ﻭﺟﺖ ﺍﻟﻌﺸﻴﻪ ﻭﺣﻮﺷﻨﺎ ﺍﻣﻌﺒﻲ ﺭﺟﺎﻟﻪ ﻓﻲ ﺍﻟﻤﺮﺑﻮﻋﻪ ﻭﺑﻌﺪﻫﺎ ﺳﻤﻌﻨﺎ ﺻﻮﺕ ﺍﻟﻌﺮﺏ ﺟﻮ
ﺧﺎﻟﺘﻲ ﻓﺎﻃﻤﻪ ؛؛ ﺍﻳﻪ ﺍﻳﻪ ﺗﻌﺎﻟﻲ ﺗﻌﺎﻟﻲ ﺍﻫﻢ ﺍﻟﻌﺮﺏ ﺟﻮ ﺗﻌﺎﻟﻲ ﺑﻴﺶ ﺍﺗﺸﻮﻓﻲ ﻣﺮﺍﺩ
ﻧﺎ ﺻﺒﻴﺖ ﻭﻧﻤﺸﻲ ﺷﻮﺭ ﺍﻟﺮﻭﺷﻦ ﺩﻗﻪ ﺩﻗﻪ ﺍﻧﺤﺲ ﻓﻲ ﺍﻟﻤﺴﺎﻓﻪ ﺑﻌﻴﺪﻩ ﺑﻜﻞ ﻭﻣﻌﺶ ﺗﺒﻲ ﺗﻜﻤﻞ
ﻧﻤﺸﻲ ﻭﺍﻧﺤﺲ ﻓﻲ ﻗﻠﺒﻲ ﻟﻮﻃﻪ ﻓﻲ ﺍﻻﺭﺽ ﻧﻤﺸﻲ ﻭﻗﻠﺒﻲ ﺍﻳﺪﻕ ﺍﻗﺮﻳﺐ ﻳﻄﻠﻊ ﻣﻦ ﻣﻜﺎﻥ ﻃﻖ
ﻃﻘﻄﻘﻄﻖ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ
ﻭﺟﻴﺖ ﻭﺻﺒﻴﺖ ﻋﻠﻲ ﺭﻭﺷﻦ ﻭﻧﺎ ﺍﻧﺒﺤﺖ
ﺧﺎﻟﺘﻲ ؛ ﺍﻫﻮ ﻳﺎ ﺍﻳﻪ ﺍﻫﻮ
ﻭﺍﻧﺎ ﺍﻧﺸﻮﻑ ﻭﺍﻧﺮﻛﺰ
ﺧﺎﻟﺘﻲ ؛؛ ﺗﻲ ﻫﻮ ﺍﻣﺼﺒﻲ ﻋﻨﺪ ﺍﻟﺒﺎﺏ
ﺭﺟﺎﺀ ؛؛ ﻗﺼﺪﻙ ﺍﻟﻄﻮﻳﻞ ﺍﻟﻠﻲ ﻻﺑﺲ ﺳﻮﺭﻳﻪ ﺑﻴﻀﻪ
ﺧﺎﻟﺘﻲ ﻓﺎﻃﻤﻪ؛ ﺍﻫﺎ
ﻧﺎ ؛؛ ﺍﻧﺤﺒﺖ ﻭﻗﻠﺒﻲ ﺍﻳﺪﻕ ﺍﻗﺮﻳﺐ ﻳﻄﻠﻊ ﻣﻦ ﻣﻜﺎﻥ ﻃﻖ ﻃﻘﻄﻘﻄﻖ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ
ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ
ﺭﺟﺎﺀ ؛؛ ﺍﻳﺠﻨﻨﻨﻨﻨﻨﻨﻨﻦ ﻭﺍﻟﻠﻪ ﺍﺻﺒﺮﺗﻲ ﻭﻧﻠﺘﻲ ﻳﺎ ﺍﻳﻪ
ﻧﺎ ﻗﻌﺪﺕ ﺍﻧﺒﺤﺖ ﻭﻓﺮﺣﺎﻥ ﻣﺶ ﻣﺘﻮﻗﻌﺔ ﻫﻜﻲ ﺑﻜﻞ ﻫﺬﺍ ﺍﻳﺠﻨﻨﻦ ﻭﺷﺨﺼﻴﺔ ﺣﻠﻮﻩ ﻓﻌﻼ
ﻭﻣﺎﺗﻘﻮﻟﻴﺶ ﺍﻥ ﻣﻮﺍﻟﻴﺪ 77 ﺑﻜﻞ ﺷﻜﻠﻪ ﺍﻳﻬﺒﻞ ﻃﻮﻳﻞ ﻭﻗﻤﺤﻲ ﻭﺍﺭﻗﻴﻖ ﻭﺣﻠﻴﺘﻪ ﺣﻠﻮﻩ ﻭﺷﻌﺮﻩ
ﻭﺍﺟﺪ ﻭﺍﺳﻮﺩ ﻭﺍﻣﺸﻴﻪ ﻟﻮﺭﺍﻩ
ﺑﺲ ﺷﻜﻠﻪ ﺟﺪﻱ ﻻﻥ ﺧﺶ ﻭﻫﻮ ﻭﺍﺛﻖ ﻣﻦ ﻧﻔﺴﻪ
ﺧﺎﻟﺘﻲ ؛؛ ﻫﺎ ﺍﻳﻪ ﺷﻦ ﻗﺎﻟﺘﻲ
ﻭﻧﺎ ؛؛ ......... ﺳﺎﺭﺣﻪ ﻓﻴﻪ
ﺧﺎﻟﺘﻲ ﻓﺎﻃﻤﻪ؛؛ ﺍﻳﻪ ﺍﻭﻭﻭﻭ ﺍﻳﻪ ﻛﻨﻚ ﻭﻳﻦ ﺭﺍﻳﺤﻪ
ﻧﺎ ؛؛ ﻫﻪ ﺷﻦ ﻛﻨﻚ
ﺧﺎﻟﺘﻲ ﻓﺎﻃﻤﻪ ؛؛ ﻫﻬﻬﻬﻬﻪ ﺷﻜﻠﻪ ﺍﻋﺠﺒﻚ
ﻧﺎ ﺍﻧﺤﺮﺟﺖ ﻭﺧﺸﻴﺖ ﻟﺪﺍﺭ
ﺍﻣﻴﺮﻩ ؛؛ ﺗﻲ ﺷﻦ ﺗﺴﺎﻟﻲ ﻓﻴﻬﺎ ﺍﻧﺘﻲ ﺗﻲ ﻫﺬﺍ ﺍﻳﻬﺒﻞ ﺍﻟﺤﻖ
ﻧﺎ ﺧﺸﻴﺖ ﻭﺗﻤﻴﺖ ﺍﻧﺘﺨﺎﻳﻞ ﻓﻴﻪ ﻗﺪﺍﻣﻲ ﻭﺗﻤﻴﺖ ﺍﻧﺘﺨﺎﻳﻞ ﺍﻧﻪ ﻫﻮ ﺭﺍﺟﻠﻲ ﻭﻫﻮ ﺍﻟﻠﻲ ﺡ ﺍﻧﻌﻴﺶ
ﻣﻌﻪ ﺗﻲ ﺍﺳﺎﺱ ﻫﻮ ﺍﻳﻬﺒﻞ ﻭﺍﺳﻤﺢ ﺣﺘﻲ ﻣﻨﻲ ﺣﻲ ﻋﻠﻴﺎ ﺗﻮ ﺍﻳﻘﻮﻟﻮ ﻋﻠﻴﺎ ﺷﻴﻨﻪ ﻗﺪﺍﻣﻪ
ﻭﺧﺸﻦ ﻋﻠﻴﺎ ﺍﻟﺒﻨﺎﺕ
ﺍﻳﻪ ﻛﻨﻚ ﻗﺎﻋﺪﻩ ﻫﻴﺎ ﺗﻌﺎﻟﻲ
ﺍﻣﻴﺮﻩ ؛؛ ﺍﻛﻴﺪﻩ ﺍﻋﺠﺒﻚ ﺻﺢ
ﻧﺎ ؛؛ ﺑﺤﺘﺖ ﻓﻲ ﺍﻣﻴﺮﻩ ﻭﺍﺑﺘﺴﻤﺖ ﺍﺳﺎﺱ ﻫﻮ ﺳﻤﺢ ﺑﺲ ﻳﺎﺧﻮﻓﻲ ﻣﻦ ﻫﺎﻟﺴﻤﺎﺡ ﺷﻦ ﺍﻣﺨﺒﻴﻪ
ﺍﻳﻤﺎﻥ ؛؛ ﺍﻛﻴﺪﻩ ﺗﻮ ﺍﻳﺠﻴﻚ ﺧﺎﻟﻲ ﻭﺍﻳﻘﻮﻟﻚ ﺍﻃﻠﻌﻲ ﺳﻠﻤﻲ ﻋﻠﻴﻪ
ﻧﺎ؛؛ ﻣﺶ ﺡ ﻧﻄﻠﻊ ﻋﻠﻴﻪ ﺡ ﻧﺤﺮﻕ ﺩﻣﻪ ﻛﻴﻒ ﻣﺎﺣﺮﻕ ﺩﻣﻲ ﻭﺍﺳﺎﺱ ﻫﻮ ﻣﺶ ﺍﻣﺪﻭﺭﻧﻲ ﻗﺎﻝ
ﻟﻠﺨﺎﻟﺘﻲ ﺣﺎﻁ ﻓﻴﻚ ﺍﻟﺜﻘﻪ ﺧﻠﻴﻪ ﺍﻧﻮﺭﻳﻪ ﺍﻟﺜﻘﻪ ﺷﻦ ﺷﻜﻠﻬﺎ
ﻣﺎﻣﺎ ؛؛ ﺑﻨﺎﺕ ﺗﻌﺎﻟﻨﺎ ﻫﻴﺎ ﺍﻟﺮﺟﺎﻟﻪ ﻳﺒﻮ ﺍﻟﻘﻬﻮﻩ
ﻭﻃﻠﻌﻨﺎ ﺍﺑﺴﺮﻋﻪ ﻭﺑﺪﻳﻨﺎ ﺍﻧﺪﻳﺮﻭ ﻓﻲ ﺍﻟﻘﻬﻮﻩ
ﻭﺍﻳﺨﺶ ﻋﻠﻴﻨﺎ ﺧﺎﻟﻲ
ﺧﺎﻟﻲ ؛؛ ﺍﻳﻪ ﻋﻨﺪﻙ ﺍﻱ ﺣﺎﺟﻪ ﻧﺸﺮﻃﻬﺎ ﻋﻠﻴﻬﻢ
ﻧﺎ ؛؛ ﺗﺤﺸﻤﺖ ﻭﻧﺰﻟﺖ ﺭﺍﺳﻲ
ﻣﺎﻣﺎ ؛؛ ﻻﻻ ﻧﺤﻦ ﻧﺒﻮ ﺍﻣﻐﻴﺮ ﺣﻮﺵ ﺍﻭﺣﺪﻫﺎ ﺑﺲ
ﺧﺎﻟﻲ ؛؛ ﻻ ﻣﻦ ﺍﻟﻨﺎﺣﻴﻪ ﻫﺬﻩ ﺍﻃﻤﻨﻲ ﻋﻨﺪﻩ ﺣﻮﺵ ﻭﺷﻘﻪ
ﻣﺎﻣﺎ؛ ؛ ﺑﺎﻫﻲ ﺍﻟﺤﻤﺪﺍﻟﻠﻪ
ﻭﻃﻠﻊ ﺧﺎﻟﻲ ﻭﻧﺤﻦ ﺗﻤﻴﻨﺎ ﻧﺴﻤﻮﻉ ﻓﻴﻬﻢ ﻭﻧﺎ ﻗﻠﺒﻲ ﺧﻼﺹ ﺍﻗﺮﻳﺐ ﺍﻳﻄﻴﺢ ﻣﻌﺶ ﻋﺮﻓﺖ ﻧﻔﺮﺡ ﺍﻥ
ﻓﺎﺗﺤﺘﻲ ﺡ ﺗﻨﻘﺮﺍ ﻋﻠﻲ ﻭﺍﺣﺪ ﺣﻠﻮ ﻭﻣﺤﺘﺮﻡ ﺍﻭ ﺍﻥ ﻓﺎﺗﺤﺘﻲ ﺡ ﺗﻨﻘﺮﺍ ﻋﻠﻲ ﻭﺍﺣﺪ ﻛﺒﻴﺮ ﻭﺑﻌﻴﺎﻟﻪ ﻭﻻ
ﻧﻌﺮﻓﻪ ﻭﻻ ﻳﻌﺮﻓﻨﻲ
ﻭﻧﺎ ﺍﻣﻘﻌﻤﺰﻩ ﻓﻲ ﺍﻟﺼﺎﻟﻪ ﻣﻊ ﺍﻟﺒﻨﺎﺕ ﺍﻳﺨﺶ ﻋﻠﻴﻨﺎ ﻋﻠﻲ
ﻋﻠﻲ ؛؛ ﺍﻣﻲ ﻣﺒﺮﻭﻙ ﻗﺮﻳﻨﺎ ﺍﻟﻔﺎﺗﺤﻪ ﻭﻫﺬﺍ ﺍﻟﻤﻬﺮ
ﻣﺎﻣﺎ ؛؛ ﻟﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻟﻴﺎ ﻟﻮﻭﻭﻭﻭﻭﻭﻭﻭﻭﻭﻭﻭﻭ
ﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻟﻴﺎ
ﻧﺎ ﺣﺴﻴﺖ ﻛﻴﻒ ﺍﻟﺤﺎﺟﻪ ﺍﻟﻠﻲ ﺧﺸﺖ ﻓﻲ ﻗﻠﺒﻲ ﻭﺗﻤﻴﺖ ﻧﺒﻜﻲ ﺟﺘﻨﻲ ﻣﺎﻣﺎ ﺗﺠﺮﻱ ﻭﺗﻤﺖ ﺗﻀﺒﻂ
ﻓﻴﺎ ﻭﺗﺒﻜﻲ
ﺍﻣﻴﺮﻩ؛؛ ﺗﻀﺒﻂ ﻭﺗﺒﻜﻲ ﻣﺒﺮﻭﻙ ﻳﺎﺧﻴﺘﻲ ﻣﺒﺮﻭﻙ
ﻧﺎ ؛؛ ﻣﻦ ﺍﻟﻤﻮﻗﻒ ﺣﺴﻴﺖ ﺣﺎﺟﻪ ﺗﻌﺴﺮ ﻓﻲ ﻗﻠﺒﻲ ﻋﺴﺮ ﻭﻣﺶ ﻗﺎﺩﺭﻩ ﺍﻧﺘﺤﻤﻞ
ﻋﻠﻲ ؛؛ ﺗﻲ ﻛﻴﻒ ﺍﻧﺘﻮ ﻏﺎﻟﻲ ﻋﻠﻴﻜﻢ ﺍﻟﻨﻜﺪ ﻭﻻ ﺷﻨﻮ ﻫﻴﺎ ﺑﻼ ﺍﺑﻜﺎﺀ ﻭﻣﺒﺮﻭﻙ ﻳﺎ ﺍﻳﻪ
ﻧﺎ ؛ ﻣﺘﺤﺸﻢ ﺑﻜﻞ ﻭﺍﻟﺪﻣﻮﻉ ﻓﻲ ﺍﻋﻴﻮﻧﻲ
ﺍﻟﻠﻪ ﻳﺒﺎﺭﻙ ﻓﻴﻚ
ﻭﺧﺶ ﻋﺎﺩﻝ ﺑﺎﻟﻘﺎﺗﻮ ﺍﻣﺘﻊ ﺍﻟﻌﺮﺏ ﻭﺗﻢ ﺍﻳﻮﺯﻉ
ﺧﺎﻟﺘﻲ ﺳﺎﻟﻤﻪ ؛؛ ﻣﺎﺷﺎﺀﺍﻟﻠﻪ ﻗﺎﺗﻮ ﺳﻤﺢ ﻭﻃﺎﺯﺝ
ﺧﺎﻟﺘﻲ ﻓﺎﻃﻤﻪ؛ ﺣﺘﻲ ﻫﻮ ﻣﺮﺍﺩ ﻳﺎ ﺣﻨﻪ ﻣﺶ ﻭﺍﺣﺪ ﻋﺎﺩﻱ ﻏﺎﻟﻴﻪ ﻋﻠﻴﻪ ﺍﻟﺤﺎﺟﻪ ﺍﻟﺴﻤﺤﻪ
ﺍﻳﻪ ﺷﻦ ﺗﺒﻲ ﺍﺗﺨﺸﻲ ﺍﺗﺸﻮﻓﻴﻪ ﻭﺗﺤﻜﻲ ﻣﻌﻪ
ﻧﺎ ؛ ﻻﻻﻻ ﻧﺒﻴﺶ ﺧﻼﺹ ﺷﻔﺘﻪ ﻣﻦ ﻋﻨﺪ ﺍﻟﺮﻭﺷﻦ ﻭﻓﺎﺗﺤﺘﻲ ﺍﻧﻘﺮﻳﺖ ﻭﺍﻟﻠﻲ ﺻﺎﺭ ﺻﺎﺭ ﺳﺔﺀ ﻋﺠﺒﻨﻲ
ﻭﻻﻩ ﻣﺎ ﻋﺠﺒﻨﻲ
ﺧﺎﻟﺘﻲ ﻓﺎﻃﻤﻪ؛؛ ﺑﺲ ﺭﺍﻩ ﻗﺎﻟﺖ ﻟﺨﺎﻟﻚ ﺑﻴﺶ ﺍﻳﺨﺸﺸﻚ ﻋﻠﻴﻪ
ﻧﺎ؛ ؛ ﻻﻻ ﻣﺎﻧﺒﻴﺶ ﺍﻧﺨﺶ
ﺭﺟﺎﺀ ؛؛ ﺍﻳﻪ ﺍﻳﻪ ﺗﻌﺎﻟﻲ ﺗﻌﺎﻟﻲ ﺷﻮﻓﻲ ﺍﻟﻌﺮﺏ ﻭﻫﻢ ﻃﺎﻟﻌﻴﻦ
ﻧﺎ ؛؛ ﻫﻴﺎ ﻫﻴﺎ
ﻭﻣﺸﻴﺖ ﻧﺠﺮﻱ ﺷﻮﺭ ﺭﻭﺷﻦ ﻭﺗﻤﻴﺖ ﺍﻧﺒﺤﺖ ﻓﻲ ﺍﻟﻨﺎﺱ ﻭﻣﺎ ﺷﻔﺘﺶ ﻣﺮﺍﺩ ﺍﺳﺘﻐﺮﺑﺖ ﻭﻣﺸﻴﺖ
ﻗﻌﻤﺰﺕ
ﺧﺎﻟﺘﻲ ﻓﺎﻃﻤﻪ ؛ ﺍﻳﻪ ﺭﺍﻩ ﺍﻟﻔﺮﺡ ﺍﻗﺮﻳﺐ ﻳﺎﻟﻠﻪ ﺷﻬﺮ ﻭﺍﺳﺒﻮﻉ ﺑﺲ ﺭﺍﻩ
ﻧﺎ ؛؛ ﻫﻪ ﺷﻦ ﻗﺼﺪﻙ ﺗﻮ ﻭﻗﺘﻲ ﺍﻟﻔﺮﺡ
ﺧﺎﻟﺘﻲ ﻓﺎﻃﻤﻪ؛؛ ﺍﻫﺎ ﻣﺎﻗﺎﻟﺘﻬﺎ ﻟﻜﻲ ﺍﻥ ﻓﺮﺣﻪ ﻣﻊ ﺧﻮﻩ ﻭﻓﺮﺡ ﺧﻮﻩ ﺗﻮ
ﻣﺎﻣﺎ ؛؛ ﺍﻥ ﺷﺎﺀﺍﻟﻠﻪ ﺧﻴﺮ ﺗﻮ ﻧﺒﺪﻭ ﻧﺠﺮﻭ ﻋﻠﻲ ﺍﻟﺴﻮﻕ
ﺧﺎﻟﺘﻲ ؛ ﻻ ﻣﺶ ﺡ ﺗﻤﺸﻦ ﻭﺍﺟﺪ ﻻﻥ ﻫﻮ ﺍﻣﻜﻤﻞ ﺍﻟﺸﻘﻪ ﻻﻥ ﻫﻮ ﻳﺒﻲ ﻳﻘﻌﺪ ﻓﻮﻕ ﻫﻠﻪ ﻭﺣﻮﺷﻪ
ﺍﺟﺮﻩ ﻟﺸﺮﻛﺔ
ﺧﺎﻟﺘﻲ ﺳﺎﻟﻤﻪ ؛؛ ﺷﻦ ﺍﻟﺸﻘﻪ ﻭﺍﺳﻌﻪ
ﺧﺎﻟﺘﻲ ﻓﺎﻃﻤﻪ؛؛ ﺍﻫﺎ ﻭﺍﺳﻌﻪ ﻭﺣﻠﻮﻩ ﺗﻮ ﺍﺗﺸﻮﻓﻨﻬﺎ
ﻭﺍﻳﺨﺶ ﻋﻠﻴﻨﺎ ﺧﺎﻟﻲ
ﺧﺎﻟﻲ ؛؛ ﺍﻳﻪ ﻫﻴﺎ ﺍﺗﺠﻲ ﺍﺗﺴﻠﻤﻲ ﻋﻠﻲ ﻣﺮﺍﺩ ﻗﺎﻋﺪ ﻓﻲ ﺍﻟﻤﺮﺑﻮﻋﻪ
ﻧﺎ ؛؛ ﺧﻔﺖ ﻭﻗﻠﺒﻲ ﻭﻗﻒ
ﻻﻻﻻ ﻧﺒﻴﺶ ﻳﺎ ﺧﺎﻟﻲ
ﺧﺎﻟﺘﻲ ﻓﺎﻃﻤﻪ؛؛ ﺻﺒﻲ ﻳﺎ ﺍﻳﻪ ﺳﻠﻤﻲ ﻋﻠﻴﻪ ﻭﺷﻮﻓﻴﻪ ﻭﺧﻠﻴﻪ ﺍﻳﺸﻮﻓﻚ
ﻧﺎ ؛؛ ﺗﻌﻘﺪﺕ ﺑﻜﻞ
ﻧﺒﻴﺶ ﻧﺎ ﺧﻼﺹ ﺍﻟﻔﺎﺗﺤﻪ ﻭﺍﻧﻘﺮﻳﺖ ﺷﻦ ﻳﺒﻲ ﺍﻳﺸﻮﻓﻨﻲ ﺑﻴﺶ ﻛﺎﻥ ﻣﺎ ﻋﺠﺒﺘﺶ ﺍﻳﻄﻠﻘﻨﻲ ﻳﻌﻨﻲ
ﺧﺎﻟﻲ ؛؛ ﺑﺮﻡ ﻭﺟﻪ ﺷﻮﺭ ﺍﻟﻤﺮﺑﻮﻋﻪ ﻭﺷﺎﻑ ﻣﺮﺍﺩ ﻣﺘﻌﻘﺪ ﻭﺍﻣﻄﺒﺲ ﺭﺍﺳﻪ ﻻﻥ ﺳﻤﻊ ﻛﻼﻣﻲ
ﻧﺎ ؛؛ ﻭﺑﻌﺪﻫﺎ ﻫﻮ ﻗﺮﺍﺀ ﻓﺎﺗﺤﺘﻲ ﺑﺪﻭﻥ ﻣﺎﺍﻳﺨﻨﻠﻲ ﺍﻧﺸﻮﻓﻪ ﻣﻌﻨﺎﺗﻬﺎ ﺧﻠﻴﻪ ﻣﺎﻋﻨﺪﻩ ﻋﻠﻴﺶ ﺍﻳﺸﻮﻓﻨﻲ
ﻣﺎﻣﺎ ؛؛ ﺑﺼﻮﺕ ﻋﺎﻟﻲ
ﺍﻳﻪ ﺻﺒﻲ ﺗﻮ ﺧﺸﻲ ﻋﻠﻲ ﺍﻟﺮﺍﺟﻞ ﻛﻨﻚ ﺍﻧﺘﻲ
ﻧﺎ ؛ ﻗﻌﺪﺕ ﻧﺒﻜﻲ ﻭﻣﻨﻬﺎﺭﻩ ﻻﻻﻻ ﻧﺒﻴﺶ ﻧﺒﻴﺶ ﺍﻧﺸﻮﻓﻪ ﺧﻼﺹ
ﻭﺻﺒﺎ ﻣﺮﺍﺩ ﻭﻗﺎﻝ ﻟﺨﺎﻟﻲ
ﻣﺮﺍﺩ ؛؛ ﺧﻠﻴﻬﺎ ﺑﺮﺍﺣﺘﺘﻬﺎ ﻳﺎ ﻋﻤﻲ ﺧﻼﺹ
ﻭﻧﺎ ﺳﻤﻌﺖ ﻛﻠﻤﺔ ﻋﺮﻓﺘﻪ ﺳﻤﻌﻨﻲ ﻭﺧﻔﺖ ﺑﻜﻞ
ﺧﺎﻟﻲ ؛؛ ﻻ ﻳﺎ ﻣﺮﺍﺩ ﺧﻠﻴﻚ ﻫﻲ ﺑﺲ ﻣﺘﺤﺸﻤﻪ ﺑﺲ ﺧﻠﻴﻚ ﺧﺶ ﺟﻮ ﻓﻲ ﺍﻟﻤﺮﺑﻮﻋﻪ ﻭﺗﻮ ﺍﺗﺠﻴﻚ
ﻣﺮﺍﺩ ؛؛ ﺍﻧﺤﺮﺝ ﻭﺧﺶ ﻭﻛﺎﻥ ﺭﺍﻗﻴﻠﻪ ﺑﻜﻞ
ﻭﻧﺎ ﻓﻨﺺ ﻓﻴﺎ ﺧﺎﻟﻲ ﻭﻗﺎﻟﻲ ﺗﻮ ﺍﺗﺨﺸﻲ ﻋﻠﻴﻪ ﻗﺪﺍﻣﻲ ﻋﻠﻴﺶ ﺍﺗﻨﺰﻟﻲ ﻓﻲ ﻛﻠﻤﺘﻲ ﺍﻧﺎ ﻗﺎﻟﺖ ﺧﺸﻲ
ﻣﻌﻨﺎﻫﺎ ﺧﺸﻲ
ﻧﺎ ؛ ﺑﺎﻫﻲ ﺑﺎﻫﻲ ﻳﺎ ﺧﺎﻟﻲ ﺗﻮ ﺍﻧﺨﺶ
ﻭﻧﺎ ﻛﺘﺖ ﻻﺑﺴﻪ ﺳﺮﻭﺍﻝ ﺿﺎﺑﻂ ﻭﻋﻠﻴﻪ ﺍﺑﻠﻮﺯﻩ ﻭﺍﻋﻴﻮﻧﻲ ﻣﻠﻴﻨﺎﺕ ﺍﺩﻣﻮﻉ
ﻭﺑﺪﻭﻥ ﻣﺎﻧﺒﺮﻡ ﻋﻠﻲ ﺭﻭﺣﻲ ﺻﺒﻴﺖ ﻭﻧﺎ ﻧﺒﻲ ﺍﻧﺨﺶ
ﺍﻣﻴﺮﻩ ؛؛ ﺍﻳﻪ ﺍﻳﻪ ﺗﻌﺎﻟﻲ ﺍﺑﺮﻣﻲ ﻋﻠﻲ ﺭﻭﺣﻚ ﻭﺍﻣﺴﺤﻲ ﺩﻣﻮﻋﻚ ﻫﺬﻳﻦ ﺗﻮ ﺍﻳﺸﻮﻓﻚ ﺍﻟﺮﺍﺟﻞ
ﻭﺍﻳﺘﻌﻘﺪ
ﻧﺎ ؛؛ ﺧﻠﻴﻪ ﺍﻳﺘﻌﻘﺪ
ﻭﻓﻨﺺ ﻓﻴﺎ ﺧﺎﻟﻲ ﻭﻗﺎﻟﻲ ﺧﺸﻲ ﺗﻮ
ﻭﻧﺎ ﻧﻤﺸﻲ ﺑﺸﻮﻳﻪ ﺑﺸﻮﻳﻪ ﻭﺭﺍﺳﻲ ﻟﻮﻃﻪ ﻭﻣﺘﺤﺸﻤﻪ ﻭﻣﻨﺤﺮﺟﻪ ﻭﺍﺩﻣﻮﻋﻲ ﻓﻲ ﺍﻋﻴﻮﻧﻲ
ﺧﺎﻟﻲ ﺳﻜﺮ ﺍﻟﺒﺎﺏ ﺍﻟﻠﻲ ﺑﻴﻦ ﻣﻤﺮ ﺍﻟﺼﺎﻟﻪ ﻭﺍﻟﻤﺮﺑﻮﻋﻪ ﻭﻫﻮ ﻃﻠﻊ ﻟﺠﻨﺎﻥ ﻭﻗﺎﻟﻲ ﺧﺸﻲ ﻫﻴﺎ
ﻗﻌﺪﺕ ﺍﻧﺒﺤﺖ ﻓﻲ ﺧﺎﻟﻲ ﻭﻫﻮ ﻃﻠﻊ ﻭﺳﻜﺮ ﺍﻟﺒﺎﺏ ﻭﺭﺍﻩ
ﻭﻧﺎ ﺑﺮﻣﺖ ﻭﺟﻲ ﻭﺍﻟﻘﻴﺘﻪ ﻫﻮ ﺍﻣﻘﻌﻤﺰ ﻭﻣﺘﻌﻘﺪ ﻭﺍﻳﻬﺰ ﻓﻲ ﺍﻛﺮﺍﻋﻪ ﻭﻣﺎﺯﺍﻝ ﻣﺎ ﻓﻄﻨﺶ ﺍﻥ ﻧﺎ ﺟﻴﺖ
ﻧﺎ ﺩﻗﻴﺖ ﻋﻠﻲ ﺍﻟﺒﺎﺏ ﺩﻕ ﺑﺴﻴﻂ ﻋﻠﻲ ﺍﺳﺎﺱ ﺭﺍﻧﻲ ﺟﻴﺖ
ﻭﻫﻮ ﺭﻓﻊ ﺍﻋﻴﻮﻧﻪ ﻭﺷﺎﻓﻨﻲ ﻭﻣﺎ ﺑﺶ ﺍﻳﺼﺒﻲ
ﻧﺎ ﺍﺳﺘﻐﺮﺑﺖ ﻭﻣﺸﻴﺖ ﺷﻮﺭﻩ ﺑﺸﻮﻳﻪ ﺑﺸﻮﻳﻪ
ﻧﺎ ؛؛ ﺍﻟﺴﻼﻡ ﻋﻠﻴﻜﻢ
ﻣﺮﺍﺩ ؛؛ ﻗﻌﺪ ﺍﻳﺒﺤﺖ ﻓﻴﺎ ﻭﻋﻠﻴﻚ ﺍﻟﺴﻼﻡ
ﻧﺎ ﺍﻟﺤﻖ ﺧﻔﺖ ﻣﻨﻪ ﻭﻋﺠﺒﻨﻲ ﺍﻛﺘﺮ ﻭﻣﺪﻳﺖ ﻳﺪﻱ
ﻭﺣﺴﻴﺖ ﻗﻠﺒﻲ ﺍﻗﺮﻳﺐ ﻳﻄﻠﻊ ﻣﻦ ﻣﻜﺎﻥ
ﻃﻖ ﻃﻘﻄﻘﻄﻖ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ
ﻣﺮﺍﺩ ؛؛ ﻣﺪ ﻳﺪﻩ
ﻭﻫﻮ ﺍﻣﺮﻓﻊ ﺣﺎﺟﺒﻪ ﺑﺎﻟﻜﻲ ﺗﺒﻴﺶ ﺍﺗﺴﻠﻤﻲ ﻋﻠﻴﺎ
ﻧﺎ ؛؛ ﺗﺤﺸﻤﺖ
ﻭﺗﺨﺰﺭﻃﺖ ﻭﻣﺪﺑﺖ ﻳﺪﻱ ﻭﺳﻠﻤﺖ ﻋﻠﻴﻪ ﻭﻃﻮﻝ ﺳﺤﺒﺖ ﻳﺪﻱ
ﻭﻣﺎ ﻋﺪﻟﺘﺶ ﻭﻣﺸﻴﺖ ﻗﻌﻤﺰﺕ ﻋﻠﻲ ﺍﻟﻜﺮﺳﻲ ﺍﻟﻠﻲ ﺍﺣﺬﻩ ﺑﺪﻭﻥ ﻣﺎﺍﻧﺤﺲ ﺑﺮﻭﺣﻲ
ﺍﺗﺨﺶ ﻋﻠﻴﻨﺎ ﺧﺎﻟﺘﻲ ﻓﺎﻃﻤﻪ ﻭﻣﺎﻣﺎ
ﺧﺎﻟﺘﻲ ؛؛ ﻫﺎ ﻣﺮﺍﺩ ﺷﻔﺘﻬﺎ ﺷﻦ ﻋﺠﺒﺎﺗﻚ
ﻣﺮﺍﺩ ؛؛ ﻓﻨﺺ ﻓﻲ ﻋﻤﺘﻲ
ﺧﻴﺮ ﻳﺎ ﻋﻤﺘﻲ ﻛﻴﻒ ﺍﻣﻼﻩ ﻗﺎﻋﺪﻩ ﻫﻨﺎ
ﺧﺎﻟﺘﻲ ؛؛ ﺍﻫﺎ ﺍﻫﻲ ﻋﻤﺘﻚ ﻋﻴﺸﻪ ﺍﻡ ﺍﻳﻪ
ﻭﻫﻮ ﺻﺐ ﻭﺳﻠﻢ ﻋﻠﻲ ﻣﺎﻣﺎ
ﻣﺎﻣﺎ؛؛ ﺧﻴﺮ ﻳﺎ ﻣﺮﺍﺩ ﻛﻴﻒ ﺣﺎﻟﻚ
ﻣﺮﺍﺩ ؛؛ ﺍﻟﺤﻤﺪﺍﻟﻠﻪ
ﻣﺎﻣﺎ ؛؛ ﻣﺒﺮﻭﻙ ﻏﻠﻴﻚ ﺍﻥ ﺷﺎﺀﺍﻟﻠﻪ
ﻣﺮﺍﺩ ؛؛ ﻳﺒﺎﺭﻙ ﻓﻴﻚ
ﻭﻣﺎﻣﺎ ﻭﺧﺎﻟﺘﻲ ﻣﺸﻦ ﻭﻗﻌﻤﺰﻥ ﻋﻠﻲ ﺍﻟﺼﺎﻟﻮﻥ ﻭﺗﻤﻦ ﺍﻳﺒﺤﺘﻦ ﻓﻴﻨﺎ
ﻧﺎ ؛ ﻣﻦ ﺗﺨﺰﺭﻳﻂ ﻗﻌﺪ ﺭﺍﺳﻲ ﻟﻮﻃﻪ ﻭﻫﻮ ﺍﻳﻬﺰ ﻓﻲ ﺍﻛﺮﺍﻋﻪ ﻭﺧﺎﻟﺘﻲ ﻓﺎﻃﻤﻪ ﻋﺮﻓﺎﺗﻪ ﻣﺘﻌﻘﺪ
ﻭﺍﻧﻐﺰﺕ ﻣﺎﻣﺎ
ﻣﺎﻣﺎ ؛؛ ﺑﻪ ﺍﻥ ﺷﺎﺀﺍﻟﻠﻪ ﻣﺒﺎﺭﻙ ﻋﻠﻴﻜﻢ
ﻭﺍﻃﻠﻌﻦ ﻣﺎﻣﺎ ﻭﺧﺎﻟﺘﻲ ﺑﺴﺮﻋﻪ ﻭﻧﺎ ﺟﻴﺖ ﻧﺒﻲ ﺍﻧﺼﺒﻲ ﻣﻌﻬﻦ ﺑﺤﺖ ﻓﻴﺎ ﻣﺮﺍﺩ ﺭﺩﻳﺖ ﻭﻗﻌﻤﺰﺕ
ﻣﺮﺍﺩ؛ ؛ ﺗﺒﻲ ﺗﻄﻠﻌﻲ ﺍﻃﻠﻌﻲ ﻣﺎﺣﺪ ﻣﺎﺳﻜﻚ
ﻧﺎ ؛؛ ﺑﺤﺘﺖ ﻓﻴﻪ ﻭﺍﺳﺘﻐﺮﺑﺖ ﻭﻗﻌﺪﺕ ﺳﺎﻛﺘﻪ
ﻣﺮﺍﺩ ؛؛؛ ﺑﻪ ﺗﺒﻲ ﺣﺎﺟﻪ ﻋﻨﺪﻙ ﺣﺎﺟﻪ ﺗﺒﻲ ﺍﺗﻘﻮﻟﻴﻬﺎ
ﻧﺎ ؛؛ ﺳﺎﻛﺘﻪ ﻭﻣﺘﺨﺰﺭﻃﻪ
ﻣﺮﺍﺩ ؛؛ ﻋﺪﻱ ﺧﺸﻲ ﺟﻮ ﻋﺪﻱ
ﻧﺎ ؛؛ ﺍﺳﺘﻐﺮﺑﺖ ﻛﻠﻤﺔ ﻛﻠﻤﺔ ﻭﺻﺒﻴﺖ ﻭﺳﻤﻌﺘﻪ ﺣﺘﻲ ﻫﻮ ﺻﺐ ﻭﻃﻠﻊ
ﻭﻧﺎ ﻣﺸﻴﺖ ﻧﺠﺮﻱ ﺍﻧﺸﻮﻑ ﻓﻴﻪ ﻣﻦ ﻋﻨﺪ ﺍﻟﺮﻭﺷﻦ ﻭﻛﺎﻥ ﻣﺘﻌﻘﺪ ﺑﻜﻞ ﻭﻃﻠﻊ ﺑﺴﺮﻋﻪ
ﻧﺎ ؛؛ ﻫﻬﻬﻬﻬﻬﻬﻬﻬﻬﻬﻬﻪ
ﺍﻳﻤﺎﻥ ؛؛ ﻛﻨﻚ ﺗﻀﺤﻜﻲ
ﻧﺎ ؛؛ ﻣﺮﺍﺩ ﺳﻤﻊ ﻛﻼﻣﻲ ﻛﻠﻪ ﻭﺗﻌﻘﺪ ﺑﻜﻞ
ﺍﻳﻤﺎﻥ ؛؛ ﻭﺍﻧﺘﻲ ﻓﺮﺣﺎﻧﻪ ﻋﻠﺸﺎﻥ ﺭﺍﺟﻠﻚ ﻣﻦ ﺍﻭﻝ ﺷﺎﻓﻚ ﺗﻌﻘﺪ ﻣﻨﻚ
ﻧﺎ ؛؛ ﻻ ﻣﺶ ﻫﻜﻲ ﺑﺲ ﻛﺎﻥ ﺩﺍﻳﺮ ﻓﻲ ﻭﺟﻪ ﺣﺮﻛﻪ ﺍﺗﺠﻨﻨﻦ ﺑﻜﻞ ﻭﻋﺠﺒﺘﻨﻲ ﻭﻗﺎﻟﺖ ﻫﺬﺍ ﻣﺘﻌﻘﺪ
ﻭﻫﻜﻲ ﺷﻜﻠﻪ ﻣﺎﻟﻪ ﻛﺎﻥ ﻳﻀﺤﻚ ﺷﻦ ﺍﻳﺪﻳﺮ ﺑﺲ ﺍﺗﺼﺪﻗﻲ ﺣﺴﻴﺘﻪ ﻋﺼﺒﻲ ﺑﻜﻞ ﻻﻥ ﺍﻭﻝ
ﻣﺎﺧﺸﻴﺖ ﻋﻠﻴﻪ ﺍﻟﻘﻴﺘﻪ ﺍﻳﻬﺰ ﻓﻲ ﺍﻛﺮﺍﻋﻪ
ﺍﻳﻤﺎﻥ؛؛ ﺣﻲ ﻋﻠﻴﻚ ﺑﻌﺪﻁ ﻫﺰﺕ ﺍﻟﻜﺮﺍﻉ ﻭﻋﺎﺭﻩ ﺭﺍﻩ
ﻧﺎ ؛؛ ﺭﺑﻚ ﻳﺴﺘﺮ ﺍﻥ ﺷﺎﺀﺍﻟﻠﻪ ﻭﺍﻟﻠﻪ ﺯﻳﺰﻩ ﻣﺶ ﻣﺘﺮﻳﺤﺘﻠﻬﺎ ﺑﻜﻞ
ﺍﻳﻤﺎﻥ؛؛ ﺗﻮﻛﻠﻲ ﻋﻠﻲ ﺍﻟﻠﻪ ﻭﻋﻴﺶ ﻭﺿﻌﻚ ﺷﻮﻓﻲ ﺣﺘﻲ ﻧﺎ ﺭﺍﻩ ﺍﻧﻘﺮﻳﺖ ﻓﺎﺗﺤﺘﻲ ﻋﻠﻲ ﻭﺍﺣﺪ
ﻣﺎﻧﻌﺮﻓﻪ ﺑﻜﻞ ﻧﻌﺮﻓﻪ ﺑﺲ ﺍﻣﻐﻴﺮ ﺍﺳﺘﺎﺫ ﻭﺧﻼﺹ ﻭﻟﻤﺎ ﺣﻜﻴﺖ ﻣﻌﻪ ﺍﻟﺤﻖ ﺣﺒﻴﺘﻪ ﻭﺣﺘﻲ ﺍﻋﻴﻮﺑﻪ
ﺍﻗﻌﺪﻥ ﻋﻨﺪﻱ ﻧﺎ ﻣﻴﺰﺍﺕ
ﻧﺎ ؛؛ ﺑﺲ ﻳﺎ ﺍﻳﻤﺎﻥ ﻣﺮﺍﺩ ﻋﻴﻮﺑﻪ ﺍﻛﺘﺮ ﻣﻦ ﻣﻴﺰﺍﺗﻪ
ﺍﻳﻤﺎﻥ: ؛؛ ﺭﺑﻲ ﻳﺠﺒﺮ ﺑﺨﺎﻃﺮﻙ
ﻭﻃﻠﻌﻦ ﻭﻗﻌﺪﻥ ﺍﻧﻬﺪﺭﺯﻭ ﻭﺭﻭﺣﻮ ﺍﻟﻨﺎﺱ
ﻭﺧﺎﻟﺘﻲ ﻓﺎﻃﻤﻪ ﺧﺬﺕ ﻣﻨﻲ ﺧﺎﺗﻤﻪ ﺑﻴﺶ ﺍﺗﺠﻴﺐ ﻓﻲ ﺣﺠﻤﻪ ﺍﻟﺪﺑﻠﻪ
ﺧﺎﻟﺘﻲ ﻓﺎﻃﻤﻪ؛؛ ﻋﻴﺸﻪ ﺭﺍﻩ ﻳﺒﻮ ﺍﻳﺠﻮ ﻓﻲ ﻫﺎﻟﻴﻮﻣﻴﻦ
ﻣﺎﻣﺎ ؛؛ ﻗﺼﺪﻙ ﻧﺎﺱ ﻭﺍﺟﺪﻩ ﻳﺒﻮ ﺍﻳﺠﻮ
ﺧﺎﻟﺘﻲ ﻓﺎﻃﻤﻪ ؛؛ ﻻﻻ ﺍﻣﺒﺪﺭﻱ ﻛﻠﻤﺘﻨﻲ ﻣﺮﺍﺕ ﺧﻮﻳﺎ ﺍﻟﻠﻲ ﻫﻲ ﺍﻡ ﻣﺮﺍﺩ ﻭﻗﺎﻟﺖ ﺭﺍﻩ ﻣﺎﺣﺪ ﺟﺎﻱ ﻣﻌﻨﺎ
ﺍﻣﻐﻴﺮ ﻫﻲ ﻭﻭﻛﻨﺘﻬﺎ ﻭﺑﻨﺎﺗﻬﺎ ﺟﻴﺎﺕ ﺑﻴﺶ ﺍﻳﺸﻮﻓﻮ ﺍﻳﻪ ﻭﺍﻳﺠﺒﻮﻟﻬﺎ ﺍﻟﺪﺑﻠﻪ ﻭﻓﻠﻮﺱ ﺍﻟﻔﺮﺡ
ﻣﺎﻣﺎ ؛؛ ﺍﻫﺎ ﻳﻌﻨﻲ ﺣﺘﻲ ﻧﺤﻦ ﻣﺎﻋﻨﺪﻥ ﻋﻠﻴﺶ ﺍﻧﻜﻠﻤﻮ ﺧﻼﺹ ﻣﻌﻨﺎﻫﺎ
ﺧﺎﻟﺘﻲ ﻓﺎﻃﻤﻪ؛؛ ﻻ ﺑﻼ ﺷﻬﺪﺭﻩ ﺧﻼﺹ ﻳﺎﻟﻠﻪ ﺍﻃﻘﻮ ﺍﺗﻮﺗﻮ ﺍﺭﻭﺣﻜﻢ ﻟﻔﺮﺡ
ﻣﺎﻣﺎ؛ ؛ ﺑﻪ ﺍﻥ ﺷﺎﺀﺍﻟﻠﻪ
ﻧﺎ ؛؛ ﺍﻣﺘﻲ ﺑﺰﺑﻂ ﻳﺒﻮ ﺍﻳﺠﻮ
ﺧﺎﻟﺘﻲ ﻓﺎﻃﻤﻪ ؛؛ ﻋﻠﻴﻜﻢ ﺍﻧﺘﻮ ﺑﺲ ﺭﺍﻩ ﻧﺒﻴﻚ ﻳﺎﺍﻳﻪ ﺗﻼﺑﺴﻲ ﻗﻔﻄﺎﻥ ﻭﺍﺗﺤﻨﻲ ﺍﻳﻮﻩ ﻭﺩﻳﺮﻱ ﻣﻴﻚ
ﺣﻠﻮ ﻛﻴﻒ ﺍﻟﻠﻲ ﺩﺭﺗﻴﻪ ﻝ ﺍﻳﻤﺎﻥ ﻋﺎﺩ ﺧﻠﻲ ﻋﻤﺘﻚ ﺍﺗﺸﻮﻓﻚ ﻋﺮﻭﺱ ﻣﺶ ﻋﺎﺩﻳﻪ
ﻧﺎ ؛؛ ﻛﻴﻒ ﺍﻧﺤﻨﻲ ﻭﻓﺮﺣﻲ ﺍﻗﺮﻳﺐ
ﺧﺎﻟﺘﻲ ﻓﺎﻃﻤﻪ؛؛ ﺍﻟﺤﻨﻪ ﻣﺎﺗﻘﻌﺪﺵ ﺍﻛﺘﺮ ﻣﻦ ﺍﺳﺒﻮﻋﻴﻦ ﻭﺍﻧﺘﻲ ﻓﺮﺣﻚ ﻣﺎﺯﻟﻞ ﻋﻠﻴﻪ ﺷﻬﺮ ﻭﺍﺳﺒﻮﻉ
ﻣﺎﻣﺎ ؛؛ ﺑﻪ ﻣﻌﻨﺎﻫﺎ ﺑﻜﺮﻩ ﺗﻮ ﺍﺗﺤﻨﻲ ﻭﺍﻧﺘﻲ ﻗﻮﻟﻲ ﻟﻠﻨﺎﺱ ﺍﻳﺠﻮ ﺑﻌﺪ ﺑﻌﺪ ﺑﻜﺮﻩ ﺑﻴﺶ ﺍﻃﻴﺮ ﺍﻟﺤﻨﻪ
ﺧﺎﻟﺘﻲ ﻓﺎﻃﻤﻪ؛ ﺍﺣﺴﻦ ﺧﻼﺹ ﺗﻮ ﻭﺗﻮ ﺍﺭﻭﺣﻜﻢ ﺑﺲ
ﻣﺎﻣﺎ؛ ؛ ﻻ ﺍﻟﺤﻤﺪ ﺍﻟﻠﻪ ﻭﺗﻴﻦ ﺳﺎﻫﻠﻪ ﺟﺖ ﻋﻠﻲ ﺩﻭﺭﺕ ﻣﻮﺍﻟﺢ ﺳﺎﻫﻼﺕ ﻻﻥ ﻓﻴﺶ ﻧﺎﺱ ﻭﺍﺟﺪﻩ
ﺧﺎﻟﺘﻲ ﻓﺎﻃﻤﻪ؛ ﺧﻼﺹ ﺍﻫﻮ ﺭﻥ ﻓﻮﻧﻲ ﺍﻛﻴﺪﻩ ﺧﺎﻟﻜﻦ ﺑﺮﻩ
ﻭﻃﻠﻌﺖ ﺧﺎﻟﺘﻲ ﻭﻛﻞ ﻭﺍﺣﺪ ﻓﻴﻨﺎ ﺧﺸﺖ ﻟﺴﺮﻳﺮﻫﺎ
ﻧﺎ ﻗﻌﺪﺕ ﻃﻮﻝ ﺍﻟﻠﻴﻞ ﻭﺍﻧﺎ ﺍﻧﻔﻜﺮ ﻓﻲ ﻣﺮﺍﺩ ﻭﻓﻲ ﺷﻜﻠﻪ ﻭﺍﺯﻋﻤﻪ ﺍﻧﺎ ﺡ ﺍﻧﺘﺮﻳﺢ ﻣﻌﻪ ﺍﻭ ﻻ ﻭﻻﻩ
ﺍﻧﺤﺒﻪ
ﻭﺟﺘﻨﻲ ﺍﻣﻴﺮﻩ ﺗﺒﻜﻲ ﻭﺣﺎﻟﺘﻬﺎ ﺣﺎﻟﻪ
ﻧﺎ ؛؛ ﺍﻣﻴﺮﻩ ﻛﻨﻚ
ﺍﻣﻴﺮﻩ ؛؛ ﺗﻮ ﻗﻌﺪﺕ ﻧﺤﻜﻲ ﻧﺎ ﻭﺭﺟﺎﺀ ﻭﻗﻌﺪﻥ ﺍﻧﻬﺪﺭﺯﻭ ﻭﺗﺨﻴﻼﻥ ﺍﻟﺤﻮﺵ ﺑﻼﻙ ﻛﻴﻒ ﺡ ﺍﻳﻜﻮﻥ
ﻣﻌﻘﻮﻟﻪ ﻳﺎ ﺍﻳﻪ ﺟﺎ ﺍﻟﻮﻗﺖ ﺍﻟﻠﻲ ﺡ ﺍﻧﺘﻔﺎﺭﻗﻮ ﻓﻴﻪ
ﻧﺎ ؛؛ ﻫﻴﻴﻴﻴﻴﻴﻲ ﻛﻨﻚ ﺍﻧﺘﻲ ﻧﺤﻦ ﻣﺶ ﺡ ﺍﻧﺘﻔﺎﺭﻗﻮ ﻧﺤﻦ ﺧﻮﺍﺕ ﻭﻻﻩ ﺍﻧﺘﻲ ﺗﻮ ﺍﺗﺼﻌﺒﻲ ﻓﻴﻬﺎ ﻋﻠﻴﺎ
ﺍﻣﻴﺮﻩ ؛؛ ﻣﻬﻢ ﻳﻜﻮﻥ ﺡ ﺗﻘﻌﺪﻱ ﺍﺗﺒﺎﺗﻲ ﺑﺮﻩ ﻓﻲ ﺣﻮﺵ ﺭﺍﺟﻠﻚ ﺡ ﻳﻘﻌﺪ ﻫﻮ ﺍﻫﻢ ﺷﻲﺀ ﻋﻨﺪﻙ
ﻧﺎ ؛؛ ﺧﻨﻘﺘﻨﻲ ﺍﻟﻌﺒﺮﻩ ﻋﻠﻲ ﺍﻻﺧﻴﺮﻩ
ﻣﺴﺘﺤﻴﻞ ﺍﻟﺮﺍﺟﻞ ﺍﻳﺠﻲ ﻓﻲ ﻣﻘﺎﻡ ﺍﻻﻡ ﻭﻻﻩ ﺍﻻﺥ ﻭﻻﻩ ﺍﻻﺧﺖ ﻭﻻﻩ ..... ﺍﻻﺏ
ﺭﺍﻩ ﻛﻞ ﻭﺍﺣﺪ ﻭﻣﻌﺰﺗﻪ ﻫﻪ ﺷﻮﻓﻲ ﺍﻧﺘﻲ ﻣﺶ ﺍﺗﺤﺒﻴﻦ ﻧﺤﻦ ﻭﺍﺗﺤﺒﻲ ﻭﻟﻴﺪ ﻭﺍﺗﻤﻨﻲ ﺍﺗﻌﻴﺸﻲ ﻣﻌﻪ
ﻭﺍﺗﺨﺶ ﻋﻠﻴﻨﺎ ﺍﻳﻤﺎﻥ
ﺍﻳﻤﺎﻥ؛؛ ﺑﺲ ﻣﺎﺯﺍﻝ ﺧﺎﻃﺮﻥ ﻗﻲ ﺍﻟﻘﻌﺪﻩ ﻫﻨﺎ ﻳﺎ ﻭﻳﻪ ﻧﺤﻦ ﻣﺎﺯﺍﻟﻦ ﻧﺒﻮ ﺍﻧﻌﻴﺸﻮ ﺣﻴﺎﺗﻨﺎ
ﻧﺎ ؛ ﺑﺤﺘﺖ ﻓﻲ ﻣﺎﻣﺎ ﻭﺍﻟﻘﻴﺘﻬﺎ ﺭﺍﻗﺪﻩ ﻭﺧﻔﺖ ﺗﻮﻋﻲ ﻭﺗﺴﻤﻌﻨﺎ
ﺍﻣﻴﺮﻩ ﺍﻳﻤﺎﻥ ﺗﻌﺎﻟﻨﺎ ﺟﻮ ﻓﻲ ﺍﻟﺪﺍﺭ ﺍﺣﺴﻦ ﻣﺎ ﻣﺎﻣﺎ ﺗﻮﻋﻲ
ﻭﺧﺸﻴﻨﺎ ﻟﺪﺍﺭ ﻭﺍﺩﻣﻮﻋﻨﺎ ﻓﻲ ﺍﻋﻴﻮﻧﺎ
ﻭﺍﻟﻘﻴﻨﺎ ﺭﺟﺎﺀ ﺍﻣﻘﻌﻤﺰﻩ ﻭﺍﻣﺘﻨﻜﺪﻩ
ﺭﺟﺎﺀ ؛؛ ﻛﻨﻜﻦ ﺗﺒﻜﻦ ﺷﻦ ﻓﻲ
ﺍﻣﻴﺮﻩ ؛؛ ﻋﻠﻲ ﺍﻟﻤﻮﺿﻮﻉ ﺍﻟﻠﻲ ﺗﻮ ﺍﻟﻠﻲ ﻛﺎﻥ ﻧﺤﻜﻮ ﻓﻴﻪ
ﺭﺟﺎﺀ ؛؛ ﺍﻫﺎ ﻛﻼ ﺍﻧﺘﻦ ﻧﻜﺪﻳﺎﺕ ﻣﺸﻴﺘﻦ ﻭﻧﻜﺪﺗﻦ ﻋﻠﻴﻬﺎ ﺍﻟﻤﺴﻜﻴﻨﻪ ﺗﻲ ﺍﻧﺎ ﻣﺎﺻﺪﻗﺖ ﺍﻣﺲ ﺍﻗﻨﻌﺘﻬﺎ
ﻧﺎ ؛؛ ﻋﺎﺭﻓﺎﺕ ﻳﺎ ﺑﻨﺎﺕ ﺍﻣﺲ ﺭﺟﺎﺀ ﻗﺎﻟﺘﻠﻲ ﻛﻼﻡ ﻛﺒﻴﺮ ﻭﻭﺍﻋﺮ ﻭﺣﻘﻨﻲ ﺻﺢ ﻫﻮ ﺻﻌﺐ ﺑﺲ ﻫﺬﺍ
ﻭﺍﻗﻌﻨﺎ ﻧﺤﻦ
ﺭﺟﺎﺀ ؛؛ ﺍﻳﻤﺎﻥ ﺍﻳﻪ ﻭﺍﻟﻠﻪ ﺍﻧﺘﻦ ﻣﻔﺮﻭﺽ ﺗﺤﻤﺪﻥ ﺭﺑﻜﻦ ﻋﻠﻲ ﺍﻧﻜﻦ ﺗﻮ ﺍﻧﺨﻄﺒﺘﻦ ﺗﻲ ﻭﺍﻟﻠﻪ ﻧﺤﻜﻲ
ﻣﻊ ﺳﺮﺍﺝ ﻭﺧﺎﻳﻔﻪ ﺍﻳﺴﻴﺒﻨﻲ ﺧﺎﻳﻔﻪ ﻳﻌﺮﻑ ﻗﺼﺔ ﻧﺠﺎﺡ ﻛﻴﻒ ﻣﺎﻳﺤﻜﻮ ﺍﻟﻨﺎﺱ ﻭﺍﻳﺴﻴﺒﻨﻲ
ﺍﻣﻴﺮﻩ ؛؛ ﺑﺲ ﻳﺎﺭﺟﺎﺀ ﺍﻧﺘﻲ ﻏﺎﻟﻄﻪ ﻻﻧﻚ ﺷﻮﻓﻲ ﺭﻭﺣﻚ ﻣﻦ ﺍﻣﺘﻲ ﺗﺤﻜﻲ ﻣﻌﻪ ﻭﻣﺎﻗﺎﻟﺘﻴﺶ
ﺍﻟﺤﻘﻴﻘﻪ ﻣﻔﺮﻭﺽ ﺣﻜﻴﺘﻲ ﺍﻟﻤﻮﺿﻮﻉ ﻣﻦ ﺍﻭﻝ ﻣﺎﻗﺎﻟﻚ ﻧﺒﻴﻚ
ﻧﺎ ؛؛ ﺑﻨﺎﺕ ﺍﻧﺘﻦ ﻟﻴﺶ ﺍﺗﻜﺒﺮﻥ ﻓﻲ ﺍﻟﻤﻮﺿﻮﻉ ﺭﺍﻩ ﻧﺠﺎﺡ ﻣﺎﺍﻏﻠﻄﺘﺶ ﻣﺶ ﻛﺎﻥ ﻫﻴﺜﻢ ﺳﻴﺒﻨﻲ ﻭﻳﺎﻣﺎ
ﻗﺎﻝ ﻋﻠﻴﻨﺎ ﻣﻌﻨﺎﺗﻬﺎ ﻫﻮ ﺍﻟﺼﺢ ﺭﺍﻩ ﻏﻠﻂ
ﺍﻳﻤﺎﻥ ؛؛ ﻧﺎ ﺣﻜﻴﺖ ﺍﻟﻤﻮﺿﻮﻉ ﻝ ﺍﺣﻤﺪ ﻭﺍﻟﻘﻴﺘﻪ ﺳﻤﻌﻬﺎ ﻣﻦ ﺟﺎﺭﻧﺎ ﺑﺲ ﺍﻟﺤﻤﺪﺍﻟﻠﻪ ﻗﺎﻳﻞ ﺍﻟﻠﻲ ﺻﺎﺭ
ﺻﺢ ﻣﺶ ﺍﻻﺷﺎﻋﻪ ﺍﻟﻠﻲ ﻃﻠﻌﻮﻫﺎ
ﺍﻧﺎ ؛؛ ﺍﻟﺤﻤﺪ ﺍﻟﻠﻪ ﻭﺭﺑﻚ ﻳﺴﺘﺮ ﻣﻦ ﻣﺮﺍﺩ ﺍﺯﻋﻤﻪ ﻋﺎﺭﻓﻬﺎ
ﺍﻣﻴﺮﻩ ؛؛ ﺍﻛﻴﺪﻩ ﺧﺎﻟﺘﻲ ﻓﺎﻃﻤﻪ ﺣﻜﺘﻠﻪ
ﻧﺎ ؛؛ ﺍﻥ ﺷﺎﺀﺍﻟﻠﻪ
ﻭﻗﻌﺪﻧﺎ ﺍﻧﻬﺪﺭﺯﻭ ﻭﺍﻧﻔﻜﺮﻭ ﻓﻲ ﺍﻟﻔﺮﺡ ﺍﻟﻠﻲ ﺍﻗﺮﻳﺐ ﻭﺷﻦ ﻧﺒﻮ ﺍﻧﺪﻳﺮﻭ ﻓﻴﻪ
ﺍﻣﻴﺮﻩ ؛؛ ﻣﻦ ﺑﻜﺮﻩ ﻋﺪﻱ ﻳﺎﺣﺘﻪ ﺍﺣﺠﺰﻱ ﻓﻲ ﺍﻟﺼﺎﻟﻪ
ﻧﺎ ؛؛ ﺍﻫﺎ ﺗﻮ ﺑﻜﺮﻩ ﻣﺎﻣﺎ ﺍﺗﻘﻮﻟﻪ ﻟﻌﺎﺩﻝ
ﺭﺟﺎﺀ ؛؛ ﺍﻧﺎ ﺍﻟﻠﻲ ﻗﻬﺮﺗﻨﻲ ﺍﻥ ﻋﺎﺩﻝ ﻫﻮ ﺍﻟﻠﻲ ﺣﺎﻛﻢ ﻓﻲ ﻛﻞ ﺣﺎﺟﻪ ﻭﻣﺎﻳﺒﻴﺶ ﺣﺪ ﺍﻳﺪﻳﺮ ﺍﻟﺤﺎﺟﻪ
ﻏﻴﺮﻩ ﻟﻴﺶ ﻣﺎﻧﻲ ﻋﺎﺭﻓﻪ ﻻ ﻭﻫﺬﺍ ﻛﻠﻪ ﺍﻧﺎﻧﻲ ﻭﺫﻭﻗﻪ ﻫﻮ ﺍﻟﻠﻲ ﺡ ﻳﻤﺸﻲ
ﻧﺎ ؛؛ ﻭﺍﻟﻠﻪ ﻧﺎ ﺑﺮﻭﺣﻲ ﺧﺎﻳﻔﻪ ﻣﻦ ﻋﺎﺩﻝ ﺑﺲ ﺍﻥ ﺷﺎﺀﺍﻟﻠﻪ ﻣﺎﻣﺎ ﻳﻘﻌﺪﻥ ﻋﻨﺪﻫﺎ ﺍﻣﻜﺎﻧﻴﺎﺕ ﻟﻠﻔﺮﺡ ﻣﻊ
ﺍﻥ ﻧﺎ ﻧﺒﻴﻪ
ﺑﺴﻴﻂ ﻭﻣﺎﻧﺒﻴﺶ ﻃﻠﺒﺎﺕ ﻭﺍﺟﺪﻩ ﺳﺎﻣﻄﻪ ﻓﻲ ﺣﻖ ﻣﺎﻣﺎ ﻭﻣﻊ ﺍﻥ ﻭﺍﻟﻠﻪ ﻣﺎﺧﺎﻃﺮﻱ ﻧﻤﺸﻲ ﻟﺴﻮﻕ
ﺑﻜﻞ ﻭﻧﺸﺮﻱ ﻣﺶ ﻣﺘﺨﺎﻳﻠﻪ ﺍﻥ ﻧﺎ ﻋﺮﻭﺳﻪ ﻭﻧﺒﻲ ﺍﻧﻮﺗﻲ ﺍﺩﺑﺸﻲ ﺩﺑﺶ ﻋﺮﺍﺋﺲ ﻳﻌﻨﻲ ﻭﺍﻟﻠﻪ
ﻣﺘﺤﺸﻤﻪ ﺣﺘﻲ ﺍﻟﻠﻲ ﻧﺒﻲ ﻧﻤﺸﻲ ﻣﻌﻪ ﻛﻴﻒ ﺍﺗﺠﻴﻨﻲ ﺻﺤﺔ ﻭﺟﻪ ﻭﻧﺸﺮﻱ ﺩﺑﺶ ﻋﺮﺍﺋﺲ ﻗﺪﺍﻣﻬﻢ
ﺍﻣﻴﺮﻩ ؛؛ ﺍﻟﺪﻭﻩ ﻫﺬﻩ ﻛﻠﻬﺎ ﻣﺶ ﻣﻬﻤﻪ ﺍﻟﻤﻬﻢ ﺍﻧﻚ ﺍﺗﺮﻳﺤﻲ ﻣﻊ ﺭﺍﺟﻠﻚ ﻭﺍﺗﻬﻨﻲ
ﻧﺎ ؛؛ ﺍﻥ ﺷﺎﺀﺍﻟﻠﻪ ﺑﻌﺪﻙ ﺍﻟﻴﻮﻡ ﺗﺮﻳﺤﺖ ﺷﻴﺊ ﻣﺎ ﻭﻓﻲ ﻧﻔﺲ ﺍﻟﻮﻗﺖ ﺧﻔﺖ ﻻﻥ ﺷﻜﻠﻪ ﻣﺮﺍﺩ ﻭﺍﻋﺮ
ﻋﺎﺭﻓﻪ ﺧﺘﻲ ﻣﺎﻣﺎ ﻣﺎﺣﻜﺘﺶ ﺷﻲﺀ ﻣﻌﻪ
ﺍﻳﻤﺎﻥ؛؛ ﻗﺼﺪﻙ ﻣﺎﻣﺎ ﻣﺎﺣﻜﺘﻠﻪ ﺷﻲﺀ ﻣﺎﺍﻃﻠﺒﺖ ﻣﻨﻪ ﺷﻲﺀ
ﻧﺎ ؛؛ ﻻﻻﻻ ﺳﺎﻛﺘﻪ
ﺍﻳﻤﺎﻥ ؛؛ ﺣﻲ ﻧﺎ ﻟﻤﺎ ﺧﺸﺖ ﻋﻠﻴﻨﺎ ﻭﻣﺎﻓﻲ ﺣﺎﺟﻪ ﻣﺎﺣﻜﺘﻪ ﻝ ﺍﺣﻤﺪ ﻧﻴﻦ ﺗﺤﺸﻤﺖ ﻧﺎ
ﻧﺎ ؛؛؛ﻫﻬﻬﻬﻬﻬﻪ ﻣﺶ ﻗﺎﻟﺘﻠﻚ ﺍﻥ ﻣﺮﺍﺩ ﺷﺨﺼﻴﺔ ﻗﻮﻳﻪ ﻭﻟﻤﺎ ﺍﺗﺸﻮﻓﻴﻪ ﺿﺮﻭﺭﻱ ﺍﺩﻳﺮﻱ ﺑﻴﻨﻚ ﻭﺑﻴﻦ
ﺍﺣﺪﻭﺩ ﻳﻌﻨﻲ ﻳﻔﺮﺽ ﻋﻠﻴﻚ ﺍﻧﻚ ﺍﺗﻌﺎﻣﻠﻴﻪ ﺭﺳﻤﻲ
ﺭﺟﺎﺀ ؛؛ ﻭﻭﻭﻭ ﻫﺬﺍ ﻛﻠﻪ ﻋﺮﻓﺘﻴﻪ ﻓﻲ ﺍﻭﻝ ﻳﻮﻡ
ﻧﺎ ؛؛ ﻫﻬﻬﻬﻬﻪ ﺍﻫﺎ ﻻﻥ ﺣﺘﻲ ﺧﺎﻟﺪ ﺳﻤﻌﺘﻪ ﻳﺤﻜﻲ ﻓﻴﻬﺎ ﻟﻤﺎﻣﺎ ﺍﻣﺒﺪﺭﻱ ﻗﺎﻝ ﺷﻜﻠﻪ ﻣﺤﺘﺮﻡ ﻭﺍﻛﻮﻳﺲ
ﻭﺷﺨﺼﻴﺔ ﻗﻮﻳﻪ ﻭﻟﻤﺎ ﺍﺗﺼﺒﻲ ﻗﺪﺍﻣﻪ ﻳﻔﺮﺽ ﻋﻠﻴﻚ ﺍﺣﺘﺮﺍﻣﻪ
ﺍﻳﻤﺎﻥ ؛؛ ﺍﺣﻤﺪ ﺍﻳﺮﻥ ﻫﻴﺎ ﻳﺎ ﺣﻨﺎﺗﻲ ﻭﺟﻬﻜﻦ
ﻧﺎ ؛؛ ﻫﻬﻬﻪ ﺣﺎﺿﺮ
ﻭﻃﻠﻌﺖ ﻧﺎ ﻭﻋﺪﻳﺖ ﻓﻲ ﺩﺍﺭ ﻣﺎﻣﺎ ﻭﺭﻗﺪﺕ ﻭﺍﻣﻴﺮﻩ ﻣﻌﻬﻦ ﻻﻧﻬﺎ ﻣﺎﺯﺍﻟﺖ ﻣﺘﻌﺎﺭﻛﻪ ﻣﻊ ﻭﻟﻴﺪ ﻭﺭﺟﺎﺀ
ﺣﺘﻲ ﻫﻲ ﺑﺪﺕ ﺗﺤﻜﻲ ﻣﻊ ﺳﺮﺍﺝ
ﻭﺟﺎﺀ ﺍﻟﺼﺒﺢ ﻭﻭﻋﻴﺖ ﺍﻟﻘﻴﺖ ﻣﺎﻣﺎ ﺍﺗﻜﻠﻢ ﻓﻲ ﺧﺎﻟﺘﻲ ﻓﺎﻃﻤﻪ ﻣﻦ ﻓﻮﻥ ﺍﻳﻤﺎﻥ ﻭﻣﻘﻌﻤﺰﺍﺕ ﺍﻳﻤﺎﻥ
ﻭﺍﻣﻴﺮﻩ ﺟﻨﺒﻬﺎ
ﻗﻌﻤﺰﺕ ﻭﺗﻤﻴﺖ ﻧﺮﺣﺎ ﻓﻲ ﻣﺎﻣﺎ
ﺻﻜﺮﺕ ﻣﺎﻣﺎ
ﻧﺎ ؛؛ ﻛﻨﻬﺎ ﺧﺎﻟﺘﻲ
ﻣﺎﻣﺎ؛ ؛ ﻗﺎﻟﺖ ﺧﻠﻮ ﺍﻟﻔﺮﺡ ﻣﺸﺘﺮﻙ ﻭﻣﺎﻋﻨﺪﻛﻢ ﻋﻠﻴﺶ ﺗﺤﺠﺰﻭ ﻓﻲ ﺍﻟﺼﺎﻟﻪ ﻭﻗﺎﻟﺖ ﺟﻴﺒﻮﻟﻲ ﺍﻓﻠﻮﺱ
ﻭﺗﻮ ﻧﻌﻄﻴﻬﺎ ﻟﻬﻢ ﻋﻠﻲ ﺍﺳﺎﺱ ﺍﻓﻠﻮﺱ ﺍﻟﻔﺮﻗﻪ ﻭﻗﺎﻟﺖ ﺍﻥ ﺣﺘﻲ ﺍﻟﺤﻠﻮﻩ ﺣﺎﺟﺰﻳﻦ ﻓﻴﻪ ﻗﺎﻟﺖ ﻫﺎﺗﻮ
ﺍﻓﻠﻮﺱ ﻭﺗﺮﻳﺤﻮ
ﻧﺎ ؛؛ ﺍﻫﺎ ﻫﻮ ﺻﺢ ﺩﻳﺮﻧﺎ ﻣﻊ ﺧﻮﻩ
ﻣﺎﻣﺎ ؛ ﺑﺲ ﺧﺎﻟﺘﻚ ﻗﺎﻟﺖ ﺍﻟﻌﺮﻭﺱ ﺍﻟﺘﺎﻧﻴﻪ ﻣﺎﺑﺘﺶ ﺍﺩﻳﺮﻩ ﻣﻌﻬﻢ ﻗﺎﻟﺖ ﻧﺎ ﻧﺎﺳﻲ ﻭﺍﺟﺪﻩ ﻭﺑﻌﺪﻳﻦ
ﺣﺘﻲ ﺍﻳﺴﻬﻠﻮ ﻋﻠﻲ ﺍﺭﻭﺣﻬﻢ ﺍﻟﻔﺮﺡ ﻻﻥ ﺭﺍﻩ ﻓﺮﺡ ﺍﻟﻌﻮﻳﻞ ﻣﺘﻌﺐ
ﻧﺎ ؛؛ ﻛﻴﻒ ﺍﻟﻨﻈﺎﻡ ﻳﺒﻮ ﺍﻳﺪﺭﻭ
ﻣﺎﻣﺎ ؛؛ ﻗﺎﻟﺖ ﻳﻮﻡ ﺍﻟﺜﻼﺛﺎﺀ ﺍﻟﺴﻴﺎﻕ ﻓﻲ ﺍﻟﺼﺒﺢ ﺻﻠﻔﺘﻚ ﻭﻓﻲ ﺍﻟﻌﺸﻴﻪ ﺍﻧﺘﻲ ﻭﺗﺎﻧﻲ ﻳﻮﻡ ﺭﻣﻲ
ﺻﺎﻟﻔﺘﻚ ﻭﺍﻧﺘﻲ ﻋﻨﺪﻙ ﺍﻟﺮﺍﺣﻪ ﻭﺍﻟﻴﻮﻡ ﺍﻟﻠﻲ ﺑﻌﺪﻩ ﺯﻏﺘﻜﻦ ﺍﻧﺘﻲ ﺍﺗﺠﻲ ﻓﻲ ﺻﺎﻟﻪ ﺍﻳﺤﻨﻮﻙ ﻭﺍﻳﺨﺶ
ﻫﻮ ﻳﺎﺧﺬﻙ ﻭﻫﻲ ﺍﻳﺠﺒﻮﻫﺎ ﻣﻦ ﻫﻠﻬﺎ
ﻧﺎ؛؛ ﻣﺎﺷﺎﺀﺍﻟﻠﻪ ﺑﺮﻣﺠﻮ ﺍﻟﻔﺮﺡ
ﺍﻳﻤﺎﻥ ؛؛ ﺑﺲ ﺍﻟﻔﺮﺡ ﻓﻴﻪ ﺟﻮ ﻫﻜﻲ ﻳﻮﻡ ﺍﺳﻴﺎﻕ ﻭﺗﺎﻧﻲ ﻳﻮﻡ ﺭﺍﺡ ﻭﺍﻧﻮﺗﻮ ﻟﺒﻜﺮﻩ
ﺍﻣﻴﺮﻩ ؛؛ ﺍﻫﺎ ﺣﻠﻮﻩ ﺑﻜﻞ ﻭﺍﺣﺴﻦ ﺣﺎﺟﻪ ﺍﻥ ﻧﺤﻦ ﻣﺎﻋﻨﺪﻧﺶ ﺍﻱ ﻣﺴﺆﻟﻴﻪ ﻟﻠﻔﺮﺡ ﻫﻢ ﺩﺍﻳﺮﻥ ﻛﻞ
ﺣﺎﺟﻪ ﻳﻌﻨﻲ ﻳﺎﺍﻳﻪ ﺍﻧﺘﻲ ﺩﻭﺑﻚ ﺩﻭﺏ ﺩﺑﺸﻚ ﺑﺲ
ﻧﺎ ؛؛ ﺍﻥ ﺷﺎﺀﺍﻟﻠﻪ ﺧﻴﺮ
ﺣﺴﻴﺖ ﺍﻥ ﺍﻟﻤﻮﺿﻮﻉ ﻗﺮﺏ ﺧﻼﺹ ﻳﻌﻨﻲ ﺻﺢ ﺍﻧﺎ ﺡ ﻧﺰﻭﺝ ﻭﺡ ﻧﻄﻠﻊ ﻣﻦ ﺍﻟﺤﻮﺵ
ﻣﺸﻴﺖ ﻭﺧﺸﻴﺖ ﻟﻠﺤﻤﺎﻡ ﺗﻮﺿﻴﺖ ﻭﺻﻠﻴﺖ ﻭﻣﺸﻴﺖ ﻟﻠﻤﻄﺒﺦ ﺍﻟﻘﻴﺖ ﻣﺎﻣﺎ ﻭﺍﻣﻴﺮﻩ ﺍﻳﺪﻳﺮﻥ ﻓﻲ
ﻣﻮﺍﻟﺢ
ﻧﺎ ؛؛ ﻛﻨﻜﻦ ﻣﺎﺯﺍﻝ ﺑﺪﺭﻱ
ﺍﻣﻴﺮﻩ ؛ ﻻ ﻳﺎﺣﻨﻪ ﺧﻼﺹ ﺧﻠﻴﻨﻲ ﺍﻧﺪﻳﺮﻭ ﺍﻟﻴﻮﻡ ﺑﻴﺶ ﻓﻲ ﺍﻟﻠﻴﻞ ﺍﺗﺤﻨﻲ ﺍﻧﺘﻲ ﻭﺑﻜﺮﻩ ﻧﺤﻦ ﻧﻘﻌﺪﻭ
ﻓﻲ ﺣﻮﺳﺔ ﺍﻟﺤﻮﺵ
ﻭﻧﺎ ﻧﺒﻴﻚ ﺗﻘﻌﺪﻱ ﺩﻭﺑﻚ ﺩﻭﺏ ﺭﻭﺣﻚ ﺑﻜﺮﻩ
ﻧﺎ ؛؛ ﻫﻬﻬﻬﻪ ﺑﻪ ﻫﻴﺎ
ﻭﺑﺪﻳﻨﺎ ﻓﻲ ﺍﻟﻤﻮﺍﻟﺢ ﻭﺩﺭﻧﺎ ﺍﻟﻤﻮﺍﻟﺢ ﻭﻓﻲ ﺍﻟﻠﻴﻞ ﺟﺖ ﺧﺎﻟﺘﻲ ﻓﺎﻃﻤﻪ ﻭﺟﺒﻴﺘﻠﻨﺎ ﺣﻨﻪ ﺣﻨﺘﻨﻲ ﺣﻨﻪ
ﺑﺴﻴﻄﻪ ﻭﺣﻠﻮﻩ
ﻭﺍﻭﻋﻴﺖ ﺗﺎﻧﻲ ﻳﻮﻡ ﺩﺭﺕ ﻟﺸﻌﺮﻱ ﺯﻳﺖ ﻭﻗﻌﺪﺕ ﺍﻣﺪﻓﻴﻪ ﺭﻭﺣﻲ ﺑﻴﺶ ﺗﺼﺒﻎ ﺣﻨﺘﻲ ﻭﻗﻌﻤﺰﺕ ﻗﺪﺍﻡ
ﺍﻟﻤﺮﺍﻳﻪ ﻭﺑﺪﻳﺖ ﻓﻲ ﻭﺟﻲ ﻭﺩﺭﺕ ﺍﻟﺤﻮﺍﺟﺐ
ﻭﺑﻌﺪﻳﻦ ﺣﺴﻴﺖ ﺭﻭﺣﻲ ﺗﻌﺒﺖ
ﻧﺎ ؛ ﺭﺟﺎﺀ ﺭﺟﺎﺀ
ﺭﺟﺎﺀ ؛؛ ﻧﻌﻢ ﻫﺎ
ﻧﺎ ؛ ﺍﺭﺟﻴﻮﻩ ﺑﺎﻫﻲ ﺗﻌﺎﻟﻲ ﺩﻳﺮﻟﻲ ﻓﺘﻠﻪ ﻟﻮﺟﻲ ﻛﻠﻪ
ﺭﺟﺎﺀ ؛ ﺑﺎﻫﻲ ﺑﺲ ﻣﺎﺗﻘﻮﻟﻴﺶ ﻳﺪﻙ ﻭﺍﻋﺮﻩ
ﻧﺎ ؛ ﻫﻬﻬﻬﻪ ﺑﻪ ﺑﺲ ﺣﺘﻲ ﺍﻧﺘﻲ ﺩﻳﺮﻱ ﺑﺸﻮﻳﻪ ﻣﺎ ﻭﺭﺍﻧﺎ ﻣﺎ ﺷﺎﻏﻠﻨﺎ
ﺭﺟﺎﺀ ؛ ﻫﻴﺎ ﺗﻌﺎﻟﻲ
ﻭﺑﺪﺕ ﻓﻴﺎ ﻓﻲ ﺍﻟﻔﺘﻠﻪ ﻭﺩﺭﺕ ﻣﻌﻬﺎ ﻣﻴﺔ ﻋﺮﻛﻪ ﺍﻩ ﻭﺟﻲ ﺍﻩ ﺧﺪﻱ ﺑﺸﻮﻳﻪ ﻛﻨﻚ ﺍﻧﺘﻲ ﺍﺗﻘﻮﻝ ﻧﺎﻗﻤﻪ
ﺭﺣﺎﺀ ؛ ﺍﻳﻪ ﺍﺳﻜﺘﻲ ﺭﺍﻩ ﺧﻴﺮﻟﻚ
ﻧﺎ ؛ ﻋﻠﻲ ﺍﻟﻮﺿﻊ ﻫﺬﺍ ﺡ ﻳﻄﻠﻌﻠﻲ ﻭﺭﺵ
ﺭﺣﺎﺀ ؛؛ ﻛﺬﺍﺑﻪ ﺩﻳﻤﻪ ﺍﺗﻘﻮﻟﻲ ﻓﻴﻬﺎ ﻭﻣﺎﻳﻄﻠﻌﺶ
ﻭﻛﻤﻠﺘﻠﻲ ﺭﺟﺎﺀ ﺍﻟﻔﺘﻠﻪ ﻧﺎ ﻃﻮﻝ ﻣﺸﻴﺖ ﻭﻏﺴﻠﺖ ﻭﺟﻲ ﺑﻤﻴﻪ ﺍﻣﺴﻘﻪ ﻭ ﻣﻴﺔ ﻭﺭﺩ
ﻭﻧﺰﻟﺖ ﻋﻠﻴﻨﺎ ﻧﻌﻴﻤﻪ
ﻧﻌﻴﻤﻪ ؛؛ ﺍﻟﺴﻼﻡ ﻋﻠﻴﻜﻢ
ﻧﺎ ؛؛ ﻋﻠﻴﻚ ﺳﻼﻡ ﺍﻫﻼ
ﻧﻌﻴﻤﻪ ؛ ﻣﺎﺷﺎﺀﺍﻟﻠﻪ ﻋﺮﻭﺱ ﻋﺎﺩ ﻗﺎﻋﺪﻩ
ﻭﻳﻦ ﻋﻤﺘﻲ
ﻧﺎ ؛؛ ﻗﺎﻋﺪﻩ ﻓﻲ ﺩﺍﺭﻩ ﺧﺸﻲ
ﻭﺧﺸﺖ ﻧﻌﻴﻤﻪ ﺗﻤﻴﻦ ﺍﻧﻬﺪﺭﺯﻭ
ﻧﻌﻴﻤﻪ ؛؛ ﻋﻤﺘﻲ ﺍﻃﻤﻨﻲ ﻧﺎ ﺡ ﻧﺎﺧﺬﻫﺎ ﺍﻳﻪ ﻭﻧﺸﺮﻱ ﺩﺑﺸﻬﺎ ﻛﻠﻪ ﻧﺎ ﻧﻌﺮﻑ ﺍﻟﻤﺤﻼﺕ ﺍﻛﻮﻳﺴﺎﺕ
ﻣﺎﻣﺎ ؛؛ ﺍﻟﻠﻪ ﺍﻳﺮﺑﺤﻚ ﻳﺎ ﻧﻌﻴﻤﻪ ﻣﺎﺗﺨﻠﻲ ﻋﺎﺩﻝ ﻳﻔﺮﺽ ﺫﻭﻗﻪ ﻭﺍﺟﺪ ﻭ ﻣﺎﺗﺨﻠﻴﺶ ﺍﻳﺨﺶ ﻣﻌﻜﻢ
ﺍﻟﻤﺤﻼﺕ ﺑﻴﺶ ﺍﻟﺒﻨﺖ ﺗﺎﺧﺬ ﺭﺍﺣﺘﻬﺎ
ﻧﻌﻴﻤﻪ ؛ ﺣﺎﺿﺮ ﻳﺎﻋﻤﺘﻲ
ﺑﺎﻫﻲ ﻳﺎﺍﻳﻪ ﺍﻧﺘﻲ ﻋﻨﺪﻙ ﺍﻱ ﻣﻌﻠﻮﻣﻪ ﻋﻠﻴﻪ ﺷﺨﺼﻴﻪ ﺍﻭ ﻟﻴﺶ ﺍﻣﻄﻠﻖ ﻣﺮﺍﺗﻪ
ﻧﺎ ؛ ﺍﻧﺼﺪﻣﺖ ﻣﻦ ﻛﻠﻤﺔ ﻧﻌﻴﻤﻪ ﺳﺒﺤﺎﻥ ﺍﻟﻠﻪ ﻓﻲ ﺍﻟﻤﺮﺍﻩ ﻛﻞ ﻣﺎﺍﻧﻘﻮﻝ ﺡ ﺗﻘﻌﺪ ﺍﻛﻮﻳﺴﻪ ﺍﺗﺰﻳﺪ ﻓﻲ
ﺍﻟﺨﺒﺚ ﺍﺧﺮ
ﻧﺎ ؛؛ ﻻﻻ ﻋﻨﺪﻳﺶ ﺍﻱ ﻣﻌﻠﻮﻣﻪ
ﻧﻌﻴﻤﻪ ؛؛ ﻣﻌﻘﻮﻟﻪ ﺭﺿﻴﺘﻲ ﻋﻠﻲ ﺭﻭﺣﻚ ﻫﻜﻲ ﻧﺎ ﻟﻤﺎ ﻗﺎﻟﻲ ﻋﺎﺩﻝ ﻣﻄﻠﻖ ﺍﻧﻔﺠﻌﺖ ﻭﻣﺎﻧﺤﺴﺎﺑﻚ
ﺍﺗﻮﺍﻓﻘﻲ
ﻧﺎ ؛؛ ﺧﻨﻘﺘﻨﻲ ﺍﻟﻌﺒﺮﻩ ﻭﺯﻣﻄﺖ ﺭﺍﻳﻘﻲ
ﺍﻣﻴﺮﻩ ؛ ﻧﺼﻴﺒﻬﺎ ﻭﺑﻌﺪﻳﻦ ﺍﻟﺮﺍﺟﻞ ﺍﻛﻮﻳﺲ ﻭﻭﻟﺪ ﺧﻮ ﺧﺎﻟﺘﻲ ﻓﺎﻃﻤﻪ ﻭﻣﻌﺮﻭﻓﻴﻦ ﻫﻞ ﺧﺎﻟﺘﻲ ﻓﺎﻃﻤﻪ
ﺷﻨﻮ
ﻧﻌﻴﻤﻪ ؛؛ ﺑﺲ ﻳﻨﺨﺎﻑ ﻣﻨﻪ ﺍﻟﻤﻄﻠﻖ ﻫﺬﺍ ﺍﺳﺘﻐﻨﺎ ﻋﻠﻲ ﺍﻡ ﺍﻋﻴﺎﻟﻪ ﻣﺎﺗﺒﻴﺶ ﻳﺴﺘﻐﻦ ﻋﻠﻲ ﺍﻳﻪ ﺗﻲ
ﻭﺍﻟﻠﻪ ﻫﺼﺎ ﺧﻼﺹ ﻣﺸﺖ ﻓﻴﻪ ﺍﻟﺘﻄﻠﻴﻘﻪ ﻳﻌﻨﻲ ﻓﻲ ﺍﻭﻝ ﻣﺸﻜﻠﻪ ﺑﻴﻨﺘﻬﻢ ﻃﻮﻝ ﻳﻄﻠﻘﻬﺎ ﺑﺪﻭﻥ ﻣﺎ
ﺍﻳﻔﻜﺮ
ﺍﻧﻘﻬﺮﺕ ﻣﻦ ﻛﻼﻣﻬﺎ ﺻﺒﻴﺖ ﻭﺧﺸﻴﺖ ﻟﺪﺍﺭ ﻭﻗﻌﺪﺕ ﻧﺒﻜﻲ
ﺍﻥ ﻫﻪ ﺑﺪﻭ ﺍﻳﻌﺎﺭﻭ ﻓﻴﺎ ﻋﻠﺸﺎﻥ ﺧﺬﻳﺖ ﻭﺍﺣﺪ ﻣﻄﻠﻖ
ﻭﻗﻌﺪﺕ ﻛﺎﺭﺳﻪ ﻓﻲ ﺍﻟﺪﺍﺭ
ﻧﻴﻦ ﺳﻤﻌﺘﻬﺎ ﻣﺸﺖ ﻭﻃﻠﻌﺖ ﻋﻠﻴﻬﻦ ﻭﺭﻗﺪﺕ
ﻭﺍﻭﻋﻴﺖ ﺗﺎﻧﻲ ﻳﻮﻡ ﻋﻠﻲ ﺍﻟﺤﻮﺱ ﻭﺍﻟﻘﻴﺖ ﺧﻮﺍﺗﻲ ﻛﻠﻬﻦ ﻭﻋﻴﺎﺕ ﻭﺩﺭﻧﺎ ﻏﺪﺍﺀ ﻭﺗﻐﺪﻧﻴﺎ ﻭﺑﻌﺪ
ﺍﻟﻐﺪﺍﺀ ﺍﻃﻠﻌﺖ ﻣﺎﻣﺎ ﻭﺧﺎﻟﺪ ﻭﺟﺎﺏ ﺣﻠﻮﻳﺎﺕ ﻭﺍﻟﺸﻜﻮﻻﻃﻪ
ﻭﻧﺎ ﺑﺪﻳﺖ ﻓﻲ ﺭﻭﺣﻲ ﺩﺭﺕ ﻣﻴﻚ ﺍﺏ ﺧﻔﻴﻒ ﺟﺪﺍ ﻭﺍﻣﻴﺮﻩ ﺩﺭﺗﻠﻲ ﺍﺳﺘﺸﻮﺍﺭ ﻭﻃﻠﻘﺖ ﺷﻌﺮﻱ
ﻭﻻﺑﺴﺖ ﻗﻔﻄﺎﻥ ﺷﻮﻓﻮﻧﻲ ﺑﻴﺞ ﻭﻓﻴﻪ ﻭﺭﺩ ﻭﺭﺩﻱ ﺣﻠﻮ ﻭﻟﻄﻴﻒ ﻭﺍﻗﺼﻴﺮ
ﻭﺟﺖ ﻣﺮﻭﻩ ﻭﻣﺮﺍﺕ ﻋﻠﻲ ﻭﻧﻌﻴﻤﻪ ﺑﺲ ﻧﺎ ﻃﺒﻌﺎ ﻛﺎﻥ ﺭﺍﻗﻴﻠﻲ ﻣﻦ ﻧﻌﻴﻤﻪ ﻣﺎﺑﻴﺘﺶ ﻧﻄﻠﻊ ﻋﻠﻴﻪ
ﻭﻗﻌﺪﺕ ﻓﻲ ﺍﻟﺪﺍﺭ
ﻭﺑﻌﺪ ﻧﺺ ﺳﺎﻋﻪ ﺍﺗﺨﺶ ﻋﻠﻴﺎ ﺭﺟﺎﺀ ﺗﺠﺮﻱ
ﺭﺟﺎﺀ ؛؛ ﻭﻳﻪ ﻭﻳﻪ
ﻧﺎ ؛؛ ﻛﻨﻚ ﺗﺠﺮﻱ ﺍﻧﺘﻲ
ﺭﺟﺎﺀ ؛؛ ............
ﻳﺘﺒﻊ
