وخشو للدار وانا عازقه وذني معاهم😁
عمتي.... محمد رآه حجزت
انا.... 😨
محمد.... شن حجزتي من قالك بنمشي وعليش ماقلتيلي وكيف تحجزي بروحك
عمتي... وكان حجزت
محمد.... كيف ما حجزتي بروحك امشي بروحك
عمتي.... تي كنك عليك الي مسبل انبصر 😒 ماحجزتش بس انت حاتمشي تحجز
محمد.... خليني نفكر في الموضوع
وطلعو وانا كنت قريبه منهم اول ماطلعو معش عرفت شن ندير درت روحي انصلي
عمتي.... به اقتنعنا انك تصلي لكن وين المحرمة ولا نوعيتك تصلي بشعرك😒
انا. ... هييي استغفر الله العظيم من كثر ما أنفكر في الغدا صليت ونسيت نلبس المحرمه
عمتي.... واضح 😒 به هي انا قاعده بنتغدا
انا.... وين بتغدي😨
عمتي... عندكم وين يعني عليك غباء😕
انا.... باهي شن تبي الغدا
عمتي.... علي ذوقك أنت اختاري مش من امبدري تفكري
انا... به😕
وخشيت درت مكرونة بالجو عنديش نيه انطيب كنت عابيه ع الخفيف😡
عمتي..... هذا الي تفكري فيه مكرونه مجلطه😕 عليك بخت بختك ياولدي
محمد.... بحت فيا بنضره ابتاع معقوله هكي
انا.... 😕 كنها المكرونه هك يحبها محمد
عمتي. ... ولدي ونعرفه😒 غير مسكين حصل فيك شينك حصله😒
انا..... خشيت للمطبخ ورقتلي بكل
عمتي بصوت عالي..... تعالي اضربي وخلاص عندك عليش اتخبطي في الماعين😲
انا.... استغفر الله 😡
محمد.... مقبولة احترمي نفسك
انا... شن درت بيش نحترم نفسي😠 اه
محمد.... فنص فيه 😨
انا سكتت عليك هم هالفتحيه جعنك تموتي😒 ونفتك من وجك
عمتي.... بيش توتي روحك بكرا ماشيين لعرس نهال بنت نوره المخمجه😒
انا.... قصدك اجوزت😒
عمتي.... آماله شني 😒 حظوظ الناس لا شكل لا لون لا حتى عقل واجوزت دكتور اتمناه كل البنت
انا..... بكل 😒 حظها سمح نهال
عمتي.... نحكي عليك أنت
انا....😨 شن قصدك يعني
عمتي.... الي فهمتيه😒
انا بحتت في محمد وبنبكي
محمد .... وكنها مقبولة هالشعر السمح وعيون كبار وبيضه شن الي مش عاجبك فيها☺
عمتي.... اااه ياوليدي اسم الله عليك وعلي بختك والله ساحرتك هالبنت
محمد.... يا أمي شن تقولي انت كنك خلي هاليوم يمشي علي خير😕
عمتي.... هذا وجي كان دويت معاك كلمه آخره وانت ما أتحمل في الست الهانم حاجه😒
محمد.... بغير الموضوع بكرا امت بتمشو
انا.... امت ماتطلع عمتي
عمتي.... غير قوليها لروحك ديما معطلتينا 😕
انا.... به😔
رنت سندس علي عمتي
عمتي... خير يابنيتي☺
سندس.... خير يا عميمه كيف حالك اليوم
عمتي.... بعد سمعت صوتك بخير اكيد 😊
سندس. ... انا مش جايه بكرا راه☺
عمتي.... باهي المهم راحتك شن دايره توا تحسي بدوخه ولا حاجه انجي نقعد عندكم بلكي انساعدك في حاجه
سندس .... تو نشوف ونكلمك☺ هي مع السلامه
عمتي.... مع السلامه
شفتو الفرق😒 ماهو بنت البطة السودة انا👊
عمتي.... مشاء الله في عين الحاسود سندس حامل ✋
انا . ... صاح☺ مشاء الله مبروك عليها☺
عمتي... قل أعوذ برب الفلق😒 الله يبارك فيك
محمد.... والله☺ مشاء الله تو نكلم فتحي ونباركله وطلع محمد وسيبنا انا والمرزيه لاسمها فتحيه😒
عمتي..... انتي وحده حاقوده
انا... عليش😒
عمتي.... أول ماقلت سندس حامل شفت الحقد في عيونك😒
انا.... لا والله بالعكس فرحتها لأن لها سنه مجوزه☺ وتوا حملت
عمتي.... اها😕 غير فكينا من السحر
انا .... أين سحر الي تحكي عليه انا انخاف ربي😒
عمتي ..... واضح 😒 وانا نازله توا مش محتملة بصراحه😒
ونزلت وانا ندعي ان شاء الله اطيح من الدروج اتكسرن يديها الي تحكي بيهن😒 ولسانها يتقطع👐 عقاب عزوز جربه😕
وطبعا ثاني يوم نايضه بدري وتيت روحي لبست قفطان اخضر👗☺ مافيشي سيور✋ وكندره حمره 👠 ورافعه شعري و عديت للكوافيره ماغباكن😒خلتني مهرج إلا خمسه✋ حاطه المكياج كله في وجه😕 روحت محمد انفجع من شكلي غسلت وجي بسرعه😒 ومكيجت بروحي مكياج عجينه 😒 ع الأقل خير من المهرج وعديت
وهنا من الضحك لعند معش مسكت روحي ومعش طقيت في الحمام😂😂
#يتبع
