻠﻌﻠﻚ ﺍﻟﺴﻮﺳﻪ
ﻟﻤﺎﺭ ؛؛ ﻻ ﻳﺎ ﻋﻤﻮ ﻓﻴﺶ ﺳﻮﺳﻪ
ﻭﻧﺎ ﻣﺸﻴﺖ ﺷﻮﺭ ﺍﻟﻤﻄﺒﺦ ﻭﺻﺒﻴﺘﻠﻪ ﻃﺎﺳﻪ ﻋﺼﻴﺮ ﻭﺣﻄﻴﺖ ﺷﻜﻮﻻﻃﻪ ﻭﺷﺎﻟﺘﻬﺎ ﻟﻪ
ﻃﺎﺭﻕ ؛؛ ﺍﻭﻭﻭﻭﺷﻦ ﺟﻮ ﺍﻟﺘﻌﺐ ﻫﺬﺍ ﺷﻦ ﺍﺗﺤﺴﺴﻲ ﻓﻴﺎ ﺑﺮﻧﻲ ﻋﻠﻴﻚ ﻭﻻ ﺷﻨﻮ
ﻧﺎ ؛؛ ﻻ ﺍﻟﺤﻮﺵ ﺣﻮﺷﻚ ﺍﻧﺎ ﺟﺒﺘﻠﻚ ﻋﺼﻴﺮ ﻗﺎﻟﺖ ﺍﻛﻴﺪﻩ ﻋﻄﺸﺎﻥ ﺑﺮﻩ ﺣﻤﻮ ﺍﻛﻴﺪﻩ
ﻃﺎﺭﻕ ؛؛ ﻣﺶ ﺍﻣﻐﻴﺮ ﺣﻤﻮ ﺑﻜﻞ ﺭﻃﻮﺑﻪ ﺗﻲ ﻭﺍﻟﻠﻪ ﺍﻧﺘﻮ ﻓﻲ ﻧﻌﻤﻪ ﺟﻮ ﻗﺎﻋﺪﻩ ﻋﻠﻲ ﺍﻟﻤﻜﻴﻒ ﻭﺍﻟﻠﻪ
ﻛﺎﻥ ﻣﺎﻓﻴﺶ ﺣﺎﺟﻪ ﺍﺳﻤﻬﺎ ﻣﻜﻴﻒ ﺭﺍﻩ ﺫﻳﺒﻦ
ﻧﺎ ؛؛ ﻫﻬﻬﻬﻬﻪ ﺭﺣﻤﻪ ﻣﻦ ﺭﺑﻲ
ﻭﻳﻄﻠﻊ ﻣﺮﺍﺩ ﻣﻦ ﺍﻟﺤﻤﺎﻡ ﻭﺍﺳﺘﻐﺮﺏ ﻭﺟﻮﺩ ﻃﺎﺭﻕ
ﻣﺮﺍﺩ ؛؛ ﻃﺎﺭﻕ ﺷﻦ ﺍﻟﺠﻮ
ﻃﺎﺭﻕ ؛؛ ﺟﺒﺘﻠﻚ ﺍﻟﻜﺮﻭﺳﻪ ﻭﺍﻟﻤﺸﻲ
ﻭﺻﺐ ﻃﺎﺭﻕ
ﻣﺮﺍﺩ ؛ ﺧﻠﻴﻚ
ﻃﺎﺭﻕ : ؛ ﻻ ﻭﻳﻦ ﻗﻌﺪﺕ ﺍﻣﻐﻴﺮ ﻋﻠﺸﺎﻥ ﺍﻟﻌﺼﻴﺮ ﺍﻟﻠﻲ ﺟﺒﺎﺗﻪ ﺍﻳﻪ ﻫﻴﺎ ﺳﻼﻡ
ﻭﻃﻠﻊ ﻃﺎﺭﻕ ﻭﻧﺎ ﻣﺸﻴﺖ ﺷﻮﺭ ﺍﻟﻤﻄﺒﺦ ﻭﺑﺪﻳﺖ ﺍﻧﻘﺮﺽ ﻓﻲ ﺍﻟﺴﻼﻃﻪ
ﻣﺮﺍﺩ ؛؛؛ ﺍﻳﻪ ﺍﻳﻪ
ﻧﺎ ؛؛ ﻧﻌﻢ ﻭﺟﻴﺘﻪ
ﻣﺮﺍﺩ ؛؛ ﺧﻮﺫﻱ ﺣﻤﺎﺩﻱ ﻏﻴﺮﻟﻪ
ﻧﺎ ؛؛ ﻫﻴﺎ ﺣﻤﺎﺩﻱ ﻫﻴﺎ
ﻭﺷﻠﺘﻪ ﻭﻏﻴﺮﻟﺘﻠﻪ ﻭﻣﺸﻴﺖ ﺣﻄﻴﺘﻪ ﻋﻠﻲ ﻛﺮﻭﺳﻪ ﻭﻋﺪﻳﺖ ﺣﻄﻴﺖ ﺍﻟﻌﺸﺎﺀ ﻭﺍﻟﺴﻼﻃﻪ ﻭﺟﺒﺖ
ﺍﻟﺴﻔﺮﻩ ﻋﻨﺪﻩ ﻓﻲ ﺍﻟﺼﺎﻟﻪ ﻣﺮﺍﺩ ﻟﻤﺎ ﺷﺎﻑ ﺍﻟﺴﻔﺮﻩ ﻛﺒﻴﺮﻩ
ﻣﺮﺍﺩ ؛؛ ﻧﺎ ﺣﻄﻴﻠﻲ ﺍﻭﺣﺪﻱ
ﻧﺎ؛؛ ﺍﻧﺖ ﻭﻟﻤﺎﺭ ﻭﺣﻤﺎﺩﻱ ﺑﺲ
ﻣﺮﺍﺩ ؛؛ ﻭﺍﻧﺘﻲ
ﻧﺎ ؛؛ ﻧﺎﻛﻠﺶ ﻓﻴﻬﺎ ﺗﻮ ﺍﻧﻘﻌﻤﺰ ﻭﺍﻧﻮﻛﻠﻬﻢ
ﻣﺮﺍﺩ ؛؛ ﻻﻻ ﺻﺒﻲ ﻭﻛﻠﻴﻬﻢ ﻓﻮﻕ ﻋﻠﻲ ﺍﻟﻄﺎﻭﻟﻪ ﻓﻮﻕ ﺑﺮﻭﺣﻜﻢ
ﻧﺎ ؛ ﺑﻪ ﺣﺎﺿﺮ
ﻭﻣﺸﻴﺖ ﺑﻜﺮﻭﺳﻪ ﻟﻠﻤﻄﺒﺦ ﻭﻋﻄﻴﺖ ﻟﻠﻤﺎﺭ ﺗﺒﺴﻲ
ﻧﺎ ؛؛ ﻋﺪﻱ ﻗﻮﻟﻲ ﺑﺎﺑﺎ ﺍﻳﺤﻂ ﻫﻨﺎ ﻻﻥ ﺣﻄﻴﺘﻬﺎ ﻛﻠﻬﺎ ﺍﻟﻤﻌﻜﺮﻭﻥ
ﻟﻤﺎﺭ ؛؛ ﺑﻪ ﺣﺎﺿﺮ
ﻭﻃﻠﻌﺖ ﻟﻤﺎﺭ ﻭﻣﺸﺖ ﻟﻤﺮﺍﺩ
ﻟﻤﺎﺭ ؛؛ ﺑﺎﺑﺎ ﺣﻄﻠﻲ ﻫﻨﺎ ﻋﺸﺎﺀ ﻓﻴﺶ ﻏﺎﺩﻱ
ﻣﺮﺍﺩ؛؛ ﺑﺎﻫﻲ ﻫﺎﺗﻲ ﺍﻟﺘﺒﺴﻲ
ﻭﺣﻂ ﻣﺮﺍﺩ ﻟﺮﻭﺣﻪ ﻓﻲ ﺍﻟﺘﺒﺴﻲ ﻭﻋﻄﺎﺀ ﻟﻠﻤﺎﺭ ﺍﻟﺴﻮﻧﻴﻪ
ﻟﻤﺎﺭ؛؛ ﺑﺎﺑﺎ ﺳﺎﺧﻨﻪ ﺑﻜﻞ ﻧﻘﺪﺭﺵ ﺍﻧﺸﻴﻠﻬﺎ
ﻣﺮﺍﺩ ؛؛ ﺑﻪ ﻫﺎﺗﻲ ﺗﻮ ﺍﻧﺸﻴﻠﻬﺎ
ﻭﺻﺐ ﻣﺮﺍﺩ ﻭﺧﺶ ﻟﻤﻄﺒﺦ ﻭﻻﻗﻨﻲ ﺍﻣﻘﻌﻤﺰﻩ ﻋﻠﻲ ﺍﻟﻜﺮﺳﻲ ﻭﺣﻄﻠﻲ ﺍﻟﺴﻮﻧﻴﻪ ﻭﻋﺪ ﻭﻗﻌﻤﺰ ﻭﻧﺎ
ﺑﺪﻳﺖ ﺍﻧﻮﻛﻞ ﻓﻲ ﻟﻤﺎﺭ ﻭ ﻓﻲ ﺣﻤﺎﺩﻱ ﻭﺑﻌﺪﻫﺎ ﺧﺶ ﻋﻠﻴﺎ ﻣﺮﺍﺩ
ﻣﺮﺍﺩ ؛؛ ﺣﻄﻴﻠﻲ ﺷﺎﻫﻲ ﻋﻠﻲ ﺍﻟﻨﺎﺭ
ﻧﺎ ؛؛ ﺣﺎﺿﺮ
ﻭﻃﻠﻊ ﻣﺮﺍﺩ ﻭﻫﻮ ﺍﻣﻄﻨﺶ ﻋﻠﻴﺎ ﻭﻣﺎﺍﻳﺒﺤﺘﺶ ﻓﻴﺎ ﺑﻜﻞ
ﻭﻛﻤﻠﺖ ﺗﻮﻛﻴﻞ ﻟﻤﺎﺭ ﻭﺣﻤﺎﺩﻱ ﻭﻏﺴﻠﺘﻬﻢ ﻭﺗﺸﻔﺘﻬﻢ ﻭﻏﻴﺮﺕ ﻟﻠﻤﺎﺭ ﺩﺑﺸﻬﺎ ﻭﻣﺸﻴﺖ ﻟﻠﻤﻄﺒﺦ ﻭﺿﻤﻴﺘﻪ
ﻭﺧﻠﻴﺖ ﺍﻟﺸﺎﻫﻲ ﻋﻠﻲ ﺍﻟﻨﺎﺭ ﻭﺣﻄﻴﺖ ﺑﺨﻮﺭﻩ
ﻭﻛﻤﻠﺖ ﺍﻟﺤﻮﺳﻪ
ﻭﺣﻄﻴﺖ ﺍﻟﺸﺎﻫﻲ ﻓﻲ ﺍﻟﺴﻔﺮﻩ ﻭﻣﺸﻴﺖ ﻭﺣﻄﻴﺘﻪ ﻟﻪ ﻋﻠﻲ ﺍﻟﻄﺎﻭﻟﻪ ﻭﻫﻮ ﻗﺎﻋﺪ ﻋﻠﻲ ﺍﻻﺏ ﺗﻮﺏ
ﻭﻣﺎ ﺑﺶ ﻳﺒﺤﺖ ﻓﻴﺎ
ﻣﺸﻴﺖ ﻭﻋﺪﻳﺖ ﺩﺭﺕ ﺩﻭﺵ ﻭﻻﺑﺴﺖ ﺭﻭﺏ ﻭﺭﺩﻱ ﻭﻛﺎﻥ ﺍﻗﺼﻴﺮ ﻭﻧﺎﻋﻢ ﻭ ﺭﻓﻌﺖ ﺷﻌﺮﻱ ﻭﺩﺭﺕ
ﻋﻄﺮ ﻭﺍﻛﺮﻳﻢ ﻋﻠﻲ ﺟﺴﻤﻲ ﻭﺟﺘﻨﻲ ﻟﻤﺎﺭ
ﻟﻤﺎﺭ ؛؛ ﺍﻋﻤﻴﻤﻪ ﻧﻘﻌﺪ ﻣﻌﺎﻙ
ﻧﺎ ؛؛ ﺗﻌﺎﻟﻲ ﺣﺒﻴﺒﺘﻲ ﺑﺲ ﻋﺪﻱ ﺟﻴﺒﻲ ﺣﻤﺎﺩﻱ ﻗﺒﻞ ﻣﻦ ﻗﺪﺍﻡ ﺑﺎﺑﺎ
ﻟﻤﺎﺭ ؛؛ ﺑﻪ
ﻭﻣﺸﺖ ﻟﻤﺎﺭ ﺍﺗﺠﻴﺐ ﻓﻲ ﺣﻤﺎﺩﻱ ﻭﺍﺗﺤﺎﻭﻝ ﺍﺗﺮﻓﻌﻪ ﻭﻣﺎ ﺍﻗﺪﺭﺗﺶ ﺍﺗﺸﻴﻠﻪ
ﻣﺮﺍﺩ ؛؛ ﺧﻠﻲ ﺧﻮﻙ ﺷﻦ ﺗﺒﻲ ﺍﺗﺸﻴﻠﻲ ﻓﻴﻪ
ﻟﻤﺎﺭ ؛؛ ﺗﺒﻴﻪ ﺍﻋﻤﻴﻤﻪ ﻓﻲ ﺍﻟﺪﺍﺭ
ﻣﺮﺍﺩ ؛؛ ﺧﻠﻴﻬﺎ ﺍﺗﺠﻲ ﺍﻭﺣﺪﻫﺎ ﺗﺎﺧﺬﻩ ﻛﺎﻥ ﺗﺒﻴﻪ
ﻭﺧﺸﺖ ﻋﻠﻴﺎ ﻟﻤﺎﺭ
ﻧﺎ؛ ؛ ﺧﻼﺹ ﺧﻠﻴﻪ ﺗﻌﺎﻟﻲ ﺧﺸﻲ ﻣﻌﻲ ﻓﻲ ﺍﻟﺴﺮﻳﺮ
ﻭﺟﺘﻨﻲ ﻟﻤﺎﺭ ﻭﺧﺸﺖ ﻣﻌﻲ ﻟﻤﺎﺭ ﻓﻲ ﺍﻟﺴﺮﻳﺮ
ﻭﺑﻌﺪﻫﺎ ﺑﻌﺸﺮ ﺩﻗﺎﺋﻖ ﺟﺎ ﻣﺮﺍﺩ ﻭﻛﺎﻥ ﺷﺎﻳﻞ ﺣﻤﺎﺩﻱ
ﻭﺧﺶ ﻋﻠﻴﺎ ﻣﺮﺍﺩ
ﻣﺮﺍﺩ ؛ ﺍﻳﻪ
ﻧﺎ ؛؛ ﺻﺒﻴﺖ ﻭﺣﻮﻟﺖ ﺍﻟﻔﻮﻃﻪ ﻭﺍﻧﺴﻴﺖ ﺭﻭﺣﻲ ﺑﻜﻞ
####
ﻣﺮﺍﺩ ؛؛ ﻣﺶ ﺗﺒﻲ ﺣﻤﺎﺩﻱ
ﻧﺎ ؛؛ ﺍﻫﺎ
ﻣﺮﺍﺩ ؛؛ ﺧﻮﺫﻳﻪ ﺷﻮﻓﻴﻪ ﺭﺍﻩ ﻧﻌﺴﺎﻥ
ﻧﺎ ؛؛ ﺑﻪ ﻫﺎﺗﻪ
######
ﻭﻗﺮﺑﺖ ﻣﻦ ﻣﺮﺍﺩ ﻭﺧﺬﻳﺖ ﺣﻤﺎﺩﻱ ﺑﺲ ﺣﻤﺎﺩﻱ ﻗﻌﺪ ﻣﺎﺳﻚ ﻓﻲ ﻣﺮﺍﺩ ﻭﻣﺎﺑﺶ ﻳﻄﻠﻘﻪ
ﻭﻧﺎ ﻗﻌﺪﺕ ﻣﺎﺳﻜﻪ ﻓﻴﻪ
ﻧﺎ ؛؛ ﺗﻌﺎﻝ ﻳﺎ ﺣﻤﺎﺩﻱ ﺗﻌﺎﻝ ﺣﺒﻴﺒﻲ ﻫﻴﺎ
#######
ﻧﺎ ؛؛ ﻣﺮﺍﺩ ﺷﻮﻓﻪ ﻛﻨﻪ ﻣﺎﺑﺶ ﺍﻳﺠﻨﻲ
ﻣﺮﺍﺩ ؛؛ ﻋﻠﺸﺎﻥ ﻧﺎ ﺍﻋﻠﻲ ﻣﻨﻚ ﻭﻧﺎ ﺍﻣﺼﺒﻲ
ﻧﺎ ؛؛ ﺑﺎﻫﻲ ﺗﻌﺎﻝ ﻗﻌﻤﺰ ﺑﻴﺶ ﻧﺎﺧﺬﻩ ﻣﻨﻚ
ﻭﻗﻌﻤﺰ ﻣﺮﺍﺩ ﻋﻠﻲ ﺍﻟﺴﺮﻳﺮ
####
ﻧﺎ ؛؛ ﺣﻤﺎﺩﻱ ﺗﻌﺎﻝ ﺭﺍﻩ ﻧﺰﻋﻞ ﻭﺍﻧﺴﻴﺒﻚ
ﻓﻴﺶ ﺍﻃﻠﻌﻮ ﺧﻼﺹ ﺭﺍﻩ ﻣﺮﺍﺩ ﻣﺶ ﻃﺎﻟﻊ ﻗﺎﻋﺪ ﻫﻨﺎ ﻭﺍﻧﺖ ﺍﻗﻌﺪ ﻫﻨﺎ
ﻭﻧﺎ ﻗﻌﺪﻩ ﻋﻨﺪ ﻛﺮﻋﻴﻦ ﻣﺮﺍﺩ ﻭﺍﻧﺤﻴﻞ ﻋﻠﻲ ﺣﻤﺎﺩﻱ
ﻭﺍﺗﺠﻲ ﻟﻤﺎﺭ ﻭﺍﺯﻗﺒﺖ ﻋﻠﻲ ﻣﺮﺍﺩ ﻣﻦ ﻓﻮﻕ ﻣﻦ ﻋﻨﺪ ﺍﺭﻗﺒﺘﻪ
###
ﻧﺎ ؛؛ ﺍﻫﺎﺍﺍ
ﻣﺮﺍﺩ ؛### ﻟﻤﺎﺭ ﻧﺎ ﺷﻦ ﻗﺎﻟﺖ ﻋﻠﻲ ﺍﻟﺰﻗﺒﻪ ﻫﺬﻩ ﻣﺶ ﻗﻠﺖ ﻣﻌﺶ ﺍﺩﻳﺮﻫﺎ
ﻭﺑﻌﺪﻫﺎ ﻧﺎ ﺧﺬﻳﺖ ﺣﻤﺎﺩﻱ ﻭﺻﺒﻴﺖ ﻭﻗﻌﻤﺰﺕ ﻋﻠﻲ ﺍﻟﺴﺮﻳﺮ ﺻﺐ ﻣﺮﺍﺩ ﻭﻫﻮ ﻳﺒﻲ ﻳﻄﻠﻊ ﺑﺮﻡ ﻭﺟﻪ
ﻋﻠﻴﺎ
ﻣﺮﺍﺩ ؛؛ ﺍﻟﺒﺲ ﻫﺬﺍ ﻣﻌﺶ ﺗﻼﺑﺴﻴﻪ ﻗﺪﺍﻣﻬﺎ
ﻧﺎ ؛؛ ﺍﺳﺘﻐﺮﺑﺖ ﻭﺑﺤﺘﺖ ﻓﻲ ﺩﺑﺸﻲ ﻃﻮﻝ ﻭﺍﻟﻘﻴﺖ ﺭﻭﺣﻲ ﻻﺑﺴﻪ ﺭﻭﺏ ﺍﻗﺼﻴﺮ ﻭﻛﺎﻥ ﻣﺮﻓﻮﻉ
ﺣﻲ ﻋﻠﻴﺎ ﻳﻌﻨﻲ ﻗﺎﻋﺪﻩ ﺍﻣﺒﺪﺭﻱ ﻣﻊ ﻣﺮﺍﺩ ﺑﺎﻟﻤﻨﻈﺮ ﻫﺬﺍ ﺍﻥ ﺷﺎﺀﺍﻟﻠﻪ
ﻭﻗﻌﺪﺕ ﻻﻫﻴﻪ ﻓﻲ ﻟﻤﺎﺭ ﻭﺣﻤﺎﺩﻱ ﻭﺭﻗﺪﻭ ﻭﺷﺎﻟﺘﻬﻢ ﻟﺴﺮﻳﺮﻫﻢ ﻭﺧﺸﻴﺖ ﻟﺪﺍﺭ ﻭﺻﻜﺮﺗﻪ ﻭﺧﺸﻴﺖ
ﻟﻠﺴﺮﻳﺮ ﻭﺟﺎ ﻣﺮﺍﺩ ﻭﻓﺘﺢ ﺍﻟﺒﺎﺏ
ﻣﺮﺍﺩ ؛؛ ﺍﻟﺒﺎﺏ ﻣﺎﺍﻳﺼﻜﺮﺵ ﺧﻠﻴﻪ ﻣﻔﺘﻮﺡ
ﻧﺎ ؛؛ ﺑﻪ ﺣﺎﺿﺮ
ﻭﻃﻠﻊ ﻫﻮ ﻭﻧﺎ ﻗﻌﺪﺕ ﺣﺎﻃﻪ ﺭﺍﺳﻲ ﻋﻠﻲ ﺍﻟﻤﺨﺪﻩ ﻭﺍﻧﻔﻜﺮ ﻓﻲ ﺍﻟﻤﻮﺿﻮﻉ ﻭﻧﺒﻜﻲ ﻭﺧﻨﻘﺘﻨﻲ ﺍﻟﻌﺒﺮﻩ
ﺍﻧﻔﻜﺮ ﻛﻴﻒ ﺡ ﺍﻧﻜﻤﻞ ﺣﻴﺎﺗﻲ ﻣﻌﻪ ﻭﻫﻮ ﻣﺶ ﻃﺎﻳﻘﻨﻲ ﻗﻌﺪﺕ ﻧﺒﻜﻲ ﻭﺍﻧﻠﻮﻡ ﻓﻲ ﺭﻭﺣﻲ ﻻﻧﻲ
ﻣﺎﺍﺧﻠﻴﺘﺶ ﺍﻳﺠﻨﻲ ﻣﻦ ﺍﻭﻝ ﻟﻴﻠﻪ
ﻭﺭﻗﺪﺕ ﻭﺩﻣﻌﺘﻲ ﻋﻠﻲ ﺧﺪﻱ
ﻭﻓﻲ ﻧﺺ ﺍﻟﻠﻴﻞ ﺳﻤﻌﺖ ﺻﻮﺕ ﺣﻤﺎﺩﻱ ﻳﺒﻜﻲ ﺑﺲ ﺍﻟﻨﻮﻡ ﺛﻘﻞ ﻋﻠﻴﺎ ﻣﻌﺶ ﺍﻗﺪﺭﺕ ﺍﻧﺼﺒﻲ ﺑﻌﺪﻫﺎ
ﺳﻤﻌﺖ ﺻﻮﺕ ﻣﺮﺍﺩ ﺍﻳﺴﻜﺖ ﻓﻴﻪ ﻭﺑﻌﺪﻫﺎ ﺭﺩﻳﺖ ﻓﻲ ﻧﻮﻣﻲ ﺍﺧﺮ
ﻭﻗﻌﺪﺕ 5 ﺍﻳﺎﻡ ﻭﻧﺎ ﻋﻠﻲ ﻭﺷﻊ ﻫﺬﺍ ﻣﺮﺍﺩ ﻳﺤﻜﻴﺶ ﻣﻌﻲ ﻭﺍﻳﻄﻨﺶ ﻋﻠﻴﺎ ﻭﻳﺎﻛﻞ ﻭﺣﺪﻩ ﻭﻧﺎ ﻭﺍﻟﻌﻮﺑﻞ
ﻓﻲ ﺍﻟﻤﻄﺒﺦ ﺑﺮﻭﺣﻨﺎ
ﻭﺑﻌﺪ ﻛﻢ ﻳﻮﻡ ﻭﻗﻌﻴﺖ ﻭﺧﺸﻴﺖ ﻭﺗﻮﺿﻴﺖ ﻭﺻﻠﻴﺖ ﺍﻟﺼﺒﺢ ﻭﻻﺑﺴﺖ ﺍﺳﺮﺗﺶ ﺍﺳﻮﺩ ﻣﻦ ﻓﻮﻕ
ﺑﺪﻱ ﺭﺑﻊ ﻛﻢ ﺭﺻﺎﺻﻲ ﻭﻓﻴﻪ ﺭﺳﻤﻪ ﺑﺎﻻﺳﻮﺩ
ﻭﺩﺭﺕ ﻣﻴﻚ ﺍﺏ ﺧﻔﻴﻒ ﻭﺣﻠﻮﻩ ﻭ ﻭﻋﺖ ﻟﻤﺎﺭ ﻭﺩﺭﺗﻠﻬﺎ ﺩﻭﺵ ﻭﻻﺑﺴﺘﻬﺎ ﻻﺑﺴﻪ ﺣﻠﻮﻩ ﻭﺑﻌﺪﻫﺎ ﺩﺭﺕ
ﺩﻭﺵ ﻟﺤﻤﺎﺩﻱ ﻭﻻﺑﺴﺘﻪ ﻭﻃﻠﻘﺘﻬﻢ ﻋﻠﻲ ﻣﺮﺍﺩ
ﻭﺷﻔﺖ ﺣﻤﺎﺩﻱ ﻗﺎﻋﺪ ﻓﻮﻕ ﻣﺮﺍﺩ
ﻟﻤﺎﺭ ؛؛ ﺑﺎﺑﺎ ﺣﺒﻴﺒﻲ ﻫﻴﺎ ﺍﻋﻤﻴﻤﻪ ﺍﺩﻳﺮ ﻓﻲ ﻓﻄﻮﺭ
ﻣﺮﺍﺩ ؛؛ ﺣﻤﺎﺩﻱ ﺣﻮﻝ ﺍﻧﺖ ﺗﺒﻲ ﺗﻌﻮﺭﻧﻲ ﻭﻻ ﺷﻨﻮ
ﻭﺩﺭﺕ ﺳﻔﺮﻩ ﻓﻴﻬﺎ ﺣﻠﻴﺐ ﻭﺟﻨﺒﻪ ﻭﺯﺑﺎﺩﻱ ﻭﻛﻴﻜﻪ ﻭﻓﻨﺠﺎﻝ ﻗﻬﻮﻩ ﻭﺣﻄﻴﺘﻪ ﻋﻠﻲ ﺍﻟﻄﺎﻭﻟﻪ ﺍﻟﺼﺎﻟﻪ
ﺷﻢ ﻣﺮﺍﺩ ﺑﻨﺔ ﺍﻟﻘﻬﻮﻩ ﻗﻌﻤﺰ ﻭﻣﺎﺍﻳﺸﻮﻑ ﻓﻲ ﺷﻲﺀ ﺍﻻ ﻓﻲ ﺍﻟﻔﻨﺠﺎﻝ ﺑﺲ
ﻭﻗﻌﻤﺰ ﻭﻧﺎ ﻗﺎﻋﺪﻩ ﺍﻣﻘﻌﻤﺰﻩ ﻋﻠﻲ ﺍﻟﻜﺮﺳﻲ ﺍﻟﺘﺎﻧﻲ
ﻧﺎ ؛؛ ﺻﺒﺎﺡ ﺍﻟﺨﻴﺮ
ﻣﺮﺍﺩ؛ ؛ ﺑﺤﺖ ﻓﻴﺎ ﻭﻧﺰﻝ ﺭﺍﺳﻪ ﺻﺒﺎﺡ ﺍﻟﻨﻮﺭ
ﺳﻦ ﺗﻮ ﺳﺎﻋﻪ ﻛﻢ
ﻧﺎ ؛؛ ﺳﺎﻋﻪ 11
ﻣﺮﺍﺩ؛ ؛ ﺍﻭﻭﻭ ﺑﺎﻗﻲ ﺍﻧﻄﻮﻝ ﻓﻲ ﺍﻟﻨﻮﻣﻪ
ﻧﺎ ؛؛ ﻧﺎ ﺑﺮﻭﺣﻲ ﺗﻮ ﻭﻋﻴﺖ ﻣﺎﻟﻴﺶ ﻭﺍﺟﺪ
ﻭﺑﺪﻳﺖ ﺍﻧﺼﺐ ﻓﻲ ﺍﻟﺤﻠﻴﺐ ﻟﻠﻤﺎﺭ ﻭﻋﻄﻴﺘﻪ ﺣﻠﻴﺐ ﻭ ﻛﻴﻜﻪ
ﻭﺑﺪﻳﺖ ﺍﻧﻮﻛﻞ ﻓﻲ ﺣﻤﺎﺩﻱ ﺯﺑﺎﺩﻱ
ﻣﺮﺍﺩ؛؛ ﺑﻴﺶ ﺗﻌﻄﻲ ﻟﺤﻤﺎﺩﻱ ﻣﻴﻪ ﺭﺍﻩ ﺍﻳﺤﺐ ﻳﺸﺮﺏ ﺍﻟﻤﻴﻪ
ﻧﺎ ؛؛ ﺑﻪ ﺣﺎﺿﺮ
ﻭﺑﺼﻮﺕ ﻭﻃﻲ ﻭﺭﺍﻗﻲ ﻭﺣﻨﻮﻥ
ﻣﺮﺍﺩ ﺍﻧﺖ ﺯﻋﻼﻥ ﻣﻨﻲ
ﻣﺮﺍﺩ ؛؛ ﺍﻟﺘﻔﺖ ﺷﻮﺭﻱ
ﺳﻜﺮﻱ ﺍﻟﻤﻮﺿﻮﻉ ﻧﺒﻴﺶ ﻧﺴﻤﻊ
ﻧﺎ ؛؛ ﻳﻌﻨﻲ ﺳﻤﺤﺘﻨﻲ
ﻣﺮﺍﺩ ؛؛ ﻧﺎ ﺷﻦ ﻗﺎﻟﺖ ﺍﺱ ﺧﻼﺹ
ﻧﺎ ؛؛ ﺳﻜﺘﺖ ﻭﻗﻌﺪﺕ ﺍﻧﻮﻛﻞ ﻓﻲ ﺣﻤﺎﺩﻱ ﻭﺑﻌﺪﻫﺎ ﺻﺒﻴﺖ ﻭﺧﺸﻴﺖ ﻟﻠﻤﻄﺒﺦ ﻭﺟﺒﺖ ﺭﺿﺎﻋﺔ ﻣﻴﻪ
ﻭﻋﻄﻴﺘﻬﺎ ﻟﺤﻤﺎﺩﻱ ﻭﺷﻠﺖ ﺍﻟﺴﻔﺮﻩ ﻭﺿﻤﻴﺘﻬﺎ ﻭﻣﺮﺍﺩ ﺧﺶ ﻟﺤﻤﺎﻡ ﻭﺗﻮﺿﺎ ﻭﺻﻠﻲ ﺍﻟﺼﺒﺢ
ﻭﺣﺎ ﻳﺒﻲ ﻳﻄﻠﻊ
ﻧﺎ ؛؛ ﻣﺮﺍﺩ ﻭﻳﻦ ﻃﺎﻟﻊ
ﻣﺮﺍﺩ ؛؛ ﻧﺎﺯﻝ ﺍﻧﺸﻮﻑ ﺍﻣﻲ ﻛﻨﻚ ﺗﺒﻲ ﺣﺎﺟﻪ
ﻧﺎ ؛؛ ﻻ ﺷﻲﺀ ﺷﻦ ﺗﺒﻲ ﺍﻟﻐﺪﺍﺀ
ﻣﺮﺍﺩ ؛؛ ﺍﻱ ﺣﺎﺟﻪ
ﻟﻤﺎﺭ ؛؛ ﺑﺎﺑﺎ ﻧﺒﻲ ﻧﻄﻠﻊ ﻣﻌﺎﻙ
ﻣﺮﺍﺩ ؛؛ ﻫﻴﺎ ﺗﻮ ﻧﺎ ﺧﺬ ﻣﻌﻲ ﺣﺘﻲ ﺣﻤﺎﺩﻱ
ﻧﺎ ؛؛ ﺑﻪ
ﻭﻧﺰﻝ ﻣﺮﺍﺩ ﻭﻟﻤﺎﺭ ﻭﺣﻤﺎﺩﻱ
ﻭﻧﺎ ﻗﻌﺪﺕ ﻓﻲ ﺍﻟﺸﻘﻪ ﻭﺑﺮﻣﺖ ﻋﻠﻴﻬﺎ ﻣﻦ ﻫﻨﺎ ﻭﻫﻨﺎ ﻭﺟﻴﺖ ﻧﺒﻲ ﺍﻧﺤﻂ ﺍﻟﻐﺪﺍﺀ ﻋﻠﻲ ﺍﻟﻨﺎﺭ
ﺍﻳﺠﻨﻲ ﻣﺮﺍﺩ ﻭﺍﻳﺨﺶ ﻋﻠﻴﺎ ﻓﻲ ﺍﻟﻤﻄﺒﺦ ﻭﻧﺎ ﻋﻠﻲ ﺍﻟﺤﻮﺽ
ﻣﺮﺍﺩ؛ ﺍﻳﻪ ﻣﺎﺍﺗﺴﻮﻳﺶ ﻏﺪﺍﺀ
ﻧﺎ ؛؛ ﺑﺮﻣﺖ ﻭﺟﻲ
ﻋﻠﻴﺶ ﺷﻦ ﺗﺒﻲ ﺍﺗﻐﺪﺍﺀ ﺍﻧﺖ ﺑﻌﺪﻫﺎ
ﻣﺮﺍﺩ ؛ ﺍﻣﻲ ﻗﺎﻟﺖ ﺧﻠﻴﻬﺎ ﺗﻨﺰﻝ ﻭﺗﻐﺪﻭ ﻟﻮﻃﻪ
ﻧﺎ ؛؛ ﺑﻪ ﺣﺎﺿﺮ
ﻭﻣﺸﻴﺖ ﻟﺪﺍﺭ ﻭﻏﻴﺮﺕ ﺩﺑﺸﻲ ﻭﻻﺑﺴﺖ ﺟﻴﻨﺰ ﻭﻋﻠﻴﻪ ﺑﺪﻱ ﺭﻣﺎﺩﻱ ﻓﻴﻪ ﻭﺭﺩ ﻭﺭﺩﻱ ﺍﺻﻐﻴﺮ ﻭﻻﺑﺴﺖ
ﻓﻮﻗﻪ ﻃﺮﻑ ﻣﻔﺘﻮﺡ ﺑﻨﻲ
ﻭ ﻟﻌﺖ ﺍﺳﺘﺸﻮﺍﺭﻱ ﺩﺭﺕ ﺟﻤﺘﻲ ﻭﺑﺮﻣﺖ ﻋﻠﻲ ﺑﺎﻗﻲ ﻋﻠﻲ ﺷﻌﺮﻱ
ﻭﻟﻔﻴﺘﻪ ﻭﺧﻠﻴﺘﻪ ﻓﻮﻕ ﻭﺯﺩﺕ ﻣﻴﻚ ﺍﺏ ﺍﻣﺘﻌﻲ ﺍﺧﺮﻱ
ﻭﺑﺮﻣﺖ ﻭﺟﻲ ﻭﺍﻟﻘﻴﺖ ﻣﺮﺍﺩ ﺍﻣﺼﺒﻲ ﻋﻠﻲ ﺍﻟﺒﺎﺏ ﻭ ﺍﻳﺒﺤﺖ ﻓﻴﺎ
ﺍﻧﺤﺮﺟﺖ ﻣﻨﻪ
ﻧﺎ ؛؛ ﻣﺎﻓﻄﻨﺘﻜﺶ ﺑﻜﻞ
ﻣﺮﺍﺩ ؛؛ ﺍﻳﻪ ﺭﺍﻩ ﻋﻤﺘﻲ ﻓﺎﻃﻤﻪ ﻗﺎﻋﺪﻩ ﻟﻮﻃﻪ ﻭﻫﻲ ﺍﻟﻠﻲ ﺗﺒﻴﻚ
ﻧﺎ ؛؛ ﻫﻴﻴﻴﻴﻴﻲ ﺍﺧﻮﻳﻠﻪ ﻗﺎﻋﺪﻩ ﻭﻧﻄﻴﺖ ﻭﺍﺑﺘﺴﻤﺖ ﺍﺑﺘﺴﺎﻣﻪ ﻋﺮﻳﻀﻪ ﻣﻦ ﻭﺫﻥ ﻟﻮﺫﻥ
ﻣﺮﺍﺩ ؛؛ ﺍﻭﻭﻭﻭ ﺍﺗﺤﺒﻴﻬﺎ ﻟﺪﺭﺟﻪ ﻫﺬﻩ
ﻧﺎ ؛؛ ﻧﺎ ﺍﻧﻤﻮﺕ ﻓﻴﻬﺎ ﺍﺳﺎﺱ ﺍﻧﺎ ﻣﺎﻧﻌﺘﺒﺮﺵ ﻓﻴﻬﺎ ﻣﺮﺍﺕ ﺧﺎﻟﻲ ﺑﺲ ﻧﺎ ﻧﻌﺘﺒﺮ ﻓﻴﻬﺎ ﺍﺧﺘﻲ ﺍﻟﻜﺒﻴﺮﻩ
ﻣﺮﺍﺩ ؛؛ ﺑﺎﻫﻲ ﺍﻧﺰﻟﻲ
ﻭﻃﻠﻊ ﻣﺮﺍﺩ ﻭﻧﺎ ﻃﻠﻌﺖ ﻭﺭﺍﻩ ﻭﻛﺎﻧﺖ ﻧﺠﺮﻱ ﻋﻠﻲ ﺍﻟﺪﺭﻭﺝ ﻣﻦ ﺍﻟﻔﺮﺣﻪ
ﻣﺮﺍﺩ ؛؛ ﺍﻳﻪ ﺑﺸﻮﻳﻪ ﺭﺍﻩ ﺗﻨﻘﻠﺒﻲ ﻫﻨﺎ ﻋﻴﺐ ﺍﻣﻲ ﺗﻮ ﺍﺗﺸﻮﻓﻚ
ﻭﻗﻔﺖ ﻭﺑﺤﺘﺖ ﻓﻲ ﻣﺮﺍﺩ
ﻧﺎ ؛؛ ﻧﺎ ﺍﻣﺮﺍﻳﻔﻪ ﻋﻠﻴﻬﺎ ﺷﻮﻑ ﻫﻪ ﻗﻠﺒﻲ ﻛﻴﻒ ﻳﻨﺒﺾ ﻭﻣﺴﻜﺖ ﻳﺪﻩ ﻭﺣﻄﻴﺘﻬﺎ ﻋﻠﻰ ﻗﻠﺒﻲ
ﻣﺮﺍﺩ؛ ؛ ﻫﻬﻪ ﺑﺎﻫﻲ ﺍﻣﺸﻲ ﺑﺸﻮﻳﻪ
ﻭﻣﺸﻴﺖ ﻭﺧﺸﻴﺖ ﻟﻠﺼﺎﻟﺘﻬﻢ ﻭﺍﻟﻘﻴﺖ ﺧﺎﻟﺘﻲ ﻓﺎﻃﻤﻪ ﻗﺪﺍﻣﻲ
ﻓﻲ ﻟﺤﻈﻪ ﺍﻟﻘﻴﺖ ﺭﻭﺣﻲ ﻧﻀﺒﻂ ﻓﻴﻬﺎ ﻭﻧﺒﻜﻲ
ﺧﺎﻟﺘﻲ ﻓﺎﻃﻤﻪ ؛؛ ﻣﺎﺯﺍﻟﺘﻲ ﻫﺒﻠﻪ ﺧﻼﺹ
ﻧﺎ ،؛ ﺍﻣﺮﺍﻳﻔﻪ ﻋﻠﻴﻜﻢ ﺑﻜﻞ ﻭﺍﻣﺮﺍﻳﻔﻪ ﻋﻠﻲ ﺍﻟﺤﻮﺵ ﻋﻠﻲ ﻣﺎﻣﺎ ﺍﻣﺮﺍﻳﻔﻪ ﻋﻠﻲ ﻟﻤﺘﻨﺎ ﺍﻣﺮﺍﻳﻔﻪ ﻋﻠﻲ
ﺍﻟﺒﻨﺎﺕ
ﺧﺎﻟﺘﻲ ﻓﺎﻃﻤﻪ؛ ؛ ﻭﺍﻟﻠﻪ ﻣﺸﻴﺘﻠﻬﻢ ﻭﺍﻟﻘﻴﺖ ﺍﻟﺤﻮﺵ ﺷﻴﻦ ﺑﻼﻙ ﻳﺎ ﺍﻳﻪ ﻳﻌﻴﻪ ﺍﻟﻘﻴﺘﻬﻦ ﻣﻨﻄﻤﺴﺎﺕ
ﻭﺧﻼﺹ ﻭﻛﺎﻧﻚ ﺍﻧﺘﻲ ﺍﻟﻠﻲ ﻛﻨﺖ ﺍﺗﺤﺮﻛﻲ ﻓﻴﻬﻦ ﻧﻴﻦ ﻭﺟﻌﻨﻲ ﺣﺎﻟﻬﻦ ﻭﺍﻗﻌﺪﺕ ﺗﺒﻜﻲ
ﻧﺎ ؛ ﻗﻌﺪﺕ ﻧﺒﻜﻲ ﺍﺧﺮ ﻭﻧﻀﺒﻂ ﻓﻴﻬﺎ ﺑﻘﻮﻩ ﻧﻴﻦ ﻋﻤﺘﻲ ﺍﻡ ﻣﺮﺍﺩ ﺗﻤﺖ ﺗﺒﻜﻲ
ﻣﺮﺍﺩ ؛؛ ﺷﺎﻑ ﺍﻟﻤﻮﻗﻒ ﺟﺎ ﺷﻮﺭﻱ ﻭﻛﺮﻧﻲ ﺷﻮﺭﻩ ﻭﻟﻒ ﻋﻠﻴﺎ ﻭﻧﺎ ﻗﻌﺪﺕ ﻧﺒﻜﻲ ﻓﻲ ﺣﻀﻨﻪ
ﻭﻻﻭﻝ ﻣﺮﻩ ﻣﺮﺍﺩ ﻳﻀﺒﻄﻨﻲ ﻭﻧﺎ ﻧﻘﺒﻠﻬﺎ ﻣﻨﻪ ﻭﺍﻭﻝ ﻣﺎﺣﻄﻨﻲ ﻓﻲ ﺣﻀﻨﻪ ﺣﺴﻴﺖ ﺑﺮﻭﺣﻲ ﺗﺮﻳﺤﺖ
ﻭﺑﺎﻣﺎﻥ
ﺍﺳﺴﺴﺲ ﺧﻼﺹ ﺍﺑﻜﺎﺀ ﺍﻳﻪ ﺑﻄﻠﻲ ﻋﻴﺐ
ﻛﻴﻒ ﻳﺎ ﻋﻤﺘﻲ ﺍﻧﺘﻲ ﺟﺎﻳﻪ ﺍﺗﺒﻜﻲ ﻓﻴﻬﺎ ﻭﻻﻩ ﺷﻨﻮ
ﺧﺎﻟﺘﻲ ﻓﺎﻃﻤﻪ ؛؛ ﻻ ﻭﺍﻟﻠﻪ ﺑﺲ ﻫﻲ ﻏﺎﻟﻴﻪ ﻋﻠﻴﺎ ﻭﺭﺍﻳﻔﺖ ﻋﻠﻴﻬﺎ ﻭﺍﻣﺲ ﺍﻣﻬﺎ ﻫﻲ ﺍﻟﻠﻲ ﻗﺎﻟﺘﻠﻲ ﻋﺪﻱ
ﺍﺑﺮﻣﻲ ﻋﻠﻴﻬﺎ ﻻﻥ ﺣﺘﻲ ﺭﻥ ﻣﻌﺶ ﺭﻧﺖ
ﻭﻗﻌﻤﺰﺕ ﻋﻤﺘﻲ ﻭﺍﻓﺮﺣﺖ ﻟﻤﺎ ﺷﺎﻓﺖ
ﻣﺮﺍﺩ ﻻﻑ ﻋﻠﻴﺎ ﻭﺣﺎﻃﻨﻲ ﻓﻲ ﺣﻀﻨﻪ
ﻭﻃﻠﻌﻨﻲ ﻟﺠﻨﺎﻥ ﺑﻴﺶ ﺍﻳﻬﺪﻧﻲ
ﻣﺮﺍﺩ ؛؛ ﻧﺤﺴﺒﻜﺶ ﺑﻜﺎﻳﻪ ﻟﺪﺭﺟﻪ ﻫﺬﻩ ﺧﻼﺹ ﺍﻫﻮ ﻣﻴﻚ ﺍﺏ ﻣﺘﺎﻋﻚ ﻛﻠﻪ ﺳﺎﺡ ﻭﺍﻗﻌﺪﺕ ﺣﺎﻟﺘﻚ
ﺣﺎﻟﻪ ﻭﻃﻠﻌﻠﻲ ﻣﻨﺪﻳﻞ
ﻭﻣﺴﺤﻠﻲ ﺑﻪ ﻭﻫﺪﻳﺖ
ﻣﺮﺍﺩ ؛؛ ﺧﻼﺙ ﺑﻼ ﺑﻜﺎﺀ ﺑﻴﺶ ﺍﻧﺸﻴﻠﻚ ﻟﻠﻬﻠﻚ ﺭﺍﻩ ﺗﺒﻜﻲ ﻣﺎﺍﻧﺸﻴﻠﻜﺶ
ﻧﺎ ؛؛ ﺑﻪ ﺧﻼﺹ ﻭﻗﻔﺖ ﺍﺑﻜﺎﺀ
ﻣﺮﺍﺩ ؛ ﻫﻬﻬﻬﻪ ﻫﻴﺎ ﻳﺎﻫﺒﻠﻪ ﻣﻌﺶ ﺗﺒﻜﻲ
ﻧﺎ ؛؛ ﺍﺑﺘﺴﻤﺖ ﺍﺑﺘﺴﺎﻣﻪ ﻻﻥ ﺍﻭﻝ ﻣﺮﻩ ﻗﻌﺪ ﻣﺘﻘﺮﺑﻪ ﻣﻦ ﻣﺮﺍﺩ ﻫﻜﻲ ﻭﻓﺮﺣﺖ ﻻﻥ ﻫﻮ ﺍﻟﻴﻮﻡ
ﻳﺒﺘﺴﻤﻠﻲ ﻣﻦ ﻫﺬﺍﻙ ﺍﻟﻴﻮﻡ ﻳﻌﻨﻲ ﺑﺪﺍ ﻳﺮﺿﺎ ﻋﻠﻴﺎ
ﺣﺎﺿﺮ
ﻭﺧﺸﻴﺖ ﻭﺳﻠﻤﺖ ﻋﻠﻲ ﻋﻤﺘﻲ ﻻﻥ ﺍﻣﺒﺪﺭﻱ ﻣﺎ ﺳﻠﻤﺘﺶ ﻋﻠﻴﻬﺎ
ﻭﻋﻠﻲ ﺍﻟﺒﻨﺎﺕ ﻭﻗﻌﻤﺰﺕ ﻭﻗﻌﺪﺕ ﺍﻧﻬﺪﺭﺯ ﻣﻊ ﺧﺎﻟﺘﻲ ﻓﺎﻃﻤﻪ ﻭﺑﻌﺪﻫﺎ ﻫﻦ ﺻﺒﻨﺎ ﺑﻴﺶ ﺍﻳﺪﻳﺮﻥ ﺍﻟﻐﺪﺍﺀ
ﻭﻧﺎ ﻭﺧﺎﻟﺘﻲ ﻓﺎﻃﻤﻪ ﻗﻌﺪﻧﺎ ﺍﻧﻬﺪﺭﺯﻭ ﺑﺮﻭﺣﻦ
ﺧﺎﻟﺘﻲ ﻓﺎﻃﻤﻪ ؛ ﻫﺎ ﻳﺎ ﻭﻳﻪ ﺷﻦ ﺻﺎﺭ ﻣﻌﺎﻙ ﻣﻊ ﻣﺮﺍﺩ ﺍﻛﻮﻳﺲ ﻭﻫﺎ ﺷﻦ ﻋﻨﺪﻛﻢ ﺭﺍﻩ ﺍﻣﻚ ﻣﺸﻐﻮﻟﻪ
ﻋﻠﻴﻚ ﻭﻗﺎﻟﺘﻠﻲ ﺷﻮﻓﻴﻬﺎ
ﻧﺎ ؛؛ ﺧﺎﻟﺘﻲ ﺍﻧﺘﻲ ﻟﻴﺶ ﻣﺎﺣﻜﻴﺘﻲ ﻟﻤﺮﺍﺩ ﻋﻠﻲ ﻗﺼﺔ ﻧﺠﺎﺡ ﺍﺧﺘﻲ ﺭﺍﻩ ﻫﻮ ﺳﻤﻌﻬﺎ ﺧﻄﺎ ﺍﻟﻠﻲ ﻫﻮ ﺩﺯ
ﺭﺳﺎﻟﻪ ﻓﻴﻬﺎ ﻣﻮﺿﻮﻉ ﻧﺠﺎﺡ ﻭﻗﺎﻳﻠﻪ ﻋﻠﻴﺎ ﺣﺎﺟﺎﺕ ﻣﺶ ﺍﻛﻮﻳﺴﻪ
ﻳﻤﺎ ﺻﺎﺭ ﻣﺴﻜﺖ ﺍﻟﻤﺼﺤﻒ ﺑﻴﺶ ﺻﺪﻗﻨﻲ ﻣﺮﺍﺩ
ﺧﺎﻟﺘﻲ ﻓﺎﻃﻤﻪ ؛؛ ﻫﻴﻴﻴﻴﻴﻲ ﻭﺍﻟﻠﻪ ﻧﺎ ﻗﺎﻟﺖ ﻣﻦ ﺯﻣﺎﻥ ﺍﻥ ﺭﺍﻩ ﺍﺧﺘﻬﺎ ﻣﺘﺰﻭﺟﻪ ﻭﻫﻮ ﻣﺎﺑﺶ ﻳﺴﺎﻟﻨﻲ
ﻭﻧﺎ ﻣﻌﺶ ﺣﻜﻴﺘﻠﻪ
ﻭﺑﺎﻫﻲ ﻫﺎ ﺷﻦ ﺻﺎﺭ ﻋﻨﺪﻙ ﻣﻊ ﻣﺮﺍﺩ
ﻧﺎ ؛؛ ﻧﺎ ﻧﺮﻗﺪ ﺍﻭﺣﺪﻱ ﻭ ﻣﺮﺍﺩ ﺍﻭﺣﺪﻩ ﻣﺮﺍﺩ ﻣﺘﻌﻘﺪ ﻣﻨﻲ ﺑﺴﺒﺐ ﺍﻟﻤﻮﺿﻮﻉ ﻫﺬﺍ ﻭﺑﺴﺒﺐ ﺍﻭﻝ ﻟﻴﻠﺘﻨﻲ
ﻳﻘﺮﺏ ﻣﻨﻲ ﻭﻧﺎ ﻧﺮﻓﺾ ﻓﻴﻪ ﻭﻫﻮ ﻗﺎﻟﻲ ﺍﻧﺘﻲ ﻣﺎﺯﺍﻝ ﻋﻘﻠﻚ ﻋﻨﺪ ﺣﺒﻴﺒﻚ ﻫﺬﻙ
ﺧﺎﻟﺘﻲ ﻓﺎﻃﻤﻪ ؛؛ ﻫﻴﻴﻴﻴﻴﻴﻴﻲ ﻃﻴﺢ ﺳﻌﺪﻙ ﻣﻌﻘﻮﻟﻪ ﺍﻧﺘﻲ ﻣﻦ ﺟﺪﻙ ﺗﺮﻓﻀﻴﻪ ﺣﻲ ﻋﻠﻴﻚ ﺍﻧﺘﻲ ﻫﺒﻠﻪ
ﻭﻣﺶ ﻋﺎﺭﻓﻪ ﻣﺼﻠﺤﺘﻚ ﻭﻻ ﺷﻨﻮ ﺍﻣﻚ ﻋﺎﺑﻴﻪ ﻋﻠﻴﻚ ﻭﺍﻧﺘﻲ ﻗﺎﻋﺪﻩ ﻫﻨﺎ ﻭﻣﺎﺩﻩ ﻭﺟﻚ
ﺻﺒﻲ ﺻﺒﻲ ﻭﺍﻧﺘﻲ ﻣﺎﻓﻴﻚ ﻓﺎﻳﺪﻩ ﺑﻜﻞ ﺻﺒﻲ ﻋﺪﻱ ﺳﺎﻋﺪﻱ ﻋﻤﺘﻚ ﻭﺩﻳﺮﻱ ﻛﻴﻜﻪ ﻭﺍﻧﺎ ﺗﻮ ﺍﻧﺠﻴﻚ
ﺍﺷﻮﻳﻪ
ﻧﺎ ؛ ﺑﻪ
ﻭﻧﺎ ﺻﺒﻴﺖ ﻭﻣﺸﻴﺖ ﻟﻠﻤﻄﺒﺦ ﻭﺑﺪﻳﺖ ﻭﺍﻟﻘﻴﺖ ﻫﺪﻱ ﺍﺗﻘﺸﺮ ﻓﻲ ﺍﻟﺨﻀﺮﺍﺀ
ﻧﺎ ؛ ﺍﻭﻭﻭ ﺍﻣﺒﻮﺥ ﺍﻣﺎﻟﻪ
ﻫﺪﻱ ؛؛ ﺍﻫﺎ ﺷﻦ ﺍﺗﺤﺒﻴﻪ
ﻧﺎ ؛؛ ﻏﺎﻟﻲ ﻋﻠﻴﺎ ﺍﻣﺲ ﻧﺎ ﺩﺭﺗﻪ
ﻣﻌﻨﺎﺗﻬﺎ ﻧﺎ ﺗﻮ ﺍﻧﺪﻳﺮ ﺍﻟﺤﻠﻮﻩ
ﻋﻤﺘﻲ ؛؛ ﺩﻳﺮﻱ ﺑﺴﺒﻮﺳﻪ ﻣﺮﺍﺩ ﺍﻳﺤﺒﻬﺎ
ﻧﺎ ؛؛ ﺣﺎﺿﺮ ﻳﺎ ﺍﻋﻤﻴﻤﻪ
ﻭﻧﺎ ﺑﺪﻳﺖ ﺍﻧﺪﻳﺮ ﻓﻲ ﺍﻟﺒﺴﺒﻮﺳﻪ ﻭﺧﺎﻟﺘﻲ ﻓﺎﻃﻤﻪ ﻣﺸﺖ ﻭﻫﺪﺭﺯﺕ ﻣﻊ ﻣﺮﺍﺩ ﻭﺣﻜﺘﻠﻪ ﻋﻠﻲ ﻗﺼﺔ
ﻧﺠﺎﺡ ﻭﺗﻤﺖ ﺗﺸﻜﺮﺍ ﻓﻴﺎ ﻭﺗﻤﺖ ﺗﻘﻨﻊ ﻓﻴﻪ ﺍﻛﺜﺮ ﻋﻠﻴﺎ
ﻣﺮﺍﺩ ﺗﻌﻘﺪ ﻻﻥ ﻋﺮﻓﻨﻲ ﺣﻜﻴﺖ ﺍﻟﻠﻲ ﺻﺎﺭﺕ ﺑﻴﺒﻨﻲ ﻭﺑﻴﻨﻪ ﻟﺨﺎﻟﺘﻲ ﻭﻫﻮ ﺍﻧﺤﺮﺝ ﻣﻨﻬﺎ ﻭﻣﺮﺍﺩ ﻫﻮ
ﻛﺘﻮﻡ ﺑﻜﻞ ﻭﻣﺎﺍﻳﺤﺒﺶ ﻳﺤﻜﻲ
ﺧﺎﻟﺘﻲ ﻓﺎﻃﻤﻪ؛؛ ﻣﺮﺍﺩ ﺭﺍﻩ ﻭﺍﻟﻠﻪ ﺍﻛﻮﻳﺴﻪ ﻭﻣﺤﺘﺮﻣﻪ ﻭﺭﺍﻫﻲ ﻃﻴﺒﻪ ﺍﻧﺖ ﺷﻮﻑ ﻣﻌﺎﻣﻠﺘﻬﺎ ﻣﻊ ﺍﻋﻴﺎﻟﻚ
ﺷﻦ ﺍﻛﻮﻳﺴﻪ
ﻣﺮﺍﺩ؛ ؛ ﺍﻟﺤﻖ ﻳﺎ ﻋﻤﺘﻲ ﻫﻲ ﻣﻦ ﻧﺎﺣﻴﺔ ﺍﻟﻌﻮﻳﻞ ﺍﻛﻮﻳﺴﻪ ﺑﻜﻞ ﻭﻏﺎﻟﻴﻦ ﻋﻠﻴﻬﺎ ﻭﺍﺗﻌﺎﻣﻞ ﻓﻴﻬﻢ ﺍﺣﺴﻦ
ﻣﻌﺎﻣﻠﻪ ﻭﻫﺬﺍ ﺍﻟﻠﻲ ﻣﺮﻳﺤﻨﻲ ﺍﺗﺠﺎﻫﺎ
ﺧﺎﻟﺘﻲ ﻓﺎﻃﻤﻪ؛؛ ﻭﺍﻧﺖ ﺷﻦ ﺗﺒﻲ ﺍﻛﺘﺮ ﻣﻦ ﻫﻜﻲ ﺍﺣﻠﻴﻮﻩ ﻭﺍﻛﻮﻳﺴﻪ ﻭ ﻣﺤﺘﺮﻣﻪ ﻭﻃﻴﺒﻪ ﻭﺍﺗﻌﺎﻣﻞ ﻓﻲ
ﻋﻮﻳﻠﻚ ﻣﻌﺎﻣﻠﻪ ﺍﻛﻮﻳﺴﻪ
ﻭﺟﺘﻬﻢ ﺍﻋﻤﻴﻤﻪ ﻭﻻﺣﻈﺖ ﺍﻥ ﺧﺎﻟﺘﻲ ﻓﺎﻃﻤﻪ ﺗﺸﻜﺮ ﻓﻴﺎ ﻭﺗﻌﻘﺪﺕ ﻫﻲ
ﻋﻤﺘﻲ ؛ ﺷﻦ ﻳﺎ ﻣﺮﺍﺩ ﺍﻧﺖ ﺗﺎﺧﺬ ﻓﻲ ﺍﻟﻨﺼﺎﻳﺢ ﻣﻦ ﻋﻤﺘﻚ ﻭﻻ ﺷﻨﻮ
ﺧﺎﻟﺘﻲ ﻓﺎﻃﻤﻪ ؛؛ ﺷﻦ ﻳﺎ ﻓﺘﺤﻴﻪ ﻣﺎﺯﺍﻟﺖ ﻣﺶ ﻋﺎﺟﺒﺘﻚ ﻭﻻﻩ ﺷﻨﻮ
ﻋﻤﺘﻲ ؛ ﻻ ﻧﺎ ﻣﺎﺯﺍﻟﺖ ﻣﺎﻋﺮﻓﺘﻬﺎ ﻫﺬﻩ ﺛﺎﻧﻲ ﻣﺮﻩ ﺍﻧﺸﻮﻓﻬﺎ ﻣﺎﺗﻨﺰﻟﺶ ﻋﻠﻴﻨﺎ ﺑﻜﻞ ﻗﺎﻋﺪﻩ ﻓﻮﻕ
ﻭﺣﺎﺑﺴﻪ ﺭﻭﺣﻬﺎ ﻭﺣﺎﺑﺴﻪ ﺍﻻﻋﻴﺎﻝ ﻭﺍﻟﻠﻪ ﻣﺮﺍﺕ ﻣﺎﻧﺴﻤﻌﺶ ﻓﻲ ﺻﻮﺗﻬﻢ ﺑﻜﻞ ﺍﻧﻘﻮﻝ ﻛﻴﻒ ﻫﺬﻩ
ﻗﺘﻠﺘﻬﻢ ﻭﻻ ﺷﻨﻮ ﻭﻧﺮﻛﺐ ﻭﻧﺼﻨﺖ ﻭﻧﺴﻤﻊ ﺻﻮﺕ ﻟﻤﺎﺭ ﻭﺑﻌﺪﻫﺎ ﺍﻧﺘﺮﻳﺢ ﻭﻧﻨﺰﻝ ﻫﺬﻩ ﺍﻟﻮﺍﺣﺪ
ﻣﺎﺗﺮﻳﺤﻠﻬﺶ ﻫﺬﻩ ﻓﻲ ﺍﻟﻨﻬﺎﻳﻪ ﺑﻜﻞ ﺭﺍﻩ ﻣﺮﺍﺕ ﺍﺏ ﺍﺩﻳﺮ ﻣﻬﻢ ﺍﺩﻳﺮ ﺍﻛﻴﺪﻩ ﺍﺗﻐﻴﺮ ﻣﻨﻬﻢ ﻣﺮﻩ ﻣﺮﻩ
ﻭﺍﺗﻬﺰﺏ ﻓﻴﻬﻢ ﻭﺗﻀﺮﺑﻬﻢ
ﺧﺎﻟﺘﻲ ﻓﺎﻃﻤﻪ ؛؛ ﻫﻴﻴﻴﻴﻴﻴﻲ ﻋﻴﺐ ﻋﻠﻴﻚ ﻳﺎ ﻓﺘﺤﻴﻪ ﻫﺬﻩ ﺍﺻﻐﻴﺮﻩ ﺷﻦ ﻋﺮﻓﻬﺎ ﻟﻠﺤﻘﺪ ﻭﻟﻠﺤﺴﺪ
ﺭﺍﻫﻲ ﻭﺍﻟﻠﻪ ﺍﻛﻮﻳﺴﻪ ﻭﺑﻌﺪﻫﺎ ﻣﺮﺍﺩ ﺷﺎﻓﻬﺎ ﻭﺷﺎﻑ ﻣﻌﺎﻣﻠﺘﻬﺎ ﻟﻠﻌﻮﻳﻞ ﺷﻦ ﻳﺎ ﻣﺮﺍﺩ ﺍﻧﺖ ﺗﺤﻜﻴﺶ
ﻭﻻﻩ ﺷﻨﻮ
ﻣﺮﺍﺩ ......
ﻭﻧﺰﻟﻮ ﻋﻴﺖ ﻣﻨﺘﺼﺮ ﻭﺟﺎﻫﻢ ﻓﻲ ﺍﻟﺠﻨﺎﻥ ﻭﺳﻠﻤﻮ ﻋﻠﻲ ﻋﻤﺘﻲ ﻭﺧﺎﻟﺘﻲ ﻓﺎﻃﻤﻪ ﻭﻣﺮﺍﺩ
ﻭﻧﺎ ﺑﻌﺪﻫﺎ ﻃﻠﻌﺖ ﻭﺍﻟﻘﻴﺘﻬﻢ ﺍﻣﺼﺒﻴﻦ ﺳﻠﻤﺖ ﻋﻠﻴﻬﻢ ﻭﻗﻌﻤﺰﺕ ﻣﻌﻬﻢ
ﻋﻤﺘﻲ ؛؛ ﻭﻳﻦ ﻣﺎﺷﻴﻦ ﻳﺎ ﻣﻨﺘﺼﺮ
ﻣﻨﺘﺼﺮ ؛؛ ﻣﺘﻐﺪﻳﻨﺎ ﺑﺮﻩ ﻓﻲ ﻣﻄﻌﻢ
ﻋﻤﺘﻲ ؛؛ ﺷﻜﻠﻜﻢ ﻣﺎ ﺍﺗﺴﻮﺍ ﺑﻜﻞ ﻗﻲ ﺷﻘﺘﻜﻢ ﺩﻳﻤﻪ ﺍﻭﻛﺎﻟﻜﻢ ﻣﻦ ﺑﺮﻩ
ﻏﺎﺩﺓ؛ ؛ ﻧﺎ ﻋﺮﻭﺱ ﻳﺎﻋﻤﺘﻲ ﻭﻣﻦ ﺣﻘﻲ ﻧﺪﻻﻝ ﻭﻧﺎﻛﻞ ﺑﺮﻩ ﻓﻲ ﻣﻄﺎﻋﻢ ﻋﻠﻴﺶ ﻧﻨﺤﺒﺲ ﻭﻧﻘﻌﺪ
ﺍﻧﺴﻮﻱ ﻣﻦ ﺍﻳﺎﻡ ﻓﺮﺣﻲ ﻭﻻ ﻃﻠﻌﻪ ﻭﻻ ﺧﺸﻪ ﺍﻣﻐﻴﺮﻩ ﻛﺎﺭﺳﻪ ﻭﺧﻼﺹ
ﺳﺎﻫﻠﻪ ﻟﻤﺎ ﻳﻤﻮﻥ ﻋﻨﺪﻱ ﻋﻮﻳﻞ ﺗﻮ ﻧﻘﻌﺪ ﺑﻴﻬﻢ ﻓﻲ ﺍﻟﺸﻘﻪ
ﻭﺗﺤﻜﻲ ﻭﺍﺗﺒﺤﺖ ﻓﻴﺎ ﻭﻛﺎﻥ ﺍﻟﻜﻼﻡ ﻧﺼﻪ ﺷﻮﺭﻱ
ﻧﺎ ﻋﺮﻓﺖ ﻧﻴﺘﻬﺎ ﻭﺍﻧﺤﺮﺟﺖ ﻭﺭﻓﻌﺖ ﻋﻴﻨﻲ ﻭﺟﺖ ﻋﻴﻨﻲ ﻓﻲ ﻋﻴﻦ ﻣﺮﺍﺩ
ﻋﻤﺘﻲ ؛؛ ﺑﺎﻫﻲ ﻳﺎ ﺣﻨﻪ ﻋﺪﻱ ﺍﺩﻻﻟﻲ ﻭﻛﻮﻟﻲ ﺍﻭﻛﺎﻝ ﺑﺮﻩ
ﻭﻃﻠﻌﻮ ﻋﻴﺖ ﻣﻨﺘﺼﺮ ﻭﺻﺒﺖ ﻋﻤﺘﻲ ﻣﺘﻌﻘﺪﻩ ﻭﺧﺸﺖ ﻟﻠﺤﻮﺵ ﻭﻟﺤﻘﺘﻬﺎ ﺧﺎﻟﺘﻲ ﻓﺎﻃﻤﻪ
ﻭﻗﻌﺪﻧﺎ ﻧﺎ ﻭﻣﺮﺍﺩ ﺑﺮﻭﺣﻨﺎ
ﻭﻧﺎ ﻗﻌﺪﺕ ﺭﺍﻗﻴﻠﻲ ﻣﻦ ﻛﻼﻡ ﻏﺎﺩﻩ ﻭﺍﻣﻨﺰﻟﻪ ﺭﺍﺳﻲ ﻣﺮﺍﺩ ﻓﻬﻢ ﻋﻠﻴﺎ ﻭﻗﻌﺪ ﻳﺒﻲ ﺍﻳﻐﻴﺮﻟﻲ ﺟﻮﻱ
ﻣﺮﺍﺩ ؛؛ ﺍﻳﻪ ﺷﻦ ﺍﻟﻐﺪﺍﺀ
ﻧﺎ ؛: ﺭﺯ ﺍﻣﺒﻮﺥ ﻭﺍﻣﺴﻴﺮ ﻭﺳﻼﻃﻪ ﻭﻧﺎ ﺩﺭﺕ ﺑﺴﺒﻮﺳﻪ
ﻣﺮﺍﺩ ؛؛ ﺍﻭﻭﻭ ﺑﺴﺒﻮﺳﻪ ﺍﻛﻴﺪﻩ ﺳﻤﺤﻪ
ﻧﺎ ؛؛ ﺍﻧﺖ ﺍﺗﺤﺒﻬﺎ ﺻﺎﺡ
ﻣﺮﺍﺩ ؛؛ ﺑﻜﻞ
ﻭﺳﻜﺘﻨﺎ ﻭﻗﻌﺪﻧﺎ ﻓﻲ ﻭﺿﻊ ﺍﻟﻬﺎﺩﻱ ﺍﺷﻮﻳﻪ ﻭﺑﻌﺪﻫﺎ ﺧﺶ ﻋﻠﻴﻨﺎ ﻃﺎﺭﻕ
ﻃﺎﺭﻕ ؛؛ ﺍﻭﻭﻭﻭ ﻗﺎﻋﺪﻳﻦ ﻫﻨﺎ ﻛﻨﻜﻢ
ﻣﺮﺍﺩ ؛؛ ﺍﻫﻮ ﺟﻮ
ﻃﺎﺭﻕ ؛؛ ﻫﻬﻬﻬﻬﻬﻬﻪ ﺗﻮ ﺗﻨﺤﺮﻗﻮ ﻣﻦ ﺍﻟﺸﻤﺲ
ﻭﺑﻌﺪﻫﺎ ﺟﺖ ﻫﺪﻱ ﻭﻗﺎﻟﺖ ﻫﻴﺎ ﺗﻌﺎﻟﻮ ﻏﺪﺍﺀ
ﻣﺸﻴﻨﺎ ﻭﺧﺸﻴﻨﺎ ﻭﺟﺎ ﻋﻤﻲ ﻭﺗﻐﺪﻳﻨﺎ ﻭﻗﻌﺪﻧﺎ ﺍﻧﻬﺪﺭﺯﻭ ﻃﻮﻝ ﺍﻟﻨﻬﺎﺭ ﻭﻓﻲ ﺍﻟﻠﻴﻞ ﺭﻭﺣﺖ ﺧﺎﻟﺘﻲ
ﻓﺎﻃﻤﻪ
ﻭﻧﺎ ﺭﻛﺒﺖ ﺣﻤﺎﺩﻱ ﻓﻮﻕ ﻭﺟﻴﺖ ﻋﻠﻲ ﺍﻟﺒﺎﺏ ﺍﻟﻘﻴﺘﻪ ﺍﻣﺴﻜﺮ ﺩﻗﻴﺖ ﻭﺟﺎ ﻣﺮﺍﺩ ﻓﺘﺤﻠﻲ
ﻣﺮﺍﺩ ؛؛ ﺍﻭﻭﻭ ﺭﺍﻗﺪ
ﻧﺎ ؛؛ ﻧﺤﻜﻲ ﺑﺼﻮﺕ ﻭﺍﻃﻲ
ﺍﻫﺎ ﺭﺍﻗﺪ
ﻭﺧﺬ ﻣﻨﻲ ﻣﺮﺍﺩ ﻭﺷﺎﻟﻪ ﻟﺴﺮﻳﺮﻩ
ﻭﻧﺎ ﺳﻠﺤﺖ ﺍﻟﻄﺮﻑ ﺍﻟﻔﻮﻗﻨﻲ ﻭﻗﻌﺪﺕ ﺑﻜﺖ ﺑﺲ ﻭﺟﺎﻧﻲ ﻣﺮﺍﺩ
ﻣﺮﺍﺩ ؛؛ ﺍﻳﻪ ﻭﻳﻦ ﻟﻤﺎﺭ
ﻧﺎ ؛؛ ﺣﺘﻲ ﻫﻲ ﺭﺍﻗﺪﻩ ﻋﺪﻱ ﺭﻛﺒﻬﺎ ﺍﻣﻐﻴﺮ ﺛﻘﻴﻠﻪ ﻣﺎ ﻗﺪﺭﺗﺶ ﻋﻠﻴﻬﺎ
ﻣﺮﺍﺩ ؛؛ ﺑﺎﻫﻲ ﺗﻮ ﺍﻧﺠﻴﺒﻬﺎ
ﺍﻳﻪ ﻛﻨﻲ ﺍﻧﺤﺴﻚ ﻓﻴﻚ ﻣﺮﻳﻀﻪ
ﻧﺎ ؛؛ ﻇﻬﺮﻱ ﻳﻮﺟﻊ ﻓﻴﺎ
ﻣﺮﺍﺩ : ؛ ﺷﻦ ﺍﻧﺘﻲ ﻇﻬﺮﻙ ﻳﻮﺟﻊ ﻓﻴﻚ ﺩﻳﻤﻪ
ﻧﺎ ؛؛ ﻻﻻ ﺑﺲ ﻫﻜﻲ ﺷﻜﻠﻲ ﺗﻌﺒﺎﻧﻪ ﺑﺲ
ﻣﺮﺍﺩ ؛؛ ﺍﻳﻪ ﺍﻳﻪ ﻛﻨﻚ ﺗﺤﻜﻲ ﻫﻜﻲ ﺑﺘﻨﺒﻠﻪ
ﻧﺎ ؛؛ ﺗﻌﺒﺎﻧﻪ ﻇﻬﺮﻱ ﺑﺲ ﺗﻮ ﺍﻧﺼﺒﻲ ﻋﺎﺩﻱ ﺩﻳﻤﻪ ﻫﻜﻲ ﻟﻤﺎ ﻧﻤﺮﺽ ﻳﻮﺟﻌﻨﻲ
ﻣﺮﺍﺩ ؛؛ ﺷﻦ ﺍﻧﺘﻲ ﻣﺮﻳﻀﻪ ...
ﻧﺎ : ؛ ﺍﻫﺎ
ﻣﺮﺍﺩ ؛؛ ﺷﻦ ﺍﺗﺤﺴﻲ
ﻧﺎ؛؛ ﻻ ﺷﻲﺀ ﺍﻣﻐﻴﺮ ﻇﻬﺮﻱ ﻳﻘﻌﺪ ﻳﻮﺟﻊ ﻓﻴﺎ
ﻣﺮﺍﺩ ؛؛ ﺗﻮ ﻧﻨﺰﻝ ﺍﻧﺠﻴﺐ ﻟﻤﺎﺭ ﻭﺍﻧﺠﻲ
ﻧﺎ ؛؛ ﺑﺎﻫﻲ
ﻭﻃﻠﻊ ﻣﺮﺍﺩ ﻭﻧﺎ ﺻﺒﻴﺖ ﻭﺣﻮﻟﺖ ﺍﻟﺴﺮﻭﺍﻝ ﻻﺑﺴﺖ ﺭﻭﺏ ﺍﻣﺘﻊ ﺩﻟﻊ ﺍﻣﺘﻊ ﻣﻴﻜﻲ ﻣﻮﺍﺯ ﻭﻣﺸﻴﺖ
ﺭﻗﺪﺕ ﻋﻠﻲ ﺍﻟﺴﺮﻳﺮ
ﻭﺧﺶ ﻣﺮﺍﺩ ﻭﻛﺎﻥ ﺷﺎﻳﻞ ﻟﻤﺎﺭ ﺣﻄﻬﺎ ﻓﻲ ﺳﺮﻳﺮﻫﺎ ﻭﺟﺎﻧﻲ ﻭﻻﻗﻨﻲ ﻃﺎﻳﺢ ﻓﻲ ﺍﻟﺴﺮﻳﺮ
ﻭﺟﺎﻧﻲ ﻭﻗﺮﺏ ﻣﻨﻲ
ﻣﺮﺍﺩ ؛؛ ﺍﻳﻪ ﻣﺎﺯﺍﻟﺘﻲ ﺗﻌﺒﺎﻧﻪ
ﻧﺎ ؛؛ ﺍﺷﻮﻳﻪ
ﻣﺮﺍﺩ ؛؛ ﺍﻧﺘﻲ ﺗﺎﺧﺬﻱ ﻓﻲ ﺍﻱ ﺣﺎﺟﻪ
ﻧﺎ ؛؛ ﻣﺮﺍﺕ ﻧﻄﺒﺦ ﺍﻟﺒﺮﺩﻭﺟﺶ
ﻣﺮﺍﺩ ؛؛ ﻻﻻ ﺍﻟﺒﺮﺩﻭﺟﺶ ﻣﺶ ﺍﻛﻮﻳﺲ ﻭﺍﻋﺮ ﻋﻠﻲ ﺍﻟﺮﺣﻢ ﻭ ﻫﻲ ﻧﻮﻉ ﻣﻦ ﺍﻧﻮﺍﻉ ﺍﻟﻤﻨﺸﻂ
ﻧﺎ ؛؛ ﺑﺲ ﺯﻣﺎﻥ ﺩﻳﻤﻪ ﻧﺎﺧﺬ ﻓﻴﻪ
ﻣﺮﺍﺩ ؛؛ ﻣﻌﺶ ﺗﺎﺧﺬﻱ ﻣﺶ ﺍﻛﻮﻳﺲ ﻭﺍﺟﺪ ﻭﺍﺟﺪ ﻭﺑﻌﺪﻳﻦ ﻫﻮ ﻟﻪ ﻣﻘﺪﺍﺭ ﻣﻌﻴﻦ ﺗﺎﺧﺬﻳﻪ
ﻭﻧﺎ ﺭﺍﻗﺪﻩ ﻭﻧﺘﺎﻟﻢ ﺑﺪﻭﻥ ﻣﺎﺍﻧﺤﺲ ﺑﺮﻭﺣﻲ ﻛﺮﻳﺖ ﻳﺪﻩ ﻭﺧﺬﻳﺘﻬﺎ ﻭﺣﻄﻴﺘﻬﺎ ﻋﻠﻲ ﺑﻄﻨﻲ
ﻣﺮﺍﺩ ﺣﺲ ﺑﻴﺎ ﺗﻘﺮﺏ ﻣﻨﻲ ﺍﺧﺮ ﻭﻟﻔﻨﻲ ﺷﻮﺭﻩ ﻭﺭﻗﺪﻧﻲ ﻋﻠﻲ ﺻﺪﺭﻩ
ﻣﺮﺍﺩ ؛؛ ﺍﻳﻪ
ﻧﺎ ؛؛ ﻧﻌﻢ ﺣﺒﻴﺒﻲ
ﻣﺮﺍﺩ ؛؛ ﺍﺳﺘﻐﺮﺏ ﻭﻗﻌﺪ ﺍﻳﺒﺤﺖ ﻓﻴﺎ
ﻭﻫﻤﺲ ﺑﺼﻮﺕ ﻭﺍﻃﻲ ﻓﻲ ﻭﺫﻧﻲ
ﺍﻳﻪ
ﻧﺎ ؛؛ ﻣﺮﺍﺩ ﺣﺒﻴﺒﻲ ﻧﺎ ﺗﻌﺒﺎﻧﻪ ﺧﻼﺹ
ﻣﺮﺍﺩ ؛؛ ﻋﺮﻓﻨﻲ ﻣﺶ ﺑﻮﻋﻲ ﻭﻗﺮﺑﻨﻲ ﻣﻨﻪ ﺍﺧﺮﻩ
ﻭﺑﻌﺪﻫﺎ ﺩﻕ ﺍﻟﺒﺎﺏ ﺍﻧﻔﺠﻌﻨﺎ ﻧﺎ ﻭﻣﺮﺍﺩ ﻭﻧﻄﻴﻨﺎ ﻧﻂ ﻭﺻﺐ ﻣﺮﺍﺩ ﻳﺠﺮﻱ ﻭﻋﺪ ﻓﺘﺢ ﺍﻟﺒﺎﺏ
ﻭﻟﻘﻪ ﻣﻨﺘﺼﺮ
ﻣﻨﺘﺼﺮ ؛؛ ﻣﺮﺍﺩ ﻧﺒﻴﻚ ﻓﻲ ﻣﻮﺿﻊ ﺿﺮﻭﺭﻱ
ﻣﺮﺍﺩ ؛؛ ﺷﻦ ﻓﻲ ﻓﺠﻌﺘﻨﻲ ﻛﻨﻚ
ﻭﺧﺶ ﻣﻨﺘﺼﺮ ﻟﻤﺮﺑﻮﻋﻪ ﻭﺧﺶ ﻭﺭﺍﻩ ﻣﺮﺍﺩ
ﻣﺮﺍﺩ ؛ : ﺍﺣﻜﻲ ﺷﻦ ﻓﻲ ﺭﺍﻙ ﻓﺠﻌﺘﻨﻲ
ﻣﻨﺘﺼﺮ ؛؛ ..............
ﻳﺘﺒﻊ
