وطبعا بعدها شال لمقبوله لهلها
فتحيه.... والله رايفت علي مقبوله😔 خاطري في عركه معاها
بعد 3 ايام
---------------
أم مقبولة. .... خلاص يابنتي سادك بكاء وقهر 3 أيام وانت متواصله
انا..... باهي شن ندير😭 مش عارفة شن غلطت
أمها..... يعني حتى صدعتيلنا راسنا وانت فاتحة جعورتك ليل نهار
انا..... من القهر 😭
أمها. ... هاكي منديل امسحي خشمك😑
انا.... وووااااااااع😭 اااااااه😭
أمها. .... تي اسكتي كنك😨
انا..... خطرتي عليا محمد كنت نمسح في خنايني فيه😭
أمها. ... طيح سعدك يامقرفه😨 كان غيره الرجل صدق الي طلقك توا عرفت السبب😒
انا...... تعالي ياماما نضبطك ونمسح فيك ع الأقل تهوني عليا شويه😭
أمها. ... امشي داء شن قالولك عليه منديل ولا شنو😒 قرف
انا.... فيش حد متحملني غير محمد😭
أمها. ... به انقولك حاجه بما أن احبالك الصوتيه قويه لك 3 ايام مصدعتيلنا راسنا تمشي معايا لعزا ولد ولد عم ولد خال مبروكه جارتنا تمشي تعطيها عيطتين ياحنه تلقيهن بعدين في عزاك عزا راجلك عزا عمتك عزايا😕 تلقي من يعيط معاك
انا.... زعمك😕
أمها. ... اها ياحنه الناس لبعضها توا 😑 الي اديريه يردوه لك
طبعا عديت معاها وأول ما انخش الخيمه نرفع هذك العبايه ونربط المحرمة في الوسط
انا... وووواك عليا وووه وووه وووه😭 وانتش في شعري وانط ونرقد وانصبي جمباز درتلهم منها رياضه ومنها نلقى الناس😁
طبعا صبت الخيمه كلها معايا نشطت الجو😁
التمن الصبايا وتمن يضبطن ودرنا دواريه وقعدنا انطو ونعيطو ومش عارفه كل مره يطلعن في غناوه بس جو 😂 والله تحسي روحك أيام زمان فتحيه ورده بس طبعا هذا إصدار احدث😂
انا.... ووواك عليا يا غالي ياحنين وووه موعر غيبتك😭 يانا عليا نبو نديرولك فرح نبوك عريس نفرحو بيك
وحده منهن صبت ... اسمعي هذا شايب أين عريس😨 عمره قرن
انا....😨 طبعا استكيت
انا..... وكنه ياحنه الي كيفه توا وقت جيزتهم😒 اه آماله شنو موضت الشياب توا😢 نعليا غالي عليا كبدي نبيك يا
معلش شن اسمه المتوفي
....اسمه عبد القادر
انا.... يانا عليا ياقدوره سحنت كبدي 😭
جتني عزوز.... استهدي بالله يجيبولها اميه
وعمتكم مقبوله طاحت ع أساس داخت والتمو عليا
