ﺍﻳﻤﺎﻥ ؛؛ ﺑﺎﻫﻲ ﻧﺎ ﺭﺍﻧﻪ ﻋﻠﻴﻚ ﺍﻧﺸﻮﻑ ﻓﻲ ﺍﺧﺒﺎﺭﻙ
ﺭﺟﺎﺀ ؛؛ ﺍﺧﺒﺎﺭﻱ ﻫﻲ ﻫﻲ ﻣﻦ ﻋﻨﺪﻛﻢ ﺍﻧﺘﻮ
ﺍﻳﻤﺎﻥ؛؛ ﻋﻨﺪﻧﺎ ﺗﻮ ﻋﻴﺖ ﺧﺎﻟﻲ ﻋﻴﺴﻲ ﺑﺲ
ﺭﺟﺎﺀ ؛؛ ﻭﻳﻦ ﺍﻳﻪ
ﺍﻳﻤﺎﻥ ؛؛ ﺍﻳﻪ ﺭﻭﺣﺖ ﻧﻔﺴﻴﺘﻬﺎ ﻣﺪﻣﺮﻩ ﺧﺸﺖ ﺍﻗﻌﺪﺕ ﻓﻲ ﺍﻟﺤﻤﺎﻡ ﺍﻗﺮﻳﺐ ﺳﺎﻋﻪ ﻭﺍﻃﻠﻌﺖ ﺍﻟﻮ ﺍﻟﻮ
ﺭﺟﺎﺀ ﻣﻌﻲ
ﺭﺟﺎﺀ ؛؛ ........
ﺭﺟﺎﺀ ﻭﻫﻲ ﺗﺤﻜﻲ ﺣﺴﺖ ﺑﻴﺪ ﺭﺟﻞ ﺟﺖ ﻋﻠﻲ ﻛﺘﻔﻬﺎ ﺍﻟﻴﺴﺎﺭ ﻭﻃﺎﺡ ﺍﻟﻔﻮﻥ ﻣﻦ ﻳﺪﻫﺎ ﻣﻦ ﺍﻟﺨﻮﻑ
ﻭﺗﻤﺖ ﺗﺒﺮﻡ ﻓﻲ ﻭﺟﻬﺎ ﺑﺸﻮﻳﻪ ﺑﺸﻮﻳﻪ ﻭﺟﺖ ﻋﻴﻨﻬﺎ ﻓﻲ ﻋﻴﻨﻪ
ﺳﺮﺍﺝ ؛؛ ﻣﻊ ﻣﻦ ﺗﺤﻜﻲ ﻓﻲ ﻋﻘﺎﺏ ﺍﻟﻠﻴﻞ ﻭﻛﻨﻚ ﺧﻔﺘﻲ ﻟﺪﺭﺟﻪ ﻫﺬﻩ
ﻭﺭﺟﺎﺀ ﻗﺎﻋﺪﻩ ﻋﻠﻲ ﻭﺿﻊ ﺍﻟﺼﺪﻣﻪ ﻭﺳﺎﻛﺘﻪ ﻻﻥ ﺧﺎﻓﺖ ﺍﻳﻜﻮﻥ ﻭﺍﺣﺪ ﻣﻦ ﺧﻮﺗﻲ
ﺳﺮﺍﺝ ؛؛ ﻗﻌﺪ ﺍﻳﺒﺤﺖ ﻓﻲ ﺭﺟﺎﺀ ﻭﺣﺎﺟﺒﻪ ﻣﺮﻓﻮﻉ
ﻛﻨﻚ ﺳﺎﻛﺘﻪ ﻣﻊ ﻣﻦ ﻛﻨﺘﻲ ﺗﺤﻜﻲ ﻭﻟﻴﺶ ﺧﺎﻳﻔﻪ ﺷﻦ ﻓﻲ
ﻭﻧﺰﻝ ﺳﺮﺍﺝ ﻭ ﺧﺬﺍ ﺍﻟﻔﻮﻥ ﻭﺷﺎﻑ ﺍﻟﺸﺎﺷﻪ ﻭﻟﻘﻲ ﻣﻠﺨﺺ ﺍﻟﻤﻜﺎﻟﻤﻪ ﺯﺍﺩ ﺷﻜﻪ ﺑﺎﻟﻤﻜﺎﻟﻤﻪ ﻭ ﺟﺎ ﻳﺒﻲ
ﺍﻳﺨﺶ ﻋﻠﻲ ﺍﻟﻤﻜﺎﻟﻤﺎﺕ
ﻛﺮﺕ ﺭﺟﺎﺀ ﺍﻟﻔﻮﻥ ﻣﻦ ﻳﺪﻩ
ﺭﺟﺎﺀ ؛؛ ﻟﻴﺶ ﺗﻤﺴﻚ ﻓﻲ ﻓﻮﻧﻲ ﻫﺬﻩ ﺣﺎﺟﻪ ﺧﺎﺻﻪ ﻭﻣﺎﻧﺤﺒﺶ ﺣﺪ ﺍﻳﺠﻲ ﺷﻮﺭﻫﺎ
ﺳﺮﺍﺝ ؛؛ ﺍﺳﺘﻐﺮﺏ ﺭﺩﺕ ﻓﻌﻞ ﺭﺟﺎﺀ
ﺍﻧﺎ ﺍﺳﻒ ﻻﻧﻲ ﺗﺪﺧﻠﺖ ﺑﺲ ﺣﺴﻴﺘﻚ ﺧﺎﻳﻔﻪ ﻭﺍﺟﺪ ﻭﺧﻮﻓﻚ ﻫﺬﺍ ﺧﻮﻓﻨﻲ ﻭﺧﻠﻨﻲ ﺍﻧﺸﻚ ﻓﻴﻚ
ﺭﺟﺎﺀ ؛؛ ﺑﺤﺘﺖ ﻓﻲ ﺳﺮﺍﺝ ﻣﻦ ﻓﻮﻕ ﻟﻠﻮﻃﻪ ﻭﻻﻗﺘﻪ ﻻﺑﺲ ﻻﺑﺴﻪ ﻣﺶ ﺩﻛﺘﻮﺭ ﻭﺟﺎﻱ ﻟﻌﻤﻠﻪ ﺟﺎﻱ
ﻭﻻﺑﺲ ﺗﻮﺗﻪ ﺣﻠﻮ
ﺑﻪ ﺍﻧﺖ ﺷﻦ ﺗﺒﻲ ﺟﺎﻱ ﻫﻜﻲ
ﺳﺮﺍﺝ ؛؛ ﻭﺍﻟﻠﻪ ﻋﻨﺪﻱ ﻣﺮﻳﻀﻪ ﺷﻐﻠﺘﻨﻲ ﻭﻧﺮﺟﺎ ﻓﻴﻬﺎ ﺗﻤﺮﺽ ﺍﺧﺮ ﺑﻴﺶ ﺍﺗﺮﻥ ﻋﻠﻴﺎ ﻭﻣﺎﺭﻧﺘﺶ ﻭﻗﺎﻟﺖ
ﺧﻠﻨﻲ ﻧﻤﺸﻲ ﺍﻧﺸﻮﻓﻬﺎ ﺑﺪﺍﻝ ﻫﻲ ﻓﻲ ﺍﻟﻤﺴﺘﺸﻔﻲ ﻭﺍﻧﻘﻮﻟﻠﻬﺎ ﻛﻨﻚ ﻣﺎ ﻣﺮﺿﺘﻲ ﺑﻴﺶ ﺍﺗﺮﻧﻲ ﻋﻠﻴﺎ
ﺭﺟﺎﺀ ؛؛ ﺍﺑﺘﺴﻤﺖ ﻟﺴﺮﺍﺝ ﻭﺑﺮﻣﺖ ﻭﺟﻬﺎ ﻭﻗﻌﻤﺰﺕ ﻋﻠﻲ ﺍﻟﻜﺮﺳﻲ ﻭﺟﺎ ﺳﺮﺍﺝ ﻭﻗﻌﻤﺰ ﺟﻨﺒﻬﺎ
ﻟﻴﺶ ﺟﻴﺖ ﻫﻨﺎ
ﺳﺮﺍﺝ ؛؛ ﻧﺎ ﻣﺎﻗﺘﻠﻚ ﻋﻨﺪﻱ ﻣﺮﻳﻀﻪ
ﺭﺟﺎﺀ ؛؛ ﺍﻫﺎ ﺑﻪ ﻋﺪﻳﺖ ﺷﻔﺘﻬﺎ
ﺳﺮﺍﺝ ؛؛ ﻗﺎﻋﺪ ﺍﻣﻘﻌﻤﺰ ﺍﺣﺬﻫﺎ
ﻭﺷﺎﻓﺘﻪ ﺭﺟﺎﺀ ﺑﻨﻈﺮﻩ ﺍﻟﻠﻲ ﻋﻠﻲ ﺍﻟﺠﻨﺐ
ﺳﺮﺍﺝ ؛؛ ﺑﺎﻫﻲ ﻣﻤﻜﻦ ﺳﺆﺍﻝ
ﺭﺟﺎﺀ ؛؛ ﺍﻫﺎ ﺟﺎﻳﻨﻲ ﺗﻮ ﻋﺎﺩ ﺑﻴﺶ ﺗﻔﺘﺤﻠﻲ ﻣﻠﻒ ﺗﺤﻘﻴﻖ ﺗﻮ
ﻭﺭﻥ ﻓﻮﻥ ﺭﺟﺎﺀ ﺍﺧﺮ
ﺭﺟﺎﺀ ؛؛ ﺣﻄﺖ ﻳﺪﻫﺎ ﻋﻠﻰ ﻓﻤﻬﺎ ﺍﻣﺘﻌﺖ ﺍﺳﺴﺴﺴﺴﺲ
ﺭﺟﺎﺀ ؛؛ ﺍﻟﻮ ﻫﺎ ﺍﻳﻤﺎﻥ
ﺍﻳﻤﺎﻥ ؛؛ ﺗﻲ ﻭﻳﻨﻚ ﻛﻨﻚ ﻣﺎﺍﺗﺮﺩﻱ
ﺭﺟﺎﺀ ؛؛ ﺍﻫﺎ ﺍﻣﻐﻴﺮ ﺗﻐﻄﻴﻪ ﺑﺲ
ﺍﻳﻤﺎﻥ ؛؛ ﺑﻪ ﺭﺩﻱ ﺑﺎﻟﻚ ﻣﻦ ﻧﻔﺴﻚ
ﺭﺟﺎﺀ ؛؛ ﺑﺎﻫﻲ ﻭﺍﻧﺘﻮ ﺍﺗﺤﺴﻮ ﻓﻴﺎ ﺍﻧﻲ ﻗﺎﻋﺪﻩ ﻓﻲ ﺧﻄﺮ
ﺍﻳﻤﺎﻥ ؛؛ ﺑﺎﻫﻲ ﺳﻜﺮﻱ ﻭﺍﻧﺘﻲ ﺩﻳﻤﻪ ﺟﺎﻟﻄﻪ
ﺭﺟﺎﺀ ؛؛ ﻳﻼ ﺳﻼﻡ ﻭﻭﻃﻲ ﺣﺴﻚ ﺭﺍﻩ ﻳﺴﻤﻌﻚ ﺧﺎﻟﺪ ﺳﻼﻡ
ﻭﺳﻜﺮﺕ ﺭﺟﺎﺀ ﻭﺑﺤﺘﺖ ﻓﻲ ﺳﺮﺍﺝ ﻭﻟﻘﺎﺗﻪ ﺍﻳﺒﺤﺖ ﻓﻴﻬﺎ ﻭﻣﺒﺘﺴﻢ ﻻﻥ ﻋﺮﻑ ﺍﻥ ﺭﺟﺎﺀ ﻛﺎﻧﺖ ﺍﺗﻜﻠﻢ
ﻓﻲ ﺑﻨﺖ ﻣﺶ ﻓﻲ ﺷﺎﺏ
ﺭﺟﺎﺀ ؛؛ ﺩﻭﻡ ﺍﻥ ﺷﺎﺀﺍﻟﻠﻪ ﺍﻟﻀﺤﻜﻪ
ﺳﺮﺍﺝ ؛؛ ﻫﻬﻬﻪ ﺑﻪ ﻣﻤﻜﻦ ﺳﺆﺍﻝ
ﺭﺟﺎﺀ ؛؛ ﺗﻔﻀﻞ
ﺳﺮﺍﺝ ؛؛ ﻟﻴﺶ ﺧﻔﺘﻲ ﻟﺪﺭﺟﻪ ﻫﺬﻩ
ﺭﺟﺎﺀ ؛؛ ﻧﺤﺴﺎﺑﻚ ﺣﺪ ﻣﻦ ﺧﻮﺗﻲ
ﺳﺮﺍﺝ ؛؛ ﻭﻟﻴﺶ ﺍﺗﺨﺎﻓﻲ ﻣﻦ ﺧﻮﺗﻚ ﻫﻜﻲ ﻟﻴﺶ ﻓﻮﻧﻚ ﺳﺮﻱ ﻳﻌﻨﻲ
ﺭﺟﺎﺀ ؛؛ ﻟﻼﺳﻒ ﺍﻫﺎ ﻓﻮﻧﻲ ﺳﺮﻱ ﻭﻣﺎﺣﺪ ﻳﻌﺮﻓﻪ
ﺳﺮﺍﺝ ؛؛ ﺍﺳﺘﻐﺮﺏ ﺻﺮﺍﺣﺔ ﺭﺟﺎﺀ
ﻟﻴﺶ ﺑﺎﻫﻲ
ﺭﺟﺎﺀ ؛؛ ﻫﻠﻲ ﻣﺶ ﻣﻘﺘﻨﻌﻴﻦ ﺍﻥ ﺍﻟﺒﻨﺖ ﻳﻜﻮﻥ ﻋﻨﺪﻫﺎ ﻓﻮﻥ ﻭﻛﻞ ﺣﺪ ﻭﺗﻔﻜﻴﺮﻩ ﻭﻫﻠﻲ ﻫﻜﻲ
ﺗﻔﻜﻴﺮﻫﻢ
ﺳﺮﺍﺝ ؛؛ ﺑﻪ ﻟﻴﺶ ﺍﻧﺘﻲ ﺩﺭﺗﻲ ﻣﻦ ﻭﺭﺍﻫﻢ
ﺭﺟﺎﺀ ؛؛ ﻻﻥ ﺍﻟﻤﻤﻨﻮﻉ ﻣﺮﻏﻮﺏ
ﻭﻧﺤﻦ ﺣﺎﻟﻴﺎ ﻓﻲ ﻋﺼﺮ ﺍﻟﻔﻮﻧﺎﺕ ﺷﻮﻑ ﻫﻪ ﺍﺑﺴﻂ ﻣﺜﺎﻝ ﺍﺧﺘﻲ ﺗﺒﻲ ﺗﻄﻤﻦ ﻋﻠﻴﺎ ﺭﻧﺖ ﻋﻠﻴﺎ
ﻟﻜﻦ ﻛﺎﻥ ﻣﺎﻋﻨﺪﻫﺶ ﻓﻮﻥ ﺭﺍﻩ ﺍﻗﻌﺪﺕ ﻣﺸﻐﻮﻟﻪ ﻋﻠﻴﺎ
ﺳﺮﺍﺝ ؛؛ ﻗﺼﺪﻙ ﺣﺘﻲ ﺍﺧﺘﻚ ﻓﻮﻧﻬﺎ ﺳﺮﻱ
ﺭﺟﺎﺀ ؛ ﺍﻛﻴﺪﻩ ﺍﻧﺘﻮ ﺍﻟﺮﺟﺎﻟﻪ ﺗﻔﺮﺿﻮ ﻓﻲ ﻓﺮﻭﺽ ﻣﺮﻓﻮﺿﻪ ﻭﻧﺤﻦ ﺍﻟﺒﻨﺎﺕ ﺍﻧﺪﻳﺮﻭ ﺍﻧﺪﻳﺮﻭ ﺍﻟﻠﻲ ﻓﻲ
ﺭﻭﺳﻦ ﺳﻮﺀ ﺍﻧﺘﻮ ﺗﺒﻮ ﺍﻭ ﻻ
ﺳﺮﺍﺝ ؛؛ ﻭﻭﻭﻭ ﻛﻨﻚ ﻧﺎﻗﻤﻪ ﻋﻠﻲ ﺍﻟﺮﺟﺎﻟﻪ
ﺭﺟﺎﺀ ؛؛ ﻻﻧﻜﻢ ﺍﻧﺘﻮ ﺍﺗﺤﺒﻮ ﺍﻟﺴﻴﻄﺮﻩ ﻋﻠﻲ ﺍﻟﻨﺴﺎﺀ ﺑﺼﻔﻪ ﻋﺎﻣﻪ ﺳﻮﺀ ﺍﺧﺘﻚ ﺍﻭ ﺯﻭﺟﺘﻚ ﺍﻭ ﺑﻨﺘﻚ
ﺍﺗﺤﺒﻮ ﺍﺗﺴﻴﻄﺮﻭ ﺳﻴﻄﺮﻩ
ﻻ ﻭﺍﺧﺮ ﻣﺠﺮﺩ ﺍﻧﻜﻢ ﺍﺩﻳﺮﻭ ﻋﻼﻗﻪ ﺗﺒﺪﻭ ﻓﻲ ﺍﻟﺴﻴﻄﺮﻩ
ﺳﺮﺍﺝ ؛؛ ﻛﻠﻤﺘﻚ ﻫﺬﻩ ﻧﻔﻬﻢ ﻣﻨﻬﺎ ﺍﻧﻚ ﺩﺍﻳﺮﻩ ﻋﻼﻗﻪ .
ﺭﺟﺎﺀ ؛؛ ﻻﻻ ﻣﺶ ﺩﺍﻳﺮﻩ ﻋﻼﻗﻪ ﻭﺍﻟﺤﻤﺪﺍﻟﻠﻪ
ﺳﺮﺍﺝ ؛؛ ﺑﺎﻫﻲ ﻓﻲ ﺣﺎﺟﻪ ﻧﺸﺮﺑﻬﺎ ﻋﻄﺸﺎﻥ
ﺭﺟﺎﺀ ؛؛ ﺍﻫﻮ ﻓﻲ ﺷﻨﻄﺘﻲ ﺷﻜﺮﺍ
ﺳﺮﺍﺝ ؛؛ ﺑﺎﻫﻲ ﺑﻼ ﺑﺨﻞ ﻭﻣﺪﻳﻠﻲ ﺣﺎﺟﻪ ﻧﺸﺮﺑﻬﺎ
ﺭﺟﺎﺀ ؛؛ ﻫﻬﻬﻬﻬﻪ ﺧﻮﺫ ﺗﻔﻀﻞ
ﻭﺷﺮﺏ ﺳﺮﺍﺝ ﺍﻟﻌﺼﻴﺮ
ﺭﺟﺎﺀ ؛؛ ﺻﺤﻪ
ﺳﺮﺍﺝ ؛؛ ﺳﻠﻤﻚ
ﺭﺟﺎﺀ ؛؛ ﺍﻣﺎﻻﻩ ﺍﻟﻘﻌﺪﻩ ﺍﻣﻄﻮﻟﻪ ﻫﻨﺎ
ﺳﺮﺍﺝ ؛؛ ﻫﻬﻬﻬﻬﻬﻬﻬﻪ ﻛﻴﻒ ﺍﺗﻮﺯﻋﻲ ﻓﻴﺎ
ﺭﺟﺎﺀ ؛؛ ﻻ ﻣﺶ ﻫﻜﻲ ﺑﺲ ﺍﺳﺘﻐﺮﺑﺖ ﺟﻴﺘﻚ ﻭﻗﻌﺪﺗﻚ ﻫﻨﺎ ﻭﺑﺘﻮﺗﻪ
ﺳﺮﺍﺝ ؛؛ ﺍﻧﺎ ﺟﻴﺖ ﻟﻠﻤﺴﺘﺸﻔﻲ ﻭﻧﺒﻲ ﻧﻄﻠﻊ ﻣﻦ ﺑﺎﻟﻲ ﺍﻥ ﻧﺎ ﺩﻛﺘﻮﺭ ﻭﺟﺎﻱ ﻟﻌﻤﻠﻲ ﻻﻥ ﺍﻟﺤﻖ ﻧﺒﻲ
ﺍﻧﺘﺮﻳﺢ ﺍﺷﻮﻳﻪ
ﺭﺟﺎﺀ ؛؛ ﺍﻫﺎ ﻣﻤﻜﻦ ﺳﺆﺍﻝ
ﺳﺮﺍﺝ ؛؛ ﻫﻬﻬﻬﻬﻪ ﻛﻴﻒ ﺗﻮ ﺗﺒﻲ ﺗﻔﺘﺤﻲ ﻣﻠﻒ ﺗﺤﻘﻴﻖ ﺍﻧﺘﻲ
ﺭﺣﺎﺀ ؛؛ ﻃﻨﺸﺖ ﻋﻠﻲ ﺳﺮﺍﺝ
ﺧﻼﺹ ﻣﻌﺶ ﻧﺒﻲ ﻧﺴﺎﻝ
ﺳﺮﺍﺝ ؛؛ ﻫﻬﻬﻬﻬﻬﻬﻪ ﺍﻧﺒﺼﺮ ﻭﺍﻧﺘﻲ ﺷﻜﻠﻚ ﻣﺎﺍﺗﺼﺪﻗﻲ
ﺗﻔﻀﻠﻲ ﺷﻦ ﻫﻮ ﺳﺆﺍﻟﻚ
ﺭﺟﺎﺀ ؛؛ ﺍﻧﺖ ﻣﺘﺰﻭﺝ
ﺳﺮﺍﺝ ؛؛ ﻻﻻ ﻣﺶ ﻣﺘﺰﻭﺝ
ﺭﺟﺎﺀ ؛؛ ﻏﺮﻳﺒﻪ ﺩﻛﺘﻮﺭ ﻭﻣﺎﺯﺍﻟﺖ ﻣﺎﺯﻭﺟﺖ
ﺳﺮﺍﺝ ؛؛ ﻻﻧﻲ ﻣﺎﻟﻘﻴﺘﺶ ﺍﻟﻠﻲ ﺍﻧﺘﺮﻳﺤﻠﻪ ﻭﺍﻧﺴﻜﻨﻬﺎ ﻓﻲ ﺣﻮﺷﻲ ﻭﻫﻲ ﺻﺎﻳﻨﺘﻨﻲ ﻭﺍﺗﺤﺒﻨﻲ
ﺭﺣﺎﺀ ؛؛ ﺑﺎﻫﻲ ﺍﻥ ﺷﺎﺀﺍﻟﻠﻪ ﺭﺑﻲ ﻳﻜﺘﺒﻠﻚ ﺍﻗﺮﻳﺐ
ﺳﺮﺍﺝ ؛؛ ﻫﻮ ﻣﻦ ﻧﺎﺣﻴﺔ ﻓﻲ ﻭﺣﺪﻩ ﺗﻮ ﺑﺪﺕ ﺍﺗﻨﺒﺶ ﻋﻠﻲ ﻗﻠﺒﻲ ﻓﻲ ﺑﺲ ﻣﺎﺯﺍﻟﺖ ﻣﺎﺗﻌﺮﻓﺖ ﻋﻠﻴﻬﺎ
ﻭﺍﺟﺪ
ﺭﺟﺎﺀ ؛؛ ﺍﻫﺎ ﻣﻮﺍﻟﻴﺪ ﻛﻢ ﺍﻧﺖ
ﺳﺮﺍﺝ ؛؛ ﻣﻮﺍﻟﻴﺪ 79
ﺭﺟﺎﺀ ؛ ﺍﻟﻌﻤﺮ ﻛﻠﻪ ﺍﻥ ﺷﺎﺀﺍﻟﻠﻪ
ﺳﺮﺍﺝ ؛؛ ﻭﺍﻧﺘﻲ 92 ﺻﺢ
ﺭﺟﺎﺀ ؛؛ ﺍﻫﺎ ﺻﺢ
ﺳﺮﺍﺝ ؛؛ ﻋﺎﺭﻓﻪ ﻳﺎﺭﺟﺎﺀ ﺍﻧﺎ ﺍﻛﺘﺮ ﻭﺣﺪﻩ ﺟﺎﻧﻲ ﻓﻀﻮﻻ ﺍﻧﺘﻌﺮﻑ ﻋﻠﻴﻬﺎ ﻫﻲ ﺍﻧﺘﻲ ﻻﻧﻚ ﻳﻮ ﻡ ﺧﺸﺖ
ﺍﻣﻚ
ﻟﻤﺴﺘﺸﻔﻲ ﺷﻔﺘﻚ ﻟﻤﺎ ﻛﻨﺘﻲ ﺗﺒﻜﻲ ﻭﺍﻟﻜﻼﻡ ﺍﻟﻮﺍﻋﺮ ﺍﻟﻠﻲ ﻗﻠﺘﻴﻪ ﻭﻟﻤﺎ ﺷﻔﺖ ﺍﺧﺘﻚ ﻻﺧﺮ ﺍﻳﻪ
ﺍﺳﺘﻐﺮﺑﺖ ﻛﻴﻒ ﺷﻜﻠﻬﺎ ﺍﺻﻐﻴﺮﻩ ﻭﺷﺎﻳﻠﻪ ﻫﻢ ﺍﺧﺘﻚ ﻫﻲ ﺻﺢ ﻻﺑﺴﻪ ﺧﻤﺎﺭ ﺑﺲ ﺻﻮﺗﻬﺎ ﻭﺷﻜﻠﻬﺎ
ﺍﻳﺒﻴﻦ ﺍﻧﻬﺎ ﺍﺻﻐﻴﺮ ﻭﻣﺮﻩ ﺧﺸﻴﺖ ﻋﻠﻴﻜﻦ ﻓﻲ ﺍﻟﻐﺮﻓﻪ ﻭﻛﺎﻧﺖ ﺷﺎﻳﻠﻪ ﺍﻟﺨﻤﺎﺭ ﺷﻔﺖ ﻗﺪﻳﺶ ﺍﻧﻬﺎ ﺣﻠﻮ
ﻭﺍﺻﻐﻴﺮﻩ ﻭﻻﺑﺴﻪ ﺧﻤﺎﺭ ﻭﻣﺶ ﻣﺘﺰﻭﺟﻪ ﻭﻻ ﻣﺨﻄﻮﺑﻪ ﺍﺳﺘﻐﺮﺑﺖ ﻭﻟﻤﺎ ﺗﻤﻴﺖ ﺍﻧﺸﻮﻑ ﻻﺣﻈﺖ ﺍﻥ
ﻓﻲ ﻭﺣﺪﻩ ﺗﺎﻧﻴﻪ ﻣﺮﻩ ﻣﺮﻩ ﺍﺗﺠﻲ ﻭﺣﺘﻲ ﻻﺑﺴﻪ ﺧﻤﺎﺭ ﻭﺣﺴﺐ ﻣﺎ ﻓﻬﻤﺖ ﺍﻧﻬﺎ ﺍﺧﺘﻜﻦ ﺍﺳﺘﻐﺮﺏ
ﻋﺎﺋﻠﺘﻜﻢ ﻭﻓﻲ ﻧﻔﺲ ﺍﻟﻮﻗﺖ ﺧﺸﻴﺘﻮ ﻓﻲ ﺧﺎﻃﺮﻱ ﺑﺪﺭﺟﺔ ﺍﻟﻘﻴﺖ ﺭﻭﺣﻲ ﻣﻬﺘﻢ ﺑﺎﻣﻚ ﻭﺑﻴﻚ ﺍﻧﺘﻲ
ﺍﻛﺘﺮ
ﻭﻣﻌﻬﺎ ﻏﻤﺰﻩ *_^
ﺭﺣﺎﺀ ؛ ﻳﻌﻨﻲ ﺍﻧﺖ ﻗﻌﺪﺗﻚ ﺗﻮ ﻣﻌﻲ ﻗﻌﺪﺕ ﻓﻀﻮﻻ ﻭﺷﻔﻘﻪ
ﺳﺮﺍﺝ ؛؛ ﻻ ﻣﺎﺗﻘﻮﻟﻴﺶ ﺷﻔﻘﻪ ﺍﻧﺎ ﻗﺎﻟﺖ ﺍﻧﻲ ﺗﺮﻳﺤﺘﻠﻜﻢ ﻭﺗﺮﻳﺤﺘﻠﻚ ﺍﻧﺘﻲ ﺑﺬﺍﺕ ﻭﺣﺴﻴﺖ ﺭﻭﺣﻲ
ﻧﺒﻲ ﺍﻧﺘﻌﺮﻑ ﻋﻠﻴﻜﻢ ﺍﻛﺘﺮ
ﺭﺟﺎﺀ ؛ ﺍﻫﺎ ﺑﻪ ﻣﻤﻜﻦ ﺍﻧﺼﺒﻲ ﻋﻦ ﺍﺫﻧﻚ
ﻭﺻﺒﺖ ﺭﺟﺎﺀ ﻭﻣﺴﻚ ﺳﺮﺍﺝ ﻳﺪﻫﺎ
ﺳﺮﺍﺝ ؛ ﺭﺟﺎﺀ ﻗﻌﻤﺰﻱ ﻫﻨﺎ ﻣﺎﺗﺤﺮﻳﻜﺶ
ﺭﺣﺎﺀ ؛؛ ﺍﻧﺼﺪﻣﺖ ﻣﻦ ﻣﺴﻜﺔ ﻳﺪ ﺳﺮﺍﺝ ﻭﺣﻮﻟﺖ ﻳﺪﻫﺎ
ﻧﻌﻢ ﺷﻦ ﺗﺒﻲ
ﺳﺮﺍﺝ ؛؛ ﺭﺟﺎﺀ ﻣﺎﺗﺰﻋﻠﻴﺶ ﻣﻨﻲ ﻋﻠﺸﺎﻥ ﻛﻨﺖ ﻣﻌﺎﻙ ﺻﺮﻳﺢ ﺍﻧﺎ ﻗﺎﻟﺖ ﺍﻧﺘﻮ ﻻﻓﺘﻮ ﺍﻧﺘﺒﺎﻫﻲ ﻭﺍﻧﻲ
ﺑﺬﺍﺕ ﻭﺍﻟﻠﻪ ﺍﻟﻠﻲ ﺻﺎﺭﻟﻲ ﺍﻋﺠﺎﺏ ﻣﺶ ﺷﻔﻘﻪ ﻛﻴﻒ ﻣﺎﺍﻧﺘﻲ ﻓﻬﻤﺘﻲ ﺧﻼﺹ ﻗﻌﻤﺰﻱ ﻳﺎ ﺭﺟﺎﺀ
ﺭﺟﺎﺀ ؛ ﻗﻌﻤﺰﺕ ﻭﻫﻲ ﺳﺎﻛﺘﻪ
ﺳﺮﺍﺝ ؛؛ ﺍﺷﻮﻳﻪ ﻭﺍﻧﺠﻴﻚ
ﻭﺻﺒﺎ ﺳﺮﺍﺝ ﻭ ﺭﺟﺎﺀ ﻛﺎﻧﺖ ﺭﺍﻗﻴﻠﻬﺎ ﺧﺎﻓﺖ ﺍﻥ ﺳﺮﺍﺝ ﺯﻋﻞ ﻣﻨﻬﺎ ﻭﻟﻤﺎ ﻃﻮﻝ ﻣﺎ ﺟﺎ ﻣﺸﺖ ﻭﺷﺎﻓﺖ
ﻏﺮﻓﺘﻪ ﻭﻟﻘﺎﺗﻪ ﺍﻳﺪﺧﻦ ﻭﺷﻜﻠﻪ ﺭﺍﻗﻴﻠﻪ ﺑﻜﻞ
ﺣﺴﺖ ﺑﺠﻮ ﺷﻴﻦ ﻭﺩﻗﺖ ﻋﻠﻴﻪ
ﺳﺮﺍﺝ ﺭﻓﻊ ﻭﺟﻪ ﻭﺷﺎﻑ ﺭﺟﺎﺀ ﻋﻨﺪ ﺍﻟﺒﺎﺏ ﻭﻧﺰﻝ ﺭﺍﺳﻪ
ﻭﻟﻤﺎ ﺷﺎﻓﺖ ﺭﺟﺎﺀ ﺍﻥ ﺳﺮﺍﺝ ﺑﺤﺖ ﻓﻴﻬﺎ ﻭﺍﺳﺘﻜﺮﺩﻫﺎ ﻭﺭﻗﻴﺘﻠﻬﺎ ﺍﻛﺘﺮ ﻭﺍﻃﻠﻌﺖ
ﻭﻣﺸﺖ ﻗﻌﻤﺰﺕ ﻭﻗﻌﺪﺕ ﺗﺒﻜﻲ ﻭﺟﻌﺘﻬﺎ ﻻﻥ ﺍﻃﻠﻌﻮ ﻓﻲ ﻧﺎﺱ ﻳﺸﻔﻘﻮ ﻋﻠﻴﻨﺎ ﻭﻗﻌﺪﺕ ﺗﺒﻜﻲ ﻭﻣﻨﻬﺎﺭﻩ
ﻭﺗﺮﻋﺶ
ﻭﺳﺮﺍﺝ ﻛﺎﻥ ﺍﻳﺮﺍﻗﺐ ﻓﻴﻬﺎ ﻣﻦ ﺑﻌﻴﺪ ﻭﻟﻤﺎ ﺷﺎﻓﻬﺎ ﺗﺒﻜﻲ ﺭﺍﻗﻴﺘﻠﻪ ﻭﻣﺸﻠﻬﺎ
ﺳﺮﺍﺝ ؛؛ ﺭﺟﺎﺀ ﻋﻠﻴﺶ ﺗﺒﻜﻲ ﺗﻮ
ﺭﺟﺎﺀ ؛؛ ﺍﺭﺗﺒﻜﺖ ﻭﻣﺴﺤﺖ ﺍﻋﻴﻮﻧﻬﺎ ﺍﺑﺴﺮﻋﻪ
ﻻﻻ ﻣﺎﻧﺒﻜﻴﺶ
ﺳﺮﺍﺝ ؛؛ ﻛﻨﻚ ﺍﺗﻜﺎﺑﺮﻱ ﺍﻧﺘﻲ ﺍﺣﻜﻲ ﻋﻠﻴﺶ ﺗﺒﻜﻲ ﻟﻴﺶ ﺍﻧﺎ ﺍﻧﺴﺎﻥ ﻣﻌﺠﺐ ﺑﻴﻚ ﻭﺟﻴﺖ ﺣﻜﻴﺖ
ﻣﻌﺎﻙ ﻭﻓﻲ ﺍﻟﻨﻬﺎﻳﻪ ﺍﺗﻘﻮﻟﻲ ﺍﻥ ﺗﺸﻘﻒ ﻋﻠﻴﺎ ﻟﻴﺶ ﻫﻜﻲ
ﺭﺟﺎﺀ ؛ ﺍﻧﺼﺪﻣﺖ ﻣﻦ ﻛﻼﻡ ﺳﺮﺍﺝ ﻻﻥ ﻫﻲ ﺍﺑﺮﻭﺣﻬﺎ ﺷﺎﺩﻩ ﺳﺮﺍﺝ ﺷﻮﺭﻩ
ﺳﺮﺍﺝ ؛؛ ﺧﻼﺹ ﺍﺑﻜﺎﺀ ﺧﻼﺹ ﻧﺎ ﻣﺎﺍﻧﺤﺒﺶ ﺍﺑﻜﺎﺀ ﺍﻧﺎ
ﺭﺟﺎﺀ ؛؛ ﺍﺳﻔﻪ ﺍﺯﻋﺠﺘﻚ
ﺳﺮﺍﺝ ؛؛ ﺣﻜﻲ ﻣﻌﻬﺎ ﻭﻛﺎﻥ ﺻﻮﺗﻪ ﺣﻨﻮﻥ
ﺭﺟﺎﺀ ﺧﻼﺹ ﻛﻨﻚ ﺍﻧﺘﻲ
ﻭﻗﻌﻤﺰ ﺟﻨﺒﻬﺎ
ﻭﻗﻌﺪﻭ ﺍﻳﻬﺪﺭﺯﻭ ﻃﻮﻝ ﺍﻟﻠﻴﻞ ﻭﺗﻌﺮﻓﻮ ﻋﻠﻲ ﺑﻌﻀﻬﻢ ﺍﻛﺘﺮ
ﺣﻜﺖ ﺭﺟﺎﺀ ﺍﻟﻠﻲ ﻓﻲ ﺑﺎﻟﻬﺎ ﻭﻓﻲ ﻗﻠﺒﻬﺎ ﻛﻠﻪ ﻭﺑﺪﻭﻥ ﻣﺎﺍﺗﺤﺲ ﺑﺮﻭﺣﻪ ﻟﻘﺖ ﺭﻭﺣﻬﺎ ﻣﺘﻌﻠﻘﻪ ﺑﻪ
ﻭﻣﺘﺮﻳﺤﺘﻠﻪ ﻭﺗﺤﻜﻴﻠﻪ
ﻭﺳﺮﺍﺝ ﻛﺬﻟﻚ ﺗﺮﻳﺢ ﻟﺮﺟﺎﺀ ﻻﻥ ﻛﺎﻧﺖ ﻋﻔﻮﻳﻪ ﻭﺻﺎﺭﻳﺤﻪ ﻭﻣﺶ ﻣﺰﻳﻔﻪ ﻭﻛﺎﻧﺖ ﺣﻠﻮﻩ ﺳﻮﺍﺀ ﻓﻲ
ﺩﻣﻌﺘﻬﺎ ﺍﻭ ﻓﻲ ﺿﺤﻜﺘﻬﺎ
ﺳﺮﺍﺝ ؛؛ ﺭﺟﺎﺀ ﺗﻮ ﺧﻼﺹ ﻧﺒﻲ ﺍﻧﺮﻭﺡ
ﺭﺟﺎﺀ ؛ ﺑﺎﻫﻲ ﺳﻼﻡ
ﺳﺮﺍﺝ ؛؛ ﺷﻦ ﺳﻼﻡ ﻛﻴﻒ ﺍﻧﺘﻲ ﻣﺎﺻﺪﻗﺘﻲ ﻗﺘﻠﻚ ﻧﺒﻲ ﺍﻧﺮﻭﺡ
ﺭﺣﺎﺀ ؛؛ ﻫﻬﻬﻬﻬﻬﻪ ﻫﺎ ﺑﻪ ﺷﻦ ﺗﺒﻲ ﻣﻨﻲ
ﺳﺮﺍﺝ ؛؛ ﺗﻮ ﺍﻃﻠﻌﻲ ﻓﻮﻧﻚ ﻭﺍﺗﺮﻧﻲ ﻋﻠﻴﺎ ﻣﺮﺍﺕ ﻧﺎ ﺍﻟﻠﻲ ﻧﻤﺮﺽ ﻭﺍﻧﺮﻥ ﻋﻠﻴﻚ
ﺭﺟﺎﺀ ؛؛ ﻫﻬﻬﻬﻬﻪ ﺗﻢ ﺑﺎﻫﻲ
ﻭﻃﻠﻌﺖ ﺭﺟﺎﺀ ﻓﻮﻧﻬﺎ ﻭﺟﺎﻳﻪ ﺗﺒﻲ ﺍﺗﺴﺠﻞ ﺭﻗﻤﻪ ﻫﻮ ﻛﺮﻩ ﻣﻨﻬﺎ
ﻭﺭﻥ ﻋﻠﻲ ﺭﻭﺣﻪ ﻭﺳﺠﻞ ﺭﻗﻤﻪ ﺍﻋﻮﻳﺎﻧﺘﻲ ﻭﻋﻄﻬﺎ ﺍﻟﻔﻮﻥ
ﺳﺮﺍﺝ ؛؛ ﻋﺎﺭﻓﻪ ﻧﻠﻘﺎﻙ ﺍﻣﻐﻴﺮﻩ ﺍﻻﺳﻢ ﻧﻬﺎﺭﻙ
ﺭﺟﺎﺀ ؛؛ ﻋﻠﻴﺶ ﺷﻦ ﺳﺠﻠﺘﻪ
ﺳﺮﺍﺝ ؛؛ ﺍﺻﺒﺮﻱ ﺗﻮ ﺗﻌﺮﻓﻲ
ﻃﻠﻊ ﻓﻮﻧﻪ ﺳﺮﺍﺝ ﻭ ﺭﻥ ﻋﻠﻴﻬﺎ ﻭﻃﻠﻊ ﻋﻨﺪ ﺭﺟﺎﺀ
ﺍﻋﻮﻳﻨﺎﺗﻲ
ﻳﺘﺼﻞ ﺑﻴﻚ
_
ﺭﺟﺎﺀ ؛؛ ﻫﻬﻬﻬﻬﻬﻬﻬﻪ ﺍﻋﻮﻳﻨﺎﺗﻲ ﺳﻤﺤﻪ ﻫﺬﻩ ﺍﻋﻮﻳﻨﺎﺗﻲ
ﺳﺮﺍﺝ ؛؛ ﻧﺎ ﻗﺎﻟﺘﻠﻚ ﻧﻠﻘﺎﻙ ﺍﻣﻐﻴﺮﻩ ﺍﻻﺳﻢ ﻧﻬﺎﺭﻙ
ﺭﺟﺎﺀ ؛؛ ﻋﻠﻲ ﺍﺳﺎﺱ ﺍﻧﺖ ﺍﻋﻮﻳﻨﺎﺗﻲ ﻳﻌﻨﻲ
ﺳﺮﺍﺝ ؛؛ ﺍﻋﻮﻳﻨﺎﺗﻚ ﻭﺍﻛﺒﻴﺪﺗﻚ ﻭﺗﻮ ﺍﺗﺸﻮﻓﻲ ﺗﺒﻲ ﺍﻭ ﻻ
ﺭﺟﺎﺀ ؛؛ ﻫﻬﻬﻬﻬﻬﻬﻪ ﺭﺑﻚ ﻳﺴﺘﺮ
ﺳﺮﺍﺝ ؛؛ ﺳﻼﻡ ﺗﻮ ﻭﺑﻴﻨﺘﻨﺎ ﺍﺗﺼﺎﻝ
ﺭﺟﺎﺀ؛؛ ﺳﻼﻡ ﺗﺼﺒﺢ ﻋﻠﻲ ﺧﻴﺮ
ﺳﺮﺍﺝ ؛؛ ﺳﻼﻡ
ﻭﺭﻭﺡ ﺳﺮﺍﺝ ﻟﻠﺤﻮﺷﻪ ﻭﺭﺟﺎﺀ ﻗﻌﻤﺰﺕ ﺑﺲ ﻫﺎﻟﻤﺮﻩ ﻣﺎﺑﻜﺘﺶ ﺍﺿﺤﻜﺖ ﻻﻥ ﻛﺎﻧﺖ ﻓﺮﺣﺎﻧﻪ ﻭﻛﺎﻧﺖ
ﺍﻗﺮﻳﺐ ﺍﻃﻴﺮ ﻣﻦ ﺍﻟﻔﺮﺣﻪ ﻻﻥ ﺍﻭﻝ ﻣﺮﻩ ﺗﺤﻜﻲ ﻣﻊ ﺍﻧﺴﺎﻥ ﻏﺮﻳﺐ ﻫﻜﻲ ﻭﺗﻔﺘﺤﻠﻪ ﻗﻠﺒﻪ ﻫﻲ ﺻﺎﺡ
ﻋﻨﺪﻫﺎ ﻓﻮﻧﻴﻦ ﺑﺲ ﻣﺎﻋﻤﺮﻩ ﺍﻗﻌﺪﺕ ﺻﺮﻳﺤﻪ ﻭﻣﺘﺮﻳﺤﻪ ﻟﺤﺪ ﻛﻴﻒ ﺳﺮﺍﺝ
ﻭﺳﺮﺍﺝ ﺭﻭﺡ ﻭﻓﺮﺣﺎﻥ ﻻﻥ ﺟﺎ ﻓﻲ ﻋﻘﻠﻪ ﺍﻥ ﺍﻟﺒﻨﺖ ﺍﻟﺤﻠﻮﻩ ﺍﻟﻠﻲ ﻋﻠﻲ ﻃﺒﻴﻌﺘﻬﺎ ﻭﻣﺶ ﻣﺰﻳﻔﻪ ﺍﻫﻲ
ﺣﺼﻠﻬﺎ
ﻭﺟﺎﺀ ﺍﻟﺼﺒﺢ ﻭﺍﻭﻋﻴﺖ ﺍﻧﺎ ﺳﺎﻋﻪ 10 ﺍﻟﻘﻴﺖ ﺍﻟﺤﻮﺵ ﻛﻠﻪ ﺭﺍﻗﺪ
ﺧﺸﻴﺖ ﻟﺤﻤﺎﻡ ﺗﻮﺿﻴﺖ ﻭﺻﻠﻴﺖ ﺍﻟﺼﺒﺢ ﻭﻣﺸﻴﺖ ﻟﻤﻄﺒﺦ ﻭﻭﻟﻌﺖ ﻋﻠﻲ ﺍﻟﺸﺎﻫﻲ ﻭﻃﻠﻌﺖ ﻛﻴﺲ
ﻟﺤﻢ ﻣﻦ ﺍﻟﺜﻼﺟﻪ
ﺍﻭﻋﺖ ﺧﺎﻟﺘﻠﻲ ﻓﺎﻃﻤﻪ
ﺧﺎﻟﺘﻲ ﻓﺎﻃﻤﻪ؛ ؛ ﺻﺒﺎﺡ ﺍﻟﺨﻴﺮ
ﻧﺎ ؛؛ ﺻﺒﺎﺡ ﺍﻟﻨﻮﺭ ﻛﻴﻒ ﻣﺎﺷﻔﺘﺶ ﻋﻴﺖ ﻋﻠﻲ ﻭﻳﻨﻬﻢ
ﺧﺎﻟﺘﻲ ﻓﺎﻃﻤﻪ؛؛ ﺍﻣﺲ ﺭﻭﺣﻮ ﻓﻲ ﺍﻟﻠﻴﻞ ﻻﻥ ﻋﻠﻲ ﻗﺎﻝ ﺍﻟﺸﻘﻪ ﺣﺎﻳﺴﻪ ﻭﺗﺒﻲ ﻇﻢ ﻭﻗﺎﻝ ﻧﺒﻴﻬﺎ ﺍﺗﻮﺗﻲ
ﺩﺑﺸﻬﺎ ﻭﺩﺑﺶ ﻋﻠﻲ
ﻧﺎ ؛؛ ﺍﻫﺎ ﺗﻌﺎﻟﻲ ﺧﺎﻟﺘﻲ ﺍﻓﻄﺮﻱ
ﻭﺧﺸﺖ ﻭﻗﻌﻤﺰﺕ ﺧﺎﻟﺘﻲ ﻭﺻﺒﻴﺘﻠﻬﺎ ﺣﻠﻴﺐ ﻭﺷﺎﻫﻲ ﻭﻫﺪﺭﺯﻧﺎ ﺍﺷﻮﻳﻪ
ﻧﺎ ؛؛ ﻋﺎﺭﻓﻪ ﻳﺎﺧﺎﻟﺘﻲ ﻧﺎ ﻣﺶ ﻗﺎﺩﺭﻩ ﺍﻧﺘﺤﻤﻞ ﺍﻥ ﻣﺎﻣﺎ ﺡ ﺗﻤﺸﻲ ﻟﻤﺼﺮ ﻣﻊ ﺣﺪ ﻏﻴﺮﻱ
ﺧﺎﻟﺘﻲ ﻓﺎﻃﻤﻪ؛؛ ﺍﻟﻠﻪ ﻏﺎﻟﺐ ﻇﺮﻭﻓﻜﻢ ﻣﺎﻳﺴﻤﺤﺶ ﺍﻧﻜﻦ ﺗﻤﺸﻦ
ﻧﺎ ؛؛ ﺭﺑﻚ ﻳﺴﺘﺮ ﺗﻮ ﻧﺮﺟﺎ ﺧﺎﻟﺪ ﻳﻮﻋﻲ ﻭﺡ ﻧﻤﺸﻲ ﻟﻤﺎﻣﺎ ﻟﻤﺴﺘﺸﻔﻲ
ﺧﺎﻟﺘﻲ ﻓﺎﻃﻤﻪ؛ ﺑﻪ ﺧﻠﻴﻨﺎ ﺍﻧﻮﺗﻮ ﺍﻟﻐﺪﺍﺀ
ﻭﺻﺒﻴﺖ ﻧﺎ ﻭﺧﺎﻟﺘﻲ ﻭﺑﺪﻳﻨﺎ ﻓﻲ ﺍﻟﻐﺪﺍﺀ
ﻭﻋﺖ ﺍﻣﻴﺮﻩ ﻭﺑﻌﺪﻫﺎ ﺍﻳﻤﺎﻥ
ﺍﻣﻴﺮﻩ ؛؛ ﺻﺒﺎﺡ ﺍﻟﺨﻴﺮ
ﻧﺎ ﻭﺧﺎﻟﺘﻲ ﻓﺎﻃﻤﻪ؛؛ ﺻﺒﺎﺡ ﺍﻟﻨﻮﺭ
ﺍﻣﻴﺮﻩ ؛؛ ﺍﺗﺼﺪﻗﻦ ﻫﺬﺍ ﺍﻭﻝ ﻳﻮﻡ ﻧﺮﻗﺪ ﺭﻗﺪﻩ ﺳﻤﺤﻪ ﻫﻜﻲ ﻣﻦ ﻣﺮﺿﺖ ﻣﺎﻣﺎ
ﻧﺎ ؛؛ ﺍﻫﺎ ﺍﻟﻘﻴﺖ ﺍﻟﺤﻮﺵ ﺍﻣﺮﺗﺐ ﻗﺎﻟﺖ ﺧﻠﻴﻬﻦ ﺍﻳﺮﻗﺪﻥ
ﺍﻳﻤﺎﻥ ؛؛ ﺻﺒﻮﻟﻲ ﺣﻠﻴﺐ ﺍﺑﺴﺮﻋﻪ ﺍﺑﺴﺮﻋﻪ
ﺍﻣﻴﺮﻩ ؛؛ ﻫﻬﻬﻬﻬﻪ ﺩﻳﻤﻪ ﻻﻫﻴﺘﻚ ﺑﻄﻨﻚ
ﺍﻳﻤﺎﻥ ؛؛ ﻻ ﻳﺎﺣﻨﺎﺗﻲ ﻋﻨﺪﻱ ﺍﻗﺮﺍﻳﻪ ﻧﺒﻲ ﻧﻘﺮﺍﻫﺎ ﻗﺒﻞ ﻣﺎﺍﺗﺠﻲ ﺍﻟﻌﺸﻴﻪ ﻭﺍﻟﺤﻮﺵ ﺍﻳﺘﻌﺐ
ﺧﺎﻟﺘﻲ ﻓﺎﻃﻤﻪ؛؛ ﺑﻨﺎﺕ ﺧﺎﻟﺪ ﻭﻋﻲ
ﺍﻣﻴﺮﻩ ؛؛ ﺗﻮ ﺍﻧﻌﺪﻱ ﺍﻧﻮﻋﻴﻪ ﺍﻧﺎ ﺧﻼﺹ ﺍﻟﻈﻬﺮ ﻭﻗﺖ ﻋﻠﻴﻪ
ﻧﺎ ؛؛ ﻗﺒﻞ ﻧﺒﻲ ﻧﻤﺸﻲ ﺑﺪﺭﻱ ﻗﺒﻞ ﺍﻟﻐﺪﺍﺀ ﺑﺲ ﻟﻤﺎ ﺍﻟﻘﻴﺘﻪ ﺭﺍﻗﺪ ﻗﺎﻟﺖ ﺧﻠﻴﻪ ﺣﺮﺍﻡ ﺍﻛﻴﺪﻩ ﺗﻌﺒﺎﻥ
ﺍﻣﻴﺮﻩ؛؛ ﺍﻣﺸﻲ ﺑﻌﺪ ﺍﻟﻐﺪﺍﺀ ﺗﻐﺪﻱ ﻭﺗﺮﻳﺤﺐ ﺍﺷﻮﻳﻪ ﻭﺍﻣﺸﻲ ﻭﻟﻤﺎ ﺍﺗﺠﻲ ﺭﺟﺎﺀ ﺗﻮ ﺗﺮﻗﺪ ﺧﻼﺹ ﻋﺎﺩ
ﻣﺶ ﻛﻠﻬﺎ ﻋﻠﻴﻚ ﺗﺮﻳﺤﻲ ﺣﺘﻲ ﺍﻧﺘﻲ ﺭﺍﻩ ﺭﺍﻳﺤﻪ ﺻﻔﺮﻩ ﻭﻧﺎﻗﺼﻪ ﺑﻜﻞ
ﻧﺎ ؛؛ ﺑﻪ ﺍﺻﻼ ﻫﺬﺍ ﺍﻟﻠﻲ ﺍﻳﺼﻴﺮ ﻻﻥ ﺧﺎﻟﺪ ﻣﺎﺣﺘﻲ ﺷﺎﻟﻨﻲ ﻗﺒﻞ ﺍﻟﺼﻼﻩ
ﺍﻣﻴﺮﻩ ؛؛ ﺧﻄﺮﺗﻲ ﻋﻠﻴﺎ ﺍﻧﻌﺪﻱ ﺍﻧﻮﻋﻴﻪ
ﻭﻋﺪﺕ ﺍﻣﻴﺮﻩ ﻭﻋﺖ ﺧﺎﻟﺪ ﻭﺍﻳﻤﺎﻥ ﺧﺬﺕ ﻛﺒﺎﻳﺔ ﺣﻠﻴﺐ ﻭﺧﺸﺖ ﻟﺪﺍﺭﻫﺎ ﺑﻴﺶ ﺗﻘﺮﺍﺀ ﻭﻧﺎ ﻭﺧﺎﻟﺘﻲ
ﻓﺎﻃﻤﻪ ﻗﻌﺪﻧﺎ ﺍﻧﻬﺪﺭﺯﻭ ﻭﺣﺎﻃﻴﻦ ﺍﻟﻐﺪﺍﺀ ﻋﻠﻲ ﺍﻟﻨﺎﺭ
ﻭﻣﺸﻲ ﺧﺎﻟﺪ ﻟﺼﻼﻩ ﻭﺟﺎ ﻭﺟﺎ ﻣﻌﻪ ﺧﺎﻟﻲ ﻋﻴﺴﻲ ﻭﺣﻄﻴﻦ ﺍﻟﻐﺪﺍﺀ ﻭﺗﻐﺪﻳﻨﺎ ﻭﺻﺒﻴﻨﺎ ﻭﻟﻤﻴﻨﺎ ﺍﻟﺤﻮﺳﻪ
ﺧﺎﻟﺪ ؛؛ ﺍﻳﻪ ﺧﻼﺹ ﻭﺗﻲ ﺭﻭﺣﻚ ﺑﺪﺍﻝ ﻣﺎ ﺳﺨﻨﺖ ﺍﻟﺴﻴﺎﺭﻩ
ﻧﺎ ؛؛ ﺑﺎﻫﻲ ﺍﻧﻲ ﺟﺎﻳﻪ
ﻭﻣﺸﻴﺖ ﻭﺗﻴﺖ ﺭﻭﺣﻲ ﻭﻣﺸﻴﺖ ﻟﻤﺴﺘﺸﻔﻲ ﻭﺍﻟﻘﻴﺖ ﺭﺟﺎﺀ ﺍﻗﺮﻳﺐ ﺍﻃﻴﺢ ﻋﻠﻲ ﻭﺟﻬﺎ
ﺭﺟﺎﺀ ؛؛ ﺗﻐﺪﻳﺘﻮ
ﻧﺎ ؛؛ ﺍﻫﺎ ﺗﻐﺪﻳﻨﺎ
ﺭﺟﺎﺀ ؛؛ ﺑﻪ ﺧﻼﺹ ﺗﺒﻲ ﺣﺎﺟﻪ
ﻧﺎ ؛؛ ﻻﻻ ﺳﻼﻣﺘﻚ ﻟﻤﺎ ﺍﺗﺮﻭﺣﻲ ﺍﺭﻗﺪﻱ ﻭﺻﺒﻲ ﺍﻗﺮﻱ ﺭﺍﻛﻲ ﻫﺎﻣﻠﻪ ﺍﻟﻘﺮﺍﻳﻪ ﺑﻜﻞ ﺍﻓﻄﻨﻲ ﻟﺮﻭﺣﻚ
ﺭﺣﺎﺀ ؛؛ ﺑﺎﻫﻲ ﺳﻼﻡ
ﻭﺭﻭﺣﺖ ﺭﺟﺎﺀ ﻣﻊ ﺧﺎﻟﺪ ﻭﻧﺎ ﻗﻌﺪﺕ ﻣﻊ ﻣﺎﻣﺎ
ﻭﺍﻟﺤﻤﺪﺍﻟﻠﻪ ﻣﺎﻣﺎ ﺍﻗﻌﺪﺕ ﺍﻛﻮﻳﺴﻪ ﺑﺲ ﺣﺎﻃﻴﻨﻬﺎ ﻓﻲ ﺍﻟﻌﻨﺎﻳﻪ ﻋﻠﺸﺎﻥ ﺍﻻﺟﻬﺰﻩ
ﺭﺟﺎﺀ ؛؛ ﺧﻴﺮ
ﺍﻣﻴﺮﻩ ؛؛ ﺍﻫﻼ ﺍﻫﻼ
ﺭﺟﺎﺀ ؛؛ ﺍﻣﻴﺮﻩ ﻭﺭﺍﺱ ﺍﻣﻴﺮﻩ ﻭﺗﻴﻠﻲ ﺍﻟﻐﺪﺍﺀ ﺑﺪﺍﻝ ﻣﺎﺍﺩﻭﺷﺖ ﻋﻠﻲ ﺍﻟﺴﺮﻳﻌﻪ
ﺍﻣﻴﺮﻩ ؛؛ ﺑﺎﻫﻲ ﺧﺸﻲ ﻟﺤﻤﺎﻡ ﻭﺗﻮ ﺍﻧﺴﺨﻠﻚ
ﻭﺧﺸﺖ ﺭﺟﺎﺀ ﻟﺤﻤﺎﻡ ﻭﺍﻃﻠﻌﺖ ﻭﻟﻘﺖ ﺍﻣﻴﺮﻩ ﺣﺎﻃﻪ ﻏﺪﺍﻫﺎ ﻭﺗﻐﺪﺕ ﻭﺧﺸﺖ ﻟﺪﺍﺭ ﻭﻟﻘﺖ ﺍﻳﻤﺎﻥ
ﺗﻘﺮﺍﺀ
ﺭﺟﺎﺀ ؛؛ ﺍﻳﻤﺎﻥ ﺍﻃﻠﻌﻲ ﺍﻗﺮﻱ ﺑﺮﻩ
ﺍﻳﻤﺎﻥ ؛؛ ﻭﺍﻟﻠﻪ ﻓﻲ ﻋﻴﻨﻚ ﻧﺒﻲ ﻧﻘﺮﺍﺀ ﻫﻨﺎ ﻣﺎﻋﻨﺪﻱ ﻭﻳﻦ ﻧﻘﺮﺍ ﺑﺮﻩ
ﺭﺟﺎﺀ ؛ ﺍﻳﻤﺎﻥ ﻳﺎ ﺛﻘﻴﻠﻪ ﺣﺴﻲ ﺑﻴﺎ ﻣﺶ ﺭﺍﻗﺪ ﺍﻟﻠﻴﻞ ﻛﻠﻪ ﻛﻨﻚ ﺍﻧﺘﻲ
ﺍﻳﻤﺎﻥ ؛؛ ﺍﺭﻗﺪﻱ ﻣﻦ ﻣﺎﺳﻜﻚ
ﺭﺟﺎﺀ ؛؛ ﻭﺍﻟﻀﻲﺀ ﺍﻟﻠﻲ ﻓﻮﻕ ﺭﺍﺳﻲ
ﺍﻳﻤﺎﻥ ؛؛ ﺣﻄﻲ ﺍﻟﺒﻄﻨﻴﻪ ﻋﻠﻲ ﻭﺟﻚ ﻣﺶ ﺡ ﺍﺗﺸﻮﻓﻲ ﺍﻟﻀﻲﺀ
ﺭﺣﺎﺀ ؛؛ ﺑﺼﻮﺕ ﻋﺎﻟﻲ
ﺍﺍﺍﺍﺍﺍﺍﺍﻳﻤﺎﻥ ﻛﺬﺍ ﺍﻃﻠﻌﻲ ﻣﺎﻋﻨﺪﻱ ﺭﺍﺱ ﻟﻜﻲ ﻫﻴﺎ ﺧﻔﻲ ﺭﻭﺣﻚ
ﺍﻳﻤﺎﻥ ؛؛ ﺍﺯﻱ ﺳﺎﻣﻄﻪ ﻫﺬﻩ
ﻭﺧﺬﺕ ﺍﻛﺘﺒﺎﺗﻬﺎ ﻭﺍﻃﻠﻌﺖ ﻣﻦ ﺍﻟﺪﺍﺭ
ﻭﺭﺟﺎﺀ ﺣﻄﺖ ﺭﺍﺳﻬﺎ ﻭﺍﺭﻗﺪﺕ
ﻭﺍﻳﻤﺎﻥ ﺧﺸﺖ ﻟﺪﺍﺭ ﺍﻟﻀﻴﻮﻑ ﻭﺑﺪﺕ ﺗﻘﺮﺍﺀ ﺍﺧﺮ
ﻭﺑﻌﺪ ﺳﺎﻋﺘﻴﻦ ﺭﻥ ﻓﻮﻥ ﺭﺟﺎﺀ ﺗﺤﺖ ﺍﻟﻤﺨﺪﻩ ﻭﻛﺎﻥ ﻋﻠﻲ ﺍﻟﻬﺰﺍﺯ
ﺭﺟﺎﺀ ﻣﻦ ﺍﻟﺘﻌﺐ ﻣﺎﺭﺩﺗﺶ ﺍﻻ ﻋﻠﻲ ﺍﻟﻤﻜﺎﻟﻤﻪ ﺍﻟﺨﺎﻣﺴﻪ ﻻﻧﻬﺎ ﻣﺎﻓﻄﻨﺘﺶ ﺍﻻ ﺍﻟﻤﻜﺎﻟﻤﻪ ﺧﺎﻣﺴﻪ
ﻭﺍﻓﺘﺤﺖ ﺍﻟﻔﻮﻥ ﻭﺣﻄﺎﺗﻪ ﺗﺤﺖ ﻭﺫﻧﻬﺎ ﺑﺪﻭﻥ ﻣﺎ ﺍﺗﺤﺲ ﺑﺮﻭﺣﻬﺎ ﻭﻻ ﺣﺘﻲ ﻗﺮﺕ ﺍﻻﺳﻢ
ﺭﺟﺎﺀ ؛؛ ﺑﺼﻮﺕ ﺣﻨﻮﻥ ﻭﺭﺍﻗﻲ ﻭﺩﻟﻮﻉ ﻭﺭﺍﻗﺪﻩ
ﺍﻟﻮﻭﻭﻭﻭﻭﻭﻭﻭﻭﻭ
ﺳﺮﺍﺝ ؛؛ ﺧﻤﻮﺟﻲ ﺭﺍﻗﺪﻩ
ﺭﺟﺎﺀ ؛؛ ﺑﺪﻭﻥ ﻣﺎﺗﺤﺲ ﺑﺮﻭﺣﻬﺎ
ﺍﻫﺎ ﺭﺍﻗﺪﻩ ﺣﺒﻴﺒﻲ
ﺳﺮﺍﺝ ؛؛ ﺍﻭﻭﻭﻭﻭ ﺣﺒﻴﺒﻲ ﻣﺎﺣﻼﻙ ﻭﺍﻧﺘﻲ ﺭﺍﻗﺪﻩ ﻣﻌﻨﺎﻫﺎ ﻳﺎﺭﻳﺘﻨﻲ ﺷﺎﻳﻔﻚ ﻭﺍﻧﺘﻲ ﺭﺍﻗﺪﻩ
ﺭﺟﺎﺀ ؛؛ ﻭﺍﻟﻠﻪ ﺗﻌﺒﺎﻧﻪ ﺗﻌﺒﺎﻧﻪ ﻫﺬﻩ ﺗﺮﻭﻳﺤﺘﻲ ﻣﻦ ﺍﻟﻤﺴﺘﺸﻔﻲ
ﺳﺮﺍﺝ ؛؛ ﺍﺭﺟﻴﻮﻩ ﺍﺭﺟﻴﻮﻩ
ﺭﺟﺎﺀ ؛؛ ﻫﺎ ﺣﺒﻴﺒﻲ ﻧﻌﻢ
ﺳﺮﺍﺝ ؛؛ ﺍﺭﺟﻴﻮﻩ ﺭﺍﻩ ﻭﺍﺟﺪ ﻋﻠﻴﺎ ﻧﺴﻤﻊ ﺻﻮﺗﻚ ﻭﻫﻮ ﻫﻜﻲ ﺣﻨﻮﻥ ﻭﺩﺍﻓﻲ ﻭﺍﺗﻘﻮﻳﻠﻲ ﺁﺧﺮ ﺣﺒﻴﺒﻲ
ﻭﺍﺟﺪ ﺭﺍﻩ ﺍﺭﺣﻴﻮﻩ ﺍﻧﺘﻲ ﻓﺎﻃﻨﻪ ﻟﺮﻭﺣﻚ ﻭﻻ ﺷﻨﻮ
ﺭﺟﺎﺀ ؛؛ ﺍﻫﺎ ﺳﺮﺍﺝ ﻓﺎﻃﻨﻪ ﺷﻦ ﺍﺗﺤﻖ ﻓﻴﺎ ﺳﻜﺮﺍﻧﻪ ﻭﻻﻩ ﺷﻨﻮ
ﻃﺒﻌﺎ ﺭﺟﺎﺀ ﺗﺤﻜﻲ ﻭﻣﺶ ﻓﺎﻃﻨﻪ ﻟﺮﻭﺣﻬﺎ ﺑﻜﻞ
ﺳﺮﺍﺝ ؛؛ ﻫﻬﻬﻬﻬﻬﻪ ﻻ ﻋﺎﺭﻓﻚ ﻣﺎﻋﻨﺪﻛﺶ ﻓﻴﻪ ﺍﻟﺴﻜﻴﺮ ﺧﻼﺹ ﻣﻌﻨﺎﺗﻬﺎ ﻣﺶ ﺡ ﺍﻧﺴﻜﺮ ﺑﻜﻞ
ﺭﺟﺎﺀ ؛؛ ﻟﻴﺶ
ﺳﺮﺍﺝ ؛؛ ﻻﻧﻚ ﺍﺗﻬﺒﻠﻲ ﻭﺍﻧﺘﻲ ﺭﺍﻗﺪﻩ ﻳﺎﺭﻳﺘﻚ ﺭﺍﻗﺪﻩ ﻓﻲ ﺍﻟﻤﺴﺘﺸﻔﻲ ﺭﺍﻩ ﻛﺎﻥ ﻫﺬﺍ ﺷﻔﺘﻚ
ﺭﺟﺎﺀ ؛؛ ﺣﺒﻴﺒﻲ ﺧﻼﺹ ﺻﻜﺮ ﻧﺒﻲ ﻧﺮﻗﺪ ﺭﺍﻧﻲ ﺗﻌﺒﺎﻧﻪ ﺑﻜﻞ
ﺳﺮﺍﺝ ؛؛ ﺑﺎﻫﻲ ﺑﺲ ﻟﻤﺎ ﺗﻮﻋﻲ ﺭﻧﻲ ﻋﻠﻴﺎ ﺿﺮﻭﺭﻱ
ﺭﺣﺎﺀ ؛؛ ﺗﻢ ﺣﺒﻴﺒﻲ ﺳﻼﻡ
ﻭﺻﻜﺮﺕ ﺭﺟﺎﺀ ﻭﺣﻄﺖ ﺍﻟﻔﻮﻥ ﺗﺤﺖ ﺭﺍﺳﻬﺎ
ﻭﺣﻜﺖ ﻣﻊ ﺳﺮﺍﺝ ﺑﺪﻭﻥ ﻣﺎﺍﺗﺤﺲ ﺑﺮﻭﺣﻬﺎ ﻭﺳﺮﺍﺝ ﻗﻌﺪ ﺍﻳﻔﻜﺮ ﻓﻲ ﺭﺟﺎﺀ ﺍﻛﺘﺮ ﻭﻛﻞ ﻣﺎﻟﻪ ﺗﻌﺠﺒﻪ
ﺍﻛﺘﺮ
ﻭﻣﻊ ﺳﺎﻋﻪ 7 ﺍﻭﻋﺖ ﺭﺟﺎﺀ
ﻭﻃﻮﻝ ﻃﻠﻌﺖ ﺍﻟﻔﻮﻥ ﻭﺷﺎﻓﺘﻪ ﻭﻟﻘﺖ ﻣﻜﺎﻟﻤﺎﺕ ﻓﺎﺋﺘﻪ 4 ﻭﻣﻜﺎﻟﻤﻪ ﻣﺴﺘﻠﻤﻪ ﻣﺪﺗﻬﺎ 5 ﺩﻗﺎﺋﻖ ﻭﻟﻘﺖ
ﺭﺳﺎﻟﻪ ﻣﻨﻪ
ﻣﺎﺍﺣﻠﻲ ﺻﻮﺗﻚ ﻭﺍﻧﺘﻲ ﺭﺍﻗﺪﻩ ﻛﻠﻪ ﺣﻨﻮﻥ ﻭﺩﺍﻓﻲ ﻭﻛﻼﻣﺎﺗﻚ ﺍﺟﻤﻞ ﻭﺍﺟﻤﻞ ﻭﺍﻟﻠﻪ ﻳﺎ ﺭﺟﺎﺀ ﺭﺍﻛﻲ
ﺧﺎﺷﻪ ﻟﺨﺎﻃﺮﻱ ﺑﻨﻴﻪ ﺑﻴﻀﻪ
ﺗﻔﺠﺎﺓ ﺭﺟﺎﺀ ﻣﻦ ﺍﻟﺮﺳﺎﻟﻪ ﻭﻗﺮﺗﻬﺎ ﻭﺍﻃﻠﻌﺖ ﻟﻠﺤﻮﺵ ﻭﻟﻘﺘﻪ ﻓﺎﺿﻲ
ﺧﺸﺖ ﻟﺤﻤﺎﻡ ﺗﻮﺿﺖ ﻭﺻﻠﺖ ﻋﺼﺮ ﻋﻠﻲ ﺍﻟﻤﻐﺮﺏ ﻭﻃﻠﻌﺖ ﺍﻛﺘﺒﺎﺗﻬﺎ ﺣﺘﻲ ﻫﻲ ﻭﻗﺮﺕ ﻓﻮﻕ ﻣﻦ
ﺳﺎﻋﺘﻴﻦ ﻭﺑﻌﺪﻳﻦ ﺟﺎ ﻭﻗﺖ ﺍﻟﻌﺸﺎﺀ ﻭﺗﻌﺸﻮ ﻭﻫﺪﺭﺯﻥ ﺍﺷﻮﻳﻊ ﻭﺑﻌﺪﻫﺎ ﻛﻞ ﻭﺣﺪﻩ ﻓﻴﻬﻦ ﺧﺸﺖ
ﻟﺴﺮﻳﺮﻫﺎ ﺗﺒﻲ ﺗﺮﻗﺪ ﺭﻥ ﻓﻮﻥ ﺭﺟﺎﺀ
ﺭﺟﺎﺀ ﺧﺎﻓﺖ ﺍﺗﺮﺩ ﻻﻥ ﻣﻌﺶ ﺍﻋﺮﻓﺖ ﺭﻭﺣﻬﺎ ﺷﻦ ﺣﻜﺖ ﻣﻌﻪ
ﻭﺑﻌﺪ ﻛﻢ ﻣﻜﺎﻟﻤﻪ ﺭﺩﺕ ﻋﻠﻴﻪ
ﺭﺟﺎﺀ ؛؛ ﺍﻟﻮ
ﺳﺮﺍﺝ ؛ ﻫﻬﻬﻬﻪ ﺷﻜﻠﻚ ﻭﺍﻋﻴﻪ ﻳﺎﺭﻳﺘﻚ ﺭﺍﻗﺪﻩ
ﺭﺣﺎﺀ ؛؛ ﻫﻬﻬﻬﺖ ﻋﻠﻴﺶ
ﺳﺮﺍﺝ ؛؛ ﻻﻥ ﺻﻮﺗﻚ ﺣﻠﻮﻩ ﻭﺍﻧﺘﻲ ﺭﺍﻗﺪﻩ ﻭﺍﻣﺒﺪﺭﻱ ﻣﺎﻗﺎﻟﺘﻴﺶ ﺍﻟﻮ ﻫﻜﻲ ﻭﺧﻼﺹ
ﻗﺎﻟﺘﻲ ﺍﻟﻮ ﺣﺒﻴﺒﻲ ﻭﻛﺎﻥ ﺻﻮﺗﻚ ﺍﻳﻬﺒﻞ
ﺭﺟﺎﺀ ؛؛ ﺍﻧﺼﺪﻣﺖ
ﻣﻦ ﻗﺼﺪﻙ ﻧﺎ
ﺳﺮﺍﺝ؛؛ ﺍﻫﺎ ﺍﻧﺘﻲ
ﺭﺟﺎﺀ ؛؛ ﺍﺳﻔﻪ ﻭﺍﻟﻠﻪ ﻣﺎﻓﺎﻃﻨﻪ ﻟﺮﻭﺣﻲ
ﺳﺮﺍﺝ ؛؛ ﺣﺴﻴﺖ ﺑﻴﻚ ﺍﻧﻚ ﻣﺶ ﻓﺎﻃﻨﻪ ﻻﻥ ﺣﻜﻴﻨﺎ ﻓﻲ ﺩﻭﻩ ﺗﺎﻳﻨﻪ ﻭﺣﻠﻮﻩ
ﺭﺟﺎﺀ ؛؛ ﻫﻴﻴﻴﻴﻴﻴﻴﻴﻴﻴﻴﻴﻲ ﺩﻭﻩ ﺗﺎﻧﻴﻪ ﺷﻦ ﺣﻜﻴﺖ ﻧﺎ ﺍﺧﺮﻱ
ﺳﺮﺍﺝ ؛؛ ﻛﻼﻡ ﻭﺍﺟﺪ ﺣﻜﻴﻨﺎ ﻭﻛﺎﻥ ﺭﻭﻣﺎﻧﺴﻲ ﻭﺣﻠﻮﻩ ﺑﺼﺮﺍﺣﻪ ﺍﻧﻲ ﺣﺒﻴﺘﻚ ﻭﻣﺎﺗﻤﻨﻴﺘﻚ ﺍﺗﺴﻜﺮﻱ
ﺑﻜﻞ
ﺭﺟﺎﺀ ؛؛ ﻫﻴﻴﻴﻴﻴﻴﻴﻲ ﺳﺮﺍﺝ ﺗﺤﻜﻲ ﺟﺪ ﺍﻧﺖ ﺷﻦ ﺣﻜﻴﻨﺎ ﻧﺤﻦ ﻃﻴﺢ ﺳﻌﺪﻙ
ﺳﺮﺍﺝ ؛؛ ﻫﻬﻬﻬﻬﻬﻬﻬﻬﻬﻬﻪ ﺳﻤﺤﻪ ﻫﺬﻩ ﻃﻴﺢ ﺳﻌﺪﻙ
ﺭﺟﺎﺀ ؛؛ ﺳﺮﺍﺝ ﺗﺒﻲ ﺣﺎﺟﻪ ﺧﻼﺹ ﻧﺒﻲ ﺍﻧﺴﻜﺮ
ﺳﺮﺍﺝ ؛ ﺭﺍﻩ ﺧﻴﺮﻟﻚ ﺷﻦ ﺍﺗﺴﻜﺮﻱ ﻛﻨﻚ ﺗﺤﺸﻤﺘﻲ ﻣﻨﻲ
ﺭﺟﺎﺀ ؛؛ ﻗﻮﻟﻲ ﺷﻦ ﺣﻜﻴﻨﺎ ﻗﺒﻞ
ﺳﺮﺍﺝ ؛؛ ﻳﻌﻨﻲ ﺍﻧﺘﻲ ﻣﺴﺮﻩ ﺗﺒﻲ ﺗﻌﺮﻓﻲ ﺷﻦ ﺣﻜﻴﻨﺎ ﻳﻌﻨﻲ
ﺭﺟﺎﺀ ؛ ﺍﻫﺎ ﺗﻮ ﺍﺣﻜﻲ
ﺳﺮﺍﺝ ؛؛ ﺑﻪ ﻣﺎ ﺣﻜﻴﻦ ﺷﻲﺀ ﺍﻣﻐﻴﺮ ﻗﺎﻟﺘﻲ ﻳﺎﺣﺒﻴﺒﻲ ﻧﺎ ﺭﺍﻗﺪﻩ ﻭﺗﻌﺒﺎﻧﻪ ﻭﺧﻼﺹ ﻭﻧﺎ ﻗﺎﻟﺘﻠﻚ ﺍﻧﺘﻲ
ﻋﺎﺭﻓﺘﻴﻨﻲ ﻧﺎ ﻣﻦ ﻗﺎﻟﺘﻲ ﺍﻫﺎ ﺍﻧﺘﻲ ﺣﺒﻴﺒﻲ ﺳﺮﺍﺝ
ﻭﺍﻟﻠﻪ ﻣﺎ ﻧﺤﺴﺎﺑﻚ ﺡ ﺗﺘﺤﺒﻴﻨﻲ ﺑﺴﺮﻋﻪ ﻫﺬﻩ ﺑﺎﻫﻲ ﻭﺍﻟﻠﻪ ﺍﻟﺤﻤﺪﺍﻟﻠﻪ ﻟﺨﺼﺘﻲ ﻋﻠﻴﺎ ﻣﻮﺍﺿﻴﻊ ﻭﺍﺟﺪﻩ
ﺭﺣﺎﺀ ؛؛ ﺗﻌﻘﺪﺕ ﻻﻥ ﺣﻜﺖ ﻓﻲ ﺍﻟﺨﺎﻃﺮﻫﺎ ﺑﺪﻭﻥ ﻣﺎﺗﺤﺲ ﻟﺮﻭﺣﻬﻞ ﻭﻻﻥ ﺍﻭﻝ ﻣﺮﻩ ﺍﺗﺤﺲ ﺍﻧﻬﺎ
ﻗﺎﻳﻠﻪ ﻛﻼﻣﻪ ﻭﺑﺪﻭﻥ ﻣﺎﺗﺤﺴﺒﻠﻪ ﻣﻴﻪ ﺣﺴﺒﻪ ﻻﻥ ﻓﻲ ﻗﻠﺒﻬﺎ ﺻﺢ
ﻭﺳﻜﺮﺕ ﺍﻟﺨﻂ ﻋﻠﻲ ﺳﺮﺍﺝ
ﻭﺗﺤﺸﻤﺖ ﻭﺍﻗﻌﺪﺕ ﺍﺗﻔﻜﺮ ﻭﻗﻌﺪ ﺳﺮﺍﺝ ﺍﻳﺮﻥ ﻋﻠﻴﻬﺎ ﻭﻫﻲ ﻣﺎﺗﺘﺮﺩﺵ ﻭﺑﻌﺪ ﻛﻢ ﻣﻜﺎﻟﻤﻪ ﺭﺩﺕ
ﺭﺟﺎﺀ ؛؛ ﺳﺎﻛﺘﻪ ﻭﻻ ﻛﻠﻤﻪ
ﺳﺮﺍﺝ ؛؛ ﻣﺶ ﻋﻴﺐ ﻋﻠﻴﻚ ﺍﺍﺗﺴﻜﺮﻱ ﻓﻲ ﻭﺟﻲ ﻭﻣﺎ ﺍﺗﺮﺩﻱ ﻋﻠﻴﺎ ﺑﻜﻞ ﻟﻴﺶ ﻫﻜﻲ ﻛﻨﻚ ﻛﺎﻥ
ﻣﺘﺤﺸﻤﻪ ﻓﻲ ﺍﻟﻜﻼﻡ ﺍﻟﻠﻲ ﺻﺎﺭ ﻋﺎﺩﻱ ﺭﺍﻩ ﺍﻧﺘﻲ ﻛﻨﺘﻲ ﺭﺍﻗﺪﻩ ﻭﻧﺤﺴﺐ ﺭﻭﺣﻲ ﻣﺎ ﺳﻤﻌﺘﻪ ﺑﻜﻞ
ﻭﺑﻌﺪﻳﻦ ﻋﺎﺩﻱ ﺭﺍﻩ ﺍﺗﺼﻴﺮ ﻓﻲ ﺍﺭﻕ ﺍﻟﻌﺎﺋﻼﺕ
ﺭﺟﺎﺀ ؛؛ ﺳﺎﺍﺍﺍﺍﺍﺍﻛﺘﻪ
ﺳﺮﺍﺝ ؛؛ ﺗﺒﻲ ﺍﻟﺤﻖ ﻧﻘﺎﻧﻲ ﻣﺎ ﻧﺒﻲ ﺍﻧﺪﻳﺮ ﺭﻭﺣﻲ ﻣﺎﺳﻤﻌﺘﻪ ﻻﻥ ﺍﻟﻜﻼﻡ ﻋﺠﺒﻨﻲ ﻭﻧﺒﻴﻪ ﻻﻥ ﻭﺍﻟﻠﻪ ﻳﺎ
ﺭﺟﺎﺀ ﺣﺒﻴﺘﻚ ﻭﻧﺒﻴﻚ
ﻭﺣﻜﻮ ﻣﻊ ﺑﻌﻀﻬﻢ ﻃﻮﻝ ﺍﻟﻠﻴﻞ
ﻭﺑﻌﺪ ﻛﻢ ﻳﻮﻡ ﻣﺎﻣﺎ ﻋﺪﺕ ﺳﺎﻓﺮﺕ ﻟﻤﺼﺮ ﻫﻲ ﻭﻋﻠﻲ ﻭ ﺯﻭﺟﺘﻪ
ﻭﺣﻴﺎﺓ ﺭﺟﺎﺀ ﺗﻐﻴﺮﺕ ﻣﻦ ﻋﺮﻡ ﻓﻮﻧﺎﺕ ﺍﻟﻲ ﻓﻮﻥ ﻭﺍﺣﺪ ﺑﺲ ﻭﻣﺎﺗﺤﻜﻲ ﻣﻊ ﺣﺪ ﺍﻻ ﻣﻊ ﺳﺮﺍﺝ ﻭﻣﺎ
ﻗﺎﻟﺘﺶ ﺣﺪ ﻋﻠﻴﻪ
ﻭﺍﻣﻴﺮﻩ ﻣﺎﺯﺍﻟﺖ ﻫﻲ ﻫﻲ ﻣﻊ ﻭﻟﻴﺪ
ﻭﻓﻲ ﻳﻮﻡ ﻛﺎﻥ ﻳﻮﻡ ﻋﻤﻠﻴﺔ ﻣﺎﻣﺎ ﻛﺎﻥ ﺍﻟﺤﻮﺵ ﺍﻣﻌﺒﻲ ﻭﻛﺎﻥ ﻛﻠﻪ ﻣﺘﻮﺭﺗﺮ ﻭﺧﺎﻳﻒ ﻭﻛﻠﻨﺎ ﺍﻋﻴﻮﻧﺎ ﻋﻠﻲ
ﻓﻮﻥ ﺧﺎﻟﻲ ﻋﻴﺴﻲ ﻭ ﺧﺎﻟﺪ ﻧﺮﺟﻮ ﻓﻲ ﻓﻮﻧﺎﺗﻬﻢ ﺍﻳﺮﻧﻮ
ﻧﻴﻦ ﺭﻥ ﻓﻮﻥ ﺧﺎﻟﺪ
ﺧﺎﻟﺪ ؛؛ ﻣﺼﺮ ﻣﺼﺮ ﻣﺼﺮ
ﻭﻛﻠﻨﺎ ﺟﻴﻨﺎﻩ ﻧﺠﺎﺭﻭ ﻭ ﺍﻟﺘﻤﻴﻨﺎ ﻋﻠﻴﻪ
ﺧﺎﻟﺪ؛ ؛ ﺗﻲ ﺣﻮﻟﻮ ﻏﺎﺩﻱ ﻋﻄﻮﻧﻲ ﻧﻔﺲ ﺑﻴﺶ ﺍﻧﺮﺩ ﺑﺲ
ﺧﺎﻟﻲ ؛؛ ﺭﺩ ﺍﺑﺴﺮﻋﻪ ﻳﺎ ﺧﺎﻟﺪ
ﺧﺎﻟﺪ؛ ؛ ﺍﻟﻮ ﺍﻳﻮﻩ
ﻋﻠﻲ ؛؛ ﺧﻴﺮ ﻳﺎﺧﺎﻟﺪ
ﺧﺎﻟﺪ ؛؛ ﻫﺎ ﺷﻦ ﺻﺎﺭ ﻋﻨﺪﻛﻢ ﻳﺎ ﻋﻠﻲ ﻭﻛﻨﻪ ﺻﻮﺗﻚ ﻫﻜﻲ ﺍﺣﻜﻲ ﺍﺑﺴﺮﻋﻪ ﻛﻨﻚ
ﻋﻠﻲ ؛؛ ﺧﻮﺍﺗﻚ ﺣﺬﺍﻙ
ﺧﺎﻟﺪ ؛؛ ﺍﻫﺎ ﺍﺣﺬﻱ ﻫﻴﺎ ﺍﺣﻜﻲ ﻛﻨﻚ ﺷﻦ ﺻﺎﺭ ﻓﻲ ﺍﻟﻌﻤﻠﻴﻪ
ﻋﻠﻲ ؛؛ ﻭﻫﻮ ﻳﺒﻜﻲ ..............
ﻳﺘﺒﻊ
